პოლიტიკა • 1783337491

გია აბაშიძე: ევროჩინოსანთა თავხედობა ისეთ ჭაობშია, რომ ლგბტ პროპაგანდაში საქართველოს საპატრიარქოს ჩართვას ცდილობდნენ, მტკიცე უარის გამო კი ევროპარლამენტის ბოლო რეზოლუციაში ჩვენი დედა ეკლესია ე.წ. "რუსულ გავლენებს" დაუკავშირეს

ევროჩინოსანთა თავხედობა ისეთ ჭაობშია, რომ ლგბტ პროპაგანდაში საქართველოს საპატრიარქოს ჩართვას ცდილობდნენ, მტკიცე უარის გამო კი ევროპარლამენტის ბოლო რეზოლუციაში ჩვენი დედა ეკლესია ე.წ. "რუსულ გავლენებს" დაუკავშირეს, - წერს ანალიტიკოსი გია აბაშიძე სოციალურ ქსელში.მისივე თქმით, მტკიცე შთაბეჭდილება იქმნება, რომ ევროკრატია ამას არა მხოლოდ მისი „ენითაუწერელი ტოქსიკური სიბეცით„ სჩადის, არამედ, მასში ჩაბუდებული „ანტიქრისტიანი ნეოსოვიეტიკუსების, კოლექტიური კუბილიუსებისა და იუკნევიჩიანების გამოც".„ევროჩინოსანთა თავხედობა ისეთ ჭაობშია, რომ ლგბტ პროპაგანდაში საქართველოს საპატრიარქოს ჩართვას ცდილობდნენ, მტკიცე უარის გამო კი ევროპარლამენტის ბოლო რეზოლუციაში ჩვენი დედა ეკლესია ე.წ. "რუსულ გავლენებს" დაუკავშირეს.მტკიცე შთაბეჭდილება იქმნება, რომ ევროკრატია ამას არა მხოლოდ მისი ენითაუწერელი ტოქსიკური სიბეცით სჩადის, არამედ მასში ჩაბუდებული ანტიქრისტიანი ნეოსოვიეტიკუსების, კოლექტიური კუბილიუსებისა და იუკნევიჩიანების გამოც.შესაბამისად, როცა საქართველოს ყველაზე ავტორიტეტული ინსტიტუტი, ეკლესია ეწინააღმდეგება უბინძურესი იდეოლოგიების საქართველოს თავზე მოხვევას, მის წინააღმდეგ ილაშქრებენ ბრიუსელი და ნაცსექტის ნეოტროცკისტები."ქართული ოცნების“ საპარლამეენტო ფრაქციის თავმჯდომარემ, ირაკლი კირცხალიამ ლგბტ პროპაგანდაში ქართული ეკლესიის ჩართვის მცდელობასთან დაკავშირებით დეკანოზ ანდრია ჯაღმაიძის განცხადებაზე საუბრისას აღნიშნა: "უტევდნენ, უტევენ და შეუტევენ, მაგრამ ეს ძალიან კონტრპროდუქტიულია მათთვის. მათი ასეთი ქმედებების შედეგად ვხედავთ შემდეგ იმ პასუხს საზოგადოების მხრიდან. საპატრიარქოც, ხელისუფლებაც, საზოგადოებაც და ჩვენი ქვეყანაც ყოველთვის იქნება თავაწეული, მოწოდების სიმაღლეზე და დაიცავს თავის ღირსებას, სარწმუნოებას და იდენტობას“.ლგბტ პროპაგანდაში ქართული ეკლესიის ჩართვის მცდელობასა და დახურული შეხვედრების დეტალებზე "იმედის კვირის“ ექსკლუზიურ ინტერვიუში დეკანოზმა ანდრია ჯაღმაიძემ ისაუბრა. მან თქვა, რომ ეკლესიას ევროპიდან ლგბტ პროპაგანდაში დახმარებას სთხოვდნენ. საქართველოში ამ მოთხოვნით, ბელგიის საგარეო საქმეთა მაშინდელი მინისტრი იყო ჩამოსული. ბრიუსელში კი შეხვედრა გაიმართა ანდიურს კუბილიუსთან და რასა იუკნევიჩეინესთან. მათ საქართველოს საპატრიარქოსგან უარი მიიღეს.“ - წერს აბაშიძე.

პოლიტიკა • 1783336508

ირაკლი კუპრაძე: ანაკლია უნდა აშენდეს საქართველოს, აზერბაიჯანისა და სომხეთის თანამონაწილეობით, ის უნდა გახდეს კავკასიის კარიბჭე მთელი მსოფლიოსთვის

