სააკაშვილი

ზურაბ ქადაგიძე: არსებობს რაღაც პოლიტკონიუქტურა, რომელსაც „გლობალური ომის პარტიას“ ვეძახით და თუ მათ მოერგები, ჩათვალე, რომ კაცის მკვლელობასაც, ადამიანის უფლებების შელახვასაც, კერძო საკუთრების ხელყოფასაც და ბიზნესის რეკეტსაც ყველა „გაგიპრავებს“

პარტია „ხალხის ძალის“ წევრი, დეპუტატი ზურაბ ქადაგიძე დანიაში განვითარებულ მოვლენებს ეხმიანება და აცხადებს, რომ დასავლეთის ქვეყნებში საპროტესტო აქციების დაშლის პრაქტიკა საქართველოს შემთხვევისგან განსხვავდება და ეს არის მაგალითი იმისა თუ რა არის დანაშაული და არა რაიმეს აღკვეთა. ამის მაგალითად კი დანიას, აშშ-სა და საფრანგეთს ასახელებს.„ნებისმიერი აქცია-მანიფესტაცია, რომელიც ანტისახელმწიფოებრივ ქმედებებში გადაიზრდება, სამართალდამცველების მხრიდან აბსოლუტური ძალის გამოყენებას იწვევს,“ -აცხადებს დეპუტატი და განმარტავს, რომ საქართველოში წარსულში თავადაც გამხდარა აქციის ძალადობრივი დაშლის მსხვერპლი და აღნიშნავს, რომ 2012 წლამდე საქართველოს ხელისუფლების ქმედებები დასავლეთის მხრიდან კრიტიკის საგანი მხოლოდ მოგვიანებით გახდა.“დანიის მაგალითი შეიძლება ითქვას, ამ მოცემულ მომენტში გამოგვადგება საილუსტრაციოდ, რათა რეალურად დავანახოთ საზოგადოებას და ვაჩვენოთ განსხვავება - რა არის რაიმეს აღკვეთა და რა არის დანაშაული, თუნდაც პოტენციური. რეალურად, ჩვენ არამხოლოდ დანიის, არამედ ამერიკაში მიმდინარე სტუდენტური აქციების დარბევებიც გვაქვს მაგალითად, ასევე საფრანგეთში „ყვითელ-ჟილეტიანების“ აქციები და ა.შ. ეს ქმედებები ყოველთვის იყო კამპანიური ხასიათის ხელისუფლებების მხრიდან. მეთოდებზე როდესაც ვსაუბრობთ, ძალიან მკაფიოდ არის გაწერილი მთელ მსოფლიოში, რომ ნებისმიერი პროტესტი, ნებისმიერ აქცია-მანიფესტაციაზე, რომელიც ანტისახელმწიფოებრივ ქმედებებში გადაიზრდება, სამართალდამცველი აბსოლუტურ ძალას იყენებს. ბრიუსელში, ამერიკაში ასეთი მეთოდებით პროტესტის აღკვეთა დემოკრატიის გამოვლინებად ითვლებოდა. დანიის მაგალითზე მახსენდება 15 ივნისი, როდესაც დაახლოებით 100 ახალგაზრდა, ყველა წესის დაცვით, ვკითხულობდით განცხადებას. სრული პასუხისმგებლობით ვამბობ - ამ საკითხთან დაკავშირებით არსებობს ქართული სასამართლოს დასკვნაც, ევროპამაც შეაფასა და დაზარალებულებად ვართ ცნობილი - თავს დაგვესხა პოლიცია. მხოლოდ მე ვკითხულობდი წერილს. სამართლებრივად ასე გვქონდა გაწერილი, არავინ ხმას არ იღებდა, არანაირი მოწოდებები არ იყო. ვიდექით ახალგაზრდები და მხოლოდ მე ვკითხულობდი წერილს, სადაც ეწერა: „ნუ დაგვდევთ სახლებთან, თუ დამნაშავეები ვართ, აქ ვდგავართ ახლა და მობრძანდით, გვითხარით, რომ ბრალი გვედება და ჩვენ თვითონ გამოგყვებით“. ამ ტექსტის წაკითხვაც არ დამამთავრებინეს, ვანო მერაბიშვილის პერიოდი იყო, და აბსოლუტური შტურმი მოგვიწყეს. ალყაში მოგვაქციეს და საშინელებები ჩაიდინეს. ისეთი ფაქტები მოხდა, რომ ადგილობრივ ტელევიზიებსა და ინტერნეტმედიებს კამერებიც კი წაართვეს. ეს იყო მაშინ ევროპული სტანდარტი. შემდეგ ქალბატონი ზღულაძე გამოვიდა და პირდაპირ თქვა აბსურდი, რაღაც ყურით მოთრეული მიზეზი მოიგონა, თითქოს ამის გამო გაგვისწორდნენ ასე. საბედნიეროდ, რამდენიმე კადრი შემორჩა და ამის საფუძველზე ევროპამ ძალიან მკაცრად შეაფასა ეს ფაქტი. მათ მაშინდელ ხელისუფლებასთან კომუნიკაციაც ჰქონდათ, თუმცა ხელისუფლებამ ამას ყურადღება არ მიაქცია და მხოლოდ 2013 წლის შემდეგ გვაღიარეს მსხვერპლად. ეს იყო მაშინ ევროპული სტანდარტი. ასე ამართლებდა ამ ფაქტს მიხეილ სააკაშვილი და მისი მეგობარი ელჩები, რომლებიც დღეს თურმე აღშფოთებულები არიან, როდესაც სახელმწიფო ლეგიტიმურ უფლებას იყენებს, ახლა ეს არადემოკრატიულია. მაშინ არც ერთის ხმა არ გაგვიგია და ასეა ახლა დანიაშიც. ამიტომ ვამბობ, არსებობს რაღაც ჩარჩო ხელშეკრულებასავით, კულისებში დაწერილი რეკომენდაციები და პოლიტკონიუქტურა, რომელსაც თუ მოერგები, ჩათვალე, რომ კაცის მკვლელობასაც, ადამიანის უფლებების შელახვასაც, კერძო საკუთრების ხელყოფასაც და ბიზნესის რეკეტსაც ყველა „გაგიპრავებს“ - ოღონდ იმ პირობით, რომ იმ პოლიტკონიუქტურაზე უნდა იყო დამოკიდებული, რასაც ჩვენ „დიფ სთეითს“ და „გლობალური ომის პარტიას“ ვეძახით, საიდანაც იმართებიან ის მარიონეტები, რომელთა ერთი ფილიალიც 26 მაისს აქციის ჩატარებას გეგმავს,”-განაცხადა ზურაბ ქადაგიძემ.

