ნიკა მელია

ნიკა მელიას აღკვეთის ღონისძიების სახით პატიმრობა მოსამართლისთვის წყლის შესხმის ფაქტზეც შეეფარდა

მოსამართლისთვის წყლის შესხმის ფაქტზე, „კოალიცია ცვლილებისთვის" ერთ-ერთ ლიდერს, ნიკა მელიას აღკვეთის ღონისძიების სახით პატიმრობა შეეფარდა.აღნიშნული გადაწყვეტილება მოსამართლე ირაკლი ხუსკივაძემ მიიღო.სასამართლო პროცესს თავად ბრალდებული ნიკა მელია არ დასწრებია.

პოლიტიკა • 1750427119

მოსამართლის, მანდატურის, პოლიციელის შეურაცხყოფა, სახელმწიფო სტრუქტურების წარმომადგენლებზე თავდასხმები - ემსახურება ერთ მთავარ თემას, შეიქმნას ატმოსფერო, რომ საქართველოს სახელმწიფოში ყველაფერი დაშვებულია - გიორგი ვოლსკი

პოლიტიკური დევნის ბრალდებაზე პასუხად, "ქართულ ოცნებაში" აცხადებენ რომ კანონის წინაშე ყველა თანასწორია. მმართველ გუნდში ამბობენ, რომ ნიკა მელიამ დანაშაული ჩაიდინა, რაზეც კანონით გათვალისწინებული პასუხისმგებლობა ეკისრება."ანალიზი, რომელსაც აკეთებენ არამარტო პოლიტიკოსები, არამედ ექსპერტები გვიჩვენებენ, რომ ამას გეგმაზომიერი ხასიათი აქვს - მოსამართლის, მანდატურის, პოლიციელის შეურაცხყოფა, სახელმწიფო სტრუქტურების წარმომადგენლებზე თავდასხმები, ფსიქოლოგიური ტერორი - ეს ყველაფერი განხილული უნდა იყოს ერთ კონტექსტში, რომელიც ემსახურება ერთ მთავარ თემას, შეიქმნას ატმოსფერო, რომ საქართველოს სახელმწიფოში განუკითხაობაა და ყველაფერი დაშვებულია. ეს კონკრეტულ გეგმას ემსახურება," - აცხადებს გიორგი ვოლსკი.

პოლიტიკა • 1750419691

შალვა პაპუაშვილი: დღეს 20 ივნისია. დღე, როდესაც საქართველოში, 2012 წლის შემდეგ, სრულად გაცხადდა პოლიტიკის რადიკალიზაციის გეგმა, სტრუქტურა და ფორმა

