1792925340

ნაწლავის ქრონიკული ანთების აღმოჩენა შესაძლოა სიმპტომების დაწყებამდე 10 წლით ადრე გახდეს შესაძლებელი

მეცნიერებმა აღმოაჩინეს სისხლში ისეთი ცვლილებები, რომლებიც შესაძლოა ნაწლავის ქრონიკული დაავადების არსებობაზე მის პირველ სიმპტომებამდე წლების განმავლობაში მიანიშნებდეს.კვლევა კრონის დაავადებასა და წყლულოვან კოლიტს ეხება. ეს ორი დაავადება ნაწლავებში ხანგრძლივ ანთებას იწვევს. ამ დაავადებებმა შეიძლება გამოიწვიოს მუცლის ტკივილი, დიარეა და ძლიერი დაღლილობა.რა აღმოაჩინეს მეცნიერებმა?მკვლევრებმა 500 ადამიანის სისხლის ნიმუშები შეისწავლეს. მათ შორის იყვნენ ადამიანები, რომლებსაც მოგვიანებით ნაწლავის ქრონიკული დაავადება განუვითარდათ.აღმოჩნდა, რომ ზოგიერთ მათგანს სისხლში ცვლილებები დაავადების დიაგნოზის დასმამდე ათი წლით ადრეც ჰქონდა. ეს ნიშნავს, რომ დაავადების პირველი ნიშნები შესაძლოა ორგანიზმში მანამდე გაჩნდეს, სანამ ადამიანი რაიმე სიმპტომს შეამჩნევს.მეცნიერებმა ასევე აღმოაჩინეს იმუნური სისტემის მუშაობასთან დაკავშირებული ცვლილებები. იმუნური სისტემა ორგანიზმს ინფექციებთან ბრძოლაში ეხმარება.დღეს კრონის დაავადებისა და წყლულოვანი კოლიტის აღმოჩენა ზოგჯერ რთულია. მათი სიმპტომები სხვა პრობლემებსაც ჰგავს, რის გამოც დიაგნოზის დასმას შეიძლება დრო დასჭირდეს.თუ მეცნიერები შეძლებენ სისხლში ამ ცვლილებების ზუსტად ამოცნობას, მომავალში ექიმებმა შესაძლოა დაავადების რისკი უფრო ადრე გამოავლინონ. ეს პაციენტებს დროულად გამოკვლევისა და საჭირო მკურნალობის დაწყებაში დაეხმარება.როდის გახდება ეს მეთოდი ხელმისაწვდომი?მეთოდი ჯერ კვლევის ეტაპზეა. საჭიროა დამატებითი გამოკვლევები იმის დასადგენად, რამდენად ზუსტად შეუძლია მას დაავადების წინასწარ ამოცნობა.მკვლევრები ასევე ხაზგასმით აღნიშნავენ, რომ აღმოჩენილი ცვლილებები ჯერ არ ამტკიცებს, თითქოს კონკრეტული ვირუსი ნაწლავის დაავადებას იწვევს.

1792507354

როგორ არის დემენციასთან დაკავშირებული სახლთან ახლოს არსებული მწვანე სივრცე - ახალი კვლევა, რომელიც 16 წელი გრძელდებოდა

პარკთან, ხეებთან და მწვანე სივრცეებთან ახლოს ცხოვრება შესაძლოა ტვინის ჯანმრთელობისთვის სასარგებლო იყოს. ახალი კვლევების მიხედვით, ბუნებასთან ახლოს მცხოვრებ ადამიანებში დემენციისა და მეხსიერების პრობლემების განვითარების რისკი შესაძლოა უფრო დაბალი იყოს.მეცნიერებმა ეს კავშირი რამდენიმე კვლევაში შეისწავლეს. ერთ-ერთი მათგანი შვედეთში ჩატარდა და 16 წლის განმავლობაში გაგრძელდა.რა აღმოაჩინეს მეცნიერებმა?შვედეთის კვლევაში 2 993 ხანდაზმული ადამიანი მონაწილეობდა. კვლევის დასაწყისში მათ დემენცია არ ჰქონდათ. მომდევნო 16 წლის განმავლობაში კი 477 ადამიანს ეს დაავადება განუვითარდა.მკვლევრებმა შეისწავლეს, რამდენად ახლოს ცხოვრობდნენ მონაწილეები მწვანე სივრცეებთან, მათ შორის პარკებსა და ხეებით დაფარულ ადგილებთან.შედეგებმა აჩვენა, რომ სახლთან ძალიან ახლოს არსებული მწვანე სივრცეების მეტი რაოდენობა დემენციის განვითარების შედარებით დაბალ რისკთან იყო დაკავშირებული. ეს კავშირი განსაკუთრებით მკაფიოდ ქალებში გამოჩნდა.თუმცა კვლევა არ ამტკიცებს, რომ პარკთან ახლოს ცხოვრება თავისთავად იცავს ადამიანს დემენციისგან. ის მხოლოდ შესაძლო კავშირზე მიუთითებს.რატომ შეიძლება იყოს ბუნება სასარგებლო ტვინისთვის?მეცნიერები რამდენიმე შესაძლო ახსნას განიხილავენ - პირველ რიგში, პარკები და მწვანე სივრცეები ადამიანებს სიარულისა და ფიზიკური აქტივობის შესაძლებლობას აძლევს. მოძრაობა კი ტვინისა და ზოგადი ჯანმრთელობისთვის მნიშვნელოვანია.მეორე მიზეზი შესაძლოა სტრესის შემცირება იყოს. ბუნებაში დროის გატარება ბევრ ადამიანს მოდუნებასა და უკეთ განწყობაში ეხმარება.გარდა ამისა, მწვანე გარემო შესაძლოა ხმაურისა და ჰაერის დაბინძურების ზემოქმედებასაც ამცირებდეს. ეს ფაქტორები ჯანმრთელობაზე, მათ შორის ტვინის მუშაობაზე, შეიძლება მოქმედებდეს.თუმცა მეცნიერებს ჯერ ზუსტად არ დაუდგენიათ, რომელი ფაქტორი თამაშობს ყველაზე დიდ როლს.რას ნიშნავს ეს ადამიანებისთვის?დემენცია არის მდგომარეობა, რომლის დროსაც ადამიანს თანდათან უუარესდება მეხსიერება, აზროვნება და ყოველდღიური საქმიანობის შესრულების უნარი. მისი ერთ-ერთი ყველაზე ცნობილი ფორმაა ალცჰაიმერის დაავადება.მკვლევრების აზრით, საცხოვრებელ გარემოსა და ტვინის ჯანმრთელობას შორის კავშირის უკეთ შესწავლა შესაძლოა მომავალში დემენციის პრევენციის ახალი გზების მოძიებაში დაეხმაროს მეცნიერებს.

