სააკაშვილი

VIDEO: „ამ ქვეყნის გამოსავალი მიხეილ სააკაშვილია…“ - მედეა ვასაძე

„მიხეილ სააკაშვილის გარეშე, კაპიკია ყველა ოპოზიციური პარტიის ფასი. ამ ქვეყნის გამოსავალი მიხეილ სააკაშვილია, სხვაგვარად მე ვერ ვხედავ ჩვენი ქვეყნის ხვალინდელ დღეს…“, - ამის შესახებ პარტია „ემსახურე საქართველოს“ ერთ-ერთმა ლიდერმა მედეა ვასაძემ გადაცემაში „ვახო ხუზმიაშვილის თავისუფალი სივრცე“ განაცხადა.ვრცლად, ნახეთ ვიდეო:

პოლიტიკა • 1783244435

გიორგი გამსახურდია სააკაშვილზე: იგორ გიორგაძე აფინანსებდა, პუტინზე ხან ლამაზი თვალები აქვსო იძახდა, ხან ჩემი დიდი მეგობარიაო. რისი მიყიდვაც შეიძლებოდა, ყველაფერი რუსებს მიყიდა და ესენი სხვას ეძახიან რუსებს?

„იგორ გიორგაძე აფინანსებდა, დაჯავშნული აუზიც გამოუგზავნა 2003 წელს, საარჩევნოდ რუსებს აქებდა, მოვიდა თუ არა, რუსეთში გაიქცა, მერე ჩეჩენი მებრძოლი ბიჭები გადასცა რუსებს“- წერს გიორგი გამსახურდია ყოფილი პრეზიდენტის, პატიმარ მიხეილ სააკაშვილის შესახებ. გამსახურდია იხსენებს პუტინთან სააკაშვილის შეხვედრებს და მის სიტყვებს ციტირებს, რომ მასთან „იმდენჯერაა შენახვედრი, ცოლი და ქმარი ვერ ხვდებიან ერთმანეთს მაგ სიხშირით.“„იგორ გიორგაძე აფინანსებდა, დაჯავშნული უაზიც გამოუგზავნა 2003 წელს, საარჩევნოდ რუსებს აქებდა, მოვიდა თუ არა, რუსეთში გაიქცა, მერე ჩეჩენი მებრძოლი ბიჭები გადასცა რუსებს. პუტინზე ხან ლამაზი თვალები აქვსო იძახდა, ხან სიტყვის კაციაო და ზედ ამატებდა, ჩემი დიდი მეგობარიაო. ყველაფერი, რისი მიყიდვაც შეიძლებოდა, ყველაფერი რუსებს მიყიდა, ოკუპაცია დაუკანონა და საანექსიოდ გაუმზადა ორივე კუთხე. მისივე თქმით, იმდენჯერაა პუტინს შენახვედრი, ცოლი და ქმარი ვერ ხვდებიან ერთმანეთს მაგ სიხშირით. რუსული აგრესიის მერე, წერილებს წერდა,მოდი ვითანამშრომლოთო... ვიზები მოუხსნა, მსოფლიო სავაჭრო ორგანიზაციაში მიაღებინა რუსები, ორივე ინაუგურაციაზე, ჯერ თავისი მომთრევი ივანოვი ეჯდა და მერე სერიოჟა ლავროვი. ეს ახვრები და ეს მანიაკი, სხვას ეძახიან რუსებს? ღორისშვილი რუსების მოთრეულია, აბა რა ჯანდაბა არის. P.S. ისე ბიძამის თემურას, თამასას ნუ უწევთ, გენერალი არა ჩემი შავი და ბნელი, არქივული აგენტია ჩვეულებრივი, წოდების გარეშე.“-წერს გამსახურდია.

