1793622472
ვიდეოები
1793170915
ქობულეთის შემოვლითი გზის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გაიმართასაქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა საერთაშორისო მნიშვნელობის E70 საავტომობილო გზის ქობულეთის შემოვლითი მონაკვეთის ოთხზოლიან მაგისტრალად მოდერნიზაციის პროექტთან დაკავშირებით საკონსულტაციო შეხვედრა გამართა. შეხვედრაში მონაწილეობდნენ დაინტერესებული მხარეები, მათ შორის არასამთავრობო ორგანიზაციების წარმომადგენლები.შეხვედრა გაიმართა პროექტის ბუნებრივ და სოციალურ გარემოზე ზემოქმედების შეფასებისა და მიწის შესყიდვისა და განსახლების გეგმის მომზადების ფარგლებში.მონაწილეებს მიეწოდათ ინფორმაცია დაგეგმილი სამუშაოების, მოსალოდნელი გარემოსდაცვითი და სოციალური ზემოქმედებისა და შესაბამისი შემარბილებელი ღონისძიებების შესახებ. შეხვედრის მიზანი ასევე იყო დაინტერესებული მხარეების მოსაზრებების, შენიშვნებისა და რეკომენდაციების მიღება შეფასებისა და დაგეგმვის პროცესში გასათვალისწინებლად.შეხვედრა ღია იყო ყველა დაინტერესებული პირისთვის. მონაწილეებს შესაძლებლობა ჰქონდათ, დაესვათ კითხვები და წარმოედგინათ თავიანთი მოსაზრებები და წინადადებები.პროექტი ითვალისწინებს ქობულეთის შემოვლითი გზის დაახლოებით 31 კილომეტრიან მონაკვეთზე არსებული ორი ზოლის პარალელურად დამატებითი ორი ზოლის მშენებლობას.პროექტის გარემოსდაცვითი დოკუმენტაცია ხელმისაწვდომია გარემოსდაცვით საინფორმაციო პორტალზე: https://ei.gov.ge/ka/info/b3e4bbf2-3323-42e4-b4b7-851799173862.
1785509812
ჯარიმა 10 000 ლარამდე გაიზარდა - ვინ და რა შემთხვევაში დაჯარიმდება
სათამაშო ბიზნესის სფეროში სამართლებრივი პასუხისმგებლობა მკაცრდება და სანებართვო პირობების შეუსრულებლობისთვის დაწესებული ჯარიმების ოდენობები იზრდება.მიღებული კანონპროექტის მიხედვით, სამორინეს მოწყობის ნებართვის მფლობელთა მიმართ ჯარიმის ოდენობა 7 000 ლარის ნაცვლად, 20 000 ლარით განისაზღვრა.სათამაშო აპარატების სალონის მოწყობის ნებართვის მფლობელთა მიმართ ჯარიმის ოდენობა 1 000 ლარის ნაცვლად, 10 000 ლარით განისაზღვრა.აზარტული კლუბის მოწყობის ნებართვის მფლობელთა მიმართ ჯარიმა 2 000 ლარის ნაცვლად, 10 000 ლარი იქნება.აზარტული და მომგებიანი თამაშების მიწოდების ნებართვის მფლობელთა მიმართ ჯარიმის ოდენობა 2 000 ლარის ნაცვლად, 10 000 ლარით განისაზღვრება, ხოლო სისტემურ-ელექტრონული ფორმით სამორინეს, სათამაშო აპარატების და ტოტალიზატორის თამაშობების ორგანიზების ნებართვის მფლობელთა მიმართ დაწესებული ჯარიმა 7 000 ლარის ნაცვლად, 20 000 ლარი იქნება.
სხვა სიახლეები
პოლიტიკა • 1793647476
„მე ვცდილობდი, რომ გამეკეთებინა სასამართლო რეფორმა, მე დავწერე ის კანონი მერაბ ტურავასთან ერთად და მადლობელი ვარ მისი, ასევე ნინო გვენეტაძესთან და დავით სულაქველიძესთან ერთად, მე მათ გადაფარებული ვიყავი, სანამ მე იქ ვიყავი, მათ ხელი ვერავინ ვერ ახლო...“, - ამის შესახებ პოლიტიკოსმა, კოტე კემულარიამ გადაცემა „ვახო ხუზმიაშვილის თავისუფალ სივრცეში“ განაცხადა.
