ძალადობა

კონკრეტული კანონი თუ არ მოსწონს ვინმეს, პასუხი არასდროს უნდა იყოს სამართლებრივი ჩარჩოს გვერდის ავლა, გარე ზეწოლა ან ქვეყნის შიგნით არეულობის წახალისება - ლევან მახაშვილი

57 ქვეყნიდან 34-მა არ დაუჭირა მხარი საქართველოსთან დაკავშირებით „მოსკოვის მექანიზმის“ ამოქმედებას, რაც დაახლოებით 60 პროცენტს შეადგენს, მათ შორის იყო ამერიკის შეერთებული შტატებიც, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა ეუთო-ს საპარლამენტო ასამბლეის პოლიტიკურ საკითხთა და უსაფრთხოების მთავარი კომიტეტის 33-ე ყოველწლიურ სესიაზე სიტყვით გამოსვლისას განაცხადა.ამასთან, მახაშვილის თქმით, წარმოდგენილი რეზოლუციის პროექტი შემაშფოთებელ ტენდენციას ავლენს. მისივე განმარტებით, განსაკუთრებულ შეშფოთებას იწვევს მე-20 პუნქტის ფორმულირება.„საქართველო კეთილსინდისიერად თანამშრომლობდა ეუთო-სთან, თუმცა არ შეგვიძლია, მივიღოთ დასკვნები იმ აშკარა მიზეზების გამო, რომლებიც არაერთხელ იქნა ახსნილი ეუთო-ს სხვადასხვა ან შესაბამის ფორმატებში. წარმოდგენილი რეზოლუციის პროექტი მეტად შემაშფოთებელ ტენდენციას ავლენს, რადგან „მოსკოვის მექანიზმის“ ანგარიშში მოცემული დებულებები წარმოდგენილია, როგორც მტკიცედ დადასტურებული ფაქტები, მაშინ როდესაც თავად ანგარიშში ხაზგასმითაა აღნიშნული, რომ ეს მხოლოდ ბრალდებებია. მაგალითად, განსაკუთრებულ შეშფოთებას იწვევს მე-20 პუნქტის ფორმულირება, სადაც ნათქვამია, რომ ძალადობამ, ვციტირებ, „წამების ზღვარს მიაღწია“. ამგვარი ჩანაწერი თავად „მოსკოვის მექანიზმის“ ანგარიშში საერთოდ არ არსებობს. მეტიც, ამავე რეზოლუციის პროექტის 55-ე პუნქტშიც აღნიშნულია, რომ ეს მხოლოდ ბრალდებებია. შესაბამისად, მიზანმიმართული არასწორი ინტერპრეტაციისა და ინფორმაციის მანიპულაციის თავიდან აცილების მიზნით, გთხოვთ, მე-20 პუნქტიდან აღნიშნული წინადადება ამოიღოთ, რადგან ის არ შეესაბამება „მოსკოვის მექანიზმის“ ანგარიშის ფორმულირებას და წარმოადგენს ანგარიშის დასკვნების პოლიტიკურ ინტერპრეტაციას“, – აღნიშნა ლევან მახაშვილმა.ლევან მახაშვილი ამბობს, რომ სამართლებრივი რეგულაციები ერთადერთი ლეგიტიმური ინსტრუმენტია, რომელიც ნებისმიერ სუვერენულ სახელმწიფოს, მათ შორის საქართველოს აქვს საკუთარი საარჩევნო პროცესების, პოლიტიკური სისტემისა და სოციალურ-ეკონომიკური სტაბილურობის უცხოური მავნე ჩარევისგან დასაცავად.„პატარა ქვეყანას, რომელსაც სტრატეგიული მდებარეობა და რთული რეგიონული გარემო აქვს, აქვს სრული საფუძველი, შექმნას შესაბამისი სამართლებრივი დამცავი მექანიზმები. ვინმეს კონკრეტული კანონი თუ არ მოსწონს, დემოკრატიული და კონსტრუქციული პასუხი არასოდეს უნდა იყოს სამართლებრივი ჩარჩოს გვერდის ავლა, მისთვის ძირის გამოთხრა, გარე ზეწოლა ან ქვეყნის შიგნით არეულობის წახალისება. სწორი გზა არის კანონის კონკრეტული ნორმების განხილვა და მათი სამართლებრივი საფუძვლებით გასაჩივრება. მათთვის, ვინც ამის შესახებ არ იცის, გამჭვირვალობის შესახებ კანონი ამჟამად განიხილება როგორც საქართველოს საკონსტიტუციო სასამართლოში, ასევე ადამიანის უფლებათა ევროპულ სასამართლოში. სწორედ ეს არის სწორი სამართლებრივი გზა და არა ეუთო-ს საპარლამენტო ასამბლეისა თუ სხვა საერთაშორისო ინსტიტუტების გამოყენება მოკლევადიანი პოლიტიკური მიზნებისთვის, რადგან საბოლოოდ ეს თავად ეუთო-ს საპარლამენტო ასამბლეის რეპუტაციას დააზიანებს. ამიტომ კატეგორიულად მოვუწოდებთ ყველას, თავი შეიკავონ პოლიტიკური იარლიყების გამოყენებისგან და სამართლებრივი შეფასება მიანდონ სასამართლოებს, რომლებიც საკითხს მისი იურიდიული არსის საფუძველზე განიხილავენ“, – აღნიშნა ლევან მახაშვილმა.

პოლიტიკა • 1783248581

თუ ვინმეს არ მოსწონს კონკრეტული კანონი, დემოკრატიული და კონსტრუქციული პასუხი არასოდეს არის სამართლებრივი ჩარჩოს გვერდის ავლა, არასწორია მოქმედება კონფრონტაციის, გარე იძულების ან შიდა არეულობის გაღვივების გზით - ლევან მახაშვილი

