1792916168
1792864389
საფრანგეთის ქალაქ ლიონში აქციის მონაწილეების დასაშლელად პოლიციამ ცრემლსადენი გაზი გამოიყენა
1792864364
Reuters: იორდანიაში ეკლესიაზე შეიარაღებული თავდასხმის შედეგად 7 ადამიანი დაიღუპა და 34 დაშავდა
25 ოქტომბრის ასტროლოგიური პროგნოზი
1792869618
პარიზში მეტროს 24 სადგური დაიხურა
1792862591
24 ოქტომბრის ასტროლოგიური პროგნოზი
1792783155
როგორი ამინდია მოსალოდნელი დღეს საქართველოში
1792730969
23 ოქტომბრის ასტროლოგიური პროგნოზი
1792696884
ვიდეოები
1791194642
დავით სონღულაშვილი რთველის მიმდინარეობას საკოორდინაციო შტაბში გაეცნოგარემოს დაცვისა და სოფლის მეურნეობის მინისტრი დავით სონღულაშვილი ქალაქ გურჯაანში, რთველის საკოორდინაციო შტაბში იმყოფებოდა, სადაც შტაბის მუშაობას, ყურძნის ჩაბარების და მოსავლის დაბინავების პროცესს გაეცნო.„ადგილზე გავეცანით რთველის მიმდინარეობას. ამ დროისთვის ვენახების თითქმის ნახევარი უკვე დაკრეფილია და რთველი პიკურ პერიოდშია. გავეცანით რთველის შტაბის მუშაობას, რიგების მართვასა და ყურძნის ხარისხობრივ სეგრეგაციას. მნიშვნელოვანია, რომ რთველი ორგანიზებულად მიმდინარეობს და ჩაბარებული ყურძნის უმეტესი ნაწილი მაღალი ხარისხისაა. არსებული მონაცემებისა და საპროგნოზო მოსავლის გათვალისწინებით, წლევანდელი რთველი დამოუკიდებელი საქართველოს ისტორიაში ერთ-ერთი ყველაზე მასშტაბური და მაღალი ხარისხის იქნება. წელს პირველად დანერგილმა ყურძნის ხარისხობრივმა დიფერენციაციამ მევენახეებს დამატებითი მოტივაცია მისცა, განსაკუთრებული ყურადღება მიაქციონ ყურძნის ხარისხს, რაც საბოლოოდ ღვინის ხარისხზე აისახება. ეს ყველაფერი ერთობლიობაში ქართულ ღვინოს კიდევ უფრო კონკურენტუნარიანს გახდის და საერთაშორისო ბაზრებზე მის პოზიციებს კიდევ უფრო გაამყარებს“, - განაცხადა დავით სონღულაშვილმა.5 ოქტომბრის მდგომარეობით, კახეთში გადამუშავებულია 168 500 ტონა ყურძენი, საიდანაც 166 865 ტონა მაღალი და საშუალო ხარისხის ყურძენია, რაც გადამუშავებული მოსავლის 99%-ს შეადგენს. გადამუშავებული ყურძნიდან 86,7 ათასი ტონა საფერავია, 70 ათას ტონამდე - რქაწითელი, ხოლო დანარჩენი სხვადასხვა ჯიშის ყურძენია. ღვინის საწარმოებს ყურძენი 12 ათასზე მეტმა მევენახემ ჩააბარა.რთველის ორგანიზებულად ჩატარებისა და მოსავლის სრულად რეალიზაციის მიზნით, საქართველოს მთავრობის გადაწყვეტილებით, ჭარბი მოსავლის შემთხვევაში, ყველა მევენახე მოსავალს დააბინავებს. შპს „მოსავლის მართვის კომპანია“ კახეთში მოწეულ ყურძენს ფიზიკური პირებისგან დადგენილი პირობების შესაბამისად იბარებს.საფერავის შემთხვევაში, რომლის შაქრიანობაც არანაკლებ 20%-ია, 1 კგ ყურძნის ფასი 1,50 ლარს შეადგენს, 16%-დან 20%-მდე შაქრიანობის შემთხვევაში - 1 ლარს, ხოლო 16%-ზე ნაკლები შაქრიანობის ყურძნის შემთხვევაში - 50 თეთრს.რქაწითელისა და სხვა საღვინე ჯიშების შემთხვევაში, არანაკლებ 19%-იანი შაქრიანობის ყურძნის ფასი 1,30 ლარია, 16%-დან 19%-მდე შაქრიანობის - 90 თეთრი, ხოლო 16%-ზე ნაკლები შაქრიანობის შემთხვევაში - 50 თეთრი.ყურძნის ჩაბარების პროცესს ქალაქ გურჯაანში განთავსებული რთველის საკოორდინაციო შტაბი უწევს კოორდინაციას. რთველთან დაკავშირებული დამატებითი ინფორმაციის მიღება შესაძლებელია ცხელი ხაზის ნომრებზე - 1501 და 032 2 19 37 18.