პოლიტიკა • 1779372900

დავით მათიკაშვილი: ჩვენ ისეთ სამყაროში ვცხოვრობთ, სადაც დღენიადაგ არის მცდელობა, აღქმების საფუძველზე ჩამოაყალიბონ კონკრეტული შეხედულება მოვლენებისა თუ ქვეყნების მიმართ - რეალურ ფაქტებს არანაირი მნიშვნელობა არ აქვს

ჩვენ ისეთ სამყაროში ვცხოვრობთ, სადაც დღენიადაგ არის მცდელობა, აღქმების საფუძველზე ჩამოაყალიბონ კონკრეტული შეხედულება მოვლენებისა თუ ქვეყნების მიმართ და რეალურ ფაქტებს, რომელიც მტკიცებულებებით მყარდება, არანაირი მნიშვნელობა არ აქვს, - განაცხადა პარლამენტის საპროცედურო საკითხთა და წესების კომიტეტის თავმჯდომარემ დავით მათიკაშვილმა „დღის ქრონიკაში“ საქართველოს მისამართით გამოტანილ ევრორეზოლუციებზე საუბრისას.მისივე თქმით, მთავარია, საზოგადოებაში აღქმა შეიქმნას, რეალურ ფაქტებს კი მნიშვნელობა არ აქვს. მან აღნიშნულის მაგალითად პატიმარ მიხეილ სააკაშვილთან დაკავშირებული ე.წ. წამებისა და არაადამინურ მოპყრობასთან დაკავშირებით კამპანია გაიხსენა.„კონკრეტულად ერთ-ერთ ქვეყანას ვგულისხმობ - ახლა კი ცდილობენ ისევ მეგობრულ მოცემულობაში გადმოიტანონ ურთიერთობა, მაგრამ გამობრძანებული იყო ამ ქვეყნის პრეზიდენტი და ხელში ეჭირა სააკაშვილის სურათი და თურმე ქართული მართლმსაჯულება როგორ აწამებს ყოფილ პრეზიდენტს“, - აღნიშნა მათიკაშვილმა.მისივე თქმით, შემდეგ სტრასბურგის სასამართლო გადაწყვეტილებითაც გაირკვა, რომ არავინ არავის აწამებდა.„მთავარი იყო, იმის აღქმა გაჩენილიყო, მესიჯი გახმოვანებულიყო და სად თუ არა ევროპარლამენტის რეზოლუციაში, რომელსაც შემდგომ უკვე დღენიადაგ გაიმეორებდნენ და არგუმენტად გამოიყენებდა სხვადასხვა ძალა, როდესაც ეს დასჭირდებოდა“, - განაცხადა მათიკაშვილმა.ანალოგიურ მაგალითად მან დაასახელა ასევე ე.წ. მოსკოვის მექანიზმი, რომლის 100 გვერდზე მეტი მოცულობის დოკუმენტი ექსპერტმა დღე-ნახევარში „მოამზადა“.