დღეს 20 ივნისია. დღე, როდესაც საქართველოში, 2012 წლის შემდეგ, სრულად გაცხადდა პოლიტიკის რადიკალიზაციის გეგმა, სტრუქტურა და ფორმა, - წერს სოციალურ ქსელში პარლამენტის თავმჯდომარე შალვა პაპუაშვილი.როგორც შალვა პაპუაშვილი აღნიშნავს, ეს არის დღე, როდესაც წლების განმავლობაში ზიზღის რიტორიკით ნაკვები აქტივისტები, განსაკუთრებით კი მათი მოწყვლადი და ეგზალტირებული ნაწილი ნაცმოძრაობის რევანშისტმა პოლიტიკოსებმა ბრძოლის ველზე გამოიყვანეს და პარლამენტის ასაღებად მიუშვეს.„დღეს 20 ივნისია. დღე, როდესაც საქართველოში, 2012 წლის შემდეგ, სრულად გაცხადდა პოლიტიკის რადიკალიზაციის გეგმა, სტრუქტურა და ფორმა. ეს არის დღე, როდესაც წლების განმავლობაში ზიზღის რიტორიკით ნაკვები აქტივისტები, განსაკუთრებით კი მათი მოწყვლადი და ეგზალტირებული ნაწილი ნაცმოძრაობის რევანშისტმა პოლიტიკოსებმა ბრძოლის ველზე გამოიყვანეს და პარლამენტის ასაღებად მიუშვეს. როგორც გვახსოვს, პარლამენტზე განხორციელებული შტურმი, შიდა და გარე რადიკალებმა, „ხალხის გულწრფელ პროტესტად“ მონათლეს და მას შემდეგ, ეს პროპაგანდისტული ხრიკი, ძალადობრივი რევოლუციის ყოველი მცდელობისას გამოიყენება.ის, რომ 2019 წლის 20 ივნისს პარლამენტის სასახლეზე ძალადობრივი შტურმი განხორციელდა, ხუთი წლის თავზე, სტრასბურგის სასამართლომ, მის გადაწყვეტილებაში, საქმეზე „ცაავა და სხვები საქართველოს წინააღმდეგ“ სრულად დაადასტურა.20 ივნისს ჩვენ დავინახეთ, რომ პოლიტიკურმა ძალებმა, რომლებიც ვერ ახერხებენ არჩევნებში ხალხის მხარდაჭერის მოპოვებას, 2003 წლის ინსტრუქციით მოქმედება და ხელისუფლებაში ქუჩიდან მოსვლა გადაწყვიტეს.ქუჩის ძალადობრივი პროცესის ინსპირირებისთვის ნაცმოძრაობა და მათი პარტიული მედია, წლების განმავლობაში, მსმენელთა ტვინებს რეცხავდა, მოვლენების ადეკვატურად გააზრების უნარს უდუნებდა და ზიზღით ავსებდა. ჩვენ გვახსოვს მათი მოძღვრება, რომ „21-ე საუკუნეში ფაქტები კი არა, აღქმები წყვეტს ყველაფერს“ და მათი დაუღალავი მცდელობა, მცდარი, მათთვის სასურველი აღქმების გასაღვივებლად.მნიშვნელოვანია გვესმოდეს ეს წინაპირობები - ფაქტებზე აღქმების გაბატონება - რითიც გავრილოვის ინციდენტის ფონი შემზადდა, რათა ნაცვლად ტრივიალური ექსცესისა, ამბავი წინასწარ დაგეგმილ ბოროტ განზრახვად შერაცხულიყო. შედეგად ჩვენ ბევრი ემოცია, ისტერია, აგიზგიზებული ცეცხლი, მისხმული ნავთი, ველური ქცევა და გიორგი გახარიას სამწუხარო როლიც ვიხილეთ.ეს ყველაფერი გვახსოვს. მაგრამ ექვსი წლის თავზე გადმოსახედიდან ყველაფერი გაცილებით ცხადად და აშკარად ჩანს. მთავარი რაც ჩვენ 20 ივნისს ვნახეთ, ეს იყო არასამთავრობო ორგანიზაციების მიერ ნაკვები აქტივისტების შერწყმა და მონაწილეობა რადიკალურ პოლიტიკურ სცენარში; ჩვენ ვნახეთ უცხოელების ჩართულობა ქვეყნის შიდა პოლიტიკაში, მათ მიერ არამხოლოდ მხარის არჩევა, არამედ დადასტურებულად დამნაშავე მხარის არჩევა და, ისევე როგორც დღეს, ძალადობისა და ექსტრემიზმის გამართლება. მეტიც, ამ მოძალადე ჯგუფების შემდგომი დაფინანსების უზრუნველყოფა. შეგახსენებთ, რომ ნიკა მელიას გირაო, სწორედ 20 ივნისის საქმეზე, ევროკავშირის ინსტიტუციამ გადაიხადა. მოგვიანებით, იმასაც შევიტყობთ, რომ 20 ივნისის მოძალადეების - „სირცხვილია“, „დროა“ და სხვები - ორგანიზებულ ჯგუფებად ქცევა და ქუჩის კამპანიების უზრუნველყოფა მთლიანად უცხოურმა დონორულმა ორგანიზაციებმა მოახდინეს.20 ივნისის მთელი მორალი მდგომარეობს იმაში, რომ ყველაფერი, რასაც დღეს ქუჩაში ვხედავთ, ოდიოზურ გამოსვლებს, ფსევდო-პროტესტის მარაზმატულ ფორმებს, რომლებიც ჩვენი, თუნდაც საპროტესტო ტრადიციის არც ეთიკას და არც ესთეტიკას არ შეესაბამება, აბსოლუტურ რადიკალიზაციას, ექსტრემიზმს, კულტურისა და ცივილიზაციის გაუქმებას, ყველა ამ ქცევის დასაწყისად სამართლიანად შეგვიძლია მივიჩნიოთ 2019 წლის 20 ივნისის ძალადობრივი შტურმი პარლამენტზე.საქართველოს აქვს სამოქალაქო ომის უმძიმესი გამოცდილება. საქართველოს აქვს ვითომ ხავერდოვანი რევოლუციის ასევე მძიმე გამოცდილება, რომლის ტალღაზე მოსულმა ავანტიურისტებმა ქვეყანას აუნაზღაურებელი ზიანი მიაყენეს. მიუხედავად ამ წარსულისა, სიცრუითა და აღქმებით მანიპულატორი თუ მავნებელი აქტორები უკვე მერამდენე წელია ქვეყნის იგივე უფსკრულში გადაჩეხვას ლამობენ.▪️ იმიტომ, რომ ისინი არიან გაკოტრებულები, ზნისგან დაცლილნი და სასოწარკვეთილები.▪️ იმიტომ, რომ მათ სურთ მხოლოდ რევანში და ამისთვის შეუძლიათ იკადრონ ყველაფერი.▪️ იმიტომ, რომ არიან უმცირესობა და სურთ აგრესიით დათრგუნონ უმრავლესობა.▪️ იმიტომ, რომ არ აქვთ შიდა დასაყრდენი და დაუფიქრებლად ეკვრებიან უცხოს, გარეშეს, სხვა დღის წესრიგის მქონე ძალებს.▪️ იმიტომ, რომ მათ არ უყვართ თავიანთი ქვეყანა, საიდანაც ქვა ქვაზე ნუ დარჩენილა, თუ ისინი არ იქნებიან სასურველ ადგილას“, - წერს იგი.

