პოლიტიკა • 1766004728

თეა წულუკიანი: ძალიან არ მიყვარს მიხეილ სააკაშვილი იმიტომ, რომ მან ძალიან ბევრი რამ დაუშავა ჩვენს ქვეყანას, ძალიან არ მიყვარს მისი ამფსონები, მაგრამ ეს მე ვერ მაიძულებს საქართველოს წინააღმდეგ მივიღო შეთქმულებაში მონაწილეობა

ძალიან არ მიყვარს მიხეილ სააკაშვილი იმიტომ, რომ მან ძალიან ბევრი რამ დაუშავა ჩვენს ქვეყანას, ძალიან არ მიყვარს მისი ამფსონები, მაგრამ ეს მე ვერ მაიძულებს საქართველოს წინააღმდეგ მივიღო შეთქმულებაში მონაწილეობა, - განაცხადა გადაცემაში „იმედი LIVE“ საქართველოს პარლამენტის თავმჯდომარის მოადგილე თეა წულუკიანმა.მისი თქმით, ქართველი ერის არის ქართველი ერი, საქართველო არის საქართველო და ხელისუფლების რომელიღაც წარმომადგენელს რომ ვერ იტან, ამიტომ შენ არ უნდა ყვიროდე იმას, თითქოს ხელისუფლებამ „კამიტით“ მოწამლა საკუთარი ხალხი.„ეს მორიგი შეთქმულება საქართველოს წინააღმდეგ ჩაშლილია. არ უნდა ვიყოთ ილუზიებში, მომავალ წელს მორიგი შეთქმულებები კიდევ იქნება და სცენაზე ამ შეთქმულების გათამაშების აქტორები, მსახიობები იქნებიან დღეს რომ საგამოძიებო კომისიის შექმნას ითხოვდნენ, ასეთი ოპოზიციონერები და გარეთ მდგარი ოპოზიციონერები, პოლიტიკოსებს ვგულისხმობ პირველ რიგში და არა იმ ადამიანებს, ვისაც შესაძლოა, „ოცნებაზე“ არ ვიტყვი, ჩემზე ვიტყვი, თეა წულუკიანი სძულდეს. ეს მათი უფლებაა, ეს არის ყველაზე დიდი უფლება ადამიანი არ გიყვარდეს. შესაბამისად, კი მჩვევია, მაგრამ ამ შემთხვევაში არ ვარ ცინიკოსი, ძალიან დიდ პატივს ვცემ იმ ადამიანებს, ვისაც სძულხარ იმიტომ, რომ ეს პრინციპია, მე შენ მძულხარ. მისაღებია, მაგრამ ჩემი სიძულვილი არ უნდა გადაიზარდოს ქვეყნის წინააღმდეგ შეთქმულებაში მონაწილეობაში.ეს ორი რამ არის ძალიან დიდი სხვადასხვა რამ. ადამიანის სიძულვილი არ შემიძლია იმიტომ, რომ ისიც ღმერთმა გააჩინა ჩვენსავით, მაგრამ ძალიან არ მიყვარს მიხეილ სააკაშვილი იმიტომ, რომ მან ძალიან ბევრი რამ დაუშავა ჩვენს ქვეყანას, ძალიან არ მიყვარს მისი ამფსონები, ვინც ამ დასკვნაში[საგამოძიებო კომისიის] არიან მავნებლებად, ფაქტებზე დაყრდნობით წარმოდგენილი, მაგრამ ეს მე ვერ მაიძულებს საქართველოს წინააღმდეგ მივიღო შეთქმულებაში მონაწილეობა. ქართველი ერის არის ქართველი ერი, საქართველო არის საქართველო და ხელისუფლების რომელიღაც წარმომადგენელს რომ ვერ იტან, ამიტომ შენ არ უნდა ყვიროდე იმას, თითქოს ხელისუფლებამ „კამიტით“ მოწამლა საკუთარი ხალხი. ეს არის შეთქმულებაში მონაწილეობა ქვეყნის წინააღმდეგ. ასეთი შეთქმულებები ალბათ მომავალ წელსაც იქნება“, - აღნიშნა თეა წულუკიანმა.

პოლიტიკა • 1765895478

ვოლსკი ევროსაბჭოზე: წარმოუდგენელია, რომ ისეთი გადაწყვეტილებები მიიღონ, რომელიც მთელს ერს დაუპირისპირდება იმ ბერკეტის გამოსაყენებლად, რომ როგორმე ხალხი გაბრაზდეს და „მაიდანი“ მოაწყოს. ასეთ მძიმე გადაწყვეტილებებს წინააღმდეგობა ექნება