ანაკლია არის ყველაზე ნათელი მაგალითი, როგორ შეიძლება, ერთმა ხელისუფლებამ ქვეყნის ისტორიული შანსი ათწლიანი ტყუილების ქრონიკად აქციოს. „ქართულ ოცნებას“ ანაკლიაზე საუბრის მორალური უფლება აღარ აქვს. ათ წელზე მეტია, ერთსა და იმავე სპექტაკლს ვუყურებთ – იცვლებიან პრემიერ-მინისტრები, იცვლებიან ეკონომიკის მინისტრები, იცვლება პროექტის სახელები, მოდელები, დაპირებები. ერთადერთი, რაც არ იცვლება, არის შედეგი: ანაკლიის პორტი ისევ არ არსებობს, – ამის შესახებ „ლელოს“ ერთ-ერთმა ლიდერმა, ირაკლი კუპრაძემ განაცხადა.კუპრაძის თქმით, საქართველოს დღევანდელ ხელისუფლებას არ აქვს სტრატეგიული ხედვა, საერთაშორისო ნდობა და არ შეუძლია ეროვნული მნიშვნელობის პროექტების ბოლომდე მიყვანა.„2016 წელს ხელისუფლება გვარწმუნებდა, რომ საუკეთესო გამოსავალი იყო BOT-ის მოდელი. სწორედ ამ მოდელით გაფორმდა ხელშეკრულება და საზოგადოებას დაჰპირდნენ, რომ საქართველო მიიღებდა საუკუნის პროექტს. 2020-ში პირველი გემი შემოვიდოდა და ინვესტორების ფულით აშენებული პორტი ქვეყანას დარჩებოდა – რაც საუკეთესო მოდელი იყო. შემდეგ იმავე ხელისუფლებამ ეს პროექტი საკუთარი ხელით ჩაშალა. 2022 წელს უკვე ახალი პრემიერ-მინისტრი და ახალი ეკონომიკური გუნდი გვეუბნებოდა, თურმე გამოსავალი სახელმწიფოს 51%-იანი მონაწილეობა და ახალი პარტნიორის მოძიება იყო. 2023 წელს იმავე ხელისუფლებამ უკვე PPP მოდელი წარმოგვიდგინა, დაიწყო ახალი საერთაშორისო პარტნიორის ძებნა და გვიმტკიცებდა, რომ სწორედ ეს იყო საუკეთესო გზა. დღეს კი ეკონომიკის მინისტრი გვეუბნება, თურმე გამოსავალი კიდევ ერთი – Landlord-ის მოდელია. ერთი ხელისუფლება, ოთხი განსხვავებული მოდელი და ერთი შედეგი: გაჩერებული ანაკლია. ყოველი ახალი მოდელი თუ საუკეთესო იყო, მაშინ ჩნდება ერთი მარტივი კითხვა: რატომ არ აშენდა ანაკლია? დღეს მინისტრმა კიდევ ერთი განცხადება გააკეთა. თქვა, რომ ანაკლიის პორტი ერთდროულად ბევრ სახელმწიფოსთან და ბევრ კომპანიასთან პარტნიორობით განვითარდება, თუმცა დღესაც მხოლოდ აბსტრაქტული განცხადება – კონკრეტიკის გარეშე. ეს დაპირება ხელისუფლების მიერ მანამდე გაკეთებულ განცხადებებს სრულად ეწინააღმდეგება. ათი წლის განმავლობაში ერთი ძლიერი საერთაშორისო პარტნიორის შენარჩუნებაც ვერ შეძლეს და ახლა საზოგადოებას ჰპირდებიან, თურმე ერთდროულად ბევრ სახელმწიფოსა და ბევრ კომპანიას მოიყვანენ. სად არიან ეს კომპანიები? სად არიან ეს პარტნიორები? სინამდვილეში, დასავლელი ინვესტორები და პარტნიორები თავად დააფრთხეს, დაანგრიეს საერთაშორისო ნდობა, წლების განმავლობაში პროექტი გააჩერეს, ბოლოს კი ჩინურ სახელმწიფო კომპანიებზე დაამყარეს იმედი, თუმცა ვერც ამ მიმართულებით შეძლეს ქვეყნისთვის დამაჯერებელი და დასრულებული შედეგის მიღწევა.ეს არის „ქართული ოცნების“ მართვის სტილი— ყოველი ჩავარდნის შემდეგ ახალი პრეზენტაცია, ყოველი შეუსრულებელი დაპირების შემდეგ ახალი მოდელი და ყოველი წარუმატებლობის შემდეგ ახალი ახსნა. პრობლემა არასოდეს ყოფილა BOT-ი, PPP თუ Landlord-ი. მსოფლიოში ყველა ამ მოდელით წარმატებული პორტები მუშაობენ. პრობლემა არის ხელისუფლება, რომელსაც არ აქვს სტრატეგიული ხედვა, არ აქვს საერთაშორისო ნდობა და არ შეუძლია ეროვნული მნიშვნელობის პროექტების ბოლომდე მიყვანა“, – განაცხადა ირაკლი კუპრაძემ.ირაკლი კუპრაძის განმარტებით, ანაკლია არის არა მხოლოდ პორტი, არამედ საქართველოს ეროვნული უსაფრთხოება, ევროპული და ტრანსატლანტიკური მომავლის პროექტი. მისივე თქმით, ანაკლია უნდა აშენდეს საქართველოს, აზერბაიჯანის და სომხეთის თანამონაწილეობით და ის უნდა გახდეს კავკასიის კარიბჭე მთელი მსოფლიოსთვის.„ჩვენთვის ანაკლია არასოდეს ყოფილა მხოლოდ პორტი. ანაკლია არის საქართველოს ეროვნული უსაფრთხოება, ანაკლია არის საქართველოს ეკონომიკური დამოუკიდებლობა, ანაკლია არის საქართველოს ევროპული და ტრანსატლანტიკური მომავლის პროექტი. სწორედ ამიტომ „ძლიერი საქართველო – ლელო“ თავიდანვე ვამბობდით, რომ ანაკლია უნდა აშენდეს სრული გამჭვირვალობით, დასავლელი სტრატეგიული პარტნიორების, საერთაშორისო საფინანსო ინსტიტუტებისა და ძლიერი კერძო ინვესტორების მონაწილეობით. ანაკლია უნდა გახდეს შავი ზღვის მთავარი ლოგისტიკური ჰაბი, რომელიც საქართველოს დააკავშირებს ევროპასთან, გააძლიერებს ქვეყნის უსაფრთხოებას, მოიზიდავს ინვესტიციებს და შექმნის ათიათასობით სამუშაო ადგილს. ანაკლია უნდა აშენდეს საქართველოს, აზერბაიჯანის და სომხეთის თანამონაწილეობით და ის უნდა გახდეს კავკასიის კარიბჭე მთელი მსოფლიოსთვის. ეს არის გზა ძლიერი საქართველოსკენ, მშვიდობის, კეთილდღეობის და განვითარების რეალური ხედვა. ანაკლია უნდა გახდეს სამი ქვეყნის პარტნიორობის, საერთო კავკასიური მშვიდობის, სტაბილურობისა და კეთილდღეობის ადგილი. ისტორია არაერთხელ ადასტურებს, რომ მდგრადი მშვიდობა ყველაზე მყარად იქ ყალიბდება, სადაც ქვეყნებს ერთმანეთთან აკავშირებს ვაჭრობა, ინფრასტრუქტურა, ინვესტიციები და საერთო ეკონომიკური წარმატება. მეზობლები როდესაც ერთად ქმნიან სიმდიდრეს, მათ შორის მშვიდობის ფასი იზრდება, ხოლო დაპირისპირების ფასი მნიშვნელოვნად მძიმდება. დადგა დრო, შეიცვალოს ხელისუფლება, რომელმაც საქართველოს ერთ-ერთი ყველაზე მნიშვნელოვანი ეროვნული პროექტი დაუსრულებელი დაპირებების, დაკარგული დროისა და გაცდენილი შესაძლებლობების სიმბოლოდ აქცია“, – აღნიშნა ირაკლი კუპრაძემ.საქართველოს ეკონომიკისა და მდგრადი განვითარების მინისტრმა, მარიამ ქვრივიშვილმა დღეს გამართულ ბრიფინგზე განაცხადა, რომ მთავრობამ მიიღო გადაწყვეტილება, ანაკლიის ნავსადგური ააშენოს „ლენდლორდის“ მოდელით, რომლის ფარგლებშიც სახელმწიფო დარჩება ძირითადი საზღვაო და საპორტო ინფრასტრუქტურის მესაკუთრედ. მისივე თქმით, ანაკლიის ნავსადგური იქნება ქართული პორტი, საერთაშორისო კომპანიები ჩაერთვებიან უშუალოდ სატერმინალო ინფრასტრუქტურის მართვაში, რასაც არავითარი კავშირი არ აქვს მფლობელობასთან. მინისტრის განმარტებით, „ლენდლორდის“ მოდელი არის ყველაზე ეროვნული მოდელი, რომელიც უზრუნველყოფს ანაკლიის პორტის უპირობო წარმატებას.

