პროკურატურამ

პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენა, შენახვის და რეალიზაციის ხელშეწყობის ფაქტზე უცხო ქვეყნის მოქალაქეს ბრალდება წარუდგინა

საქართველოს პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენა, შენახვის და რეალიზაციის ხელშეწყობის ფაქტზე უცხო ქვეყნის მოქალაქეს ბრალდება წარუდგინა.შინაგან საქმეთა სამინისტროს მიერ ჩატარებული გამოძიების შედეგად დადგინდა, რომ ბრალდებულმა უკანონოდ შეიძინა და ინახავდა განსაკუთრებით დიდი ოდენობით, 40,562 გრ. ნარკოტიკულ საშუალება ‘’მეთადონს (ფუძე)’’- ს, საიდანაც ნაწილი რეალიზაციის მიზნით ბათუმში სხვადასხვა ლოკაციაზე განათავსა.სამართალდამცველებმა აღნიშნული ნარკოტიკული საშუალება ამოიღეს, მათ შორის ბრალდებულის პირადი და დროებითი საცხოვრებელი სახლის ჩხრეკის შედეგად.დაკავებულს ბრალდება საქართველოს სისხლის სამართლის კოდექსის 260-ე მუხლის მე-3 ნაწილის „ა“ ქვეპუნქტით და 260 კვარტა მუხლის მე-6 ნაწილის „ა“ ქვეპუნქტი (განსაკუთრებით დიდი ოდენობით ნარკოტიკული საშუალების უკანონო შეძენა, შენახვა და რეალიზაციის ხელშეწყობა) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.ბათუმის საქალაქო სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა.ინფორმაციას პროკურატურა ავრცელებს.

სამართალი • 1770023441

პროკურატურამ განსაკუთრებით დიდი ოდენობით ნარკოტიკული საშუალების და ფსიქოტროპული ნივთიერების უკანონო შეძენის, შენახვის და საქართველოში უკანონოდ შემოტანის ფაქტზე უცხო ქვეყნის მოქალაქეს ბრალდება წარუდგინა

საქართველოს პროკურატურამ განსაკუთრებით დიდი ოდენობით ნარკოტიკული საშუალების და ფსიქოტროპული ნივთიერების უკანონო შეძენის, შენახვის და საქართველოში უკანონოდ შემოტანის ფაქტზე უცხო ქვეყნის მოქალაქეს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და შეინახა, 979 აბი ნარკოტიკული საშუალება „მდმა“ და 47 კაფსულა ფსიქოტროპული ნივთიერება „პრეგაბალინის“ შემცველი ნივთიერება, რაც სასაზღვრო გამშვები პუნქტი „სარფი“-ს გავლით უკანონოდ შემოიტანა საქართველოში. სამართალდამცველებმა აღნიშნული ნივთიერებები სასაზღვრო გამშვები პუნქტის ტერიტორიაზე ბრალდებულისგან ამოიღეს.დაკავებულს ბრალდება საქართველოს სისხლის სამართლის კოდექსის 260-ე მუხლის მესამე ნაწილის „ა“ ქვეპუნქტით; (განსაკუთრებით დიდი ოდენობით ნარკოტიკული საშუალების უკანონო შეძენა და შენახვა), 262-ე მუხლის მეოთხე ნაწილის „ა“ ქვეპუნქტით, (განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანა) და 261-ე მუხლის პირველი ნაწილით (ფსიქოტროპული ნივთიერების ან მისი ანალოგის უკანონო შეძენა შენახვა) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.პროკურატურის შუამდგომლობის საფუძველზე სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა.

მსოფლიო • 1769837512

აშშ-ის იუსტიციის დეპარტამენტმა ჯეფრი ეპშტეინის საქმის ყველა დოკუმენტი გამოაქვეყნა