სამართალი • 1750415981

სასამართლოს უპატივცემულობის ფაქტზე ნიკა მელიას ბრალდება წარედგინა

საქართველოს პროკურატურამ სასამართლოს უპატივცემულობის ფაქტზე ნიკა მელიას ბრალდება წარუდგინა. აღნიშნულთან დაკავშირებით ინფორმაციას საქართველოს პროკურატურა ავრცელებს.„ჩატარებული გამოძიებით დადგინდა, რომ მიმდინარე წლის 30 მაისს თბილისის საქალაქო სასამართლოს დარბაზში გამართულ წინასასამართლო სხდომაზე ბრალდებულმა ნიკანორ მელიამ ჩაიდინა სასამართლოს უპატივცემულობა, რაც გამოიხატა საქმის განმხილველი მოსამართლის შეურაცხყოფით. კერძოდ, ნიკანორ მელიამ მოსამართლე ირაკლი შვანგირაძეს წყალი შეასხა, სხდომის დარბაზიდან გაძევების შემდგომ კი სიტყვიერი შეურაცხყოფა მიაყენა.ნიკანორ მელიას ბრალდება საქართველოს სისხლის სამართლის კოდექსის 366-ე მუხლის მეორე ნაწილით ( სასამართლოს უპატივცემულობა, რაც გამოიხატა მოსამართლის შეურაცხყოფით) წარედგინა, რაც სასჯელის სახედ და ზომად ორ წლამდე თავისუფლების აღკვეთას ითვალისწინებს“, – აღნიშნულია ინფორმაციაში.საგამოძიებო უწყების ცნობით, პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.ცნობისთვის, ნიკა მელია სამართალდამცველებმა 29 მაისს ადმინისტრაციული წესით დააკავეს. 30 მაისს გამართულ სასამართლო სხდომაზე მოსამართლისთვის წყლის შესხმის გამო ნიკა მელია სასამართლო დარბაზიდან გააძევეს. ამავე სხდომაზე ნიკა მელიას აღკვეთის ღონისძიება გირაო პატიმრობით შეეცვალა.

პოლიტიკა • 1750330619

324 ევროპარლამენტარმა მიიღო რეზოლუცია, რომელშიც ითხოვენ გათავისუფლდეს მზია ამაღლობელი

ევროპარლამეტნმა 324 ხმით მიიღო რეზოლუცია, სადაც მზია ამაღლობელის, რომელიც პოლიციელისთვის პირდაპირ ეთერში სილის გაწნისთვის არის დაკავებული, გათავისუფლებაა მოთხოვნილი.კენჭისყრის შედეგების მიხედვით, რეზოლუციის, სახლემწოდებით „მედიის თავისუფლება საქართველოში, განსაკუთრებით მზია ამაღლობელის საქმე“, წინააღმდეგ ხმა 25 ევროპარლამენტარმა მისცა, ხოლო 87-მა თავი შეიკავა.“მოითხოვს მზია ამაღლობელის დაუყოვნებლივ და უპირობოდ გათავისუფლებას და მის წინააღმდეგ წაყენებული ყველა ბრალდების მოხსნას, გმობს მის პოლიტიკურად მოტივირებულ დაკავებასა და სისხლისსამართლებრივ დევნას“, - ნათქვამია რეზოლუციის ტექსტში.გარდა ამისა, ევროპარლამენტარები საქართველოს ხელისუფლებას ზურაბ ჯაფარიძის, ნიკა მელიას და ნიკა გვარამიას, ასევე ყოფილი პრეზიდენტის, მიხეილ სააკაშვილის გათავისუფლებასაც ითხოვენ.აღსანიშნავია, რომ ევროპარლამენტში საქართველოს შესახებ რეზოლუციის ალტერნატიული პროექტიც იყო წარდგენილი, სადაც მზია ამაღლობელი გაკრიტიკებული იყო.

პოლიტიკა • 1750329600

ევროპარლამენტმა მიიღო რეზოლუცია სახელწოდებით, „მედიის თავისუფლება საქართველოში, განსაკუთრებით მზია ამაღლობელის საქმე“

