პროპაგანდა

არჩილ გორდულაძე: დიდი ბრიტანეთის ხელისუფლება თავს ესხის არა მხოლოდ თავისუფალ სიტყვას და მედიას, არამედ შეურცხყოფას აყენებს ათასობით ადამიანს, ვინც ამ ტელევიზიებს უყურებს

„ბიბისის“ ე.წ. ფილმი და რეალურად, პროპაგანდისტური მასალა აბსოლუტურად დაუსაბუთებელი, პოლიტიკური მიზნით იყო შექმნილი. ანალოგიურია „დიფ სთეითისგან“ მართული დიდი ბრიტანეთის ხელისუფლების გადაწყვეტილება, რომელიც თავს ესხის არა მხოლოდ თავისუფალ სიტყვას და მედიას, არამედ შეურცხყოფას აყენებს ათასობით ადამიანს, ვინც ამ ტელევიზიებს უყურებს, – ამის შესახებ პარლამენტის იურიდიულ საკითხთა კომიტეტის თავმჯდომარე არჩილ გორდულაძემ განაცხადა.მისივე თქმით, „მათ შეურაცხყოფას აყენებენ, თითქოს, ვერ არჩევენ, რა არის ფაქტი და რა – პროპაგანდა“.„იმედი“ და „პოსტივი“ სიმართლეს საუბრობენ, რის გამოც აქვთ ქართველი ხალხის მხარდაჭერა, მაგრამ დიდი ბრიტანეთის მხრიდან საქართველოზე თავდასხმას ვხედავთ. ორივე ტელევიზია მუშაობას აგრძელებს, ასეთი თავდასხმები შედეგს ვერ გამოიღებს. 2007 წელს, ეს მედია სააკაშვილმა დაარბია და მაშინ დიდ ბრიტანეთს ერთი განცხადებაც არ გაუკეთებია, ახლა კი, თავდასხმებს ახორციელებენ“, – განაცხადა არჩილ გორდულაძემ.

მსოფლიო • 1772445641

ზაზა დობორჯგინიძე: საქართველო გეოგრაფიული მდებარეობიდან გამომდინარე ვერ აირჩევს მხარეს რეგიონულ ომში. ხელისუფლების განცხადება მიმდინარე ომზე არის ისეთი, როგორიც უნდა იყოს

"საქართველო, მისი გეოგრაფიული მდებარეობიდან გამომდინარე, ვერ აირჩევს მხარეს რეგიონულ ომში. ნებისმიერი ადამიანი, რომელსაც წილადების შეკრება შეუძლია, ამდენს ხვდება", - წერს პოლიტიკის ექსპერტი ზაზა დობორჯგინიძე სოციალურ ქსელში.მისი განცხადებით, საქართველოს ხელისუფლების განცხადებ მიმდინარე ომზე სწორედ ისეთია, როგორიც უნდა იყოს, ხოლო ის მედიასაშუალებები, რომელიც მხოლოდ ირანის ნაწილზე ამახვილებენ ყურადღებას, "ორლარიან პროპაგანდას" აწარმოებენ და მიიჩნევენ, რომ საკუთარ მკითხველს განცხადების წაკითხვა არ შეუძლია."საქართველო, მისი გეოგრაფიული მდებარეობიდან გამომდინარე, ვერ აირჩევს მხარეს რეგიონულ ომში. ნებისმიერი ადამიანი, რომელსაც წილადების შეკრება შეუძლია, ამდენს ხვდება. საქართველოს ხელისუფლების განცხადება მიმდინარე ომზე არის ისეთი, როგორიც უნდა იყოს, და მხოლოდ ირანის ნაწილს რომ ქარდავთ მედია, დებილი გგონიათ თქვენი მკითხველი, რომელსაც განცხადების წაკითხვა არ შეუძლია? საკუთარ თავს ეცით პატივი, ამ ორლარიან პროპაგანდას დიდი ხანია ერთმანეთს უყვებით უკვე", - წერს დობორჯგინიძე.

პოლიტიკა • 1772191664

ირაკლი ქადაგიშვილი: ევროკომისია შანტაჟის და დაშინების ენით გველაპარაკება, ქართველი ხალხი სხვისი პოლიტიკური ინტერესების სასაკლაოზე არ უნდა გავუშვათ, თორემ ვიზა მოსანატრებელი გაგვიხდება