1785509812
ჯარიმა 10 000 ლარამდე გაიზარდა - ვინ და რა შემთხვევაში დაჯარიმდება
სათამაშო ბიზნესის სფეროში სამართლებრივი პასუხისმგებლობა მკაცრდება და სანებართვო პირობების შეუსრულებლობისთვის დაწესებული ჯარიმების ოდენობები იზრდება.მიღებული კანონპროექტის მიხედვით, სამორინეს მოწყობის ნებართვის მფლობელთა მიმართ ჯარიმის ოდენობა 7 000 ლარის ნაცვლად, 20 000 ლარით განისაზღვრა.სათამაშო აპარატების სალონის მოწყობის ნებართვის მფლობელთა მიმართ ჯარიმის ოდენობა 1 000 ლარის ნაცვლად, 10 000 ლარით განისაზღვრა.აზარტული კლუბის მოწყობის ნებართვის მფლობელთა მიმართ ჯარიმა 2 000 ლარის ნაცვლად, 10 000 ლარი იქნება.აზარტული და მომგებიანი თამაშების მიწოდების ნებართვის მფლობელთა მიმართ ჯარიმის ოდენობა 2 000 ლარის ნაცვლად, 10 000 ლარით განისაზღვრება, ხოლო სისტემურ-ელექტრონული ფორმით სამორინეს, სათამაშო აპარატების და ტოტალიზატორის თამაშობების ორგანიზების ნებართვის მფლობელთა მიმართ დაწესებული ჯარიმა 7 000 ლარის ნაცვლად, 20 000 ლარი იქნება.
სხვა სიახლეები
საზოგადოება • 1793000400
გურამ დადიანიძის ბებიის პირველი კომენტარი - „მე სიმართლის ქალი ვარ, სიტყვა სიტყვით გეტყვით“
გურამ დადიანიძის დედის, სოფო ბიბილაშვილის მხარდამჭერ აქციაზე, ჟურნალისტმა თაია გამთენაძემ, გურამ დადიანიძის ბებიას რამდენიმე კითხვა დაუსვა. გთავაზობთ ბებიის პირველ კომენტარს:„გაუგებრობა მოხდა, ტონალობა იყო შეცვლილი. მე დასამალი არაფერი მაქვს. ჩემზე ძალიან გურამის მოსვლა არავის გინდათ. ნურავისკენ ხელს ცუდად ნუ გაიშვერთ, ძალიან გთხოვთ. ჩემი და ჩემი ოჯახის მსგავსად არავის უნდა გურამი დაბრუნდეს. თუკი რამე შემიძლია, თქვენს გვერდით ვარ. ჩემი გურამის მერე მე სიმსივნე დამემართა, ხან კარგად ვარ - ხან ცუდად. ყველაფერს ხომ ვერ ვიტყვი... ირაკლი ოქრაძე ბევრ ტყუილს ამბობს, ალბათ აწყობთ. მე არ მითქვამს, „სადაც არის, კარგად არისო...“.მე სიმართლის ქალი ვარ, სიტყვა სიტყვით გეტყვით - გასვენება იყო მოხუცის, მე იმ დროს, პანაშვიდზე გადავედი. კუთხეში, კახას დედა დამხვდა - ეს ამბავი დალიმ, კახა გელაშვილის დედამ გაავრცელა. მოილაპარაკეს ყველამ, აწყობდათ ეგრე და თქვეს. მოვიკითხე, როგორ ხართ მეთქი, როგორ ვიქნებით, კახა ისეთ დღეშია, ლამის გაგიჟდეს, ასე ამბობს, რომ მოვა, ნეკნებს დავუმტვრევო. ხელსაც ვერ დაადებს მეთქი, ვუთხარი. ეს როგორც უნდოდათ, ისე გადააკეთეს. სადაც არის, მე რა ვიცი, მე ვიცი და ვმალავ?! მე ამ წუთშიც ვეძებ, სულ ვეძებთ... ჩვენ არ გვიყვარს ხმაური და არ ვხმაურობთ, ამიტომ არ ვეძებთ?!