1792503540

რატომ თქვა უარი მირანდა კერიმ Victoria’s Secret-ის შოუზე დაბრუნებაზე - მოდელის განმარტება

მირანდა კერიმ Victoria’s Secret-ის 2026 წლის ჩვენებაზე დაბრუნებაზე უარი თქვა, მიუხედავად იმისა, რომ ბრენდისგან მიწვევა მიიღო.მოდელმა გადაწყვეტილება იმით ახსნა, რომ სურდა, პირველი შოუდან 20 წლის იუბილე განსაკუთრებულ მოგონებად შეენარჩუნებინა. მან წლევანდელი ჩვენების მონაწილეებს წარმატება და სიყვარული უსურვა.კერის დებიუტი Victoria’s Secret-ის პოდიუმზე 2006 წელს შედგა, ხოლო 2007 წელს ბრენდის ოფიციალური „ანგელოზი“ გახდა. 2011 წელს მან 2,5 მილიონ დოლარად შეფასებული Fantasy Bra მოირგო.მიუხედავად უარისა, მოდელი პოდიუმს დაუბრუნდა - 30 სექტემბერს მან სტელა მაკარტნის 2027 წლის გაზაფხული-ზაფხულის კოლექციის ჩვენებაში მიიღო მონაწილეობა.            View this post on Instagram                       A post shared by Miranda Kerr (@mirandakerr)

