ქართული ოცნების

მნიშვნელოვანი ინფორმაცია მოქალაქეებისთვის

სრულწლოვნის მიერ, წინასწარი შეცნობით, არასრულწლოვნის დანაშაულის ჩადენაში ჩაბმა “სისხლის სამართლის კოდექსით“გათვალისწინებული ყველა შესაბამისი დანაშაულისთვის პასუხისმგებლობის დამამძიმებელი გარემოება იქნება.პასუხისმგებლობის დამამძიმებელი გარემოება ხდება სრულწლოვანის მიერ დანაშაულის ჩადენაში წინასწარი შეცნობით არასრულწლოვანთან ერთად თანამონაწილის ან თანაამსრულებლის სახით მონაწილეობა.შესაბამისი საკანონმდებლო ცვლილებები პარლამენტს უკვე წარედგინა და მას დაჩქარებული წესით განიხილავენ.“ქართული ოცნების“ დეპუტატების მიერ მომზადებული პროექტის მიხედვით, აღნიშნული დამამძიმებელი გარემოების არსებობისას, დანაშაულის ჩადენის დროს ვადიანი თავისუფლების აღკვეთის დანიშვნისას, მოსახდელი სასჯელის ვადა ჩადენილი დანაშაულისთვის “სისხლის სამართლის კოდექსით“ გათვალისწინებული სასჯელის მინიმალურ ვადას სულ მცირე 1 წლით უნდა აღემატებოდეს.თუ არასრულწლოვანი 14 წლის ასაკს მიუღწეველია - სასჯელის ვადა არ უნდა იყოს ჩადენილი დანაშაულისთვის “სისხლის სამართლის კოდექსით“ გათვალისწინებული სასჯელის მაქსიმალური ვადის ორ მესამედზე ნაკლები და იმავდროულად, სულ მცირე 1 წლით უნდა აღემატებოდეს იმავე დანაშაულისთვის გათვალისწინებული სასჯელის მინიმალურ ვადას.ამავე პროექტის მიხედვით, სასჯელის დანიშვნის ეს წესი არ გამოიყენება, თუ მხარეებს შორის დადებულია საპროცესო შეთანხმება ან არსებობს პირობითი მსჯავრის დანიშვნის საფუძველი.როგორც ინიციატორები განმარტავენ, პრაქტიკაში გამოიკვეთა შემთხვევები, როდესაც განზრახ და მიზანმიმართულად ხდება ბავშვების ჩაბმა დანაშაულებრივ და სხვა უკანონო ქმედებებში, რაც უმთავრესად პასუხისმგებლობისთვის თავის არიდების მიზანს ემსახურება. მათივე შეფასებით, არასრულწლოვანთა მართლმსაჯულების ლიბერალური და ჰუმანური სისტემის დანერგვას თან სდევს რისკი, რომ კრიმინალური ელემენტების მხრიდან სხვადასხვა უკანონო მიზნების მისაღწევად მოხდეს საზოგადოების გამოუცდელი და მოწყვლადი ნაწილის - ბავშვების გამოყენება.ამასთან, პარლამენტში განხილვის პროცესშია და მიმდინარე კვირას მესამე მოსმენით დაამტკიცებენ კანონთან კონფლიქტში მყოფ არასრულწლოვანებთან დაკავშირებულ საკანონმდებლო პაკეტს.