წარმოუდგენელია, რომ ისეთი გადაწყვეტილებები მიიღონ, რომელიც მთელს ერს დაუპირისპირდება იმ ბერკეტის გამოსაყენებლად, რომ როგორმე ხალხი გაბრაზდეს და „მაიდანი“ და სისხლის ღვრა მოაწყოს საქართველოში. ვფიქრობ, რომ ასეთ მძიმე გადაწყვეტილებებს საკმაოდ დიდი წინააღმდეგობა ექნება, - განაცხადა პარლამენტის პირველმა ვიცე-სპიკერმა, გიორგი ვოლსკიმ „დღის ქრონიკასთან“, ევროპის საბჭოს დაგეგმილ სხდომასთან დაკავშირებით.მისი თქმით, მოლოდინი იმის, რომ ევროსაბჭოს სხდომაზე საქართველოსთან მიმართებაში განცხადებები იქნება ხისტი, რა თქმა უნდა არსებობს. რაც შეეხება გადაწყვეტილებებს, გიორგი ვოლსკის განცხადებით, მას ძალიან ბევრი მოწინააღმდეგე ეყოლება.„რა საკვირველია მოველით ძალიან ხისტ ფორმულირებებს ჩვენს მიმართ, რომ სააკაშვილი არის დემოკრატიის შუქურა და იგი უნდა გათავისუფლდეს. კონკრეტულ გადაწყვეტილებებზე ვერ მოგახსენებთ იმიტომ, რომ არ არის ყველა განწყობილი ისე, როგორც კაია კალასი მსჯელობს, რომლის ქმარი დღემდე უშველებელ ბიზნესს აკეთებდა რუსეთში და . წარმომადგენლები ბალტიისპირეთის, რომლებიც ღვინით და აგერ უკვე გამოვლინდა, რომ „კაუჩუკით“ ვაჭრობდნენ რუსეთთან და ვისკით და უშველებელი შავი ხვრელები აქვთ ჩამოყალიბებული, რას უნდა ველოდოთ ამ ადამიანების განწყობებიდან გამომდინარე, რა რეზოლუციას?!ასეთი გადაწყვეტილება, რომ ვთქვათ, დაისაჯოს მთელი საქართველო, მთელი მოსახლეობა იმის გამო, რომ საკმარისი რაოდენობით არ გამოვიდნენ ქუჩებში და აქ არ მოაწყვეს „მეიდანი“ ანუ სისხლი ღვრა, ეს ფორმულირება, ეს გადაწყვეტილება ჰაერში კიდია და იქნებ, როგორმე აქ მოხდეს ის უბედურება, რასაც შედეგად მოჰყვება მარიონეტული სააკაშვილის რეჟიმის ხელისუფლების მოსვლა. ამ რეალობის წინაშე შესაძლოა აღმოვჩნდეთ. თუმცა ნაკლები შანსი აქვთ, ვინაიდან მთელი საზოგადოების დასჯა თუნდაც ასეთი უსამართლო ფორუმის პირობებში საკმაოდ სერიოზულ დარტყმას მიაყენებს თავად ევროპას. მეორე, რაც მთავარია უსამართლოა. ვინაიდან საქართველოს არასდროს შეუცვლია საგარეო კურსი. შეიცვალა ევროპა, რომელიც ერთი მხრივ ყველაფერს აკეთებს იმისთვის, რომ იმ მდგომარეობაში დარჩეს, რაც ამერიკის შეერთებული შტატების ახალ უსაფრთხოების კონცეფციაშია. და მეორე ხელით ისე მართოს სიტუაცია, რომ თუნდაც უკრაინის ომის პროცესის ჩაქრობას, როგორმე წინ აღუდგეს. ეს არის მთავარი ამოცანა. რას შემოგვთავაზებენ გადაწყვეტილებების სახით ამ ამოცანის მისაღწევად ეს არის მეორე საკითხი“, - განაცხადა გიორგი ვოლსკიმ.

პოლიტიკა • 1765876624

ლაშა ფარულავა: „ვარდების რევოლუცია“ იმის მაგალითია, როგორ გაიმარჯვა ქართველმა ხალხმა, სწორედ ეს რეგიონული არქიტექტურა შექმნა პრეზიდენტ სააკაშვილმა, ესაა ოპოზიციის მთავარი რესურსი და პოლიტიკური მემკვიდრეობა

ლევან სანიკიძე გულისხმობდა პრეზიდენტ სააკაშვილის მიერ შექმნილ რეგიონულ არქიტექტურას და პოლიტიკურ მემკვიდრეობას, რომელიც დღეს ოპოზიციის მთავარი რესურსია, – ამის შესახებ „ნაციონალური მოძრაობის“ წევრმა, ლაშა ფარულავამ განაცხადა.მისი თქმით, ეს რესურსი რუსული ინტერესების სამიზნეა.„ცხადია, ჩვენ თუ გვინდა რუსული ინტერესების დამარცხება, რეგიონული არქიტექტურა და ის პოლიტიკური მემკვიდრეობა, რომელიც „ვარდების რევოლუციის“ შემდეგ შეიქმნა, ამ გზას უნდა გავყვეთ და ეს არის გამარჯვების გზა. ფორმულა, რომელიც მიგვიყვანს გამარჯვებამდე. „ვარდების რევოლუცია“ არის კონკრეტული მაგალითი, როგორ გაიმარჯვა ქართველმა ხალხმა. სწორედ ეს რეგიონული არქიტექტურა შექმნა პრეზიდენტ სააკაშვილმა, ესაა ოპოზიციის მთავარი რესურსი და პოლიტიკური მემკვიდრეობა, მათ შორის არის რუსული ინტერესების სამიზნე, ვგულისხმობ, ჩვენ როგორც სატრანსპორტო ჰაბი, ეკონომიკური ჰაბი, დღეს არის სამიზნე რუსული ინტერესებისთვის და სწორედ ამ აქცენტებით შეგვიძლია, ქართველი ხალხი გავაერთიანოთ და გავიმარჯვოთ. გაგვიკეთებია ეს და გავაკეთებთ მომავალშიც“, – განაცხადა ლაშა ფარულავამ.„ნაციონალური მოძრაობის“ წევრმა, ლევან სანიკიძემ განაცხადა, „ქართული პოლიტიკა ტრიალებს „ნაციონალური მოძრაობის“ გარშემო, ოპოზიციური პარტიები იდენტობას იშენებენ, რომ „ნაცები“ არ არიან, აბა, ვინ არიან?“.