ასტროლოგია • 1793647383
3 ნოემბრის ასტროლოგიური პროგნოზი
ვერძი ენერგიული და დატვირთული დღე გელით. შესაძლოა, სამსახურში ახალი წინადადება მიიღოთ ან მნიშვნელოვანი საკითხის მოგვარება შეძლოთ. პირად ურთიერთობებში მოერიდეთ იმპულსურ გადაწყვეტილებებს.კურო ფინანსური საკითხები დღის მთავარი თემა გახდება. კარგი დროა ბიუჯეტის გადასახედად და სამომავლო გეგმების დასაწყობად. საღამოს სასიამოვნო შეხვედრაა მოსალოდნელი.ტყუპებიკომუნიკაციისა და ახალი ნაცნობობისთვის ხელსაყრელი დღეა. შესაძლოა, მიიღოთ ინფორმაცია, რომელიც თქვენს გეგმებს შეცვლის. სიყვარულში გულწრფელობა წარმატების საწინდარი იქნება.კირჩხიბი ემოციურად მგრძნობიარე დღე გელით. ეცადეთ, ზედმეტი პასუხისმგებლობა არ აიღოთ. ოჯახის წევრებთან ურთიერთობა სიმშვიდესა და მოტივაციას მოგიტანთ.ლომი თქვენი თავდაჯერებულობა და აქტიურობა შედეგს გამოიღებს. პროფესიულ სფეროში შესაძლოა, ყურადღების ცენტრში აღმოჩნდეთ. კარგი დღეა საკუთარი იდეების წარსადგენად.ქალწული დეტალებზე ყურადღების გამახვილება შეცდომების თავიდან აცილებაში დაგეხმარებათ. ფინანსურ საკითხებში სიფრთხილე გამოიჩინეთ. პირად ცხოვრებაში სასიამოვნო მოულოდნელობა არ არის გამორიცხული.სასწორი ურთიერთობებში ჰარმონიის აღდგენის შესაძლებლობა მოგეცემათ. კარგი დროა ძველი გაუგებრობების მოსაგვარებლად. საქმიან სფეროში შესაძლოა, საინტერესო თანამშრომლობა დაიწყოს.მორიელი თქვენი ინტუიცია განსაკუთრებით ძლიერი იქნება. შესაძლოა, მნიშვნელოვანი გადაწყვეტილების მიღება მოგიწიოთ. სიყვარულში მოსალოდნელია ემოციური სიახლოვე და გულწრფელი საუბარი.მშვილდოსანი ახალი შესაძლებლობების დღეა. წარმატება შეიძლება გელოდეთ სწავლის, მოგზაურობის ან პროფესიული განვითარების მიმართულებით. მოულოდნელი შეთავაზება ყურადღებით განიხილეთ.თხის რქა შრომისმოყვარეობა და დისციპლინა სასურველ შედეგთან დაგაახლოებთ. კარგი დროა ფინანსური საკითხების მოსაგვარებლად. პირად ცხოვრებაში მეტი დრო დაუთმეთ საყვარელ ადამიანებს.მერწყულიშემოქმედებითი იდეები და არასტანდარტული გადაწყვეტილებები წარმატებას მოგიტანთ. შესაძლოა, ახალი პროექტის დაწყების შესაძლებლობა გაჩნდეს. მოუსმინეთ საკუთარ სურვილებს.თევზები მშვიდი, თუმცა ემოციურად მნიშვნელოვანი დღეა. შესაძლოა, წარსულში დაწყებული საკითხი საბოლოოდ მოგვარდეს. სიყვარულში სასიამოვნო სიურპრიზი ან მოულოდნელი შეტყობინებაა მოსალოდნელი.
