ნაკრები

კარგი თამაში უფასდებათ - ვის იძახებს სანიოლი ნაკრებში

როგორც მოგეხსენებათ, 5 და 8 ივნისს, საქართველოს ნაკრები შინ ორ ამხანაგურ მატჩს გამართავს და ჯერ ფარერებს დაუპირისპირდება, შემდეგ კი კაბო-ვერდეს.აღნიშნულ მატჩებში მონაწილეობას ნაკრების რამდენიმე ლიდერი ვერ მიიღებს. მათ შორის, ხვიჩა კვარაცხელია და გიორგი ჩაკვეტაძე. სანიოლი აქცენტს ისეთ მოთამაშეებზე გააკეთებს, ვისაც აქამდე შანსი არ მისცემია.LaGazzetta.ge-ს ინფორმაციით, ფრანგი სპეციალისტი მოახლოებული მატჩებისთვის ნაკრებში ჯემალ ჯინჯოლავასა და იური ტაბატაძის გამოძახებას განიხილავს.ჯინჯოლავა და ტაბატაძე მიმდინარე სეზონში იბერიას რიგებში ბრწყინვალე მატჩებს ატარებენ და ეროვნულ ლიგაში დაუმარცხებლები არიან. ჯინჯოლავა თავის პოზიციაზე (მარცხენა მცველი) გამორჩეულია, ტაბატაძე კი 7 გოლით ჩემპიონატის ბომბარდირია.ჯერჯერობით, გადაწყვეტილი არაფერია და საქართველოს ნაკრების საბოლოო სია ცნობილი უახლოეს დღეებში გახდება ცნობილი, სადაც ბევრ დებიუტანტს უნდა ველოდოთ.

სპორტი • 1747575645

VIDEO: „არ მეგონა ასეთი ძლიერი რომ ვიყავი... ჩემს თავზე მეტად, ჩემს მეუღლეზე ვფიქრობდი…“ – გიორგი გოჩოლეიშვილმა შვილზე საუბრისას ემოციები ვერ შეიკავა

ერთი თვის წინ ფეხბურთელ გიორგი გოჩოლეიშვილის შვილმა, სანდრო გოჩოლეიშვილმა ლეიკემია დაამარცხა. სოციალურ ქსელში გავრცელებულმა კლინიკიდან გაწერის ემოციურმა კადრებმა, რომელიც თავად ფეხბურთელმა გაუზიარა საზოგადოებას, გულგრილი არავინ დატოვა. ფეხბურთელი წერდა, რომ ძალიან რთული დღეები გამოიარეს.საქართველოს ეროვნული ნაკრების ფეხბურთელი, გიორგი გოჩოლეიშვილი მისი შვილის, სანდროს შესახებ Geo Team-ს ესაუბრა. ინტერვიუ საკმაოდ ემოციური გამოდგა, ფეხბურთელი ცრემლებს ვერ იკავებს შვილზე საუბრისას.„არ მეგონა ასეთი ძლიერი რომ ვიყავი, მაგრამ გავაანალიზე, რომ თუ ძალას არ ვიპოვიდი, ჩემი ოჯახი ამ მძიმე სიტუაციას ვერ გადაიტანდა… ჩემს თავზე მეტად, ჩემს მეუღლეზე ვფიქრობდი…არ მჯეროდა რომ ეს ყველაფერი დასრულდა, სანდროს მამობა ჩემთვის ყველაფერს ნიშნავს“,- ამბობს გიორგი გოჩოლეიშვილი.

სპორტი • 1747552025

ხვიჩა კვარაცხელია ისტორიაში მე-14 ფეხბურთელია, რომელმაც იტალიისა და საფრანგეთის ჩემპიონატები მოიგო

