პოლიტიკა • 1787243760

ლევან მაჭავარიანი: რასაც რადიკალური ოპოზიცია და არასამთავრობო ორგანიზაციები აანონსებდნენ გამჭვირვალობის შესახებ კანონთან დაკავშირებით, აბსოლუტურად არაფერი ახდა. ნათელია, რომ ეს იყო, უკაცრავად ჟარგონისთვის და აფერისტობა, თაღლითობა

რასაც ისინი [რადიკალური ოპოზიცია და არასამთავრობო ორგანიზაციები] აანონსებდნენ, აბსოლუტურად არაფერი ახდა - განუცხადა ჟურნალისტებს საპარლამენტო ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.დეპუტატი გამოეხმაურა იმ ფაქტს, რომ ოპოზიციასა და არასამთავრობოთა ნაწილს, რომლებიც საზოგადოებას გამჭვირვალობის კანონის დამანგრეველ შედეგებში არწმუნებდნენ, პასუხი არც ახლა აქვთ - არც აკრძალული ორგანიზაციების სია წარმოუდგენიათ და არც დაზარალებული ფერმერების, სტუდენტების, ან ემიგრანტების შესახებ ინფორმაცია.„რასაც ისინი [რადიკალური ოპოზიცია და არასამთავრობო ორგანიზაციები] აანონსებდნენ, აბსოლუტურად არაფერი ახდა. ყველა ქართველისთვის, მათ შორის მათთვისაც, ვინც გარკვეული დროით შეიყვანეს შეცდომაში, ყველაფერი ნათელია, რომ ეს იყო, უკაცრავად ჟარგონისთვის და აფერისტობა, თაღლითობა. კარგი მაგალითია იმისთვის, რომ აღარასდროს მივცეთ ულტრამემარცხენეებს, ფსევდოლიბერალებს იმის საშუალება, რომ გააგრძელონ ძალადობა ჩვენს მოქალაქეებზე“. აღნიშნა მაჭავარიანმა.

პოლიტიკა • 1787217866

დავით მათიკაშვილი: აგენტურას საქართველოს გაერთიანება მშვიდობიანად ნამდვილად არ სურს, ისევ ის სააკაშვილია, უბრალოდ საკუთარი სამშობლოსადმი იმდენი ავის გაკეთება აღარ შეუძლია, რაც მანამდე შეეძლო

