ტრამპი: ბოლო 24 საათის განმავლობაში ირანთან ძალიან კარგი მოლაპარაკებები გვქონდა და შესაძლებელია, შეთანხმებას მივაღწიოთ, დაგვთანხმდნენ, რომ ირანს ბირთვული იარაღი არ ექნება

ბოლო 24 საათის განმავლობაში ძალიან კარგი მოლაპარაკებები გვქონდა და შესაძლებელია, შეთანხმებას მივაღწიოთ, – ამის შესახებ აშშ-ის პრეზიდენტმა, დონალდ ტრამპმა განაცხადა.

„ჩვენ კარგ ფორმაში ვართ. ახლა უნდა მივიღოთ ის, რაც უნდა მივიღოთ. თუ ამას ვერ მივაღწიეთ, დიდ ნაბიჯის გადადგმა მოგვიწევს, თუმცა მათ შეთანხმების დადება სურთ“, – აღნიშნა დონალდ ტრამპმა.

რაც შეეხება გავრცელებულ ინფორმაციას, რომ აშშ-მა ირანს 30-დღიანი ვადა მისცა, როგორც დონალდ ტრამპმა აღნიშნა, შეთანხმების მისაღწევად კონკრეტული საბოლოო ვადა არ არსებობს.

„ირანს ბირთვული იარაღი არ ექნება, ამაზე და სხვა საკითხებზეც დაგვთანხმდნენ“, – აღნიშნა აშშ-ის პრეზიდენტმა.

ცნობისთვის, მანამდე აშშ-ის პრეზიდენტმა, დონალდ ტრამპმა განაცხადა, რომ სამშვიდობო შეთანხმების ფარგლებში ირანი გამდიდრებულ ურანს შეერთებულ შტატებს გადასცემს. გავრცელებული ინფორმაციით, თეირანი 400 კილოგრამზე მეტ გამდიდრებულ ურანს ფლობს.