1792353060

73-ჯერ დასმული სიმსივნის დიაგნოზი - პატარძალი, რომელმაც მსოფლიო აალაპარაკა

კანის კიბოს 73-ჯერ დასმული დიაგნოზი, მარტო გაზრდილი შვილები და სიყვარული, რომელიც წლების შემდეგ იპოვა – დღეს ჰილარია მირესკის ისტორია უნდა მოგიყვეთ, რომელიც გულგრილს ნამდვილად არ დაგტოვებთ.ბოლო პერიოდში სოციალურ ქსელში ალბათ ერთხელ მაინც შეგხვედრიათ ვიდეო, სადაც უჩვეულო გარეგნობის ქალისა და მამაკაცის ქორწილია ასახული.  მსოფლიომ ის სწორედ ამ კადრებით გაიცნო, თუმცა, მშობლიურ ბრაზილიაში მას დიდი ხანია, რაც მებრძოლ ჰილარიას ეძახიან. ეს არის ამბავი ქალზე, რომელმაც  ცხოვრებისეული სირთულეების მიუხედავად, საკუთარი თავის რწმენა არ დაკარგა და დღეს თავისი გამოცდილებით სხვა ადამიანებსაც აძლევს იმედს.ჰილარია ბრაზილიის ერთ-ერთ პატარა სოფელში დაიბადა. ბავშვობაში ფიზიკურად შრომა ხშირად უწევდა. 6 წლის ასაკიდან მამასთან ერთად მინდორში მუშაობდა. ათშვილიან ოჯახში გაზრდილს საკუთარი თავისთვის დრო თითქმის არ რჩებოდა.  სწავლისა და პროფესიული განვითარების შესაძლებლობებიც საკმაოდ შეზღუდული ჰქონდა. მოგვიანებით ოჯახი შექმნა. როგორც თავად ამბობს, მეუღლე მასზე ფიზიკურად ხშირად ძალადობდა და  ემუქრებოდა.  ქორწინებიდან რამდენიმე წლის შემდეგ მან ურთულესი გადაწყვეტილება მიიღო: დატოვა ოჯახი, რომელშიც თავს უსაფრთხოდ ვერ გრძნობდა.განშორების შემდეგ ჰილარია 2 მცირეწლოვან ქალიშვილთან ერთად სრულიად მარტო დარჩა. უფროსი 4-ის, ხოლო უმცროსი 2 წლის იყო. საკმარისი განათლების არ არსებობის გამო, ქალაქში  სამსახურის პოვნა უჭირდა. ამიტომ წლების განმავლობაში ქუჩებს ასუფთავებდა, რათა ქალიშვილებისთვის უკეთესი მომავალი შეექმნა.ჯანმრთელობის პრობლემები 1998 წელს დაეწყო, როდესაც კანზე სხვადასხვა წარმონაქმნი და ლაქა გაუჩნდა.  ბიოფსიის  შემდეგ ექიმებმა მას კანის კიბოს დიაგნოზი დაუსვეს. მოგვიანებით ჰილარიას გორლინ-გოლცის სინდრომი დაუდგინეს. ეს იშვიათი გენეტიკური დაავადებაა, რომელიც კანს, მხედველობასა და ძვლოვან  სისტემებს აზიარებს. ასევე, კარცინომის განვითარების რისკს საგრძნობლად ზრდის.ამ მდგომარეობის მქონე ადამიანებს კანზე სიმსივნური წარმონაქმნები შეიძლება არაერთხელ გაუჩნდეთ. მირესკის შემთხვევაში დაავადებასთან ბრძოლა წლები გაგრძელდა. მას კანის კიბოს  დიაგნოზი 73-ჯერ დაუსვეს.საჭირო ხდებოდა განმეორებითი გამოკვლევები, მკურნალობა, სხივური თერაპია და ქირურგიული ჩარევები.ყველაზე რთული მისთვის 2019 წელი აღმოჩნდა. სიმსივნის გამო ჰილარიას მარცხენა თვალისა და ცხვირის ნაწილის ამოკვეთა დასჭირდა. ფიზიკურ ტკივილს საზოგადოების წნეხიც ემატებოდა. უჩვეულო გარეგნობის გამო მას ხშირად დასცინოდნენ.  როგორც თავად იხსენებს, საავადმყოფოში პანიკური შეტევები ჰქონდა... უჭირდა იმ ცვლილებებთან შეგუება, რომლებსაც სარკეში ხედავდა.თუმცა, ამის გადალახვაც შეძლო. გადაწყვიტა გარეგნობა არ დაემალა და თავისი ისტორია ხმამაღლა მოეყოლა. მისი მიზანი მხოლოდ საკუთარი გამოცდილების გაზიარება არ ყოფილა - სურდა, ადამიანებისთვის ეჩვენებინა, რომ მძიმე განსაცდელის დროს მხარდაჭერა და თანაგრძნობა განსაკუთრებით მნიშვნელოვანია.არაერთი მძიმე გამოცდის შემდეგ, ჰილარიასთვის ბედნიერი დღეებიც დადგა. თან მაშინ, როდესაც ამ  ყველაფერს ყველაზე ნაკლებად ელოდა. ადაო პერეირას პირველად  7 წლის წინ საავადმყოფოში შეხვდა. ჰილარია იქ მკურნალობის მორიგ კურსს გადიოდა, ადაო კი ავადმყოფ მამას ახლდა თან. დროთა განმავლობაში ისინი დაახლოვდნენ. როდესაც ჰილარიას სამედიცინო ვიზიტებზე თანმხლები სჭირდებოდა და ქალიშვილები მის გვერდით ყოფნას ვერ ახერხებდნენ,  ამას ადაო აკეთებდა.რთულ პერიოდში დაწყებული ნაცნობობა თანდათან მზრუნველობასა და თანადგომაზე დაფუძნებულ ურთიერთობად გადაიქცა. 2026 წლის 10 ოქტომბერს მათ ურთიერთობის ოფიციალურად გაფორმება გადაწყვიტეს.. ქორწინების ცერემონია კათოლიკურ ეკლესიაში გაიმართა. კადრები კი ინტერნეტსივრცეში ვირუსულად გავრცელდა.ჰილარიასთვის, რომლის ცხოვრებაც ძალადობასთან, ჯანმრთელობის მძიმე პრობლემებსა და საზოგადოების მხრიდან მტკივნეულ დამოკიდებულებასთან ბრძოლით იყო სავსე, ეს დღე ცხოვრების ახალი ეტაპის დასაწყისად იქცა.მირესკის ბრძოლა ჯანმრთელობის პრობლემებთან კვლავ გრძელდება. მის დასახმარებლად ორგანიზებულმა შემოწირულობების კამპანიამ მნიშვნელოვანი თანხის მოგროვება შეძლო. ჰილარიას  სახის რეკონსტრუქციული ოპერაციის იმედი აქვს. მანამდე კი ქალების მხარდაჭერას აქტიურად განაგრძობს.  2026 წლის 28 ოქტომბერს ის ბრაზილიაში დაგეგმილ ღონისძიებაზე სიტყვით უნდა გამოვიდეს, რომელიც კიბოს წინააღმდეგ მებრძოლი ქალთა ორგანიზაციის ინიციატივით ტარდება. შეხვედრის  მიზანი მისი ისტორიის გაზიარება და ადამიანებში იმედის გაძლიერებაა.