აშშ-ის იუსტიციის დეპარტამენტმა განაცხადა, რომ გამოაქვეყნა ამერიკელი ფინანსისტის, ჯეფრი ეპშტეინის საქმის ყველა დოკუმენტი.როგორც იუსტიციის მინისტრის პირველმა მოადგილემ, ტოდ ბლანშმა პრესკონფერენციაზე გამოსვლისას განაცხადა, ამ საქმეზე აშშ-ის კონგრესისთვის საბოლოო ანგარიშის გადაცემის შემდეგ, მისი უწყების ვალდებულება ეპშტეინის საქმის დოკუმენტების გასაჯაროებასთან დაკავშირებით „სრულად იქნება შესრულებული“.მისი თქმით, აშშ-ის იუსტიციის დეპარტამენტი აქვეყნებს „3 მილიონზე მეტ გვერდს დოკუმენტებიდან, ასევე 2 ათასზე მეტ ვიდეორგოლსა და 180 ათას ფოტოსურათს“.როგორც ბლანშმა აღნიშნა, ამ მასალებში დაფიქსირებული ყველა ქალის სახე, ეპშტეინის თანაშემწის, გისლეინ მაქსველის გარდა, დაფარულია. მან დააზუსტა, რომ ყველა ეს ვიდეორგოლი და ფოტო არ არის გადაღებული ეპშტეინის ან მისი გარემოცვის მიერ; ეს მასალები ასევე მოიცავს „დიდი მოცულობით კომერციულ პორნოგრაფიას“.„ჩვენ არ დაგვიმალავს არცერთი მამაკაცის სახე [ამ ფოტოებსა და ვიდეოებზე]“, - აღნიშნა ბლანშმა. „არ არსებობს ჯეფრი ეპშტეინის შესახებ რაიმე განსაკუთრებით საიდუმლო დოკუმენტების ნაკადი, რომელსაც ჩვენ ვმალავთ“, - დასძინა მან.ეპშტეინი ნიუ-იორკის შტატის სამართალდამცავმა ორგანოებმა 2019 წლის 6 ივლისს დააკავეს. პროკურატურამ განაცხადა, რომ არსებობდა მტკიცებულებები, რომელთა თანახმად, 2002-2005 წლებში მან მანჰეტენზე მდებარე საკუთარ სახლში ათობით არასრულწლოვანი გოგონას ვიზიტი დააორგანიზა, რომელთაგან ყველაზე უმცროსი 14 წლის იყო.ეპშტეინის მეგობრებისა და ნაცნობების წრეში შედიოდა არაერთი მოქმედი თუ ყოფილი თანამდებობის პირი არა მხოლოდ აშშ-იდან, არამედ მსოფლიოს მრავალი სხვა ქვეყნიდან, მათ შორის სახელმწიფოთა ყოფილი მეთაურები, მსხვილი მეწარმეები და შოუბიზნესის ვარსკვლავები.ფინანსისტის მიმართ სისხლისსამართლებრივი დევნა აშშ-ში მას შემდეგ შეწყდა, რაც მან 2019 წლის აგვისტოში ციხის საკანში სიცოცხლე თვითმკვლელობით დაასრულა. ეპშტეინის ნაცნობებს შორის იყვნენ აშშ-ის 42-ე პრეზიდენტი ბილ კლინტონი და ამერიკის ადმინისტრაციის მოქმედი ხელმძღვანელი დონალდ ტრამპი.

სამართალი • 1769775399

პროკურატურამ ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვის ფაქტზე ერთ პირს ბრალდება წარუდგინა

საქართველოს პროკურატურამ ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვის ფაქტზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და შეინახა სამი ავტომატური ცეცხლსასროლი იარაღი და ერთი ტყვიამფრქვევი, რასაც უკანონოდ ინახავდა ჩოხატაურის მუნიციპალიტეტში მდებარე საცხოვრებელ სახლში.საგამოძიებო მოქმედებების შედეგად სამართალდამცველებმა აღნიშნული ცეცხლსასროლი იარაღები ამოიღეს.დაკავებულს ბრალდება საქართველოს სისხლის სამართლის კოდექსის 236-ე მუხლის მე-3 ნაწილით (ცეცხლსასროლი იარაღის და საბრძოლო მასალის მართლსაწინააღმდეგო შეძენა, შენახვა) წარედგინა, რაც სასჯელის სახედ და ზომად 6 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.ინფორმაციას პროკურატურა ავრცელებს.

