ზურაბ ზურაბიანი პარაძიუდოს ევროპის ჩემპიონატის ბრინჯაოს პრიზიორია

თბილისში პარაძიუდოში ევროპის ჩემპიონატი მიმდინარეობს. ქართველმა პარაძიუდოისტმა ზურაბ ზურაბიანმა (J2 კატეგორია -70 კგ) ბრინჯაოს მედლისათვის შეხვედრაში ესპანელი სერხიო იბანიეს ბანიონი დაამარცხა.

ზურაბ ზურაბიანმა პარაძიუდოს ევროპის ჩემპიონატზე ბრინჯაოს მედალი კარიერაში მეორედ მოიპოვა. გასულ წელს პარალიმპიადაზე კი ვიცე-ჩემპიონი გახდა.

მიმდინარე ტურნირზე ეს საქართველოსთვის მოპოვებული მეორე მედალია. ჩემპიონობა გიორგი ქალდანმა (J2 კატეგორია -70კგ) იზეიმა.

პარაძიუდოში ევროპის ჩემპიონატი საქართველოს სპორტის სამინისტროს მხარდაჭერით მიმდინარეობს.

ინფორმაციას სპორტის სამინისტრო ავრცელებს.