პოლიტიკა • 1783336444

ირაკლი კირცხალია: ისინი პირველი, ვისაც და რასაც ებრძვიან, არიან ავტორიტეტები იმ ქვეყნებში, რომელი ქვეყანაც სურთ, რომ დაიმორჩილონ და გახადონ თავისი მართული

ისინი პირველი, ვისაც და რასაც ებრძვიან, არიან ავტორიტეტები იმ ქვეყნებში, რომელი ქვეყანაც სურთ, რომ დაიმორჩილონ და გახადონ თავისი მართული და პროქსი სახელმწიფო და დაიმონონ ხელისუფლება და ხალხი იმ ქვეყანაში, სადაც მათ ეს სურთ, - ამის შესახებ საპარლამენტო უმრავლესობის ლიდერმა, პარლამენტის ფრაქცია „ქართული ოცნების“ თავმჯდომარემ ირაკლი კირცხალიამ ლგბტ პროპაგანდაში ქართული ეკლესიის ჩართვის მცდელობასთან დაკავშირებით ანდრია ჯაღმაიძის განცხადებაზე საუბრისას აღნიშნა.მისი თქმით, საპატრიარქოსთან მიმართებით ევრობიუროკრატების რიტორიკა არ არის გასაკვირი და ამას მტკიცებაც არ სჭირდება, ვინაიდან ანალოგიურ განცხადებებს ისინი არც პირდაპირ ეთერებში ერიდებიან."არც არის ზედმეტი მტკიცება და დასტური საჭირო, საზოგადოება ამას ხედავს პირდაპირ ეთერში და მოწოდებებიდან გამომდინარე, უტევდნენ, უტევენ და შეუტევენ, მაგრამ ეს ძალიან კონტრპროდუქტიულია მათთვის. მათი ასეთი ქმედებების შედეგად ვხედავთ შემდეგ იმ პასუხს საზოგადოების მხრიდან. საპატრიარქოც, ხელისუფლებაც, საზოგადოებაც და ჩვენი ქვეყანაც ყოველთვის იქნება თავაწეული, მოწოდების სიმაღლეზე და დაიცავს თავის ღირსებას, სარწმუნოებას და იდენტობას“, - განაცხადა ირაკლი კირცხალიამ.ლგბტ პროპაგანდაში ქართული ეკლესიის ჩართვის მცდელობასა და დახურული შეხვედრების დეტალებზე „იმედის კვირის“ ექსკლუზიურ ინტერვიუში დეკანოზმა ანდრია ჯაღმაიძემ ისაუბრა. მისი თქმით, ეკლესიას ევროპიდან ლგბტ პროპაგანდაში დახმარებას სთხოვდნენ. საქართველოში ამ მოთხოვნით, ბელგიის საგარეო საქმეთა მაშინდელი მინისტრი იყო ჩამოსული, ბრიუსელში კი შეხვედრა გაიმართა ანდიურს კუბილიუსთან და რასა იუკნევიჩეინესთან, მათ საქართველოს საპატრიარქოსგან უარი მიიღეს.

