პოლიტიკა • 1750849532

გიორგი ვაშაძე - მოლაპარაკება შეუძლებელია, მათ საბოლოოდ დაკარგეს ფასიც და სახეც, ჩვენი იარაღია ერთობა, ღირსება და ბრძოლა ბოლომდე

რეჟიმი მარცხისთვისაა განწირული. ის ამას გრძნობს, ამიტომ ებრძვის ყველას ვერაგულად. ბევრისთვის ჩვენი გზა შეიძლება, რთულია, მაგრამ სიმართლისა და გამარჯვების გზა არასდროს არის მარტივი, – ამის შესახებ „სტრატეგია აღმაშენებლის“ ლიდერი, გიორგი ვაშაძე სოციალურ ქსელში წერს.როგორც ვაშაძე აღნიშნავს, თავისუფლების, აზრის დატყვევება შეუძლებელია და ეს არის ყველა ავტოკრატის მთავარი შეცდომა.„კარგად ვარ. სიახლეა ის, რომ გწერთ 308-ე საკნიდან. გააზრებული მაქვს, აქ რისთვის ვარ. არ ვარ პირველი, ვინც ამ გზას გადის. ყოველი ასეთი გზა არის მტკიცებულება, რომ პოლიტიკური დევნა შედეგს ვერ იძლევა.შეუძლებელია თავისუფლების, აზრის დატყვევება. ეს არის ყველა ავტოკრატის და მოძალადის მთავარი შეცდომა და მათი მარცხის დასაწყისი.პატიმარი არის არა ის, ვინც ფიზიკურად დაატყვევეს, არამედ ის, ვინც გარეთ არის და ვერ იაზრებს თავისუფლების არსს.აქ ყოფნით კიდევ ერთხელ დადასტურდა, მე და სხვა ჩემი მეგობარი ლიდერები პოლიტიკაში არ ვართ პირადი კომფორტისთვის. ასე რომ ყოფილიყო, დღეს აქ არ ვიქნებოდით.ეს არის ბრძოლა საქართველოსთვის, შვილების უკეთესი და დაცული მომავლისთვის.რეჟიმი მარცხისთვისაა განწირული. ის ამას გრძნობს, ამიტომ ებრძვის ყველას ვერაგულად.ბევრისთვის ჩვენი გზა შეიძლება, რთულია, მაგრამ სიმართლისა და გამარჯვების გზა არასდროს არის მარტივი.მოლაპარაკება მათთან შეუძლებელია. მათ საბოლოოდ დაკარგეს ფასიც და სახეც. ამიტომ ჩვენი იარაღია: ერთობა, ღირსება და ბრძოლა ბოლომდე! აუცილებლად გავიმარჯვებთ!“, – წერს გიორგი ვაშაძე.საქართველოს პარლამენტის დროებითი საგამოძიებო კომისიის მოთხოვნის შეუსრულებლობის ფაქტზე თბილისის საქალაქო სასამართლომ გიორგი ვაშაძეს შვიდი თვით პატიმრობა შეუფარდა და ორი წლით თანამდებობის დაკავება აუკრძალა. გიორგი ვაშაძე სასამართლოს გადაწყვეტილების საფუძველზე დააკავეს.

პოლიტიკა • 1750849312

საქართველოს ჰყავს პოლიტიკური პატიმრები, რომელთა გათავისუფლება არის პრინციპისა და ღირსები საკითხი - ირაკლი კუპრაძე

ევროკავშირის პრეს-სპიკერის განცხადებას, რომელმაც საქართველოში ოპოზიციის ლიდერების დაკავებას პოლიტიკურად მოტივირებულს უწოდა, პოლიტიკურ სპექტრში აფასებენ.პარტია "ერთიანობა - ნაციონალური მოძრაობის" გენერალური მდივნის მოადგილის, ირაკლი ფავლენიშვილის განცხადებით, ეს პოლიტიკური დევნაა."ნათელია, რომ ეს არის პოლიტიკური დევნა და კომისიის შექმნის მიზანიც ეს იყო, რომ პოლიტიკური ლიდერები დაეპატიმრებინათ. ასეც გაგრძელდება, ჩვენ ხომ ვხედავთ ყველა, შეგვიძლია ობიექტური აზრი გამოვიტანო შექმნილი მდგომარეობიდან, ერთმანეთის მიყოლებით, დემოკრატიის ყველა კერა არის განადგურების პირას მისული", - განაცხადა ირაკლი ფავლენიშვილმა.პარტია "ლელო - ძლიერი საქართველოს" გენერალური მდივნის, ირაკლი კუპრაძის განცხადებით, საქართველოს პარტნიორი ქვეყნების მხრიდან, "ქართული ოცნების" ხელისუფლების კრიტიკა იზრდება."დღითიდღე, ჩვენი მეგობარი ქვეყნები უფრო მკაფიოდ და კრიტიკულად აფასებენ "ქართული ოცნების" ძალადობრივ, რეპრესიულ ხელისუფლებას და აკეთებენ განცხადებებს, რომ შეუძლებელია გაგრძელდეს ასე ცხოვრება.ვაგრძელებთ მუშაობას საერთაშორისო ველზე, მარტივი გზავნილებით, რომ დღეს საქართველოს ჰყავს პოლიტიკური პატიმრები, რომელთა გათავისუფლება არის პრინციპისა და ღირსების საკითხი", - განაცხადა ირაკლი კუპრაძემ.