პოლიტიკა • 1783171051

ცოტნე ანანიძე სააკაშვილის განცხადებაზე, რომ „პუტინი სიტყვის კაცია“: რუსებით მოვიდა ხელისუფლებაში, (ივანოვი ახსოვს ყველას) თავადაც შეასრულა სიტყვა პუტინთან, ზედაპირულად ანტირუსული - შინაარსით რუსეთის მეფისნაცვალი იყო საქართველოში!

რუსებით მოვიდა ხელისუფლებაში,- წერს აჭარის უმაღლესი საბჭოს თავმჯდომარე, ცოტნე ანანიძე, მიხეილ სააკაშვილის შესახებ და სოციალურ ქსელში აქვეყნებს ვიდეოს, სადაც სააკაშვილი აცხადებს, რომ „პრეზიდენტი პუტინი მართლა სიტყვის კაცია.“ ანანიძის განცხადებით, მიხეილ სააკაშვილი „ანტირუსული შინაარსით რუსეთის მეფისნაცვალი იყო საქართველოში“ და მან თავადაც შეასრულა სიტყვა პუტინთან.„რუსებით მოვიდა ხელისუფლებაში, (ივანოვი ახსოვს ყველას) თავადაც შეასრულა სიტყვა პუტინთან, ზედაპირულად ანტირუსული- შინაარსით რუსეთის მეფისნაცვალი იყო საქართველოში!“- წერს ანანიძე.

საზოგადოება • 1783076633

„არ მაინტერესებს გვარამიას აზრები არანაირად...“ - ნინი ბადურაშვილი

ნიკა გვარამიამ ნინი ბადურაშვილის ახალ სიმღერას "ლამაზების პრეზიდენტო" პოსტი მიუძღვნა.ნიკა გვარამის პოსტის საპასუხოდ, ნინი ბადურაშვილი „პრაიმტაიმთან“კომენტარს აკეთებს და ამბობს:„მისი ეს პოსტი წაკითხული არ მქონდა, ახლა გავეცანი თქვენი მეშვეობით, არ მაინტერესებს გვარამიას აზრები არანაირად. ფიქრობს, რომ ყაველაშვილს მივუძღვენი ეს სიმღერა? ძალიან სასაცილოა, იეთიმ გურჯის ულამაზესი პოეზიიდან ერთ-ერთი ტექსტია, რაზეც შექმნა ეკამ სიმღერა. რა შუაშია მიხეილ ყაველაშვილი, ან მიხეილ სააკაშვილი. სპილოს მოგონება ბუზისგან, - აი ,ეს არის. ეს არის ძველი იეთიმ გურჯის ლექსზე შექმნილი სიმღერა. არავის არ ეძღვნება და, უბრალოდ, სასაცილოა, თუ ვინმემ ჩათვალა, რომ მე მივუძღვენი რომელიმე კონკრეტულ პიროვნებას. მიკვირს, რატომ წავიდა ასეთ პროვოკაციაზე?!“

პოლიტიკა • 1783074907

ნიკა გვარამია ნინი ბადურაშვილზე პოსტს აქვეყნებს

ნიკა გვარამიამ ნინი ბადურაშვილის ახალ სიმღერას "ლამაზების პრეზიდენტო" პოსტი მიუძღვნა.პოლიტიკოსი მიანიშნებს, რომ ცნობილი მეტაფორული ფრაზა “ლამაზების პრეზიდენტო” თითქოს პირდაპირი მნიშვნელობით არის ტექსტში გამოყენებული."ჩემს ძალებს აღემატება იმის წარმოდგენა, სააკაშვილის დროს რომ "ლამაზების პრეზიდენტო" ემღერა ვინმეს, რა მოხდებოდა. არ გეგონოთ, სისულელეზე მოვცდი. სინამდვილეში, იმაზე ვფიქრობ, როგორ მოახერხეს რუსებმა ის, რომ მაშინ ბუზიდან სპილოს აკეთებდნენ და დღეს - სპილოდან ბუზს," - წერს გვარამია.ვიდეორგოლი ნინი ბადურაშვილმა გამომწერებისთვის ფეისბუკგვერდზე გააზიარა:„მოხარული ვარ, წარმოგიდგინოთ ჩემთვის განსაკუთრებული ნამუშევარი, რომელშიც ჩადებულია სიყვარული, ემოცია და დიდი შრომა. იმედია მოგეწონებათ და შეიყვარებთ“,- წერს ბადურაშვილი.