სამართალი • 1769775018

მსოფლიო • 1769706577

კორუფციული ბრალდებების დადასტურების შემდეგ ევროკომისიამ ესტონელი მაღალჩინოსანი თანამდებობიდან გაათავისუფლა

ევროკომისიამ ერთ-ერთი მაღალჩინოსანი ჰენრიკ ჰოლოლეი თანამდებობიდან გაათავისუფლა მას შემდეგ, რაც შიდა გამოძიებამ ჰოლოლეისთან დაკავშირებით წესების დარღვევა დაადგინა, – ამის შესახებ „პოლიტიკო“ წყაროებზე დაყრდნობით წერს.როგორც „პოლიტიკო“ წერს, ესტონელი ჰოლოლეის წინააღმდეგ გამოძიება მიმდინარეობდა ინტერესთა კონფლიქტის, გამჭვირვალობის, საჩუქრების მიღებისა და დოკუმენტების გამჟღავნების წესების დარღვევის ბრალდებით.ესტონური მედიის ცნობით, პროკურატურამ კორუფციის ბრალდებით სისხლის სამართლის საქმე აღძრა ფრანგული გაზეთის პუბლიკაციის საფუძველზე. გაზეთის ცნობით, ჰოლოლეიმ,საჩუქრების სანაცვლოდ, კატარსა და ევროკავშირს შორის ავიაციის მნიშვნელოვან შეთანხმებაზე კონფიდენციალური ინფორმაცია გაცვალა.ბრალდებების თანახმად, ჰოლოლეიმ და მის ოჯახმა 2016-2019 წლებში, ე.წ. ღია ცის შეთანხმებაზე მოლაპარაკებების დროს, ათობით ათასი ევროს ღირებულების საჩუქრები მიიღეს. ეს შეთანხმება 2021 წლიდან Qatar Airways-ს საშუალებას აძლევს თავისუფალი წვდომა ჰქონდეს ევროკავშირის ყველა აეროპორტში.„მე დამწუხრებული ვარ, მაგრამ ვიღებ კომისიის გადაწყვეტილებას და მიხარია, რომ ეს ხანგრძლივი პროცესი საბოლოოდ დასრულდა“, – განუცხადა ჰოლოლეიმ „პოლიტიკოს“.ჰენრიკ ჰოლოლეი ევროკომისიის ტრანსპორტის საკითხებში მაღალჩინოსანი იყო, ხოლო ბოლო დროს საერთაშორისო პარტნიორობის გენერალურ დირექტორატში მრჩევლის პოზიციაზე მუშაობდა.„პოლიტიკო“ წერს, რომ გასულ წელს გამოძიებამ შეისწავლა კომისიის თანამშრომელთა რეგულაციის ოთხი მუხლის შესაძლო დარღვევები.

მსოფლიო • 1769698471

POLITICO: კორუფცია ევროკავშირში - ესტონელმა მაღალი თანამდებობის პირმა, ჰენრიკ ჰოლოლეიმ, საჩუქრების სანაცვლოდ, მსხვილი საავიაციო გარიგების შესახებ კონფიდენციალური დეტალები კატართან გაცვალა

ევროკომისიამ ერთ-ერთი მაღალი რანგის ოფიციალური პირი, ჰენრიკ ჰოლოლეი, თანამდებობიდან გაათავისუფლა მას შემდეგ, რაც შიდა გამოძიებამ დაადგინა, რომ მან წესები დაარღვია, - POLITICO-ს ეს ინფორმაცია სამმა ოფიციალურმა პირმა დაუდასტურა.ესტონელი ჰოლოლეი გამოძიების ობიექტი გახდა ინტერესთა კონფლიქტის, გამჭვირვალობის, საჩუქრების მიღებისა და დოკუმენტების გამჟღავნების წესების სავარაუდო დარღვევის გამო. ამის შესახებ ნათქვამია დოკუმენტებში, რომლებიც POLITICO-ს გასულ წელს ჩაუვარდა ხელში.„იმედგაცრუებული ვარ, თუმცა, კომისიის გადაწყვეტილებას ვეთანხმები და მიხარია, რომ ეს ხანგრძლივი პროცესი საბოლოოდ დასრულდა,“ - განუცხადა ჰოლოლეიმ POLITICO-ს.გამოცემის მიერ გამოქვეყნებული დოკუმენტების თანახმად, ჰოლოლეი ადრე ევროკომისიაში ევროკავშირის ტრანსპორტის მაღალი თანამდებობის პირი იყო, ხოლო ბოლოს, საერთაშორისო პარტნიორობის გენერალურ დირექტორატში Hors Classe, მრჩევლის პოზიციას იკავებდა.2025 წლის 21 მარტს ჰოლოლეის აცნობეს, რომ კომისიამ მის წინააღმდეგ, შიდა დისციპლინური პროცედურა დაიწყო. გამოძიება დაიწყო მას შემდეგ, რაც ევროპის საზოგადოებრივმა პროკურატურამ, კორუფციის ბრალდებებთან დაკავშირებით სისხლის სამართლის გამოძიება გახსნა. ამას საფუძვლად დაედო ფრანგული გაზეთის Libération-ის მიერ გამოქვეყნებული ინფორმაცია, რომლის მიხედვითაც, ჰოლოლეიმ, საჩუქრების სანაცვლოდ, მსხვილი საავიაციო გარიგების შესახებ კონფიდენციალური დეტალები კატართან გაცვალა. ბრალდებები ეფუძნებოდა ევროპის თაღლითობის წინააღმდეგ ბრძოლის ოფისის მიერ 2023 წელს ჩატარებული გამოძიების კონფიდენციალურ დასკვნებს, რომელიც POLITICO-ს მიერ გამოქვეყნებული მასალების შემდეგ დაიწყო.