ხვიჩა კვარაცხელია საფრანგეთის ჩემპიონია. იანვარში „პარი სენ-ჟერმენში“ გადასულმა ქართველმა ფეხბურთელმა ჩემპიონატის ბოლო ტურში „ოსერთან“ დუბლი შეასრულა და უმაღლესი შეფასება, 10 ქულა მიიღო.აღსანიშნავია, რომ 24 წლის ფეხბურთელი ისტორიაში მე-14 მოთამაშეა, რომელმაც კარიერის მანძილზე იტალიისა და საფრანგეთის ჩემპიონატები მოიგო.კვარაცხელია „ნაპოლისთან“ ერთად 2023 წელს სკუდეტოს გამარჯვებული გახდა. მას შესაძლებლობა აქვს, ამ ტიტულს წელსაც დაეუფლოს, რადგან სერია A-ს დასრულებამდე ორი ტურით ადრე „ნაპოლი“ პირველ ადგილზეა და „ინტერს“ ერთი ქულით ასწრებს. ქართველმა ფეხბურთელმა მიმდინარე სეზონში, საფრანგეთში გადასვლამდე იტალიური გუნდის რიგებში 17 მატჩი ჩაატარა, ხუთი გოლი გაიტანა და სამი საგოლე გადაცემა შეასრულა.რაც შეეხება „პარი სენ-ჟერმენში“ მის სტატისტიკას, საქართველოს ნაკრების ლიდერმა 14 შეხვედრაში ოთხი გოლი და სამი საგოლე გადაცემა ჩაიწერა აქტივში.უახლოესი ორი თვის მანძილზე ხვიჩა კვარაცხელიას კიდევ სამი ტიტულის დაუფლების შანსი აქვს – „პარი სენ-ჟერმენი“ ჩემპიონთა ლიგის და საფრანგეთის თასის ფინალშია გასული, ასევე ითამაშებს ფიფა-ს მსოფლიო საკლუბო ჩემპიონატზე აშშ-ში.

ტაბლოიდი • 1747507401

გიორგი მამარდაშვილი, როგორც მამიკო - რა ვიდეოს აქვეყნებს Geo Team

სპორტული გვერდის Geo Team-ის დამფუძნებელი, სპორტული ჟურნალისტი საბა საპანაძე სოციალურ ქსელში აქტიურობით გამოირჩევა და საზოგადოებას სიახლეებს მუდმივად უზიარებს.აღსანიშნავია, რომ საბა საქართველოს ეროვნული საფეხბურთო ნაკრების გვერდით აქტიურად იმყოფება და სიახლეებთან ერთად ფეხბურთელების სახალისო ვიდეოებს გვიზიარებს. ამჯერად იგი საქართველოს ნაკრების მეკარის გიორგი მამარდაშვილის ოჯახს ესტუმრა და რამდენიმე დღეში მასთან ინტერვიუს შემოგვთავაზებს, იქამდე კი გიორგის ოჯახურ კადრებს აქვეყნებს, სადაც იგი უსაყვარლეს შვილთან ენისთან ერთად არის.ცნობისთვის, მიმდინარე წლის 22 ნოემბერს ეროვნული ნაკრების მეკარეს გიორგი მამარდაშვილს და მისი მეუღლეს, ელენე ეპიტაშვილს ქალიშვილი შეეძინათ. წყვილმა გოგონას ენი დაარქვა.

სპორტი • 1747482000

„მადლობა, საქართველო! პირველად ვსტუმრობ ამ ულამაზეს ქვეყანას“ - რონალდინიო

საქართველოს ნაკრებისა და „ბარსელონას“ ლეგენდების მატჩის დასრულების შემდეგ ბრაზილიელმა რონალდინიომ სოციალურ ქსელ Instagram-ზე მიმართვა გაავრცელა.„მადლობა, საქართველო! პირველად ვსტუმრობ ამ ულამაზეს ქვეყანას და პირველად ვგრძნობ ამ ხალხის სითბოს… ყოველთვის სასიამოვნოა „ბარსას“ მაისურის ჩაცმა და ასეთ ულამაზეს ღონისძიებაში მონაწილეობის მიღება. შეხვედრამდე“, – დაწერა რონალდინიომ Instagram-ზე.თბილისში, „დინამო არენაზე“ ესპანური საფეხბურთო გრანდის ლეგენდების გუნდმა საქართველოს ვეტერან ფეხბურთელთა ნაკრები 3:1 დაამარცხა. „ოქროს ბურთის“ მფლობელმა რონალდინიომ მოედანზე 80 წუთი გაატარა და არაერთი დასამახსოვრებელი ეპიზოდი შექმნა.