პოლიტიკა • 1779362220

რატი იონათამიშვილი: 26 მაისი იქნება ძალიან მტკივნეული და მწარე მარცხი მთლიანად რადიკალური ჯგუფებისა და პროცესებისთვის. 26 მაისი ყველას თანაბრად ეტკინება, ვინც საქართველოს წინააღმდეგ წავა

რაც უფრო მოახლოვდება 26 მაისი, მით უფრო გაიზრდება დაპირისპირება რადიკალურ ჯგუფებში, ვინაიდან მათ ძალიან კარგად იციან, რომ მზაკვრულმა გეგმებმა მორიგ ჯერზე სრული კრახი განიცადა და ახლა სწორედ ამის ლუსტრაციას და აღიარებას ვხედავთ, - განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა.მისივე თქმით, ამ ჯგუფების გეგმა ყველაფრის ფასად გაანადგურონ ქვეყანა, კვლავ ძალაშია, მაგრამ ამ გეგმებს განხორციელება არ უწერია.„26 მაისი იქნება ძალიან მტკივნეული და მწარე მარცხი მთლიანად რადიკალური ჯგუფებისა და პროცესებისთვის. რა თქმა უნდა, აგენტურულ ხაზში სააკაშვილი დგას პირველ ხაზში. ის არის ყველაზე დიდი აგენტი. ჩვენმა საზოგადოებამ ესეც ძალიან კარგად იცის, ამიტომ ამას აღარ აქვს მნიშვნელობა, თუ ვინ რომელ საფეხურზე დგას ამ აგენტურულ იერარქიაში - 26 მაისი ყველას თანაბრად ეტკინება, ვინც საქართველოს წინააღმდეგ წავა“, - აცხადებს იონათამიშვილი.

პოლიტიკა • 1779357547

შუაშისტური მდგომარეობა არ არსებობს, არ არსებობს ნახევრად ბანძი, ძლიერი... საჭიროა ბოლომდე ბრძოლა - მიხეილ სააკაშვილი

საქართველოს ყოფილმა პრეზიდენტმა, მიხეილ სააკაშვილი სასამართლო პროცესზე ოპოზიციის ნაწილის რიტორიკა გააკრიტიკა და განაცხადა, რომ „შუაშისტური მდგომარეობა არ არსებობს“.სააკაშვილის თქმით, ქვეყანაში მიმდინარე პროცესები „ძალაუფლების სპექტაკლია“, რომელსაც, მისი შეფასებით, ხელისუფლება ოპონენტების დასაშინებლად იყენებს.„ოპოზიციის რიტორიკა აცდენილია ლოგიკას. შუაშისტური მდგომარეობა არ არსებობს, არ არსებობს ნახევრად ბანძი, ძლიერი,“ — განაცხადა მიხეილ სააკაშვილმა.ყოფილმა პრეზიდენტმა ასევე ისაუბრა ლევან ხაბეიშვილი-ს საქმეზე და აღნიშნა, რომ მის მიმართ გამამტყუნებელი გადაწყვეტილების მოლოდინი აქვს.სააკაშვილის განცხადებით, „ბრძოლა ბოლომდე უნდა იქნას მიყვანილი“ და ოპოზიციას მეტი აქტიურობისკენ მოუწოდა.ამასთან, მან მხარდაჭერა გამოუცხადა 26 მაისისთვის დაგეგმილ აქციას და მოქალაქეებს ერთიანობისკენ მოუწოდა.„ერთმანეთს უნდა დავანახოთ, რომ ბევრნი ვართ. შევიკრიბეთ, დავიშალეთ და მერე ველოდოთ შემდეგ შეკრებას — ასე არ გამოვა,“ — აღნიშნა სააკაშვილმა.სასამართლო პრცოესიდან სააკაშვილის მიმართვას პირველი არხი ავრცელებს

პოლიტიკა • 1779340075

ICG: 2024 წლის საპარლამენტო არჩევნების წინ ევროპელმა და ამერიკელმა ოფიციალურმა პირებმა ისეთი განცხადებები გააკეთეს, რომლებითაც ამომრჩევლებს ურჩევდნენ, "ქართული ოცნება" აღარ აერჩიათ, რითაც დაარღვიეს პოლიტიკური ფავორიტების არდასახელების პრაქტიკა