პოლიტიკა • 1783011960

თინა ბოკუჩავა: მინდა, საზოგადოებას ბოდიში მოვუხადო, რომ ორი წლის წინ ვერ ვიყავით გულწრფელი. საზოგადოებას ახსოვს, ლევან ხაბეიშვილის შეცვლის მიზეზად დასახელებული იყო ჯანმრთელობის მდგომარეობა, მაგრამ ეს არ იყო რეალური მიზეზი და ამაზე ორი წლის განმავლობაში არ ვსაუბრობდი

მინდა, საზოგადოებას ბოდიში მოვუხადო, რომ ორი წლის წინ ვერ ვიყავით გულწრფელი. საზოგადოებას ახსოვს, ლევან ხაბეიშვილის შეცვლის მიზეზად დასახელებული იყო ჯანმრთელობის მდგომარეობა, მაგრამ ეს არ იყო რეალური მიზეზი და ამაზე ორი წლის განმავლობაში არ ვსაუბრობდი, - განაცხადა „ნაციონალური მოძრაობის“ მოქმედმა თავმჯდომარემ, თინა ბოკუჩავამ „ფორმულას“ ეთერში.მისი თქმით, ორი წლის განმავლობაში ამის გამო სერიოზული სინდისის ქენჯნა ჰქონდა.„შეიცვალა თავმჯდომარე, მომიწია, ჩამენაცვლებინა ლევან ხაბეიშვილი. საზოგადოებას ახსოვს მიზეზი, რომელიც გავაცანით. ამ პროცესში მეც მივიღე მონაწილეობა. ორი წლის თავზე ვთვლი, რომ ხალხთან ვიყო გულწრფელი. მაშინ დასახელებული მიზეზი იყო ჯანმრთელობის მდგომარეობა. გახსოვთ, ლევანი ფაქტობრივად აწამეს. არავისთვის გასაკვირი არ იქნებოდა, მას დასჭირვებოდა კონკრეტული დრო რეაბილიტაციისთვის, მკურნალობისთვის, მაგრამ ეს არ იყო რეალური მიზეზი და მე ამაზე ორი წლის განმავლობაში არ ვსაუბრობდი. ახლა თავად პრეზიდენტმა და ლევანმა ისაუბრეს საჯარო პოსტებში, რომლებიც ბოლო რამდენიმე დღის განმავლობაში გამოაქვეყნეს – რეალური მიზეზი უკავშირდებოდა იმას, რომ მაშინ ოპოზიციური გაერთიანების მცდელობა იყო და რიგი პოლიტიკური აქტორებისთვის თითქოს ლევანი იქნებოდა მიუღებელი პოლიტიკური ლიდერი. ამან განაპირობა ეს ჩანაცვლება. პოლიტიკაში თუკი რამის მიმართ მაქვს მიუღებლობა, ეს არის არა მწვავე პოლემიკა, არამედ არაგულწრფელობა. მაშინ არ ვიყავი და ვერ ვიყავი გულწრფელი იმ დიდი მიზნების გამო, რაც გვეგონა, რომ გვამოძრავებდა. ვფიქრობ, გულწრფელობა მოგვცემდა