პოლიტიკა • 1730205216

ძალიან ცუდია ქვეყნისთვის უტვინო ოპოზიცია და რამე მოიფიქრეთ ჭკვიანური. საკუთარი ამომრჩევლის მაინც არ გრცხვენიათ?! მათ შორის ხომ უამრავი მშრომელი და გულწრფელი ადამიანია? რატომ აცოტავებთ თქვენივე რიგებს? - თეა წულუკიანი

„ქართული ოცნების“ საარჩევნო სიის მეექვსე ნომერი, კულტურისა და სპორტის ყოფილი მინისტრი თეა წულუკიანი ოპოზიციას მიმართავს და ურჩევს, არჩევნების საერტაშორისო ადმინისტრაციის მიერ ჩატარების იდეასთან დაკავშირებით ურჩევს, „რამე ჭკვიანური“ მოიფიქრონ.„(მაინც) დებო და (მაინც) ძმებო, პოლიტიკას როდის ისწავლით? თავი რომ დავანებოთ ერთი წუთით დავას დიქოტომიების სისწორეზე; ომსა და მშვიდობას, ქრისტიანობასა და ურწმუნოებას შორის არჩევანის გაკეთებისას რომ 54-11 სხვაობა მიიღეთ (აღიარებთ რეალობას, სად წახვალთ?!), როცა საერთაშორისო ადმინისტრაციას ჩაატარებინებთ არჩევნებს (ოცნებაც რომ თანახმა უნდა იყოს, ამაზე არ გიფიქრიათ, მაგრამ მხოლოდ ფიქრზე გაქვთ მარხვა გამოცხადებული დიდი ხანია და არა უშავს), მაშინ ხომ დამოუკიდებლობასა და საბოლოო კოლონიზაციას შორის ექნება არჩევანი ქართველს და ხომ სულ განადგურდებით?!მრჩეველი არავინ გყავთ? დედა? იაგოს რომ ჰკითხოთ? ძალიან ცუდია ქვეყნისთვის უტვინო ოპოზიცია და რამე მოიფიქრეთ ჭკვიანური. საკუთარი ამომრჩევლის მაინც არ გრცხვენიათ?! მათ შორის ხომ უამრავი მშრომელი და გულწრფელი ადამიანია? ნუ, ჩვენ მათ ვძულვართ და დაგვწვავენ, მაგრამ საქართველო ხომ ედარდებათ? პოლიტიკა, ბევრ სხვა რამესთან ერთად, ამომრჩეველზე ზრუნვა და მისი ფიქრი საით მიდის, ამის ამოცნობა და გათვალისწინებაა და თქვენ რატომ აცოტავებთ თქვენივე რიგებს? თქვენს რიგებს ჩვენ უნდა ვაცოტავებდეთ და დავაცოტავეთ კიდეც, მაგრამ რასაც თქვენ უშვრებით თქვენს თავს, ეს უკვე უმძიმესი საყურებელია. ps ეს პოსტი არ ეხება ვერ გაქართველებულ სალომე ზურაბიშვილს, რომელიც უცხოელად დაიმარხება, როცა ამის დრო მოუვა”, - წერს თეა წულუკიანი.

პოლიტიკა • 1729336467

დავით ჩიხელიძე ჰერჩინსკის განცხადებაზე: ევროკავშირი აგრძელებს საქართველოს არჩევნებში ჩარევას, ელჩის განცხადება ამომრჩევლებზე ირიბი ზეწოლაა, ის პირდაპირ ერევა ამომრჩევლის არჩევანში და მოქალაქეების ფუნდამენტურ, ნების თავისუფალი გამოხატვის უფლებას არღვევს

