1794048674
ვიდეოები
1793170915
ქობულეთის შემოვლითი გზის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გაიმართასაქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა საერთაშორისო მნიშვნელობის E70 საავტომობილო გზის ქობულეთის შემოვლითი მონაკვეთის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გამართა. შეხვედრაში მონაწილეობდნენ დაინტერესებული მხარეები, მათ შორის არასამთავრობო ორგანიზაციების წარმომადგენლები.შეხვედრა გაიმართა პროექტის ბუნებრივ და სოციალურ გარემოზე ზემოქმედების შეფასებისა და მიწის შესყიდვისა და განსახლების გეგმის მომზადების ფარგლებში.მონაწილეებს მიეწოდათ ინფორმაცია დაგეგმილი სამუშაოების, მოსალოდნელი გარემოსდაცვითი და სოციალური ზემოქმედებისა და შესაბამისი შემარბილებელი ღონისძიებების შესახებ. შეხვედრის მიზანი ასევე იყო დაინტერესებული მხარეების მოსაზრებების, შენიშვნებისა და რეკომენდაციების მიღება შეფასებისა და დაგეგმვის პროცესში გასათვალისწინებლად.შეხვედრა ღია იყო ყველა დაინტერესებული პირისთვის. მონაწილეებს შესაძლებლობა ჰქონდათ, დაესვათ კითხვები და წარმოედგინათ თავიანთი მოსაზრებები და წინადადებები.პროექტი ითვალისწინებს ქობულეთის შემოვლითი გზის დაახლოებით 31 კილომეტრიან მონაკვეთზე არსებული ორი ზოლის პარალელურად დამატებითი ორი ზოლის მშენებლობას.პროექტის გარემოსდაცვითი დოკუმენტაცია ხელმისაწვდომია გარემოსდაცვით საინფორმაციო პორტალზე: https://ei.gov.ge/ka/info/b3e4bbf2-3323-42e4-b4b7-851799173862.
1785509812
ჯარიმა 10 000 ლარამდე გაიზარდა - ვინ და რა შემთხვევაში დაჯარიმდება
სათამაშო ბიზნესის სფეროში სამართლებრივი პასუხისმგებლობა მკაცრდება და სანებართვო პირობების შეუსრულებლობისთვის დაწესებული ჯარიმების ოდენობები იზრდება.მიღებული კანონპროექტის მიხედვით, სამორინეს მოწყობის ნებართვის მფლობელთა მიმართ ჯარიმის ოდენობა 7 000 ლარის ნაცვლად, 20 000 ლარით განისაზღვრა.სათამაშო აპარატების სალონის მოწყობის ნებართვის მფლობელთა მიმართ ჯარიმის ოდენობა 1 000 ლარის ნაცვლად, 10 000 ლარით განისაზღვრა.აზარტული კლუბის მოწყობის ნებართვის მფლობელთა მიმართ ჯარიმა 2 000 ლარის ნაცვლად, 10 000 ლარი იქნება.აზარტული და მომგებიანი თამაშების მიწოდების ნებართვის მფლობელთა მიმართ ჯარიმის ოდენობა 2 000 ლარის ნაცვლად, 10 000 ლარით განისაზღვრება, ხოლო სისტემურ-ელექტრონული ფორმით სამორინეს, სათამაშო აპარატების და ტოტალიზატორის თამაშობების ორგანიზების ნებართვის მფლობელთა მიმართ დაწესებული ჯარიმა 7 000 ლარის ნაცვლად, 20 000 ლარი იქნება.