საქართველოს სუვერენიტეტზე თუ ვიტყვით უარს, გვეტყვიან, ქართველებო, ისიც გეყოფათ, რომ 90 დღით საზღვარგარეთ წახვალთო, – პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.მისივე თქმით, ევროკომისია ქართველ ხალხს შანტაჟისა და დაშინების ენით ელაპარაკება.„რას ნიშნავს, ევროპულ გზაზე უნდა დავბრუნდეთ? მათი გაგებით, რადგან საქართველო პირდაპირ კონფრონტაციაში არ არის შესული რუსეთთან, ამიტომ ევროპულ გზაზე აღარ ვართ. თუ აქ მეორე ფრონტი იქნებოდა და რუსეთთან კონფრონტაციაში ვიქნებოდით, მაშინ ევროპული გზის ერთგულები ვიქნებოდით. რასაც გვეუბნებიან, ევროპულ გზაზე დაბრუნება ნიშნავს, რომ რუსეთს სანქციები უნდა დავუწესოთ, ლგბტ პროპაგანდა და ერთნაირსქესიანთა ქორწინება აღიარებული იყოს, სასამართლო დააკომპლექტონ, ჩვენ თითი ავწიოთ და როცა გაუხარდებათ, არჩევნების შედეგები ქართველ ხალხს მიაყარონ, როცა მოუნდებათ, რევოლუცია მოაწყონ და პარლამენტი გადაწვან. თურმე თუ ამაზე კანონი რეაგირებას მოახდენს, ეს რუსული გზაა. ეს არ არის ევროპული გზა, ეს არის ვასალად თავის აღიარება. ჩვენ ევროპულ გზაზე ვდგებით და ევროპულ ღირებულებებს ვიცავთ. ევროკომისია ქართველ ხალხს შანტაჟის და დაშინების ენით ელაპარაკება. ქართველმა ხალხმა თავისუფლება და თავმოყვარეობა არ უნდა დაკარგოს. ქართველი ხალხი სხვისი პოლიტიკური ინტერესების სასაკლაოზე არ უნდა გავუშვათ, თორემ ვიზა მოსანატრებელი გაგვიხდება. საქართველოს სუვერენიტეტზე თუ ვიტყვით უარს, გვეტყვიან, ქართველებო, ისიც გეყოფათ, რომ 90 დღით საზღვარგარეთ წახვალთ.ჩვენ რომ რუსეთს დავუწესოთ სანქციები, ეს ამ ადამიანებისთვის, ჩვენი ქვეყნისთვის და მოქალაქეებისთვის სიკეთეა? რუსეთს თუ სანქციებს დავუწესებთ, ეს ჩვენი ეკონომიკისთვის სიკეთე იქნება? საერთაშორისო სანქციების აღსრულებაში საქართველოზე პირნათელი ქვეყანა არცერთია. აქ საუბარია რუსეთთან პირდაპირი სანქციების დაწესებაზე, რომ ჩვენი პროდუქცია აღარ გავიდეს რუსეთში, ჩვენი ეკონომიკა ჩამოიქცეს, რუსეთმა სანქციები აქეთ დაგვიწესოს. როცა ვამბობთ, რომ რუსეთი აგრესორი ქვეყანაა, ამით დამთავრდება ყველაფერი? სხვა პოლიტიკური, სამხედრო თუ უსაფრთხოებასთან დაკავშირებული აგრესია არ წამოვა რუსეთის მხრიდან? ლამაზი ლოზუნგით რომ გვექაჩებოდნენ ომში, ეს საფრთხის მატარებელი არ არის? ოპოზიცია რომ ხარობს, თვითონ რას ამბობენ, რომ მზად არიან საომრად?“ – განაცხადა ქადაგიშვილმა.ცნობისთვის, ოპოზიციის წარმომადგენლებმა ევროკომისიის პრეზიდენტს საქართველოში მიმდინარე მოვლენების შესახებ წერილი გაუგზავნეს: „ჩვენთვის ცნობილია, რომ ევროკავშირის ერთ-ერთი წევრი სახელმწიფო სისტემურად აფერხებს კომისიის მცდელობებს, მიიღოს არსებითი სანქციები ბატონ ივანიშვილისა და მისი კრემლთან დაკავშირებული ქსელის წინააღმდეგ. მიუხედავად იმისა, რომ ვიმედოვნებთ, ეს წინააღმდეგობა დროთა განმავლობაში გადაილახება, ახლად გადახედილი ვიზების შეჩერების მექანიზმი (Visa Suspension Mechanism) ამ მომენტში სთავაზობს რეალურ გზას წინსვლისკენ“, – აღნიშნულია წერილში, რომელსაც ხელს აწერენ: ზურაბ გირჩი ჯაფარიძე, ნიკა გვარამია, ნიკა მელია, ლევან ხაბეიშვილი, ელენე ხოშტარია, გიორგი ვაშაძე, ირაკლი ოქრუაშვილი და გივი თარგამაძე. ამასთან, ევროკომისიის პრეზიდენტი ურსულა ფონ დერ ლაიენი ქართველი ოპოზიციონერებისადმი გაგზავნილ წერილში წერს, რომ „ვიზების შეჩერება, შეიძლება, მთელ მოსახლეობაზე გავრცელდეს, თუ საქართველოს ხელისუფლება საკითხებს არ მოაგვარებს“.