პოლიტიკა • 1750843434

ევროდეპუტატი, რომელიც ამბობდა, სტატუსს არ მივცემთ საქართველოს და ვნახოთ, 85% „ქართულ ოცნებას“ რას უზამსო, იყო კუბილიუსი, რომელიც შემდეგ ევროკომისარი გახდა - სოზარ სუბარი

საქართველოს საგარეო საქმეთა მინისტრმა, მაკა ბოჭორიშვილმა პარლამენტის დროებით საგამოძიებო კომისიაზე გაიხსენა, რომ გარკვეულმა ევროპელმა პოლიტიკოსებმა უთხრეს, რომ კანდიდატის სტატუს მისცემდნენ უკრაინას, მოლდოვას და არ მისცემდნენ საქართველოს.„იყვნენ ევროპელი დეპუტატები, განსაკუთრებით ხშირად ევროპარლამენტარებისგან ისმოდა ასეთი იდეები“, – განაცხადა მაკა ბოჭორიშვილმა.მაკა ბოჭორიშვილს კომისიის თავმჯდომარე თეა წულუკიანმა ჰკითხა: „თქვენ ბრძანეთ, რომ ევროპელები გეუბნებოდნენ, არ მოგცემთ სტატუსს, მივცემთ მოლდოვას, უკრაინას და შემდეგ ვნახოთ, ქართველების 85%, ვინც ევროინტეგრაციის მომხრეა, „ქართულ ოცნებას“ რას უზამსო. ეს დასკვნაში მოხვდება, რაც ბევრმა ფაქტორმა გვაფიქრებინა, მაგრამ თქვენი ნათქვამი სულ სხვა ფასის მქონეა. ვინ გეუბნებოდათ ამას?, პირადად თქვენ გეუბნებოდნენ?, რაზეც ბოჭორიშვილმა აღნიშნა:„კი, ასეთი ფაქტიც იყო, დღეს ევროკომისარია ის ადამიანი, ყველამ კარგად იცის. იყო ასეთიც, მაგალითად, გული რომ შესტკიოდათ საქართველოზე, საქართველოს ხელისუფლებაზე წუხდნენ, რატომ გავაკეთეთ განაცხადი, ხომ ვიცოდით, ამას მოჰყვებოდა ინსტრუმენტად გამოყენება და ასეთ ვითარებაში რატომ გავბედეთ, გავაკეთეთ განაცხადი. ერთი წამითაც არ მიფიქრია არც მაშინ, არც ახლა, რომ ეს შეცდომა იყო და ეს არ უნდა გაეკეთებინა საქართველოს იმ მომენტში. ეს იყო, რაც იმ მომენტში საქართველოს ხელისუფლებას უნდა გაეკეთებინა და ეთქვა. ეს იყო, რაც 2020 წელს ვთქვით, რომ რაღაც პერიოდის გასვლის შემდეგ უნდა გაგვეკეთებინა, ეს გეგმაში გვქონდა. რა თქმა უნდა, ლოგიკური იყო ამის გაკეთება. სამწუხაროდ, მაშინ კარგად გამოჩნდა, რომ ევროინტეგრაცია ჩვენთვის ასეთი მნიშვნელოვანია, ვიღაცისთვის კი მხოლოდ ინსტრუმენტი“, – განაცხადა მაკა ბოჭორიშვილმა.აღნიშნულის შემდეგ კომისიის წევრმა, სოზარ სუბარმა განაცხადა:„ჩემი მხრიდან განვმარტავ, რომ ევროპარლამენტარი, რომელიც შემდეგ გახდა ევროკომისარი, საქართველოს დაუძინებელი მეგობარი, არის ანდრიუს კუბილიუსი“.