პარტია ,,ქართული ოცნების" ლიდერები, განსაკუთრებით მისი დამფუძნებელი ბიძინა ივანიშვილი, დიდი ხანია უკმაყოფილებას გამოხატავენ დასავლეთის დედაქალაქებში ოპოზიციონერი პოლიტიკოსებისადმი მხარდაჭერის გამო, რომლებიც ყოფილი პრეზიდენტის მიხეილ სააკაშვილის პოლიტიკური მემკვიდრეები არიან. ისინი ფიქრობენ, რომ სწორედ ამ ძალებმა უბიძგეს აშშ-სა და ევროკავშირს "ქართული ოცნების" მიმართ უფრო აგრესიული პოლიტიკისკენ, პარტიის "პრორუსულად" წარმოჩენით, - ნათქვამია დამოუკიდებელი ორგანიზაციის, International Crisis Group (ICG)-ის მიერ გამოქვეყნებულ მიმოხილვაში."2024 წლის ოქტომბრის საპარლამენტო არჩევნებმა დაძაბულობა კიდევ უფრო გაამწვავა. არჩევნების წინ ევროპელმა და ამერიკელმა ოფიციალურმა პირებმა ისეთი განცხადებები გააკეთეს, რომლებიც ფაქტობრივად ქართველ ამომრჩევლებს ურჩევდა, "ქართული ოცნება" აღარ აერჩიათ, რითაც დაარღვიეს საქართველოში პოლიტიკური ფავორიტების არდასახელების ხანგრძლივი პრაქტიკა. ევროკავშირის ოფიციალურმა პირებმა ასევე დაიწყეს საუბარი საქართველოს მოქალაქეებისთვის ევროკავშირთან უვიზო რეჟიმის შესაძლო შეჩერებაზე.საბოლოოდ, "ქართულმა ოცნებამ" არჩევნები თექვსმეტქულიანი უპირატესობით მოიგო. მიუხედავად იმისა, რომ დამკვირვებლები აცხადებდნენ, ამ არჩევნებში უფრო მეტი დარღვევა დაფიქსირდა, ვიდრე წინა არჩევნებზე, ევროკავშირის წარმომადგენლებმა აღიარეს, რომ ვერ ამტკიცებდნენ, თითქოს უფრო გამჭვირვალე არჩევნები განსხვავებულ შედეგს მოიტანდა", - აღნიშნულია მიმოხილვაში.ამასთან, ხაზგასმულია, რომ ნებისმიერ შემთხვევაში, ოპოზიციამ და კრიტიკულად განწყობილმა არასამთავრობო ორგანიზაციებმა ევროპელ და ამერიკელ პოლიტიკოსებს მოუწოდეს, "ქართული ოცნება" ლეგიტიმურ ხელისუფლებად არ ეცნოთ, საარჩევნო წესების დარღვევებზე მითითებით."რიტორიკის მიუხედავად, პრაქტიკულ დონეზე საქართველოს საგარეო პოლიტიკა ძირითადად უცვლელი რჩება. შიდა პოლიტიკური დაპირისპირების მასშტაბის მიუხედავად, საქართველოს დღემდე არ აქვს ოფიციალური კონტაქტი რუსეთთან; ხელისუფლება აცხადებს, რომ მოსკოვთან ურთიერთობების აღდგენას ვერ შეძლებს, სანამ რუსეთი არ დაასრულებს, მათი სიტყვებით, აფხაზეთისა და სამხრეთ ოსეთის "ოკუპაციას".საქართველოს ოფიციალური პირების სამუშაო დონეზე თანამშრომლობა ევროკავშირის, ნატოსა და აშშ-ის წარმომადგენლებთან, არსებული ცნობებით, კვლავ კარგ მდგომარეობაშია, მიუხედავად იმისა, რომ მაღალი დონის კონტაქტები შეჩერებულია. ასევე შეუფერხებლად გრძელდება ევროკავშირის სადამკვირვებლო მისიის (EUMM) საქმიანობა აფხაზეთისა და სამხრეთ ოსეთის დე ფაქტო საზღვრებთან", - წერს ICG.

პოლიტიკა • 1779308684

პრემიერი: ხალხის დახოცვა „გაუპრავეს“ სააკაშვილის რეჟიმს 2011 წლის 26 მაისს, მწვანე შუქი აუნთეს, სწორედ, ამ ე.წ. დემოკრატებმა, ბრიტანელებმა, გერმანელებმა და სხვებმა, შესაბამისად, მათთვის სრულიად ორგანული და მისაღებია ის, რაც მოხდა დანიაში