პოლიტიკა • 1783335045

ირაკლი კირცხალია დიდ ბრიტანეთში საზღვარგარეთიდან პოლიტიკური დაფინანსების მარეგულირებელი წესების გამკაცრებაზე: თურმე მათთვის შეიძლება, რომ გამჭვირვალე იყოს ყველაფერი, ჩვენთვის - არა. სწორედ ეს არის ბინძური დამოკიდებულება ჩვენს მიმართ

თურმე მათთვის შეიძლება, რომ გამჭვირვალე იყოს ყველაფერი, ჩვენთვის - არა. სწორედ ეს არის ბინძური დამოკიდებულება ჩვენს მიმართ, - ასე გამოეხმაურა საპარლამენტო უმრავლესობის ლიდერი, პარლამენტის ფრაქცია „ქართული ოცნების“ თავმჯდომარე ირაკლი კირცხალია დიდ ბრიტანეთში საზღვარგარეთიდან პოლიტიკური დაფინანსების მარეგულირებელი წესების გამკაცრებას.მისი თქმით, ამ გადაწყვეტილებებიდან ნათლად ჩანს ჩვენი ქვეყნის მიმართ უსამართლო დამოკიდებულება.„ბოლო პერიოდში ე.წ. ფლაგმანია სამწუხაროდ ბრიტანეთი, მისი ხელისუფლება, მისი დიპლომატიური მისია საქართველოში. როდესაც უსტანდარტობაზე ვსაუბრობთ, რა თქმა უნდა ნებისმიერი ქვეყანა, მათ შორის ბრიტანეთი აკეთებს ყველაფერს და ქმნის ისეთ საკანონმდებლო სივრცეს, სადაც დღევანდელი გამოწვევები უნდა იყოს პასუხგაცემული. მათთვის შეიძლება, რომ გამჭვირვალე იყოს ყველაფერი, ჩვენთვის თურმე არ შეიძლება ეს. მათთვის თურმე შეიძლება, რომ სხვადასხვა კანონი, რომელზეც ჩვენ გვაკრიტიკებენ იყოს მნიშვნელოვანი მათი ქვეყნის უსაფრთხოებისთვის და ჩვენ ქვეყანას თურმე უსაფრთხოების გამოწვევები არ აქვს. სწორედ ეს არის ბინძური დამოკიდებულება ჩვენს მიმართ, რომელსაც ნათლად ვხედავთ და ძალიან ნათელი პასუხებიც გვაქვს ამ ყველაფერთან დაკავშირებით. ეს პოზიცია ჩვენი, ხელისუფლების, ის დაკვეთა, რომელსაც ჩვენი საზოგადოება წლებია გვიკვეთავს, სწორედ ეს პოზიცია, ჩვენი პასუხები და ჩვენი ორ ფეხზე დგომა არის შემდგომ მათი განცხადებების გამწვავების მიზეზი“, - განაცხადა ირაკლი კირცხალიამ.დიდმა ბრიტანეთმა, საზღვარგარეთიდან პოლიტიკური დაფინანსების მარეგულირებელი წესები გაამკაცრა. მიზანი არის საარჩევნო პროცესზე უცხოური ფინანსური გავლენის პრევენცია. პოლიტიკურ კანდიდატებს მოეთხოვებათ კანდიდატობამდე მიღებული 2230 გირვანქა სტერლინგზე მეტი შემოწირულობის დეკლარირება და დამტკიცება, რომ ნებისმიერი წინასაარჩევნო დაფინანსება ლეგიტიმური წყაროებიდან იყო მიღებული.

პოლიტიკა • 1783335007

ირაკლი კირცხალია ლგბტ პროპაგანდაში ქართული ეკლესიის ჩართვის მცდელობასთან დაკავშირებით ანდრია ჯაღმაიძის განცხადებაზე: ისინი პირველი, ვისაც და რასაც ებრძვიან, არიან ავტორიტეტები იმ ქვეყნებში, რომელი ქვეყანაც სურთ, რომ დაიმორჩილონ და გახადონ თავისი მართული და პროქსი სახელმწიფო და დაიმონონ ხელისუფლება და ხალხი