ეს არის რეალურად ნიანგის ცრემლები, საზოგადოებამ ძალიან კარგად იცის სააკაშვილის დამოკიდებულება საქართველოსადმი, საქართველოს ტერიტორიული მთლიანობის აღდგენისადმი. სწორედ მისმა მოღალატეობრივმა ნაბიჯებმა გამოიწვია, რომ 2008 წლის ომის შემდგომ საქართველოს ტერიტორიის 20 პროცენტი ოკუპირებულია რუსეთის ფედერაციის მიერ, – ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.მათიკაშვილის თქმით, აგენტურულმა, მოღალატეობრივმა ძალებმა საზოგადოების დასანახად როგორი განსხვავებული პოზიციებიც არ უნდა დაიკავონ, ამით არაფერი იცვლება.„ჩვენ ძალიან კარგად ვიცით „ნაცმოძრაობის“ მოღალატეობრივი სახე, სააკაშვილის სახით იქნება კონკრეტულად საზოგადოებისთვის წარმოდგენილი, გვარამიას სახით, თუ რა ურთიერთგამომრიცხავ განცხადებებს გააკეთებენ, ჩვენთვის ნათელია – აგენტურას საქართველოს გაერთიანება მშვიდობიანად, მშვიდობის პირობებში ჩვენი ქვეყნის ერთობა ნამდვილად არ სურს.სააკაშვილი თუ ძალადობაზე აკეთებს ხაზგასმას და ძალადობისკენ საკუთარ პრიორიტეტს ამჟღავნებს, ამაში გასაკვირი არაფერი არ არის. სააკაშვილის ძალადობრივმა, სრულიად დაუსაბუთებელმა, არაარგუმენტირებულმა ქმედებებმა გამოიწვია ის პრობლემატიკა, რაც ოკუპირებულ ტერიტორიებთან მიმართებით გვაქვს, ის მოღალატეობრივი ომი, რაც მოხდა საქართველოში, სწორედ ძალადობრივი მეთოდებისადმი ამ მიმხრობამ გამოიწვია“, – აღნიშნა დავით მათიკაშვილმა.მათიკაშვილის შეფასებით, მიხეილ სააკაშვილი არ შეცვლილა, უბრალოდ „საკუთარი სამშობლოსადმი იმდენი ავის გაკეთება აღარ შეუძლია“.„როგორ ვიფიქროთ, რომ ამდენი დანაშაულის, ამდენი ქმედების შემდეგ, სააკაშვილმა რაიმე ფორმით ჭკუა ისწავლა და უკეთეს, რეალურ განცხადებებს გააკეთებს. ისევ იმ პლატფორმაზე დგას, რამაც ათქმევინა სტრასბურგის ადამიანის უფლებათა ევროპულ სასამართლოს, რომ გაოგნებული იყო სისტემური დანაშაულით, რომელიც სააკაშვილის ხელმძღვანელობით იყო საქართველოში. ისევ ის სააკაშვილია, უბრალოდ, მისი სტატუსიდან გამომდინარე, საკუთარი სამშობლოსადმი იმდენი ავის გაკეთება აღარ შეუძლია, რაც მანამდე შეეძლო“, – განაცხადა მათიკაშვილმა.

ტაბლოიდი • 1786953151

ილია თოფურიას და ჯორჯინას შვილი იუბილარია - როგორ აღნიშნეს გოგონას დაბადების დღე - ფოტოები

UFC-ის ქართველი ჩემპიონის ილია თოფურიას და ჯორჯინა უზკატეგუის გოგონა იუბილარია და 2 წლის გახდა. გოგონას დაბადების დღიდან კადრებს ჯორჯინა სოციალურ ქსელში გვიზიარებს.შეგახსენებთ, ილია თოფურიასა და ჯორჯინა უზკატეგუის დაშორების შესახებ ინფორმაცია რამდენიმე თვის წინ გავრცელდა. ჯორჯინა უზკატეგუი მას თავდაპირველად ძალადობაში ადანაშაულებდა და ქონე‐ ბის ნახევარს მოითხოვდა.მას ასევე სურდა საცხოვრებლად აშშ-ში გადასვლა, რაზეც ილია თოფურია უარს აცხადებდა – მიზეზი წყვილის საერთო, მცირეწლო‐ ვანი შვილია, რომლის სხვა ქვეყანაში გაშვება მებრძოლს არ სურდა. მოგვიანებით ცნობილი გახდა, რომ სასამართლომ ილია თოფურია გაამართლა. 

სამართალი • 1786445818

ბათუმელი ტელეწამყვანისა და მეტეოროლოგის მიმართ ძალადობისა და მუქარის ბრალდებით 2 პირი დააკავეს