შესაძლებლობას, ჯანსაღად გვემართა პროცესები. მეტიც, მაშინ რომ გვეთქვა რეალური მიზეზი, მე აუცილებლად, პრინციპულ საკითხად დავაყენებდი, რომ პარტიაში ჩატარებულიყო პირდაპირი წესით არჩევნები. მე არ მქონდა იმ ხარისხის ლეგიტიმაციის მანდატი ხალხის მხრიდან, რომ თუნდაც იმ გადაწყვეტილებებში, რომლებიც ჩემთვის იყო პრინციპულად მნიშვნელოვანი, წინააღმდეგობაში წავსულიყავი დამფუძნებელ თავმჯდომარესთან, პარტიის შიგნით ჯგუფებთან ან სხვა ადამიანებთან, რომლებიც შესაძლოა, სხვადასხვა მომენტში არ იზიარებდნენ პარტიის შიგნით რეფორმების საკითხს“, - განაცხადა თინა ბოკუჩავამ.მისი თქმით, როდესაც საუბარია „ძველების ახლებით“ ჩანაცვლებაზე და სხვა საკითხებზე, აქაც ძალიან ბევრი მნიშვნელოვანი განაცხადის გაკეთება უნდოდა, მაგრამ ამის შესაძლებლობა არ მიეცა.„ამ პროცესში ხელი შემიშალა პრეზიდენტ სააკაშვილის ტყვეობამ, პარტიის მუდმივი გაუქმების საფრთხემ, ურესურსობამ და გარკვეულმა წინააღმდეგობამ რიგი ჯგუფების მხრიდან პარტიის შიგნით“, - განაცხადა თინა ბოკუჩავამ.ამასთან, მისივე განცხადებით, ჯერ არ აქვს გადაწყვეტილი, იქნება თუ არა კიდევ ერთხელ პარტიის თავმჯდომარეობის კანდიდატი.„ეს გადაწყვეტილება ბევრ რამეზეა დამოკიდებული, მათ შორის, ვინ იქნებიან სხვა კონკურენტები, ვინ იქნება ჩემს გუნდში, პრეზიდენტი სააკაშვილის საბოლოო პოზიცია რა იქნება, რადგან მას განუზომლად დიდი როლი აქვს. ამ პროცესში ასევე მნიშვნელოვანია, პარტიაში ჯგუფებს რა პოზიცია ექნებათ ყრილობის მომენტში. მათ, შესაძლოა, წარსულში ჰქონდათ წინააღმდეგობები იმ რეფორმების ხედვასთან დაკავშირებით, რომელიც მქონდა. ასევე, მნიშვნელოვანია ის ფაქტორები, რომლებსაც ჩვენ ვერ ვაკონტროლებთ – შესაძლოა, ხვალ და ზეგ ოპოზიციური ლიდერები, რომლებთან ერთადაც პროტესტზე ვდგავართ, ისევ დაბრუნდნენ ციხეში, გასათვალისწინებელია საკონსტიტუციო პროცესიც, რომელიც პარტიის გაუქმებას ითვალისწინებდა და შეიძლება, განახლდეს“, - აღნიშნა თინა ბოკუჩავამ.