სამწუხაროდ ევროკავშირი აგრძელებს საქართველოს არჩევნებში ჩარევას, ელჩის განცხადება ამომრჩევლებზე ირიბი ზეწოლაა, ის პირდაპირ ერევა ამომრჩევლის არჩევანში და საქართველოს მოქალაქეების ფუნდამენტურ, ნების თავისუფალი გამოხატვის უფლებას არღვევს, - ასე ეხმიანება ექსპერტი დავით ჩიხელიძე საქართველოში ევროკავშირის ელჩის პაველ ჰერჩინსკის განცხადებას, რომლის თქმითაც, „თუ არჩევნები უმაღლესი სტანდარტებით არ ჩატარდება, მზად ვართ წარმოვადგინოთ განსხვავებული ვარიანტები, ეს არ არის მუქარა, რეალობაა“.მისივე თქმით, მიუღებელია საქართველოსთან მიმართებით მუქარის და შანტაჟის ენით საუბარი, ეს არ არის დამსახურებაზე დაფუძნებული დამოკიდებულება. მანვე აღნიშნა, რომ არავის აქვს უფლება, საქართველოს მიუთითოს რა უნდა გააკეთოს, ეს არის სახელმწიფო, რომელსაც ევროკავშირში გაწევრიანება არა ცალ ფეხზე მდგომს სურს, არამედ ორ ფეხზე მყარად მდგომს.„საქართველოში ევროკავშირის ელჩმა, პაველ ჰერჩინსკიმ ყველა არსებული წითელი ხაზი გადაკვეთა, ის რაც რამდენიმე წლის უკან ძნელად წარმოსადგენი იყო, დღეს რეალობაა. სამწუხაროდ ევროკავშირი აგრძელებს საქართველოს არჩევნებში ჩარევას, ელჩის განცხადება ამომრჩევლებზე ირიბი ზეწოლაა, ის პირდაპირ ერევა ამომრჩევლის არჩევანში და საქართველოს მოქალაქეების ფუნდამენტურ, ნების თავისუფალი გამოხატვის უფლებას არღვევს.რამდენიმე დღის უკან თეა წულუკიანმა განაცხადა, რომ ევროკავშირის წევრი სახელმწიფოს ელჩმა საქართველოში, მინისტრი (თეა წულუკიანი) დაიბარა და მის საკადრო გადაწყვეტილებებში ჩარევა სცადა, დღეს უკვე ვხედავთ, რომ ევროკავშირის ელჩიც იმავეს აკეთებს, რაც როგორც უკვე აღვნიშნე პარტნიორულ ურთიერთობებში არ ჯდება. არავის აქვს უფლება მიგვითითოს რა უნდა გავაკეთოთ, ჩვენ ვარ სახელმწიფო, რომელსაც ევროკავშირში გაწევრიანება არა ცალ ფეხზე მდგომს სურს, არამედ ორ ფეხზე მყარად მდგომს.ევროკავშირის ელჩის განცხადებაში საგულისხმოა რამდენიმე ეპიზოდი, მათ შორის საუბარი არჩევნების შემდგომ ანგარიშებზე, ელჩი აღნიშნავს, რომ ისინი (ევროკავშირი) საერთაშორისო ორგანიზაციის ანგარიშებს ენდობიან, საინტერესოა ვის ანგარიშებს ეფუძნება საერთაშორისო ორგანიზაციების ანგარიშები? დიახ მეგობრებო, საერთაშორისო ორგანიზაციების ანგარიშები ქართული ორგანიზაციების ანგარიშებს ეყრდნობა, მათ შორის სამართლიანია არჩევნების ანგარიშს, რომელმაც 2020 წელს ხმის პარალელური დათვლა გააყალბა.ელჩი ასევე აღნიშნავს, რომ თუ სამართლიანი არჩევნები არ ჩატარდება გარკვეულ ნაბიჯებს გადადგამენ, გაუგებარია რატომ აპელირებს უსამართლო არჩევნების თემით, წაიკითხოს მის მიერ ნახსენები საერთაშორისო ორგანიზაციების დასკვნები, 2012 წლის არჩევნები, დარღვევებით ჩატარებული ბოლო არჩევნები იყო, არარელევანტურია იმის შესახებ საუბარი რომ სამართლიანი არჩევნების ჩატარებას საფრთხე ემუქრება.შეშფოთებას იწვევს, კოლექტიური დასავლეთის საქართველოსადმი დამოკიდებულება, ისინი გაგვაგნებინებენ, რომ არა პარტნიორები, არამედ ჩვენი უფროსები არიან, რაც ქართულ საზოგადოებაში დასავლეთის დისკრედიტაციას იწვევს. მიუღებელია საქართველოსთან მიმართებით მუქარის და შანტაჟის ენით საუბარია, ეს არ არის დამსახურებაზე დაფუძნებული დამოკიდებულება“, - წერს დავით ჩიხელიძე.

პოლიტიკა • 1729247946

ირაკლი კობახიძემ კულტურის და სპორტის მინისტრის თანამდებობაზე თინათინ რუხაძე წარადგინა

საქართველოს კულტურისა და სპორტის მინისტრის თანამდებობა თინათინ რუხაძემ დაიკავა.კულტურის ახალი მინისტრი საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე წარადგინა.თინათინ რუხაძე ამ დრომდე ეროვნული სასახლის დირექტორის თანამდებობას იკავებდა.კულტურის მინისტრის პოსტი ვაკანტური მას შემდეგ გახდა, რაც თეა წულუკიანი „ქართულმა ოცნებამ“ საარჩევნო სიაში დაასახელა.

პოლიტიკა • 1728886782

ახალი დანიშნული ვიყავი კულტურის მინისტრად, დამიბარა ევროკავშირის ერთ-ერთი ქვეყნის ელჩმა, რომელმაც ამოიღო პატარა ფურცელი და მითხრა, მოლოდინი მაქვს, ვინც ამ სიაშია, დააფინანსებთო - წულუკიანი