მწვანე შუქი იყო თავიდან ბოლომდე ანთებული იმის მიმართ, რაც მოხდა 2007 წელს ტელეკომპანია იმედში. მწვანე შუქი ე.წ. დემოკრატიული ქვეყნების მხრიდან. იქ იყო ბრიტანეთიც, გერმანიაც, სხვებიც. მაშინ გახსოვთ ვინმე დასანქცირებული, ან ვინმეს მიმართ რაიმე უხეში განცხადება გაკეთებული?, - განაცხადა საქართველოს პრემიერ-მინისტრმა ირაკლი კობახიძემ „იმედი LIVE“-ის ეთერში დანიაში განვითარებულ მოვლენებთან დაკავშირებით საუბრისას.მთავრობის მეთაურმა აღნიშნა, რომ ორმაგი სტანდარტები იმდენად თვალსაჩინო გახდა, რომ ქართულ საზოგადოებას შეცდომაში ვეღარ შეიყვანენ.„მწვანე შუქი იყო თავიდან ბოლომდე ანთებული იმის მიმართ, რაც მოხდა 2007 წელს ტელეკომპანია იმედში. მწვანე შუქი ე.წ. დემოკრატიული ქვეყნების მხრიდან. იქ იყო ბრიტანეთიც, გერმანიაც, სხვებიც. მაშინ გახსოვთ ვინმე დასანქცირებული, ან ვინმეს მიმართ რაიმე უხეში განცხადება გაკეთებული? - ესეც ხომ „გაუპრავეს“ და ამის შემდეგ „გაუპრავეს“ საპრეზიდენტო არჩევნები იმ კაცს, რომელმაც სისხლიანი რეჟიმი დაამყარა საქართველოში და ახლა ეს ადამიანები ჩვენ გველაპარაკებიან დემოკრატიაზე. რა თქმა უნდა, მათთვის აბსოლუტურად მისაღებია ის, რაც ხდება დანიაში, იმიტომ რომ მანამდე მათთვის აბსოლუტურად მისაღები იყო ის, რაც მოხდა 26 მაისს, საქართველოში, როდესაც ხალხი დახოცეს პირდაპირ. ხალხის დახოცვა „გაუპრავეს“ სააკაშვილის რეჟიმს 2011 წლის 26 მაისს, როდესაც შემდეგ გახსოვთ, ცხედრები განათავსეს ჯიხურების თავზე, რომ დენით დაღუპვის იმიტაცია მოეწყოთ და ეს „გაუპრავეს“, ამაზე მწვანე შუქი აუნთეს, სწორედ, ამ ე.წ. დემოკრატებმა, ბრიტანელებმა, გერმანელებმა და სხვებმა. ამიტომ მათთვის სრულიად ორგანული და მისაღებია ის, რაც მოხდა დანიაში, იმიტომ რომ მანამდე ამას "აპრავებდნენ" თბილისში, "აპრავებდნენ" სხვა ქვეყნებში, სადაც მათთვის მისაღები იყო დიქტატორული რეჟიმები, სისხლიანი ავტორიტარული რეჟიმები. ეს ორმაგი სტანდარტები იმდენად თვალსაჩინო გახდა უკვე, მთელი მსოფლიოს მასშტაბით იმდენი მაგალითი იხილა უკვე საზოგადოებამ, რომ არ მგონია, შეცდომაში ქართული საზოგადოების შეყვანა კიდევ იყოს შესაძლებელი“, - აღნიშნა პრემიერმა.

პოლიტიკა • 1779282193

არ მგონია, რომ რომელიმე პარტიის შეხვედრაზე დასწრება განხილვის საგანი უნდა იყოს - წერეთელი ოპოზიციის ალიანსის "ნაციონალური მოძრაობის" გარეშე შეკრებაზე

ოპოზიციის ალიანსის საორგანიზაციო შეკრება "ნაციონალური მოძრაობის" გარეშე - ოპოზიციაში მორიგი დაპირისპირებაა.არსებული ინფორმაციით, 2 დღის წინ, 26 მაისის აქციასთან დაკავშირებით, ალიანსის ლიდერების შეხვედრას სააკაშვილის პარტია არ ესწრებოდა. აქციის გეგმებსა და საორგანიზაციო საკითხებზე ყოფილმა "ნაციონალებმა" მოქმედი "ნაციონალების" გარეშე იმსჯელეს."ევროპული საქართველოს" თავმჯდომარემ, გიგი წერეთელმა განაცხადა, რომ რომელიმე პარტიის კონკრეტულ შეხვედრაზე არდასწრება განსაკუთრებული განხილვის საგანი არ უნდა გახდეს."არ მგონია, რომელიმე პარტია, "ნაცმოძრაობა" იქნება თუ სხვა, რომელიმე შეხვედრას არ არა, ვერ დაესწრება და ეს უნდა იყოს რაღაც განხილვის საგანი. გვაქვს კომუნიკაციის საშუალებები და თუ რამე გადაწყვეტილებაა მისაღები იმ წესების თანახმად, რაზეც ვართ ჩვენ ჩამოყალიბებული, შეთანხმებული, ამ გადაწყვეტილებებს ვიღებთ. ამიტომ, მე ვერაფერს ვხედავ აქ განსაკუთრებულს. "ნაციონალური მოძრაობა", როგორც პოლიტიკური პარტია, ამ ალიანსის ნაწილია, ყოველ შემთხვევაში, ეს მათი განცხადებებია და გარკვეულ მოქმედებებში ისინი აქტიურად არიან ჩართული", - აცხადებს "ევროპული საქართველოს" თავმჯდომარე გიგი წერეთელი.