გალანძღულები ვართ და ტალახი გვაქვს ნასროლი, რა დონეზე... ასეთ ხალხს რომ უცხოვრია საქართველოში, ამიტომ გვესროლეს. ამ ხალხის იმედზე როგორ უნდა იყოს საქართველო? ამას ყველას მიმართ არ ვამბობ... 12 წლის განმავლობაში დავდიოდით სადაც ჩემი შვილიშვილი დაიკარგა და ვერანაირი შედეგი ვერ ვნახეთ. სხვა რა გაგვეკეთებინა, რა გავაკეთოთ, მითხარით! 3 კვირაზე მეტი ლომისაზე ვიარეთ. რა ვუთხრა ადვოკატს, მე ჩემი შვილიშვილი არც მკვდარი ვიცი და არც ცოცხალი.მე რომ ჩემი გურამი მკვდრად მოვიხსენიო, იმ დღესვე მოვკვდები, მე თავად ვაგებინებ პასუხს, ვიცოდე, ჩემს გურამის ვინ რა დაუშავა. სადაც იქნება საჭირო ყველგან მივალ,“ - ამბობს გურამ დადიანიძის ბებია. შეგახსენებთ, 17 წლის გურამ დადიანიძე 12 წლის წინ, 2014 წელს, დუშეთის რაიონის სოფელ ქვემო მლეთაში გაუჩინარდა, ის ლომისობის დღესასწაულზე ექსკურსიაზე იმყოფებოდა. საქმე დღემდე გაუხსნელად ითვლება, ვინაიდან გურამ დადიანიძის კვალს ვერ მიაგნეს.
პოლიტიკა • 1793000221
მერამდენედ დააანონსეს ხალხის მდინარეები? – რადიკალური და აგენტურული პარტიების აქციამ ისევ ფიასკო განიცადა, კვლავ ერთი მუჭა ადამიანები შეიკრიბნენ, – ამის შესახებ პარლამენტის საპროცედურო საკითხთა კომიტეტის თავმჯდომარე დავით მათიკაშვილმა განაცხადა.მისივე თქმით, საზოგადოებამ ნახა, რეალურად, რა მხარდაჭერა გააჩნია რადიკალიზმს და აგენტურას.„ტყუილი და თითიდან გამოწვეულია ის თეზა, რომ თითქოს საკონსტიტუციო სასამართლოში მიმდინარე დავით ამომრჩევლის სოლიდურ რაოდენობას არჩევანის უფლება ერთმევა. ამ შემთხვევაში, მათი მხარდაჭერა ნულთან გათანაბრებულია. საკონსტიტუციო სასამართლოს სარჩელი დამოკიდებულია არა ხალხის მხარდაჭერაზე, არამედ იმაზე, თუ რეალურად რა მიზნები გააჩნია ამა თუ იმ პარტიას. ამიტომ, ანტიკონსტიტუციური და სახელმწიფოს წინააღმდეგ მოქმედი პოლიტიკური ძალები არ უნდა არსებობდნენ პოლიტიკურ ლანდშაფტში. სააკაშვილის სახით ისევ ბელადომანიას ვხედავთ, რომელიც სამწუხაროდ, დღესაც, ზოგიერთი ძალებისთვის „დემოკრატიის შუქურად“ არის მიჩნეული, სინამდვილეში კი, დემოკრატიის ნგრევით იყო დაკავებული. ეს პერსონა სხვა აგენტურულ ოპოზიციურ ძალებთან შეუთავსებელია და მათი კინკლაობის ფონზე კარგად ჩანს მათი რეალური ანტისახელმწიფოებრივი სახე, რაც კიდევ ერთი დამატებითი არგუმენტია ამ პარტიების ასაკრძალად“,- განაცხადა მათიკაშვილმა.