ახალი დანიშნული ვიყავი კულტურის მინისტრის თანამდებობაზე, დამიბარა ევროკავშირის ერთ-ერთი დიდი ქვეყნის ელჩმა, რომელმაც ამოიღო პატარა ფურცელი და მითხრა, მოლოდინი მაქვს, ვინც ამ სიაშია, დააფინანსებთო, – ამის შესახებ კულტურისა და სპორტის ყოფილმა მინისტრმა, თეა წულუკიანმა ტელეკომპანია „იმედის“ ეთერში განაცხადა.წულუკიანის თქმით, საქართველოს რომელიმე ელჩმა რომელიმე ქვეყანაში იგივე რომ გაბედოს, მეორე დღესვე პერსონა ნონ გრატად გამოაცხადებენ.„მინისტრის თანამდებობაზე ახალი დანიშნული ვიყავი, 2021 წლის მარტი-აპრილის თვე იყო. ამ პერიოდში ჯერ დაწყებული არ იყო ის გაუგონარი დარტყმები, რომელსაც დღეს ჩვენი ქვეყანა იღებს გარედან. დამიბარა ევროკავშირის ერთ-ერთი დიდი ქვეყნის ელჩმა, რომელმაც მითხრა, რომ მილოცავდა მინისტრობას, თუმცა ჩემთან ჰქონდა პრობლემა. ეს არ იყო საფრანგეთის ელჩი. ელჩმა გულის ჯიბიდან ამოიღო პატარა ფურცელი, გაშალა და მითხრა, მოლოდინი მაქვს, ვინც ამ სიაშია, ამ ხალხს დააფინანსებთო. ეს იყო ძალიან პატარა სია, რომელშიც იყო ყველა, ვისაც ხედავდით და ხედავთ, დღეს რომ ყვირის და უკმაყოფილო იყო ჩემი მმართველობით, ახლა უკვე „ქართული ოცნებით. ავუხსენი, რომ ასე ვერ გაგრძელდება, რადგან ქართული კულტურა მხოლოდ ეს ხუთი-ექვსი ადამიანი არ არის, გაცილებით ფართოა. როდესაც ვუთხარი, რომ სიაში ერთი ადამიანიც არ არის, რომელიც, მაგალითად, ქართულ მრავალხმიანობას წარმოადგენს, გაკადნიერდა და მითხრა: „თქვენ ძალიან ბევრს საუბრობთ საქართველოს რეგიონებზე და მინდა, იცოდეთ, რომ საქართველო მხოლოდ სოფელი არ არის“. საუბარი კიდევ უფრო დაიძაბა, რეალურად, საუბარი წავიყვანე ბოლოსკენ და ავუხსენი, რომ საქართველო არის სოფელიც, დედაქალაქიც და ეს სამინისტრო არის ყველასთვის. ამით ვცდილობ, აგიხსნათ, თუ საიდან დავიწყეთ – კულტურის სამინისტრო უნდა ყოფილიყო მძევალი ერთი ჯგუფის და ჩვენ აქედან გავთავისუფლდით.საქართველოს რომელიმე ელჩმა რომელიმე ქვეყანაში იგივე რომ გაბედოს, მეორე დღესვე პერსონა ნონ გრატად გამოაცხადებენ და ეს იქნება სწორი. სწორედ ამას ითვალისწინებს ვენის კონვენცია, სადაც დიპლომატებს ადგილსამყოფელ ქვეყანაში თავიანთი ქცევის წესები უწერიათ, რაც, ამ შემთხვევაში, დარღვეული იყო“, – განაცხადა თეა წულუკიანმა.

საზოგადოება • 1728655108

ალავერდის საკათედრო ტაძრის გუმბათის აღსადგენად შესაბამისი სამუშაოები გრძელდება

სსიპ საქართველოს კულტურული მემკვიდრეობის დაცვის ეროვნული სააგენტოს ხელმძღვანელობით, ალავერდის სამონასტრო კომპლექსში სტიქიის შედეგად მიყენებული ზიანის აღმოფხვრის მიზნით სამუშაოები გრძელდება. ამ ეტაპზე სპეციალისტების მიერ მუშავდება ჯვრის ჩამაგრების კონსტრუქციული პროექტი. გარდა ამისა, გუმბათის გადასახურავად გრძელდება სხვადასხვა მიმართულებით კვლევა-პროექტირება, - აცხადებენ სააგენტოში.მათივე ინფორმაციით, ამავდროულად, მიმდინარეობს წმ. გიორგის სახელობის ტაძრის გადახურვის ლორფინების გაწმენდის პროცესი.დასრულდა ალავერდის სამონასტრო კომპლექსში შემავალი სიძველეთა საცავის სახურავზე დაზიანებული კრამიტის საბურვლის შეცვლა. ასევე, დასრულდა საეპისკოპოსო სახლსა და ტაძრის დასავლეთ მინაშენზე (სტოა) კრამიტის საბურვლის მოწყობა. კარიბჭე-სამრეკლოს გუმბათზე მოეწყო სპილენძის ბურული, ხოლო 10 სექტემბერს მასზე აღიმართა ახალჩამოსხმული ჯვარი.აბბა ალავერდელი მიტროპოლიტის მეუფე დავითის (მახარაძე) მიერ ჯვრის კურთხევასა და არქიტექტორ-რესტავრატორების მიერ მის აღმართვას ესწრებოდნენ საქართველოს კულტურისა და სპორტის მინისტრი თეა წულუკიანი, მინისტრის მოადგილე, სსიპ საქართველოს კულტურული მემკვიდრეობის დაცვის ეროვნული სააგენტოს გენერალური დირექტორი ნიკოლოზ აზნაურაშვილი და ბრინჯაოს მხატვრული ჩამომსხმლები: ოლეგ და პაატა გელაშვილები.ჯვრის დამზადება სსიპ საქართველოს კულტურული მემკვიდრეობის დაცვის ეროვნული სააგენტოს უშუალო ხელმძღვანელობით მიმდინარეობდა, აღნიშნულ პროცესს კი წინ უძღოდა საპროექტო სამუშაოები. პროექტის მიხედვით გაკეთდა მაკეტი, რომლის საფუძველზეც დამზადდა ყალიბი, ყალიბში კი ჩამოისხა თითბრის ჯვარი. ჯვრის ჩამოსხმა მიმდინარეობდა არქიტექტორ-რესტავრატორების ზედამხედველობით. ანალოგიური გეგმით დამზადდა ჯვარი, რომელიც ალავერდის საკათედრო ტაძრის გუმბათზე აღიმართება.25 ივნისს მომხდარმა ძლიერმა სტიქიამ დააზიანა ალავერდის ტაძრის გუმბათის თუნუქის საფარი, კერძოდ, საფარი გადახადა ტაძრის გუმბათს. ასევე, ჩრდილოეთი კალთის სხვადასხვა ადგილას დაიმტვრა ლორფინის ქვები, დანარჩენ ადგილებში დაზიანდა კრამიტის სახურავი, ჩაიმსხვრა ტაძრის დასავლეთი მხარისა და გუმბათის სარკმლები, დაზიანდა სამრეკლოს თუნუქისა და საეპისკოპოსო სახლის კრამიტის სახურავები, ასევე, ჩამოიშალა სასახლის აივანი, ტაძრის გუმბათიდან ჩამოვარდა ჯვარი და მიმდებარე ტერიტორიაზე დაზიანდა ინფრასტრუქტურა.26 ივნისს საქართველოს კულტურისა და სპორტის მინისტრი თეა წულუკიანი სსიპ საქართველოს კულტურული მემკვიდრეობის დაცვის ეროვნული სააგენტოს გენერალურ დირექტორ ნიკოლოზ აზნაურაშვილთან ერთად ალავერდში ჩავიდა და სტიქიის შედეგად შექმნილ მდგომარეობას გაეცნო.7 ივლისს სტიქიის შედეგად დაზიანებულ ალავერდის სამონასტრო კომპლექსში არსებულ ვითარებას საქართველოს პრემიერ-მინისტრი ირაკლი კობახიძე გაეცნო. პრემიერ-მინისტრს შექმნილი მდგომარეობის შესახებ დეტალური ინფორმაცია მიაწოდეს საქართველოს კულტურული მემკვიდრეობის დაცვის ეროვნული სააგენტოს გენერალურმა დირექტორმა ნიკოლოზ აზნაურაშვილმა და აბბა ალავერდელმა მიტროპოლიტმა დავითმა.

