დონალდ და მელანია ტრამპების საშობაოდ გადაღებული ფოტო სოციალურ ქსელში განხილვის თემა გახდა - PHOTO

აშშ-ის პრეზიდენტმა დონალდ ტრამპმა და მისმა მეუღლემ, ფოტომოდელმა და დიზაინერმა მელანია ტრამპმა  საშობაოდ გადაიღეს ფოტო, რომელმაც ინტერნეტში მწვავე განხილვები გამოიწვია. შესაბამისი პუბლიკაცია და კომენტარები გამოჩნდა თეთრი სახლის ოფიციალურ Instagram-გვერდზეც. 

გამოქვეყნებულ ფოტოზე წყვილი ხელჩაკიდებული პოზირებს ამერიკის დროშებისა და გირლანდებით მორთული ნაძვის ხეების ფონზე. 79 წლის პოლიტიკოსმა ფოტოსესიისთვის აირჩია კლასიკური შავი კოსტიუმი, თეთრი პერანგი და ბაფთა.55 წლის აშშ-ის პირველმა ლედიმ კი უპირატესობა მიანიჭა მჭიდროდ მორგებულ შავ კაბას, რომელიც მეუღლის სამოსს ეხამებოდა.

სოციალური ქსელის მომხმარებლებმა წყვილის გარეგნობა კომენტარებში განიხილეს. მათ შორის იყო როგორც კრიტიკული, ისე მხარდამჭერი შეფასებები:
„ძალიან დეპრესიულად გამოიყურება“,
„ისე არიან ჩაცმულები, თითქოს დაკრძალვაზე მიდიან“,
„გადაღებამდე ხუთი წუთით ადრე ვინმე ხომ არ გარდაიცვალა?“,
„შავ ფერს ვერაფერი შეედრება შობის აღსანიშნავად“,
„შავი ფერი მარადიული კლასიკაა“, - წერდნენ მომხმარებლები.

შეგახსენებთ, რომ ნოემბერში მელანია ტრამპი მადლიერების დღისადმი მიძღვნილ ღონისძიებას დაესწრო, სადაც მისი გარეგნობაც ასევე გახდა ინტერნეტში განხილვის მიზეზი.