1792312860

ზოდიაქოს 3 ნიშანი, რომლებსაც წლის ბოლომდე ოცნებების ასრულება და მნიშვნელოვანი წარმატებები ელოდება

შემოდგომაზე შესაძლოა, იფიქროთ, რომ წლის მთავარი მოვლენები უკვე უკან მოიტოვეთ. თუმცა, ასტროლოგიური პროგნოზის თანახმად, ზოდიაქოს სამ ნიშანს წლის ბოლომდე ჯერ კიდევ ეძლევა შანსი, დიდი ხნის ნანატრ მიზანს მიუახლოვდეს. რას უნდა მიაქციონ ყურადღება ამ ნიშნების წარმომადგენლებმა 2026 წლის ბოლომდე:ლომილომები დიდი ხანია, ელიან შესაძლებლობას, საკუთარი უნარები და შესაძლებლობები სათანადოდ წარმოაჩინონ. შესაძლოა, ეს იყოს პროექტი, რომლის შესახებაც სათანადო ადამიანებთან საუბარი აქამდე ვერ მოახერხეს; ან სასურველი თანამდებობა, რომლის დაკავებაზეც დიდი ხანია, ფიქრობენ. წლის ბოლომდე შესაძლოა, გამოჩნდეს ხელსაყრელი შესაძლებლობა, რომელიც ამ მიზანთან მათ კიდევ უფრო დააახლოებს. არ არის გამორიცხული, თანამშრომლობა შესთავაზონ, მათი შრომა დააფასონ ან საკუთარი იდეის წარდგენა სთხოვონ.მთავარია, თავადაც იმოქმედოთ. განაახლეთ პორტფოლიო, გაუზიარეთ თქვენი გეგმები ადამიანს, რომელსაც საჭირო დახმარების გაწევა შეუძლია და გამოიყენეთ პროფესიული შეხვედრების შესაძლებლობა. შესაძლოა, პირველივე საუბარმა სასურველი შედეგი არ მოიტანოს, თუმცა ის შეიძლება მნიშვნელოვანი ნაბიჯი აღმოჩნდეს იმ მიზნისკენ მიმავალ გზაზე, რომლის მიღწევაზეც დიდი ხანია, ოცნებობთ.ტყუპებიტყუპებს შესაძლოა, მიეცეთ შესაძლებლობა, ჩვეული გარემოსა და ყოველდღიური რუტინის მიღმა ახალი გამოცდილება მიიღონ. მოგზაურობა, სწავლა, საცხოვრებელი ადგილის შეცვლა თუ ახალი ნაცნობობა - ის, რაც აქამდე მხოლოდ გეგმად რჩებოდა, წლის ბოლომდე შესაძლოა რეალობად იქცეს. მნიშვნელოვანი სიახლე შეიძლება მიიღოთ შეტყობინებით ან იმ ადამიანთან საუბრით, რომელსაც დიდი ხანია, არ შეხვედრიხართ.თუმცა, გადაწყვეტილების მიღებამდე ყველა დეტალი ყურადღებით გადაამოწმეთ. დააზუსტეთ ვადები, პირობები და შესაძლო ხარჯები. თუ თქვენი ოცნება მოგზაურობას უკავშირდება, წინასწარ გადახედეთ საჭირო დოკუმენტებს და შეაფასეთ ბიუჯეტი. წინასწარი მომზადება ცვლილებების ხიბლს არ დაკარგავს - პირიქით, დაგეხმარებათ, შესაძლებლობის გამოჩენისთანავე სათანადოდ გამოიყენოთ ის.ვერძივერძებისთვის წლის ბოლო შესაძლოა, მნიშვნელოვანი გადაწყვეტილების მიღების პერიოდად იქცეს. საქმე შეიძლება, ეხებოდეს საკუთარი საქმის წამოწყებას, სამსახურის შეცვლას, საცხოვრებლად სხვაგან გადასვლას ან პროექტის დაწყებას, რომლისთვისაც დროის გამონახვას დიდი ხანია, ცდილობენ. სურვილი უკვე აქვთ, თუმცა გადაწყვეტილების მიღებას თან ახლავს კითხვები და ეჭვები, რომლებიც მოქმედების დაწყებაში ხელს უშლით.ცხოვრების შესაცვლელად ყველაფრის ერთბაშად გადაწყვეტა აუცილებელი არ არის. დაიწყეთ ერთი კონკრეტული ნაბიჯით, რომლის გადადგმასაც უახლოეს დღეებში შეძლებთ: დაგეგმეთ შეხვედრა, გაარკვიეთ სასურველი კურსის ღირებულება ან საკუთარი იდეა ახლობლებთან განიხილეთ. წლის ბოლოს შესაძლოა, უფრო ნათლად დაინახოთ, რომელი დაბრკოლებაა რეალური და რომელი - მხოლოდ პირველი ნაბიჯის გადადგმის შიში.თითოეულ ამ ნიშანს საკუთარი მიზანი და ოცნება აქვს. თუ რომელიმე აღწერაში საკუთარ სურვილებს ამოიცნობთ, ნუ გადადებთ მოქმედებას მომავალი წლისთვის. 2026 წლის ბოლომდე ჯერ კიდევ გაქვთ დრო, რომ მნიშვნელოვანი ნაბიჯი გადადგათ და სანუკვარ მიზანს მიუახლოვდეთ.წყარო: 

