ამომრჩევლების რეკორდული რაოდენობა - უნგრეთში, 15 საათისთვის, ხმა 66%-ზე მეტმა მისცა

 უნგრეთის ეროვნული საარჩევნო კომისია ამომრჩეველთა აქტივობის შესახებ ახალ მონაცემებს აქვეყნებს. ადგილობრივი დროით 15:00 საათის მონაცემებით, საპარლამენტო არჩევნებზე საკუთარი არჩევანი უკვე 66.01%-მა დააფიქსირა.

ეს მაჩვენებელი კვლავ იმაზე მაღალია, ვიდრე წინა წლების არჩევნებზე - 2022 (52,75%), 2018 (53,64%) და 2014 (45,02%) წლებში.

საარჩევნო უბნები უნგრეთში ადგილობრივი დროით 19:00 საათზე დაიხურება.