არიან დაშავებულები - დუბაიში ტურისტულ რაიონში აფეთქების შესახებ ახალი ინფორმაცია ვრცელდება

ოთხი ადამიანი დაშავდა აფეთქებისა და ხანძრის შედეგად დუბაიში, პალმ ჯუმეირას (Palm Jumeirah) რაიონში. ამის შესახებ ქალაქის სამოქალაქო თავდაცვის სამსახურზე დაყრდნობით, ინფორმაციას Reuters-ი ავრცელებს.

დაშავებულები  სამედიცინო დაწესებულებებში გადაიყვანეს.

გამოცემის ცნობით, ირანის სარაკეტო იერიშების შემდეგ ხანძარი დუბაიში, პალმის კუნძულებზე მდებარე სასტუმრო Fairmont-თან გაჩნდა.

ასევე, ბაჰრეინის შინაგან საქმეთა სამინისტროს ინფორმაციით, დედაქალაქ მანამაში რაკეტა საცხოვრებელ შენობას მოხვდა.

„სამოქალაქო თავდაცვის სამსახური ხანძრის ჩაქრობის ოპერაციას აგრძელებს“, - ნათქვამია ბაჰრეინის შინაგან საქმეთა სამინისტროს განცხადებაში.