მსოფლიო • 1750837125

აშშ და ისრაელი მუსლიმურ ქვეყნებს შორის შუღლს თესავენ, ირანი რეგიონული ერთიანობისა და მშვიდობისკენ ისწრაფვის - მასუდ ფეზეშქიანი

აშშ და ისრაელი მუსლიმურ ქვეყნებს შორის შუღლს თესავენ, მაშინ, როდესაც ირანი რეგიონული ერთიანობისა და მშვიდობისკენ ისწრაფვის, – ამის შესახებ ირანის პრეზიდენტმა, მასუდ ფეზეშქიანმა საუდის არაბეთის მემკვიდრე პრინცთან, მოჰამად ბინ სალმანთან სატლეფონო საუბრის დროს განაცხადა.ფეზეშქიანის თქმით, თეირანი გააგრძელებს თავისი „კანონიერი უფლებების“ დაცვას ნებისმიერ დიპლომატიურ პროცესში, რომელიც შეიძლება, ამ საკითხს შეეხოს.ირანის პრეზიდენტის თქმით, თეირანი მიესალმება მეგობარი და მოძმე ქვეყნების ნებისმიერ დახმარებას ამ გზაზე და ასეთ დიპლომატიურ ურთიერთობებში დადებით წვლილს.ირანული მედიის ინფორმაციით, ბინ სალმანმა აღნიშნა, რომ საუდის არაბეთმა თავიდანვე დაგმო ისრაელის მიერ ირანის წინააღმდეგ განხორციელებული აგრესია. საუდის არაბეთის მემკვიდრე პრინცმა იმედი გამოთქვა, რომ ცეცხლის შეწყვეტის შეთანხმება ხელს შეუწყობს „უსაფრთხოებისა და სტაბილურობის აღდგენას“ და შემდგომი ესკალაციის თავიდან აცილებას.

მსოფლიო • 1750797218

ბენიამინ ნეთანიაჰუ განცხადებას ავრცელებს

„ჩვენ მივაღწიეთ ისტორიულ გამარჯვებას“ - ამის შესახებ ისრაელის პრემიერ-მინისტრმა, ბენიამინ ნეთანიაჰუმ, ვიდეომიმართვაში განაცხადა, რომელიც ოპერაცია „აღმავალი ლომის“ შეჯამებას ეხებოდა.ნეთანიაჰუ აცხადებს, რომ ისტორიული მოვლენა - აშშ-ის მიერ ირანზე დარტყმები ისრაელის მხარდასაჭერად - იმ დიპლომატიური კამპანიის ნაყოფია, რომელსაც ის მინისტრ რონ დერმერთან ერთად ხელმძღვანელობდა.„ისრაელს არ ჰყოლია ტრამპზე უკეთესი მეგობარი და დიდი მადლობა მინდა გადავუხადო მას ჩვენი ერთობლივი მუშაობისთვის“ - აცხადებს ნეთანიაჰუ.ამასთან, ნეთანიაჰუმ მკაცრად გააფრთხილა ირანი:„თუ ვინმე, ვინც არ უნდა იყოს ირანში, შეეცდება ამ პროგრამის აღდგენას, ჩვენ იმავე სიმტკიცით და ძალით ვიმოქმედებთ, რათა აღვკვეთოთ ნებისმიერი მცდელობა. ვიმეორებ, ირანს არ ექნება ბირთვული იარაღი“.

საზოგადოება • 1750794867

„თურმე, ჩემი ფეხით მივედი მორგში...“ - ავარიისას დაღუპული გოგოს და საბედისწერო დღეს იხსენებს