"57 წევრიდან 34-მა ქვეყანამ მხარი არ დაუჭირა საქართველოსთან მიმართებით მოსკოვის მექანიზმის ამოქმედებას" - ამის შესახებ ეუთოს საპარლამენტო ასამბლეის 33-ე სესიაზე სიტყვით გამოსვლისას საქართველოს საპარლამენტო დელეგაციის წევრმა ლევან მახაშვილმა განაცხადა.ლევან მახაშვილის განცხადებით, საქართველოსთან მიმართებით მოსკოვის მექანიზმის ამოქმედებას ეუთოს წევრი სახელმწიფოების უმრავლესობამ, მათ შორის ამერიკის შეერთებულმა შტატებმა, მხარი არ დაუჭირა. მისივე განცხადებით, რეზოლუციის პროექტში მოსკოვის მექანიზმის ანგარიშის დებულებები მყარ მტკიცებულებად არის წარმოჩენილი, მაშინ როდესაც თავად ანგარიში მხოლოდ ბრალდებებზე მიუთითებს და არაერთ ფაქტობრივ უზუსტობას შეიცავს."57 წევრიდან 34-მა ქვეყანამ მხარი არ დაუჭირა საქართველოსთან მიმართებით მოსკოვის მექანიზმის ამოქმედებას, რაც დაახლოებით 60%-ს შეადგენს, მათ შორის არის ამერიკის შეერთებული შტატებიც.საქართველომ კეთილგანწყობით ითანამშრომლა ეუთოსთან (OSCE), მაგრამ, ცხადია, ჩვენ ვერ მივიღებთ ამ დასკვნებს იმ აშკარა მიზეზების გამო, რომლებიც არაერთხელ იქნა ახსნილი ეუთოს სხვადასხვა შესაბამის ფორმატში. წარმოდგენილი რეზოლუციის პროექტი შეიცავს უკიდურესად საგანგაშო ტენდენციას, წარმოაჩინოს მოსკოვის მექანიზმის ანგარიშის დებულებები, როგორც მყარი მტკიცებულება – ფაქტისა და მტკიცების ფორმით, მაშინ როდესაც თავად ანგარიში ხაზს უსვამს, რომ ეს მხოლოდ ბრალდებებია.მაგალითად, ყველაზე შემაშფოთებელი ფორმულირება გვხვდება მე-20 პარაგრაფში, სადაც ნათქვამია, რომ ძალადობამ, ციტატა: "მიაღწია წამების ზღვარს", მაშინ, როცა თავად ანგარიში არ შეიცავს მსგავს ფორმულირებას. ამავე რეზოლუციის პროექტის 55-ე პარაგრაფიც კი აღნიშნავს, რომ ეს მხოლოდ ბრალდებებია. ამიტომ, მიზანმიმართული არასწორი ინტერპრეტაციის ან ინფორმაციით მანიპულირების თავიდან აცილების მიზნით, გთხოვთ, ამოიღოთ ეს კონკრეტული წინადადება მე-20 პარაგრაფიდან, რადგან ის გადახვევაა მოსკოვის მექანიზმის ანგარიშის ტექსტიდან და წარმოადგენს ანგარიშის დასკვნების პოლიტიკურ არასწორ ინტერპრეტაციას.რაც შეეხება ე.წ. დემოკრატიულ უკუსვლას, მინდა ძალიან მკაფიოდ განვაცხადო: სამართლებრივი რეგულაციები წარმოადგენს ერთადერთ ლეგიტიმურ ინსტრუმენტს, რომელიც ხელმისაწვდომია ნებისმიერი სუვერენული ქვეყნისთვის, მათ შორის საქართველოსთვის, რათა დაიცვას თავისი საარჩევნო პროცესები, პოლიტიკური სისტემა და სოციალურ-ეკონომიკური მთლიანობა უცხოური მავნე ჩარევისგან. მცირე ქვეყანას, რომელსაც აქვს სტრატეგიული მდებარეობა და სამეზობლოს რთული დინამიკა, სრული საფუძველი აქვს დააწესოს სამართლებრივი ბარიერები.თუ ვინმეს არ მოსწონს კონკრეტული კანონი, დემოკრატიული და კონსტრუქციული პასუხი არასოდეს არის სამართლებრივი ჩარჩოს გვერდის ავლა, არასწორია მოქმედება კონფრონტაციის, გარე იძულების ან შიდა არეულობის გაღვივების გზით. ამ ყველაფერზე, სწორი პასუხი იქნება დებატები ან კანონის კონკრეტული დებულებების გასაჩივრება მათი სამართლებრივი არგუმენტების ღირებულების საფუძველზე. მათთვის, ვინც არ იცის, გამჭვირვალობის შესახებ კანონმდებლობა განიხილება საქართველოს საკონსტიტუციო სასამართლოში და ადამიანის უფლებათა ევროპულ სასამართლოში.ეს არის სწორი გზა, რომელსაც უნდა მივყვეთ და არა ეუთოს საპარლამენტო ასამბლეის) ან მასთან დაკავშირებული ინსტიტუტების იარაღად გამოყენება მოკლევადიანი პოლიტიკური სათაურებისთვის, რადგან ეს საბოლოოდ ავნებს და დააზიანებს თავად ეუთოს საპარლამენტო ასამბლეის რეპუტაციას. ამიტომ, ჩვენ მკაცრად გირჩევთ, თავი შეიკავოთ პოლიტიკური იარლიყების მიკერებისგან და მივცეთ საშუალება სასამართლოებს, განსაჯონ ისინი სამართლებრივი საფუძვლების მიხედვით", - აცხადებს ეუთო-ს საპარლამენტო ასამბლეაში საქართველოს საპარლამენტო დელეგაციის წევრი ლევან მახაშვილი.

მსოფლიო • 1783110036

ცნობილი ადვოკატი, რომელიც კრიმინალებს იცავდა, ახლა პოლიციის გამოძიების მთავარი ფიგურანტია - რას წერს უცხოური მედია