პოლიტიკა • 1782991738

ვოლსკი: სააკაშვილის ერთადერთი ხედვაა, ქვეყანამ როგორმე ის ცეცხლი და ცრემლი გაიაროს, რაშიც დღეს უკრაინაა, რომ შემდეგ ფერფლიდან აღდგეს და „ნათელ მომავალში“ გადაინაცვლოს

სააკაშვილის გამონათქვამები არ შეიძლება, სერიოზულად მიიღო. დარწმუნებულია, რომ რაღაც არაოფიციალური ფრაზების გამოყენებით საკუთარ რენომეს აღადგენს, რაც რეალობას აბსოლუტურად მოწყვეტილია, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, სააკაშვილის ერთადერთი ხედვაა, ქვეყანამ როგორმე ის ცეცხლი და ცრემლი გაიაროს, რაშიც დღეს უკრაინაა, რომ შემდეგ როგორმე ფერფლიდან აღდგეს და „ნათელ მომავალში“ გადაინაცვლოს.„გავიგეთ, რომ მსოფლიო ჩემპიონატში კაბო ვერდეს გულშემატკივრობს, რადგან კაბო ვერდელი გოგო მოსწონდა პირველ კურსზე, როდესაც კიევში საერთაშორისო ინსტიტუტში სწავლობდა. სასაცილო არაფერია, არაადეკვატური ადამიანია და ეს არაადეკვატურობა, გარკვეულწილად, განაპირობებს სექტის ჩამოყალიბებას, რომლის წევრები მისი ერთგული და თავდადებული მხარდამჭერები არიან. თავს უფლებას აძლევს, რაც უნდა იმას ამბობს – უნდა ხაბეიშვილს დაამცირებს, უნდა ბოკუჩავას და, სულ მალე, ალბათ ჟორჟოლიანსაც მიადგება. ეს არის მისი პიროვნების თვისება, მაგრამ ეს პიროვნება იმავენაირად ექცეოდა ყოველთვის საკუთარ ქვეყანას. ეს არის პრობლემა, თორემ ხაბეიშვილზე და ბოკუჩავაზე რას იტყვის, არავითარი მნიშვნელობა არა აქვს. ზოგადად, მისი ერთადერთი ხედვაა ქვეყანამ როგორმე ის ცეცხლი და ცრემლი გაიაროს, რაშიც დღეს უკრაინაა, რომ შემდეგ როგორმე აღდგეს ფერფლიდან და „ნათელ მომავალში“ გადაინაცვლოს. „ნაცმოძრაობას“ პერსპექტივა მხოლოდ იმ შემთხვევაში აქვს, თუ ქვეყანა დაემხობა, გაცალმტვერდება, დაინგრევა ეკონომიკურად და ფიზიკურადაც, როგორც მათ წარმოუდგენიათ და შეიძლება, მხოლდ მაშინ სააკაშვილის ფრთამ მართვის სადავეებს მიაღწიოს, რომელსაც ქართული საზოგადოების ნაცვლად სულ სხვა ხალხი გადაიბარებს“, – განაცხადა გია ვოლსკიმ.რაც შეეხება „ოპოზიციის ალიანსს“, როგორც პარლამენტის ვიცე-სპიკერი ამბობს, ერთმანეთთან კინკლაობის გარდა თავი ჯერ არაფერში გამოუჩენიათ.„შეფასებები და საუბარი საქართველოზე და მის მომავლზე აბსოლუტურად არაადეკვატურია იმ ადამიანების მხრიდან, რომლებიც 2012 წლამდე მუდმივად ცდილობდენ და ახლაც ცდილობენ, როგორმე პრობლემა შეუქმნან საკუთარ ქვეყანას. „ალიანსში“ გაერთიანდებიან, თუ „ალინსის“ გარედან იქნებიან შემოძახილებით დაკავებულები, ამას არანაირი მნიშვნელობა არ აქვს. არავისგან არასოდეს რაიმე მწყობრი გეგმა ან ამოცანა არ გაგვიგია, გარდა იმაზე საუბრისა, რომ ხელისუფლება პრორუსულია, რასაც ვერანაირი ფაქტით ვერ ადასტურებენ. და მეორე თემაა, არჩევნები გაყალბდა, რაც რეალობაში არ მომხდარა. მათი ინტელექტუალური დიაპაზონი ამ ორი თემითაა შეზღუდული. სხვა შეკვეთა არც აქვთ. პროდასავლურობის დემონსტრირება უნდათ ამ უნიათო ხერხებით და საზოგადოება კი აღარ ახსოვთ“, – განაცხადა გია ვოლსკიმ.