პოლიტიკა • 1728223967

„ქართული ოცნების“ სამგორის რაიონის დელეგატი ვარლამ ლიპარტელიანი სოფელ დიდი ლილოს მოსახლეობას შეხვდა

წინასაარჩევნო კამპანიის ფარგლებში „ქართული ოცნების“ სამგორის რაიონის დელეგატი ვარლამ ლიპარტელიანი სოფელ დიდი ლილოს მოსახლეობას შეხვდა, გააცნო ადგილობრივებს მმართველი გუნდის სამოქმედო გეგმა და პოლიტიკაში მისი მოსვლის მიზეზებიც.საუბარი შედგა ქვეყანაში შექმნილ მდგომარეობაზე, მიმდინარე პოლიტიკურ პროცესებზე და იმაზეც, რომ გარე ძალების მხრიდან არის საქართველოს ომში ჩათრევის მცდელობა. ამიტომაც შეხვედრის მონაწილეები შეთანხმდნენ იმაზე, რომ 26 ოქტომბერს მოქალაქეები უნდა მივიდნენ არჩევნებზე და ხმა მისცენ მშვიდობის შენარჩუნებასა და ქვეყნის განვითარებას, რასაც სწორედ „ქართული ოცნება“ უზრუნველყოფს.შეხვედრას ესწრებოდნენ საქართველოს პარლამენტის წევრი შოთა ხაბარელი, თბილისის მერის მოადგილე კახა გულედანი, კულტურის და სპორტის ყოფილი მინისტრი თეა წულუკიანი, სამგორის რაიონის გამგებელი და „ქართული ოცნების“ სამგორის საარჩევნო შტაბის ხელმძღვანელი კახა სამხარაძე, ასევე, ფოლკლორის ეროვნული ცენტრის ხელმძღვანელი გიორგი დონაძე და კულტურის სფეროს სხვა წარმომადგენლები.

პოლიტიკა • 1727506472

გიორგი ამილახვარმა განათლების მინისტრის თანამდებობა დატოვა

საქართველოს განათლებისა და მეცნიერების მინისტრმა გიორგი ამილახვარმა თანამდებობა დატოვა. ამის შესახებ განცხადება მან დღეს გამართულ ბრიფინგზე გააკეთა.ამილახვარი მინისტრის პოსტს  2023 წლის 20 მარტიდან იკავებდა. გიორგი ამილახვარმა მინისტრის თანამდებობაზე მიხეილ ჩხენკელი შეცვალა. მანამდე ამილახვარი პარლამენტის განათლებისა და მეცნიერების კომიტეტის თავმჯდომარე იყო.რამდენიმე დღის წინ თანამდებობა დატოვა კულტურის მინისტრმა თეა წულუკიანმაც, მისი გადადგომა მომავალ საპარლამენტო არჩევნებს უკავშირდება, რადგან წულუკიანი ქართული ოცნების საარჩევნო სიაშია. მისგან განსხვავებით გიორგი ამილახვარი სიაში არაა.