შინაგან საქმეთა სამინისტროს ინფორმაციით, ბათუმში დააკავეს ორი პირი, რომლებიც ტელეწამყვან კობა ფარტენაძეს დაჭრით ემუქრებოდნენ.„გამოძიებით დადგინდა, რომ ერთ-ერთმა დაკავებულმა, რომელსაც ძალადობა ედება ბრალად, მიმდინარე წლის 9 აგვისტოს, ურთიერთშელაპარაკებისას, ბათუმში კობა ფარტენაძეს ფიზიკური შეურაცხყოფა მიაყენა, მომხდარიდან მალევე, მას ბრალდებულის სახით დაკავებული კიდევ ერთი პირი დანის გამოყენებით დაჭრით დაემუქრა.სამართალდამცველებმა ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, ორივე მამაკაცი ბრალდებულის სახით დააკავეს,”- ნათქვამია შსს-ს მიერ გავრცელებულ განცხადებაში.შსს-ს ცნობით, გამოძიება სისხლის სამართლის კოდექსის 126 – ე და 151- ე მუხლებით მიმდინარეობს.ფაქტს ფარტენაძის დედა სოციალურ ქსელში გამოეხმაურა:„ერთი შვილი უკვე ვერაგულად მომიკლეს; მეგობრებისა და სიმართლის დამცველი, ახლა კი ჩემს ერთადერთ შვილს, კობა ფარტენაძეს ემუქრებიან მოკვლით, ვინ ხართ და რას წარმოადგენთ, ამდენის უფლებას რომ აძლევთ თქვენს თავს? ვის რა დაგიშავათ ჩემმა შვილმა?! ყველას მოგიზღვევთ უფალი, თუ კანონი არა! მადლობა ყველას, ვინც გვერდით დაგვიდექით და იბრძოლეთ სამართლიანობისთვის“, - წერს მზია ნიქაბაძე.

სამართალი • 1786430292

პოლიციამ ბათუმში მომხდარ ძალადობისა და მუქარის ფაქტებზე 2 პირი ცხელ კვალზე დააკავა

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ბათუმში მომხდარ ძალადობისა და მუქარის ფაქტებზე 2 პირი დააკავეს.გამოძიებით დადგინდა, რომ ერთ-ერთმა დაკავებულმა, რომელსაც ძალადობა ედება ბრალად, მიმდინარე წლის 9 აგვისტოს, ურთიერთშელაპარაკებისას, ბათუმში ერთ პირს ფიზიკური შეურაცხყოფა მიაყენა, მომხდარიდან მალევე, მას ბრალდებულის სახით დაკავებული კიდევ ერთი პირი დანის გამოყენებით დაჭრით დაემუქრა.სამართალდამცველებმა ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, ორივე მამაკაცი ბრალდებულის სახით დააკავეს.გამოძიება სისხლის სამართლის კოდექსის 126 - ე და 151- ე მუხლებით მიმდინარეობს.ინფორმაციას შსს ავრცელებს.

მსოფლიო • 1786362794

მელონიმ და ფრედერიქსენმა უკონტროლო მიგრაციის წინააღმდეგ საერთო განცხადება გაავრცელეს და ევროპის ქრისტიანული კულტურის მემკვიდრეობას დაცვის პირობა დადეს