პოლიტიკა • 1772134428

ჯონდი ბაღათურია: ერთმნიშვნელოვნად ომში ჩართვა უნდათ და დღეს, ომში ჩვენი ჩართვა კიდევ უფრო აქტუალურია - იქ აგებენ ომს და ახლა ჟანგბადივით სჭირდებათ, რომ სადღაც ნახონ ვიღაც და როგორც უკრაინელი ხალხი, ისე შეატაკონ რუსეთს

,ერთმნიშვნელოვნად ომში ჩართვა უნდათ. დღეს, ომში ჩვენი ჩართვა კიდევ უფრო აქტუალურია, აგებენ იქ ომს და ახლა ჟანგბადივით სჭირდებათ, რომ სადღაც ნახონ ვიღაც საწყალი ხალხი, როგორც უკრაინელი ხალხი, ისე შეატაკებენ რუსეთს და მეორე ფრონტს გაახსნევინებენ, - ამის შესახებ "ქართული დასის" ლიდერმა, ჯონდი ბაღათურიამ, გადაცემაში "ვახო ხუზმიაშვილის თავისუფალი სივრცე" განაცხადა.მისი თქმით, ევროპულ ბიუროკრატიას ბოლშევიკებთან არაერთი საერთო აქვს და მათაც სურთ საკუთარი რევოლუციის ექსპორტი სხვადასხვა ქვეყანაში, თუმცა, ტერმინები ცოტათი შეიცვალა. ბაღათურია აცხადებს, რომ ევროკავშირის ბოლო რეზოლუციებით ნათელი ხდება, რომ მათ ლგბტ დიქტატურის დამყარება უნდათ."ზოგადად, ბოლშევიკებს რა ჰქონდათ, რაში მდგომარეობდა ტროცკიზმი? თუ გახსოვთ, იყო ასეთი ტერმინი - "რევოლუციის ექსპორტი" და წითელი დიქტატურის დამყარება. ეს იგივე ხალხია, ამათაც უნდათ თავიანთი რევოლუციების ექსპორტი. ოღონდ, ტერმინები ცოტა შეიცვალა, წითელი კომისრების ნაცვლად, ცისფერი კომისრები დადიან და რევოლუციების ექსპორტის ნაცვლად, ლაპარაკია ფერადი რევოლუციების ექსპორტზე და მთელი ჯაჭვი მიდის ხოლმე ამ რევოლუციების. უნდათ ლგბტ დიქტატურის დამყარება - ამას ვინმე მალავს? ნახეთ, ევროკავშირის ბოლო რეზოლუციები როგორია. ევროკავშირში პირდაპირ დასჯადად ითვლება ნებისმიერი სახელმწიფოს მოქმედება, თუ იგი არ იზიარებს ევროკავშირის მიერ მიღებულ ამ ლგბტ პროპაგანდას." - განაცხადა ჯონდი ბაღათურიამ.

პოლიტიკა • 1772052324

მაკა ბოჭორიშვილი: „უკრაინაზე როდესაც ვსაუბრობთ, ალბათ, რთული სათქმელია როგორ შეიძლება განვითარდეს საქართველო-უკრაინის ურთიერთობები. ბევრი რამ იქნება გამოსასწორებელი“