პოლიტიკა • 1793647374
დაზარალებული, ნანა ქადაგიშვილი, "რუსთავი 2-ის" გადაცემა "დებატებში" "ნაციონალური მოძრაობის" მმართველობის დროს, მისი ოჯახის წინააღმდეგ განხორციელებულ ქმედებებს, ზეწოლასა და საკუთარი პატიმრობის დეტალებს იხსენებს.როგორც დაზარალებული გადაცემაში ჰყვება, ხელისუფლების სათავეში მოსვლამდე მიხეილ სააკაშვილმა და ზურაბ ადეიშვილმა მის მეუღლეს "ვარდების რევოლუციის" დაფინანსება მოსთხოვეს, უარის მიღების შემდეგ კი ოჯახი ე.წ. შავ სიაში შეიყვანეს.ქადაგიშვილი მიესალმება საკონსტიტუციო სასამართლოში "ნაციონალური მოძრაობის" აკრძალვის შესახებ სარჩელის განხილვას და მას სამართლიანობის აღდგენისკენ გადადგმულ ნაბიჯად აფასებს.„სააკაშვილ-ადეიშვილს ჰქონდათ პირადი დაინტერესება: სანამ ხელისუფლებაში მოვიდოდნენ, რევოლუციის დაფინანსებას სთხოვდნენ ჩემს მეუღლეს და, ამაზე უარის მიღების შემდეგ, მათ შავ სიაში შეიყვანეს ჩემი მეუღლე. მარტო ჩემს მეუღლეზე არ არის ლაპარაკი, მთელი ოჯახი დაგვაპატიმრეს, ზეწოლას ახდენდნენ ჩემს მეუღლეზე, რომ ჩვენი დაჭერით ის ცუდ მდგომარეობაში აღმოჩენილიყო. დაგვაპატიმრეს მე და ჩემი ერთ-ერთი შვილი და მეორე ძებნილი იყო 8 წელიწად-ნახევარი, შემდეგ "ქართული ოცნების" პერიოდში დაბრუნდა ქვეყანაში.ძალიან მიხარია საკონსტიტუციო სასამართლო რომ იხილავს „ნაციონალური მოძრაობის“ რეჟიმის და მოძრაობის გაუქმებას და ეს იქნება ძალიან დიდი სამართლიანობის აღდგენა, რადგანაც ეს იყო მოძალადე რეჟიმი - მოძალადე რეჟიმი იმ დონეზე, რომ საქართველოს მოსახლეობის 10%-ზე მეტი გაამწარეს, ოჯახები დაანგრიეს, მოკლეს ხალხი, გააკულაკეს. აი, რა ბოროტებაც შეეძლოთ, ყველაფერს აკეთებდნენ აბსოლუტურად. ყველაზე ცუდი ის არის, რომ დღევანდელი ნაციონალები, რომლებიც უფრო ახალგაზრდები არიან, იძახიან, საკონსტიტუციო სასამართლო იხილავს თხზულებებსო. როგორ არის ჩემი საქმე თხზულება, როცა სტრასბურგის სასამართლომ გამოიტანა ჩემს ოჯახთან დაკავშირებით კონვენციის მე-3 მუხლის დარღვევა. მე თავად პრაქტიკულად დიასახლისი გამასამართლეს და 5 წელი პრობაციაში მატარეს, 5 წელი ორთაჭალის ციხეში ვიყავი. ისეთი საშინელებები გამომატარეს, რომ ვიხსენებ, ხანდახან მგონია, რომ ეს ყველაფერი ალბათ მესიზმრება, ალბათ, ჩემს თავს არ ხდებოდა ეს. მიმქონდა მტკიცებულებები, რომ ჩემი ოჯახი მართალი იყო, არანაირი დანაშაული არ ჰქონდა და ხელს ვუშლიდი თურმე გამოძიებას და ეს გახდა საფუძველი ჩემი დაჭერის“, - აცხადებს ნანა ქადაგიშვილი.
პოლიტიკა • 1793646635
სოზარ სუბარი: მიხეილ სააკაშვილის განცხადება, რომ როინ შავაძე იყო საქართველოს მოღალატე, არის ტყუილი!
ყოფილი სახალხო დამცველი, პარლამენტის თავმჯდომარის მოადგილე სოზარ სუბარი, "დებატების" ეთერში, როინ შავაძის მკვლელობის საქმეს იხსენებს და აცხადებს, რომ რაც მიხეილ სააკაშვილმა შავაძის შესახებ ისაუბრა, სიცრუეა.„რამდენიმე დღის წინ, პირდაპირ ილაპარაკა მიხეილ სააკაშვილმა როინ შავაძის საქმეზე და თქვა, რომ ეს იყო საქართველოს მოღალატე, რომელიც 2008 წელს რუსულ დაზვერვას გადასცემდა ჩვენი ჯარის კოორდინატებსო, რაც არის ტყუილი!მსგავსი ბრალდება როინ შავაძის მიმართ არც ყოფილა, არც არსებობს შესაბამისი მტკიცებულებები და, იქვე, პრაქტიკულად მან გაამართლა როინ შავაძის მკვლელობა.კიდევ ერთხელ, სტრასბურგს დავეყრდნობი: არ არსებობს არანაირი მტკიცებულება, რომ შავაძე გაქცევას აპირებდა და მისი მოკვლა იყო აუცილებელი, არც მის მიმართ რაიმე ძალის გამოყენება იყო საჭირო. ასევე, სტრასბურგმა დაამტკიცა, რომ შავაძე იყო ნაწამები, სანამ გარდაიცვლებოდა," - აცხადებს სოზარ სუბარი.