იტალიის პრემიერ-მინისტრმა ჯორჯია მელონიმ და დანიის პრემიერ-მინისტრმა მეტე ფრედერიქსენმა ერთობლივი განცხადება გამოაქვეყნეს, რომელშიც „უკონტროლო მიგრაციის“ წინააღმდეგ ბრძოლაში საერთო პოზიცია დააფიქსირეს და პირობა დადეს, რომ ევროპის ქრისტიანულ კულტურულ მემკვიდრეობას დაიცავენ.განცხადებაში აღნიშნულია, რომ ლიდერები ევროპული მთავრობების ერთადერთი ქალი ლიდერები არიან და განსხვავებული პოლიტიკური წარმომავლობისა და გეოგრაფიული რეალობის მიუხედავად, ევროპის დაცვის საერთო ვალდებულება აერთიანებთ.„ჩვენ არ ვიღებთ უკონტროლო იმიგრაციას ევროპაში და ხელი შევუწყვეთ მკაცრ მიგრაციულ პოლიტიკას, როგორც ჩვენს ქვეყნებში, ისე მთელ ევროპაში. არავის შეუძლია უარყოს არალეგალური იმიგრაციის უარყოფითი გავლენა ჩვენს საზოგადოებებზე: დანაშაულის დონის ზრდა, მზარდი ზეწოლა საჯარო სერვისებზე და საზოგადოებრივი ნდობის ეროზია. განსაკუთრებით სერიოზულია, როდესაც უკანონო მიგრანტები, რომლებსაც ჩვენს ქვეყნებში დარჩენის უფლება არ აქვთ, სჩადიან ძალადობრივ დანაშაულს, ვაჭრობენ ნარკოტიკებით ან პასუხისმგებელნი არიან სექსუალურ ძალადობაზე“, - აღნიშნულია მელონის მიერ Facebook-ზე გამოქვეყნებულ პოსტში.​Euronews-ი წერს, რომ ფრედერიქსენი და მელონი ბოლო დროს ევროკავშირში უფრო მკაცრი მიგრაციული პოლიტიკის ყველაზე ხმამაღალი დამცველები არიან, განსაკუთრებით ესპანეთის ანკლავ სეუტაში არსებული კრიზისის შემდეგ, როდესაც ათობით ათასმა არალეგალმა მიგრანტმა საზღვარი რამდენიმე საათში გადაკვეთა.საპასუხოდ, იტალიამ და დანიამ ღია წერილით მიმართეს ევროკავშირის ინსტიტუტებს, რომელსაც სულ 22-მა წევრმა სახელმწიფომ მოაწერა ხელი. წერილი მოუწოდებს კოორდინირებული მოქმედებისკენ უკანონო მიგრაციასთან საბრძოლველად, საგარეო საზღვრების გასაძლიერებლად და ე.წ. „მიზიდვის ფაქტორების“ აღმოსაფხვრელად.ორი ლიდერის აზრით, რიგითმა მოქალაქეებმა უნებართვო მიგრაციისთვის ძალიან დიდი ფასი გადაიხადეს. მათ მიაჩნიათ, რომ იმ მიგრანტებისადმი უფრო მკაცრი მიდგომა, რომლებმაც მძიმე დანაშაული ჩაიდინეს, საზოგადოებისათვის მეტ უსაფრთხოებასა და დაცულობას ნიშნავს.

მსოფლიო • 1786286999

ძიძამ ორ წლამდე ასაკის ბავშვებზე სექსუალური ძალადობა გადაიღო - სასამართლომ მას 70 წლით პატიმრობა მიუსაჯა

აშშ-ის ოჰაიოს შტატში 26 წლის მოლი ელიზაბეთ დუნკანს, რომელიც ძიძად მუშაობდა, ორ მცირეწლოვან ბავშვზე სექსუალური ძალადობისთვის 70 წლით თავისუფლების აღკვეთა მიუსაჯეს. გამოძიების ინფორმაციით, დუნკანი ჩრდილო-აღმოსავლეთ ოჰაიოში ოჯახების ძიძად დაახლოებით 2023 წლის ნოემბრიდან 2024 წლის ივლისამდე მუშაობდა. სამართალდაცავებმა დაადგინეს, რომ მან ბავშვებზე სექსუალურად იძალადა და მომხდარს მობილური ტელეფონით გადაიღო.გამოძიებისას მისი ელექტრონული მოწყობილობების ექსპერტიზამ ორივე ბავშვის შესახებ რამდენიმე უკანონო ფაილი გამოავლინა.  დუნკანი ჩანაწერებს სოციალურ ქსელში სხვა ადამიანსაც უზიარებდა. ქალმა 2026 წლის აპრილში ფედერალურ სასამართლოში თავი დამნაშავედ ცნო ბავშვების სექსუალურ ექსპლუატაციასთან, უკანონო მასალის გავრცელებასა და ფლობასთან დაკავშირებულ ბრალდებებზე. 