სამართალი • 1769693975

პროკურატურამ ჩოხატაურის საკრებულოს ყოფილ თავმჯდომარეს ბრალდება წარუდგინა

საქართველოს პროკურატურამ ჯგუფური ძალადობის ფაქტზე ჩოხატაურის მუნიციპალიტეტის საკრებულოს ყოფილ თავმჯდომარეს ბრალდება წარუდგინა.პროკურატურის ინფორმაციით, საქმეთა სამინისტროს მიერ ჩატარებული გამოძიებით დადგინდა, რომ 27 იანვარს, ოზურგეთში, ერთ-ერთ რესტორანში, ჩოხატაურის მუნიციპალიტეტის საკრებულოს თავმჯდომარემ, ორ პირთან ერთად ურთიერთშელაპარაკებისას ჯგუფურად, ფიზიკურად იძალადა პოლიციის თანამშრომელზე, რომელიც იმ დროისთვის არ ასრულებდა სამსახურებრივ მოვალეობას.„სამართალდამცველებმა ბრალდებული მალევე დააკავეს. მას ბრალდება საქართველოს სისხლის სამართლის კოდექსის 126-ე მუხლის 1-ლი პრიმა ნაწილის „ბ“ ქვეპუნქტით (ძალადობა, ჩადენილი ჯგუფურად) წარედგინა, რაც სასჯელის სახედ და ზომად 2 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.სისხლის სამართლის საქმეზე გამოძიება გრძელდება“, - აცხადებენ საქართველოს პროკურატურაში.

სამართალი • 1769692766

პროკურატურა განცხადებას ავრცელებს

საქართველოს პროკურატურამ ლაგოდეხის მუნიციპალიტეტში პოლიციის თანამშრომლებისთვის წინააღმდეგობის გაწევის ფაქტზე დაკავებულ სამ პირს ბრალდება წარუდგინა. ინფორმაციას პროკურატურა ავრცელებს.შინაგან საქმეთა სამინისტროს მიერ ჩატარებული გამოძიებით დადგინდა, რომ მიმდინარე წლის 27 იანვარს სოფელ ნინიგორში შინაგან საქმეთა სამინისტროს კახეთის პოლიციის დეპარტამენტის ლაგოდეხის რაიონული სამმართველოს თანამშრომლებს ბრალდებულებმა ხელი შეუშალეს სამსახურებრივი საქმიანობის შესრულებაში და წინააღმდეგობა გაუწიეს მათ, რა დროსაც ბრალდებულებმა პოლიციის თანამშრომლებს მიაყენეს ჯანმრთელობის დაზიანებები. ერთ-ერთმა ბრალდებულმა სამართალდამცველს დაუზიანა მობილური ტელეფონი.სამივე დაკავებულს ბრალდება საქართველოს სისხლის სამართლის კოდექსის 353-ე მუხლის მეორე ნაწილის „ა“ ქვეპუნქტით (პოლიციის მუშაკის მიმართ წინააღმდეგობა, ჩადენილი ძალადობით, ჯგუფურად), ხოლო ერთ-ერთს ასევე, 187-ე მუხლის პირველი ნაწილით (ნივთის დაზიანება) წარედგინა. დანაშაულები სასჯელის სახედ და ზომად 8 წლამდე თავისუფლების აღკვეთას ითვალისწინებს.პროკურატურამ ბრალდებულებისათვის აღკვეთის ღონისძიების სახით პატიმრობის შეფარდების შუამდგომლობით სასამართლოს უკვე მიმართა.