„ჩვენ ძალიან მკაფიო პოზიცია გვაქვს, როდესაც უკრაინასთან დაკავშირებით ვსაუბრობთ - ხშირად ხდება, რომ რეზოლუციებს ვუერთდებით, არის დოკუმენტები. ჩვენ მხარს ვუჭერთ საერთაშორისო სამართლის ნორმებსა და პრინციპებს, რაც ძვირფასია ჩვენთვის და რაც ეხება ქვეყნების ტერიტორიულ მთლიანობასა და სუვერენიტეტის დაცვას. აქ ჩვენ სუბიექტურებიც ვართ და ობიექტურებიც. პირველ რიგში, ჩვენთვის ძალიან მნიშვნელოვანია, რომ საერთაშორისო სამართლის ეს პრინციპები იყოს პატივცემული და დაცული. ეს ჩვენც გვეხება - ჩვენი ქვეყნის ტერიტორიული მთლიანობაც ხელყოფილია და მნიშვნელოვანია, ვიყოთ თანმიმდევრულები, როდესაც ვსაუბრობთ საერთაშორისო სამართალსა და საერთაშორისო სამართლის ნორმების დაცვაზე.“- საქართველოს საგარეო საქმეთა მინისტრმა, მაკა ბოჭორიშვილმა "ღამის კურიერის" ეთერში განაცხადა. საგარეო უწყების ხელმძღვანელის შეფასებით, სამშვიდობო შეთანხმებისკენ გადადგმულ ნაბიჯებთან დაკავშირებით მოლოდინები გაჩნდა, თუმცა ომი კვლავ გრძელდება.„საერთაშორისო სამართლის ნორმების დაცვაზე მოლოდინები, რა თქმა უნდა, გაჩნდა გარკვეულწილად, როდესაც ჩვენ ვნახეთ ამერიკის შეერთებული შტატების პრეზიდენტის პირადად და ამერიკის შეერთებული შტატების ძალისხმევა იმისათვის, რომ მაქსიმალურად გადაიდგას ნაბიჯები სამშვიდობო შეთანხმებისკენ. თუმცა ამ დრომდე ვხედავთ, რომ ომი გრძელდება და სამწუხაროდ, უკრაინაში კვლავ იხოცება ხალხი. ძალიან სამწუხაროა ეს ომი გრძელდება და არ ჩანს მკაფიო კონტურები, თუ როგორი შეიძლება იყოს სამშვიდობო შეთანხმება, რა შეიძლება იყოს საბოლოო შედეგი.არათუ საქართველოზე - ამ ომის დასრულება რა გავლენას იქონიებს ევროპაზე, არავინ იცის.“ - აღნიშნა საგარეო მინისტრმა. მაკა ბოჭორიშვილმა ასევე ისაუბრა უკრაინის „სამშვიდობო პაკეტსა“ და ევროკავშირში გაწევრიანების საკითხზე.„ხშირად არის მედიაში საუბარი, თუ რა არის უკრაინის სამშვიდობო პაკეტის შინაარსი, იქ საუბარია ევროკავშირში გაწევრიანების კონკრეტულ თარიღებზეც, რომ უკრაინა უნდა გახდეს ევროკავშირის წევრი. მეორე მხრივ, გვესმის ევროპის გარკვეული წინააღმდეგობა იმასთან დაკავშირებით, რომ კონკრეტული თარიღები არ უნდა ითქვას და არსებობს გარკვეული შფოთვები ევროკავშირის მხარეს, რომელიც ამავდროულად უჭერს მხარს უკრაინას და მის ევროკავშირში გაწევრიანებას, თუმცა წინააღმდეგია კონკრეტული თარიღების დასახელების. რთული სათქმელია, თუ რა შედეგებით შეიძლება დასრულდეს ომი და რა გავლენა ექნება ჩვენს რეგიონზე, ევროპასა და ზოგადად გლობალურ წესრიგზე“, - განაცხადა მაკა ბოჭორიშვილმა. საგარეო საქმეთა მინისტრმა საქართველო-უკრაინის ურთიერთობებზეც გაამახვილა ყურადღება, მათ შორის ელჩის დანიშვნის საკითხზეც ისაუბრა.„ელჩის დანიშვნასთან დაკავშირებით ჩვენ ცნობა შარშან მივიღეთ, დიდი ხნის წინ და ამ დრომდე ის არ ჩამოსულა საქართველოში. რთული სათქმელია, როდის მოხდება ეს. ჩვენ ვიცით, რომ საკმაოდ რთულ ვითარებაშია საქართველოსადმი უკრაინის დამოკიდებულება. აქაც, რა სუბიექტური დამოკიდებულებები არსებობს საქართველოსთან მიმართებაში, ერთგვარად ცინიზმიც არის, როდესაც პროპაგანდაზე საუბრობენ მაშინ, როდესაც რამხელა პროპაგანდისტული კამპანიები ვიხილეთ საქართველოსთან მიმართებაში. ჩვენ მასიური პროპაგანდის მსხვერპლი ვართ ერთგვარად.ჩვენ ხომ ვნახეთ, რომ საქართველოს დააბრალეს ყველაფერი, მაქსიმალურად გააშავეს ჩვენი ქვეყანა სწორედ მედია საშუალებების, მათ შორის, საერთაშორისო მედიების დახმარებით. რა აღარ დააბრალეს, მათ შორის, "კამიტის" ისტორია.“- აღნიშნა საგარეო მინისტრმა.მაკა ბოჭორიშვილის განცხადებით, საქართველო-უკრაინის ურთიერთობებთან დაკავშირებით არაერთი საკითხი კვლავ გამოწვევად რჩება.„უკრაინაზე როდესაც ვსაუბრობთ, ალბათ, რთული სათქმელია როგორ შეიძლება განვითარდეს საქართველო-უკრაინის ურთიერთობები. ბევრი რამ იქნება გამოსასწორებელი, პირველ რიგში, ალბათ, ერთგვარად, მოველით, რომ მოხდეს უკრაინული მხარის მიერ აღიარება და გაცნობიერება, რომ ჩვენს ქვეყანას ყველაფერი აქვს გაკეთებული იმისთვის, რომ ყოფილიყო უკრაინის გვერდით პოლიტიკურად, ყოფილიყო უკრაინის გვერდით, როდესაც ვსაუბრობდით ჰუმანიტარულ დახმარებაზე და ვსაუბრობდით ადამიანების დახმარებაზე, რომელთაც შეეხოთ ომი. ამ პირობებში, ის კრიტიკა თუ წნეხი, რაც საქართველოზე მოდიოდა, მათ შორის, უკრაინელი პოლიტიკოსების მხრიდან, სრულიად უსამართლო და გაუმართლებელი იყო" - განაცხადა მაკა ბოჭორიშვილმა.