პოლიტიკა • 1765876023

ლევან სანიკიძე: ივანიშვილის ხელისუფლების ჩამოშლის 70 პროცენტი წყდება ქვეყნის გარეთ, დანარჩენი 30 პროცენტი შიგნიდან, ამ შემთხვევაში, ჩვენს გუნდზე მეტს არავინ აკეთებს

ივანიშვილის ხელისუფლების ჩამოშლის ბევრად მნიშვნელოვანი ბერკეტი – 70 პროცენტი წყდება გარეთ, დანარჩენი 30% შიგნიდა, – ამის შესახებ „ნაციონალური მოძრაობის“ წევრმა, ლევან სანიკიძემ „პალიტრანიუსის“ ეთერში განაცხადა.მისივე თქმით, ამ შემთხვევაში, „ნაციონალური მოძრაობის“ საგარეო გუნდზე მეტს არავინ აკეთებს.„ამ ქვეყანაში ოპოზიციონერი ნიშნავს გადისიდენტებულ ადამიანს, რომელიც მოყოლილია ხელისუფლების რეპრესიების ქვეშ. ივანიშვილის ხელისუფლებასთან დაპირისპირება მარტო ქუჩაში არ გადის. ჩემი ღრმა რწმენით, ივანიშვილის ხელისუფლების ჩამოშლის ბევრად მნიშვნელოვანი ბერკეტი – 70 პროცენტი წყდება გარეთ, დანარჩენი 30% შიგნიდან. ტალღას აქვს თავისი ლოგიკური მომენტი, რომელსაც სჭირდება მზადება. მგონია, რომ ჩვენ ამ პერიოდში ვართ. არ მაქვს შეგრძნება, რომ ხვალ 200 ათასი კაცი გამოვა. ბიძინა ივანიშვილს მთავარი შიში აქვს ქვეყნის გარეთ. ამ შემთხვევაში, „ნაციონალური მოძრაობის“ საგარეო გუნდზე მეტს არავინ აკეთებს. ეს არის პარტიის თავმჯდომარე, საგარეო მდივანი, მიხეილ სააკაშვილის კონტაქტები. არავის გამოუვა, დიდი ოპოზიციური გაერთიანება შედგეს და „ნაციონალური მოძრაობა“ იქ არ იყოს. ჩვენი თვითმიზანი არ არის ბანერის წინ გამოჭენება. ერთ კადრს ვერ ნახავენ, სადაც ასე მივდივარ. ეს არ არის ჩემი თვითმიზანი. მითხარით სალომე ზურაბიშვილის ბოლო საერთაშორისო დიდი ვიზიტი ან ვის ჩამოართვა ხელი, ვის ესაუბრა, სად გააჟღერა ხალხის ხმა. მას ჰქონდა ეს მომენტი, ეს მომენტი იყო საპარლამენტო არჩევნების გაყალბებიდან პირველი 3-4 თვე, მაშინ, როდესაც მთელი ოპოზიცია შეკრული იყო მის გარშემო. სარგებლობდა არა მხოლოდ პრეზიდენტის ინსტიტუტის ატრიბუტიკით, არამედ ოპოზიციის საერთო ატრიბუტიკით – ოთხივე ბარიერგადალახული კოალიცია ვამბობდით, რომ ეს ქალი ლიდერია, ქალბატონი სალომე. მას შემდეგ „ნაციონალური მოძრაობის“ ლიდერებს აქვთ გამართული შეხვედრები, იქნება ეს ურსულა ფონ დერ ლაიენი, ფრიდრიხ მერცი“ , – განაცხადა სანიკიძემ.

პოლიტიკა • 1765807800

ნინო წილოსანი: „ნაცმოძრაობა“ მილიონებს ხარჯავს უცხოეთში ლობირებისთვის. ამ პირობებში რთულია, რომ უცბად დაძლიო რეპუტაციული ზიანი, რომელიც ქვეყანას ადგება. პოლიტიკა ძალიან ცვალებადია, წამის მეასედში შეიძლება შეიცვალოს მოცემულობა