სპორტი • 1747470817

ოთარ კიტეიშვილი ავსტრიის ბუნდესლიგის სეზონის საუკეთესო ფეხბურთელად ზედიზედ მეორედ დასახელდა

ზედიზედ მეორედ, ოთარ კიტეიშვილი ავსტრიის ბუნდესლიგის სეზონის საუკეთესო ფეხბურთელად აღიარეს.იგი ავსტრიის ჩემპიონატის სეზონის საუკეთესო მოთამაშეა - აღნიშნულთან დაკავშირებით ეროვნული ნაკრები სოციალურ ქსელში პოსტს აქვეყნებს.

პოლიტიკა • 1747466244

ვამაყობთ ჩვენი სტუმართმოყვარეობით, ტურიზმი ერთ-ერთი ყველაზე სწრაფად მზარდი სფეროა და საქართველოში ჩამოსული სტუმრების რაოდენობა წლიდან წლამდე იზრდება - ირაკლი კობახიძე

უნგრულმა ტელევიზია TV 2-მა საქართველოს შესახებ სიუჟეტი მოამზადა, რომლის მთავარი რესპონდენტია საქართველოს პრემიერ-მინისტრი ირაკლი კობახიძე.სიუჟეტში საუბარია ქვეყნის მრავალსაუკუნოვან ისტორიაზე და აღნიშნულია, რომ ქვეყანა ღვინოსთან ერთად, განსაცვიფრებელი პეიზაჟებით, გულთბილი სტუმართმოყვარეობით და განსაკუთრებული კულინარიითაც გამოირჩევა.„საქართველო პატარა, თუმცა საოცრად მრავალფეროვანი ქვეყანაა. სტუმართმოყვარეობა ჩვენი ერთ-ერთი მთავარი თვისებაა – ის, რასაც ყველას სიამოვნებით ვაჩვენებთ. ტურიზმი დღეს ერთ-ერთი ყველაზე სწრაფად მზარდი სფეროა და საქართველოში ჩამოსული სტუმრების რაოდენობაც წლიდან წლამდე იზრდება“, – აცხადებს ირაკლი კობახიძე TV2-თან ინტერვიუში.სიუჟეტში ასევე საუბარია ირაკლი კობახიძის პოლიტიკურ კარიერაზე. ამასთან, აღნიშნულია, რომ საქართველოს პრემიერ-მინისტრი ფეხბურთის დიდი გულშემატკივარია.„დიდი გულშემატკივარი ვარ და საქართველოს ეროვნული ნაკრების თამაშს არასდროს ვტოვებ. საფეხბურთო თემებში აქტიურად ვარ ჩართული. მართალია, საკლუბო ფეხბურთი ჯერ კიდევ განვითარების პროცესშია, მაგრამ ჩვენთვის მთავარი გუნდი „დინამო თბილისია“ – უდიდესი ისტორიის მქონე კლუბი. რა თქმა უნდა, ყველას ჰყავს საყვარელი უცხოური გუნდი. ჩემთვის ეს ბარსელონაა – მათი თამაშის სტილი განსაკუთრებით მომწონს“, – აღნიშნავს ინტერვიუში ირაკლი კობახიძე.როგორც სიუჟეტშია ნათქვამი, საქართველო ასევე მდიდარია განსაკუთრებულად ნიჭიერი ადამიანებით.

პოლიტიკა • 1747464114

საქართველო პატარა, თუმცა საოცრად მრავალფეროვანი ქვეყანაა, ვამაყობთ ჩვენი სტუმართმოყვარეობით, ტურიზმი დღეს ერთ-ერთი ყველაზე სწრაფად მზარდი სფეროა და საქართველოში ჩამოსული სტუმრების რაოდენობა წლიდან წლამდე იზრდება - ირაკლი კობახიძე