324 ხმით ხმით 25-ის წინააღმდეგ, ევროპარლამენტმა მიიღო რეზოლუცია სახელწოდებით, „მედიის თავისუფლება საქართველოში, განსაკუთრებით მზია ამაღლობელის საქმე“. კენჭისყრაში მონაწილეობისგან თავი შეიკავა 87-მა წევრმა.რეზოლუციაში ნათქვამია, რომ მისი ხელმომწერები მოითხოვენ მზია ამაღლობელის დაუყოვნებლივ და უპირობოდ გათავისუფლებას და მის წინააღმდეგ წაყენებული ყველა ბრალდების მოხსნას.ამასთან, რეზოლუციაში საუბარია, რომ „დაუყოვნებლივ უნდა გაუქმდეს ყველა რეპრესიული კანონმდებლობა“.„საქართველოს შესახებ წინა რეზოლუციების გათვალისწინებით, რეგლამენტის 150(5) და 136(4) წესების გათვალისწინებით, ვინაიდან მზია ამაღლობელი, ჟურნალისტი, „ბათუმელებისა“ და „ნეტგაზეთის“ თანადამფუძნებელი, პროევროპული საპროტესტო აქციების დროს 2025 წლის 12 იანვარს დააკავეს და პოლიციელთან დაკავშირებული პროვოცირებული ინციდენტისთვის ოთხიდან შვიდ წლამდე თავისუფლების აღკვეთა ემუქრება; ვინაიდან დრაკონული კანონმდებლობის მიღება, როგორიცაა უცხოელი აგენტების რეგისტრაციის აქტი (FARA) და ცვლილებები მაუწყებლობის, ადმინისტრაციულ სამართალდარღვევათა კოდექსსა და გრანტების შესახებ კანონებში, წარმოადგენს დემოკრატიული უკუსვლის სახიფათო დაჩქარებას და მიზანმიმართულ ავტორიტარულ სტრატეგიას „ქართული ოცნების“ მიერ, კრიტიკული ოპოზიციისა და დამოუკიდებელი პოლიტიკური ხმების ჩასახშობად; იმის გათვალისწინებით, რომ ხელისუფლებამ პრაქტიკულად გაანადგურა ქვეყანაში დარჩენილი დამოუკიდებელი მედია საშუალებები; იმის გათვალისწინებით, რომ საზოგადოებრივი საინფორმაციის სივრცე სრულად არის დაპყრობილი პროსამთავრობო მედიის მიერ, რომელიც ავრცელებს რუსული სტილის პროპაგანდას და ანტიევროპულ დეზინფორმაციას; იმის გათვალისწინებით, რომ მზია ამაღლობელის საქმეში ხელისუფლებამ უგულებელყო პროცედურული დაცვის მექანიზმები, მკაფიო სამართლებრივი საფუძვლის გარეშე დააკისრა წინასწარი პატიმრობა, რაც გაპროტესტებულია სახალხო დამცველის მიერ და დანიშნა მოსამართლე, რომელსაც არ გააჩნია სისხლის სამართლის კვალიფიკაცია; იმის გათვალისწინებით, რომ იგი ისჯება კორუფციის გამოვლენისა და 2024 წლის არჩევნების დროს არჩევნების გაყალბების შესახებ ინფორმაციის მიწოდებისთვის; ვინაიდან, გავრცელებული ინფორმაციით, მან განიცადა არაადამიანური მოპყრობა და 38-დღიანი შიმშილობას მიმართა; ვინაიდან ესტონეთმა და ლიეტუვამ დააწესეს პერსონალური სანქციები ქართველ მოსამართლეებსა და პოლიციელებზე, რომლებიც დაკავშირებული არიან მზია ამაღლობელის საქმესთან.მოითხოვს მზია ამაღლობელის დაუყოვნებლივ და უპირობოდ გათავისუფლებას და მის წინააღმდეგ წაყენებული ყველა ბრალდების მოხსნას, გმობს მის პოლიტიკურად მოტივირებულ დაკავებასა და სისხლისსამართლებრივ დევნას; მკაცრად გმობს „ქართული ოცნების“ რეჟიმის სისტემურ თავდასხმას დემოკრატიულ ინსტიტუტებზე, პოლიტიკურ ოპოზიციაზე, დამოუკიდებელ მედიაზე, სამოქალაქო საზოგადოებასა და სასამართლო დამოუკიდებლობაზე; გამოხატავს ღრმა შეშფოთებას საქართველოში ჟურნალისტების თვითნებური დაკავებების, შევიწროებისა და მათ მიმართ ძალადობის გამო, მათ შორის ცილისწამების კამპანიების, სამართლებრივი დევნის, ძალადობისა და გენდერული ძალადობის გამო; მოუწოდებს დამოუკიდებელი გამოძიების ჩატარებისკენ და მოუწოდებს ხელისუფლებას დაუყოვნებლივ შეწყვიტოს დაშინება და უზრუნველყოს ჟურნალისტების უსაფრთხოება და თავისუფლება; მოუწოდებს საქართველოს ხელისუფლებას, დაუყოვნებლივ გაათავისუფლოს ყველა პოლიტიკური პატიმარი და სხვა უკანონოდ დაკავებული პირი, მათ შორის აქტივისტი მათე დევიძე, ოპოზიციის ლიდერები ზურაბ ჯაფარიძე, ნიკა მელია და ნიკა გვარამია, ასევე ყოფილი პრეზიდენტი მიხეილ სააკაშვილი და გმობს „ერთიანი ნაციონალური მოძრაობის“ თავმჯდომარის, თინა ბოკუჩავას ქმრის ძალადობრივ გატაცებას და მისი შვილების უსაფრთხოებასთან დაკავშირებული მუქარების შესახებ შეტყობინებებს; მოუწოდებს ყველა რეპრესიული კანონმდებლობის დაუყოვნებლივ გაუქმებისკენ, დემოკრატიის აღდგენისა და მედიის თავისუფლებისა და სამოქალაქო თავისუფლებების სრული დაცვისკენ; მოუწოდებს ევროკავშირს, გააძლიეროს მხარდაჭერა საქართველოს დამოუკიდებელი მედიისა და სამოქალაქო საზოგადოებისთვის FARA-ს ძალაში შესვლის შემდეგ და აკონტროლოს მიმდინარე სასამართლო პროცესები; სინანულს გამოთქვამს, ევროკავშირის საბჭოს, წევრი ქვეყნებისა და ევროკომისიის მუდმივი უმოქმედობის გამო და იმეორებს წევრი ქვეყნებისადმი თავის მრავალგზის მოწოდებას, დააწესონ ორმხრივი სანქციები „ქართული ოცნების“ ლიდერებისა და მაღალჩინოსნების მიმართ, რომლებიც პასუხისმგებელი არიან დემოკრატიულ უკუსვლაზე; გამოთქვამს შეშფოთებას არასამთავრობო ორგანიზაციებზე თავდასხმის ბოლოდროინდელი ტალღის გამო, რომელიც გამოწვეულია ზოგიერთი სახელმწიფო დაწესებულების მოთხოვნით, ისეთი როგორიცაა, ანტიკორუფციული ბიურო, რომელიც ითხოვს ბოლო წელიწადნახევრის დეტალური ფინანსური, სამართლებრივი და ოპერატიული ინფორმაციის მიწოდებას სამ სამუშაო დღეში. ხაზს უსვამს, რომ ეს მოთხოვნა თავისი განზრახვით შეუსრულებელია და შესაბამისად, საფრთხეს უქმნის სამიზნე ორგანიზაციების მუშაობას და მათი საქმიანობის შეჩერებას; ავალებს თავის პრეზიდენტს, გადაუგზავნოს ეს რეზოლუცია ევროკავშირის საბჭოს, ევროკომისიას, წევრი სახელმწიფოების მთავრობებსა და პარლამენტებს, ევროპის საბჭოს, ეუთო-ს, პრეზიდენტ ზურაბიშვილს და საქართველოს თვითგამოცხადებულ ხელისუფლებას“, – ნათქვამია რეზოლუციაში.