1792309680

ალცჰაიმერის მკურნალობის ახალი გზა - მკვლევრებმა იმედისმომცემი შედეგები მიიღეს

მეცნიერებმა ალცჰაიმერის დაავადების კვლევაში ახალი პერსპექტიული სამიზნე - EPHX2 ცილა გამოავლინეს, რომლის დათრგუნვამ შესაძლოა დაავადებასთან დაკავშირებული ტვინის დაზიანებისა და ანთებითი პროცესების შემცირებაში მნიშვნელოვანი როლი შეასრულოს.კვლევა ჟურნალ Nature Neuroscience-ში გამოქვეყნდა. მკვლევრებმა გენეტიკური მონაცემები, პაციენტების სამედიცინო ჩანაწერები და ლაბორატორიული ექსპერიმენტების შედეგები გააერთიანეს, რათა დაავადების მკურნალობისთვის ახალი სამიზნეები გამოევლინათ.კვლევის მიხედვით, EPHX2 ცილის მომატებული დონე ალცჰაიმერის დაავადების გაზრდილ რისკთან იყო დაკავშირებული. მეცნიერებმა ლაბორატორიულ ექსპერიმენტებში შეისწავლეს ამ ცილის დამთრგუნველი ნივთიერების მოქმედებაც. ალცჰაიმერის დაავადების მოდელის მქონე თაგვებში მკურნალობამ შეამცირა ტვინში ამილოიდური ცილების დაგროვება და ანთება, ამასთან, გაუმჯობესდა ცხოველების შედეგები კოგნიტურ ტესტებში.მკვლევრებმა ასევე გააანალიზეს მსუბუქი კოგნიტური დარღვევების მქონე 111 680 ადამიანის სამედიცინო მონაცემები და გამოავლინეს მედიკამენტები, რომელთა გამოყენებაც ალცჰაიმერის დაავადების შემცირებულ სიხშირესთან იყო დაკავშირებული.მიუხედავად იმედისმომცემი შედეგებისა, აღმოჩენა ჯერ არ ნიშნავს, რომ ახალი მკურნალობა ადამიანებში ეფექტიანად დადასტურებულია. დამატებითი კლინიკური კვლევებია საჭირო იმის გასარკვევად, შეძლებს თუ არა EPHX2-ის დათრგუნვა დაავადების პროგრესირების შენელებას ან პრევენციას.კვლევა მეცნიერებს ალცჰაიმერის დაავადების მექანიზმების უკეთ გაგებასა და მომავალში მკურნალობის ახალი მეთოდების შემუშავებაში შესაძლოა დაეხმაროს.

1792309200

7 წესი ფულთან დაკავშირებით, რომელიც ყველა მშობელმა შვილს უნდა ასწავლოს

ფულის სწორად მართვა ერთ-ერთი მნიშვნელოვანი უნარია, რომელიც ადამიანს დამოუკიდებელი და სტაბილური ცხოვრების შექმნაში ეხმარება. თუმცა ფინანსური ჩვევები ზრდასრულ ასაკში არ ყალიბდება — მათი საფუძველი ხშირად ბავშვობასა და მოზარდობაში იდება.მშობლები ცდილობენ, შვილებს კარგი განათლება მისცენ და წარმატებული მომავლისთვის მოამზადონ, მაგრამ არანაკლებ მნიშვნელოვანია, ასწავლონ, როგორ მოექცნენ ფულს, როგორ გაარჩიონ საჭიროება სურვილისგან და როგორ მიიღონ გონივრული ფინანსური გადაწყვეტილებები.არსებობს შვიდი მარტივი წესი, რომელთა ცოდნაც ახალგაზრდებს მომავალში ფინანსური სირთულეების თავიდან აცილებაში დაეხმარება.1. ნუ იყიდი ძვირად ღირებულ ბრენდებს მხოლოდ სხვებზე შთაბეჭდილების მოსახდენად არ არის აუცილებელი, ძვირად ღირებული ტანსაცმელი, ტელეფონი ან აქსესუარი გქონდეს იმისთვის, რომ წარმატებულ ადამიანად მიგიჩნიონ. ადამიანის რეალური ღირებულება მისი ცოდნით, ხასიათით, შესაძლებლობებითა და მიღწევებით განისაზღვრება და არა იმ ლოგოტიპით, რომელიც მის ნივთებზეა გამოსახული.2. ნუ დახარჯავ მთელ გამომუშავებულ ფულსშეეცადე, შემოსავლის გარკვეული ნაწილი ყოველთვის გადადო. თუ შესაძლებლობა გაქვს, დაზოგე მიღებული თანხის 10-20%. ასე თანდათან შექმნი ფინანსურ დანაზოგს, რომელიც მოულოდნელი ხარჯების შემთხვევაში დაგეხმარება.მთავარია, დაზოგვა ჩვევად აქციო, თუნდაც თავდაპირველად მხოლოდ მცირე თანხის გადადებას ახერხებდე.3. ისწავლე უარის თქმა — სხვებისთვისაც და საკუთარი თავისთვისაცყოველთვის არ არის აუცილებელი იმის ყიდვა, რაც იმ მომენტში მოგინდება. განსაკუთრებით მაშინ, როცა გადაწყვეტილებას ემოციურად იღებ.სანამ რამეს შეიძენ, დაფიქრდი, ნამდვილად გჭირდება თუ არა ეს ნივთი. საკუთარი სურვილების კონტროლი ფინანსური დამოუკიდებლობისკენ გადადგმული მნიშვნელოვანი ნაბიჯია. განაგრძეთ კითხვა.