პოლიტიკა • 1772047151

უკრაინის ელჩის დანიშვნასთან დაკავშირებით ჩვენ ცნობა შარშან მივიღეთ, ამ დრომდე ის არ ჩამოსულა საქართველოში - მაკა ბოჭორიშვილი

"ელჩის დანიშვნასთან დაკავშირებით ჩვენ ცნობა შარშან მივიღეთ, დიდი ხნის წინ და ამ დრომდე ის არ ჩამოსულა საქართველოში. რთული სათქმელია როდის მოხდება ეს, - ასე უპასუხა საქართველოს საგარეო საქმეთა მინისტრმა, მაკა ბოჭორიშვილმა საქართველოში უკრაინის ელჩის ჩამოსვლასთან დაკავშირებით, "ღამის კურიერის" ეთერში დასმულ კითხვას.ბოჭორიშვილის თქმით, უკრაინაზე საუბრისას, რთული სათქმელია როგორ განვითარდება საქართველო-უკრაინის ურთიერთობები, თუმცა მოლოდინი აქვთ, რომ მოხდეს უკრაინული მხარის იმის აღიარება, რომ საქართველოს ყველაფერი აქვს გაკეთებული პოლიტიკურად უკრაინის გვერდში დგომისთვის."ელჩის დანიშვნასთან დაკავშირებით ჩვენ ცნობა შარშან მივიღეთ, დიდი ხნის წინ და ამ დრომდე ის არ ჩამოსულა საქართველოში. რთული სათქმელია როდის მოხდება ეს. ჩვენ ვიცით, რომ საკმაოდ რთულ ვითარებაშია საქართველოსადმი უკრაინის დამოკიდებულება. აქაც, რა სუბიექტური დამოკიდებულებები არსებობს საქართველოსთან მიმართებაში, ერთგვარად ცინიზმიც არის, როდესაც პროპაგანდაზე საუბრობენ მაშინ, როდესაც რამხელა პროპაგანდისტული კამპანიები ვიხილეთ საქართველოსთან მიმართებაში. ჩვენ მასიური პროპაგანდის მსხვერპლი ვართ ერთგვარად. ჩვენ ხომ ვნახეთ, რომ საქართველოს დააბრალეს ყველაფერი, მაქსიმალურად გააშავეს ჩვენი ქვეყანა სწორედ მედია საშუალებების, მათ შორის, საერთაშორისო მედიების დახმარებით. რა აღარ დააბრალეს, მათ შორის, "კამიტის" ისტორია. აქედან გამომდინარე, უკრაინაზე როდესაც ვსაუბრობთ, ალბათ, რთული სათქმელია როგორ შეიძლება განვითარდეს საქართველო-უკრაინის ურთიერთობები. ბევრი რამ იქნება გამოსასწორებელი, პირველ რიგში, ალბათ, ერთგვარად, მოველით, რომ მოხდეს უკრაინული მხარის მიერ აღიარება და გაცნობიერება, რომ ჩვენს ქვეყანას ყველაფერი აქვს გაკეთებული იმისთვის, რომ ყოფილიყო უკრაინის გვერდით პოლიტიკურად, ყოფილიყო უკრაინის გვერდით, როდესაც ვსაუბრობდით ჰუმანიტარულ დახმარებაზე და ვსაუბრობდით ადამიანების დახმარებაზე, რომელთაც შეეხოთ ომი. ამ პირობებში, ის კრიტიკა თუ წნეხი, რაც საქართველოზე მოდიოდა, მათ შორის, უკრაინელი პოლიტიკოსების მხრიდან, სრულიად უსამართლო და გაუმართლებელი იყო", - განაცხადა მაკა ბოჭორიშვილმა.

პოლიტიკა • 1772019872

თამთა მეგრელიშვილი: "იმედის" და "პოსტივის" მიმართ გამოყენებული ბრძოლის მეთოდი, ჰიბრიდული ომის კლასიკური მაგალითია, რათა ჩაახშონ სიმართლე და დაამკვიდრონ პროპაგანდა

დიდი ბრიტანეთის გადაწყვეტილება "იმედზე" და "პოსტივიზე" შეფასებულ უნდა იქნას, როგორც თავისუფალ ქართულ მედიაზე თავდასხმა", - წერს "ხალხის ძალის" წევრი თამთა მეგრელიშვილი სოციალურ ქსელში.მისი შეფასებით, დანაშაულია შექმნა გარემო, რათა ჩაახშო მართალი სიტყვა და ამით დაუპირისპირდე მოსახლეობის დიდ ნაწილს, რომელსაც გარე ნაკარნახევი დირექტივებით გაჯერებული ინფორმაციის მიმღებლობა არ აქვს და საკუთარ არჩევანს ტელეკომპანია "იმედსა" და "პოსტივიზე" აკეთებს."დიდი ბრიტანეთის გადაწყვეტილება "იმედზე" და "პოსტივიზე"-ზე შეფასებულ უნდა იქნას, როგორც თავისუფალ ქართულ მედიაზე თავდასხმა. აღნიშნული ორი არხის მიმართ გამოყენებული ბრძოლის მეთოდი, ჰიბრიდული ომის კლასიკური მაგალითია, რათა ჩაახშონ სიმართლე და დაამკვიდრონ პროპაგანდა. უხერხულია თავს ესხმოდე და ასანქცირებდე თავისუფალ მედიას, რომელსაც, მოსახლეობის 40% - იანი ნდობა აქვს და ამას ობიექტური კრიტერიუმებით ვერ ამართლებდე. დანაშაულია, შექმნა გარემო, რათა ჩაახშო მართალი სიტყვა და ამით დაუპირისპირდე მოსახლეობის დიდ ნაწილს, რომელსაც, გარე ნაკარნახევი დირექტივებით გაჯერებული ინფორმაციის მიმღებლობა არ აქვს და საკუთარ არჩევანს ტელეკომპანია "იმედსა" და "პოსტივიზე" აკეთებს. დაწესებული სანქციები, არის თავდასხმა თავისუფალ ქართულ მედიაზე და ამ თავდასხმის მიზანია თავისუფალი სიტყვის ჩახშობა. სხვა ქვეყანაში სიტყვის თავისუფლებაში ჩარევას, ბრიტანეთის ხელისუფლებას ურჩევნია, საკუთარი პრობლემებს გადახედოს და საკუთარი სტატუსი და სიტყვის ფასი უფრო სერიოზულად აღიქვას. დიდმა ბრიტანეთმა ამ სანქციის ფარგლებში დაკარგა მორალური უფლება, ისაუბროს დემოკრატიის მაღალ სტანდარტზე და სიტყვის თავისუფლებაზე იმ ხარისხში, რა ხარისხშიც ის აქამდე საუბრობდა. არავის აქვს უფლება, ქართველი ხალხის ნებასა და ინფორმაციის მიღების თავისუფალ არჩევანზე გავლენა მოახდინოს, დააწესოს გარედან ნაკარნახევი შეზღუდვები ან განსაზღვროს, რომელი მედიაა მისაღები და რომელი არა", - წერს მეგრელიშვილი.