სამართალი • 1786271796

პროკურატურა ინფორმაციას ავრცელებს

საქართველოს პროკურატურამ 2024 წლის 11 აგვისტოს სამტრედიაში მიმდინარე წინასაარჩევნო კამპანიის ღონისძიების დროს განხორციელებული ძალადობის ფაქტზე სამ პირს ბრალდება წარუდგინა.პროკურატურის ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ 2024 წლის 11 აგვისტოს, პოლიტიკური პარტია „ახალის“ სამტრედიის რაიონული ორგანიზაციის ოფისის გახსნისას, სულხან-საბა ნიკოლეიშვილმა თავის არეში დაარტყა ნიკანორ მელიას, რის შედეგადაც ამ უკანასკნელმა განიცადა ფიზიკური ტკივილი. მომხდარის დროს, ნიკანორ მელიას თანმხლებმა პირებმა - გაბრიელ კობაიძემ და ცოტნე მირცხულავამ საპასუხოდ ფიზიკურად იძალადეს სულხან-საბა ნიკოლეიშვილის მიმართ, რის შედეგადაც ამ უკანასკნელმა განიცადა ტკივილი და მიიღო მსუბუქი ხარისხის დაზიანება.უწყების ცნობით, სამართალდამცველებმა ბრალდებულებს ბრალდება საქართველოს სისხლის სამართლის კოდექსის 162-ე პრიმა მუხლის 1-ლი ნაწილით (წინასაარჩევნო კამპანიის ღონისძიების დროს ძალადობა) წარუდგინეს, რაც სასჯელის სახედ და ზომად ჯარიმას ანდა 2 წლამდე თავისუფლების აღკვეთას ითვალისწინებს.პროკურატურა ბრალდებულებისათვის აღკვეთის ღონისძიების გამოყენების შუამდგომლობით სასამართლოს კანონით დადგენილ ვადაში მიმართავს.