ისინი პირველი, ვისაც და რასაც ებრძვიან, არიან ავტორიტეტები იმ ქვეყნებში, რომელი ქვეყანაც სურთ, რომ დაიმორჩილონ და გახადონ თავისი მართული და პროქსი სახელმწიფო და დაიმონონ ხელისუფლება და ხალხი იმ ქვეყანაში, სადაც მათ ეს სურთ, - აღნიშნა საპარლამენტო უმრავლესობის ლიდერმა, პარლამენტის ფრაქცია „ქართული ოცნების“ თავმჯდომარემ, ირაკლი კირცხალიამ ლგბტ პროპაგანდაში ქართული ეკლესიის ჩართვის მცდელობასთან დაკავშირებით ანდრია ჯაღმაიძის განცხადებაზე საუბრისას.მისი თქმით, საპატრიარქოსთან მიმართებით ევრობიუროკრატების რიტორიკა არ არის გასაკვირი და ამას მტკიცებაც არ სჭირდება, ვინაიდან ანალოგიურ განცხადებებს ისინი არც პირდაპირ ეთერებში ერიდებიან.„არც არის ზედმეტი მტკიცება და დასტური საჭირო, საზოგადოება ამას ხედავს პირდაპირ ეთერში და მოწოდებებიდან გამომდინარე, უტევდნენ, უტევენ და შეუტევენ, მაგრამ ეს ძალიან კონტრპროდუქტიულია მათთვის. მათი ასეთი ქმედებების შედეგად ვხედავთ შემდეგ იმ პასუხს საზოგადოების მხრიდან. საპატრიარქოც, ხელისუფლებაც, საზოგადოებაც და ჩვენი ქვეყანაც ყოველთვის იქნება თავაწეული, მოწოდების სიმაღლეზე და დაიცავს თავის ღირსებას, სარწმუნოებას და იდენტობას“, - განაცხადა ირაკლი კირცხალიამ.ლგბტ პროპაგანდაში ქართული ეკლესიის ჩართვის მცდელობასა და დახურული შეხვედრების დეტალებზე „იმედის კვირის“ ექსკლუზიურ ინტერვიუში დეკანოზმა ანდრია ჯაღმაიძემ ისაუბრა. თქვა, რომ ეკლესიას ევროპიდან ლგბტ პროპაგანდაში დახმარებას სთხოვდნენ. საქართველოში ამ მოთხოვნით, ბელგიის საგარეო საქმეთა მაშინდელი მინისტრი იყო ჩამოსული. ბრიუსელში კი შეხვედრა გაიმართა ანდიურს კუბილიუსთან და რასა იუკნევიჩეინესთან. მათ საქართველოს საპატრიარქოსგან უარი მიიღეს.

პოლიტიკა • 1783071719

ლევან მაჭავარიანი: არ მაინტერესებს, რას ამბობს ჯო უილსონი, რადგან არასერიოზულია, მიხეილ ყაველაშვილი ირანში ჩადის, ისევე, როგორც ჩვენი მეგობარი ქვეყნების ლიდერები

არ მაინტერესებს, რას ამბობს ჯო უილსონი, რადგან არასერიოზულია, ეს ადამიანი ლობიზმით ფულს აკეთებს, – ამის შესახებ საპარლამენტო უმრავლესობის წევრმა, ლევან მაჭავარიანმა განაცხადა.მისი თქმით, მიხეილ ყაველაშვილი ირანში ჩადის, ისევე, როგორც ჩვენი მეგობარი ქვეყნების, მათ შორის, სომხეთის, აზერბაიჯანის, თურქეთის ლიდერები.„სხვათა შორის ჯო უილსონი ინაუგურაციის დროს ბილეთებით და დროშებით ვაჭრობდა. ამდენად, საუბარი გვაქვს მდაბიო და არასერიოზულ ადამიანზე. ირანი რეგიონში ჩვენი მეზობელია. მიხეილ ყაველაშვილი ირანში ჩადის, ისევე, როგორც ჩვენი მეგობარი ქვეყნების, მათ შორის, სომხეთის, აზერბაიჯანის, თურქეთის ლიდერები. ყველაფერი ლოგიკურია. მიხეილ ყაველაშვილის ირანში ჩასვლაში პრობლემას ვერ ვხედავ, რადგან ფართო რეგიონის ჭრილში, მეზობლები ვართ და ირანში ჩადის ყველა მეზობელი ქვეყნის ლიდერი და არა მხოლოდ ყაველაშვილი.რაც შეეხება აშშ-თან ურთიერთობას, ეს პრიორიტეტულია და ჩვენი მხრიდან კონკრეტული ნაბიჯები იდგმება. აშშ-მა ეს ყველაფერი კარგად იცის. იციან, რომ მზად ვართ, გზამკვლევი გავწეროთ დროსა და სივრცეში, სადაც იქნება ორივე მხარის ინტერესები. ჯო უილსონი არავის აინტერესებს, ის აშშ-ის პოლიტიკურ დღის წესრიგს არ აყალიბებს“, – აღნიშნა მაჭავარიანმა.ამერიკელმა კონგრესმენმა, ჯო უილსონმა სოციალურ ქსელში დაწერა, რომ დიქტატორ ხამენეის დაკრძალვაზე მსოფლიოს სხვადასხვა ქვეყნიდან ამერიკის ყველაზე დიდი მოძულეები იკრიბებიან, „ქართული ოცნების“ ყალბი პრეზიდენტი მიხეილ ყაველაშვილი გეგმავს დასწრებას, რათა ირანსა და „ქართულ ოცნებას“ შორის უკიდურესად ანტიამერიკული პაქტი კიდევ უფრო განამტკიცოს.ამასთან, საქართველოს პრეზიდენტის ადმინისტრაციის ინფორმაციით, მიხეილ ყაველაშვილი ირანში აიათოლა ალი ხამენეის დაკრძალვას თურქეთის, აზერბაიჯანის, სომხეთისა და სხვა ქვეყნის ლიდერებთან ერთად დაესწრება.

საზოგადოება • 1783010580

ახალგაზრდობის სააგენტოს ახალი ხელმძღვანელი ჰყავს

სსიპ ახალგაზრდობის სააგენტოს უფროსად ალექსანდრე ქაჯაია დაინიშნა.ახალი ხელმძღვანელი უწყების თანამშრომლებს საქართველოს განათლების, მეცნიერებისა და ახალგაზრდობის მინისტრმა გივი მიქანაძემ წარუდგინა.მინისტრმა ალექსანდრე ქაჯაიას თანამდებობაზე დანიშვნა მიულოცა და მას მომავალ საქმიანობაში წარმატებები უსურვა.ალექსანდრე ქაჯაია ახალ პოზიციაზე დანიშვნამდე, სხვადასხვა საჯარო სამსახურში წამყვან პოზიციებს იკავებდა. ის ასევე გახლდათ საქართველოს პარლამენტში ფრაქცია „ქართული ოცნების” წარმომადგენელი.