პოლიტიკა • 1727345224

„ქართული ოცნება - დემოკრატიული საქართველოს“ საარჩევნო პარტიული სია ცნობილია

"ქართული ოცნება - დემოკრატიული საქართველოს" საარჩევნო პარტიული სია ცნობილია.• ბიძინა ივანიშვილი• ირაკლი კობახიძე• ირაკლი ღარიბაშვილი• შალვა პაპუაშვილი• მამუკა მდინარაძე• თეა წულუკიანი• ლაშა ტალახაძე• ვახტანგი თურნავა• მაკა ბოჭორიშვილი• გენო პეტრიაშვილი• სოზარ სუბარი• მარიამ ქვრივიშვილი• ანრი ოხანაშვილი• ნიკოლოზ სამხარაძე• ეკა ჭიჭინაძე• შოთა ბერეკაშვილი• ლევან მახაშვილი• მიხეილ ყაველაშვილი• გიორგი გაბუნია• ლიკა შარტავა• აკაკი ალადაშვილი• არჩილ ბერიძე• ანზორ ბოლქვაძე• ვლადიმერ ბოჟაძე• ზაურ დარგალი• ზაალ დუგლაძე• ნიკა ელისაშვილი• გოჩა ენუქიძე• გიორგი ვოლსკი• ილია ინჯია• დავით კაჭარავა• პაატა კვიჟინაძე• დათო კოდუა• ვარლამ ლიპარტელიანი• ზაზა ლომინაძე• სამველ მანუკიან• ანტონ ობოლაშვილი• ზურაბ რურუა• დავით სონღულაშვილი• ირაკლი ქადაგიშვილი• ზვიადი შალამბერიძე• ირაკლი შატაკიშვილი• დავითი შერაზადიშვილი• ვასილ ჩიგოგიძე• გივი ჭიჭინაძე• გიორგი ჭყონია• გიორგი ხახუბია• ირაკლი ხელაძე• ვლადიმერ ხინჩეგაშვილი• დიმიტრი ხუნდაძე• გურამ მაჭარაშვილი• ირაკლი ბერაია• ეკა სეფაშვილი• ზაალ მიქელაძე• ვიქტორ ჯაფარიძე• გიორგი კახიანი• მაია ბითაძე• ვიქტორ სანიკიძე• მარიამ ლაშხი• დიმიტრი სამხარაძე• ნინო წილოსანი• რატი იონათამიშვილი• დავითი მათიკაშვილი• ვლადიმერ კახაძე• ირაკლი მეზურნიშვილი• სავალან მირზოევი• რამინა ბერაძე• სუმბატ კიურეღიან• ალექსანდრე ტაბატაძე• ალუდა ღუდუშაური• ირმა ზავრადაშვილი• ირაკლი ზარქუა• გივი მიქანაძე• გიორგი სოსიაშვილი• ნოდარ ტურძელაძე• ბეჟან წაქაძე• ალექსანდრე დალაქიშვილი• ისკო დასენი• ედიშერ თოლორაია• გოდერძი ჩანქსელიანი• გია ბენაშვილი• შოთა ხაბარელი• გელა სამხარაული• გიორგი ჩაკვეტაძე• თენგიზ შარმანაშვილი• ირაკლი კირცხალია• გიორგი ბარვენაშვილი• გენრიეტა წიწავა• იმედა ნიკურაძე• ლევან მაჭავარიანი• არჩილ გორდულაძე• სალომე ქურასბედიანი• სალომე ჯინჯოლავა• თორნიკე ბერეკაშვილი• თორნიკე ჭეიშვილი• პაატა სალია• გიორგი გუგუჩია• ირაკლი ჭეიშვილი• შალვა გოგოლაძე• გრიგოლ აბესაძე• იოსებ ჯორბენაძე• დავით დოლიძე• თორნიკე ფაღავა• ზურაბი ქადაგიძე• ქეთევან ხუროძე• ქრისტინე კობახიძე• ჯუმბერი იზორია• ლევან არველაძე• ნიკოლოზ კახეთელიძე• ზურაბ იაშვილი• ომარი ჯიხვაშვილი• ნიკა სამხარაძე• საბა კბილაშვილი• გიორგი ღამბაშიძე• გურამ ნიკოლაშვილი• ნინო ვარდოსანიძე• ალექსანდრე ზაგაშვილი• ბენედიქტე გეგეჭკორი• გურამი ოქროპირიძე• ირაკლი გელაშვილი• ზაქარია წიკლაური• ალექსანდრე მუკათარიძე• ანა კაკაბაძე• მარიამ ზაქარიაშვილი• ანა კილაძე• ბექა მენთეშაშვილი• მარიამ კოკაია• გიორგი პაპიძე• ნინო უსენაშვილი• ოთარი ქადარია• ვაჟა კოკაია• თამარ გაბაიძე• ნიკა კვერნაძე• ირაკლი კალანდარიშვილი• გიორგი დემეტრაშვილი• ელიზბარ კობახიძე• გურამი კიკნაველიძე• გიგა გელაშვილი• იაკობ გაზდელიანი• გიორგი კოკაია• გვანცა ნარიმანიშვილი• გოგა თოლორდავა• გიორგი შუბითიძე• ზაალი კვინჩია• ანი გვაზავა• სერგი პეტრიაშვილი• ანა ჩხარტიშვილი• კარლო წილოსანი• ლაშა გურგენიძე• ვლადიმერი ხურცია• თამაზი ფართლაძე• დავით მიქაბერიძე• როინი კაჭარავა• ზურაბი ქავთარია• გიორგი მჭედლიძე• სოსო ინაძე• თამაზ დანელია• ტარიელ მამისაშვილი• შოთა ბერუაშვილი• დავით მუშკუდიანი• თეიმურაზ თევდორაძე• ალესანდრე მეტრეველი• ვალერიან პაპუაშვილი• ალექსანდრე ბაბუნაშვილი• ჯაბა აბულაძე• ლაშა გაზდელიანი• მარიამი ლუკავა• გიორგი მაჭარაშვილი• კობა კვირიკაშვილი• დავით ლეშკაშელი