სხვა სიახლეები
სპორტი • 1794066684
“დვალიშვილი ყველაზე რთული მეტოქე არ ყოფილა", - პიოტრ იანი
პიოტრ იანმა მერაბ დვალიშვილთან ბრძოლის შესახებ ისაუბრა. სუპერმსუბუქი დივიზიონის ჩემპიონმა აღნიშნა, რომ ბოლო დაპირისპირება არ ყოფილა მის კარიერაში ყველაზე რთული და არც ქართველი მებრძოლია ყველაზე რთული მოწინააღმდეგე."ტიტულის დაცვის შემდეგ არანაირი ემოციური დაცემა არ მაქვს. პირიქით, ამ მომენტით უნდა ვისიამოვნო – სხვა შესაძლებლობა შეიძლება აღარც იყოს. დვალიშვილთან ჩხუბი საერთო ჯამში ჩემი კონტროლით მიმდინარეობდა. მართალია, 1-ელ რაუნდებში ის მაკავებდა და თავის საქმეს აკეთებდა, მაგრამ რეალური ზიანი არ მოუყენებია.რა თქმა უნდა, რისკი არსებობდა, თუმცა ბრძოლისთვის ეს ნორმალურია. აქ ყოველთვის შეიძლება დარტყმა გაატარო ან კონტროლი დაკარგო. ვერ ვიტყვი, რომ მერაბი ჩემს კარიერაში ყველაზე რთული მოწინააღმდეგეა. ის ძლიერი, გამძლე და ღირსეული მებრძოლია. სხვა ოპონენტებიც მყოლია და მსგავსი ჩხუბებიც მქონია.ასეთი რთული ბრძოლები საკუთარ შესაძლებლობებს უკეთესად გიხსნის - ეს თვითგანვითარებაა, რაც ძალიან კარგია. დვალიშვილთან ჩვენს ტრილოგიაში საკმარისი უნარები შევიძინე, რაც ფანტასტიკურია.მე მერაბთან ვადამდე ადრე მოგებაზე არ ვიყავი ორიენტირებული", -განაცხადა რუსმა მებრძოლმა.წყარო:
პოლიტიკა • 1794066461
ქართული პროდუქციისა და ბიზნესის მიმართ ჩინეთში ინტერესი სულ უფრო იზრდება, - წერს სოციალურ ქსელში „ხალხის ძალის“ წევრი თამთა მეგრელიშვილი, რითაც ჩინეთში მიმდინარე საერთაშორისო იმპორტის გამოფენაზე ქართული პავილიონის მიმართ გაზრდილ ინტერესსა და რიგებს ეხმიანება.როგორც „ხალხის ძალის“ წარმომადგენელი აცხადებს, ჩინელი მოქალაქეებისა და ბიზნესსექტორის მხრიდან მზარდი ინტერესი მეტ ექსპორტირებულ ქართულ პროდუქტს, ადგილობრივი წარმოების გაფართოებას, ახალ სამუშაო ადგილებს და, რაც მთავარია, ჩვენი ქვეყნის ეკონომიკურ მდგრადობას ნიშნავს.„სწორად განსაზღვრული ეკონომიკური პოლიტიკა და მიზანმიმართული სტრატეგია, კერძოდ, საერთაშორისო გამოფენებში ქართული სტენდების ორგანიზებული და მასშტაბური მონაწილეობა;წამყვან ჩინურ იმპორტიორებთან პირდაპირი კავშირების დამყარება და სახელმწიფოს მხრიდან ექსპორტის ხელშეწყობის პროგრამები, რომლებიც ადგილობრივ მწარმოებლებს გლობალურ სტანდარტებთან ადაპტაციაში ეხმარება, კონკრეტულ და ხელშესახებ შედეგებს იძლევა.რიგებია ჩინეთის საერთაშორისო იმპორტის გამოფენაზე ქართულ პავილიონთან, სადაც ეკონომიკისა და მდგრადი განვითარების სამინისტროს, სსიპ ინვესიტიციების სააგენტოს ორგანიზებითა და თანადაფინანსებით 37 ქართული კომპანია იმყოფება.ჩინელი მოქალაქეებისა და ბიზნესსექტორის მხრიდან მზარდი ინტერესი მეტ ექსპორტირებულ ქართულ პროდუქტს, ადგილობრივი წარმოების გაფართოებას, ახალ სამუშაო ადგილებს და, რაც მთავარია, ჩვენი ქვეყნის ეკონომიკურ მდგრადობას ნიშნავს.მსოფლიოს ერთ-ერთ უმსხვილეს ბაზარზე გასვლა ნიშნავს, რომ ქართული ექსპორტი აღარ იქნება დამოკიდებული მხოლოდ რამდენიმე ტრადიციულ რეგიონულ ბაზარზე.სავაჭრო პარტნიორების გეოგრაფიის გაფართოება ჩვენს ეკონომიკას უფრო მდგრადსა და დაცულს გახდის გარეგანი შოკებისგან.გაიზრდება საქართველოში პირდაპირი ინვესტიციების განხორციელების მიმართ ინტერესიც.ეს კი ერთობლივი საწარმოების შექმნას, ტექნოლოგიების ტრანსფერს და ინფრასტრუქტურის განვითარებას ნიშნავს.ქვეყნებს შორის აქტიური სავაჭრო ურთიერთობები გააძლიერებს საქართველოს როლს „შუა დერეფნის“ პროექტში.ქართული სახელმწიფო უნდა იყოს მნიშვნელოვანი და საიმედო ხიდი აზიასა და ევროპას შორის“, - წერს სოციალურ ქსელში თამთა მეგრელიშვილი.