პოლიტიკა • 1793646480
ყოფილი პოლიტპატიმარი გიორგი ზერეკიძე აცხადებს, რომ „ნაციონალური მოძრაობის“ წევრები არიან დამნაშავეები, რომლებიც არათუ სინანულს არ განიცდიან, არამედ კვლავ რევანშისტულად არიან განწყობილნი და „ერთი სული აქვთ, როგორმე ხელისუფლებაში დაბრუნდნენ“, რომ უარესი გაუკეთონ ქართველ ხალხს.როგორც გიორგი ზერეკიძემ „დებატების“ ეთერში განმარტა, მაშინდელმა ქვეყნის პირველმა პირმა ის განტევების ვაცად აქცია. მისი თქმით, მაშინდელი ქვეყნის პირველი პირი პირდაპირ ერეოდა სასამართლო სისტემაში და ფეხქვეშ თელავდა ადამიანის უფლებებს.„ვხედავთ, რომ ის დამნაშავეები და „ნაციონალური მოძრაობის“ წევრები, დღეს არათუ სინანულს განიცდიან, ისევ რევანშისტულად არიან განწყობილები და ერთი სული აქვთ, როგორმე ხელისუფლებაში დაბრუნდნენ, რომ უარესი გაუკეთონ ქართველ ხალხს და იმაზე უარესი დამართონ, რაც 2012 წლამდე დამართეს.არ შემიძლია, არ ვახსენო ბატონი სოზარ სუბარის უკომპრომისო ბრძოლა და მინდა, მადლობა გადავუხადო ყველა იმ ადამიანის სახელით, ვის გამოც და ვისთვისაც ბატონი სოზარი ასე უკომპრომისოდ იბრძოდა მაშინდელი რეჟიმის წინააღმდეგ.მე პირად მოტივზე არ მაქვს საუბარი და პირადი მოტივით არ ვაფასებ „ნაციონალურ მოძრაობას“ - მე თუ არ ვიქნებოდი, სხვა ზერეკიძე იქნებოდა, ვისაც ასე უსამართლოდ დასჯიდა და მე, არც მაშინ ვამბობდი და არც ახლა არ ვამბობ, რომ უდანაშაულო ვიყავი. მე - 14 წლის ბავშვს რაც შეიძლებოდა დანაშაული ჩაედინა, ჩავიდინე, მაგრამ მაშინდელმა სასამართლომ, მაშინდელმა საგამოძიებო უწყებებმა სრულიად განსხვავებულად წაიყვანეს საქმე და ვხედავდით, ქვეყნის პირველი პირი როგორ გამოდიოდა და როგორ მლანძღავდა, კრიმინალს მეძახდა და ერთგვარ განტევების ვაცად მაქცია მიშა სააკაშვილმა.რაც შეეხება ბოლო მის გამოსვლებს ჩემს მისამართით, მე თუ აქამდე ეჭვი მქონდა იმის, რომ ეს შეიძლებოდა მიშას არ სცოდნოდა მამაჩემის გარდაცვალება ხომ? „ეს გარეწარი ნათესავები“ - ეს სიტყვა რომ თქვა, აქ მამაჩემი ჰყავს ნაგულისხმები, ანუ ზუსტად მაგის ბრძანებით მოხდა მამაჩემის სიკვდილი. აი, წარმოიდგინეთ, ქვეყნის პირველი პირი, რომელიც ასე დეტალებშია ჩასული და ასე ერევა სასამართლო სისტემაში და ასე ფეხქვეშ თელავს ადამიანის უფლებებს დღეს, როგორ არ უნდა იქნას აკრძალული და მისი პარტია როგორ არ უნდა იქნას გასამართლებული“, - განაცხადა გიორგი ზერეკიძემ.