პოლიტიკა • 1782991239

ვოლსკი: ნიკა გილაური არის ადამიანი, რომელიც მეტ-ნაკლებად გამოიყურება როგორც პროფესიონალი და უნდათ, მისი სახე წარმოაჩინონ როგორც ამ დესტრუქციული მოძრაობის ლიდერი

ნიკა გილაური არის ადამიანი, რომელიც მეტ-ნაკლებად გამოიყურება როგორც პროფესიონალი და უნდათ, მისი სახე წარმოაჩინონ როგორც ამ დესტრუქციული მოძრაობის ლიდერი, – ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.„ყოფილმა პრეზიდენტმა არ გაამართლა არც თავისი მოქმედებით, არც საუბრის მანერით და არც ხედვებით. რასაკვირველია, მოღალატეები არავის უყვარს. ერთი პერიოდი, ნიკა გილაურსაც არ სწყალობდა სააკაშვილი. რამდენად გამოადგება ნიკა გილაური თავისი იერსახით და მოგონილი ინტელექტით ოპოზიციას, ძნელი სათქმელია, მაგრამ ფაქტია, რომ მისი რესურსიც მნიშვნელოვნად არის შეზღუდული იმ ინსტრუქციით, რასაც ქვეყნის დესტაბილიზაცია ჰქვია. დესტაბილიზაცია, რევოლუცია, ხელისუფლების ძალით შეცვლა და მშვიდობიანი დამხობა – ამ თემების გარდა, არავისგან არაფერი გაგვიგია. გილაურიც ამ კონტექსტში უნდათ, რომ ჩაწერონ და წარმატება ნაკლებად ექნებათ. ესენი საქართველოს ცეცხლიან მომავალს უქადიან და ნიკა გილაურიც ამ შემადგენლობაში განიხილება. შემადგენლობა მოწამლავს ნებისმიერს, ნიკა გილაური იქნება, თუ ნებისმიერი სხვა“, – განაცხადა ვოლსკიმ.ცნობისთვის, საქართველოს ყოფილმა პრეზიდენტმა, მიხეილ სააკაშვილმა „ტვ პირველთან“ წერილობით ინტერვიუში პოლიტიკურ პროცესებში გილაურების შემოყვანას „ძალიან მძიმე შეცდომა“ უწოდა. სააკაშვილმა აღნიშნა, რომ „ძმები გილაურები საბანკო დანაშაულებრივი სინდიკატის კლასიკური წარმომადგენლები არიან და მალე მოვა დრო, როცა ბანკების მესვეურები დიქტატურასთან ერთად გასამართლდებიან“.პატიმრობაში მყოფმა „კოალიცია ცვლილებისთვის“ ერთ-ერთმა ლიდერმა, ელენე ხოშტარიამ „ფეისბუქზე“ გავრცელებულ პოსტში აღნიშნა: „არცერთ ეტაპზე არ არსებობდა ურთიერთობა, სადაც ნიკა გილაური რაიმე სახის წინაპირობებს, დავალებებს ან მითითებებს გასცემდა. თანამშრომლობის არცერთ ეტაპზე გილაურისგან წინაპირობა პრემიერობის კანდიდატობა არ ყოფილა. მისი პრინციპული და ჩვენგან სრულად გაზიარებული პოზიცია იყო საერთო პრემიერობის კანდიდატი, მათ შორის საუბარი იყო სალომე ზურაბიშვილზეც, როგორც ერთ-ერთ შესაძლო კანდიდატზე“. ამასთან, ელენე ხოშტარიას პოსტში ნათქვამია, რომ მას „მადლობის გარდა, არაფერი ეთქმის ნიკა გილაურისთვის ბიძინა ივანიშვილის წინააღმდეგ გაწეული ბრძოლისთვის“.

პოლიტიკა • 1782912226

თეა წულუკიანი თაზო დათუნაშვილს: თენგიზ შარმანაშვილის კომპეტენცია და ზრდილობა რომ მოგცათ, ეგებ კაცებსაც დაემსგავსოთ მაგ პარტიაში - მისი მონაწილეობით დამტკიცებული საგამოძიებო კომისიის დასკვნა ხომ არ გადგათ ყელზე, შემთხვევით?