საზოგადოება • 1786219080

ნია იმნაძის ბებია მიმართვას ავრცელებს

გიგა ავალი­ანის მკვლელობის საქმეზე დაკავებული ნია იმნაძის ბებია, შორენა ბალხამიშვილი სოციალურ ქსელში მიმართვას ავრცელებს.„კონკრეტულად როდის, სად და რა სიტყვებით წააქეზა ნია იმნაძემ ალექსანდრე გაბაშვილი გიგა ავალიანზე თავდასხმისთვის?ათი თვე გავიდა. ათი თვის განმავლობაში მიმდინარეობდა გამოძიება. ამოღებული იყო ტელეფონები, შესწავლილი იყო მიმოწერები, დაკითხული იყვნენ ადამიანები, ჩატარებული იყო არაერთი საგამოძიებო მოქმედება.ნია არ დაუკავებიათ. ათი თვის განმავლობაში - 16 წლის ბავშვის წინააღმდეგ მიმდინარეობდა უმძიმესი და დაუნდობელი საჯარო კამპანია.ჩვენ ყოველდღიურად ვუყურებდით, როგორ ხდებოდა ნიას სახელის საჯაროდ ტირაჟირება, ენით აღუწერელი შეურაცხყოფა და ცილისწამება. როგორ აცხადებდნენ მას „მთავარ ფიგურად“, „წამქეზებლად“, ფაქტობრივად უკვე დამნაშავედ - სასამართლოს გადაწყვეტილებამდე, განაჩენამდე და ბრალის დამტკიცებამდე.ეკა კუპატაძის ტკივილი ჩვენთვის ყოველთვის გასაგები იყო. მან შვილი დაკარგა. ჩვენ მთელი გულით ვწუხვართ გიგა ავალიანის გარდაცვალების გამო და ამ ტრაგედიის სიმძიმე არასოდეს დაგვიკნინებია. პირიქით ჩუმად ვიყავით იქამდე სადამდეც შესაძლებელი იყო. მიუხედავად ქალბატონი ეკას პირდაპირი მკვლელობის მუქარისა რომ სისხლს აიღებდა და ყველას დახოცდა.მაგრამ ერთი ოჯახის ენით აღუწერელი ტკივილი არ შეიძლება გახდეს მეორე ოჯახის 16 წლის ბავშვის საჯაროდ განადგურების საფუძველი.მთელი ამ პერიოდის განმავლობაში ნიას, როგორც არასრულწლოვნის, როგორც ბავშვის, ღირსება, პირადი ცხოვრება და უდანაშაულობის პრეზუმფცია ფეხქვეშ იქნა გათელილი.მის წინააღმდეგ გაჩნდა ისეთი საზოგადოებრივი სიძულვილი, რომ ათასობით ადამიანმა განაჩენი გამოძიებასა და სასამართლოს დაასწრო.16 წლის ბავშვი საზოგადოებამ უკვე გაასამართლა - საქმის მასალების ცოდნის გარეშე.წინა პოსტში გაგიზიარეთ ვალერიან იმნაძის მიერ გადმოგზავნილი სქრინები 34-ე ტომიდან, და რას ვხედავთ იქ?29-30 სექტემბერი - თავდასხმამდე.ეს არის ალექსანდრე გაბაშვილის (SASHKAAA) და ანი ნასყიდაშვილის პირადი მიმოწერა.ნია ამ საუბარში საერთოდ არ მონაწილეობს.ალექსანდრე ამბობს:„ძლივს დავაჯერე რომ არაფერს არ ვაპირებ“შემდეგ:„ანუ ამან არ უნდა გაიგოს არაფერი “ ვაფშე.„არაფერი“ანი:„მაგას ვერც გაიფიქრებს რო ცემ“ალექსანდრე ნიას მეგობარს სთხოვს, ნიას უთხრას, თითქოს:„ვითომ პროსტა დაველაპარაკე და ვსო იმ მათემატიკას“ამავე საუბარში საუბარია იმაზეც, რომ ნიამ რომ „ცემა-ტყეპა გაიგოს“ ალექსანდრეს დაშორდება.ახლა გთხოვთ, ყველაფერი, რაც ათი თვის განმავლობაში ნიაზე მოგისმენიათ, რამდენიმე წუთით გვერდზე გადადოთ. უბრალოდ წაიკითხეთ ეს სიტყვები და დაფიქრდით: თუ ნიამ ალექსანდრე გიგას ცემისთვის წააქეზა - რატომ უმალავდა ალექსანდრე ნიას, რომ ცემას აპირებდა?თუ ნია იყო „წამქეზებელი“ - რატომ დააჯერა ალექსანდრემ, რომ არაფრის გაკეთებას არ აპირებდა?თუ ნია ითხოვდა ძალადობას - რატომ ეუბნება მეგობარს, რომ ნიამ არაფერი უნდა გაიგოს?თუ ეს ყველაფერი ნიას სურვილით ხდებოდა - რატომ ფიქრობდნენ, რომ სიმართლის გაგების შემთხვევაში ნია გაბრაზდებოდა და შესაძლოა ალექსანდრეს დაშორებოდა?