კულტურა • 1727338805

კულტურის სამინისტროს მხარდაჭერით რეჟისორ გიზო ჟორდანიას 90 წლის იუბილე აღინიშნა

კულტურის სამინისტროს მხარდაჭერით შოთა რუსთაველის სახელობის თეატრისა და კინოს სახელმწიფო უნივერსიტეტის დიმიტრი ალექსიძის სახელობის სასწავლო თეატრის სცენაზე გაიმართა გიზო ჟორდანიას 90 წლისთავისადმი მიძღვნილი საღამო. ღონისძიებას დაესწრო საქართველოს კულტურისა და სპორტის მინისტრი თეა წულუკიანი. ინფორმაციას კულტურის სამინისტრო ავრცელებს.„იუბილეზე წარმოადგინეს რეჟისორის შემოქმედების ამსახველი ვიდეომასალა. კადრებად ნაჩვენები იყო ეპიზოდები გიზო ჟორდანიას სპექტაკლებიდან, დოკუმენტური კადრები მისი შემოქმედებითი ცხოვრებიდან და ნაწყვეტი მისი კინოროლიდან.გამოჩენილი რეჟისორი და პედაგოგი გაიხსენეს ხელოვანებმა, თეატრმცოდნეებმა, მუსიკათმცოდნეებმა, ყოფილმა სტუდენტებმა, კოლეგებმა და ოჯახის წევრებმა. ამასთან, იუბილესთან დაკავშირებით საღამოს ძირითადი ნაწილის დასრულების შემდგომ მის ყოფილ აუდიტორიას, რომელშიც მოღვაწეობდა და საქმიანობდა, მიენიჭა გიზო ჟორდანიას სახელი.ღონისძიების რეჟისორი ანდრო ენუქიძე იყო. საღამოს უძღვებოდა თეატრმცოდნე ნიკოლოზ წულუკიძე, ხოლო მუსიკალურად გააფორმეს დათო ევგენიძემ და ნანა ავალიშვილმა.გიზო ჟორდანია მრავალი ყველასათვის ცნობილი და გამორჩეული სპექტაკლის რეჟისორია. განსაკუთრებულად აღსანიშნავია მის მიერ დადგმული ვაჟა-ფშაველას „გველისმჭამელი“, ჯ. ფლეტჩერის „მომრჯულებლის მომრჯულებელი“, ჟ. კოკტოს „წარმოუდგენელი მშობლები“, თ. ჭილაძის „აკვარიუმი“, ნ. აზიანის „უკანასკნელი მასკარადი“, კ. გამსახურდიას „ხოგაის მინდია“, მოლიერის „გააზნაურებული მდაბიო“, ნ. დუმბაძის „მარადისობის კანონი“, პ. კაკაბაძის „ყვარყვარე“, ზ. ფალიაშვილის „აბესალომ და ეთერი“, „დაისი“, რ. ლაღიძის „ლელა“, ო. თაქთაქიშვილის „სამი ნოველა“, „მინდია“, „მთვარის მოტაცება“ (დაჯილდოვდა პრემიით 1977-78 წლების თეატრალური სეზონის საუკეთესო რეჟისორული ნამუშევრისათვის) და სხვა. გ. ჟორდანიამ ბათუმში დადგა მსოფლიოში პირველი საბავშვო ოპერა კ. გოცის „პრინცესა ტურანდოტის“ მიხედვით, რომელშიც გამოყენებული იყო ნაწყვეტები კლასიკოს კომპოზიტორთა ნაწარმოებებიდან. ამ დადგმისთვის მას 2003 წელს მიენიჭა ტბელ აბუსერიძის სახელობის სახელმწიფო პრემია, ხოლო მანამდე, 1983 წელს - საქართველოს სახალხო არტისტის საპატიო წოდება.გიზო ჟორდანია მახვილგონივრული ჟანრული კოლორიტისა და ტიპაჟის გამორჩეული ოსტატი იყო. მძაფრი სატირული ქვეტექსტები და მუსიკალური პაროდიები მის ნამუშევრებს საინტერესოსა და მიმზიდველს ხდის.რეჟისორის ღვაწლის პატივსაცემად გამართული საღამოს ორგანიზატორია საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტი, ხოლო ფინანსური მხარდამჭერი - საქართველოს კულტურისა და სპორტის სამინისტრო", - აღნიშნულია ინფორმაციაში.

პოლიტიკა • 1727270727

თეა წულუკიანი ძველი კინოსტუდიის რეაბილიტაციის პროცესს გაეცნო

კულტურის მინისტრი თეა წულუკიანი ძველი კინოსტუდიის რეაბილიტაციის პროცესს გაეცნო. ინფორმაციას კულტურისა და სპორტის სამინისტრო ავრცელებს.მათივე ინფორმაციით, კულტურის სამინისტროს ინიციატივით, 2022 წლიდან აქტიურად მიმდინარეობს დავით აღმაშენებლის გამზირზე მდებარე განსაკუთრებული ისტორიის მქონე ძველი კინოსტუდიის ტერიტორიისა და მასზე მდებარე შენობების სარეაბილიტაციო სამუშაოები.„ამ ეტაპზე დასასრულს უახლოვდება ადმინისტრაციული შენობის სრული რეაბილიტაცია.XIX საუკუნის ბოლო მეოთხედში აგებული შენობა დავით აღმაშენებლის გამზირის ერთ-ერთი გამორჩეული ნაგებობაა, რომელიც თავდაპირველად აშენდა, როგორც ელიტური საცხოვრებელი სახლი. მოგვიანებით შენობამ თავისი მაღალმხატვრული მნიშვნელობის გამო საზოგადოებრივი ფუნქცია შეითავსა. 1950-იანი წლებიდან კი მასში დოკუმენტური ფილმების სტუდია განთავსდა.კულტურის სამინისტროს სახსრებით მიმდინარეობს ადმინისტრაციული შენობის სრული რეაბილიტაცია: გაკეთდა ახალი სახურავი; აღდგა შენობის ფასადი; ჩატარდა მზიდი კონსტრუქციების მასშტაბური გამაგრებითი სამუშაოები; მეორე სართულზე დაიწყო და სექტემბერში დასრულდება ეროვნული კინოცენტრისთვის საოფისე სივრცის მოწყობა; სრულად აღდგება და გარემონტდება ინტერიერი.აღსანიშნავია, რომ 2022 წლის განმავლობაში ძველი კინოსტუდიის ტერიტორიაზე განხორციელდა ინფრასტრუქტურული სამუშაოები: დაინგრა გვიანდელ პერიოდში ჩადგმული უსახური, ბარაკული ტიპის ავარიული შენობები (ლევან სამხარაულის სახელობის ექსპერტიზის ბიუროს დასკვნის საფუძველზე), ტერიტორიაზე დაიგო ასფალტი და მოეწყო გამწვანება; დამონტაჟდა გარე განათების სისტემა, გაკეთდა წყლის ახალი ქსელი და სრულად შეიცვალა კანალიზაციის სისტემა; ყოფილ ფირსაცავ შენობაში ჩატარდა სრული რეაბილიტაცია და მოეწყო თოჯინების სახლი; ყოფილი სახანძრო სამსახურის 300 კვ. მ ორსართულიან შენობას ჩაუტარდა სრული რეაბილიტაცია და მასში ბინა დაიდეს კინემატოგრაფიის დარგში კასტინგის კომპანიამ, ფოტოგრაფიის სახელოსნომ, მეთოჯინეებმა და ტრადიციული ლურჯი სუფრის შოუ-რუმმა; რუსთავის ავტოდრომიდან გადმოტანილი იქნა ორი მოზაიკური პანო მათი გადარჩენის მიზნით და ისინი ძველი კინოსტუდიის ტერიტორიაზე განთავსდა; მოეწყო ახალი საგამოფენო სივრცე, რომელიც სამხატვრო აკადემიას გადაეცა მართვაში; ასევე, განახლდა ღობე.2023 წელს დაიწყო და 2024 წელს დასრულდება ყოფილი ხის საამქროს ადგილზე ახალი შენობის მშენებლობა, რომელიც მულტიფუნქციური სახელოვნებო სივრცე იქნება 100 მაყურებელზე გათვლილი კინოდარბაზითა და საგამოფენო სივრცეებით.სამუშაოების დროს აქ მიწისქვეშ აღმოჩნდა ორი აგურის წყობის გვირაბი, რაც, ასევე, იქცა პროექტის ნაწილად.2024 წელს დასრულდა ყოფილი მულტსტუდიის შენობის გვიანდელი პერიოდის, ავარიული ნაწილის დემონტაჟი ორი ისტორიული, 1920-იან წლებში აგებული კინოპავილიონის გადარჩენისა და რეაბილიტაციის მიზნით.2023 წელს დაიწყო და 2025 წელს დასრულდება ყოფილი ლაბორატორიის შენობის სრული გამაგრება და რემონტი.2024 წელს ხუთი თეატრისთვის დაიწყო და ამავე წლის აგვისტოში დასრულდა სასაწყობე და სარეკვიზიტო სივრცეების კეთილმოწყობა“, - ნათქვამია ინფორმაციაში.