საზოგადოება • 1766165529

„ჯამური ვალდებულება 8 მლნ ლარამდეა“ - ვინ გათავისუფლდება ჯარიმა/საურავებისგან

ჯარიმა-საურავებისგან გათავისუფლდებიან პირები, რომელთაც დედაქალაქში ტაქსით მომსახურება შესაბამისი ნებართვის გარეშე ან სანებართვო პირობების დარღვევით განახორციელეს. ინფორმაციას ამის შესახებ სააგენტო ბიზნესპრესნიუსი ავრცელებს. ჯამურად საუბარია ათასობით ადმინისტრაციულ საქმეზე, რომელთა ჯამური ვალდებულება 8 მილიონ ლარამდეა.2025 წლის ოქტომბრის სტატისტიკური მონაცემებით, თბილისის მუნიციპალიტეტის მიერ დარიცხულმა სანქციებმა მნიშვნელოვანი მასშტაბი შეიძინა.“კერძოდ, ა) 1354 მუხლის პირველი ნაწილის მიხედვით ნებართვის მფლობელებზე, ნებართვის გაცემის ფასის გადაუხდელობის მიზეზით შედგენილი და აღუსრულებელია: - გადაუხდელი ჯარიმა – 6 832 საქმე, 656 542 ლარი; ბ) გადაუხდელი ჯარიმა + საურავი – 15 400 საქმე, 4 865 000 ლარი; გ) აღსასრულებლადგადაცემული და ჯერ არ აღსრულებული – 3 394 საქმე, 1 115 942 ლარი; დ) გასაჩივრებულია 814 საქმე, 178 840 ლარი.1354 მუხლის მეორე ნაწილის მიხედვით შედგენილი და აღუსრულებელია: ა) გადაუხდელი ჯარიმა – 787 საქმე, 157 400 ლარი; ბ) გადაუხდელი ჯარიმა + საურავი – 417 საქმე, 250 200 ლარი; გ) აღსასრულებლად გადაცემული და ჯერ არ აღსრულებული – 834 საქმე, 500 400 ლარი; დ) გასაჩივრებულია 722 საქმე, 218 600 ლარი.ეს ფაქტობრივი მოცემულობა ამყარებს არგუმენტს, რომ ერთჯერადი სამართლებრივი შეღავათი მიზანშეწონილია როგორც სოციალურ-ეკონომიკური, ისე ადმინისტრაციულ-სამართლებრივი თვალსაზრისით”, - ნათქვამია კანონის პროექტის განმარტებით ბარათში.შესაბამისი კანონის პროექტი პარლამენტში “ქართული ოცნების“ დეპუტატებმა წარადგინეს.

პოლიტიკა • 1766154540

ლევან მაჭავარიანი „იგლ ჰილსის“ პროექტზე: როდესაც ასეთი მსხვილი დეველოპერული ჯგუფი ახორციელებს ასეთი ტიპის ინვესტიციას კონკრეტულ ქვეყანაში, ეს არის სიგნალი სხვა მსხვილი ჯგუფებისთვის, რომ ამ ქვეყანაში ყველაფერი კარგადაა

ლევან მაჭავარიანმა „დღის ქრონიკაში“ „იგლ ჰილსის“ პროექტთან დაკავშირებით ისაუბრა. ფრაქცია „ქართული ოცნების“ თავმჯდომარის პირველი მოადგილე აღნიშნავს, რომ კონკრეტული ჯგუფების მხრიდან „იგლ ჰილსის“ პროექტის დამაზიანებელი კამპანიის საფუძველი არის, რომ ისინი კარგად იაზრებენ რამდენად მნიშვნელოვანი ინვესტიციაა ეს საქართველოსთვის.„როდესაც ასეთი მსხვილი დეველოპერული ჯგუფი, რომელიც ამხელა ავტორიტეტის მატარებელია მსოფლიოს მასშტაბით, ახორციელებს ასეთი ტიპის ინვესტიციას კონკრეტულ ქვეყანაში, ეს რა თქმა უნდა არის ტრიგერი და სიგნალი სხვა მსხვილი ჯგუფებისთვის, რომ ამ ქვეყანაში ყველაფერი კარგადაა და ამ ქვეყანაში არის იდეალური საინვესტიციო გარემო. ეს ყველაფერი კარგად ესმის აგენტურას და ცდილობენ, საბოტაჟი მოაწყონ. ძალიან ტრაგიკულ მდგომარეობაში არიან. როდესაც კოლექტიური „ნაცები“ რაღაც თემას აკრიტიკებენ, საქართველოს მოსახლეობის უმრავლესობა დარწმუნებულია, რომ ეს თემა ჩვენი ქვეყნისთვის სასარგებლოა“, - აღნიშნა ლევან მაჭავარიანმა.