გონიოში ტრაგიკულად დაღუპული მეგი ჯაიანის და სოციალურ ქსელში ემოციურ პოსტს აქვეყნებს.ნაზი ჯაიანი დეტალურად იხსენებს, თუ როგორ გაიგო მისთვის და მისი ოჯახისთვის ყველაზე მძიმე ამბავი... „14 ივნისია, ერთი ჩვეულებრივი შაბათი დღე... ყველა სამსახურშია, სახლში მხოლოდ მე და მარიკუნა ვართ, როგორც ყოველთვის მე ჩემს სამეზობლოში ვტრიალებდი... მოვედი სახლში, დავწექი, დავიწყე მობილურის სქროლვა და მომყვა ინფორმაცია, სადაც ეწერა, რომ გონიოში მოხდა ავარია, 2 ახალგაზრდა ემსხვერპლა და 2 დაშავდა… გადავედი ეგრევე, წავიკითხე, მაგრამ სახელი გვარები და სხვა ისეთი ინფორმაცია არ ეწერა. დაახლოებით 5 წუთის შემდეგ, მობილური რეკავს, ვპასუხობ და მეკითხება - ნაზი რამე გაიგე? მეც არხეინად ვპასუხობ, რა უნდა გამეგო, მიდი მომიყევი ახალი ამბავი... მეგის ერთ-ერთი მეგობარი ავარიაში მოყვა და გარდაიცვალა…აქ უკვე ყველაფერმა ჩამიარა თვალწინ, რადგან ვიცოდი მეგის მასთან ერთად იყო... მაგრამ ამ ყველაფერს მაინც ვერ წარმოვიდგენდი! ახლაც არ მჯერა, ზღაპარში მგონია თავი...გავთიშე მობილური და ვრეკავ მეგისთან, მპასუხობს ვიღაც უცნობი, ვეკითხები ხმის კანკალით, მეგი სად არის? უვიცად მპასუხობს, მე არ ვიცი, დაურეკე ანას მშობელს და ის გეტყვის...აქ უკვე დავიწყე ტირილი, ვრეკავ ყველასთან და ვთხოვ იპოვონ ჩემი და, იქნებ გარდაცვლილთა სიაში არა და უბრალოდ დაშავებულია, ყველანაირ იმედს ვეძებ, ვებღაუჭები, მაგრამ ვისთანაც დავრეკე გასარკვევად, აღარ მპასუხობს არავინ…  გამოვვარდი სახლიდან, ყველა ჩემს გაჩერებას ცდილობს, მგონია, რომ ეს ამბავი არავინ არ იცის, ჩემს გონებას არ უნდა, რომ ეს ყველაფერი რეალობა იყოს. მივედი საავადმყოფოში, შევედი, მაგრამ კითხვა ვერ გავბედე, რადგან შემეშინდა იმ პასუხის, რაც ძალიან არ მინდოდა. გამოვბრუნდი უკან, საბას ვთხოვ, შედი და შენ ჰკითხე სად არიან-თქო, მაგრამ საბამაც რა ჰკითხოს?! იცის ყველაფერი, უბრალოდ ვერ მეუბნება? რა უნდა ეთქვა?გამოვიდა და მეუბნება, აქ არ არიან, ენგელსზე მიუყვანიათო, აქ ცოტა იმედი მქონდა, რადგან მე მგონია რომ საზღვაო ჰოსპიტალში არიან, მგონია რომ იქ მივდივართ, მაგრამ თურმე ჩემი ფეხით მივედი მორგში, სადაც ყველა შეკრებილა უკვე...გადავდივარ მანქანიდან, გავრბივარ შესასვლელთან, ვერავის ვერ ვხედავ, თვალებში უბრალოდ მიჩანს რაღაც ვიზუალები. მივედი როგორღაც შესასვლელთან და ვთხოვ შემიშვან, მაჩვენონ ჩემი მეგიკუნა, მაგრამ უარზეა, ვერ შეგიშვებთო. გამოვბრუნდი, ყველას თვალებში ვუყურებ და ვეძებ იმედს, სადაც მეტყვიან, რომ ნაზი ყველაფერი კარგად არის, უბრალოდ ავარიაა და მალე გამოწერენ. დავდივარ იქით-აქეთ, ვეძებ ისეთ სახეს, ვინც მეტყვის მართლა რა ხდება?!გადმოვდივარ მეორე მხარეს, ვხედავ ატირებულ მამაჩემს და სწორედ ამ დროს მიწევს რეალობასთან თვალის გასწორება...მაგრამ მეგიკუნა, მამიკო შენი მეგობრის სანახავად მივიდა და მისი შვილიც იქ დახვდა, ყველაზე რთულად მამიკომ გაიგო... აღარ მახსოვს მაგ მომენტის შემდეგ არაფერი, თვალებში უცებ სიშავე წამოვიდა, ვერავის ვერ ვხედავდი, ძალიან არ მინდოდა ეს ყველაფერი სიმართლე ყოფილიყო...დედაჩემს ბოლო წუთამდე მამაჩემი ეგონა, აბა რა უნდა ეფიქრა?! აბა რას იფიქრებდა?! რას წარმოიდგენდა რომ 22 წლით ანგელოზივით შვილი მოუკლეს?!ზუსტადაც რომ მოუკლეს! როგორ სუნთქავს საერთოდ?! 3 ანგელოზივით გოგო გამოასალმა სიცოცხლეს, 3 ოჯახი გააუბედურა... ცხოვრებაში არავის მიმართ არ მქონია ზიზღი, მაგრამ ახლა მაქვს... სამწუხაროა, რომ დღეს და ამ გზით მიწევს საკუთარ თავთან ბრძოლა..გოგოებო, გპირდებით, თქვენი სულისთვის ამ ამბავს ასე არ დავტოვებ, ყველამ უნდა აგოს პასუხი და მიიღოს ის, რაც ეკუთვნის!14 ივნისის და 17:23 საათის შემდეგ ჩემი ცხოვრება შეიცვალა, ჩემი ცხოვრება მწუხარებამ და უდიდესმა ტკივილმა მოიცვა, რაც იქნება სამუდამოდ ჩემს მეხსიერებაში...ახლაც არ მჯერა, ჯერ კიდე ვერ ვიაზრებ რა ხდება ჩემს თავს...  რიცხვი 14 მეზიზღება, ცალ-ცალკე 1 და 4 ციფრიც მეზიზღება, რაც შენს სიკვდილს უკავშირდება, ყველა და ყველაფერი მეზიზღება. ჩემი გული და სული თან წაიღე მეგიკუნა, ახლა მე უბრალოდ ვარსებობ.. როგორც შენ იტყოდი, ნაზი მამას ვაჟკაცივით უდგას გვერდითო, გავაგრძელებ მაგ გვერდში დგომას და გპირდები არ მივცემ თავის დახრის უფლებას! როგორ მენატრები და როგორ მჭირდები, მაგაზე საუბარს აღარ დავიწყებ... მიყვარხარ ძალიან, ძალიან. ჩემი პირადი ანგელოზი“, - წერს ნაზი ჯაიანი სოციალურ ქსელში.14 ივნისს, გონიოში ტრაგედია დატრიალდა. ავტოსაგზაო შემთხვევას სამი ახალგაზრდა გოგო ემსხვერპლა. „ეს ჩიტი, სადარბაზოს არ მოსცილებია, დაკრძალვამდე და დაკრძალვის მერეც... თვალს არ გაშორებდა მამიკო, იქნებ რამე უნდა მანიშნოსო...“ - ტრაგიკულად დაღუპული გოგოს დის ემოციური პოსტი