ბრაზილიაში ცნობილი ადვოკატი და სოციალური ქსელების ინფლუენსერი გაბრიელა ვიეირა სერაფინი სამართალდამცველების გამოძიების ინტერესის ქვეშ მოექცა. გამომძიებლები ეჭვობენ, რომ მისი კავშირები კრიმინალურ სამყაროსთან შესაძლოა მხოლოდ პროფესიული საქმიანობით არ შემოიფარგლებოდა.ბრაზილიური მედიის ინფორმაციით, გამოძიება ვარაუდობს, რომ ადვოკატი შესაძლოა შუამავლის როლს ასრულებდა. პოლიცია ეჭვობს, რომ ადვოკატი პატიმრებსა და თავისუფლებაზე მყოფ კრიმინალური დაჯგუფებების წევრებს ერთმანეთის შეტყობინებებს გადასცემდა.ამ ვერსიის შესამოწმებლად სამართალდამცველებმა სამხრეთ ბრაზილიაში, მისი საცხოვრებელი სახლი გაჩხრიკეს. რეიდის დროს თავად გაბრიელა ვიეირა სერაფინი სახლში არ იმყოფებოდა, თუმცა ჩხრეკას მისი დედა და ორი ადვოკატი ესწრებოდნენ.გამომძიებლების ცნობით, ჩხრეკისას საძინებელში, ბავშვის ხელთათმანში დამალული, ორი მობილური ტელეფონი, SIM-ბარათები და მეხსიერების ბარათები აღმოაჩინეს. ამოღებული ნივთები ექსპერტიზაზეა გადაგზავნილი, რათა დადგინდეს, შეიცავს თუ არა ისინი გამოძიებისთვის მნიშვნელოვან ინფორმაციას.ამ ეტაპზე სანტა-კატარინას სამოქალაქო პოლიცია საქმის დეტალებს არ ასაჯაროებს. ოფიციალური ბრალი ადვოკატისთვის ჯერ არ წარუდგენიათ, ხოლო გამოძიება გრძელდება.გაბრიელა ვიეირა სერაფინი ინტერნეტში ფსევდონიმით „Advogata“ არის ცნობილი. სახელწოდება პორტუგალიური სიტყვების – „ადვოკატი“ და „გოგონა/ლამაზი ქალი“ – შერწყმითაა შექმნილი.სოციალურ ქსელებში მის ვიდეოებს მილიონობით ნახვა აქვს, სადაც კრიმინალური საქმეების, ნარკოდანაშაულის, პოლიციის რეიდებისა და ბანდებს შორის დაპირისპირების ეპიზოდებს ინსცენირებით აცოცხლებს.ერთ-ერთ ყველაზე პოპულარულ ვიდეოში სერაფინი ქალის როლს ასრულებს, რომელიც საკუთარ ბინაში ნარკოტიკებს წონის, როდესაც საცხოვრებელში პოლიციის ტაქტიკური ჯგუფი შეიჭრება. ვიდეოში ის ასევე აღწერს იმ სავარაუდო ძალადობას, რომლის შესახებაც, მისი თქმით, ერთ-ერთი კლიენტი ჰყვებოდა.მიუხედავად იმისა, რომ მსგავსი ვიდეოების გამოქვეყნება კანონდარღვევად არ მიიჩნევა, გამოძიება ცდილობს დაადგინოს, ხომ არ გასცდა ადვოკატის საქმიანობა პროფესიულ ჩარჩოებს და ხომ არ გადაიზარდა ის კრიმინალურ ჯგუფებთან უკანონო თანამშრომლობაში.თუ ეჭვები დადასტურდება, საქმე შესაძლოა ერთ-ერთ ყველაზე გახმაურებულ გამოძიებად იქცეს, სადაც სოციალური მედიის პოპულარობა და ორგანიზებულ დანაშაულთან შესაძლო კავშირები ერთ საქმეში იკვეთება. ამ დროისთვის კი ადვოკატი უდანაშაულოდ მიიჩნევა, ვიდრე სასამართლო სხვაგვარ გადაწყვეტილებას მიიღებს.

პოლიტიკა • 1782987481

ლადო სადღობელაშვილი: როდესაც ხელისუფლებას პროვოკაციაზე ფიზიკური პასუხი აქვს, ეს „ამაზრზენია“, მაგრამ როდესაც მამუკა მდინარაძეს პარლამენტში ზურგიდან, მოულოდნელად დაარტყეს, ეს ზოგიერთისთვის მისაღები და ტაშის დასაკრავიც კი იყო

პარლამენტში ჩხუბი, რა თქმა უნდა, კარგი სანახავი არ არის, მაგრამ როდესაც პოლიტიკური ჯგუფები თავადვე იწყებენ პროვოკაციას და შემდეგ „სამართლებრივ მსხვერპლად“ წარმოჩენას ცდილობენ, პროცესი ჩვეულებრივ პოლიტიკურ ფარსად იქცევა- წერს ანალიტიკოსი ლადო სადღობელაშვილი სოციალურ ქსელში.სადღობელაშვილი მამუკა მდინარაძის მიერ პარლამენტში მომხდარ დაპირისპირებაზე გაკეთებულ კომენტარს ეხმიანება და ამბობს, რომ მისი „ეს განცხადება პოლიტიკური დისკუსიის ყველაზე მტკივნეულ წერტილს აშიშვლებს- შერჩევით მეხსიერებას და ორმაგ სტანდარტებს.“ნორჩი გახარიელების და აგენტურების ორმაგი სტანდარტი ანუ მორალური ასიმეტრია, ასე დავახასიათებდი იმ ატმოსფეროს რომელიც პოლიტიკურ ცხოვრებაში ე.წ ძალადობის და პროვოკაციების მიმართ არსებობს! მამუკა მდინარაძის ეს განცხადება პოლიტიკური დისკუსიის ყველაზე მტკივნეულ წერტილს აშიშვლებს: შერჩევით მეხსიერებას და ორმაგ სტანდარტებს. როდესაც საკანონმდებლო ორგანოში დაპირისპირება ხდება, საზოგადოებრივი რეაქცია ხშირად არა ობიექტურ კანონზომიერებაზე, არამედ პოლიტიკურ სიმპათია-ანტიპათიაზეა დაფუძნებული. პოლიტიკური მორალი არ შეიძლება იყოს ცალმხრივი. თუ ძალადობა და პროვოკაცია დასაგმობია, ის თანაბრად დასაგმობია ყველა შემთხვევაში — მიპარვით დარტყმის დროსაც და შეურაცხყოფაზე საპასუხო რეაქციის დროსაც. როდესაც კანონსა და მორალს პოლიტიკური მიზანშეწონილობით ვჭრით, საბოლოოდ ვიღებთ არა სამართლებრივ დისკუსიას, არამედ ორმაგი სტანდარტების მუდმივ ტირაჟირებას, სადაც მთავარია არა ის „რა მოხდა“, არამედ „ვის მიმართ მოხდა“.სწორედ ამ პარადოქსზე საუბრობს მამუკა მდინარაძე: როდესაც ხელისუფლებას პროვოკაციაზე ფიზიკური პასუხი აქვს, ეს „ამაზრზენია“, მაგრამ როდესაც თავად მდინარაძეს პარლამენტში ზურგიდან, მოულოდნელად დაარტყეს, ეს ზოგიერთისთვის მისაღები და ტაშის დასაკრავიც კი იყო. პარლამენტში ჩხუბი, რა თქმა უნდა, კარგი სანახავი არ არის, მაგრამ როდესაც პოლიტიკური ჯგუფები თავადვე იწყებენ პროვოკაციას და შემდეგ „სამართლებრივ მსხვერპლად“ წარმოჩენას ცდილობენ, პროცესი ჩვეულებრივ პოლიტიკურ ფარსად იქცევა.მეგობრებო დროა ჩამოვყალიბდეთ, “მოსულა“ თუ „არ მოსულა“? თუ მოსულა იყავი მზად რომ მიიღებ პასუხს, თუ არ მოსულა არც შენი პროვოკაციები და ყველასთვის მრავალჯერ ნანახი სცენარებიც არ მოსულა!“- წერს სადღობელაშვილი.