პოლიტიკა • 1727076571

ელისო ბოლქვაძემ „ნიჭიერთა ათწლედის“ განახლებული შენობის საზეიმოდ გახსნაში მიიღო მონაწილეობა

საქართველოს პარლამენტის კულტურის კომიტეტის თავმჯდომარე ელისო ბოლქვაძემ  “ნიჭიერთა ათწლედის“ განახლებული შენობის გახსნაში მიიღო მონაწილეობა.საქართველოს მთავრობისა და ფონდ „ქართუს“ ძალისხმევით, სრულად რეაბილიტირებული თბილისის ზაქარია ფალიაშვილის სახელობის ცენტრალური სამუსიკო სკოლის - „ნიჭიერთა ათწლედის“ შენობა საზეიმოდ გაიხსნა.ღონისძიებას საქართველოს პრემიერ-მინისტრი ირაკლი კობახიძე, საქართველოს კულტურისა და სპორტის მინისტრი თეა წულუკიანი, საქველმოქმედო ფონდ „ქართუს“ აღმასრულებელი დირექტორი ნიკოლოზ ჩხეტიანი, „ნიჭიერთა ათწლედის“ დირექტორი ნოდარ ჟვანია, თბილისის სახელმწიფო კონსერვატორიის რექტორი გიორგი ვაჩნაძე და სხვა მოწვეული სტუმრები ესწრებოდნენ.გაიმართა „ნიჭიერთა ათწლედის“ წარმატებულ მოსწავლეთა და კურსდამთავრებულთა ერთობლივი კონცერტი, რომელშიც მონაწილეობდნენ:  კულტურის კომიტეტის თავმჯდომარე ელისო ბოლქვაძე, თბილისის სახელმწიფო კონსერვატორიის რექტორი, პროფესორი გიორგი ვაჩნაძე, სულხან ცინცაძის სახელობის ეროვნული კვარტეტის წევრები, სახელმწიფო კონსერვატორიის ვიცე-რექტორი ნინო კასრაძე, კონსერვატორიის პროფესორი თამარ ლიჩელი, კონსერვატორიის პროფესორი, საქართველოს სახალხო არტისტი თემურ გუგუშვილი, კომპოზიტორი და პიანისტი დავით ევგენიძე, კონსერვატორიის პროფესორი, საქართველოს კომპოზიტორთა კავშირის თავმჯდომარე გიორგი შავერზაშვილი, პროდიუსერი და ტელეწამყვანი ნოე სულაბერიძე და სხვები. შესრულდა ქართველ და დასავლეთევროპელ კომპოზიტორთა სოლო და კამერულ-ინსტრუმენტული ნაწარმოებები.მიმდინარე წელს სამუსიკო სკოლა „ნიჭიერთა ათწლედი“ დაარსების 90 წლისთავს ზეიმობს და სიმბოლურია, რომ ახალ სასწავლო წელს მოსწავლეები განახლებულ შენობაში შეხვდებიან. ალექსანდრე ჭავჭავაძის ქუჩაზე (№19) მდებარე შენობაში ათწლედი 2010 წლიდან ფუნქციონირებს, თუმცა წლების განმავლობაში სასწავლებელი ურთულესი პრობლემების წინაშე იდგა: შენობა ვერ აკმაყოფილებდა ცენტრალური სამუსიკო სკოლის მოთხოვნებს, განადგურებული იყო სკოლის ინფრასტრუქტურა, რაც სერიოზულად აფერხებდა სასწავლო პროცესს; სკოლაში არ არსებობდა მცირე ფართობის საკონცერტო დარბაზიც კი. ეს ვითარება ურთულეს მდგომარეობაში აყენებდა პედაგოგებს და იმ ბავშვებს, რომლებიც მუსიკას პროფესიად ირჩევენ.2016 წელს ფონდმა „ქართუმ“ საპროექტო-სარეაბილიტაციო სამუშაოები დააფინანსა (954 500 ლარი), 2022 წელს კი კულტურის სამინისტროს ინიციატივით ეს პროცესი განახლდა და საქართველოს კულტურისა და სპორტის სამინისტრომ თანადაფინანსების სახით 6 243 000 ლარი გამოყო. ჩატარდა შენობის გამაგრებითი სამუშაოები, დამონტაჟდა დამატებითი სართულის რკინის კონსტრუქციები საკონცერტო დარბაზის მოსაწყობად, დამონტაჟდა გათბობის სისტემა, დასრულდა ინტერიერის რემონტი.