პოლიტიკა • 1766154240

ლევან მაჭავარიანი: ერთი მადლობაც არ მოგვისმენია უკრაინის ხელისუფლებისგან იმ დახმარებისთვის, რაც უკრაინისთვის გვაქვს გაწეული. ერთადერთი არ შევეხიდეთ ჩვენი მოქალაქეებით და არ აღმოვჩნდით იმ ომში, რომელიც ჩვენი საომარი არ იყო

სამწუხაროა, რომ ერთი მადლობაც არ მოგვისმენია უკრაინის ამჟამინდელი ხელისუფლებისგან იმ დახმარებისთვის, რაც უკრაინისთვის გვაქვს გაწეული. ერთადერთი არ შევეხიდეთ ჩვენი მოქალაქეებით და არ აღმოვჩნდით იმ ომში, რომელიც ჩვენი საომარი არ იყო, - განაცხადა „დღის ქრონიკასთან“ საპარლამენტო ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.მისი თქმით, საქართველო უკრაინის მხარდამჭერ ათასობით რეზოლუციას შეუერთდა და ერთადერთი რაზეც უარი თქვა, თავისი მოქალაქეების სიცოცხლის გაღება იყო, რაც ევრობიუროკრატიამ ქვეყანას არ აპატია.„ძალიან სამწუხაროა, რომ ჩვენ ერთი მადლობაც არ მოგვისმენია უკრაინის ამჟამინდელი ხელისუფლების მხრიდან იმ დახმარებისთვის, რა დახმარებაც ჩვენ უკრაინისთვის გვაქვს გაწეული. პირიქით, მუდმივად ცრუ ბრალდებები, მცდელობები, რომ ჩვენს საზოგადოებაში აჟიოტაჟი შემოეტანათ, რაღაცნაირად ომში ჩავერთეთ. თუმცა ეს ქვეყანა ომშია და ჩვენ ვაჟკაცურად ვიქცევით, პრაგმატულ პოლიტიკას ვატარებთ და ის კითხვები, რა კითხვებიც დასასმელი იქნება ამ აქტორებთან და რაზეც პასუხები უნდა მოვთხოვოთ მაგისი დროც დადგება. მაგრამ რაც შეეხება მხარდაჭერას, ათასობით რეზოლუციაა საერთაშორისო არენაზე, რასაც „ქართულმა ოცნებამ“ მხარი დაუჭირა და ათობით ქვეყანა იკავებდა ამისგან თავს, ვინაიდან არ სურდათ რუსეთის გაღიზიანება.ჩვენ მხარი ყველაფერში დაჭერილი გვაქვს. 30 ათასამდე უკრაინელი გვყავს შეფარებული, სოციალური დახმარებები დანიშნული, ბავშვებისთვის სასწავლებლები გვაქვს გახსნილი. ჰუმანიტარული დახმარებით ერთ-ერთ მოწინავე პოზიციას ვიკავებთ მსოფლიოში. მიუხედავად ამ ყველაფრისა, ევრობიუროკრატების მხრიდან, ზუსტად იმ დღიდან, როდესაც დაიწყო რუსეთის აგრესია უკრაინაში, ჩვენ გვესმის მუდმივად, რომ თითქოს რუსეთის მხარეს ვიჭერთ და ა.შ. რაც აბსურდია.მე ჩამოვთვალე რამდენ რამეში დავუდექით გვერდში, ერთადერთი არ შევეხიდეთ ჩვენი მოქალაქეებით და ჩვენ არ აღმოვჩნდით იმ ომში, რომელიც ჩვენი საომარი არ იყო და რა თქმა უნდა ეს იყო სწორი გადაწყვეტილება ჩვენი ხელისუფლების მხრიდან“, - განაცხადა ლევან მაჭავარიანმა.მისი თქმით, საქართველოს ხელისუფლება 4 წლის განმავლობაში ხაზს უსვამს იმ ფაქტს, რომ უკრაინა იქნა გამოყენებული „პროქსი ომში“ და რეალურად ეს არის ომი რუსეთსა და დასავლეთს შორის.