პოლიტიკა • 1772014216

პარლამენტის თავმჯდომარემ დეპუტატებთან ერთად კოჯორი-ტაბახმელასთან ბრძოლებში დაღუპულ იუნკერთა მემორიალი გვირგვინით შეამკო

პარლამენტის თავმჯდომარე შალვა პაპუაშვილმა, პრემიერ-მინისტრმა ირაკლი კობახიძემ, პრეზიდენტმა მიხეილ ყაველაშვილმა, თავდაცვის მინისტრმა ირაკლი ჩიქოვანმა, თბილისის მერმა კახა კალაძემ, საკანონმდებლო და აღმასრულებელი ხელისუფლების წარმომადგენლებმა კოჯორი-ტაბახმელასთან ბრძოლებში დაღუპული იუნკრების მემორიალი გვირგვინით შეამკეს და გმირების ხსოვნას პატივი მიაგეს.„105 წლის წინ რუსეთის მეთერთმეტე არმია თავს დაესხა დამოუკიდებელ საქართველოს და ამით შეწყვიტა დამოუკიდებელი საქართველოს არსებობა. ეს დღე ჩვენ ორ რამეზე უნდა გვაფიქრებდეს. პირველი, დამოუკიდებლობა არ არის მოცემულობა, რომელიც ერთხელ დგება და თავისთავად გრძელდება. დამოუკიდებლობას დაცვა უნდა! როგორც 105 წლის წინ უნდოდა ჩვენი ქვეყნის დამოუკიდებლობას დაცვა, ასევე უნდა დღეს და შეიძლება დღეს კიდევ უფრო მეტად, ვინაიდან დამოუკიდებლობის ხელყოფის ინსტრუმენტები კიდევ უფრო ფართოა. ეს არ არის მარტო ხიშტი. დღეს ეს უკვე არის სიტყვა, პროპაგანდა და ჰიბრიდული ინსტრუმენტები, რომლებიც საქართველოს დამოუკიდებლობის წინააღმდეგ გამოიყენება. და მეორე, ჩვენ უნდა გვახსოვდეს, რომ ისევე როგორც 105 წლის წინ, დღესაც მტრის ხელში მთავარი იარაღი „მეხუთე კოლონაა“ ქართული სახელებითა და გვარებით, ადამიანები, რომლებიც ჩვენს ქვეყანაში უცხო ძალების ინტერესებს ატარებენ“, - განაცხადა საქართველოს პარლამენტის თავმჯდომარემ შალვა პაპუაშვილმა კოჯორში, იუნკერთა მემორიალთან.როგორც შალვა პაპუაშვილმა აღნიშნა, დღესაც „მეხუთე კოლონა“ მძლავრობს და ცდილობს, საქართველო სხვების დღის წესრიგსა და ინტერესებს დაუქვემდებაროს.„ასე რომ, 25 თებერვალი ჩვენ ორ რამეს გვახსენებს - დამოუკიდებლობას ყოველდღიური დაცვა უნდა და ეს თითოეული მოქალაქის პასუხისმგებლობაა და „მეხუთე კოლონას“ ყოველთვის უნდა მხილება, ვინაიდან თუკი არ ვამხელთ ქართული გვარ-სახელების ადამიანებს, რომლებიც უცხო ქვეყნების დროშებს აფრიალებენ, ეს დასრულდება იმით, რომ ბოლოს თბილისის თავზე სხვა ქვეყნის დროშა აფრიალდება“, - განაცხადა პარლამენტის თავმჯდომარემ.