„ნაცმოძრაობა“ მილიონობით დოლარს ხარჯავს უცხოეთში ლობირებისთვის. ამ პირობებში ძალიან რთულია, რომ უცბად დაძლიო რეპუტაციული ზიანი, რომელიც ქვეყანას ადგება. პოლიტიკა ძალიან ცვალებადია, წამის მეასედში შეიძლება შეიცვალოს მოცემულობა, - განაცხადა „დღის ქრონიკასთან“ პარლამენტის ვიცე-სპიკერმა ნინო წილოსანმა.მისი თქმით, მიუხედავად იმისა, რომ გარედან მართული სააკაშვილი და მისი პარტია ცდილობს დააზარალოს საქართველო, შესაძლოა ყველაფერი ძალიან სწრაფად შეიცვალოს.ნინო წილოსანის განცხადებით, მთავარი არის ის, რომ ქვეყანა სწორი გზით მიდის და ვითარდება.„არ უნდა დაგვავიწყდეს, რომ სააკაშვილი და „ნაციონალური მოძრაობა“ არის გარედან მართული ჯგუფი. მათ შეუძლიათ ერთ შემთხვევაში აგინონ პუტინს და მეორე შემთხვევაში გულმხურვალედ მიიღონ ის. არ დაგვავიწყდეს, რომ 2003 წელსაც იგორ ივანოვის დახმარებით მოვიდა ეს ჯგუფი ხელისუფლებაში. ასე შემოგვაჩეჩეს და ის გარე აქტორები, რომლებიც მას მართავდა სხვადასხვა დავალებებს აძლევდნენ. ლევან მაჭავარიანის პატარა ვიდეო-კოლაჟში ვნახეთ, როგორ დაეწყვნენ ერთი მეორის ჩაყოლებით და როგორ ამართლებდნენ და გვაჩვენებდნენ, რომ თურმე როგორი კარგია რუსი ტურისტების მიღება, რუსეთში სიმღერა, რუსული ინვესტიციები, რომ „ფულს სუნი არ აქვს“... ეს არის ამ პოლიტიკური ჯგუფის ამორალური სახე.„ნაციონალური მოძრაობა“ ვფიქრობ, რომ ჩავლილი დღის წესრიგია. თუმცა ჩავლილი დღის წესრიგია ქვეყნის შიგნით. ისინი არ ჩერდებიან და მუდმივ მუშაობას ახორციელებენ, მათ შორის მილიონობით დოლარს ხარჯავენ უცხოეთში ლობირებისთვის. მე მქონდა ამაზე დღეს პოსტიც გამოქვეყნებული, სადაც ის გახმაურებული პოლიტიკური სტატიები უცხოური მედიასაშუალებების, ეს იქნება: „პოლიტიკო“, „როიტერსი“ თუ სხვადასხვა, რომელთა ინსპირაცია სწორედ „ნაციონალური მოძრაობის“ მიერ ლობიზმში გადახდილი მილიონობით დოლარია. ამ პირობებში, რა თქმა უნდა, ძალიან რთულია, რომ უცბად მოერიო და დაძლიო რეპუტაციული ზიანი, რომელიც ამ ქვეყანას ადგება. თუმცა მე მაინც პოზიტიურად ვუყურებ ამ ყველაფერს, რადგან წამის მეასედში შეიძლება შეიცვალოს მოცემულობა. თუ დავუკვირდებით, რომ ერთი დღის წინ სირიის პრეზიდენტი იყო ტერორისტად გამოცხადებული აშშ-ს მხრიდან და მეორე დღეს ის დიდი პატივით იქნა მიღებული ტრამპის ადმინისტრაციაში, რა თქმა უნდა, ეს პოლიტიკა არის ძალიან ცვალებადი და არც კი ღირს პარალელის გავლება. თუნდაც უკრაინის ომთან დაკავშირებით, ჩვენ ვხედავდით წინა ადმინისტრაცია, როგორი რიტორიკით გამოირჩეოდა უკრაინაში ომის წახალისების კუთხით, ხოლო ახალი ადმინისტრაცია ყველაფერს აკეთებს, რომ ეს ომი დასრულდეს. ამიტომ ყველაფერი ძალიან ცვალებადია და ერთადერთი ნიშნული, რამაც შეიძლება ჩვენ დაგვამშვიდოს არის ის, რომ ჩვენ სწორი გზით მივდივართ“, - განაცხადა ნინო წილოსანმა.

პოლიტიკა • 1765807620

ნინო წილოსანი: სააკაშვილს ერთ შემთხვევაში შეეძლო წარმატებით ეგინებინა პუტინისთვის და მეორე შემთხვევაში წითელი ხალიჩა გაეშალა და ბედნიერი სახით მიეღო ინვესტორები, სტრატეგიული ობიექტები მიეყიდა მათთვის

სააკაშვილს ერთ შემთხვევაში შეეძლო წარმატებით ეგინებინა პუტინისთვის და მეორე შემთხვევაში წითელი ხალიჩა გაეშალა და ბედნიერი სახით მიეღო ინვესტორები, სტრატეგიული ობიექტები მიეყიდა მათთვის, - განაცხადა საქართველოს პარლამენტის თავმჯდომარის მოადგილემ ნინო წილოსანმა „დღის ქრონიკაში“.მისი თქმით, ქართველი ხალხი აღარ მოტყუვდება.„არ შეიძლება, რომ რომელიღაც არაფორმალური გავლენების ქვეშ მყოფმა ევროპარლამენტარმა, ან ევრობიუროკრატმა გადაწყვიტოს და დაანგრიოს ევროკავშირის ფუნქციონირების სისტემა. მათ აირჩიეს მხარე, რომელიც ახალისებს ომს, არეულობას, ემხრობა, რომ ქვეყნებში ხელისუფალი შეცვალოს მათი სურვილის მიხედვით და არა ხალხის არჩევანით. ეს ჯგუფი მუდმივად დარჩება და ეცდება თავისი გაიტანოს. ისინი მზაკვრულ გეგმებს ვერ განახორციელებდნენ, ქვეყნის შიგნით დასაყრდენი თუ არ ექნებოდათ.ქართველი ხალხი აღარ მოტყუვდება. 2003 წელს სატყუარა შემოგვტენეს და გარედან დაგვისვეს სააკაშვილი - მარიონეტი და მისი მარიონეტი ხელისუფლება, რომელიც ყველა გარედან მოსულ დაკვეთას ასრულებდა. სააკაშვილს ერთ შემთხვევაში შეეძლო წარმატებით ეგინებინა პუტინისთვის და მეორე შემთხვევაში წითელი ხალიჩა გაეშალა და ბედნიერი სახით მიეღო ინვესტორები, სტრატეგიული ობიექტები მიეყიდა მათთვის“, - აღნიშნა წილოსანმა.