პოლიტიკა • 1750763077

სახელმწიფო უსაფრთხოების სამსახური აგრძელებს აქტიურ თანამშრომლობას სტრატეგიული პარტნიორებისა და მეგობარი ქვეყნების შესაბამის უწყებებთან - სუსი

2024 წელს საქართველოს სახელმწიფო უსაფრთხოების სამსახური ორმხრივ და მრავალმხრივ ფორმატებში აგრძელებდა ეფექტიან და მჭიდრო თანამშრომლობას სტრატეგიულ პარტნიორებთან, მეგობარ სახელმწიფოებსა და საერთაშორისო ორგანიზაციებთან. სამსახურის ძირითად პარტნიორებს აშშ-ს, დიდი ბრიტანეთისა და ევროკავშირის წევრი ქვეყნების შესაბამისი სამსახურები განეკუთვნებიან. სათანადო აღნიშვნას იმსახურებს უსაფრთხოების სფეროში თანამშრომლობა ჩვენი მეზობელი სტრატეგიული პარტნიორების − აზერბაიჯანის, სომხეთისა და თურქეთის - სათანადო სამსახურებთან.სისტემატურ რეჟიმში მიმდინარეობდა პარტნიორებთან ოპერატიული და ანალიტიკური მიმართულებით თანამშრომლობა, მათ შორის, რეგიონალური უსაფრთხოების რისკების შეფასების, კონტრსადაზვერვო, ტერორიზმთან ბრძოლისა და კიბერუსაფრთხოების სფეროებში.განსაკუთრებული ყურადღება ეთმობა საერთაშორისო სამართლებრივი ბაზის განვითარებას პარტნიორ სახელმწიფოებთან ერთად. 2024 წელს სამსახურმა განახორციელა სათანადო პროცედურები საიდუმლო ინფორმაციის გაცვლისა და ორმხრივად დაცვის შესახებ შეთანხმების 7 პროექტსა და უწყებათაშორისი თანამშრომლობის შესახებ შეთანხმების 3 პროექტზე.