პოლიტიკა • 1779267632

ლევან ბეჟაშვილი: ლევან ხაბეიშვილს ასამართლებენ სპეცრაზმისადმი მიმართვისთვის, რომ არ დაარტყათ საკუთარ ხალხს, არ მოწამლოთ ადამიანები, არ შეასრულოთ უკანონო ბრძანებები

ქართველი ხალხის ბრძოლას ვერ შეაჩერებს ვერც ერთი მოსამართლე, ვერც ერთი განაჩენი, ვერც ერთი ციხე. ბრძოლა გაგრძელდება საბოლოო გამარჯვებამდე. იქამდე, ვიდრე საქართველოში აღარ იარსებებს პოლიტიკური დევნა და ყველა პოლიტპატიმარი თავისუფალი არ იქნება, – ამის შესახებ „ნაციონალური მოძრაობის“ წევრმა, ლევან ბეჟაშვილმა განაცხადა.ბეჟაშვილის თქმით, „რეჟიმს ეშინია თავისუფალი ადამიანის, შეუპოვრობის, იმ ხალხის, ვინც ვერ გატეხეს, ვერ დააშინეს, ვერ იყიდეს“.„დღეს ივანიშვილის სასამართლოს მორიგი პოლიტიკური ეგზეკუციის დღეა. დღეს რუსი ოლიგარქის, საქართველოს ჩრდილოვანი მმართველის — ბიძინა ივანიშვილის მორჩილი მოსამართლე განაჩენს გამოუცხადებს „ერთიანი ნაციონალური მოძრაობის“ პოლიტსაბჭოს თავმჯდომარეს, ლევან ხაბეიშვილს. ეს არ არის სამართალი. ეს არ არის სასამართლო. ეს არის პოლიტიკური ანგარიშსწორების მანქანა, რომელიც 2012 წლიდან ემსახურება მხოლოდ ერთ მიზანს — გაანადგუროს თავისუფალი აზრი, ოპოზიცია და ყველა, ვინც რუსულ რეჟიმს არ ემორჩილება.14 წელია, „ერთიანი ნაციონალური მოძრაობა“ ივანიშვილის რეჟიმის მთავარი სამიზნეა. 14 წელია, ათასობით ადამიანი გახდა ამ რუსული რეჟიმის რეპრესიების მსხვერპლი. 14 წელია, საქართველოში შენდება შიშზე, ძალადობასა და პოლიტიკურ დევნაზე დაფუძნებული პოლიტიკური სისტემა. „ერთიანი ნაციონალური მოძრაობის“ დამფუძნებელი თავმჯდომარე საქართველოს მესამე პრეზიდენტი მიხეილ სააკაშვილი დღეს პუტინის პირადი პატიმარია. ის დატყვევებულია მხოლოდ იმიტომ, რომ საქართველო ევროპისკენ წაიყვანა, დაამარცხა კორუფცია, შექმნა ძლიერი სახელმწიფო და არასოდეს დაუხრია თავი რუსეთის წინაშე.დღეს პოლიტიკურ ტყვეობაში არიან „ერთიანი ნაციონალური მოძრაობის“ ლიდერი ირაკლი ნადირაძე და ჩვენი პარტიის 15 წევრი, თანამებრძოლი ადამიანები, რომლებიც მხოლოდ იმიტომ ისჯებიან, რომ თავისუფლებას, ევროპასა და საქართველოს იცავენ. ახლა კი რეჟიმს სურს, გაასამართლოს ლევან ხაბეიშვილი. რისთვის? იმისთვის, რომ ხალხის მხარეს იდგა. იმისთვის, რომ არ შეეშინდა. იმისთვის, რომ სიმართლე თქვა. ლევან ხაბეიშვილს ასამართლებენ, რადგან მან მიმართა სპეცრაზმს და უთხრა — არ დაარტყათ საკუთარ ხალხს, არ მოწამლოთ ადამიანები მხუთავი გაზით, არ შეასრულოთ უკანონო და დანაშაულებრივი ბრძანებები, არ გახდეთ რუსული რეჟიმის ბრმა იარაღი საკუთარი ხალხის წინააღმდეგ. სწორედ ეს სიტყვები გახდა მათი შურისძიების მიზეზი.რეჟიმს ეშინია თავისუფალი ადამიანის, ეშინია შეუპოვრობის, იმ ხალხის, ვინც ვერ გატეხეს, ვერ დააშინეს, ვერ იყიდეს. ივანიშვილმა კარგად უნდა გაიგოს — ვერც ერთი მოსამართლე, ვერც ერთი განაჩენი, ვერც ერთი ციხე ვერ შეაჩერებს ქართველი ხალხის ბრძოლას. ეს ბრძოლა გაგრძელდება საბოლოო გამარჯვებამდე. გაგრძელდება იქამდე, ვიდრე საქართველოში აღარ იარსებებს პოლიტიკური დევნა და ყველა პოლიტპატიმარი თავისუფალი არ იქნება; საქართველო საბოლოოდ არ დაბრუნდება ევროპულ გზაზე. ამ ბრძოლაში გამარჯვებული იქნება ქართველი ხალხი. თავისუფლება აუცილებლად გაიმარჯვებს“, – განაცხადა ლევან ბეჟაშვილმა.