პოლიტიკა • 1782890342

ირაკლი ზარქუა პარლამენტში მომხდარ დაპირისპირებაზე გამოძიების დაწყებაზე: გახარიას და მისი პარტიის ადგილზე ცოტა დავფიქრდებოდი, მერე სხვანაირი შედეგი არ დადგეს, რადგან ნათლად ჩანს, ვინ როგორ წამოიწყო ძალადობა

გახარიას და მისი პარტიის ადგილზე ცოტა დავფიქრდებოდი, ე მანდ, სხვანაირი [შედეგი] არ დადგეს იმიტომ, რომ ნათლად ჩანს ვინ როგორ წამოიწყო [ძალადობა]“- განაცხადა საპარლამენტო უმრავლესობის წევრმა ირაკლი ზარქუამ პარლამენტში მომხდარ ფიზიკურ დაპირისპირებაზე საპარლამენტო ფრაქცია „გახარია-საქართველოსთვის“ მოთხოვნაზე, რომ აღნიშნულთან დაკავშირებით გამოძიება დაიწყოს.ზარქუას არ ფიქრობს, რომ თუ გამოძიება დაიწყება, ოპოზიციური ფრაქციისთვის სახარბიელო დასკვნით დამთავრდეს ყველაფერი.„პარლამენტებში, ზოგადად, ეს ცუდია, მაგრამ ეს ხდება. საქართევლოს პარლამენტში კი არა, ევროპის პარლამენტებში, უფრო განვითარებული სახელმწიფოების პარლამენტებშიც არის ეს ცემა-ტყეპა და ემოციები. ლამაზია?- არ არის ლამაზი. მისაღებია?- არ არის მისაღები, მაგრამ როდესაც ადამიანი შეურაცხყოფას გაყენებს იქ ხდება. ვინმემ თუ აქ გამოძიება დაიწყო, არ მგონია, სახარბიელო დასკვნებით და ანალიზით დამთავრდეს ეს ამბავი იმიტომ, რომ ნათლად ჩანს, ვინ იყო ამის ინიციატორი, ვინ წამოიწყო შეურაცხყოფები და მერე როგორ და რანაირად გაგრძელდა. ყველაფერს ვაკეთებდით, რომ ეს არ მომხდარიყო, მაგრამ ბოლოს მაინც ეს ქნეს, თან როდის?- როდესაც ვამთავრებდით. მანამდე ბევრჯერ ჰქონდათ მცდელობა და ჩვენ მაქსიმალურად თავს ვიკავებდით, მაგრამ ბოლოს ზღვარს გადავიდნენ და მოხდა ის, რაც მოხდა, რაც ბუნებრივია არ იყო ლამაზი.“-განაცხადა ირაკლი ზარქუამ.

პოლიტიკა • 1782723401

ვიკა ფილფანი: მანდატი არ არის ინდულგენცია სისხლის სამართლის დანაშაულის ჩადენისას, არც სპორტული ტიტულებია ძალადობის საშვი, სისტემურ დაუსჯელობას ახალისებს მაღალჩინოსანთა დაუსჯელობა

ძალადობა იქნება სისტემური, ვიდრე ის არ დაისჯება თავად იმ ადამიანებში და სტრუქტურებში, ვინც ძალადობაზეა პასუხისმგებელი, – ამის შესახებ პარტია „გახარია საქართველოსთვის“ წევრი, დეპუტატი ვიკა ფილფანი სოციალურ ქსელში წერს.„26 ივნისს საქართველოს პრემიერ-მინისტრის, გენერალური პროკურორისა და შინაგან საქმეთა მინისტრის თვალწინ მოხდა წინასწარ დაგეგმილი, ორგანიზებული, ჯგუფური თავდასხმა საქართველოს პარლამენტის წევრებზე, რასაც ჯერჯერობით არანაირი რეაგირება არ მოჰყოლია.ძალადობა იქნება სისტემური მანამდე, სანამ ის არ დაისჯება თავად იმ ადამიანებში და სტრუქტურებში, ვინც ძალადობაზეა პასუხისმგებელი.არც ერთი მანდატი არ არის ინდულგენცია სისხლის სამართლის დანაშაულის ჩადენისას. არც სპორტული ტიტულებია ძალადობის საშვი.სისტემურ დაუსჯელობას ახალისებს სწორედ მაღალჩინოსანთა დაუსჯელობა!ქვეყანაში, სადაც კრიმინალები და სამართალდამცავები გვერდიგვერდ სჩადიან ჯგუფურ დანაშაულებს, ამის მთავარი ავტორი არის თავად ხელისუფლება და პარლამენტარები, რომლებიც თავად სჩადიან კრიმინალს!მზია ამაღლობელი მეორე წელია, ციხეშია, მხოლოდ ერთი მიზეზით – პოლიციელის მუნდირს ამოფარებულ უღირს „კაცს“ შეურაცხყოფაზე სილით უპასუხა!ხოშტარია ციხეშია მხოლოდ იმიტომ, რომ 100-ლარიან ბანერზე ფლომასტრით არაშეურაცხმყოფელი შინაარსის წარწერა გააკეთა!20-21 წლის ბიჭები ციხეში არიან მხოლოდ იმიტომ, რომ აქციაზე იდგნენ!“, – წერს ფილფანი.

პოლიტიკა • 1782480345

ირაკლი კობახიძე: ჩვენ აღვასრულეთ სამართალი მოძალადეების წინააღმდეგ. ძალიან ბევრი ადამიანი ცდილობდა სახელმწიფოს წინააღმდეგ ძალადობას, ან ძალადობდა სახელმწიფოზე, სამართლის წინაშე პასუხს აგებს ყველა

