ქართული ოცნების

ლევან მაჭავარიანი: ლოგიკურია, რომ ბატონი ღარიბაშვილის წერილი კორუფციასთან დაკავშირებულ ბრალდებასთან დავაკავშიროთ. იგი თემის ხელოვნურად პოლიტიზებას ცდილობდა

ლოგიკურია, რომ ბატონი ღარიბაშვილის წერილი ამ [კორუფციასთან დაკავშირებულ] ბრალდებასთან დავაკავშიროთ. იგი თემის ხელოვნურად პოლიტიზებას ცდილობდა, - განუცხადა ჟურნალისტებს საპარლამენტო ფრაქცია „ქართული ოცნების“ თავმჯდომარის პირველმა მოადგილე ლევან მაჭავარიანმა.დეპუტატი ირაკლი ღარიბაშვილისთვის დიდი ოდენობით ქრთამის აღების ფაქტზე ბრალის წარდგენას ეხმაურება.„ლოგიკურია, რომ ბატონი ღარიბაშვილის წერილი ამ [კორუფციასთან დაკავშირებულ] ბრალდებასთან დავაკავშიროთ. იგი თემის ხელოვნურად პოლიტიზებას ცდილობდა, იქიდან გამომდინარე რომ იცოდა კონკრეტული ბრალის შესახებ. ლოგიკა გვკარნახობს, რომ ამ ყველაფრისგან თავის დაზღვევა უნდოდა. ჩვენ საქმით გვაქვს დამტკიცებული, რომ ჩვენთვის მნიშვნელობა არ აქვს მაღალი თანამდებობის პირია ადამიანი თუ არ არის, ჩვენი ამჟამინდელი გუნდის წევრია, თუ ყოფილი, აბსოლუტურად ყველასთან გვაქვს ერთნაირი მიდგომა - ჩვენ კორუფციას არ ვაპატიებთ არავის“, - აღნიშნა მაჭავარიანმა.

პოლიტიკა • 1787397938

ისინი ადასტურებენ იმ სიმართლეს, რასაც "ქართული ოცნება" საუბრობდა. პირდაპირ აღიარეს "ნაცებმა", რომ ნიკა გვარამიამ ნამდვილად გაძარცვა "რუსთავი 2 - ლევან მაჭავარიანი

ისინი ადასტურებენ იმ სიმართლეს, რასაც "ქართული ოცნება" საუბრობდა. პირდაპირ აღიარეს "ნაცებმა", რომ ნიკა გვარამიამ ნამდვილად გაძარცვა "რუსთავი 2" - ამის შესახებ პარლამენტის ფრაქცია "ქართული ოცნების" თავმჯდომარის პირველი მოადგილე, ლევან მაჭავარიანი საუბრობს.ლევან მაჭავარიანი ოპოზიციაში დაპირისპირებას ეხმაურება და ამბობს, რომ ისინი აღიარებენ იმას, რომ მათი მთავარი მოტივატორი ფულია."ისინი იბრძვიან ფავორიტობისთვის, რომ გარე პატრონების ფავორიტი ვინ გახდება, იქიდან გამომდინარე, რომ ფავორიტს აქვს მეტი დაფინანსება და ფავორიტი სარგებლობს მეტი პრივილეგიებით. ამ შემთხვევაში, ისინი ადასტურებენ იმ სიმართლეს, რასაც "ქართული ოცნება" საუბრობდა. პირდაპირ აღიარეს ნაცებმა, რომ ნიკა გვარამიამ ნამდვილად გაძარცვა "რუსთავი 2". ამ შემთხვევაში, ისინი აღიარებენ იმას, რომ მათი მთავარი, ასე ვთქვათ, მოტივატორი არის ფული და ძალიან ადვილად იყიდებიან ფულზე და რასაც ქართული მართლმსაჯულება ამბობდა და შემდეგ სტრასბურგმა დაადასტურა, რომ ნიკა გვარამიამ ითაღლითა "რუსთავი 2"-ში, დღეს უკვე ნაცებიც აღიარებენ. ერთადერთი ევრობიუროკრატები რჩებიან იმ პოზიციაზე, რომ თურმე ის იყო პოლიტიკური დევნილი," - აცხადებს ლევან მაჭავარიანი.

