FoxNews: ტრამპი ირანის ახალი უზენაესი ლიდერის დანიშვნით უკმაყოფილოა

დონალდ ტრამპი ირანის ახალ უზენაეს ლიდერად მოჯთაბა ხამენეის დანიშვნით „უკმაყოფილოა“, - იტყობინება Fox News-ი.

ტელეარხის წამყვანმა ბრაიან კილმიდმა განაცხადა, რომ დანიშვნის გამოცხადების შემდეგ ის აშშ-ის პრეზიდენტს ესაუბრა, რომელმაც უთხრა: „მე უკმაყოფილო ვარ“.

კილმიდს საუბრის სხვა დეტალები არ გაუმჟღავნებია, თავად ტრამპს კი ამ საკითხზე საჯარო კომენტარი ჯერ არ გაუკეთებია, თუმცა მანამდე პრეზიდენტმა აღნიშნა, რომ აშშ-ის მხარდაჭერის გარეშე ირანის ახალი ლიდერი „დიდხანს ვერ გაძლებს“.

მედიის ინფორმაციით, ირანის უზენაეს ლიდერად აიათოლა ალი ხამენეის ვაჟი, მოჯთაბა ხამენეი აირჩიეს.