პოლიტიკა • 1750306808

ევროპარლამენტი საქართველოს შესახებ დღეს მორიგი რეზოლუციის მისაღებად ემზადება

ევროპარლამენტი დღეს საქართველოს შესახებ მორიგი რეზოლუციის მისაღებად ემზადება. შვიდი სხვადასხვა პროექტიდან დეპუტატები გუშინ ერთ შეჯერებულ ვერსიაზე შეთანხმდნენ. იყო ალტერნატიული ვერსიაც, რომელიც "სუვერენულ სახელმწიფოთა ევროპის" ჯგუფის ევროპარლამენტარებმა წარადგინეს - თუმცა ის არ გაითვალისწინეს.რეზოლუციის საბოლოო პროექტში ამჯერადაც დაგმობილია დემოკრატიულ ინსტიტუტებზე, ოპოზიციაზე, სამოქალაქო საზოგადოებასა და სასამართლო დამოუკიდებლობაზე თავდასხმა; მოთხოვნილია, მიხეილ სააკაშვილთან ერთად, ჟურნალისტ მზია ამაღლობელის, ასევე ზურა ჯაფარიძის, ნიკა მელიას, ნიკა გვარამიასა და აქტივისტ მათე დევიძის გათავისუფლებასაც.რეზოლუციის კენჭისყრამდე, ევროპარლამენტში გუშინ საქართველოში მედიის თავისუფლებისა და მზია ამაღლობელის შესახებ დებატები შედგა

პოლიტიკა • 1750101512

„შეიძლება ითქვას, რომ ჩვენი განწყობა ნეიტრალურია, რადგან ჩვენ მაინც ვიცით საბოლოო შედეგი რა იქნება“ - ირაკლი ქადაგიშვილი ოპოზიციის არჩევნებში მონაწილეობაზე