პოლიტიკა • 1779111928

ირაკლი კობახიძე: ლოგიკურია, რომ ის ევროპარლამენტარი, რომელიც უპირისპირდება საქართველოში მედიის თავისუფლებას, იმავდროულად ითხოვს მიხეილ სააკაშვილის გათავისუფლებასაც

ლოგიკურია, რომ ის ევროპარლამენტარი, რომელიც უპირისპირდება საქართველოში მედიის თავისუფლებას, იმავდროულად ითხოვს მიხეილ სააკაშვილის გათავისუფლებასაც, – ამის შესახებ პრემიერ-მინისტრმა, ირაკლი კობახიძემ ჟურნალისტის კითხვის პასუხად განაცხადა, რომელიც პოლონელი ევროპარლამენტის განცხადებას შეეხებოდა.მთავრობის მეთაურის თქმით, ამ ორ მიდგომას შორის ლოგიკური კავშირია, ვინაიდან სააკაშვილი გამორჩეული იყო მედიის თავისუფლების მიმართ უდიერი დამოკიდებულებით.„ამ ორ მიდგომას შორის არის ძალიან მჭიდრო, ლოგიკური კავშირი. თვითონ სააკაშვილიც თუ რაიმეთი იყო გამორეული, ერთ-ერთი იყო მედიის თავისუფლების მიმართ უდიერი დამოკიდებულება, ფეხქვეშ გათელვა მედიის თავისუფლების. აქედან გამომდინარე ლოგიკურია, რომ ის ევროპარლამენტარი, რომელიც უპირისპირდება საქართველოში მედიის თავისუფლებას, იმავდროულად ითხოვს მიხეილ სააკაშვილის გათავისუფლებასაც. ეს არის აბსოლუტურად ლოგიკური ჯაჭვი. საზოგადოება, რა თქმა უნდა, აქედან გამოიტანს თავის დასკვნებს“,- აღნიშნა პრემიერმა.

პოლიტიკა • 1779109011

შალვა პაპუაშვილი: არ ვიცი, რა ბედი გვაქვს ევროპარლამენტში, ერთი ისეთი მტერი ვერ გავიჩინეთ, რომელიც „ნაცი“ ან მიშისტი არ იქნებოდა და რაღაც დონეზე ღირსეულ მტრობას მაინც შეძლებდა

არ ვიცი, კშიშტოფ ბრეიზა ან სულელია, ან თავს ისულელებს, – ამის შესახებ საქართველოს პარლამენტის თავმჯდომარემ ჩინეთში ქართველ ჟურნალისტებს განუცხადა.პაპუაშვილის თქმით, საქმე გვაქვს აბსოლუტურად არაადეკვატურ ხალხთან, რომლებიც ან ფულის, ან პოლიტიკური გავლენის, ან საკუთარი სისულელის გამო ეხვევიან შარში საქართველოს წინააღმდეგ.„თუ სულელია, ნიშნავს, რომ არ იცის, რომ კაჩინსკის დაკრძალვის გამო კი არ არის დაპატიმრებული, არამედ მის წინააღმდეგ არსებული საქმე ეხება იმას, რომ თავის შვილს ბიუჯეტიდან უხდიდა კერძო სკოლის თანხას. კითხვა ევროპარლამენტს – რომელიმე ევროპარლამენტარს ეს რომ გაეკეთებინა, ბიუჯეტის ფულით გადაეხადა თავისი შვილის კერძო სკოლის გადასახადი, იქნებოდა თუ არა ეს კორუფცია? კი, იქნებოდა. საქმე ეხება იმას, რომ ბიუჯეტის ფულით სააკაშვილმა ჩაიტარა სხვადასხვა სახის მანიპულაციები და ოპერაციები. თუ არ ვცდები, მგონი, მილიონ ლარამდე იყო დახარჯული მისი სახის გალამაზებასა და შუბლის გასწორებაში, იმაში, რომ თავი მოეწონებინა ვიღაცისთვის. ეს რომ გააკეთოს რომელიმე ევროპარლამენტარმა – ეს არის კორუფცია, თუ ეს არის პოლიტიკური დევნა?! და თუკი ეს ყველაფერი კორუფციაა, მაშინ თავს ისულელებს ეს ადამიანი? ან გამოდის, რომ ეს მისთვის მისაღებია. ეს არის ის, რომ ჩვენ საქმე გვაქვს ფასეულობის არმქონე ევროპარლამენტის წევრებთან, რიგ შემთხვევაში, კორუმპირებულებთან. ზუსტადაც ეჭვი მაქვს, რომ ეს ადამიანი კორუმპირებულია, თორემ თავს სულელად რატომ გამოიყვანდა და იტყოდა, თითქოს ვიღაცისთვის თაიგულის ყიდვის გამო არის 9 მილიონი დახარჯული. გადათვალოს მაინც, 9 მილიონში რამდენი თაიგული ჩაეტეოდა და ა.შ. არ ვიცი, რა ბედი გვაქვს ასეთი ევროპარლამენტში, მართლა ერთი ისეთი მტერი ვერ გავიჩინეთ, რომელიც „ნაცი“, მიშისტი არ იქნებოდა და რაღაც დონეზე ღირსეულ მტრობას მაინც შეძლებდა. ასეთი უღირსი მტრები რომ ჰყავს საქართველოს, ესეც ჩვენი უბედურებაა. სამწუხაროდ, ასეთი პოლიტიკური ლანდშაფტია დღეს ევროკავშირში. საქმე გვაქვს აბსოლუტურად არაადეკვატურ ხალხთან, რომელიც ან ფულის, ან პოლიტიკური გავლენის, ან საკუთარი სისულელის გამო ეხვევიან ასეთ შარში საქართველოს წინააღმდეგ“, – განაცხადა შალვა პაპუაშვილმა.პოლონელმა ევროპარლამენტარმა კშიშტოფ ბრეიზამ განაცხადა, რომ საქართველოს ყოფილი პრეზიდენტი მიხეილ სააკაშვილი გამოგონილი ბრალდებებით არის დაკავებული.