1792057419

„15 ოქტომბერი, ამ კვირის ყველაზე „ფულადი“ დღეა“ - რას გვირჩევს თამუნა იოსელიანი ფინანსური კეთილდღეობისთვის

ეზოთერიკოსი თამუნა იოსელიანი სოციალურ ქსელში წერს, რომ 15 ოქტომბერი ფინანსური კეთილდღეობის მოსაზიდად ხელსაყრელი დღეა. მისივე თქმით, ეს პერიოდი „შესანიშნავი დროა იმის დასამკვიდრებლად, გასაძლიერებლად და გასამყარებლად, რაც უკვე შემოსავალს გვაძლევს!“.„15 ოქტომბერი , ამ კვირის ყველაზე ფულადი დღეა!ნახეთ, ფულთან დაკავშირებული რა სამი შესაძლებლობა შეგვიკრიბა ერთმა დღემ!1. ფულადი ნაკადის სტაბილიზაციაამაზე პასუხისმგებელია ინდიკატორი „დამკვიდრება“ — დღის 12 ინდიკატორიდან პირველი.ის ჩვენს ფინანსურ წესებსა და საყრდენებს უკავშირდება: რას ვქმნით, რას ვეყრდნობით და რის განმტკიცება გვინდა ცხოვრებაში.დღეს შესანიშნავი დროა იმის დასამკვიდრებლად, გასაძლიერებლად და გასამყარებლად, რაც უკვე შემოსავალს გვაძლევს!2. ფინანსური რეზერვის შექმნავარსკვლავი „საცავი“ გვახსენებს იმას, რაც დღევანდელ რეალობაში განსაკუთრებით მნიშვნელოვანია.მარაგი, დანაზოგი, ფინანსური რეზერვი , ეს მხოლოდ შავი დღისთვის გადადებული ფული არ არის. ეს თქვენი საყრდენი და უსაფრთხოებაა კრიზისულ პერიოდში.მხოლოდ ფულის გამომუშავება კი არა, მისი შენარჩუნებაცაი, ფინანსური ხელოვნების ნამდვილი საიდუმლო!3. დაიჭირეთ იღბალი!იქნება ეს მოულოდნელი თუ მოსალოდნელი, ფინანსური თუ სხვა მნიშვნელოვანი საქმეების წარმატებასთან დაკავშირებული შესაძლებლობადღეს გამოვიყენოთ დღის „ცი მენის“ რუკის პოტენციალი!ჩრდილო-აღმოსავლეთში მთელი დღის განმავლობაში მოქმედებს სტრუქტურა „ჩიტი ბუდეში ვარდება“.ფულის ენაზე ეს ნიშნავს: გამოიყენეთ იღბლისა და შესაძლებლობების ენერგია იმ საქმეებში, რომელთა წინ წაწევაც სწორედ დღეს გსურთ!მთავარი პირობა: ზურგით დადექით ჩრდილო-აღმოსავლეთის მიმართულებით!და ეს ჯერ კიდევ ყველაფერი არ არის!საღამოს შეხვედრამდე!მოდით, ამ დღის შესაძლებლობები მაქსიმალურად გამოვიყენოთ!დღეს ფულისთვის კარს ვაღებთ!“,- წერს თამუნა იოსელიანი. 

