გამოსავალი მაინც ვაქცინაციაშია, გაიკეთეთ მესამე და მეოთხე „ბუსტერ“ დოზა - თენგიზ ცერცვაძე

საქართველოში სტაბილური ეპიდვითარების შემდეგ ახალი შემთხვევების მატება ფიქსირდება. ინფექციური საავადმყოფოს დირექტორის განცხადებით, კორონავირუსის ახალი BA.4 / BA.5 შტამები სწრაფად ვრცელდება და მარტივად გადამდებია. თენგიზ ცერცვაძის თქმით, ახალ შტამების წინააღმდეგ ბუსტერ დოზები ყველაზე ეფექტურია.

„სამწუხაროდ ვაქცინაციით მოცვა საქართველოში ჯერ დაბალია. კოვიდის მატებაა და სამწუხაროდ არ შეინიშნება, რომ მოსახლეობა აცრის პუნქტებს მოაწყდა. გამოსავალი მაინც ვაქცინაციაშია, განსაკუთრებით მათთვის, ვინც გაიკეთა 2 დოზა, გაიკეთოს მესამე და მეოთხე ბუსტერ დოზა, იმიტომ რომ ბუსტერ დოზები უკეთესად შველის, ვიდრე პირველი ორი ვაქცინაცია“, - განაცხადა ცერცვაძემ.