ჩვენ კონკრეტული ნაბიჯებით მოვახერხეთ ქვეყნის დამშვიდება. პირველ რიგში იმით, რომ ხალხს ვუთხარით სიმართლე. ჩვენ ძალიან გვიჭირდა ხალხისთვის სიმართლის თქმა, - ამის შესახებ საქართველოს პრემიერ-მინისტრმა ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.როგორც მთავრობის მეთაურმა აღნიშნა, დღეს საზოგადოება უკვე ძალიან კარგად არჩევს სიმართლეს ტყუილისგან.„მე მახსენდება იგივე, თუნდაც 2021, 2022 წელი, მანამდე წლები, როდესაც საკმარისი იყო ერთი ევროპარლამენტარის უსამართლო განცხადება, რომ ხალხში ამას გამოეწვია სერიოზული მღელვარება.დღეს საზოგადოება უკვე ძალიან კარგად არჩევს სიმართლეს ტყუილისგან და ამაზე დაგვჭირდა ჩვენ სერიოზული მუშაობა. ჩვენ დაგვჭირდა სიმართლის გაზიარება ქართული საზოგადოებისთვის, მათ შორის იმ მანკიერებების შესახებ, რომელსაც ვხედავდით ევროპულ ბიუროკრატიაში, თავის დროზე ამერიკულ ადმინისტრაციაშ, რომ არა ამ სიმართლეში საზოგადოების გათვითცნობიერება, რა თქმა უნდა, ძალიან გაგვიჭირდებოდა ჩვენი საერთო გამოწვევების დაძლევა. ჩვენ ასევე თავისი სახელი დავარქვით იმ ადამიანებს, რომლებიც ემსახურებიან არა საკუთარ ქვეყანას, არამედ ემსახურებიან უცხო ძალებს. აქ საუბარია როგორც ე.წ. ოპოზიციურ პარტიებზე, ასევე ე.წ. არასამთავრობო ორგანიზაციებზე, ე.წ. მედიასაშუალებებზე და ასე შემდეგ. რომ არა ეს სიმართლე, რა თქმა უნდა, გაგვიჭირდებოდა გამოწვევებთან გამკლავება.ჩვენ მივიღეთ აუცილებელი კანონები - ეს არის მეორე მთავარი ზომა, რომელმაც მოგვცა ქვეყნის დამშვიდების საშუალება სიმართლის თქმასთან ერთად. ჩვენ აღვასრულეთ სამართალი მოძალადეების წინააღმდეგ. ძალიან ბევრი ადამიანი ცდილობდა სახელმწიფოზე ძალადობას ან ძალადობდა სახელმწიფოზე და ჩვენ, საბოლოო ჯამში, აქაც გვქონდა რთული პერიოდები, როცა ვერ ვახერხებდით სამართლის აღსრულებას მოძალადეების წინააღმდეგ. თუმცა, გასული ერთი წლის განმავლობაში აქაც რადიკალურად შევცვალეთ ვითარება“, - განაცხადა პრემიერ-მინისტრმა.მისივე თქმით, სამართლის წინაშე პასუხს აგებს ყველა, ვინც ეცდება ძალადობას სახელმწიფოზე და ქვეყნის ეროვნულ ინტერესებზე და აქ საქართველოს მთავრობის პოზიცია მომავალშიც იქნება, სრულიად უკომპრომისო.„იყო ერთი საკითხი, რაც შიგნიდან არღვევდა სისტემას - ეს იყო კორუფციის გამოვლინებები. და აქაც ჩვენ გასული წლის განმავლობაში ვაჩვენეთ სრული უკომპრომისობა და, რა თქმა უნდა, მომავალშიც ასევე უკომპრომისოდ გავაგრძელებთ ბრძოლას კორუფციის წინააღმდეგ“, - განაცხადა ირაკლი კობახიძემ.

სამართალი • 1782297492

მარიამ მეყანწიშვილს 5000-ლარიანი ჯარიმა, ნანა სანდერს 7 წლით, ანტონ უპერსა და აბო ნავერიანს კი 5-5 წლით თავისუფლების აღკვეთა მიესაჯა

სასამართლომ 4 ოქტომბერს განვითარებულ მოვლენებთან დაკავშირებით დაკავებული ოთხი პირი, ნანა სანდერი, აბო ნავერიანი, ანტონ უპერი და მარიამ მეყანწიშვილი დამნაშავედ ცნო.სასამართლოს გადაწყვეტილებით, ნანა სანდერს შვიდი წლით თავისუფლების აღკვეთა მიესაჯა, აბო ნავერიანსა და ანტონ უპერს ხუთ-ხუთი წლით პატიმრობა შეეფარდათ, მარიამ მეყანწიშვილს კი 5 000-ლარიანი ჯარიმა დაეკისრა.ანტონ უპერს სასჯელი დაუსწრებლად შეეფარდა, რადგან ის მიმალვაში იმყოფება.განაჩენის გამოცხადებამდე ბრალდებულებმა საბოლოო სიტყვა წარმოთქვეს. მათი განცხადებით, 4 ოქტომბერს აქციაზე ქვეყნის ევროპული მომავლის დასაცავად იდგნენ და დანაშაული არ ჩაუდენიათ.საქმის ამ ეპიზოდზე სულ 12 პირი იყო დაკავებული. მათგან რვამ ბრალი აღიარა და საპროცესო შეთანხმება გაუფორმდათ, რის შემდეგაც სასამართლო დარბაზიდან გათავისუფლდნენ.ცნობისთვის, ნანა სანდერს ბრალდება წარდგენილი ჰქონდა სსსკ-ის 225-ე მუხლის პირველი ნაწილით, რაც ჯგუფური ძალადობის ორგანიზებას გულისხმობს და სასჯელის ზომად ექვსიდან ცხრა წლამდე თავისუფლების აღკვეთას ითვალისწინებს. მას ბრალდება ასევე წარდგენილი ჰქონდა სსსკ-ის 317-ე მუხლით, რაც გულისხმობს მოწოდებას საქართველოს კონსტიტუციური წყობილების ძალადობით შეცვლისა და სახელმწიფო ხელისუფლების დამხობისკენ. დანაშაული სასჯელის სახედ და ზომად ცხრა წლამდე თავისუფლების აღკვეთას ითვალისწინებს.აბო ნავერიანს და ანტონ უპერს ბრალდება წარდგენილი ჰქონდათ საქართველოს სისხლის სამართლის კოდექსის 19-222-ე მუხლის მე-2 ნაწილის „ა“ ქვეპუნქტით, რაც სტრატეგიული და განსაკუთრებული მნიშვნელობის ობიექტების ხელში ჩაგდების, ბლოკირების მცდელობას გულისხმობს, ჩადენილს ჯგუფურად. ასევე ბრალდება წარდგენილი ჰქონდათ სსსკ-ის 225-ე მუხლის მეორე ნაწილით, რაც ჯგუფურ ძალადობაში მონაწილეობას გულისხმობს.მარიამ მეყანწიშვილს ბრალდება წარდგენილი ჰქონდა საქართველოს სისხლის სამართლის კოდექსის 226-ე მუხლით, რაც ჯგუფური მოქმედების ორგანიზებას გულისხმობს.