პოლიტიკა • 1787319391

ირაკლი ქადაგიშვილი ოპოზიციაზე: მათი გაგებით საქართველო ეს არის დიდი საერთაშორისო პროექტის ნაწილი, ამიტომ ამ პროექტის მიზნებია მთავარი და არა ჩვენი ქვეყნის ეროვნული ინტერესები

გვახსოვს ყველა მათი განცხადება და განსაკუთრებით სიმბოლურად დარჩენილი სიტყვები, რომ ამ სირცხვილის წვიმას, იმიტომ რომ საქართველო არ ერთვება ანტირუსულ ისტერიაში, ჯობია რომ რუსული ბომბები ცვიოდეს ჩვენს თავსო, - განაცხადა რეგიონული პოლიტიკისა და თვითმმართველობის საპარლამენტო კომიტეტის თავმჯდომარე ირაკლი ქადაგიშვილმა ოპოზიციაზე საუბრისას.როგორც ქადაგიშვილმა აღნიშნა, ოპოზიციისთვის ქვეყნის ეროვნული ინტერესები მთავარი არასდროს ყოფილა.„ეს არის მათი ხელწერა იმასთან დაკავშირებით რაც მათ განახორციელეს საქართველოს წინააღმდეგ, როდესაც რუსეთი შეიჭრა უკრაინაში. მათი გაგებით საქართველო ეს არის დიდი საერთაშორისო პროექტის ნაწილი, ამიტომ ამ პროექტის მიზნებია მთავარი და არა ჩვენი ქვეყნის ეროვნული ინტერესები“, - აღნიშნა ქადაგიშვილმა.ფრაქცია „ქართული ოცნების“ თავმჯდომარის პირველი მოადგილის განცხადებით, აგენტურასა და მათ აქტივისტებს ბოდიში აქვთ მოსახდელი იმ ისტერიის გამო, რაც რუსეთ-უკრაინის ომის დაწყებიდან ერთ კვირაში მოაწყვეს. ლევან მაჭავარიანი წერს რომ ოპოზიციამ ფსიქოლოგიური ტერორი მოუწყო იმ ადამიანებს, ვისაც არ სურდა აქციებში მონაწილეობა და ვისაც არ სურდა სამხედრო დაპირისპირება რუსეთთან.

პოლიტიკა • 1787318055

თენგიზ შარმანაშვილი რადიკალების მიერ ბოდიშის მოხდაზე: რომც მოინდომონ და შეიკრიბონ, ბოდიშის უფლებას პატრონები არ მისცემენ, იმიტომ რომ მათი ბოდიში იმათ ბოდიშს ნიშნავს, ვინც მათ აფინანსებს

თავდაცვისა და უშიშროების საპარლამენტო კომიტეტის თავმჯდომარის პირველი მოადგილე, თენგიზ შარმანაშვილი ლევან მაჭავარიანის განცხადებას გამოეხმაურა, სადაც პარლამენტის ფრაქცია „ქართული ოცნების“ თავმჯდომარის პირველი მოადგილე, აცხადებს, რომ აგენტურულ ოპოზიციას, მათთან აფილირებულ არასამთავრობო სექტორსა და აქტივისტებს საზოგადოებისთვის ბოდიში აქვთ მოსახდელი, როგორც „რუსული კანონის“ კამპანიის, ისე რუსეთ-უკრაინის ომის დაწყების შემდეგ გამართული აქციებისა და საზოგადოებაზე განხორციელებული ფსიქოლოგიური ზეწოლისთვის.შარმანაშვილის თქმით, 30 წლის განმავლობაში იმდენი რამე ნახეს საქართველოს მოქალაქეებმა, რომ ადვილად მოსატყუებლები არ არიან და ძალიან კარგად აფასებენ ვითარებას.ამის [ბოდიში] უფლებას, რომც მოინდომონ და შეიკრიბონ პატრონები არ მისცემენ, იმიტომ რომ მათი ბოდიში იმათ ბოდიშს ნიშნავს, ვინც მათ აფინანსებს. ისინი, რა თქმა უნდა, ამას არ გააკეთებენ და შესაბამისად მათი აგენტებიც არ გააკეთებენ.ამ 30 წლის განმავლობაში იმდენი რამე ნახეს ჩვენმა მოქალაქეებმა, ესე ადვილად მოსატყუებელი ხალხი ჩვენი ხალხი არ არის, ძალიან კარგად აფასებს ვითარებას. როდესაც კარგად და გულდასმით ავუხსენით, რასთან გვქონდა საქმე, რა თქმა უნდა, ჩვენ დაგვიჯერეს და დაუჯერეს სიმართლეს, ეს ჩანს არჩევნებიდანაც",- აღნიშნა შარმანაშვილმა.