მსოფლიო • 1794066072
BBC: პოლიციის ცნობით, კრაკოვში სროლის შედეგად ხუთი ადამიანი დაიღუპა
მალოპოლსკას პოლიციის ცნობით, კრაკოვის მთავარ ბაზრის მოედანზე სროლის შედეგად ხუთი ადამიანი დაიღუპა და ათეულობით ადამიანი დაშავდა, მათ შორის პოლიციელები. ინფორმაციას BBC ავრცელებს.X-ზე გამოქვეყნებულ განცხადებაში პოლიციის დეპარტამენტი აცხადებს, რომ ადგილობრივი დროით დაახლოებით 15:00 საათზე მოედანზე ავტომობილით მოძრავმა მამაკაცმა „მანქანიდან შემთხვევითი ადამიანების მიმართულებით სროლა დაიწყო“.კიდევ ერთ განცხადებაში ნათქვამია, რომ დამნაშავეს პოლიციამ ესროლა და ის საავადმყოფოში გადაჰყავთ.შემთხვევის ადგილზე საგანგებო სამსახურებია მობილიზებული. ისინი მოსახლეობას მოუწოდებენ, მოერიდონ აღნიშნულ ტერიტორიას.
პოლიტიკა • 1794065534
სწორად დაგეგმილი ეკონომიკური პოლიტიკა და ქართული კომპანიების საერთაშორისო ასპარეზზე პოზიციონირება მხოლოდ თეორიული კონცეფცია არ არის , ეს არის კონკრეტული, გაზომვადი შედეგები, რომელსაც ქართული ბიზნესი გლობალურ ბაზრებზე ყოველდღიურად აღწევს, - წერს სოციალურ ქსელში ანალიტიკოსი ლადო სადღობელაშვილი.მისი თქმით, ქართულ პავილიონთან ჩინელი ბიზნესპარტნიორების, იმპორტიორებისა და მოქალაქეების ხანგრძლივი რიგებია შექმნილი.„ამაზე ოპოზიციურ და უცხო ქვეყნიდან ანგაჟირებულ მედიებში არაფერს ამბობენ!• საქართველო და ქართული პროდუქცია მსოფლიო ეკონომიკის გოლიათის ყურადღების ცენტრშია!ქართულ პავილიონთან ჩინელი ბიზნესპარტნიორების, იმპორტიორებისა და მოქალაქეების ხანგრძლივი რიგებია შექმნილი.სწორად დაგეგმილი ეკონომიკური პოლიტიკა და ქართული კომპანიების საერთაშორისო ასპარეზზე პოზიციონირება მხოლოდ თეორიული კონცეფცია არ არის, ეს არის კონკრეტული, გაზომვადი შედეგები, რომელსაც ქართული ბიზნესი გლობალურ ბაზრებზე ყოველდღიურად აღწევს.ამის ნათელი მაგალითია ჩინეთის საერთაშორისო იმპორტის გამოფენა (CIIE), სადაც, ეკონომიკის სამინისტროსა და სააგენტოს „აწარმოე საქართველოში“ ორგანიზებითა და თანადაფინანსებით, 37 ქართული კომპანია მონაწილეობს.ჩინეთი მსოფლიო ეკონომიკის უდიდეს ნაწილს ფლობს და მისი ყიდვისუნარიანობა დღითიდღე იზრდება. ამ მასშტაბურ ბაზარზე ქართულ ნაწარმზე - ღვინოზე, აგროპროდუქტებზე, სასმელებსა და სხვა ადგილობრივ წარმოებაზე ინტერესისა და მოთხოვნილების ზრდა ჩვენი ქვეყნისთვის უდიდესი ეკონომიკური პოტენციალია.