პოლიტიკა • 1782296158

პარლამენტის კომიტეტებმა ერთობლივ სხდომაზე „საქართველოს პროკურატურის მიერ 2025 წელს გაწეული საქმიანობის შესახებ“ ანგარიში მოისმინეს

საქართველოს პარლამენტის ადამიანის უფლებათა დაცვისა და სამოქალაქო ინტეგრაციის და იურიდიულ საკითხთა კომიტეტებმა ერთობლივ სხდომაზე „საქართველოს პროკურატურის მიერ 2025 წელს გაწეული საქმიანობის შესახებ“ ანგარიში მოისმინეს, რომელიც საქართველოს გენერალურმა პროკურორმა, გიორგი გვარაკიძემ წარადგინა.„2025 წელს განვაახლეთ სისხლის სამართლის პოლიტიკის სახელმძღვანელო პრინციპების დოკუმენტი, რომლის მთავარ პრიორიტეტად დაზარალებულის უფლებებისა და კანონიერი ინტერესების დაცვა, დანაშაულის წინააღმდეგ ბრძოლის კოორდინაცია, უსაფრთხოების განცდისა და კანონის უზენაესობის რწმენის გაძლიერება საზოგადოებაში და დანაშაულის პრევენცია რჩება“, - განაცხადა საქართველოს გენერალურმა პროკურორმა.როგორც გიორგი გვარაკიძემ აღნიშნა, სისხლისსამართლებრივი დევნის ფუნქცია ის ძირითადი ინდიკატორია, რომელიც ზუსტად ასახავს ქვეყნის კრიმინოგენულ მდგომარეობას, დანაშაულზე რეაგირების დროულობას და გამოწვევებს.მისი თქმით, 2025 წელს მაღალი იყო სისხლისსამართლებრივი დევნის დაწყების მაჩვენებელი, რომელიც 25 086 პირს შეეხო და წინა წლებთან შედარებით, მკვეთრი მატებით იყო გამორჩეული.„2025 წელსაც, ისევე როგორც წინა 5 წელს, თითქმის უცვლელი იყო გავრცელებული დანაშაულების სტატისტიკა - როგორიცაა საკუთრების წინააღმდეგ მიმართული დანაშაული, ნარკოტიკული დანაშაული და ოჯახში ძალადობა. სისხლისსამართლებრივი დევნა ყველაზე მეტჯერ ნარკოტიკულ დანაშაულზე დაიწყო, რომლის წილმა 19,7% შეადგინა.წინა წელთან შედარებით, ამ დანაშაულზე დევნის დაწყების მაჩვენებელი ორჯერ გაიზარდა, რის გამოც გავრცელებული დანაშაულების რეიტინგში პირველი ადგილი დაიკავა“, - განაცხადა საქართველოს გენერალურმა პროკურორმა.როგორც გიორგი გვარაკიძემ აღნიშნა, სახელმწიფოს მხრიდან ამნისტიისა და პროკურორის მხრიდან დევნის ალტერნატიული მექანიზმების გამოყენება ხელს უწყობს ბრალდებულს, მიიღოს მეორე შანსი და ნასამართლობის გარეშე გააგრძელოს ცხოვრება.„2025 წელს ყველაზე მეტჯერ სისხლისსამართლებრივი დევნა თაღლითობის ფაქტებზე შეწყდა ამნისტიის გამოყენების, დევნის ალტერნატიული მექანიზმებისა და სხვა საფუძვლებით. მას მოსდევს ძალადობის, დოკუმენტების გაყალბების, ქურდობისა და ჯანმრთელობის განზრახ მსუბუქი დაზიანების ფაქტები“, - აღნიშნა მომხსენებელმა.როგორც საქართველოს გენერალურმა პროკურორმა განაცხადა, სისხლის სამართლის პოლიტიკა კარგად ჩანს აღკვეთის ღონისძიების სახეების გამოყენების პრაქტიკაში.„ბოლო 6 წლის განმავლობაში იმ პირთა რაოდენობა გაიზარდა, რომელთა მიმართ პროკურორმა იშუამდგომლა აღკვეთის ღონისძიების შეფარდება. მაგალითისთვის, თუ 2020 წელს დაახლოებით 15 000 პირის მიმართ იქნა მოთხოვნილი აღკვეთის ღონისძიების შეფარდება, 2025 წელს ამ მაჩვენებელმა - 23 000-ს გადააჭარბა. მიუხედავად ზრდის ტენდენციისა, საპატიმრო აღკვეთის ღონისძიების წილი კლებადია. პროკურატურა მომავალშიც მხარს დაუჭერს საპატიმრო აღკვეთის ღონისძიებების შემცირების პოლიტიკას.2025 წელს აღკვეთის ღონისძიების შეფარდების მოთხოვნით სასამართლოში შესული შუამდგომლობების საერთო რაოდენობიდან, პატიმრობა მოთხოვნილია ბრალდებულთა 35,1%-ის, არასაპატიმრო აღკვეთის ღონისძიება - 64,9%-ის მიმართ“, -აღნიშნა მომხსენებელმა.მისი თქმით, საპატიმრო აღკვეთის ღონისძიების მოთხოვნის რაოდენობაზე გავლენას ახდენს ოჯახური დანაშაულის მიმართ მკაცრი პოლიტიკის გატარების პრაქტიკაც, რის გათვალისწინებითაც, ოჯახურ დანაშაულზე საპატიმრო აღკვეთის ღონისძიების მოთხოვნის წილმა 87% შეადგინა.გიორგი გვარაკიძემ გამოსვლისას ყურადღება გაამახვილა ბრალდების მხარდაჭერის შედეგებზე და აღნიშნა, რომ 2025 წელს პირველი ინსტანციის სასამართლოების მიერ განაჩენი გამოტანილია 20 922 პირის მიმართ, რაც წინა 5 წელთან შედარებით, ყველაზე მაღალი მაჩვენებელია. ამის მიზეზი ცალკეული დანაშაულების მიმართ ბრძოლის გაძლიერებაა.„ბოლო 6 წლის განმავლობაში მზარდია არსებითი განხილვის საფუძველზე გამოტანილი განაჩენებიდან, გამამართლებელი განაჩენების წილი, რომელიც 2025 წელს 17%-ით განისაზღვრა. ამ მაჩვენებელში ოჯახურ დანაშაულებზე დამდგარი გამამართლებელი განაჩენების წილი 11,4%-ია, რაც სხვადასხვა ფაქტორით არის განპირობებული“, - განაცხადა საქართველოს გენერალურმა პროკურორმა.მისი თქმით, პროკურატურას ცალკეულ დანაშაულებზე საპროცესო შეთანხმებისა და დისკრეციული უფლებამოსილების გამოყენების პრაქტიკის წახალისებისა და ზრდის პოლიტიკა აქვს დეკლარირებული, რომელიც ხელს უწყობს სწრაფ მართლმსაჯულებას, დაზარალებულის უფლებების დროულ აღდგენას, ზოგავს ადამიანურ და მატერიალურ რესურსს.„2025 წელსაც შენარჩუნდა საპროცესო შეთანხმების გამოყენების მზარდი დინამიკა, წინა 5 წელთან შედარებით, ყველაზე მაღალ მაჩვენებელს - 86.5%-ს მიაღწია და 12,8%-ით გაუსწრო წინა წლის ყველაზე მაღალ შედეგს. ასევე შენარჩუნდა გამოძიების ადრეულ ეტაპზე საპროცესო შეთანხმების გაფორმების მაღალი მაჩვენებელი - 65,8%“, - აღნიშნა მომხსენებელმა.გიორგი გვარაკიძის განცხადებით, კვლავ მაღალია და ყოველწლიურად მზარდია სასჯელის სახით ჯარიმის გამოყენების მაჩვენებელი, რომელმაც 2025 წელს 58,7% შეადგინა, ხოლო თანხის ოდენობამ - 57 მილიონ ლარს გადააჭარბა.საქართველოს გენერალურმა პროკურორმა აღნიშნა, რომ პროკურატურა მკაცრ და თანმიმდევრულ სისხლის სამართლის პოლიტიკას აგრძელებს მძიმე და განსაკუთრებით მძიმე კატეგორიის ძალადობრივი დანაშაულის ჩამდენი პირების მიმართ.„წინა 5 წლის მსგავსად, განზრახ მკვლელობისა და დამამძიმებელ გარემოებებში ჩადენილი განზრახ მკვლელობის ფაქტებზე თავისუფლების აღკვეთის გამოყენების მაჩვენებელი კვლავ 100%-ია. სტაბილური, 95%-იანი მაჩვენებელია შენარჩუნებული ყაჩაღობის ფაქტებზე. ჯანმრთელობის განზრახ მძიმე დაზიანებისას თავისუფლების აღკვეთის წილმა, წინა წელთან შედარებით, 4%-ით მოიმატა და 78% შეადგინა“, - განაცხადა მომხსენებელმა.განრიდების გამოყენების არსებულ პრაქტიკაზე საუბრისას, გიორგი გვარაკიძემ აღნიშნა, რომ 2025 წელს 2 499 სრულწლოვანი განრიდდა, რომელთაგან 2 271 პირი ნაკლებად მძიმე კატეგორიის დანაშაულზე იყო ბრალდებული.საქართველოს გენერალური პროკურორის განცხადებით, დაზარალებულზე ორიენტირებული სისხლის სამართლის პოლიტიკის წარმოება, მათი უფლებების დაცვა და გაძლიერება საქართველოს პროკურატურის სტრატეგიით გათვალისწინებული პრიორიტეტებია.მისი თქმით, 2025 წელს დაზარალებულის სტატუსი 17 209 პირს მიენიჭა და მათი უმრავლესობა - 91,8% სრულწლოვანი იყო, ყველაზე ხშირად კი მოქალაქეები ქურდობამ, ოჯახში ძალადობამ, ძალადობამ, თაღლითობამ და სატრანსპორტო დანაშაულმა დააზარალა.გიორგი გვარაკიძის განცხადებით, 2025 წელს პროკურატურა პრიორიტეტულად ზრუნავდა არასრულწლოვანთა და შეზღუდული შესაძლებლობის მქონე პირთა უფლებების დაცვასა და მართლმსაჯულების ხარისხის გაუმჯობესებაზე საქმეთა მონიტორინგის, კვლევითი და ანალიტიკური საქმიანობის, სახელმძღვანელო მითითებებისა და საინფორმაციო ბროშურების შემუშავების, ამ საკითხებზე მომუშავე სპეციალიზებულ სუბიექტებთან კომუნიკაციის გაძლიერების გზით.საქართველოს გენერალურმა პროკურორმა ასევე ისაუბრა ცალკეული გავრცელებული, პრიორიტეტული და ორგანიზებული დანაშაულების წინააღმდეგ ბრძოლის წლიურ შედეგებზე.ანგარიშის წარდგენის შემდეგ, გიორგი გვარაკიძემ პარლამენტის წევრების შეკითხვებს უპასუხა.ადამიანის უფლებათა დაცვისა და სამოქალაქო ინტეგრაციის და იურიდიულ საკითხთა კომიტეტებმა დადებითად შეაფასეს „საქართველოს პროკურატურის მიერ 2025 წელს გაწეული საქმიანობის შესახებ“ ანგარიში.