პოლიტიკა • 1765795740

ნინო წილოსანი: ფარსია, რომ „ნაციონალური მოძრაობა“ პროდასავლური პარტიაა და ისინი რუსეთს ებრძვიან

„ნაციონალური მოძრაობა“ არის სრული ფარსი. ფარსია ის, რომ ის პროდასავლური პარტიაა და ისინი რუსეთს ებრძვიან, - განაცხადა საქართველოს პარლამენტის თავმჯდომარის მოადგილე ნინო წილოსანმა.დეპუტატი გამოეხმაურა ლევან მაჭავარიანის მიერ გამოქვეყნებულ ვიდეო-კოლაჟს, სადაც ასახულია 2008 წლის აგვისტოს ომის შემდეგ ნაციონალური მოძრაობის ლიდერების, ასევე მხარდამჭერების კავშირები და ინტერესები რუსეთთან.„2008 წლის შემდგომაც, ჩვენ ვიცით მათი გულმხურვალე პოლიტიკა რუსეთის მიმართ, მათ შორის მიხეილ სააკაშვილი, რომელიც ბედნიერი ხვდებოდა რუს ტურისტებს, მათ შორის ლიაკა ხოშტარია, რომელიც რუსეთიდან ფინანსდება და ყველა ის გაკეთებული განცხადება, მათ შორის ზურაბ გირჩი ჯაფარიძის მხრიდან, რომელიც ამართლებდა ნაციონალური მოძრაობის კეთილგანწყობილ პოლიტიკას რუსეთის მიმართ“, - აღნიშნა წილოსანმა.

პოლიტიკა • 1765794617

დავით მათიკაშვილი: 2008 წლის ომი ახალი დასრულებული იყო, როდესაც სააკაშვილის რეჟიმმა - მაშინდელმა ხელისუფლებამ რუსეთს გადასცა ქვეყნის ყველა სტრატეგიული ენერგო ობიექტი

დავით მათიკაშვილი: 2008 წლის ომი ახალი დასრულებული იყო, როდესაც სააკაშვილის რეჟიმმა - მაშინდელმა ხელისუფლებამ რუსეთს გადასცა ქვეყნის ყველა სტრატეგიული ენერგო ობიექტი, - ასე გამოეხმაურა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი „ქრონიკასთან“ ლევან მაჭავარიანის მიერ გამოქვეყნებულ ვიდეოს.„2008 წლის ომი ახალი დასრულებული იყო, როდესაც სააკაშვილის რეჟიმმა - მაშინდელმა ხელისუფლებამ რუსეთს გადასცა ქვეყნის ყველა სტრატეგიული ენერგო ობიექტი. დღეს როდესაც საქართველო მშვიდობის პოლიტიკით აღწევს იმას, რომ ქვეყნის ეკონომიკური განვითარება მაღალ საფეხურზეა, ვხედავთ, ოკუპანტის საქმის მკეთებელი ადამიანები როგორ იშვერენ „ქართული ოცნებისკენ“ თითს. ეს არ გამოუვათ“, - აღნიშნა მათიკაშვილმა.ვისაც დაგაჯერეს, რომ ნაცი „პროდასავლელია“ - ამ სათაურით ფრაქცია „ქართული ოცნების“ თავმჯდომარის მოადგილე ლევან მაჭავარიანი ვიდეო-კოლაჟს აქვეყნებს, სადაც ასახულია „ნაციონალური მოძრაობის“ ლიდერებისა და წევრების კავშირები და ინტერესები რუსეთთან.

პოლიტიკა • 1765371424

ირაკლი კირცხალია „სამთავრობო ქალაქის“ აშენების გეგმაზე: თუ გადაწყდა, ეს არცერთ შემთხვევაში არ უნდა დააწვეს ბიუჯეტს

სააკაშვილის გადაწყვეტილებაზე, ქუთაისში პარლამენტის გადატანის შესახებ, კომენტარისგან თავს შევიკავებ. რა დაჯდა და როგორ დაჯდა, ძალიან კარგად იცის საზოგადოებამ, - განაცხადა ფრაქცია „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კირცხალიამ.„თუ ეს გადაწყდა [სამთავრობო ქალაქი] ეს არცერთ შემთხვევაში არ უნდა დააწვეს ბიუჯეტს, მეორე, ნებისმიერი შენობა, რომელიც ჩანაცვლდება და გადაინაცვლებს სხვა ადგილზე დედაქალაქში, აუცილებლად იქნება გამოყენებული არა მხოლოდ ამ თემის ინვესტიციისთვის, არამედ საშუალო და გრძელვადიან პერიოდში ჩვენი ეკონომიკის სტიმულირებისთვის.„სამთავრობო ქალაქში“ ყველა ინსტიტუცია ერთად, ერთ უბანში მოქცეული სწორი და გამართლებული პრაქტიკაა. ეს ეფექტურობას ერთი ორად ზრდის და ეს გამოცდილია სხვადასხვა ქვეყანაში. იდეა არის ძალიან კარგი. სააკაშვილს რა იდეა ჰქონდა, რა განახორციელა და სად მიიყვანა ქვეყანა, ყველამ ვნახეთ“, - აღნიშნა კირცხალიამ.საქართველოს მთავრობა „სამთავრობო ქალაქის“ აშენებას გეგმავს.