პოლიტიკა • 1766153580

ლევან მაჭავარიანი ბორის ჯონსონის განცხადებაზე: ეს სერიალები ნანახი გვაქვს, იგივე 2008 წელი და ძალიან კარგად ვაანალიზებთ, რომ ცივსისხლიანი პრაგმატიზმის ეპოქაში ვცხოვრობთ, არ უნდა ამჩატდე და რაღაც დაპირებებს არ უნდა აჰყვე

ეს სერიალები ნანახი გვაქვს, იგივე 2008 წელი და ძალიან კარგად ვაანალიზებთ, რომ ცივსისხლიანი პრაგმატიზმის ეპოქაში ვცხოვრობთ, არ უნდა ამჩატდე და რაღაც დაპირებებს არ უნდა აჰყვე, - განაცხადა ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა „დღის ქრონიკაში“.დეპუტატი დიდი ბრიტანეთის ყოფილი პრემიერ-მინისტრის ბორის ჯონსონის განცხადებას გამოეხაურა.„მოვისმინეთ ბატონი ჯონსონის განცხადება, ამაზე კომენტარიც გავაკეთე. ეს არის ერთ-ერთი ყველაზე უპასუხისმგებლო პოლიტიკოსი პოლიტიკის ისტორიაში. კარგად გვახსოვს 2022 წელს როდესაც ბატონმა ბორის ჯონსონმა პირდაპირ ჩაშალა ის მიღწეული შეთანხმება, რაც 2022 წლის აპრილში იყო მიღწეული რუსეთსა და უკრაინას შორის და ომი სრულდებოდა უკვე დაწყებიდან სულ რაღაც ორ თვეში. უკრაინა იყო მილიონჯერ უკეთეს სიტუაციაში, ვიდრე დღეს არის. 2023 წელს ბატონი ჯონსონი ატყუებდა უკრაინას და უკრაინელ ხალხს, რომ დრო იყო უკრაინის გაწევრების პროცესი დაწყებულიყო ნატო-ში. გუშინ იყო თუ გუშინწინ მისი განცხადება სადაც პირდაპირ ამხილა თავი და განაცხადა, რომ ესწრებოდა ნატო-ს გაფართოების შესახებ ყველა შეხვედრას და არცერთ შეხვედრაზე დღის წესრიგში არ იდგა უკრაინის ნატოში გაწევრიანება და პირიქით, დაადასტურა, რომ ეს იყო ცრუ დაპირება.ეს სერიალები ნანახი გვაქვს, იგივე 2008 წელი და ძალიან კარგად ვაანალიზებთ, რომ ცივსისხლიანი პრაგმატიზმის ეპოქაში ვცხოვრობთ, არ უნდა ამჩატდე და რაღაც დაპირებებს არ უნდა აჰყვე. სულ რომ ბატონ ბორის ჯონსონს ეს ყველაფერი თავისი პირით არ დაედასტურებინა, ვნახეთ აშშ-ის ეროვნული უსაფრთხოების სტრატეგია, სადაც ხაზგასმულია, რომ ნატო-ს გაფართოება არ იგეგმება“, - აღნიშნა მაჭავარიანმა.დიდი ბრიტანეთის ყოფილმა პრემიერ-მინისტრმა, ბორის ჯონსონმა განაცხადა: „არ არსებობდა უმცირესი შანსიც კი, რომ უკრაინა ნატოს წევრი გამხდარიყო. ნებისმიერ ასეთ წინადადებას დაუყოვნებლივ ვეტოს დაადებდა საფრანგეთი, გერმანია, აშშ და მრავალი სხვა ქვეყანა“.

პოლიტიკა • 1766143066

ლევან მაჭავარიანი: ყველაფერში გვერდში ვუდგავართ უკრაინას საერთაშორისო პლატფორმაზე. 30 ათასამდე უკრაინელი შევიფარეთ, დავუნიშნეთ დახმარებები, ჰუმანიტარული დახმარებით ერთ-ერთ მოწინავე პოზიციაზე ვართ მსოფლიო მასშტაბით