პოლიტიკა • 1792999909
სოფლის მეურნეობის სამეცნიერო-კვლევითი ცენტრის ჯიღაურას ბაზას ევროპული სამაგისტრო პროგრამის Vinifera EuroMaster-ის კონსორციუმის წარმომადგენლები ესტუმრნენ და ცენტრის საქმიანობის ძირითად მიმართულებებსა და მევენახეობა-მეღვინეობის სფეროში მიმდინარე სამეცნიერო-კვლევით პროექტებს გაეცნენ.ვიზიტის ფარგლებში, სტუმრებმა ჯიღაურას ბაზაზე ვაზის საკოლექციო ნარგაობა, კვლევითი ლაბორატორიები და ვაზისა და ღვინის სამუზეუმო სივრცე დაათვალიერეს. განსაკუთრებული ყურადღება გამახვილდა ქართული ვაზის გენეტიკური რესურსების შესწავლის, ადგილობრივი ჯიშების მრავალფეროვნების, მათი დაცვისა და მდგრადი გამოყენების მნიშვნელობაზე.შეხვედრის ფარგლებში, ჯიღაურას ბაზაზე იშვიათი ქართული ვაზის ჯიშებისგან დამზადებული ღვინოების დეგუსტაცია გაიმართა, რამაც სტუმრებს ქართული მეღვინეობის მრავალფეროვნებისა და გამორჩეული მახასიათებლების გაცნობის შესაძლებლობა მისცა.Vinifera EuroMaster წარმოადგენს მევენახეობა-მეღვინეობის მიმართულებით ევროპულ სამაგისტრო პროგრამას, რომლის კონსორციუმშიც გაერთიანებული არიან დარგის წამყვანი აკადემიური და პროფესიული ინსტიტუტები.
პოლიტიკა • 1792999691
სარჩელში ფართოდ არის ის მტკიცებულებები, რომელიც ამ პარტიებს ერთმანეთთან აკავშირებს, ერთმანეთის ქმედებებზე პასუხისმგებელს ხდის, მათ ძალიან კარგად იციან, რას ვედავებით და დღეს ეს იქნება წარმოდგენილი, – ამის შესახებ თავდაცვის კომიტეტის თავმჯდომარის მოადგილემ, თენგიზ შარმანაშვილმა განაცხადა.შარმანაშვილის თქმით, მომხსენებელი მოსამართლის შემდეგ, გამოვა მოსარჩელე მხარე და სასამართლოს წარუდგენს მტკიცებულებებს.„ჩვენი მტკიცებულებების ძირითადი ნაწილი ემყარება საგამოძიებო კომისიის მასალებს, ასევე სარჩელში უფრო ფართოდ არის ის მტკიცებულებები, რომელიც ამ პარტიებს ერთმანეთთან აკავშირებს, ერთმანეთის ქმედებებზე პასუხისმგებელს ხდის. მომხსენებელი მოსამართლის შემდეგ, გამოვა ჩვენი მომხსენებელი და ფართოდ წარუდგენს სასამართლოს ამ მტკიცებულებებს. ძალიან კარგად გაიგეს, რას ვედავებით და თავად მოსამართლეებმაც აღნიშნეს. შემდგომში, როდესაც ისინი რაღაც თავის მოსაზრებებს გადმოსცემდნენ, მარტივად ახსნეს, რაში ედავებოდნენ მათ და რატომ არ უნდა შედავებოდნენ. ასე რომ, მათ ძალიან კარგად იციან, რას ვედავებით და დღეს ეს იქნება წარმოდგენილი“, – განაცხადა თენგიზ შარმანაშვილმა.ცნობისთვის, საკონსტიტუციო სასამართლო 21 ოქტომბრიდან განიხილავს „ქართული ოცნების“ კონსტიტუციურ სარჩელს, რომლითაც მოთხოვნილია „ნაციონალური მოძრაობის“, „კოალიცია ცვლილებისთვის“, „ძლიერი საქართველო – ლელოს“, „ფედერალისტების“, „გახარია საქართველოსთვის“ საქმიანობის არაკონსტიტუციურად ცნობა და აკრძალვა.