სამართალი • 1782291541

4 ოქტომბრის საქმეზე დაკავებულ 12 პირს საპროცესო შეთანხმება გაუფორმდა, ხოლო ერთ პირს, რომელმაც შეთანხმებაზე უარი განაცხადა, ხუთი წლით პატიმრობა მიესაჯა

4 ოქტომბრის საქმეზე დაკავებულ კიდევ 12 პირს საპროცესო შეთანხმება გაუფორმდა. 11 პირის მიმართ გაფორმებული საპროცესო შეთანხმება ერთწლიან საპატიმრო სასჯელსა და სამწლიან პირობით მსჯავრს ითვალისწინებს. ხოლო, ერთ-ერთ პირს, საბა კორძაიას საპროცესო შეთანხმების საფუძველზე, წელიწადი და ექვსი თვით საპატიმრო სასჯელი და სამწლიანი პირობითი მსჯავრი განესაზღვრა. პროკურორის განცხადებით, ის სხვა სისხლის სამართლის საქმეზე უკვე მსჯავრდებული იყო.ბრალი აღიარეს და საპროცესო შეთანხმება გაუფორმდათ გიორგი კირვალიძეს, სიმონ მახარაძეს, კახაბერ კვაჭანტირაძეს, გია თოლორაიას, მიხეილ თოლორაიას, ავთანდილ თოფჩიშვილს, იური ლომიძეს, დავით გიუნაშვილს, გიორგი ტალახაძეს, ბექა მაჭავარიანს, საბა კორძაიასა და კობა ეპიტაშვილს.მათ რამდენიმე მუხლით ჰქონდათ წარდგენილი ბრალი. ესენია: სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, ჩადენილი ჯგუფურად, ასევე ჯგუფურ ძალადობაში მონაწილეობა. აღნიშნული დანაშაულები ექვს წლამდე თავისუფლების აღკვეთას ითვალისწინებს.საქმის აღნიშნულ ეპიზოდზე დაკავებულმა კიდევ ერთმა პირმა, მანუჩარ მიქელაძემ საპროცესო შეთანხმებაზე უარი განაცხადა. სასამართლოს გადაწყვეტილებით, მას ხუთი წლით პატიმრობა მიესაჯა.4 ოქტომბრის მოვლენებთან დაკავშირებით სისხლის სამართლის პასუხისგებაში სულ 64 პირია მიცემული.

