ანექსირებულ ყირიმში აფეთქებები იყო

უკრაინის თავდაცვის სამინისტროს დაზვერვის მთავარი სამმართველოს ინფორმაციით, დროებით ოკუპირებული ყირიმის ჩრდილოეთში მდებარე ქალაქ ჯანკოიში მომხდარი აფეთქების შედეგად განადგურებულია რუსული ფრთოსანი რაკეტები „კალიბრი“, რომლებიც რკინიგზით გადაჰქონდათ.

უკრაინის სამხედრო დაზვერვის ფეისბუკის ოფიციალურ გვერდზე წუხელ გამოქვეყნებულ განცხადებაში არაფერია ნათქვამი იმის შესახებ, თუ რამ გამოიწვია აფეთქება და რამდენი რაკეტაა განადგურებული.

დაზვერვის მთავარი სამმართველო მომხდარზე პასუხისმგებლობის აღების გარეშე წერს, რომ „იდუმალი“ დარტყმებით გრძელდება რუსეთის დემილიტარიზაციის პროცესი და ყირიმის დეოკუპაციისთვის მზადება.