პოლიტიკა • 1787311826

ირაკლი ქადაგიშვილი: ოპოზიციაში ერთმანეთის მიმართ ბრალდებები უკვე სახელფასო დონეზეა დასული

საზოგადოება ხედვას, რომ ფაქტობრივად, ოპოზიცია სრულად დაშლილი და დაპირისპირებულია, ბრალდებები ერთმანეთის მიმართ უკვე სახელფასო დონეზეა დასული, – ამის შესახებ „ქართული ოცნების“ წევრმა, ირაკლი ქადაგიშვილმა განაცხადა.მისი თქმით, ოპოზიციის წარმომადგენლები ერთმანეთს ახსენებენ სწორედ იმ დანაშაულებს, რაც მათ უკვე ოპოზიციაში ყოფნის დროს ჰქონდათ ჩადენილი.„ის პოლიტიკა, რომელსაც ოპოზიცია და „ნაციონალური მოძრაობა” ატარებდა იყო სრულად დესტრუქციული და ამ პოლიტიკამ საქართველოში კრახი განიცადა. ბუნებრივია, ასეთ დროს ყველა ცდილობს, წარუმატებლობა ერთმანეთს დააბრალონ და თავი წარმოაჩინონ სხვებზე რამით უკეთესად. მათ შორის, თავის საგარეო პატრონებს ახალი ლიდერი შესთავაზონ თავისი თავის სახით. ამ სურათს ვხედავთ ჩვენ გვარამიას შემთხვევაში სააკაშვილის მიმართ და ბუნებრივია, სააკაშვილის ბანაკის თავდასხმაც კონკრეტული მტკიცებულებებით გვარამიას წინააღმდეგ, ამ მოტივაციით არის გამსჭვალული. ასე რომ, ჩვენ სახეზე გვაქვს კლასიკური სურათი, როცა ცუდს უქადდნენ ქვეყანას, ცუდი დაემართათ თავად და ახლა ერთმანეთში არკვევენ, ვინ უფრო მეტადაა დამნაშავე ამ წუთს. ბრძოლა მიდის იმისთვის, გარე პატრონისთვის ვინ უფრო მისაღებ ფიგურად და ძალად შეიძლება, გამოჩნდეს. ეს უმძიმესი სურათი გვაქვს ჩვენ დღეს ოპოზიციაში“, – განაცხადა ქადაგიშვილმა.

პოლიტიკა • 1787305034

თენგიზ შარმანაშვილი: ოპოზიციურ პარტიებს ჩვენზე მეტად ერთმანეთი ეზიზღებათ, ჩვენ პოლიტიკურად არ მოვწონვართ, მაგრამ ერთმანეთს თავიანთი პატრონების მიერ გამოყოფილ ლუკმას ედავებიან