რაც უკრაინაში ეს ტრაგედია დაიწყო, ჩვენი ქვეყანა ათასამდე საერთაშორისო დოკუმენტს მიუერთდა. აუცილებლად უნდა გამოვყოთ ის, რომ ჰააგის ტრიბუნალმა უნდა შეისწავლოს ომის დანაშაულები, - განაცხადა ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.მან ასევე აღნიშნა, რომ რეზოლუციებზე მიერთებისგან ათობით ქვეყანამ შეიკავა თავი, რათა რუსეთი არ გაეღიზიანებინა.„ჩვენ აბსოლუტურად ყველაფერში გვერდში ვუდგავართ [უკრაინას] საერთაშორისო პლატფორმაზე. ასევე ისიც უნდა შევახსენოთ საზოგადოებას, რომ 30 ათასამდე უკრაინელი შევიფარეთ, დავუნიშნეთ სოციალურ დახმარებები, ბავშვებს გავუხსენით სასწავლებლები. ჰუმანიტარული დახმარებით ერთ-ერთ მოწინავე პოზიციაზე ვართ მსოფლიო მასშტაბით. ერთადერთი, რაშიც ჩვენ „არ დავეხმარეთ“, არის ის, რომ სადაც ჩვენი საომარი არ არის, იქ ჩვენ არ ვიომეთ, ხოლო სადაც ჩვენი საომარია, გადახედონ ჩვენს ისტორიას, არავისი მითითება და რჩევა ამაზე არ გვჭირდება”, - აღნიშნა ლევან მაჭავარიანმა.გაეროს გენერალურმა ასამბლეამ უკრაინის დროებით ოკუპირებულ ტერიტორიებზე ადამიანის უფლებების კუთხით არსებული მდგომარეობის შესახებ რეზოლუცია მიიღო - დოკუმენტს მხარი 79-მა ქვეყანამ, მათ შორის საქართველომ დაუჭირა.

პოლიტიკა • 1766132319

ლევან მაჭავარიანი მაკრონის განცხადებაზე: ვისაც დაგაჯერეს, რომ უკრაინა რუსეთს ამარცხებდა და თუ ვინმეს ეს არარეალურად მიაჩნდა, ის „რუსეთუმე“ იყო, დროა, ცოტა კრიტიკული აზროვნება დაიწყოთ

ფრაქცია "ქართული ოცნების" თავმჯდომარის პირველი მოადგილე, ლევან მაჭავარიანი, საფრანგეთის პრეზიდენტის, ემანუელ მაკრონის განცხადებას ეხმიანება, რომელმაც პუტინთან ხელახლა ურთიერთობას ევროპისთვის "სასარგებლო" უწოდა.მაჭავარიანი საზოგადოების იმ ნაწილს, რომელსაც უკრაინის გამარჯვება დააჯერეს, ხოლო საპირისპირო აზრის მქონე ადამიანებს "რუსეთუმედ" აცხადებდნენ, მოუწოდებს, რომ კრიტიკული აზროვნება დაიწყონ.“ვისაც დაგაჯერეს, რომ უკრაინა რუსეთს ამარცხებდა და თუ ვინმეს ეს არარეალურად მიაჩნდა, ის „რუსეთუმე“ იყო; უკვე დროა, ცოტა კრიტიკული აზროვნება დაიწყოთ”, - წერს ლევან მაჭავარიანი სოციალურ ქსელში.

პოლიტიკა • 1766122787

ირმა ზავრადაშვილი სერბეთში ვიზიტზე: ერთმანეთს გავუზიარეთ გამოცდილება, შევთანხმდით სავაჭრო ურთიერთობების, საგანმანათლებლო, თავისუფალი ვაჭრობის ნაწილში. შეგვპირდნენ, რომ უახლოესი ორი კვირის განმავლობაში საპარლამენტო ჯგუფსაც შექმნიან

ფრაქცია „ქართული ოცნების“ თავმჯდომარის მოადგილე ირმა ზავრადაშვილი სერბეთში ქართული დელეგაციის ვიზიტს აფასებს. მან მედიასთან იმ საკითხებზე ისაუბრა, რომლებზეც ვიზიტის ფარგლებში გამართულ შეხვედრებზე იმსჯელეს.„ერთმანეთს გავუზიარეთ გამოცდილება, შევთანხმდით სავაჭრო ურთიერთობების, საგანმანათლებლო, თავისუფალი ვაჭრობის ნაწილში. შეგვპირდნენ, რომ უახლოესი ორი კვირის განმავლობაში საპარლამენტო ჯგუფსაც შექმნიან. პატივს სცემენ და თანმიმდევრული არიან ჩვენი ტერიტორიული მთლიანობის აღიარების ნაწილში ისევე, როგორც ჩვენ მათი ტერიტორიული მთლიანობის აღიარების ნაწილში ვართ“, - განაცხადა ირმა ზავრადაშვილმა.ირმა ზავრადაშვილი ქართული დელეგაციის შემადგენლობაშია, რომელიც პრეზიდენტ მიხეილ ყაველაშვილის ხელმძღვანელობით სერბეთში ოფიციალური ვიზიტით იმყოფება.