პოლიტიკა • 1782290046

ალექსანდრე ტაბატაძე გენერალურ პროკურორს: ნარკოტიკების წინააღმდეგ ბრძოლა ძალიან ეფექტურია, ძალიან ბევრი ნარკორეალიზატორია დაკავებული და ამაში დიდია თქვენი როლი

გენერალურ პროკურორს პარლამენტში უსმენენ. გიორგი გვარაკიძე ანგარიშს რამდენიმე წუთში პლენარულ სხდომაზე წარადგენს, მანამდე კი გენპროკურორი ადამიანის უფლებათა დაცვის კომიტეტში იმყოფებოდა.ანგარიშში ყურადღება გამახვილებულია უწყების მიერ განხორციელებულ სისხლის სამართლის პოლიტიკაზე, არსებულ გამოწვევებსა და სამომავლო გეგმებზე.დოკუმენტში განსაკუთრებული ყურადღება ეთმობა ფულის გათეთრებას, ორგანიზებულ და ნარკოტიკულ დანაშაულებს, ქალთა მიმართ ძალადობას, ტერორიზმსა და პირადი ცხოვრების ხელყოფას.პარლამენტის თავდაცვისა და უსაფრთხოების კომიტეტის თავმჯდომარე ალექსანდრე ტაბატაძე აცხადებს, რომ ორგანიზებულ დანაშაულთან ბრძოლა ძალიან ეფექტურად მიმდინარეობს."ცხადია, რომ დღეს პროკურატურის საქმიანობა და მუშაობა არის ძალიან ეფექტური. განსაკუთრებით ეს შეინიშნება ორგანიზებულ დანაშაულთან: ისეთთან, როგორიც არის ქურდულ სამყაროსთან ბრძოლა. აწუხებს საზოგადოებას ეს სენი, რაც არის ქურდული სამყარო. ეს საქართველოში აღარ უნდა ვრცელდებოდეს.ასევე, ნარკოტიკების წინააღმდეგ ბრძოლაა ძალიან ეფექტური, ძალიან ბევრი ნარკორეალიზატორია დაკავებული და ამაში დიდია თქვენი როლი", - აცხადებს ტაბატაძე.

მსოფლიო • 1782286327

აშშ-ის სახელმწიფო დეპარტამენტი ბოლივიაში მიმდინარე მოვლენებზე: საგზაო ბლოკადები და მთავრობის დამხობის მცდელობები სერიოზულ საფრთხეს უქმნის დემოკრატიას, კონსტიტუციურ წესრიგსა და კანონის უზენაესობას

ამერიკის შეერთებულმა შტატებმა, არგენტინამ, ბოლივიამ, კანადამ, ჩილემ, კოსტა-რიკამ, დომინიკელთა რესპუბლიკამ, ეკვადორმა, ელ სალვადორმა, გვატემალამ, გაიანამ, ჰონდურასმა, იამაიკამ, პანამამ, პარაგვაიმ და პერუს მთავრობებმა ერთობლივი განცხადება გაავრცელეს, რომელშიც ბოლივიაში მიმდინარე მოვლენებთან დაკავშირებით ღრმა შეშფოთება გამოთქვეს, - განცხადება ამერიკის სახელმწიფო დეპარტამენტის ვებ-გვერდზე გამოქვეყნდა.განცხადებაში აღნიშნულია, რომ გზების ძალადობრივი ბლოკირება საფრთხეს უქმნის დემოკრატიასა და კანონის უზენაესობას. მათ სოლიდარობა გამოხატეს პრეზიდენტ პასის მთავრობის მიმართ და აღნიშნეს, რომ ძალადობა ვერ გახდება კონსტიტუციური წესრიგის შეცვლის საშუალება.„ჩვენ ღრმად შეშფოთებულნი ვართ ბოლივიაში გზების ძალადობრივი ბლოკირებით, რაც საფრთხეს უქმნის დემოკრატიასა და კანონის უზენაესობას. პრეზიდენტ როდრიგო პასის ლეგიტიმური და დემოკრატიულად არჩეული მთავრობის დასუსტებისა და დამხობის მცდელობები სერიოზულ საფრთხეს წარმოადგენს, როგორც ბოლივიაში კონსტიტუციური წესრიგისთვის, ისე მთლიანად ნახევარსფეროს დემოკრატიული სტაბილურობისთვის.მოძალადე უმცირესობა ცდილობს უგულებელყოს ჩატარებულ არჩევნებში გამოხატული ბოლივიელი ხალხის ნება, უარს ამბობს ხელისუფლების მიერ შეთავაზებულ დიალოგზე და შვიდ კვირაზე მეტია გზების ბლოკირებას აგრძელებს, რის შედეგადაც მოსახლეობას ეზღუდება საკვებზე, ჯანდაცვაზე, საწვავსა და სხვა აუცილებელ რესურსებზე წვდომა. ამ ქმედებებმა მძიმე გავლენა მოახდინა მილიონობით მოქალაქის ყოველდღიურ ცხოვრებაზე და საფრთხის წინაშე დააყენა მათი ფუნდამენტური უფლებები.გარდა ამისა, დაფიქსირდა ბოლივიის მშვიდობიანი მოქალაქეების გარდაცვალების ფაქტები გზებზე თავისუფალი გადაადგილების შეზღუდვის გამო, რადგან მოქალაქეები დროულად ვერ იღებდნენ მედიკამენტებს და ვერ აღწევდნენ საავადმყოფოებსა და სამედიცინო დაწესებულებამდე. ცალკე აღსანიშნავია, რომ დემონსტრანტების მხრიდან დაშავდნენ პოლიციის თანამშრომლებიც, რომლებიც სამსახურებრივ მოვალეობას ასრულებდნენ. ძალადობა ვერ გახდება კონსტიტუციური წესრიგის შეცვლის საშუალება.ჩვენ მხარს ვუჭერთ კონსტიტუციურად არჩეულ ბოლივიის მთავრობას და მოვუწოდებთ აქციის მონაწილეებს, პრიორიტეტი მიანიჭონ დიალოგსა და მოლაპარაკებებს დადგენილ კონსტიტუციურ ჩარჩოებში, რაც დემოკრატიის ფუნდამენტურ ინსტრუმენტს წარმოადგენს. თავისუფლების, დემოკრატიისა და რეგიონული უსაფრთხოების დაცვა ერთგულებასა და თანამშრომლობას მოითხოვს. ამ ფონზე, ჩვენ კიდევ ერთხელ ვადასტურებთ ჩვენს მზადყოფნას, გავაგრძელოთ მუშაობა ჩვენს რეგიონში სტაბილურობის გასაძლიერებლად და დემოკრატიული წესრიგის შესანარჩუნებლად. სოლიდარობას ვუცხადებთ პრეზიდენტ პასის დემოკრატიულ მთავრობასა და ბოლივიელ ხალხს", - ნათქვამია გავრცელებულ განცხადებაში.