ოპოზიციურ პარტიებს ერთი პატრონი ჰყავთ, მაგრამ მიუხედავად დირექტივისა, რომ ერთად იყვნენ, ერთი თვეც კი ვერ ძლებენ ერთად, – ამის შესახებ „ქართული ოცნების“ წევრმა, თენგიზ შარმანაშავილმა განაცხადა.„ნიკა გვარამიას „რუსთავი 2“-ს გაძარცვაზე პროკურატურამ ბრალდება წაუყენა და გაასამართლა, ერთი ამბავი ატეხეს, პოლიტპატიმარიაო. ახლა თავადვე ამბობენ, რომ თურმე გაგვძარცვესო. ეს ხალხი უცხო ქვეყნიდან დაფინანსებული და მომართულია. როგორც ჩანს, იქაც სხვადასხვა წრეა და სხვადასხვა წრეს გადაკიდებული და მათგან მართული, მაგრამ მთავარი ისაა, რომ ერთმანეთს ვერ იტანენ. ერთმანეთს ადამიანურად ვერ იტანენ. ერთი პატრონი ჰყავთ, მაგრამ მიუხედავად იმისა, რომ დირექტივა მიუვათ, რომ ერთად იყვნენ, ერთი თვეც კი ვერ ძლებენ ერთად. რამდენი ხნის წინ გითხარით, რომ ისინი ერთმანეთთან ვერ გაძლებენ, დაიშლებიან და ერთმანეთს დაჭამენ. შეკრებილან სერიოზულად?! რა თქმა უნდა, არა. ახლა იმაზე კი არ არის საუბარი, რომ ერთმანეთს პოლიტიკურად არ ეთანხმებიან, ნახეთ, ბრალს ერთმანეთს რაში დებენ. ერთი ამბობს, ამდენი ფული რომ მქონდეს, გიყიდიდი და რასაც მინდა, იმას გაგიკეთებდი; მეორე ამბობს, რომ შენ ფული გაქვს აღებული და სული გაქვს მიყიდული. რა თემებზე ლაპარაკობენ, პოლიტიკურ თემებზეც არ საუბრობენ. ერთმანეთს დებენ ბრალს, რომ ორი კაპიკის გამო გამყიდველები და შიდა დისონანსის შემტანები არიან“, – განაცხადა შარმანაშვილმა.მისივე თქმით, ყველა ოპოზიციური პარტია ცდილობს, პატრონებს დაუმტკიცოს, რომ მთავარი ოპოზიციური ძალა თავადაა და თანხებიც მას უნდა გადაურიცხონ, დავაც სწორედ ამაზეა.„ყველას უნდა, თავის პატრონებთან დააფიქსიროს, რომ მთავარი ოპოზიციური ძალა თვითონაა. ეს თანხები, რომელიც იქიდან მოდის, უკვე შეზღუდულია, აქ მარტივად ვეღარ აღწევს. პატრონებს ეუბნებიან, რომ იმას კი არ მისცე, მე ვარ მთავარი ძალა და მე მომეციო, ომი ამაზეა გაჩაღებული. მიუხედავად იმისა, რომ მათ მძაფრ ოპონირებას ვუწევთ, ჩვენზე მეტად ერთმანეთი ეზიზღებათ, რადგან თენგიზ შარმანაშვილი და ლევან მაჭავარიანი იმ დაფინანსებაში მათი კონკურენტები არ არიან. მათ პოლიტიკურად რომ არ მოვწონვართ, ეს დიდი არაფერია, მაგრამ ისინი ერთმანეთს იმ ლუკმას ედავებიან, რომელიც გამოყოფილია. ამიტომ ჩემზე და სხვებზე მეტად ერთმანეთი ეზიზღებათ“, – განაცხადა შარმანაშვილმა.

პოლიტიკა • 1787303824

გიორგი შარაშიძე: „ნაციონალური მოძრაობის“ მთავარი ფუნქციაა, გააგრძელოს „ქართული ოცნების“ საქმის კეთება, რადგან დღემდე „ქართული ოცნება“ „ნაციონალურ მოძრაობაზე“ დგას

დღეს საქართველოში გაცილებით მეტი გამოწვევა არსებობს, ვიდრე დროის იმაზე დახარჯვა, რა ხდება „ნაციონალურ მოძრაობაში“, – ამის შესახებ პარტიის „გახარია საქართველოსთვის“ წევრმა, გიორგი შარაშიძემ განაცხადა.მისი თქმით, „ნაციონალური მოძრაობის“ მთავარი ფუნქცია „ქართული ოცნების“ საქმის კეთებაა და „ქართული ოცნება“ დღემდე „ნაციონალურ მოძრაობაზე“ დგას.„ის პროცესები, რომლებსაც არ აქვს კავშირი ჩვენი ქვეყნის მოქალაქეების პრობლემების გადაჭრასთან, ჩვენი ქვეყნის წინაშე არსებული გამოწვევების გადაჭრასა და გამკლავებასთან, ჩვენთვის საინტერესო არ არის, მით უფრო, თუ ეს ეხება „ნაციონალურ მოძრაობას“, რომელზეც დღემდე დგას „ოცნება“. ვიდრე „მთავარ” ოპოზიციურ პარტიას დაირქმევენ, იქამდე ის განმარტონ და ბატონმა გვარამიამ განმარტოს, საიდან მოიტანა ის 40 მილიონი, რომელიც მან 2024 წლის საპარლამენტო არჩევნების დროს დახარჯა. „ოცნება“ ყველა თეთრს დასდევს, სადაც მისი ნამდვილი ინტერესია, მათ შორის არასამთავრობო ორგანიზაციების და „ენჯეოების“ ლამის 100 და 1000 ევროს დასდევს, და ამისთვის კანონები მიიღო, რეპრესიული მანქანა აამოქმედა და ბიზნესს სრულად აკონტროლებს. ვერცერთი თეთრი ვერ შევა დღეს ვერცერთ პოლიტიკურ პარტიაში და რას მეუბნებით რომ ამ დროს 40 მილიონის მობილიზება მოახდინა ბატონმა გვარამიამ? რა თქმა უნდა, ეს იყო „ოცნების“ ფული. მეტსაც გეტყვით, დღეს რომ არის გილაურზე ამბავი ატეხილი, ეს გილაურის ფულიც არ არის. რა გგონიათ, გილაურს მეტი საქმე არ ჰქონდა 40 მილიონი დაეხარჯა გვარამიას პარტიაში? რა თქმა უნდა, ეს არ იყო გილაურის ფული, ეს იყო „ოცნების“ ფული, რომელიც გილაურის გავლით მოხვდა გვარამიასთან.აქედან გამომდინარე, „ნაციონალური მოძრაობის“, როგორც კონკრეტულად ამ ორგანიზაციის, ასევე მისი დანაყოფების, მთავარი ფუნქცია არის ის, რომ მან გააგრძელოს „ოცნების“ საქმის კეთება, რადგან დღემდე და დღესაც შეიძლება ისე, როგორც არასდროს, „ოცნება“ დგას „ნაციონალურ მოძრაობაზე“, – განაცხადა შარაშიძემ.