პოლიტიკა • 1766070082

ლევან მაჭავარიანი ბორის ჯონსონის განცხადებაზე, რომ არ არსებობდა უმცირესი შანსიც კი, უკრაინა ნატოს წევრი გამხდარიყო: ჯონსონი 2023 წელს იტყუებოდა, როდესაც აცხადებდა, რომ უნდა დაწყებულიყო უკრაინის ნატოში მიღების პროცესი - დროა, კრიტიკული აზროვნება დაიწყოთ

ფრაქცია “ქართული ოცნების” თავმჯდომარის მოადგილე, უმრავლესობის წევრი ლევან მაჭავარიანი ბრიტანეთის ყოფილი პრემიერის, ბორის ჯონსონის განცხადებას ეხმიანება, რომელმაც თქვა, რომ “არ არსებობდა უმცირესი შანსიც კი, რომ უკრაინა ნატოს წევრი გამხდარიყო”.მაჭავარიანი იხსენებს, რომ სწორედ ჯონსონმა ჩაშალა 2022 წლის აპრილში უკრაინა-რუსეთს შორის მიღწეული სამშვიდობო შეთანხმება.“არადა ომის დაწყებიდან პირველივე თვეებში უკრაინას ჰპირდებოდნენ, დაჩქარებული წესით ნატოში მიღებას. ისიც არ დაგვავიწყდეს, რომ ბატონმა ჯონსონმა ჩაშალა 2022 წლის აპრილში უკრაინა-რუსეთს შორის მიღწეული სამშვიდობო შეთანხმება ისიც ნუ დაგვავიწყდება, რომ ბატონი ჯონსონი 2023 წელს იტყუებოდა, როდესაც აცხადებდა, რომ უნდა დაწყებულიყო უკრაინის ნატოში მიღების პროცესი უკვე დროა, ცოტათი უფრო კრიტიკული აზროვნება დაიწყოთ”- წერს მაჭავარიანი.

პოლიტიკა • 1766068920

ლევან ნიკოლეიშვილი: ევროკავშირი ამ შემადგენლობით არასდროს მიგვიღებს თავის რიგებში მანამ, სანამ ჩვენ არ ვითამაშებთ მათი თამაშის წესებით, სანამ არ გავითვალისწინებთ იმას, რასაც დიქტატორულად გვთხოვენ, რომ უნდა შევასრულოთ

მთავარი დანიშნულება BBC-ის ფილმის და შემდეგ მასზე აყოლება ბრალდებების არის ის, რომ რამენაირად რეპუტაციული ზიანი მიაყენონ ხელისუფლებას, - აღნიშნა „დღის ქრონიკასთან“ „ერთიანი ნეიტრალური საქართველოს“ წევრმა, ლევან ნიკოლეიშვილმა ევროპარლამენტის სხდომაზე გაკეთებულ განცხადებებთან დაკავშირებით.მისი თქმით, ბრალდება იმის თაობაზე, რომ აქციის მონაწილეების წინააღმდეგ ქიმიური იარაღის გამოყენება მოხდა, აბსურდულია.„ხაზი უნდა გავუსვათ იმას, რომ ეს არის აბსურდული ბრალდება. წესით და რიგით ადამიანები უნდა იყვნენ გარდაცვლილი, ისეთი ქიმიური იარაღი იყო თითქოსდა გამოყენებული, მაგრამ ერთი წლის თავზე ეს ადამიანები არა თუ გვესაუბრებიან, არამედ ჩივიან უცხოეთში, თავიანთ პატრონებთან, რაც ნამდვილად სასაცილოდ გამოიყურება. მეორე, მთავარი დანიშნულება BBC-ის ფილმის და შემდეგ მასზე აყოლება ბრალდებების არის ის, რომ რამენაირად რეპუტაციული ზიანი მიაყენონ ხელისუფლებას და მაქსიმალურად გააშიშვლონ თავისი ზრახვები იმის შესახებ, თუ რატომ არ მოსწონთ ეს ხელისუფლება. ეს გაგრძელდება მანამ, სანამ მათ არ ვამხელთ, რომ ეს ფარსი მიმართული არის ხელისუფლების შესაცვლელად, რასაც მაქსიმალურად ცდილობს ევრობიუროკრატია აგენტურის საშუალებით. მაგრამ ის ფაქტი, რომ ისინი ამას ვერ აღწევენ, საყურადღებო არის“, - განაცხადა ლევან ნიკოლეიშვილმა.მისი თქმით, ევრობიუროკრატები და მათი აგენტურა ყველა ფორმატს იყენებენ იმისთვის, რომ რამენაირად რეპუტაციული ზიანი მიაყენონ „ქართული ოცნების“ ხელისუფლებას.ლევან ნიკოლეიშვილის განცხადებით, საქართველო არ და ვერ იცხოვრებს სხვისი კარნახით და მოხვეული ვალდებულებებით.მისი თქმით, ევრობიუროკრატები „ჩვენ გვეუბნებიან, რომ ევროკავშირის წევრი გავხდებით იმ შემთხვევაში, თუ მივიღებთ მათი თამაშის წესებს“.„ევროკავშირი ამ შემადგენლობით, ამ ბიუროკრატიით, ამ სტრუქტურით ჩვენ არასდროს მიგვიღებს თავის რიგებში. არ მიგვიღებს მანამ, სანამ ჩვენ არ ვითამაშებთ მათი თამაშის წესებით, სანამ არ გავითვალისწინებთ ყველა იმ მიდგომას, რასაც ისინი დიქტატორულად გვთხოვენ, რომ უნდა შევასრულოთ“, - განაცხადა ლევან ნიკოლეიშვილმა და აღნიშნა, რომ სწორედ ამიტომ უნდა იყოს საქართველო ნეიტრალური ქვეყანა და უარი თქვას ევროკავშირში გაწევრიანებაზე.

