დიღომში ხანძარი ლიკვიდირებულია

თბილისში, დიღომში გაჩენილი ხანძარი ლიკვიდირებულია. ამის შესახებ „პრაიმტაიმს“ საგანგებო სიტუაციების მართვის სამსახურში განუცხადეს.

მათივე ცნობით, შემთხვევის შედეგად არავინ დაშავებულა.

ცეცხლი დაახლოებით ერთი საათის წინ, ეთერ ბოცვაძის ქუჩაზე გაჩნდა. როგორც „პრაიმტაიმს“ ადგილობრივებმა უთხრეს, ხანძარი, სავარაუდოდ, მოკლე ჩართვამ გამოიწვია. შემთხვევის დროს შენობაში ერთი ადამიანი იმყოფებოდა, რომელმაც გამოსვლა მოასწრო.