ტრამპი: ისრაელი დონალდ ტრამპის გარეშე არ იარსებებდა

აშშ-ის პრეზიდენტმა, დონალდ ტრამპმა განაცხადა, რომ ისრაელი მის გარეშე არ იარსებებდა. ამის შესახებ მან CBS-თან ინტერვიუში განაცხადა.

ტრამპის თქმით, აშშ-მა B-2 ბომბდამშენებით ირანის სამი ობიექტი დაბომბა.

„ისრაელი არ იარსებებდა დონალდ ტრამპის გარეშე, რადგან ერთ წელზე მეტი ხნის წინ ამ მშვენიერი B-2 ბომბდამშენებით შევიჭერით და სამი ობიექტი დავბომბეთ“, – აღნიშნა ტრამპმა.

ურნალისტის კითხვაზე, ნანობს თუ არა ისრაელის დახმარებას ირანის წინააღმდეგ დარტყმებში და შესაძლებელი იყო თუ არა, მხოლოდ კონკრეტულ ბირთვულ ობიექტებზე დაერტყათ, ტრამპმა უპასუხა, რომ ეს მართლაც შესაძლებელი იყო, თუმცა მათ სხვა გზა აირჩიეს და ირანის ბირთვული პროგრამა გაანადგურეს.

„გავაკეთებდი თუ არა ამას, თავიდან რომ ყოფილიყო საჭირო, ჩემი პასუხია – უპირობოდ დიახ, რადგან ირანს ბირთვული იარაღის ქონის უფლებას ვერ მივცემთ“, – აღნიშნა ტრამპმა.

ამასთან, ინტერვიუში აშშ-ის პრეზიდენტმა ემიგრაციის პოლიტიკაც შეაფასა. ჟურნალისტმა ტრამპს ჰკითხა, ხომ არ მიაჩნია, რომ „დეპორტაციის პოლიტიკამ ზღვარს გადააჭარბა“, რაზეც ტრამპმა უპასუხა: „ვფიქრობ, შესაძლოა, ზედმეტად მკაცრი იყო“.