პოლიტიკა • 1766066706

„ვისაც, დაგაჯერეს, რომ "კამიტის“ ზღაპრის უკან პოლიტიკური ინტერესი არ იმალებოდა, უკვე დროა, ცოტათი უფრო კრიტიკული აზროვნება დაიწყოთ“ - ლევან მაჭავარიანი

„ვისაც, დაგაჯერეს, რომ „კამიტის“ ზღაპრის უკან პოლიტიკური ინტერესი არ იმალებოდა; უკვე დროა, ცოტათი უფრო კრიტიკული აზროვნება დაიწყოთ,“ - წერს ლევან მაჭავარიანი.ფრაქცია „ქართული ოცნების“ თავმჯდომარის მოადგილე სოციალურ ქსელში აზიარებს ვიდეოკოლაჟს, სადაც მმართველი გუნდის ლიდერები სწორედ ამ თემაზე საუბრობენ.

პოლიტიკა • 1766052720

ვიკა ფილფანი: „ქართული ოცნება“ ღიად უპირისპირდება ევროპას, ამიტომ კრიტიკა ლოგიკურია, საბედნიეროდ, ჯერ კიდევ ვრჩებით მათ დღის წესრიგში

ერთი წელია, „ქართული ოცნება“ არის ღიად ანტიევროპული რიტორიკით გამსჭვალული, ღიად უპირისპირდება ევროპას. ამიტომ ლოგიკურია კრიტიკა, რომელიც მოდის და საფრთხეს უქმნის ჩვენს ევროინტეგრაციას, – ამის შესახებ პარტიის, „გახარია საქართველოსთვის“ წევრმა, ვიკა ფილფანმა განაცხადა.მისივე თქმით, დიდი მიღწევაა, რომ საქართველოს საკითხი ევროპის დღის წესრიგში რჩება.როგორც ფილფანმა განმარტა, ეს არის დამსახურება იმ ადამიანებისა, რომლებიც „მშვიდობიანად აპროტესტებენ დიდი ხნის განმავლობაში, ასევე პოლიტიკური ჯგუფების, „გახარია საქართველოსთვის“ წევრების, რომლებიც აქტიურად მუშაობენ ევროპასთან“.„გუშინდელი ფაქტი და მოვლენა კიდევ ერთხელ ადასტურებს, რომ „ქართული ოცნების“ ევროპასთან დაპირისპირებისა და ღიად ანტიევროპული პოლიტიკის მიუხედავად, საბედნიეროდ, ჯერჯერობით მაინც ვრჩებით დღის წესრიგში. ეს არის დიდი მიღწევა იმ ადამიანებისა, რომლებიც ბოლო ერთი წლის განმავლობაში ამ ადამიანებთან ვმუშაობთ, ვეკონტაქტებით, მუდმივად ვახსენებთ, რომ საქართველო რამდენიმე წლის წინ იყო მოწინავე ქვეყანა „ასოცირებულ ტრიოში“. ასევე არის იმ ადამიანების დამსახურება, რომლებიც მშვიდობიანად აპროტესტებენ დიდი ხნის განმავლობაში. ადამიანის უფლებების ძალიან მძიმე დარღვევების მიუხედავად, ეს ადამიანები მაინც რჩებიან ამ ქვეყანაში და ამ ქვეყნის დემოკრატიისთვის იბრძვიან. ამ ფაქტორების დამსახურებაა, რომ ჩვენ ჯერ კიდევ დღის წესრიგში ვართ. ახალი არ არის „ქართული ოცნების“ დამოკიდებულება, რომ არ მოსწონს გარკვეული განცხადებები. „ქართული ოცნება“ ღიად უპირისპირდება ევროპას და ანტიევროპული რიტორიკა აქვს.