ავსტრიაში ძროხამ საკუთარი თავის დასაფხანად ჯაგრისის გამოყენება ისწავლა

ავსტრიელმა ძროხამ, სახელად ვერონიკა, საკუთარი თავის ჯაგრისით ფხანა ისწავლა და ძროხებისთვის ამ უჩვეულო უნარით მეცნიერები გააოცა.

The Guardian-ის ცნობით, ვერონიკას პატრონმა, ფერმერმა და მეპურემ ვიტგარ ვიგელემ შეამჩნია, რომ ძროხა ზოგჯერ ჯაგრისებით ერთობა და მათი დახმარებით სხეულს იქავებს. კაცის თქმით, ძროხამ ტოტებით თამაში მრავალი წლის წინ დაიწყო, მოგვიანებით კი ჯაგრისების გამოყენებაც ისწავლა.

ვიგელეს თქმით, ძროხა ოჯახის წევრების ხმებსაც ცნობს და მათკენ გარბის, როდესაც ეძახიან. „ბუნებრივია, მისი არაჩვეულებრივი ინტელექტით განცვიფრებული დავრჩი“, - აღნიშნა ფერმერმა.