პარლამენტის რეგიონული პოლიტიკისა და თვითმმართველობის კომიტეტის თავმჯდომარის, ირაკლი ქადაგიშვილის განცხადებით, ოპოზიცია თვითმმართველობის არჩევნებში მონაწილეობას მიიღებს თუ არა, ამ საკითხთან დაკავშირებით, უმრავლესობას ნეიტრალური განწყობა აქვს, რადგან მათ კარგად იციან, რა იქნება საბოლოო შედეგი.როგორც ქადაგიშვილმა "ღამის კურიერის" ეთერში განმარტა, ოპოზიცია პირდაპირ ექვემდებარება გარე მმართველობას და მათ "რევოლუციური სცენარი ყოველთვის შემონახული აქვთ"."შეიძლება თქვას, რომ ჩვენი განწყობა ნეიტრალურია, რადგან ჩვენ მაინც ვიცით, საბოლოო შედეგი რა იქნება. შედეგი იქნება ის, რომ, არჩევნების შედეგებით უკმაყოფილოები, იტყვიან იმავეს, რაც თქვეს 2024 წლის არჩევნების შემდეგ, რაც თქვეს 20202 წლის არჩევნების შემდეგ. ისევ ველით, რომ იქნება კამპანია - "გაყალბდა არჩევნები". ახლაც რომ დავაკვირდეთ, ჩვენ შეგვიძლია პარალელები გავავლოთ იგივე 2020 წელთან. ჩვენ ყოველთვის ვამბობთ, რომ ისინი დამოუკიდებლად, ან საქართველოს ინტერესებიდან გამომდინარე არ მოქმედებენ. ხშირ შემთხვევაში, პირდაპირ ექვემდებარებიან გარე მმართველობას. 2020 წლის შემდეგაც დაახლოებით ასეთი სურათი გვქონდა. ჩამოვიდა შარლ მიშელი და მაშინ შეთანხმებას ხელი მოაწერა ყველამ "ნაციონალური მოძრაობის" გარდა. ეს ერთგვარად შემონახული იყო იმისათვის, რა პროცესებიც შემდგომ განვითარდა "ნაციონალური მოძრაობის" ლიდერობით - ნიკა მელიას ბუნტები, დაუმორჩილებლობები, სახელმწიფო ინსტიტუტების ჩამოშლის მთელი სცენარები. ამიტომ, ეს სცენარი ყოველთვის შემონახულია", - განაცხადა ირაკლი ქადაგიშვილმა.

პოლიტიკა • 1749111926

ლევან სანიკიძე - ადგილობრივ არჩევნებზე მსჯელობისას, „ლელოს“ პოზიცია იყო, „ახლა ამის დრო არ არის“, ახლა რატომ დადგა ეს დრო, კალენდარულად მოუწიათ, ნახევარი ოპოზიცია რომ დაჭერილი ან დასაჭერია?

