დააჯარიმეს მოქალაქე, რომელმაც შორენა ბეგაშვილს სოციალურ ქსელში შეურაცხყოფა მიაყენა
1787743040
უნგრეთის მთავრობამ ოფიციალურად დაგმო რუსეთის სამხედრო აგრესია და უკრაინის ტერიტორიულ მთლიანობას მხარდაჭერა გამოუცხადა. ამის შესახებ ნათქვამია სამშაბათს გამოქვეყნებულ პოლიტიკის სახელმძღვანელო მითითებებში.
„რუსეთის ქმედებები საფრთხეს უქმნის უნგრეთს, ევროპასა და გლობალურ წესრიგს“, - ნათქვამია დოკუმენტში.
იქვე აღნიშნულია, რომ მოსკოვი „სერიოზული საფრთხის წინაშე აყენებს“ უკრაინის კარპატის რეგიონში მცხოვრებ უნგრულ უმცირესობას.
პრემიერ-მინისტრ პეტერ მადიარის მიერ ხელმოწერილი სახელმძღვანელო მითითებები განსაზღვრავს ბუდაპეშტის საგარეო პოლიტიკურ პრიორიტეტებს გაეროს გენერალურ ასამბლეაზე, რომელიც მომავალ თვეს ნიუ-იორკში გაიმართება.
„უნგრეთი გმობს რუსეთის სამხედრო აგრესიას და სრულ მხარდაჭერას უცხადებს უკრაინის სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში“, - ნათქვამია დოკუმენტში. მასში ასევე აღიარებულია კიევის თავდაცვის უფლება და მხარდაჭერილია მოლაპარაკებები „მდგრადი მშვიდობისა და გრძელვადიანი უსაფრთხოების გარანტიების მისაღწევად“.