მსოფლიო • 1771841250

ანალენა ბერბოკი: სიჩუმე არჩევანია, უმოქმედობა არჩევანია და მას შედეგები მოჰყვება, კარგი ამბავი ის არის, რომ მოქმედებაც არჩევანია და ეს ჩვენს ხელში

სიჩუმე არჩევანია, უმოქმედობა არჩევანია და მას შედეგები მოჰყვება, კარგი ამბავი ის არის, რომ მოქმედებაც არჩევანია და ეს ჩვენს ხელშია, – ამის შესახებ გაერო-ს გენერალური ასამბლეის თავმჯდომარე ანალენა ბერბოკმა ჟენევაში, გაერო-ს ადამიანის უფლებათა საბჭოზე სიტყვით გამოსვლისას განაცხადა.„ისტორია გვასწავლის, რომ დიდი სისტემები იშვიათად ინგრევა ერთი დრამატულ მომენტში. ისინი ნელ ეროზიას განიცდიან. წესი წესს მიჰყვება, ვალდებულება ვალდებულებას, მაშინ, როდესაც მათი დამცველები მდუმარედ ყოფნას ამჯობინებენ, ვიდრე ერთ დღესაც ის, რაც მუდმივი გვეჩვენებოდა, უბრალოდ ქრება. ადამიანის უფლებათა საბჭოს წევრობა, წევრ სახელმწიფოდ ყოფნა, პასიურ მაყურებლად ყოფნას არ ნიშნავს. ჩვენ არ ვართ გვერდით მდგომი დამკვირვებლები, რომლებსაც აქვთ ფუფუნება, გვერდიდან უცქირონ, როდესაც უსამართლობა ვითარდება“, – აღნიშნა ბერბოკმა.მისი თქმით, ადამიანის უფლებათა სისტემას, უნივერსალურ დეკლარაციასა და გაერო-ს წესდებაში ასახულ პრინციპებს თითოეული ადამიანის მოქმედება სჭირდება, მათ შორის მთავრობების, დიპლომატების, თანამდებობის პირებისა და პარლამენტარების.„ჩვენ ყველა გვჭირდება. გვჭირდება თქვენი მხარდაჭერა, თქვენი ლიდერობა, პრინციპული პოზიცია, თქვენი გლობალური და რეგიონული თანამშრომლობა, რათა დავიცვათ, დავაფიქსიროთ და ვემხრობოდეთ გაერო-ს წესდების სამ პრინციპს: მშვიდობასა და უსაფრთხოებას, განვითარებასა და ადამიანის უფლებებს. ვიცით, რომ ისინი ერთმანეთთან მჭიდროდაა დაკავშირებული და თითოეული ჩვენგანისთვის, ინდივიდუალურად და კოლექტიურად, სარგებელი მოაქვთ.ადამიანის უფლებების პატივისცემა საჭიროა არა მხოლოდ აქ, საბჭოში შეხვედრების დროს, არამედ თქვენს ეროვნულ დებატებშიც – მაშინ, როდესაც პოპულიზმისა და სოციალური მედიის წნეხის პირობებში ვიღაც მოულოდნელად ეჭვქვეშ აყენებს 1951 წლის ლტოლვილთა კონვენციას ან იწყება ქორწინების ასაკის შემცირება, რაც, ფაქტობრივად, ბავშვთა ქორწინების დაკანონებას ნიშნავს; როდესაც ვრცელდება ანტისემიტური და ისლამოფობიური პროპაგანდა, რომელიც ცდილობს ჩვენი სისხლისა და სამოქალაქო სამართლის გადაწერას.საჭიროა ყველა წევრი სახელმწიფოს მკაფიო ვალდებულება, რომ გაერო-ს ოფისი თავად გაერო-ს ეკუთვნის, მათ შორის პალესტინელთა მხარდამჭერი სააგენტოც და მათი სკოლები ამჟამად პალესტინელი ბავშვების განათლების უფლებას უზრუნველყოფენ. საჭიროა ყველა წევრი სახელმწიფოს მკაფიო პოზიცია, რომ უკრაინელი ბავშვების გატაცება ომის დანაშაულია. საჭიროა ყველა წევრი სახელმწიფოს მკაფიო ვალდებულება, რომ მსოფლიოს ყველა კუთხეში ადამიანებს აქვთ უფლება, მშვიდობიანად და თავისუფლად გამოვიდნენ ქუჩებში დემონსტრაციებზე, მათ შორის ირანშიც.საჭიროა, ყველა ჩაერთოს გაერო-ს რეფორმის პროცესში და საკუთარ თავთან მართლებივიყოთ. უნდა ვაღიაროთ, რომ ფუნქციების დუბლირება არსებობს ადამიანის უფლებათა საბჭოსა და გაერო-ს გენერალური ასამბლეის მესამე კომიტეტს შორის, ასევე დუბლირება არსებობს სხვადასხვა სააგენტოს შორის. ეს არის მიზეზი, რის გამოც ჩვენ ამ რეფორმას ვახორციელებთ – ინსტიტუტის გასაძლიერებლად, გასაუმჯობესებლად და – არა დასასუსტებლად“, – განაცხადა ანალენა ბერბოკმა.