თვეების განმავლობაში როდესაც ვამბობდით, ვიმსჯელოთ, ახლა არის დრო, „ლელოს“ პოზიცია იყო, რომ „ახლა ამის დრო არ არის“, ახლა რატომ დადგა ეს დრო, კალენდარულად მოუწიათ, ნახევარი ოპოზიცია რომ დაჭერილი ან დასაჭერია?, – ამის შესახებ „ნაციონალური მოძრაობის“ წევრმა, ლევან სანიკიძემ განაცხადა.მისი თქმით, ოპოზიციის ნახევარი ციხეში ზის და არჩევნებში მონაწილეობა არაკეთილსინდისიერი ქმედებაა კოლეგა ოპოზიციონერებთან მიმართებით.„ძალიან პოზიტიურად ვაფასებთ ევროპარლამენტის საგარეო ურთიერთობათა კომიტეტის ანგარიშს. მასში ქართველი ხალხის ურყევი ნებაა დაფიქსირებული, ჩვენს ევროპელ პარტნიორებს გამიჯნული ჰყავთ „ქართული ოცნება“ და ქართველი ხალხი, ეს არის ყველაზე სწორი. მეორე, „ნაციონალურ მოძრაობასთან“ დაკავშირებით არის ორი მნიშვნელოვანი ჩანაწერი. ერთი მიხეილ სააკაშვილის პოლიტპატიმრობასთან დაკავშირებით, რომელიც ბევრმა არ შეიმჩნია, ჩვენი დასავლელი პარტნიორები ამ საკითხს არა თუ არ აყენებენ ეჭვქვეშ, არამედ ამის აქტუალიზაციასაც ახდენენ. მეორე, „ნაციონალური მოძრაობის“ როლზე ევროპული ინტეგრაციის პროცესში, ქვეყნის დასავლეთში ინტეგრაციის მედროშეობასთან დაკავშირებით მნიშვნელოვანი ჩანაწერია გაკეთებული. პოლიტპატიმრებთან, ახალ არჩევნებთან დაკავშირებით, ცესკო-ს მიკერძოებასთან დაკავშირებით, ყველგან არის ძალიან მკაფიოდ გაკეთებული განცხადება“, – განაცხადა ლევან სანიკიძემ.თვითმმართველობის არჩევნებს რაც შეეხება, როგორც ლევან სანიკიძემ აღნიშნა, ამ ჩანაწერთან დაკავშირებით აზრთა სხვადასხვაობა არსებობს.„თვითმმართველობის არჩევნებთან დაკავშირებით აზრთა სხვადასხვაობა გამოწვეულია იმით, რომ როგორც ქუჩის პროტესტის დროს ერთიანობით შევძელით საკუთარი პოზიციის დაფიქსირება და ხელისუფლებისთვის ლეგიტიმაციის პრობლემის შექმნა საერთაშორისო მასშტაბით, ზუსტად ასე ერთიანობით, ერთიანი პოზიციით უნდა ვიყოთ ჩამოყალიბებული თვითმმართველობის არჩევნებთან დაკავშირებით. ჩვენ მიგვაჩნია, რომ ეს ერთიანი პოზიცია მხოლოდ და მხოლოდ დაკავშირებულია ე.წ. არჩევნების ბოიკოტთან. ჩვენს პოზიციას განსაზღვრავს ქართველი ხალხი და პოლიტიკური მიზანშეწონილობა. არც პოლიტიკური მიზანშეწონილობა არ არსებობს, რადგან არცერთი პირობა არ იცვლება, არც ახალი საპარლამენტო არჩევნები, არც პოლიტპატიმრები არიან გარეთ, არც ცესკო არ იცვლება“, – განაცხადა ლევან სანიკიძემ.მისი თქმით, ქართველი ხალხის და „ნაციონალური მოძრაობის“ ამომრჩევლის პოზიციაა, რომ ადგილობრივი არჩევნები არის რუსული სპეცოპერაცია, რომელიც არ უნდა შედგეს.„ისეთი მკაფიოები ვართ, როგორც არასდროს და ჩვენი პოზიცია არ ექვემდებარება ამ პირობებში და მოცემულობაში რევიზირებას. ჩვენ აქტიური ბოიკოტის რეჟიმში ვართ, რაც არ გულისხმობს მხოლოდ ოფისში ჯდომას, არამედ ყველა იმ პოლიტიკურ ძალას, რომელიც ჯერ კიდევ ფიქრობს, რომ არჩევნებში მონაწილეობას აქვს აზრი, ვეცდებით ან გადავარწმუნოთ, ან ვერ გაბედოს არჩევნებში მისვლა. თვეების განმავლობაში როდესაც ვამბობდით, ვიმსჯელოთ, ახლა არის დრო. „ლელოს“ პოზიცია იყო, ახლა ამის დრო არ არისო, ახლა რატომ დადგა ეს დრო? კალენდარულად მოუწიათ, ნახევარი ოპოზიცია რომ დაჭერილი ან დასაჭერია? მაინტერესებს, როგორ უნდა ეკამათონ ზურა გირჩი ჯაფარიძეს და ნიკა მელიას. როდესაც ვეუბნებოდით, გვეკამათა, გვეუბნებოდნენ – ახლა ამის დრო არ არისო და როცა გვაჩუმებენ, გვიჭერენ, მოგვადგნენ, უი, თბილისი მოსაგებია, ოღონდ თქვენს გარეშე ვერ ვიგებთო. ნახევარი ციხეში ზის და ეს არაკეთილსინდისიერი ქმედებაა კოლეგა ოპოზიციონერებთან მიმართებით“, – განაცხადა ლევან სანიკიძემ.

პოლიტიკა • 1748894350

„როგორც ჩანს, გარე ძალებმა მიიღეს ასეთი გადაწყვეტილება, რომ გარკვეულად გაყონ მოთამაშეები, ეს კრებსითი „ნაციონალური მოძრაობა“ და ვითომ შედარებით ამათთან დაკავშირებულები რომ არ არიან, „ლელოზე“ და გახარიაზე მაქვს განსაკუთრებული აქცენტი“ - გივი მიქანაძე

„ახლა იკვეთება სურათი, როდესაც როგორც ჩანს, გარე ძალებმა მიიღეს ასეთი გადაწყვეტილება, რომ გარკვეულად გაყონ ეს მოთამაშეები, ეს კრებსითი "ნაციონალური მოძრაობა", - ამის შესახებ "ღამის კურიერის" ეთერში პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ, გივი მიქანაძემ განაცხადა.„ახლა იკვეთება სურათი, როდესაც, როგორც ჩანს, გარე ძალებმა მიიღეს ასეთი გადაწყვეტილება, რომ გარკვეულად გაყონ ეს მოთამაშეები, ეს კრებსითი "ნაციონალური მოძრაობა", ვითომ შედარებით ამათთან დაკავშირებულები რომ არ არიან, ანუ ამ შემთხვევაში "ლელოზე" და გახარიაზე მაქვს განსაკუთრებული აქცენტი. თუმცა, როგორ არ არიან დაკავშირებული, კომისიის მუშაობამაც ცალსახად აჩვენა, როგორ არის განსაკუთრებით „ლელოს" ლიდერები დაკავშირებული ამ პროცესებთან. ამ შემთხვევაში, "ნაცმოძრაობასთან" კავშირებზე ვამბობ. როდესაც პრემიერობიდან გადადგა, ვიცით მაშინ გააკეთა განცხადება, რომ ნიკა მელიას არ დაჭერის გამო მიიღო ეს გადაწყვეტილება და შემდგომში საკრებულოს არჩევნებზე რაც გააკეთა და როგორ შეეკრნენ სხვებს, გასაგებია.აქ იკვეთება ასეთი მცდელობა, როგორც ჩანს, ის ადამიანები, რომლებიც ვერანაირად ვერ ასაბუთებენ, რომ ისინი ახალი ძალა არიან და გამიჯნული არიან თუნდაც მიხეილ სააკაშვილისგან, ეს ადამიანები ბოლომდე რადიკალიზაციის გზას დაადგენენ, [ლელო და გახარიას პარტია] გაემიჯნონ ამ პროცესს და ამით გარკვეულწილად ურჩობა გამოავლინონ და საზოგადოება გარკვეულწილად მოატყუონ, რომ ვითომ ეს ორი ძალა, ამ შემთხვევაში განსაკუთრებით "ლელო" და გახარია, თითქოს ნაკლებად არიან ამ ყველაფერთან დაკავშირებული და არაფერ შუაში არ არიან, ამ კუთხით მიდის ეს პროცესი... არის მორიგი სცენარი იმ კონტექსტში, რომ საზოგადოებაში იქნებ შეძლონ და რაღაც გარდამტეხი მომენტი შეიტანონ, თუმცა ამის არანაირი რესურსი არ აქვთ", - აცხადებს გივი მიქანაძე.