პოლიტიკა • 1787247662

დიმიტრი სამხარაძე: მგონი ღარიბაშვილს თვითონაც არ აქვს წაკითხული ის წერილი, რომლის გაგზავნასაც მამუკა მდინარაძეს აბრალებს - ამ წერილიდან გამოდის, რომ მდინარაძეზე გულმხურვალე მხარდამჭერი ღარიბაშვილს არ ჰყოლია, მდინარაძეს ადვოკატობა დაუწყია და მისი პირველივე საზრუნავი და დასაცავი პირი ღარიბაშვილი ყოფილა - რას ერჩის მაშინ, რატომ ჩაუშვა?

მგონი ჩვენ კი არა, ღარიბაშვილს თვითონაც არ აქვს წაკითხული ის წერილი, რომლის გაგზავნასაც მამუკა მდინარაძეს აბრალებს. მოდი, დავიჯეროთ რომ მდინარაძემ მიწერა ღარიბაშვილს წერილი. ამ შემთხვევაში ჩვენ მაინც უნდა წავიკითხოთ, რა წერია წერილში, - ამის შესახებ "ქართული ოცნების" რეგიონული მდივანი, დიმიტრი სამხარაძე, სოციალურ ქსელში წერს.მისი განცხადებით, ირაკლი ღარიბაშვილის მიერ გავრცელებული წერილის მიხედვით, მდინარაძე მისი გულმხურვალე მხარდამჭერი გამოდის, შესაბამისად, წერილის შინაარსის გათვალისწინებით, სამხარაძისთვის გაუგებარია, რით არის უკმაყოფილო ყოფილი პრემიერ-მინისტრი.„მგონი ჩვენ კი არა, ღარიბაშვილს თვითონაც არ აქვს წაკითხული ის წერილი, რომლის გაგზავნასაც მამუკა მდინარაძეს აბრალებს. მოდი, დავიჯეროთ რომ მდინარაძემ მიწერა ღარიბაშვილს წერილი. ამ შემთხვევაში ჩვენ მაინც უნდა წავიკითხოთ, რა წერია წერილში: დიტო ჩუბინიძისნაირმა და ირმა ინაშვილსნაირმა „მხარდამჭერებმა“ და სოციალურ ქსელებში დაორგანიზებულმა კამპანიებმა ძალიან სერიოზული ეჭვები გააჩინეს და მაგრად დაგვაზიანეს.ძალიან ინტენსიური მუშაობა მიდის რამდენიმე საქმეზე, რომლების სავარაუდო შემდეგები იქნება კორუფციის ბრალდებები. ამიტომ არსებობს ჩვენი მოქმედებების ორი ვარიანტი:1. ვიდავოთ სერიოზულად და ბოლომდე მივაწვეთ.2. (მეორე ვარიანტი თვითონ შემოგთავაზეს, როგორც კომპრომისული გამოსავალი) — ვაღიაროთ (ჩვენ თავზე ავიღოთ) ერთი რომელიმე საქმე, სადაც შეთანხმებით მოხდება ყველაფერი, აღიარება, მოწმეების მხრიდან ხელის დადებაც და ა.შ. ამ შემთხვევაში გვთავაზობენ საპროცესო შეთანხმებას იგივე 5 წლიანი ვადით, ანუ როგორც მიხსნიან, სასჯელები ერთმანეთს შთანთქავენ და ისევ 5 წელი დარჩება. გამოსვლის შემდეგ არ უნდა გაეკარო პოლიტიკას და თუ „გადაგდებას გადაწყვეტ“, კორუფციული ბრალდება, რომელიც ნაღიარები გექნება, იქნება დაზღვევის მექანიზმი, რომ პოლიტიკაში დაბრუნება არ იფიქრო”. ამ წერილიდან გამოდის, რომ მდინარაძეზე გულმხურვალე მხარდამჭერი ღარიბაშვილს არ ჰყოლია, რადგან წერილის ავტორი საუბრობს ისეთი ფრაზებით, როგორიცაა “მაგრად დაგვაზიანეს; ჩვენი მოქმედების ორი ვარიანტი;” და ღარიბაშვილს მოქმედების პირველ ვარიანტად სთავაზობს: “ვიდაოთ სერიოზულად და ბოლომდე მივაწვეთ” და მეორე ვარიანტად განიხილავს დანებებას და ახალი ბრალის აღიარებას. მამუკა მდინარაძე თავის ძველ პროფესიას დაბრუნებია, ადვოკატობა დაუწყია და მისი პირველივე საზრუნავი და დასაცავი პირი ირაკლი ღარიბაშვილი ყოფილა. რას ერჩის მაშინ, რატომ ჩაუშვა? ასეთი სიგიჟე მართლა არ გამიგია," - წერს სამხარაძე.