და რატომ წერია თავდასხმამდე: „მაგას ვერც გაიფიქრებს რო ცემ“?რას ამბობს კანონი „წაქეზებაზე“? - საქართველოს სისხლის სამართლის კოდექსის 24-ე მუხლი ამბობს: „წამქეზებელია ის, ვინც დაიყოლია სხვა პირი განზრახი დანაშაულის ჩასადენად.“სწორედ ამიტომ ვსვამთ ყველაზე მნიშვნელოვან კითხვას:სად არის დაყოლიება? - გვაჩვენეთ ნიას სიტყვები.რა უთხრა? - გვაჩვენეთ მისი შეტყობინება.რა დაწერა? - გვაჩვენეთ მისი მითითება.რა მოსთხოვა ალექსანდრეს? - ამ მიმოწერაში კიდევ ერთი რამ გვხვდება.ნიაზე, რომელიც საზოგადოებას თვეების განმავლობაში მონსტრად წარმოუდგინეს, ამ პირად საუბარში ამბობენ, რომ ის ისეთი ადამიანია, რომელიც: „ჭიანჭველასაც არ მოკლავს.“ მნიშვნელოვანია როდის და რა გარემოებაში იწერება ეს სიტყვები. ეს არ დაწერილა ნიას დასაცავად, არ დაწერილა სასამართლოსთვის, არ დაწერილა დაკავების შემდეგ - ეს იყო პირადი საუბარი ტრაგედიამდე, როდესაც არავის წარმოდგენაც კი არ ჰქონდათ, რა ელოდათ წინ.რა შეიცვალა ათი თვის შემდეგ?თუ მთელი ამ დროის განმავლობაში ნიას დასაკავებლად საკმარისი საფუძველი არ არსებობდა. რა ახალი მტკიცებულება გაჩნდა ახლა? რა მიიღეთ ახლა ისეთი, რაც თვეების განმავლობაში არ გქონდათ?ჩვენ გვაქვს უფლება მიიღოთ კონკრეტული პასუხი. არა ზოგადი ფრაზები. არა საზოგადოებაში შექმნილი წარმოდგენები. არა ემოცია. არა ის, ვინ რამდენჯერ მოითხოვა ნიას დაკავება - მტკიცებულება.ჩვენ ათი თვის განმავლობაში ჩუმად ვუყურებდით, როგორ იქცა ჩვენი ოჯახის 16 წლის ბავშვი საჯარო სამიზნედ. ვუყურებდით, როგორ ხდებოდა მის წინააღმდეგ უმძიმესი ბრალდებების ყოველდღიურად გამეორება. როგორ იქმნებოდა მისგან სასტიკი და ბოროტი მოზარდის სახე. როგორ ებრძოდა ოჯახი არა მხოლოდ სისხლის სამართლის საქმეს, არამედ უკვე ჩამოყალიბებულ საზოგადოებრივ განაჩენს.ნია იყო არასრულწლოვანი. მასაც ჰქონდა და აქვს უფლებები. მასაც აქვს ღირსება. მასაც აქვს უდანაშაულობის პრეზუმფცია.ეკა კუპატაძეს ჰქონდა და აქვს სრული უფლება იბრძოლოს საკუთარი შვილისთვის და მოითხოვოს სამართლიანობა. მაგრამ გიგასთვის სამართლიანობის მოთხოვნა ვერ გაამართლებს ნიას წინასწარ დამნაშავედ გამოცხადებას. ეს ორი რამ ერთმანეთს არ ეწინააღმდეგება. გიგასთვის ნამდვილი სამართლიანობა ნიშნავს სიმართლის დადგენას. და ნიასთვის ნამდვილი სამართლიანობაც ზუსტად იმავეს ნიშნავს.დაუსვით საკუთარ თავს კითხვა: თუ ნია იმნაძე იყო თავდასხმის წამქეზებელი, რატომ უმალავდა თავად ალექსანდრე გაბაშვილი ნიას საკუთარ რეალურ განზრახვას?16 წლის ბავშვის თავისუფლება, სახელი, მომავალი და მთელი ცხოვრება ნადგურდება ვარაუდით. საზოგადოებრივი რისხვა მტკიცებულება არ არის. ტკივილი მტკიცებულება არ არის. ყველაზე ხმამაღლა და ყველაზე ხშირად გამეორებული ბრალდებაც კი მტკიცებულება არ არის. მტკიცებულება არის მტკიცებულება.ჩვენ არ ვითხოვთ არაფერს სიმართლის გარდა, მხოლოდ და მხოლოდ სიმართლეს და არაფერ სხვას“ - წერს გიგა ავალიანის მკვლელობის საქმეზე დაკავებული ნია იმნაძის ბებია, შორენა ბალხამიშვილი სოციალურ ქსელში და მიმოწერის სქრინებს აქვეყნებს. 