ამერიკას ჯერჯერობით ვერ უბედავენ კარის მიჯახუნებას, თუმცა ესეც მოსალოდნელია და სავარაუდოდ ამასაც ძალიან მალე ვიხილავთ. ყველაზე მნიშვნელოვანია, მუდმივად შევახსენოთ დასავლელ პარტნიორებს, რომ საქართველო რამდენიმე წლის წინ იყო მოწინავე ქვეყანა „ასოცირებულ ტრიოში“ და ძალიან დიდი ხნის ნაშრომი დღეს ამათ წყალში ჩაყარეს. ამიტომ, საქართველოზე მსჯელობისას კონკრეტული გადაწყვეტილებების დრო როდესაც დადგება, დარწმუნებული ვარ, ამდენი ხნის განმავლობაში ქართველი ხალხის ბრძოლას გაითვალისწინებენ. დღის წესრიგში როდესაც რჩება საქართველოზე მსჯელობა, იქ განსხვავებული აზრები უნდა ისმოდეს და ჩვენც ამისკენ ვისწრაფვით. როგორც იქ არსებობს განსხვავებული აზრის არსებობა, თუნდაც ევროპარლამენტარებს შორის, გვინდა, რომ საქართველოშიც არსებობდეს. ძალიან კარგია, განსხვავებული აზრი რომ არსებობს, თუნდაც საქართველოში მიმდინარე პროცესთან დაკავშირებით. ერთი წელია, „ქართული ოცნება“ არის ღიად ანტიევროპული რიტორიკით გამსჭვალული, ღიად უპირისპირდება ევროპას. ეს ხომ ფაქტია, ეს ხომ ჩვენი სუბიექტური მოსაზრება არ არის. ვინაიდან ღიად უპირისპირდება დასავლეთს და ბოლო წლების განმავლობაში იღებს იმ კანონებს, რომლებიც ფუნდამენტურად არღვევს ადამიანის უფლებებსა და თავისუფლებას, ლოგიკურია კრიტიკა, რომელიც მოდის და საფრთხეს უქმნის ჩვენს ევროინტეგრაციას. სხვადასხვა ადამიანები, თავისუფალი მოქალაქეები, პოლიტიკური ჯგუფები, ჩვენი გუნდის წევრებიც, ერთი წელია, აქტიურად მუშაობენ ევროპასთან, რომ მათ გაითვალისწინონ ქართველი ხალხის ამდენწლიანი სწრაფვა ევროპული ინტეგრაციისკენ, არ შეგვიჩერდეს უვიზო მიმოსვლა ევროპასთან. ჯერჯერობით ეს არის ერთადრთი რამ, რაც გვინარჩუნებს ევროპასთან ურთიერთობას. მუდმივად გავახსენებთ, რომ რამდენიმე წლის წინ საქართველო იყო მოწინავე ქვეყანა. ამ ფაქტორების გათვალისწინებით, ისიც ძალიან გასახარებელი ამბავია, რომ საქართველო ჯერ კიდევ დღის წესრიგშია“, – განაცხადა ვიკა ფილფანმა.