პოლიტიკა • 1787244360

ლევან მაჭავარიანი: ჩვენი პოზიციაა მშვიდობიანი გზით ჩვენი დროებით ოკუპირებული ტერიტორიების დაბრუნება და სააკაშვილის გააქტიურება, სავარაუდოდ, იმას უკავშირდება, რომ ხედავენ, რა ნაბიჯებს დგამს „ქართული ოცნების“ ხელისუფლება ნდობის აღდგენისთვის

ჩვენი პოზიციაა მშვიდობიანი გზით ჩვენი დროებით ოკუპირებული ტერიტორიების დაბრუნება, - განუცხადა ჟურნალისტებს პარლამენტის ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.დეპუტატი გამოეხმაურა იმ ფაქტს, რომ ოკუპაციის პრობლემის მოგვარების სააკაშვილისეული ხედვა ომის რიტორიკად, ოპოზიციაშივე შეფასდა და ერთმანეთს პატიმარი სააკაშვილი და ნიკა გვარამია საჯაროდ დაუპირისპირდნენ.„ჩვენი პოზიციაა მშვიდობიანი გზით ჩვენი დროებით ოკუპირებული ტერიტორიების დაბრუნება და სააკაშვილის გააქტიურება, სავარაუდოდ, იმას უკავშირდება, რომ ხედავენ ისინი [ოპოზიცია], რა ნაბიჯებს დგამს „ქართული ოცნების“ ხელისუფლება ნდობის აღდგენისთვის, რამხელა ისტერია ჰქონდათ მოწყობილი, როდესაც ჰუმანიტარული მიზნებისთვის საწვავი შეიტანეს ოკუპირებულ აფხაზეთში“ - აღნიშნა მაჭავარიანმა.პარტია „ახალის“ ლიდერი ნიკა გვარამია, საქართველოს ტერიტორიებს „ტრავმულ მეხსიერებად“ წარმოაჩენს, თუმცა, ყოფილ თანაპარტიელს, პატიმარ მიხეილ სააკაშვილსაც ედავება.

პოლიტიკა • 1787243760

ლევან მაჭავარიანი: რასაც რადიკალური ოპოზიცია და არასამთავრობო ორგანიზაციები აანონსებდნენ გამჭვირვალობის შესახებ კანონთან დაკავშირებით, აბსოლუტურად არაფერი ახდა. ნათელია, რომ ეს იყო, უკაცრავად ჟარგონისთვის და აფერისტობა, თაღლითობა

