მორიგი ტრაგედია მდინარეში განბანვის დროს - უკრაინაში, წყალმა 39 წლის კაცი წაიღო

უკრაინაში კაცმა მდინარეში განბანვა გადაწყვიტა, თუმცა ამბავი ტრაგიკულად დასრულდა. შემთხვევა 5 თებერვალს დნეპროპეტროვსკის ოლქში, ნიკოპოლსკის რაიონში მოხდა.

39 წლის კაცი ყინულის ჭრილიდან მდინარეში ჩახტა, ის მდინარის დინებამ წაიღო და დაიკარგა. ტრაგიკული მომენტი მისმა მეუღლემ შემთხვევით ტელეფონით გადაიღო. კაცის ცხედარი მეორე დღეს იპოვეს. 

შეგახსენებთ, წყალში განბანვის რიტუალი ტრაგიკულად დამთავრდა რუსეთშიც. 19 იანვარს, ნათლისღების დღესასწაულზე ახალგაზრდა ქალი მდინარეში განსაბანად ყინული ჭრილში ჩახტა და ისიც მდინარის სწრაფმა დინებამ წაიღო.