პიტერ სიიარტო: ცუდი ამბავი ომის მომხრეებისთვის და კარგი ამბავი მათთვის, ვისაც სურს მშვიდობა, რუბიოსთან ჩემი შეხვედრის შემდეგ ნათელი გახდა, რომ აშშ-ს უარი არ უთქვამს ბუდაპეშტის სამშვიდობო სამიტის ჩატარებაზე

უნგრეთის საგარეო საქმეთა მინისტრის, პიტერ სიიარტოს განცხადებით, აშშ-ის სახელმწიფო მდივანთან, მარკო რუბიოსთან შეხვედრის შემდეგ ნათელი გახდა, რომ შეერთებული შტატები უარს არ ამბობს ბუდაპეშტის სამშვიდობო სამიტის ჩატარებაზე.

„ცუდი ამბავი ომის მომხრეებისთვის და კარგი ამბავი მათთვის, ვისაც მშვიდობა სურს. სახელმწიფო მდივან რუბიოსთან ჩემი შეხვედრის შემდეგ ნათელი გახდა, რომ აშშ-ს უარი არ უთქვამს ბუდაპეშტის სამშვიდობო სამიტის ჩატარებაზე. მომზადება მიმდინარეობს და ერთადერთი კითხვა არის დრო, არა განზრახვა“, – წერს სიიარტო სოციალურ სოციალურ ქსელში.

ცნობისთვის, მანამდე დონალდ ტრამპმა განაცხადა, რომ ვლადიმერ პუტინთან უნგრეთში დაგეგმილი შეხვედრა გააუქმა.