პოლიტიკა • 1765301707

„ქართველმა ხალხმა რადგან ჯერ ვერ მოიცალა, რომ ჩემთვის ციხის კარი გაეღო, გადავწყვიტე, თვითონ გაგიღოთ კარები და შიგნით შემოგიპატიჟოთ...“ - მიხეილ სააკაშვილი

საქართველოს მესამე პრეზიდენტი მიხეილ სააკაშვილი, სოციალურ ქსელში, რუსთავის პენიტენციურ დაწესებულებაში არსებულ პირობებზე წერს.„წერილი რუსთავის კალათბურთის ციხის ლიგიდან, მინდა, ცოტა გაგახალისოთ.რადგან ქართველმა ხალხმა ჯერ ვერ მოიცალა, რომ ჩემთვის ციხის კარი გაეღო, გადავწყვიტე, მე თვითონ გაგიღოთ ეს კარები და შიგნით შემოგიპატიჟოთ.მოკლედ, რუსთავის მე-12 პენიტენციური დაწესება – ქართული პოლიტელიტის და ინტელექტუალების ამჟამინდელი კლუბი – welcome!ყვარყვარეს ციხე ძალიან გადატენილია, მე შემიძლია, სამი წლის წინანდელ მდგომარეობას შევადარო. დერეფნებში მუდმივი ტრაფიკია. სახე-აჭარხლებული ბადრაგების რაციიდან მუდმივად ისმის ხმა – ამასთან ადვოკატი მოვიდა, ის სასეირნოდ ჩაიყვანეთ, სხვა დააყოვნეთ და ა.შ.რადგან ბადრაგს შევეხე, აქ ისინი იყოფიან ორ ძირითად კატეგორიად თვალების მიხედვით – შუშისთვალებიანებად და თანამგრძნობ-თვალიანებად. დაახლოებით შუაზე არიან გაყოფილები. ამ ორივე კატეგორიას და ციხის უფროსს შორის არის რეჟიმის 2 უფროსი – 1 ბოროტი და 1 უფრო ადამიანური. ბოროტმა თავი ჯერ კიდევ 3 წლის წინ გამაცნო, როცა ჩემს მოსანახულებლად მოსული ბუბა კიკაბიძე ჩემ თვალწინ ცუდად გახდა, ხოლო ამ ტიპმა ცოცხალი თავით ექიმი არ შემოუშვა. შედარებით ადამიანური სამ დღეში ერთხელ გვეცხადება და წვრილმან საკითხებს გვიგვარებს.როგორც უკვე აღვნიშნე, თითქმის ყველა ვართ აქ ის ხალხი, ვინც ივანიშვილის პარლამენტში არ შევიდა და აქაოდა არ გეგონოთ, არ შეხვედით და თავისუფლად ივლითო, ჭორვილელმა აქ მოუყარა თავი, აქ არის თავისუფლების მოედანზე პერფორმანსის მომწყობი, მსოფლიოში სახელგანთქმული მომღერალი, რომელზეც სულ მახსენდება „აბა ყვავების ვინ დაიჭერს კარგო, გალიაში ბულბულები ზიან“ ის ჩემს ქვემოთ იმყოფება და როგორც ჩანს არ ემღერება.სამაგიეროდ, ყოველ საღამოს ქვემოდან მოგვესმის კატის ჭყავილი, რომლის ხმასაც ჩემი კიეველი ფისოს (მიშას) კნავილს ვამსგავსებ. ჩემგან ერთი საკნის იქით არის კაცი, რომელსაც დეკლარირებულად არ სურს ჩემთან 1 ჰექტარზე ყოფნა, მაგრამ არ უჯერებენ და ჩემგან 7 ნაბიჯში (საკუთარი ფეხით გადავზომე) ამყოფებენ.ჩემ გვერდით საკანში ერთ დროს მაფიასთან შეუპოვრად მებრძოლი პროკურორია, რომელიც ჩემ მიმართ სოლიდარობას იმით გამოხატავს, რომ როცა მე კარებზე კაკუნით ბადრაგს ვიძახებ, და ბადრაგი არ მოდის, ისიც იწყებს კაკუნს, მადლობა მურთაზ, მე ყოველთვის მესმის და ვაფასებ.როგორც სტალინი იჭერდა ძველ რევოლუციონერებს, აქაც ჯურღმულში იმყოფება ძველი რევოლუციონერი ჩე გივირა (თარგამაძე) რომელიც თავის დროზე შიშის ზარს სცემდა შუა აზიის დიქტატორებს და ლუკაშენკოს. ახლა კი ჩემი არ იყოს ოპუსებს წერს ციხიდან.რაც შეეხება რუტინას, დღეში ერთხელ ადვოკატს ვხვდები და როცა ზოგჯერ ვერ მოდის, თავს იმ ბალღივით ვგრძნობ, საბავშვო ბაღში რომ არ მიაკითხეს. გარდა ამისა ყოველდღე ვმონაწილეობ კალათბურთის საერთაშორისო ტურნირში. ტურნირი ტარდება სეირნობისთვის გამოყოფილ ვოლიერში, დაახლოებით 30 კვადრატულ მეტრში, სადაც ზემოდან ჯერ გისოსებია და შემდეგ ცა.თავის დროზე „ნორჩ დინამოელში“ ვთამაშობდი, სადაც ლევან ინწკირველი მწვრთნიდა, შემდეგ კიევის უნივერსიტეტის გუნდში ბევრ აფრიკელ სტუდენტთან ერთად. ჰოდა ახლა დავუბრუნდი სიყრმეს და მე საქართველოს მესამე პრეზიდენტი, რეგულარულად ვეთამაშები და ვამარცხებ აი იმ უკრაინის მოქალაქეს, ზელენსკის რეფორმათა თავმჯდომარედ რომ მუშაობს, ყოველდღე ორ ნახევარ საათიან ტაიმს ვთამაშობთ. ერთი კია, რომ ადმინისტრაცია უარს მეუბნება მედლის გადმოცემაზე, იმ მოტივით რომ ბურთი სტანდარტებს არ შეესაბამება და ვოლიერში ფარი არ ჰკიდია, თანაც ამტკიცებენ რომ ზელენსკის წარმომადგენელს კი არა, საკუთარ თავს ვეთამაშები (ნუ შეიძლება არ ცდებოდნენ) ამიტომ ვაპირებ კალათბურთის ფედერაციის გვერდის ავლით, პირდაპირ FIBA-ში ჩივილს, რომ თუ ჩემს სხვა დამსახურებებს არ აღიარებთ, სპორტული მიღწევები მაინც დააფიქსირეთ თქვე უღმერთოებო თქვენა!