საქართველოსა და ჩინეთს შორის ურთიერთინტერესები თვისობრივად ახალ ეტაპზე გადადის. თავისუფალი ვაჭრობის შეთანხმება და მზარდი პარტნიორობა ქართულ ბიზნესს აძლევს რეალურ ინსტრუმენტს, მყარად დაიმკვიდროს ადგილი აღმოსავლეთის უმსხვილეს ეკონომიკაში.საქართველოს მთავრობისა და ეკონომიკის გუნდის თანმიმდევრული მუშაობის წყალობით, ორ ქვეყანას შორის გაღრმავებული ურთიერთინტერესები რეალურ ეკონომიკურ სარგებლად და ჩვენი ქვეყნის წინსვლად გარდაიქმნება“, - წერს სოციალურ ქსელში ლადო სადღობელაშვილი.
სამართალი • 1794064754
კაცს, რომელმაც ქორწილში ორი ძმა მოკლა ბრალი წარუდგინეს - პროკურატურა ინფორმაციას ავრცელებს
საქართველოს პროკურატურამ საგარეჯოს მუნიციპალიტეტში დამამძიმებელ გარემოებებში ჩადენილი განზრახ მკვლელობის ფაქტზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა, წარსულში არსებული კონფლიქტის გამო, შურისძიების მოტივით გადაწყვიტა სამი ძმის მკვლელობა. მიმდინარე წლის 5 ნოემბერს, საგარეჯოს მუნიციპალიტეტის სოფელ ლამბალოში ბრალდებულმა რეგისტირებული ცეცხლსასროლი იარაღიდან მართლსაწინააღმდეგოდ შეძენილი სამხედრო დანიშნულების საბრძოლო ვაზნების გამოყენებით რამდენჯერმე ესროლა ძმებს, რომელთაგან ორი მიყენებული ცეცხლნასროლი ჭრილობების შედეგად შემთხვევის ადგილზე გარდაიცვალა, ხოლო მესამე ძმას ნასროლი ტყვიები ასცდა. იარაღიდან სროლის შედეგად საფრთხე შეექმნა ძმებთან ერთად მყოფი მოქალაქის სიცოცხლესა და ჯანმრთელობას. ბრალდებული შემთხვევის ადგილიდან მიიმალა, თუმცა სამართალდამცველებმა იგი მალევე დააკავეს.დაკავებულს ბრალდება საქართველოს სისხლის სამართლის კოდექსის 19-109-ე მუხლის “ბ” და “ლ” ქვეპუნქტებით და 109-ე მუხლის “ბ” და “ლ” ქვეპუნქტებით (ორზე მეტი პირის განზრახ მკვლელობის მცდელობა და ორი პირის განზრახ მკვლელობა, ისეთი საშუალებით, რომელიც განზრახ უქმნის საფრთხეს სხვის სიცოცხლეს ან ჯანმრთელობას) და 236 -ე მუხლის მე-3 და მე-4 ნაწილებით (საბრძოლო მასალის მართლსაწინააღმდეგო შეძენა, შენახვა, ტარება)წარედგინა, რაც სასჯელის სახედ და ზომად ოც წლამდე ან უვადო თავისუფლების აღკვეთას ითვალისწინებს.პროკურატურამ, ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს უკვე მიმართა.
