BBC: უკრაინულმა არმიამ გვიან ღამით, კიევთან ახლოს კონტრშეტევა განახორციელა, განადგურებულია 5 რუსული ტანკი

 უკრაინულმა არმიამ გვიან ღამით, კიევთან ახლოს კონტრშეტევა განახორციელა,- ამის შესახებშინაგან საქმეთა მინისტრის მრჩეველმა, ვადიმ დენისენკომ განაცხადა. ინფორმაციას BBC-ი ავრცელებს. 

გამოცემის ცნობით,  განადგურებულია 5 რუსული ტანკი. 

„კიევთან წუხელ რთული ღამე იყო, მაგრამ ჩვენ გავანადგურეთ 5 ტანკი. დილიდან კიევის დასავლეთით არტილერიული შეტევების ხმები ისმოდა, მიმდინარეობს ბრძოლები“, - განაცხადა დენისენკომ.

რუსეთი უკრაინის ტერიტორიაზე 24 თებერვალს შეიჭრა, რის შემდეგაც პრეზიდენტმა, ვოლოდიმირ ზელენსკიმ უკრაინაში საომარი მდგომარეობა გამოაცხადა.