პოლიტიკა • 1783000980

გიორგი კახიანი ევრობიუროკრატებზე: სჭირდებათ, რომ საქართველოში ჰყავდეთ ის ხელისუფალი, რომელიც მათი მხრიდან მართული იქნება და საჭიროების შემთხვევაში მიაღებინებენ ისეთ გადაწყვეტილებებს, რომელიც მათ სურთ. ასეთი „ქართული ოცნების“ ხელისუფლება არ არის. „ქართული ოცნების“ ხელისუფლება არის ის ხელისუფლება, რომელიც მოსახლეობის და ქვეყნის ინტერესებიდან გამოდის

„შუა დერეფნის“ განვითარება ყველა ლოგიკით არის ევროკავშირის სახელმწიფოების ინტერესშიც თუმცა როდესაც ჩვენ მიმართ კრიტიკა ისმის, რომ ჩვენ ამ მიმართულებით კავშირებს ვაძლიერებთ, ამას ერთადერთი პოლიტიკური ქვეტექსტი შეიძლება ჰქონდეს. მიზეზი არის ის, რომ მათ სურთ საქართველოში ჰყავდეთ ის ხელისუფლება, რომელიც მათი მხრიდან იქნება მართული“, - განაცხადა „დღის ქრონიკასთან“ საქართველოს პარლამენტის თავმჯდომარის მოადგილემ გიორგი კახიანმა ევრობიუროკრატების მხრიდან საქართველოს კრიტიკაზე, რომელიც ცენტრალური აზიის ქვეყნებთან ეკონომიკური თანამშრომლობის გაღრმავებას უკავშირდება.მისი თქმით, „ქართული ოცნების“ ხელისუფლებას ისინი ვერ მართავენ, ამიტომ მათ სჭირდებათ ქვეყნის სათავეში ის ადამიანები, ვინც უპირობოდ შეასრულებენ ყველა მითითებას.„რა თქმა უნდა, ერთი მხრივ ამ დერეფნის განვითარება მათი ინტერესია, მაგრამ იმავდროულად სჭირდებათ, რომ საქართველოში ჰყავდეთ ის ხელისუფალი, რომელიც მათი მხრიდან მართული იქნება და საჭიროების შემთხვევაში მიაღებინებენ ისეთ გადაწყვეტილებებს, რომელიც მათ სურთ. მაგალითად, თავის დროზე, როდესაც გარკვეული გადაწყვეტილებების და მოქმედებების განხორციელებას გვთხოვდნენ, ჩვენ ჩავთვალეთ, რომ ეს ჩვენი ქვეყნის ინტერესებში არ შედიოდა და უფრო მეტიც, ძალიან მძიმე შედეგების მომტანი იყო, ჩვენ ამაზე უარი ვთქვით. ამიტომ სჭირდებათ ხელისუფლება, რომელიც მათ სურვილებს საჭიროების შემთხვევაში შეასრულებს. ასეთი „ქართული ოცნების“ ხელისუფლება არ არის. „ქართული ოცნების“ ხელისუფლება არის ის ხელისუფლება, რომელიც მოსახლეობის და ქვეყნის ინტერესებიდან გამოდის“, - განაცხადა გიორგი კახიანმა.

პოლიტიკა • 1782992132

ევროპარლამენტი საქართველოსა და თურქეთს დემოკრატიული უკუსვლის გამო აკრიტიკებს - საქართველოს შესახებ უარყოფითი ანგარიში რასა იუკნევიჩიენეს, თურქეთის შესახებ კი ნაჩო სანჩეს ამორის განცხადებებს ეფუძნება