რასაც ისინი [რადიკალური ოპოზიცია და არასამთავრობო ორგანიზაციები] აანონსებდნენ, აბსოლუტურად არაფერი ახდა - განუცხადა ჟურნალისტებს საპარლამენტო ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.დეპუტატი გამოეხმაურა იმ ფაქტს, რომ ოპოზიციასა და არასამთავრობოთა ნაწილს, რომლებიც საზოგადოებას გამჭვირვალობის კანონის დამანგრეველ შედეგებში არწმუნებდნენ, პასუხი არც ახლა აქვთ - არც აკრძალული ორგანიზაციების სია წარმოუდგენიათ და არც დაზარალებული ფერმერების, სტუდენტების, ან ემიგრანტების შესახებ ინფორმაცია.„რასაც ისინი [რადიკალური ოპოზიცია და არასამთავრობო ორგანიზაციები] აანონსებდნენ, აბსოლუტურად არაფერი ახდა. ყველა ქართველისთვის, მათ შორის მათთვისაც, ვინც გარკვეული დროით შეიყვანეს შეცდომაში, ყველაფერი ნათელია, რომ ეს იყო, უკაცრავად ჟარგონისთვის და აფერისტობა, თაღლითობა. კარგი მაგალითია იმისთვის, რომ აღარასდროს მივცეთ ულტრამემარცხენეებს, ფსევდოლიბერალებს იმის საშუალება, რომ გააგრძელონ ძალადობა ჩვენს მოქალაქეებზე“. აღნიშნა მაჭავარიანმა.

პოლიტიკა • 1787226349

ნიკა გვარამია: „ქოცური“ – „ნდობის აღდგენა“ არის მოღალატეობრივი პოზიცია, „ნაცური“ – „აფხაზეთი უნდა დავიბრუნოთ ომით“, პოპულისტური თამაში და არა აფხაზეთის რეალურად დასაბრუნებლად

გამოიკვეთა ორი პოზიცია: „ქოცური“: ნდობის აღდგენა, რაც ფაქტიურად იმეორებს ივანიშვილის „ბოდიში მოვიხადოთ“-ს და ითარგმნება, როგორც „აფხაზეთი უნდა დავივიწყოთ“; „ნაცური“: აფხაზეთი უნდა დავიბრუნოთ ომით, რაც ფაქტიურად ითარგმნება, როგორც უკიდურესი პოლიტიკური პოპულიზმი და ცარიელი ომის რიტორიკა, – ამის შესახებ „ცვლილებებისთვის“ ლიდერი ნიკა გვარამია სოციალურ ქსელში წერს.მისი თქმით, პირველი არის მოღალატეობრივი პოზიცია, ხოლო მეორე ხალხის ემოციებზე პოპულისტური თამაში საკუთარი პოლიტიკური მიზნებისთვის და არა აფხაზეთის რეალურად დასაბრუნებლად.„ირაკლი კობახიძე აფხაზეთთან დაკავშირებით ჩემი განცხადების თაობაზე: „აგენტურამ მიიღო ახალი დავალება და ასრულებს ამ ახალ დავალებას. უცხოურ აგენტურას აქვს თავისი ამოცანა – ხელი შეუშალონ ნდობის აღდგენას, ჩვენ გვაქვს ჩვენი ამოცანა – ხელი შევუწყოთ პირიქით ნდობის აღდგენას. რა თქმა უნდა, ჩვენი პოლიტიკა ამ მიმართულებით იქნება სრულიად თანმიმდევრული და პრინციპული“.მიხეილ სააკაშვილი აფხაზეთთან დაკავშირებით ჩემი განცხადების თაობაზე: „დანარჩენი საქართველოს დაბრუნების შემდეგ მთავარი რიგის ამოცანაა აფხაზეთზე კონტროლის აღდგენა და ეს არ გამოვა „გველს ხვრელიდან ამოიყვანს, ენა ტკბილად მოუბარი“ პრინციპით. არამედ მხოლოდ ეკონომიკურად, პოლიტიკურად ძლიერი, კბილებამდე შეიარაღებული საქართველო საკუთარი და მეგობრების ძალებით შეძლებს ჩვენი ძირძველი მიწის, ჩვენი სახლების დაბრუნებას ენგურიდან ფსოუმდე“.გამოიკვეთა ორი პოზიცია: ქოცური: ნდობის აღდგენა, რაც ფაქტობრივად იმეორებს ივანიშვილის „ბოდიში მოვიხადოთ“-ს და ითარგმნება, როგორც „აფხაზეთი უნდა დავივიწყოთ“; „ნაცური“: აფხაზეთი უნდა დავიბრუნოთ ომით, რაც ფაქტობრივად ითარგმნება, როგორც უკიდურესი პოლიტიკური პოპულიზმი და ცარიელი ომის რიტორიკა, რაც წყალს ასხამს ქართული ოცნების მთავარ პროპაგანდისტულ ხაზს: „აბა, ომი გინდათ?!“, ეწინააღმდეგება ქართველი ხალხის განწყობას, რომელსაც ომი არ უნდა და უპასუხისმგებლო ცარიელი სიტყვებია, რომლის უკანაც არც რეალური სამხედრო გეგმა დგას და არც არანაირი ნაფიქრი სქემა. პირველი არის მოღალატეობრივი პოზიცია, ხოლო მეორე – ხალხის ემოციებზე პოპულისტური თამაში საკუთარი პოლიტიკური მიზნებისთვის და არა აფხაზეთის რეალურად დასაბრუნებლად.ჩემი პოზიცია კი რაციონალურია და ნაფიქრი: შევთავაზოთ აფხაზებს წინადადება, რომელზეც უარს ვერ იტყვიან: ევროკავშირის წევრობა, რაც მოიტანს: ევროპულ პასპორტს და ყველა ევროპულ პრივილეგიას; ეკონომიკურ კეთილდღეობას; უსაფრთხოების მაღალ გარანტიებს; აფხაზური ეროვნული უმცირესობისთვის უმაღლეს ევროპულ გარანტიებს; ომის სამუდამოდ დავიწყებას.შესაბამისად, გამოიკვეთა ორი პარტია: აფხაზეთის ჩამბარებელი მოღალატე ქოცები; ომის რიტორიკის მქადაგებული უპასუხისმგებლო პოპულისტი „ნაცები“. მე კი ვამბობ და გპირდებით: გავხდებით ევროკავშირის წევრები; საქართველო გაერთიანდება; ომი არ იქნება“, – წერს გვარამია.

