სამხრეთ უკრაინაში, ფრონტის ხაზთან ახლოს, გაეროს ჰუმანიტარული დახმარების კოლონას თავს რუსული დრონები დაესხნენ

სამხრეთ უკრაინაში, ფრონტის ხაზთან ახლოს, გაეროს ჰუმანიტარული დახმარების კოლონას თავს რუსული დრონები დაესხნენ. უკრაინაში გაეროს ჰუმანიტარული საკითხების კოორდინაციის ოფისის ცნობით, დრონებმა მსოფლიო სასურსათო პროგრამის ორ სატვირთო მანქანას დაარტყეს და ტექნიკა დააზიანეს.

თავდასხმისას არავინ დაშავებულა. გაეროს ოფისის ცნობით, ასეთი დარტყმები საერთაშორისო ჰუმანიტარული სამართლის უხეში დარღვევაა და შესაძლოა, ომის დანაშაულად ჩაითვალოს.