სამართალი • 1769681077

პროკურატურამ ბრალდება წარუდგინა მძღოლს, რომლის ავარიას 18 წლის გოგო ემსხვერპლა

საქართველოს პროკურატურამ ავტომობილის მოძრაობის უსაფრთხოების წესის დარღვევის ფაქტზე, რამაც ადამიანის სიცოცხლის მოსპობა გამოიწვია, ერთ პირს ბრალდება წარუდგინა.საქართველოს შინაგან საქმეთა სამინისტროს მიერ ჩატარებული გამოძიებით დადგენილია, რომ 27 იანვარს, გარდაბანში, ალკოჰოლის ზემოქმედების ქვეშ მყოფმა ბრალდებულმა, ავტომობილის მართვისას ვერ უზრუნველყო მოძრაობის უსაფრთხოების წესის დაცვა და ქვეითს შეეჯახა, რომელიც ადგილზე გარდაიცვალა.სამართალდამცველებმა ბრალდებული იმავე დღეს დააკავეს. დაკავებულს ბრალდება საქართველოს სისხლის სამართლის კოდექსის 276-ე მუხლის მე-7 ნაწილით (ავტომობილის მოძრაობის უსაფრთხოების წესის დარღვევა, რამაც ადამიანის სიცოცხლის მოსპობა გამოიწვია, ჩადენილი ალკოჰოლის ზემოქმედების ქვეშ) წარუდგინა, რაც სასჯელის სახედ და ზომად 6-დან 9 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით, სასამართლოს კანონით დადგენილ ვადაში მიმართავს.

კრიმინალი • 1769612969

პროკურატურამ დმანისის მუნიციპალიტეტში ჩადენილი დამამძიმებელ გარემოებებში მეუღლის განზრახ მკვლელობის ფაქტზე დაკავებულს ბრალდება წარუდგინა

საქართველოს პროკურატურამ დმანისის მუნიციპალიტეტში ჩადენილი დამამძიმებელ გარემოებებში მეუღლის განზრახ მკვლელობის ფაქტზე დაკავებულს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ 27 იანვარს, დმანისის მუნიციპალიტეტის სოფელ ყარაბულახში ბრალდებულმა, ქალისა და მამაკაცის თანასწორობის შეუწყნარებლობის მოტივით, განზრახ მოკვლის მიზნით, მეუღლეს დანით ჭრილობა მიაყენა.მიღებული დაზიანების შედეგად დაზარალებული სამედიცინო დახმარების აღმოჩენამდე გარდაიცვალა.

მსოფლიო • 1769612117

უნგრეთის პროკურატურამ ბუდაპეშტის მერს ბრალი წარუდგინა ქალაქში LGBTQ+ Pride ღონისძიების ორგანიზებაში მონაწილეობისთვის, მიუხედავად აკრძალვისა

უნგრეთის პროკურატურამ ბუდაპეშტის მერს, გერგეი კარაჩონის ბრალი წარუდგინა ქალაქში რიგით 30-ე ყოველწლიური LGBTQ+ Pride ღონისძიების ორგანიზებაში მონაწილეობისთვის, მიუხედავად აკრძალვისა. ამის შესახებ ინფორმაცია მერის ადმინისტრაციამ ოთხშაბათს გაავრცელა.„პროკურატურამ ბრალი წამიყენა და ჩემთვის ფულადი ჯარიმის დაკისრება სასამართლო მოსმენის გარეშე სურს, უბრალოდ იმის გამო, რომ ჩვენ ბოლო ათწლეულების განმავლობაში ყველაზე დიდი თავისუფლების მარში მოვაწყვეთ“, - განაცხადა კარაჩონიმ გავრცელებულ განცხადებაში.„ის ფაქტი, რომ ასობით ათასი ადამიანი მოვიდა, რომ თქვენ მოხვედით, იმ დღეს დაუვიწყარ სასწაულად აქცევს“, - დასძინა მან.გასულ წელს უნგრეთის კანონმდებლებმა მიიღეს კანონი, რომელიც ქვეყანაში პრაიდის ღონისძიებებს კრძალავს და ხელისუფლებას უფლებას აძლევს, გამოიყენოს სახის ამოცნობის ტექნოლოგია ნებისმიერ მსგავს ღონისძიებაზე დამსწრე პირთა იდენტიფიცირებისთვის.