პარლამენტის თავმჯდომარის მოადგილე, თეა წულუკიანი, "ლელოს" წევრის, თაზო დათუნაშვილი განცხადებას ეხმიანება, რომელმაც საპარლამენტო უმრავლესობის წევრ თენგიზ შარმანაშვილს "ზეზეული გვამი" უწოდა.წულუკიანი "ლელოს" სააკაშვილის გამოყენებულებს უწოდებს და ინტერესდება, შარმანაშვილის მონაწილეობით დამტკიცებული საგამოძიებო კომისიის დასკვნა ხომ არ ადგათ მათ ყელზე, სადაც სწორედ იმაზეა საუბარი, თუ როგორ იყენებდა მიხეილ სააკაშვილი ბიზნესის რეკეტისთვის "ლელოს" წარმომადგენლებს."ბატონი თენგიზ შარმანაშვილის კომპეტენცია და ზრდილობა რომ მოგცათ, ეგებ კაცებსაც დაემსგავსოთ მაგ პარტიაში. ანტიქართველური და სამარცხვინო გამოხდომა. შარმანაშვილის მონაწილეობით დამტკიცებული, საგამოძიებო კომისიის დასკვნა ხომ არ გადგათ ყელზე, შემთხვევით? ბიზნესის რეკეტისთვის როგორ აყენებინებდით თავს ლელოები სააკაშვილს, ამაზე საკონსტიტუციო სასამართლოში ისაუბრეთ, იმედი მაქვს, ძალიან მალე. სააკაშვილის გამოყენებულები, ესენი!" - წერს თეა წულუკიანი სოციალურ ქსელში.

პოლიტიკა • 1782908826

ერთადერთი შეკვეთა, რისი მოცემაც სცადა თავად სააკაშვილმა, ეს მისი კერპად აღიარება და რაზეც გავიზარდეთ, იმ ღირებულებების ღალატი იყო! ცხადია დაპანღურდა - თამარ ჩერგოლეიშვილი

„ნაციონალურ მოძრაობაში“ დაპირისპირება გრძელდება. ამჯერად პატიმარმა სააკაშვილმა დაასახელა კონკრეტული მიზეზი, თუ რატომ მოხდა ლევან ხაბეიშვილის, თინა ბოკუჩავათი ჩანაცვლება. ერთ-ერთ მედიასთან წერილობით ინტერვიუში სააკაშვილმა კიდევ ერთხელ გააკრიტიკა ოპოზიცია და მისივე პარტიის ყოფილი თავმჯდომარე ნიკა მელია. სააკაშვილს კვლავ მწვავედ აკრიტიკებს თამარ ჩერგოლეიშვილი, რომელიც აცხადებს, რომ ყოფილი პრეზიდენტი უსაფუძვლოდ ადანაშაულებს „ბოკერიებს“ და მისგან საკუთარი კერპად აღიარებასა და ღირებულებების ღალატს მოითხოვდა.“ცილისმწამებელი სააკაშვილი უკვე დადის და კიდევ ივლის იმ სიმართლით, რომ “ბოკერიები” რაიმე შეკვეთის შემსრულებლები ვართ. ერთადერთი შეკვეთა, რისი მოცემაც სცადა თავად სააკაშვილმა, ეს მისი კერპად აღიარება და რაზეც გავიზარდეთ, იმ ღირებულებების ღალატი იყო! ცხადია დაპანღურდა, როგორც ბოლო გოიმი თვითგანადგურებისკენ“,- წერს "ფედერალისტური პარტიის" თბილისის ორგანიზაციის თავმჯდომარე თამარ ჩერგოლეიშვილი.

