ირანი განიხილავს იდეებს, რომლებმაც შესაძლოა, ჰორმუზის სრუტის გახსნის შვიდდღიანი გეგმა უფრო მოკლე ვადებში აამოქმედოს და აშშ-თან არსებული დაპირისპირება დაასრულოს - აბას არაღჩი

ჩვენი მამაცი შეიარაღებული ძალები სრულ მზადყოფნაში არიან სამშობლოს დასაცავად, თუმცა ირანი კვლავ აძლევს დიპლომატიას წარმატების მიღწევის შანსს,  – ამის შესახებ ირანის საგარეო საქმეთა მინისტრმა, აბას არაღჩიმ განაცხადა.

არაღჩის თქმით, ირანი განიხილავს იდეებს, რომლებმაც შესაძლოა, უზრუნველყოს ჰორმუზის სრუტის გახსნის შვიდდღიანი გეგმის კიდევ უფრო მოკლე ვადებში განხორციელება და აშშ-თან არსებული დაპირისპირების დასრულება.

„ჩვენ მჭიდრო და მუდმივ კავშირში ვართ შუამავლებთან, რათა განვიხილოთ იდეები, რომლებიც ჩვენი „7-დღიანი გეგმის“ ერთ კვირაზე უფრო მოკლე ვადაში განხორციელებას უზრუნველყოფს“, – აღნიშნა ირანის საგარეო უწყების ხელმძღვანელმა.

მისი თქმით, ხელახალი გახსნა შესაძლოა უფრო სწრაფადაც მოხდეს, ვიდრე ეს ირანის მიერ სექტემბერში წარდგენილი „7-დღიანი გეგმით“ იყო გათვალისწინებული.

კატარის შუამავლობით აშშ-ისთვის გადაცემული წინადადების თანახმად, იმ შემთხვევაში, თუ თეირანის პირობებს მიიღებენ, ის ჰორმუზის სრუტეს ხელახლა გახსნის და ვაშინგტონთან მოლაპარაკებებს ერთ კვირაში განაახლებს.