1791454440

შავი ჭირი და ორსულობა, რა უნდა ვიცოდეთ - ექიმ- რეპროდუქტოლოგის გაფრთხილება

ექიმი რეპროდუქტოლოგი ეკა კვირკველია  სოციალურ ქსელში საზოგადოებას საინტერესო ინფორმაციას უზიარებს. „შავი ჭირი და ორსულობა - რა უნდა ვიცოდეთ და როგორ უნდა დავიცვათ თავი?ბოლო პერიოდში შავი ჭირის შესახებ გავრცელებულმა ინფორმაციამ ბევრი ადამიანს, განსაკუთრებით კი ორსულების შეიძლება შეშფოთება გამოიწვიოს.მნიშვნელოვანია ვიცოდეთ: შავი ჭირი დღეს იშვიათი დაავადებაა და დროული დიაგნოსტიკისა და შესაბამისი ანტიბიოტიკოთერაპიის პირობებში განკურნებადია. თუმცა, ორსულობის დროს საეჭვო ინფექცია სწრაფ შეფასებას საჭიროებს.შავი ჭირი გამოწვეულია ბაქტერიით იერსენია პესტის/Yersinia pestis. ადამიანი ძირითადად ინფიცირდება ინფიცირებული რწყილის ნაკბენით ან ინფიცირებულ ცხოველთან/მის ქსოვილებთან კონტაქტით. ფილტვისმიერი შავი ჭირის შემთხვევაში შესაძლებელია ადამიანიდან ადამიანზე რესპირატორული წვეთებით გადაცემაც.რა გავლენა შეიძლება ჰქონდეს ნაყოფზე?ნაყოფისთვის მთავარი საფრთხე დედის მძიმე ინფექციაა. მაღალი სიცხე, სეფსისი, სისხლის მიმოქცევის დარღვევა და ორგანოთა დისფუნქცია შეიძლება უარყოფითად აისახოს ორსულობაზე.ამასთან, აღწერილია Yersinia pestis-ის პლაცენტის გავლით ნაყოფამდე გავრცელებისა და ნაყოფის ინფიცირების შემთხვევებიც. მძიმე ან არანამკურნალები ინფექცია შეიძლება დაკავშირებული იყოს ორსულობის არასასურველ გამოსავალთან, მათ შორის ნაყოფის დაკარგვასთან.თუმცა ეს არ ნიშნავს, რომ დედის ინფიცირების შემთხვევაში ნაყოფიც აუცილებლად დაინფიცირდება. ასეთი შემთხვევები იშვიათია და დროული დიაგნოსტიკა და მკურნალობა გადამწყვეტია.როგორ დავიცვათ თავი?პირველი და ყველაზე მნიშვნელოვანი - თავიდან ავიცილოთ რწყილებთან, მღრღნელებთან და ინფიცირებულ ცხოველებთან კონტაქტი.• არ შეეხოთ მკვდარ ან ავადმყოფ გარეულ ცხოველებს, განსაკუთრებით მღრღნელებს, კურდღლებსა და სხვა მცირე ძუძუმწოვრებს.• თუ ცხოველის მკვდარი სხეულის ან ქსოვილის მოცილება აუცილებელია, ეს არ უნდა გააკეთოს ორსულმა. საჭიროა შესაბამისი დამცავი საშუალებები და ადგილობრივი საზოგადოებრივი ჯანდაცვის რეკომენდაციების დაცვა.• არ შეეხოთ ხელით მკვდარ მღრღნელებს ან მათ ბუდეებს/ექსკრემენტებს.• სახლში და მის გარშემო არ დატოვოთ საკვები, ნარჩენები ან სხვა რამ, რაც მღრღნელებს იზიდავს.• შეამცირეთ მღრღნელებისთვის ხელმისაწვდომი ადგილები - დახურეთ საკვების კონტეინერები, ნარჩენების ურნები და შესაძლო შესასვლელები სახლში.• შინაური ცხოველები, განსაკუთრებით კატები და ძაღლები, მოარიდეთ გარეულ მღრღნელებსა და ავადმყოფ/მკვდარ ცხოველებს.• შინაური ცხოველებისთვის გამოიყენეთ ვეტერინარის მიერ რეკომენდებული რწყილების საწინააღმდეგო კონტროლი. კატები განსაკუთრებით მნიშვნელოვანია, რადგან ინფიცირებულმა კატამ შეიძლება ადამიანისთვისაც შექმნას რისკი.• არ მისცეთ შინაურ ცხოველს უფლება, ნადირობდეს მღრღნელებზე.რწყილებისგან დაცვა:თუ იმყოფებით ისეთ რეგიონში, სადაც შავი ჭირი ცირკულირებს:• გამოიყენეთ შესაბამისი მწერების/რწყილების საწინააღმდეგო საშუალებები ინსტრუქციის მიხედვით.• ატარეთ გრძელი შარვალი, წინდები და დახურული ფეხსაცმელი განსაკუთრებით ისეთ გარემოში, სადაც მღრღნელების ან რწყილების არსებობის რისკია.• მოერიდეთ ცხოველების ბუდეებს, მღრღნელების კოლონიებს და მათთვის დამახასიათებელ ადგილებს.• ორსულობის დროს ნებისმიერი რეპელენტის გამოყენებისას აუცილებლად გაითვალისწინეთ ეტიკეტზე მითითებული ორსულობის უსაფრთხოების რეკომენდაციები.თუ მოგზაურობთ:მხოლოდ შავი ჭირის შესახებ ახალი ამბების გამო მოგზაურობის გაუქმება საჭირო არ არის. გადაწყვეტილება უნდა ეფუძნებოდეს კონკრეტულ რეგიონში დაავადების რეალურ ეპიდემიოლოგიურ მდგომარეობას და ოფიციალურ რეკომენდაციებს - ცხადია რუსეთში მოგზაურობას ამ ეტაპზე არ გორჩევთ.მოგზაურობის წინ გადაამოწმეთ WHO-სა და შესაბამისი ქვეყნის საზოგადოებრივი ჯანდაცვის უწყებების უახლესი ინფორმაცია.თუ მოგზაურობისას ან დაბრუნების შემდეგ გქონდათ რწყილის ნაკბენი, მღრღნელთან/გარეულ ცხოველთან კონტაქტი ან დადასტურებულ შემთხვევასთან ახლო კონტაქტი, ამის შესახებ აუცილებლად აცნობეთ ექიმს.თუ შესაძლო ექსპოზიცია/კონტაქტი უკვე მოხდა:არ დაელოდოთ სიმპტომების განვითარებას იმისთვის, რომ ექიმს აცნობოთ.დაუკავშირდით ექიმს ან საზოგადოებრივი ჯანდაცვის შესაბამის სამსახურს და ზუსტად აღწერეთ ექსპოზიცია -სად იმყოფებოდით, როდის მოხდა კონტაქტი, რა ტიპის იყო კონტაქტი და გქონდათ თუ არა რწყილის ნაკბენი.თუ განვითარდა მაღალი სიცხე, შემცივნება, ძლიერი სისუსტე, მტკივნეული გადიდებული ლიმფური კვანძი, ხველა ან სუნთქვის გაძნელება, საჭიროა სასწრაფო სამედიცინო შეფასება.განსაკუთრებით მნიშვნელოვანია ფილტვისმიერი შავი ჭირზე ეჭვის მიტანა - ასეთ შემთხვევაში საჭიროა სწრაფი იზოლაცია და სამედიცინო დახმარება, რადგან შესაძლებელია ადამიანიდან ადამიანზე რესპირატორული გზით გადაცემა.ორსულობის დროს მთავარი პრინციპია:ექსპოზიციის თავიდან აცილება + სიმპტომების ადრეული ამოცნობა + ექიმისთვის ექსპოზიციის ისტორიის სწორად მიწოდება + საჭიროების შემთხვევაში მკურნალობის დაუყოვნებლივ დაწყება.ინფორმირებულობა, მღრღნელებისა და რწყილების კონტროლი, ცხოველებთან უსაფრთხო მოპყრობა და დროული სამედიცინო დახმარება - ეს არის რეალური თავდაცვა.კიდევ ერთხელ ორსულებზე:ყველაზე დიდი საფრთხე დედისთვის არის მძიმე სისტემური ინფექცია - მაღალი სიცხე, სეფსისი, პნევმონია და ორგანოთა დაზიანება. ეს მდგომარეობები თავისთავად ზრდის ორსულობის არასასურველი გამოსავლის რისკს.ყველაზე მნიშვნელოვანი არის დროული მკურნალობა. CDC-ს აქვს ორსულებისთვის სპეციალურად განსაზღვრული ანტიმიკრობული მკურნალობის სქემები როგორც ბუბონური, ისე ფილტვისმიერი და სეპტიცემიური შავი ჭირის დროს",- წერს კვირკველია.  