მსოფლიო • 1771696371

ბრიუსელთან კონფლიქტი გამოიწვია იმან, რომ ჩვენი ეროვნული ინტერესების შესაბამისად ვმოქმედებთ, - "არა ომს, არა მიგრაციას და არა გენდერულ პროპაგანდას" - პიტერ სიიარტო

უნგრეთის საგარეო საქმეთა მინისტრის, პიტერ სიიარტოს განცხადებით, ბუდაპეშტსა და ბრიუსელს შორის კონფლიქტი გამოიწვია იმან, რომ უნგრეთის მთავრობა ეროვნული ინტერესებით მოქმედებს, ხოლო ევროკავშირს ეს არ მოსწონს."ჩვენი კონფლიქტი ბრიუსელთან განპირობებულია იმით, რომ ჩვენი ეროვნული ინტერესების შესაბამისად ვმოქმედებთ. ჩვენ კატეგორიულად ვეწინააღმდეგებით ბრიუსელის მეინსტრიმს. ეს სამ ყველაზე მნიშვნელოვან საკითხს ეხება. უკრაინის გამო ევროპის ომში ჩათრევას ვეწინააღმდეგებით, ვეწინააღმდეგებით მიგრანტების შემოშვებას უნგრეთში და გენდერულ პროპაგანდას ვუპირისპირდებით. არა ომს, არა მიგრაციას, არა გენდერულ პროპაგანდას", - განაცხადა სიიარტომ.უნგრეთის პირველი დიპლომატის აზრით, ეს სამი საკითხი 180 გრადუსით არ შეესაბამება ბრიუსელის მოთხოვნებს.

პოლიტიკა • 1771581186

კახა კალაძე: ყველამ კარგად ვიცით, რომ ის პროპაგანდა, რასაც საზოგადოება ბოლო წლების განმავლობაში ისმენს, არ ემსახურება ქვეყნის ინტერესს და ქართველ ხალხს

„საზოგადოებამ ძალიან კარგად გააანალიზა ყველაფერი, კარგად ხედავს, თუ რა პროცესები მიდის და ვინ არის ამ ყველაფრის დამფინანსებელი“, - ასე შეაფასა დედაქალაქის მერმა კახა კალაძემ ჟურნალისტ გურამ როგავას მიერ ტელეკომპანია „ფორმულას“ ეთერში გაკეთებული განცხადება.მისი თქმით, ის პროპაგანდა, რასაც საზოგადოება ბოლო წლების განმავლობაში ისმენს, არ ემსახურება ქვეყნის ინტერესს და ქართველ ხალხს.„ჩვენ ხომ ვიცით, ეს ყველაფერი როგორ მუშაობს, საიდან იმართება, ვინ აფინანსებს, რა ინტერესებს ემსახურებიან ეს ადამიანები? ვფიქრობ, საზოგადოებამ ძალიან კარგად გააანალიზა ყველაფერი, კარგად ხედავს, თუ რა პროცესები მიდის და ვინ არის ამ ყველაფრის დამფინანსებელი. ის პროპაგანდა, რასაც ვისმენთ ბოლო წლების, თვეების განმავლობაში, ყველამ კარგად ვიცით, რას ემსახურება - არ ემსახურება ქვეყნის ინტერესს და ქართველ ხალხს. მათ თავიანთი დამოკიდებულება აქვთ ჩვენს ქვეყანასთან დაკავშირებით - აქვთ სურვილი, რომ ქვეყანა გამოყენებული იყოს სხვადასხვა მიმართულებით, მათი ინტერესების გასატარებლად და დასაცავად. ისინი ჩვენი ქვეყნის მოსახლეობის გარკვეულ ნაწილს იყენებენ სხვადასხვა მეთოდით. ეს შეიძლება იყოს პროვოკაციული ქმედებები; მედიის წარმომადგენლები, რომლებიც მხოლოდ და მხოლოდ სიცრუეზე საუბრობენ და ავრცელებენ არასწორ ინფორმაციას; შეიძლება იყვნენ არასამთავრობო სექტორის წარმომადგენლები, რომლებიც დაფინანსებას გარედან იღებენ და კონკრეტული დავალებები აქვთ, თუ რა უნდა გააკეთონ ქვეყნის წინააღმდეგ და ა.შ.“- განაცხადა კახა კალაძემ.

პოლიტიკა • 1771532292

შალვა პაპუაშვილი გურამ როგავაზე: იშვიათია ამგვარი აღიარების მოსმენა, რომ ადამიანი ჟურნალისტიკას კი არა პროპაგანდას ემსახურებოდა. დასაფასებელია

პარლამენტის თავმჯდომარე შალვა პაპუაშვილი ჟურნალისტ გურამ როგავას განცხადებას სოციალურ ქსელში ეხმაურება, რომელმაც ტელეკომპანია „ფორმულა“ დატოვა.„იშვიათია ამგვარი აღიარების მოსმენა, რომ ადამიანი ჟურნალისტიკას კი არა პროპაგანდას ემსახურებოდა. დასაფასებელია“, - წერს პაპუაშვილი.