პოლიტიკა • 1787137274

თორნიკე ჭეიშვილი რადიკალებზე: როგორც კი, საზოგადოება იგებს, რაში იღებდნენ ისინი კონკრეტულ დაფინანსებას, მაშინვე წყალი უდგება ყველა იმ ნარატივს, რომელიც შეიძლება მიანიშნებდეს და მოასწავებდეს იმას, რომ ისინი რაიმე ფორმით ემსახურებოდნენ ქართულ საქმეს

როგორც კი, საზოგადოება იგებს, რაში იღებდნენ ისინი კონკრეტულ დაფინანსებას, მაშინვე წყალი უდგება ყველა იმ ნარატივს, რომელიც შეიძლება მიანიშნებდეს და მოასწავებდეს იმას, რომ ისინი რაიმე ფორმით ემსახურებოდნენ ქართულ საქმეს, - განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილემ თორნიკე ჭეიშვილმა რადიკალებზე საუბრისას.მისი თქმით, ისინი მუდმივად დაკავებულები იყვნენ იმით, რომ ეკეთებინათ უცხოური საქმე და, ამავდროულად, სამწუხაროდ, ანტიეროვნული, ანტიქართული საქმე.„ეს იყო პირდაპირი საფრთხე მათი ანტიქართული საქმიანობისათვის, იმიტომ, რომ როგორც კი ყველაფერი ხელისგულზე გამოდის, როგორც კი გამჭვირვალობის პრინციპის გათვალისწინებით, საზოგადოება იგებს, რაში იღებდნენ ისინი კონკრეტულ დაფინანსებას, მაშინვე წყალი უდგება ყველა იმ ნარატივს, რომელიც შეიძლება მიანიშნებდეს და მოასწავებდეს იმას, რომ ისინი რაიმე ფორმით ემსახურებოდნენ ქართულ საქმეს. პირიქით, ისინი დღენიადაგ დაკავებულები იყვნენ იმით, რომ ეკეთებინათ უცხოური საქმე და, ამავდროულად, სამწუხაროდ, ანტიეროვნული, ანტიქართული საქმე“, — განაცხადა გიორგი ჭეიშვილმა.ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა სოციალურ ქსელში დაწერა, რომ აგენტურულმა ოპოზიციურმა პარტიებმა, მდიდარმა ენჯეოებმა, ულტრამემარცხენე და ფსევდოლიბერალმა აქტივისტებმა საზოგადოებას ბოდიში უნდა მოუხადონ. მიზეზი კი გამჭვირვალობის კანონის ირგვლივ წარმოებული კამპანია და ის შეურაცხყოფებია რომელსაც საზოგადოების აბსოლუტურ უმრავლესობას აყენებდნენ.