VIDEO: შოკისმომგვრელი კადრები: 30-ზე მეტი გარდაცვლილი და განადგურებული სახლები პაკისტანში

პაკისტანში ძლიერი წვიმების შედეგად ქვეყნის ფინანსური დედაქალაქი ყარაჩი დაიტბორა. ამის შესახებ Reuters იუწყება. 

სამი საათის განმავლობაში 126 მმ -ის ნალექი მოვიდა, რაც ნორმას ბევრჯერ აღემატება. წყალდიდობამ ქუჩები და მიწისქვეშა გადასასვლელები დატბორა.

სამაშველო ოპერაციაში სამხედროებიც ჩაერთვნენ. ბოლო რამდენიმე დღეში წყალდიდობის შედეგად პაკისტანში 30-ზე მეტი ადამიანი დაიღუპა. სტიქიამ ქვეყანას უდიდესი ფინანსური ზარალი მიაყენა.