სამართალი • 1748874375

საგამოძიებო კომისიაზე გამოუცხადებლობის გამო, საქმე ნიკა გვარამიას წინააღმდეგაც არის აღძრული - პოლიტიკოსი დღეს სასამართლოში არ მივიდა, რის გამოც პროცესი გადაიდო

საგამოძიებო კომისიაზე გამოუცხადებლობის გამო, საქმე ნიკა გვარამიას წინააღმდეგაც არის აღძრული - პოლიტიკოსი დღეს სასამართლოში არ მივიდა, რის გამოც პროცესი გადაიდო.სხდომა 13 ივნისს დაინიშნა. იქამდე, 7 ივნისს შეფარდებული გირაოს ვადა იწურება.ნიკა გვარამიას აღკვეთის ღონისძიების სახით 30 000 ლარის გადახდა დაეკისრა. კოალიცია "ცვლილებებისთვის" ლიდერი, გირაოს გადახდას, ნიკა მელიას მსგავსად, არ აპირებს.

პოლიტიკა • 1748868855

მოსამართლეები უფრო მაღალი ხარისხით უნდა იყვნენ დაცულნი, ვინაიდან, როგორც ვხედავთ, ზოგიერთს, მათ შორის ნიკა მელიას სასამართლო დარბაზი ხელწამოსაკრავი ინსტიტუტი ჰგონია - თეა წულუკიანი

კომისიის წინაშე გამოცხადებაზე უარი ჩვენს ქვეყანაში სისხლის სამართლებრივი წესით ისჯება. ამის შესახებ იყო მითითება და გაფრთხილება. ნიკა მელიამ და ზოგიერთმა მისმა თანამებრძოლმა ეს არ შეისმინა, – ამის შესახებ 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ თავმჯდომარე თეა წულუკიანმა ჟურნალისტებს ხონში განუცხადა.კომისიის წევრები დღეს ხონში სასჯელაღსრულების ყოფილ დაწესებულებაში იმყოფებოდნენ.„ჩვენ ზეპირადაც გავაკეთეთ გაფრთხილებები, როდესაც კომისიამ მუშაობა დაიწყო. ასევე ყველა წერილში, რომელიც კომისიის სახელით ყველა პირს, მათ შორის ნიკა მელიას გაეგზავნა, იყო მითითება და გაფრთხილება, რომ კომისიის წინაშე გამოცხადებაზე უარი სისხლის სამართლებრივი წესით ისჯება ჩვენს ქვეყანაში. რა თქმა უნდა მან და ზოგიერთმა მისმა თანამებრძოლმა ეს არ გაიგო, არ შეისმინა და არ გაიზიარა. ამის შემდეგ ჩვენ ვალდებულნი ვიყავით, საქმე გადაგვეგზავნა სამართალდამცველ სტრუქტურებში. სწორედ ამის შედეგია, რომ მელია გახლავთ პატიმრობაში“, – განაცხადა თეა წულუკიანმა.წულუკიანს ასევე კითხვა დაუსვეს სასამართლო დარბაზში ნიკა მელიას მიერ მოსამართლისთვის წყლის შესხმასთან დაკავშირებით, რაზეც წულუკიანმა აღნიშნა:„მოსამართლის წინაშე მის ქცევას რაც შეეხება, ვფიქრობ, სასამართლო და მოსამართლეები კიდევ უფრო მაღალი ხარისხით უნდა იყვნენ დაცულნი, ვინაიდან, როგორც ვხედავთ, ზოგიერთს, მათ შორის ნიკა მელიას მოსამართლე და სასამართლო დარბაზი ხელწამოსაკრავი ინსტიტუტი ჰგონია. ამას კარგად შესწავლა და სავარაუდოდ კიდევ უფრო მაღალი დონის სტანდარტების დაწესება სჭირდება“.