კულტურა • 1726929114

ელისო ბოლქვაძემ „ნიჭიერთა ათწლედის“ განახლებული შენობის საზეიმოდ გახსნაში მიიღო მონაწილეობა

საქართველოს პარლამენტის კულტურის კომიტეტის თავმჯდომარე ელისო ბოლქვაძემ “ნიჭიერთა ათწლედის“ განახლებული შენობის გახსნაში მიიღო მონაწილეობა, - ინფორმაციას პარლამენტის პრესსამსახური ავრცელებს.მათივე ცნობით, საქართველოს მთავრობისა და ფონდ „ქართუს“ ძალისხმევით, სრულად რეაბილიტირებული თბილისის ზაქარია ფალიაშვილის სახელობის ცენტრალური სამუსიკო სკოლის - „ნიჭიერთა ათწლედის“ შენობა საზეიმოდ გაიხსნა.„ღონისძიებას საქართველოს პრემიერ-მინისტრი ირაკლი კობახიძე, საქართველოს კულტურისა და სპორტის მინისტრი თეა წულუკიანი, საქველმოქმედო ფონდ „ქართუს“ აღმასრულებელი დირექტორი ნიკოლოზ ჩხეტიანი, „ნიჭიერთა ათწლედის“ დირექტორი ნოდარ ჟვანია, თბილისის სახელმწიფო კონსერვატორიის რექტორი გიორგი ვაჩნაძე და სხვა მოწვეული სტუმრები ესწრებოდნენ.გაიმართა „ნიჭიერთა ათწლედის“ წარმატებულ მოსწავლეთა და კურსდამთავრებულთა ერთობლივი კონცერტი, რომელშიც მონაწილეობდნენ: კულტურის კომიტეტის თავმჯდომარე ელისო ბოლქვაძე, თბილისის სახელმწიფო კონსერვატორიის რექტორი, პროფესორი გიორგი ვაჩნაძე, სულხან ცინცაძის სახელობის ეროვნული კვარტეტის წევრები, სახელმწიფო კონსერვატორიის ვიცე-რექტორი ნინო კასრაძე, კონსერვატორიის პროფესორი თამარ ლიჩელი, კონსერვატორიის პროფესორი, საქართველოს სახალხო არტისტი თემურ გუგუშვილი, კომპოზიტორი და პიანისტი დავით ევგენიძე, კონსერვატორიის პროფესორი, საქართველოს კომპოზიტორთა კავშირის თავმჯდომარე გიორგი შავერზაშვილი, პროდიუსერი და ტელეწამყვანი ნოე სულაბერიძე და სხვები. შესრულდა ქართველ და დასავლეთევროპელ კომპოზიტორთა სოლო და კამერულ-ინსტრუმენტული ნაწარმოებები.მიმდინარე წელს სამუსიკო სკოლა „ნიჭიერთა ათწლედი“ დაარსების 90 წლისთავს ზეიმობს და სიმბოლურია, რომ ახალ სასწავლო წელს მოსწავლეები განახლებულ შენობაში შეხვდებიან.ალექსანდრე ჭავჭავაძის ქუჩაზე (№19) მდებარე შენობაში ათწლედი 2010 წლიდან ფუნქციონირებს, თუმცა წლების განმავლობაში სასწავლებელი ურთულესი პრობლემების წინაშე იდგა: შენობა ვერ აკმაყოფილებდა ცენტრალური სამუსიკო სკოლის მოთხოვნებს, განადგურებული იყო სკოლის ინფრასტრუქტურა, რაც სერიოზულად აფერხებდა სასწავლო პროცესს; სკოლაში არ არსებობდა მცირე ფართობის საკონცერტო დარბაზიც კი. ეს ვითარება ურთულეს მდგომარეობაში აყენებდა პედაგოგებს და იმ ბავშვებს, რომლებიც მუსიკას პროფესიად ირჩევენ.2016 წელს ფონდმა „ქართუმ“ საპროექტო-სარეაბილიტაციო სამუშაოები დააფინანსა (954 500 ლარი), 2022 წელს კი კულტურის სამინისტროს ინიციატივით ეს პროცესი განახლდა და საქართველოს კულტურისა და სპორტის სამინისტრომ თანადაფინანსების სახით 6 243 000 ლარი გამოყო. ჩატარდა შენობის გამაგრებითი სამუშაოები, დამონტაჟდა დამატებითი სართულის რკინის კონსტრუქციები საკონცერტო დარბაზის მოსაწყობად, დამონტაჟდა გათბობის სისტემა, დასრულდა ინტერიერის რემონტი“, - აღნიშნულია გავრცელებულ ინფორმაციაში.