პოლიტიკა • 1750585815

ბენიამინ ნეთანიაჰუ არის საქართველოს ხელისუფლების და პირადად პრემიერ კობახიძის დიდი მეგობარი და ეს 26 მაისს, მის მიერ გამოგზავნილ წერილშიც კარგად გამოჩნდა - ზურაბ ქადაგიძე

 მე არ ვიცი, რა უხარია რადიკალურ ოპოზიციას, ან რატომ იჩემებს ისრაელთან მეგობრობის ექსკლუზიურ უფლებას, მაგრამ ვიცი ის, რომ ბენიამინ ნეთანიაჰუ არის საქართველოს ხელისუფლების და პირადად პრემიერ კობახიძის დიდი მეგობარი - წერს “ხალხის ძალის” წევრი ზურაბ ქადაგიძე სოციალურ ქსელში.მისი თქმით, პრემიერისა და ბენიამინ ნეთანიაჰუს მეგობრობა მის მიერ, 26 მაისს გამოგზავნილ წერილშიც კარგად გამოჩნდა.“მე არ ვიცი, რა უხარია რადიკალურ ოპოზიციას, ან რატომ იჩემებს ისრაელთან მეგობრობის ექსკლუზიურ უფლებას, მაგრამ ვიცი ის, რომ ბენიამინ ნეთანიაჰუ არის საქართველოს ხელისუფლების და პირადად პრემიერ კობახიძის დიდი მეგობარი და ეს 26 მაისს, მის მიერ გამოგზავნილ წერილშიც კარგად გამოჩნდა.” - წერს ქადაგიძე.          შეყვანის ღილაკი  

საზოგადოება • 1750582860

„არასოდეს დაგივიწყებთ, სანამ ამ ქვეყანაზე ვსუნთქავთ...“ – უტა ელიავას დაღუპვიდან 40 დღე გავიდა

რამდენიმე კვირის წინ მდინარე მტკვარში მანქანა გადავარდა. შემთხვევის შედეგად 3 ახალგაზრდა დაიღუპა. ერთ-ერთი გარდაცვლილი უტა ელიავა იყო, რომელსაც მეუღლე და 2 მცირეწლოვანი შვილი დარჩა.ტრაგედიიდან 40 დღე გავიდა, დაღუპული ახალგაზრდის ცოლმა გვანცა გოროზიამ სოციალურ ქსელში მეუღლესთან ერთად გადაღებული ფოტო გამოაქვეყნა და ემოციურ სტატუსი დაწერა:„40 დღე უშენოდ…გუშინდელივით მახსოვს შენი ღიმილი, ხმა, თბილი სიტყვები…დღეს კი უკვე 40 დღეა, რაც ცა შენი სახლი გახდა.შენ არ იყავი უბრალოდ ქმარი —შენ იყავი ჩემი სიმშვიდე,ჩემი საყრდენი,ბედნიერება,ძალა და იმედი…საუკეთესო მეგობარი, ვისთანაც დუმილიც კი სითბოთი იყო სავსე.შენ არ იყავი უბრალოდ მამა —შენ იყავი მათთვის მთელი სამყარო.სიყვარულით სავსე, მზრუნველი, მასწავლებელი და გმირი.მამა, რომელიც თვალებში წერდა ზღაპრებს და გულში ტოვებდა უსაფრთხოებას.ახლა ზეცაში ხარ, მაგრამ ჩვენთან ხარ —ჩვენს ღიმილში, ჩვენს ტკივილში, ჩვენს მოგონებებში.არასოდეს დაგივიწყებთ…და სანამ ამ ქვეყანაზე ვსუნთქავთ — შენი სახელი სიყვარულით იცხოვრებს ჩვენს გულებში

მსოფლიო • 1750570320

ეს იყო ძალიან თბილი და ემოციური საუბარი... - რაზე ისაუბრეს ტრამპმა და ნეთანიაჰუმ ირანის ბირთვული ობიექტის დაბომბვის შემდეგ