საქართველო და თურქეთი: ევროკავშირში გაწევრიანების პროგრესი რეფორმების გარეშე არ იქნება, - ამის შესახებ ევროპარლამენტის ოფიციალურ ვებგვერდზე ვკითხულობთ.ევროპარლამენტის წევრები ორივე ქვეყანაში დემოკრატიულ უკუსვლაზე საუბრობენ და რეფორმების გატარებისა და ევროკავშირის მხრიდან უფრო ძლიერი რეაგირების საჭიროებაზე მიუთითებენ.ევროპარლამენტის მიერ გავრცელებული ინფორმაციის თანახმად, საქართველოსთან ევროკავშირის შემდგომი თანამშრომლობა უნდა იყოს დამოკიდებული იმაზე, შეცვლის თუ არა ხელისუფლება თავის ანტიევროპულ კურსს."საქართველოში დემოკრატიული უკუქცევის სერიოზული გაგრძელების გათვალისწინებით, ევროპარლამენტარები სინანულს გამოთქვამენ, რომ მმართველმა პარტიამ „ქართულმა ოცნებამ“ არანაირი ნაბიჯი არ გადადგა ნეგატიური ტენდენციების შესაჩერებლად. ანგარიშში ხაზგასმულია, რომ ევროკავშირისა და წევრი სახელმწიფოების ჩართულობა საქართველოს ხელისუფლებასთან მკაცრად უნდა იყოს დამოკიდებული იმაზე, გადადგამს თუ არა ხელისუფლება დემოკრატიული უკუქცევის, შეზღუდვებისა და რუსული სტილის სასტიკი ევროკავშირის საწინააღმდეგო დეზინფორმაციის კურსის შესაჩერებლად ხელშესახებ და კონკრეტულ ნაბიჯებს. ოთხშაბათს 436 ხმით მომხრე, 145 წინააღმდეგი და 47-ისგან თავის შეკავებით მიღებული რეზოლუცია სრულ სოლიდარობას გამოხატავს ქართველი ხალხის მიმართ, რომლებიც დემოკრატიული უკუქცევის ფონზე აგრძელებენ ბრძოლას ევროპული და დემოკრატიული საქართველოსთვის. თუმცა, ანგარიშში შენარჩუნებულია პარლამენტის წინა პოზიცია საქართველოს პარლამენტისა და მის მიერ დანიშნული პრეზიდენტის ლეგიტიმურობის არაღიარებასთან დაკავშირებით," - ნათქვამია ევროპარლამენტის მიერ გავრცელებულ ინფორმაციაში, რომელსაც საქართველოს საკითხზე მომხსენებლის, ევროდეპუტატ რასა იუკნევიჩიენეს ციტატა ერთვის თან.იუკნევიჩიენეს თქმით, საქართველოს ხელისუფლების წარმომადგენლებზე, ევროკავშირის მასშტაბით კოორდინირებული სანქციები მთელი ევროკავშირის მასშტაბით უნდა დაწესდეს.„ქართული ოცნების რეჟიმი აგრძელებს დემოკრატიული ინსტიტუტების დაშლას, დამოუკიდებელი მედიის გაჩუმებას და რეგიონში ერთ-ერთი ყველაზე დიდი რაოდენობით პოლიტიკური პატიმრების რიცხვს ინარჩუნებს, მათ შორისაა სახაროვის პრემიის ლაურეატი მზია ამაღლობელი. ეს მიუღებელია ევროკავშირის კანდიდატი ქვეყნისთვის. ახლა ჩვენ უნდა გადავიდეთ ევროკავშირის მასშტაბით კოორდინირებული სანქციების დაწესებაზე იმ პირების წინააღმდეგ, რომლებიც პასუხისმგებელნი არიან რეპრესიებსა და სახელმწიფოს ხელში ჩაგდებაზე“, - განაცხადა მომხსენებელმა რასა იუკნევიჩიენემ.გავრცელებულ ინფორმაციაში საუბარია თურქეთის შესახებაც და აღნიშნულია, რომ ქვეყნის გაწევრიანების პროცესი ჩიხშია, თუმცა თურქეთი ევროკავშირისთვის სტრატეგიულად მნიშვნელოვან საკითხად რჩება.ევროპარლამენტის ინფორმაციით, მიუხედავად იმისა, რომ ევროკავშირის გაფართოების პოლიტიკა ამჟამად ახალ იმპულსს იძენს, ევროპარლამენტის წევრების შეფასებით, თურქეთი ამ შესაძლებლობის ფანჯარას ხელიდან უშვებს დემოკრატიული რეფორმების არარსებობის გამო. მიღებულ რეზოლუციაში ნათქვამია, რომ მიუხედავად თურქეთის მთავრობის არაერთგზის განცხადებებისა, რომლებიც ევროკავშირში გაწევრიანების ერთგულებას ადასტურებს, გაწევრიანების პროცესისთვის დამაბრკოლებელი ძირითადი პრობლემები კვლავ მოუგვარებელია.ევროპარლამენტის წევრები თურქეთის მთავრობას მოუწოდებენ, აღმოფხვრას ხანგრძლივი ხარვეზები სამართლის უზენაესობის, ადამიანის უფლებების, დემოკრატიული სტანდარტების, პრესის თავისუფლებისა და სხვა ფუნდამენტური თავისუფლებების სფეროებში, ასევე პატივი სცეს კეთილმეზობლურ ურთიერთობებსა და საერთაშორისო სამართალს.მომხსენებელმა სანჩო სანჩეს ამორმა განაცხადა: „თურქეთი სწრაფად მიიწევს სრულად ავტორიტარული მმართველობის მოდელისკენ. მთავარი ოპოზიციური პარტიის და მისი ლეგიტიმური ხელმძღვანელობის წინააღმდეგ მიმართული ბოლო საქმე დემოკრატიული პლურალიზმისა და სამართლის უზენაესობის უფრო ფართო ეროზიის კიდევ ერთი მაგალითია. ეს ასევე წარმოაჩენს სასამართლო სისტემის როლს, რომელიც პოლიტიკური მიზნებისთვის გამოიყენება.ასეთი მძიმე ვითარების ფონზე, ღრმა შეშფოთებას იწვევს ევროკომისიის, ევროკავშირის საგარეო ქმედებათა სამსახურის და წევრი სახელმწიფოების სუსტი რეაქცია. ისინი კვლავ თვალს ხუჭავენ თურქეთში დემოკრატიის დემონტაჟზე.ეს დუმილი აზიანებს ევროკავშირის იმიჯსა და სანდოობას, ასევე კიდევ უფრო აშორებს ევროკავშირს თურქული საზოგადოების იმ ნაწილს, რომელიც ყველაზე მეტად პროევროპული და პროდემოკრატიულია. ამ შედეგების გამოსწორებას შესაძლოა წლები დასჭირდეს.“

პოლიტიკა • 1782991285

დავით მათიკაშვილი: აგენტურას არაფერი ესაქმება ქვეყნის მართვაში, ის პოლიტიკური განაჩენი, რომელიც მათთვის საზოგადოებას აქვს გამოტანილი, არის ჭეშმარიტი და ასეც გაგრძელდება