პოლიტიკა • 1782903128

მამუკა მდინარაძე: აგენტურული დავალებების შესრულებაში ერთ-ერთი ყველაზე წარჩინებული იყო მიხეილ სააკაშვილი, ის დღეს ეპრანჭება თავის პატრონებს და ცდილობს, მათ დაუმტკიცოს, რომ ისევ გააჩნია იმდენი გავლენა, რომ მასზე გააკეთონ არჩევანი

„ნაცმოძრაობის“ ლიდერი, მათი მმართველობის დროს, იყო სანიმუშო შემსრულებელი დავალებებისა. ამ ქვეყანაში აგენტურული ჯგუფებიდან ერთ-ერთი ყველაზე წარჩინებული იყო მიხეილ სააკაშვილი აგენტურული დავალებების შესრულებაში და ამიტომ მას თავისი როლი რჩება და განსაკუთრებული როლია ეს არამხოლოდ მის პარტიაში, არამედ ე.წ. ოპოზიციურ ფლანგზე, სინამდვილეში აგენტურულ ჯგუფებში, - ამის შესახებ საქართველოს ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ განაცხადა.მისივე თქმით, ის დღეს ეპრანჭება თავის პატრონებს.„ცდილობს, მათ დაუმტკიცოს, რომ ისევ გააჩნია იმდენი გავლენა, რომ მასზე გააკეთონ არჩევანი. მისი ეს გამოხტომები მხოლოდ ამას ემსახურება. იქ ჩვენ არ უნდა დავიჯეროთ რაღაც სიგიჟეები, რასაც ისინი ცდილობენ დაგვაჯერონ, რომ შიდა გადანაწილებაა ოპოზიციურ ველზე, ეს ყველაფერი მოჩვენებითია, მსგავსი არაფერი ხდება. რა თქმა უნდა, პიროვნული მომენტები იქნება და საკუთარი ეგო განსაკუთრებული ამბიციის მქონე აგენტებს სძალავთ ხოლმე, ამისი გამოხატულებაცაა ხშირ შემთხვევაში, მაგრამ ჩვენ საქმე გვაქვს მხოლოდ და მხოლოდ ძალების მოსინჯვასთან, პატრონებთან გაპრანჭვასთან და აგენტურული ძალაუფლების გადანაწილებასთან, ეს უნდა გავათვითცნობიეროთ,“- აღნიშნა ვიცე-პრემიერმა

პოლიტიკა • 1782900660

დავით მათიკაშვილი: დავით საყვარელიძე მშვიდად იყოს, აშშ და საქართველო საერთო ენას ნახულობენ, „ნაცები“ ვერ ეღირსებიან საქართველოს ცეცხლის ალში გახვევას

„ნაცების“ ოცნებაა, საქართველო სამიზნე გახდეს. დიდი მცდელობა იყო, საქართველო რუსეთის სამიზნე ყოფილიყო, რაც „ნაცებს“ არ გამოუვიდათ, – ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა განაცხადა.მათიკაშვილმა კომენტარი გააკეთა დავით საყვარელიძის განცხადებაზე, რომლის თანახმადაც: „საქართველოს აქვს შანსი, მიაღწიოს აშშ-ის სამხედრო ნაწილების განლაგებას საქართველოში, როგორც უსაფრთხოების გარანტის. აშშ-ს მაინც მოუწევს ირანთან დაპირისპირება და საქართველოს ტერიტორიაც შეიძლება გახდეს ლოგისტიკური ცენტრი“.„საქართველოში სააკაშვილის კონტეინერით შემოპარვა მოხდა, რათა ქვეყანა არეულიყო, შემდეგ არეული ქვეყანა გამხდარიყო პროქსი სახელმწიფო და რუსეთის სამიზნე, რაც არ გამოუვიდათ. ახლა მეორე საკითხით დაინტერესდნენ. დავით საყვარელიძე მშვიდად იყოს – ამერიკა და საქართველო საერთო ენას ნახულობენ, რადგან ურთიერთობის გაღრმავების პროცესი მიმდინარეობს. „ნაცების“ მიზანია, საქართველო ცეცხლის ალში გახვიონ და უცხო ძალების სამიზნე გახადონ. ამას ვერ ეღირსებიან, ამის გარანტი ბიძინა ივანიშვილი, ხელისუფლება და ქართველი ხალხი არიან“, – აღნიშნა დავით მათიკაშვილმა.