ისრაელის პრემიერ-მინისტრმა ბენიამინ ნეთანიაჰუმ ვიდეომიმართვაში განაცხადა, რომ ირანის ბირთვულ ობიექტებზე დარტყმებამდე ის და აშშ-ის პრეზიდენტი დონალდ ტრამპი ისრაელის თავდაცვის ძალებთან და აშშ-ის შეიარაღებულ ძალებთან სრულ კოორდინაციაში იყვნენ. მისივე თქმით, ირანის ობიექტების დაბომბვის შემდეგ დონალდ ტრამპი მას ტელეფონით ესაუბრა.„ეს იყო ძალიან თბილი და ემოციური საუბარი. მან მომილოცა, შეაქო ჩვენი სამხედროები და ისრაელის ხალხისადმი აღტაცება გამოთქვა. საპასუხოდ, მე მადლობა გადავუხადე მას, ამერიკელ მფრინავებს და ამერიკელ ხალხს“, - აღნიშნა ბენიამინ ნეთანიაჰუმ.პრემიერის განცხადებით, ისრაელის მიერ დაწყებული ოპერაციის შედეგად მიღწეულია უპრეცედენტო შედეგები ისრაელის ისტორიაში.„ამერიკას არავინ შეედრება- მან შეძლო ის, რაც ვერ მოახერხა ვერც ერთმა სხვა ქვეყანამ დედამიწაზე.ისტორია დაამახსოვრებს, რომ პრეზიდენტმა ტრამპმა იმოქმედა იმისთვის, რომ მსოფლიოს ყველაზე საშიშ რეჟიმს არ ჰქონოდა წვდომა მსოფლიოს ყველაზე საშიშ იარაღზე.მისმა ლიდერობამ დღეს ისტორიული გარდატეხა შექმნა, რომელიც შეიძლება დაედოს საფუძვლად ახლო აღმოსავლეთისა და სხვა რეგიონების მშვიდობასა და კეთილდღეობას, - თქვა ნეთანიაჰუმ.მისივე განცხადებით, ირანის ბირთვული პროგრამა საფრთხეს უქმნიდა ისრაელის არსებობას და მთელი მსოფლიოს მშვიდობას.„პრეზიდენტი ტრამპი თამამად უძღვება თავისუფალ მსოფლიოს. ის არის ისრაელის დიდი მეგობარი, რომლის მსგავსი არ არსებობს. ჩემი, ისრაელის მოქალაქეებისა და მთელი ებრაელი ხალხის სახელით, მთელი გულით ვუხდი მადლობას. ჩვენ ერთად ვდგავართ და ერთად ვიბრძვით. ღმერთის დახმარებით, ჩვენ ერთად გავიმარჯვებთ“, - აღნიშნა ბენიამინ ნეთანიაჰუმ.აშშ-მა გამთენიისას ირანის სამი ბირთვული ობიექტი დაბომბა.

ტექნოლოგიები • 1750441696

ბრმა, უიშვიათესი ოქროსფერი თხუნელა 86 წლის შემდეგ პირველად დააფიქსირეს

მეცნიერები შიშობდნენ, რომ დე ვინტონის ოქროსფერი თხუნელა (Cryptochloris wintoni) თითქმის საუკუნის წინ გადაშენდა.თუმცა, მეგობარი ძაღლის დახმარებით, სამხრეთ აფრიკის დასავლეთ სანაპიროსთან, მეცნიერებმა ეს ცხოველი 1936 წლის შემდეგ პირველად ნახეს.„ჩემთვის ყველაზე ამაღელვებელი ის არის, რომ ის სულ იქ იყო, მაგრამ არავინ არაფერი იცოდა. ახლა, ბოლოსდაბოლოს ვიცით“, — ამბობს სამხრეთ აფრიკის გარემოს დაცვის დეპარტამენტის წარმომადგენელი ჟან პიერ რუ.ეს ბრმა არსებები ზედმეტად მოუხელთებელნი არიან, რადგან ცხოვრების უდიდეს ნაწილს მიწისქვეშ ატარებენ და თანაც, ქვიშაში ისე დაცურავენ, რომ კვალს თითქმის არ ტოვებენ.მათი ბეწვი სპეციალური ზეთების გამო ბზინავს, რომელიც ერთგვარი საპოხიც არის მიწისქვეშ, ათი სანტიმეტრის სიღრმეში გადაადგილებისათვის; ასე ინარჩუნებენ ისინი სიგრილესაც უდაბნოს ყველაზე ცხელ დღეებშიც კი.ქვიშაში გაყვანილი მათი სოროები გავლისთანავე იშლება და ზედაპირზე მხოლოდ უმცირესი კვალი რჩება.დე ვინტონის ოქროსფერი თხუნელები წყლის დასალევადაც არასოდეს არავის უნახავს. ზედაპირზე მხოლოდ ღამით ამოდიან, საკვების საძებნელად.ოქროსფერი თხუნელები სინამდვილეში თხუნელები კი არ არიან, არამედ ახლოს ენათესავებიან მილკბილებსა და ზღვის ძროხებს. სახელი ბრიტანელი ზოოლოგის, უილიამ ედუარდ დე ვინტონის პატივსაცემად უწოდეს.აქვთ უნიკალური ყურის ძვლები, რომლებიც მათ ქვიშაში სმენაში ეხმარება და აბალანსებს მხედველობის არქონას.ჭამენ ჭიებს, მწერებსა და ზოგჯერ პატარა ქვეწარმავლებს. დიდი წვლილი შეაქვთ ნიადაგის სიჯანსაღეში, რადგან აფხვიერებენ და ანოყიერებენ.ამ უიშვიათეს ცხოველს დიდ საფრთხეს უქმნის სამთო მოპოვებითი საქმიანობა, სოფლის მეურნეობა და საცხოვრებელი ზონების გაფართოება.წყარო