პოლიტიკა • 1779101577

ირაკლი ქადაგიშვილი: ცნობილია, რომ გარკვეული პოლიტიკური ჯგუფები ევროპაში, მათ შორის პოლონეთში, გამუდმებით ცდილობენ რამენაირად დააბრუნონ „ნაცმოძრაობა“ საქართველოს ხელისუფლებაში

ცნობილია, რომ არსებობს გარკვეული პოლიტიკური ჯგუფები ევროპაში, მათ შორის კონკრეტულად პოლონეთში, რომლებიც გამუდმებით ცდილობენ, რომ რამენაირად „ნაციონალური მოძრაობა“ დააბრუნონ ხელისუფლებაში და ეს არის მათი იდეა ფიქსი, - განაცხადა რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ, ირაკლი ქადაგიშვილმა.დეპუტატი გამოეხმაურა დამოუკიდებელ მედიაზე თავდამსხმელი პოლონელი დეპუტატის განცხადებას, რომელიც ამჯერად მიხეილ სააკაშვილს ეხება.„რამდენად აღიქვამენ ისინი რეალობას, ეს მეორეა, ფაქტია რომ ვერ აღიქვამენ, მაგრამ ამ არალეგიტიმური მიზნის მისაღწევად არ იშურებენ ძალ-ღონეს, იმისთვის რომ სიტყვის თავისუფლებას დაუპირისპირდნენ და ტელევიზიების წინააღმდეგაც გაილაშქრონ“, - განაცხადა ქადაგიშვილმა.პოლონელი დეპუტატი, ევროპარლამენტარი კშიშტოფ ბრეიზა, რომელმაც აღიარა, რომ ტელეკომპანია „იმედის“ წინააღმდეგ თვეებია მუშაობს, ამჯერად მიხეილ სააკაშვილის გათავისუფლებას ითხოვს.

პოლიტიკა • 1779096644

კახა კალაძე: ჩვენ ვიბრძვით ევროპული მომავლისა და ღირებულებებისთვის, ხოლო ევროპული ბიუროკრატია ამ ყველაფრისგან დაცლილია

დედაქალაქის მერი კახა კალაძე შეურაცხმყოფელს უწოდებს ევროპარლამენტარ კშიშტოფ ბრეიზას განცხადებას, რომ საქართველოს ყოფილი პრეზიდენტი მიხეილ სააკაშვილი გამოგონილი ბრალდებით არის დაპატიმრებული.როგორც კალაძემ მედიასთან საუბრისას აღნიშნა, მსგავსი განცხადებები მიუთითებს იმაზე, რომ ევროპული ბიუროკრატია ევროპული ღირებულებებისგან დაცლილია.„მსგავსი განცხადებები არის ძალიან მძიმე, შეურაცხმყოფელი. პირველ რიგში, ჩრდილს აყენებს ევროპულ გზას. ასეთი ფაქტები მიუთითებს იმაზე, რა დღეშია ევროპული ბიუროკრატია. ბრეიზას განცხადებაც ნათელი მაგალითია, როგორ ხდება ზოგადად იარლიყების მიკერება. ეს არ არის პირველი შემთხვევა – ჩვენ ვიხილეთ მიღებული რეზოლუციები, თუნდაც მიხეილ სააკაშვილთან მიმართებით. ამ ყველაფერში ფულს იხდიდნენ. შეფუთული იყო ვითომ რაღაც ლობიზმით. რეალურად კი აღებ-მიცემობას ჰქონდა ადგილი. მსგავსი რამ წარმოუდგენელია. ჩვენ რისთვის ვიბრძვით, როდესაც ევროპულ მომავალსა და ღირებულებებზე ვსაუბრობთ?! სამწუხაროდ, ევროპული ბიუროკრატია ამ ყველაფრისგან დაცლილია“, – აღნიშნა კახა კალაძემ.