ხელგამოწვდილი და მათხოვრად ქცეული „ნაციონალური მოძრაობა“, ეს ის ბედ-იღბალია, რომელიც საკუთარი დესტრუქციითა და ანტიეროვნული, სამშობლოსადმი მტრულად განწყობილი ქმედებებით გამოიწვია ამ აგენტურის ჯგუფმა, – ამის შესახებ „ქართული ოცნების“ წევრმა, დავით მათიკაშვილმა განაცხადა.დეპუტატის თქმით, აგენტურული ოპოზიცია ერთმანეთში ვერ ლაგდება.​„წარმოგიდგენიათ, რაიმე ფორმითა და მექანიზმით მათ ხელში ხელისუფლება რომ ჩაეგდოთ ამ ქვეყანას რა დღეში ჩააგდებდნენ? როგორ აქვთ ერთმანეთისადმი განწყობა, სად არის ის პარტიული ხაზი, რომელიც პარტიას ლაიტმოტივად შეიძლება, გასდევდეს. როგორ იცვლებიან ისედაც გაცვეთილი სახეები ბელადის ერთი გადაწყვეტილებით. ამ ყველაფერს საზოგადოება შეაფასებს. აგენტურას არანაირი ადგილი არ აქვს და არ ესაქმება ქვეყნის მართვაში. მათთვის ის პოლიტიკური განაჩენი, რომელიც საზოგადოების მიერ არის გამოტანილი, არის უტყუარი და ჭეშმარიტი და ეს ასეც გაგრძელდება. დაველოდოთ საკონსტიტუციო სასამართლოს გადაწყვეტილებას. სასამართლოდან გამომდინარე სხვა გადაწყვეტილებაც იქნება. დიდი იმედი გვაქვს, რომ ის, როგორც პოლიტიკურ ერთეულს, ამ რადიკალურ აგენტურულ ოპოზიციას გააქრობს პოლიტიკური ველიდან. რაც შეეხება ალიანსს, იქაც მსგავსი, ანალოგიური ვითარებაა. კოლექტიური „ნაცმოძრაობის“ მეორე დანაყოფია, ისევ გაცვეთილი პოლიტიკური სახეებით. ადამიანები, ვისთვისაც სამშობლო არაფერს წარმოადგენს, საკუთარ ამბიციებში იხრჩობიან და ამ დიდ ორომტრიალში, ჭაობში ითრევენ ყველა იმ ადამიანს, ვინც რაიმე ფორმით არის ამ აგენტურულ ოპოზიციასთან დაკავშირებული პოლიტიკურად. საზოგადოების მიერ მათთვისაც უკვე გამოტანილია განაჩენი“, – განაცხადა მათიკაშვილმა.

პოლიტიკა • 1782935785

VIDEO: „ოპოზიციას აქვს ერთი მიზანი, ეროვნული, ქართველ ხალხზე ორიენტირებული ხელისუფლების შეცვლა...“ - აკაკი ალადაშვილი

„ოპოზიციას აქვს ერთი მიზანი, ეროვნული, ქართველ ხალხზე ორიენტირებული ხელისუფლების შეცვლა...“, - ამის შესახებ საქართველოს პარლამენტის წევრმა, „ქართული ოცნების“ დეპუტატმა აკაკი ალადაშვილმა გადაცემაში „ვახო ხუზმიაშვილის თავისუფალი სივრცე“ განაცხადა.ვრცლად, ნახეთ ვიდეო:

პოლიტიკა • 1782930603

ლიზა გეგეჭკორი „ქართული ოცნების“ ახალგაზრდული ორგანიზაციის კონფერენციის მონაწილეზე: გულდასაწყვეტია ასეთი ჩასაფრებული და მავნებლური დამოკიდებულებები, განსაკუთრებით მათ მიმართ, ვისაც გამოცდილება აქვს შესაძენი

ტელეწამყვანი ლიზა გეგეჭკორი, „ქართული ოცნების“ ახალგაზრდული ორგანიზაციის კონფერენციის მონაწილის, ლუკა წიკლაურის განცხადებას ეხმიანება, რომელმაც „რადიო თავისუფლებას“ პროპაგანდისტული ვიდეოს გამოქვეყნებასა და ახალგაზრდული ორგანიზაციის მონაწილეების დისკრედიტაციის მცდელობაში დასდო ბრალი. ტელეწამყვანი ლიზა გეგეჭკორი, „ქართული ოცნების“ ახალგაზრდული ორგანიზაციის კონფერენციის მონაწილის, ლუკა წიკლაურის განცხადებას ეხმიანება, რომელმაც „რადიო თავისუფლებას“ პროპაგანდისტული ვიდეოს გამოქვეყნებასა და ახალგაზრდული ორგანიზაციის მონაწილეების დისკრედიტაციის მცდელობაში დასდო ბრალი.გეგეჭკორის შეფასებით, გულდასაწყვეტია ასეთი ჩასაფრებული და მავნებლური დამოკიდებულებები, განსაკუთრებით მათ მიმართ, ვისაც მედიასთან ურთიერთობის გამოცდილება არ აქვს.„გულდასაწყვეტია ასეთი ჩასაფრებული და მავნებლური დამოკიდებულებები, განსაკუთრებით მათ მიმართ, ვისაც გამოცდილება აქვს შესაძენი, განსაკუთრებით მსგავს არარაობებთან ურთიერთობის გამოცდილება... ლუკა, ყური არ უგდო და გულთან ახლოს არ გაიკარო... სწორ გზაზე დგომას ნიშნავს ეს ყველაფერი რა ხანია,“ - წერს ლიზა გეგეჭკორი Facebook-ზე.