1791116253

Puff Daddy-ის პატიმრობის ვადა კიდევ ერთხელ შემცირდა

Puff Daddy-ის პატიმრობის ვადა კიდევ ერთხელ შემცირდა. თავდაპირველი განაჩენით, ამერიკელი რეპერი ციხიდან 2028 წლის ივნისში უნდა გამოსულიყო, შემდეგ თარიღი 2028 წლის თებერვლამდე შემცირდა. ცოტა ხნის წინ კი გავრცელდა ინფორმაცია, რომ შონ დიდი ქომბსი ციხიდან 2028 წლის 21 იანვარს გათავისუფლდება.უცხოური მედიის ცნობით, ის ნიუ-ჯერსის საპატიმროში თავს საკმაოდ კომფორტულად გრძნობს. როგორც წყაროები ამბობენ, რეპერი თვეში ათასობით დოლარს ხარჯავს, რათა ისეთი აკრძალული ნივთები შეიძინოს, როგორებიცაა ტელეფონი და ალკოჰოლური სასმელები. Puff Daddy-ის თანამოაზრეებიც გამოუჩნდნენ, რომლებიც მის მაგივრად ალაგებენ, სარეცხს რეცხავენ და მუსიკოსს მასაჟსაც კი უკეთებენ.ჩვენს მაყურებელს კიდევ ერთხელ ვეტყვით, რომ 2025 წლის ივლისში სასამართლომ ის დამნაშავედ პროსტიტუციის მიზნით ადამიანების ტრანსპორტირების ორ ეპიზოდში ცნო.            View this post on Instagram                       A post shared by NBC News (@nbcnews)

1790282896

ლოცვა, რომელიც სახლიდან გასვლისას უნდა წაიკითხოთ

წაიკითხეთ ეს ლოცვა ყოველთვის, სახლიდან გასვლის წინ და გადასახეთ გზას ჯვარი, მთელი დღე დაცულები იქნებით.„განგეშორები შენ, ეშმაკო, და ყოველსა ამპარტავნებასა შენსა და ყოველსა მსახურებასა შენსა,და შეგიერთდები შენ, უფალო იესო ქრისტე, სახელითა მამისათა და ძისათა და სულისა წმინდისათა, ამინ!შეიწყალე, უფალო, ყოველი შენი დახმარების მთხოვნელი, დედა ღვთისა, გვიკურთხე დღეინდელი დღე ესე!წმინდა სერაფიმ ვირიცელი".

1790178978

„ჰარი პოტერმა“ ხინკალი დააგემოვნა, თუმცა ყველაზე მეტად მაინც ქათმის შქმერული მოეწონა

ჰარი პოტერის როლის შემსრულებელი მსახიობი, დენიელ რედკლიფი  ნიუ-იორკში მდებარე ქართულ რესტორანს, სახელწოდებით „Laliko" ეწვია.რესტორნის მიერ გავრცელებულ განცხადებაში აღნიშნულია, რომ რედკლიფი და მისი მეგობრები ქართული სამზარეულოთი ძალიან დაინტერესდნენ.  ჰარი პოტერმა ხინკალი დააგემოვნა, თუმცა, ყველაზე მეტად მაინც ქათმის შქმერული მოეწონა.  როგორც  „Laliko" წერს, დენიელ რედკლიფს თითოეული კერძის ისტორიის მოსმენა სურდა.        View this post on Instagram                       A post shared by Laliko (@laliko.nyc)