სამართალი • 1786133230

„გლოვოს“ კურიერზე თავდასხმის ფაქტზე შსს-მ გამოძიება დაიწყო

„გლოვოს“ კურიერზე თავდასხმის ფაქტზე შსს-მ 126-ე მუხლით დაიწყო, რაც ჯგუფურად ჩადენილ ძალადობას გულისხმობს.შეგახსენებთ, რომ ყაზბეგის 26-ში გლოვოს კურიერს შეკვეთის მიტანისას თავს დაესხნენ. ინფორმაცია მომხდარის შესახებ სოციალურ ქსელში ადვოკატმა, იაკო კვანტალიანმა გაავრცელა. 

მსოფლიო • 1786129148

9 ახალშობილს აუხსნელი მოტეხილობები აღმოუჩინეს - ექთანს ბავშვზე ძალადობაში ედება ბრალი

აშშ-ის ვირჯინიის შტატში ახალშობილთა ინტენსიური თერაპიის განყოფილების ყოფილმა ექთანმა, 27 წლის ერინ სტროტმანმა, სასამართლოში ცხრა ახალშობილის მიმართ ბავშვზე ძალადობის ბრალდებაზე დანაშაული არ უარყო. საქმე ერთ-ერთ ყველაზე გახმაურებულ სამედიცინო სკანდალად იქცა, რადგან დაზარალებულები ნაადრევად დაბადებული და განსაკუთრებულად მოწყვლადი ჩვილები იყვნენ. გამოძიების ინფორმაციით, შემთხვევები 2022-2024 წლებში მოხდა. ექიმებმა რამდენიმე ჩვილს აუხსნელი მოტეხილობები და სხვა დაზიანებები აღმოუჩინეს, რის შემდეგაც საავადმყოფომ შიდა მოკვლევა დაიწყო. მოგვიანებით საქმეში სამართალდამცავებიც ჩაერთნენ.სასამართლოზე პროკურორებმა წარადგინეს სათვალთვალო კამერების ჩანაწერები, რომლებშიც, მათი თქმით, ჩანს, როგორ ექცეოდა ექთანი ჩვილებს უხეშად. გამოძიების ვერსიით, სწორედ ასეთი მოპყრობის შედეგად მიიღეს ახალშობილებმა მოტეხილობები და სხვა ფიზიკური დაზიანებები. სასამართლომ ერინ სტროტმანს სამი წლით თავისუფლების აღკვეთა მიუსაჯა. გარდა ამისა, მას სამუდამოდ ჩამოერთვა ექთნის ლიცენზია და აეკრძალა ჯანდაცვის სფეროში მუშაობა, ასევე არასრულწლოვნებთან და განსაკუთრებულად დაუცველ პირებთან პროფესიული საქმიანობა.

პოლიტიკა • 1786085730

აშშ-ის საელჩო: სოლიდარობას ვუცხადებთ ქართველ ხალხს, ვადასტურებთ ერთგულებას საქართველოს ტერიტორიული მთლიანობის მიმართ, ხაზს ვუსვამთ კონფლიქტის მშვიდობიანი გადაჭრის საჭიროებას

შეერთებული შტატები კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით და გმობს რუსეთის მიმდინარე ოკუპაციის პირობებში მომხდარ მკვლელობებს, გატაცებებსა და სხვა სახის ძალადობას, – ამის შესახებ საქართველოში აშშ-ის საელჩო სოციალურ ქსელში წერს.როგორც საელჩო აღნიშნავს, აშშ სოლიდარობას უცხადებს ქართველ ხალხს.„დღეს საქართველოს წინააღმდეგ განხორციელებული რუსეთის სამხედრო აგრესიიდან თვრამეტი წელი გავიდა. შეერთებული შტატები კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით და გმობს რუსეთის მიმდინარე ოკუპაციის პირობებში მომხდარ მკვლელობებს, გატაცებებსა და სხვა სახის ძალადობას.სოლიდარობას ვუცხადებთ ქართველ ხალხს და კიდევ ერთხელ ვადასტურებთ ერთგულებას საქართველოს სუვერენიტეტის, დამოუკიდებლობისა და ტერიტორიული მთლიანობის მიმართ, ხაზს ვუსვამთ კონფლიქტის მშვიდობიანი გადაჭრის საჭიროებას“, – წერს აშშ-ის საელჩო.