ქვიზი • 1750427340

რას ამბობს თქვენი საყვარელი სასმელი თქვენზე - ტესტი

ფსიქოლოგიური ტესტი სურათებით საშუალებას გაძლევთ სწრაფად ჩაიხედოთ საკუთარ თავში.სურათზე ნაჩვენებია ალკოჰოლის 6 სახეობა, რომელთაგანაც უნდა აირჩიოთ ის, რომლის დალევაც ახლა ყველაზე მეტად გსურთ. შემდეგ წაიკითხეთ, რას ამბობს თქვენზე არჩეული სასმელი.ლუდითქვენ კომუნიკაბელური ადამიანი ხართ მარტივი სურვილებით და არ გაქვთ მაღალი ამბიციები. ემოციური: ადვილად ერთობით და სწრაფად ბრაზდებით. დიდად არ გაღელვებთ სხვების აზრი. თუ გიყვართ ტრადიციული ლუდი, მაშინ ცხოვრებაში უფრო მოდუნებული ხართ.ღვინოთქვენ კომუნიკაბელური, ლაპარაკის მოყვარული და სიახლის მოყვარული ხართ. გიყვართ ახალი ადამიანების გაცნობა და ჭორების გაზიარება. ნათელ შთაბეჭდილებებს მატერიალურ ნივთებზე მეტად აფასებთ. გიყვართ მოგზაურობა, კითხვა და კულტურულ ღონისძიებებზე დასწრება. ელეგანტური ხართ და ფართო ხედვა გაქვთ.ვისკიამ სასმელის მოყვარულები თავდაჯერებულები, მოწიფულები და დამოუკიდებლები არიან. თქვენ ზუსტად იცით, რა გსურთ ცხოვრებისგან და როგორ მიაღწიოთ ამას. თქვენ ასაკის მიუხედავად ჭკვიანი ხართ, რასაც თქვენი ბევრი მეგობარი აღნიშნავს. ამავდროულად, თქვენს ცოდნას თქვენთვის ინახავთ. გსიამოვნებთ მარტოობა და თუ კომუნიკაციას ეძებთ, მაშინ მხოლოდ თანაბარ თანამოსაუბრეებთან.არაყიალკოჰოლის ტესტი ამ ძლიერი სასმელის მოყვარულებს დაბალანსებულ და პასუხისმგებლიან ადამიანებად განსაზღვრავს. თქვენ კომფორტული ცხოვრებისკენ ისწრაფვით და არ გსურთ რისკზე წასვლა. ცდილობთ ცხოვრებაში კონფლიქტების თავიდან აცილებას. შრომისმოყვარე და ორგანიზებული ხართ, მკაფიო და მიღწევადი მიზნები გაქვთ დასახული.რომითქვენი მთავარი თვისებებია ვნება, ენერგია და თავისუფლების სიყვარული. თქვენ იმ ადამიანთაგანი ხართ, ვისაც ყოველთვის რაღაც საინტერესო აქვს. რუტინა გბეზრდებათ და ცვლილებები გიყვართ. ძალიან ქარიზმატული და მოსიყვარულე ხართ, მაგრამ როდესაც ინტერესს კარგავთ, სწრაფად ხდებით გულგრილი ადამიანის მიმართ. ბევრი ჰობი და მომხიბვლელი ისტორიების მთელი მარაგი გაქვთ.შამპანურიამ კეთილშობილი სასმელის მცოდნეები შემოქმედებითი ადამიანები არიან დაუცველი გულით. თქვენ განსხვავდებით ადამიანების უმეტესობისგან თქვენი ფიქრების სიღრმით და არატრადიციული აზროვნებით. ცდილობთ დაეხმაროთ ყველა თქვენს ახლობელს, თუნდაც საკუთარი ინტერესების გაწირვა მოგიწიოთ. თქვენ გაქვთ სამართლიანობის ამაღლებული გრძნობა.