ვოლიერში არის კიდევ ერთი ბედნიერება, მე-4 წლის მზის უნახავმა, როგორც იქნა დავინახე მზე. ნუ მთლად ასე ადვილად არა, მზე ვოლიერს ისე უდგება, რომ უნდა ძალიან გაიჭიმო ფეხისწვერებზე, რომ შუბლზე და თვალებზე მოგანათოს და კიდევ თუ იხტუნავებ, მთელს სახეზე იგრძნობ. მოკლედ მზეთუნახავიდან გარდავიქმენი – მზეზე მხტომარე არსებად.ტურნირიდან სართულზე ამოსვლისას უკვე გვარამიას საკნის მიმდებარე ტერიტორიაზე (დერეფნის დასაწყისში) დერეფნის ბოლოდან, სადაც ჩემი საკანია, ცხვირში მხვდება შემწვარი თევზისა და ხახვის მძაფრი სუნი, დაახლოებით ისეთი ნიუ-იორკში კოლუმბიის უნივერსიტეტში სწავლის დროს საერთო საცხოვრებელში რომ გამოდიოდა, ჩინელი სტუდენტების ოთახებიდან.საქმე იმაშია, რომ ციხის საკვებზე თავიდანვე უარი ვთქვი. ერთადერთხელ გამოვართვი პური, რომელსაც დმანისის სამარხებში ნაპოვნის გემო ჰქონდა და ვუკვეთავ საკვებს ციხის მაღაზიიდან. ოღონდ ეს მაღაზია თქვენ რამე რესტორანი არ გეგონოთ, თუმცა რესტორანზე ბევრად ძვირია. შეკვეთის მიღებას 3-4 დღე უნდა და თან არ გქონდეთ ილუზია, რომ რასაც შეუკვეთავ იმას მოგიტანენ.მე მაგალითად, წინა კვირას შევუკვეთე ქათამი და ამათ მომიტანეს სკუმბრია. მერე ხაჭაპური და ამათ მოიტანეს მყრალი გაყინული სტავრიდა. მერე ამ ყველაფერს ხო მომზადება ხომ უნდა – ხოდა შევიძინე თურქული ელექტრო ტაფა (რა თქმა უნდა, უხარისხო და ატკატით ნაყიდი – 150 ლარი ღირდა). უკვე მესამე ტაფა შევისყიდე, ვინაიდან ამ ტაფის ჩართვა უფრო საფრთხიანია, ვიდრე პარაშუტით გადმოხტომა. წინა ორი ტაფა ამიფეთქდა, ისე რომ შნურიდან ცეცხლი გამოვიდა, ხოლო სახურავი ორჯერ შემეყარა სახეში წვრილ ნამსხვრევებად.ხოდა ვარ ასეთ გაწამაწიაში, მთელი კედლები წინა ტაფების ნარჩენებში და შხეფებშია. მერე ამ ყველაფერს გარეხვა უნდა და მე ჩემი გამოუცდელობით, მთელი ორი კვირა ჭურჭელს ტუალეტის სარეცხი დომესტოსით ვრეცხავდი, ხოლო ტუალეტს ჭურჭლის სითხით. ტუალეტი რა თქმა უნდა თურქულია, ხოლო თუ მუხლებზე პრობლემა გაქვთ, მისით სარგებლობა ყოველ ჯერზე ოლიმპიურ ასპარეზობას ემსგავსება.ნუ ხომ კიდევ ბადრაგის ოთახში რამდენჯერმე ის კაცი მომხვდა თვალში, თვალებმოჭუტული, რომელიც სწორედ ისაა ვინც სამი წლის წინ ამ ციხეში საკვები შემომიტანა, რომლის გასინჯვის შემდეგ ერთი წელი სიკვდილთან ძალიან ახლოს ვიმყოფებოდი და დღემდე ვერ ვგრძნობ კიდურებს და უამრავი სხვა დატოვებული სიმპტომი მაქვს. ხოდა დაახლოებით შორიახლოს ჩასაფრებულ ნიანგს ჰგავს ეს სიტუაცია. სხვათა შორის ბადრაგების ოთახში მუდმივად აქვთ ჩართული ოპოზიციური არხები, ხოლო კვირის ბოლოს მთელი ხმით აღრიალებენ „ნოდარ მელაძის შაბათს“.იმ დღეს სოფო მოვიდა ყოველთვიურ ვიზიტზე (ფანჯრის აქეთ-იქიდან ვსაუბრობთ ტელეფონით, რომელიც სულ წივის) და ვინაიდან მრავალი წელია, არც ამღერებენ და არც ფილმებში იღებენ, თავი უცხებ ციხეებზე გადაღებულ უცხოურ ფილმში წარმოიდგინა, გრძელი დერეფნებით, რომლებიც გეგონება არ მთავრდება, გასაღებების და რკინის კარების ჩხაკუნით, ნახევრად ბნელი, მოქუფრული სივრცეებით, მოღუშული თანმხლები ბადრაგით. სოფოს ასევე უცებ გაახსენდა მრავალი წლის წინ „ვერის უბნის მელოდიებში“ თამაში, როცა მას, როგორც მრეცხავ ვარდოს , ციხეში სვამენ შეშის მოპარვისთვის.ეს ყველაფერი ნახევრად ხუმრობით და ისე ამ ღირსეული ადამიანების ყოველი შემდეგი დღე ციხეში დიდი დანაშაულია მათი გამომკეტავების. ეს ხალხი ახლა საოპერო სცენებს უნდა იპყრობდეს, ახალ იუსტიციის სახლებს იგონებდეს, ახალ მედიებს ქმნიდნენ, ნამდვილ პარლამენტში უნდა ისხდნენ – მოკლედ ქვეყანას, რომელთაც ესენი ძალიან სჭირდებათ, უნდა ემსახურებოდნენ, ხოლო დანარჩენ პატიმრებს ბევრად უფრო ადამიანური მოპყრობა სჭირდებათ.დიდება თავისუფლებას, თავისუფლებას დიდება!“, – წერს მიხეილ სააკაშვილი. 

