როგორ მზადდებოდა ირანზე თავდასხმა - დეტალებზე ამერიკული მხარე საუბრობს

 Reuters-ი დონალდ ტრამპისა და სხვა ოფიციალურ პირებზე დაყრდნობით იმ მოქმედებების შესახებ წერს, თუ როგორ ემზადებოდა აშშ ირანზე თავდასხმისთვის.

გამოცემის ცნობით, თავდასხმამდე ტრამპმა რამდენიმე ბრიფინგი გამართა ოფიციალურ პირებთან, მათ შორის CIA-ს დირექტორთან ჯონ რეტკლიფთან, გაერთიანებული შტაბების კომიტეტის თავმჯდომარე გენერალ დენ კეინთან, სახელმწიფო მდივან მარკო რუბიოსთან და თავდაცვის მინისტრ პიტ ჰეგსეტთან.

ამასთან, თავდასხმის დაწყებამდე, თეთრმა სახლმა მიიღო ინფორმაცია ირანთან ოპერაციების მრავალ რისკთან დაკავშირებით, მათ შორის ირანის მიერ აშშ-ს მრავალ ბაზაზე განხორციელებული საპასუხო იერიშების შესახებ,  აგრეთვე ინფორმაცია, რომ გაგრძელდებოდა თავდასხმები აშშ-ის ჯარებზე ერაყსა და სირიაში.