მამაკაცები პლანეტას უფრო მეტად აზიანებენ, ვიდრე ქალები - მეცნიერების დასკვნა

მეცნიერების თქმით, მამაკაცები პლანეტას უფრო მეტად აზიანებენ, ვიდრე ქალები. ინფორმაციას Daily Mail-ი ავრცელებს.

გამოცემის ცნობით, კვლევის განმავლობაში 13 ქვეყნის სპეციალისტმა გააანალიზა ის თუ როგორ აისახება მამაკაცური საქმიანობა და  ქცევის მოდელები კლიმატზე.

მკვლევრების თქმით, მამრობითი სქესის წარმომადგენლები გარემოზე უარყოფით გავლენას ახდენენ, რაც მეტწილად ტრანსპორტის ხშირ გამოყენებასთან, მოგზაურობასთან,  ტურიზმთან და ხორცის მოხმარებასთან არის დაკავშირებული.

ასევე,  “მამაკაცური” საქმიანობები, მათ შორის მძიმე ქიმიური  მრეწველობა, აგრარული სექტორის კონტროლი და მილიტარიზმი პლანეტისთვის დამანგრეველი შედეგების მომტანია.