პოლიტიკა • 1765219448

ხელწერა იგივეა, რაც მიხეილ სააკაშვილის შემთხვევაში ვნახეთ - ისევ მოწამვლაზე საუბრობენ... იგივე მოლაპარაკე თავები წამოაყენეს - შალვა პაპუაშვილი

ხელწერა, რომელიც ჩვენ ვნახეთ მიხეილ სააკაშვილის შემთხვევაში, როგორც დაბრალება, აქაც მოწამვლა, ზუსტად იგივე ხაზი, რაც იყო მიხეილ სააკაშვილის დროს, ზუსტად იგივე მოლაპარაკე თავები წამოაყენეს, - პარლამენტის თავმჯდომარე შალვა პაპუაშვილი ამის შესახებ "ღამის კურიერის" ეთერში აცხადებს.შალვა პაპუაშვილის განცხადებით, კოორდინირებული მოქმედებებისთვის გამოიყენეს იგივე სახეები."ხელწერა, რომელიც ჩვენ ვნახეთ მიხეილ სააკაშვილის შემთხვევაში, როგორც დაბრალება, აქაც მოწამვლა, ზუსტად იგივე ხაზი, რაც იყო მიხეილ სააკაშვილის დროს, ზუსტად იგივე მოლაპარაკე თავები წამოაყენეს და კარგი მანიშნებელი და ინდიკატორი იყო ბროუდერი, ნავალნის ადვოკატი იყო თუ რაღაც ასეთი ისტორია აქვს, ადამიანი, რომელმაც თავი დაგვამახსოვრა სააკაშვილთან დაკავშირებით, იქაც ტყუილებით, იქაც მოწამვლაზე საუბრობდა. სააკაშვილის ავანტიურის შემდეგ გაქრა და ახლაც ისევ მოწამვლის თემებზე, ეს დეზინფორმაციის მუმია კიდევ ერთხელ წამოაყენეს. თქვა ერთი წინადადება და ისევ დაიკარგა ეს ადამიანი. ეს ხომ აჩვენებს, რომ ეს იყო კოორდინირებული მოქმედება პროპაგანდისტული ცრუ ნარატივების კოორდინირებული გავრცელება", - აცხადებს შალვა პაპუაშვილი.

პოლიტიკა • 1765208520

როგორ მოხდა, რომ ძირითადად ჯენზის მოწამვლის გასაპროტესტებლად, ჯენზი თითქმის არ მივიდა - მიხეილ სააკაშვილი

ისე როგორ მოხდა, რომ ძირითადად ჯენზის მოწამვლის გასაპროტესტებლად ჯენზი თითქმის არ მივიდა, – ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.„არ დამიწყოთ ახლა, პოლიტიკოსებმა გაუცრუეს იმედებიო. ნეპალში ჯენზის არც ერთმა პოლიტიკოსმა არ დაუჭირა მხარი (ჩემმა ჯენზი შვილმა ნიკუშამ, რომელიც მაშინ ნეპალში იმყოფებოდა, მომიყვა) და ასევე უკრაინაში ანტიკორუფციული ორგანოების დასაცავად ამ ცოტა ხნის წინ მხოლოდ ჯენზი გამოვიდა, პოლიტიკოსების გარეშე.პოლიტიკოსებმა ძირითადად თავდადება გამოავლინეს, არ შეუშინდნენ რა ყვარყვარეს ციხეს. თავდადება აჩვენეს ჯენზი ახალგაზრდებმაც, ხოლო ახლანდელ სიტუაციაზე ყველას გვმართებს დაფიქრება“, – წერს მიხეილ სააკაშვილი.