საზოგადოება • 1792999297
გიორგი ნემსაძის დისშვილი მარიამ კიბორძალიძე სოციალურ ქსელში ემოციურ სტატუსს აქვეყნებს და აღწერს იმ დანაკარგს, რომელიც ბიძამისის გარდაცვალებამ გამოიწვია.„და-ძმობაგიას ამბავი სოც. ქსელით გავიგე..ეს ცალკე აღებული დიდი სისასტიკეა მე თუ მკითხავთ, მაგრამ ამაზე სხვა დროს…ხან მუხლებზე ვეგდე, ხარ უაზროდ ვეჭიდებოდი სხვადასხვა საგნებს შოკისგან.გულგაგლეჯილი ვურეკავ დედას,არ იღებს..ვრეკავ სამსახურში.. თურმე რომ არ იცის…ირაკლის ვეუბნები სასწრაფოდ წამიყვანოს დედაჩემთან, იქნებ ჩემთან ერთად გაიგოს, თორემ ჭკუიდან მშლის ის ფაქტი, დედაჩემისთვის ვინ იყო გია…არა, სიზმარში ვართ… გია… როგორ…დედაჩემს, თავის შვილებზე არ ულოცია იმდენი რამდენიც ძმებზე, მთელი თავისი ცხოვრება გია და ირაკლია, მათზე ამოსდის მზე და მთვარე…ზოგჯერ გამფიქრებია: მათ რომ რამე მოუვიდეთ დედაჩემი როგორ იქნებათქო?!კოშმარული სიზმარივით მომიშორებია ფიქრი, სადღაც შორს მიუღწეველ მომავალში.დედაჩემი ის დაა ვისაც არასდროს, არსად, არავისთან და არაფერში უსარგებლია გიას სახელით. ასეთი “საწყლები” არიან… გიაზე რომ ვისმენ ისტორიებს, გული მიკვდება და ვხედავ მის გულს დედაჩემშიც, ეს ის გულია ძალიან ბევრჯერ რომ გავბრაზებულვარ, მისაყვედურია მისთვის, მითქვამს რომ მეტისმეტად გულუბრყვილოა, მიამიტია, უბრალოა, დამთმობია, უკანდამხევია, ადამიანების უკიდეგანოდ შემყვარებელია და ურთიერთობების უკონკურენტოდ წინ დამყენებელი…ნაყოფი ხისგან შორს არ დავარდებაო, ჰოდა მეც მთელი არსებით ვებრძოდი ამ გულს ჩემში!!!გია!!!შენ მე მაჩვენე, რომ ეს გული ჩვენი დიდი საჩუქარია, აღარც დედას “გავუბრაზდები” და აღარც მე შევებრძოლები იმ ბუნებას, რომლითაც შენ ამ სასტიკ სამყაროში უდიდესი სიყვარული და დაფასება დაიმსახურემადლობა, რომ დამანახე…მადლობა, რომ ჩემ ცხოვრებაში იყავი და შექმენი ის, რაც შექმენი…შენი დამსახურებით, შენი სახელით, შენი არსებობით, შენგანდამოუკიდებლად ყველა შენიანის ცხოვრებაში მოიტანე ცხოვრებისეული ზეიმი…შენი მაგალითით ყოველთვის მინდოდა იგივეს გაცემა…ახლა უფრო მეტად მოვინდომებ…არ ვიცი როგორ ვანუგეში მარიკა ბებო, დედაჩემი, სოფუნა… გული მეწვება ბიჭებზე…მაგრამ მაინც ვფიქრობ, ღმერთს არაფერი ეშლებამიყვარხარ გია ბიძია“,- წერს მარიამ კიბორძალიძე.
7 პროდუქტი, რომლებიც კიბოს უჯრედებს აქრობს
1792959743
1784697101
როგორი ამინდია მოსალოდნელი დღეს საქართველოში