უნგრულმა ტელევიზია TV 2-მა საქართველოს შესახებ სიუჟეტი მოამზადა, რომლის მთავარი რესპონდენტია საქართველოს პრემიერ-მინისტრი ირაკლი კობახიძე.სიუჟეტში საუბარია ქვეყნის მრავალსაუკუნოვან ისტორიაზე და საქართველოზე, როგორც ღვინის სამშობლოზე. სიუჟეტის ავტორი აღნიშნავს, რომ ქვეყანა ღვინოსთან ერთად განსაცვიფრებელი პეიზაჟებით, გულთბილი სტუმართმოყვარეობით და განსაკუთრებული კულინარიითაც გამოირჩევა.„საქართველო პატარა, თუმცა საოცრად მრავალფეროვანი ქვეყანაა. სტუმართმოყვარეობა ჩვენი ერთ-ერთი მთავარი თვისებაა — ის, რასაც ყველას სიამოვნებით ვაჩვენებთ. ტურიზმი დღეს ერთ-ერთი ყველაზე სწრაფად მზარდი სფეროა და საქართველოში ჩამოსული სტუმრების რაოდენობაც წლიდან წლამდე იზრდება“, - აცხადებს პრემიერ-მინისტრი TV2-თან ინტერვიუში.სიუჟეტში ასევე, საუბარია ირაკლი კობახიძის პოლიტიკურ კარიერაზე. ჟურნალისტი ყურადღებას უთმობს საქართველოს ეროვნული საფეხბურთო ნაკრების წარმატებებსაც და აღნიშნავს, რომ პრემიერ-მინისტრი ფეხბურთის დიდი გულშემატკივარია.„დიდი გულშემატკივარი ვარ და საქართველოს ეროვნული ნაკრების თამაშს არასდროს ვტოვებ. საფეხბურთო თემებში აქტიურად ვარ ჩართული. მართალია, საკლუბო ფეხბურთი ჯერ კიდევ განვითარების პროცესშია, მაგრამ ჩვენთვის მთავარი გუნდი “დინამო თბილისია“ — უდიდესი ისტორიის მქონე კლუბი. რა თქმა უნდა, ყველას ჰყავს საყვარელი უცხოური გუნდი. ჩემთვის ეს ბარსელონაა — მათი თამაშის სტილი განსაკუთრებით მომწონს“, - აღნიშნავს ინტერვიუში ირაკლი კობახიძე.სიუჟეტის ავტორის შეფასებით, საქართველო არა მხოლოდ თვალწარმტაცი ბუნებითა და კულინარიული საოცრებებით იპყრობს გულს, ის ასევე მდიდარია განსაკუთრებულად ნიჭიერი ადამიანებით.

სპორტი • 1747463549

მადლობა, საქართველო! - რონალდინიო

საზოგადოება • 1747429096

VIDEO: რა მოხდა სტადიონზე „ლეგენდების მატჩის“ შემდეგ

დღეს, დინამო არენაზე საფეხბურთო ზეიმი შედგა, რომელიც მრავალრიცხოვან გულშემატკივარს, საქართველოს ნაკრებისა და ბარსელონის ლეგენდებმა მოუწყვეს. სტადიონზე შეკრებილმა ქომაგმა არაერთი ვარსკვლავი იხილა, მათ შორის, მსოფლიოში ერთ-ერთი გამორჩეული ფეხბურთელი როლანდინიო. ბრაზილიელთან ერთად მინდორზე ვიხილეთ, იარი ლიტმანენი, ჯავიერ სავიოლა, ფილიპ კოკუ, გაისკა მენდიეტა და კატალონიელთა გრანდის ის ლეგენდარული ფეხბურთელები, რომლებიც წლების მანძილზე, მსოფლიოს მასშტაბით, საფეხბურთო ამინდს ქმნიდნენ.შეხვედრაც სანახაობრივი, საინტერესო და უხვგოლიანი გამოდგა. მატჩის პირველი ნახევარი ნავალოვსკისა და ხავიერ სავიოლას გატანილი გოლების შემდეგ ფრედ 1-1 დასრულდა.შეხვედრის მეორე ნახევარში უპირატესობა სტუმრებმა მოიპოვეს და ორბურთიანი სხვაობითაც დაწინაურდნენ. მასპინძელთა კარში ჯერ სორიანომ გაიტანა მერე კი დუბლი სავიოლამ შეასრულა და შეხვედრაც ბარსელონის გამარჯვებით 3-1 დასრულდა.ცალკე სასაუბრო თემაა "ბარსელონისა" და ბრაზილიის ნაკრების ლეგენდა, "ოქროს ბურთის" გამარჯვებული რონალდინიო, რომელმაც "დინამო არენაზე" შეკრებილ მაყურებლებს, არაერთი დასამახსოვრებელი მომენტი აჩუქა.ნახეთ კადრები რა მოხდა სტადიონზე „ლეგენდების მატჩის“ შემდეგ ⇓ @kapanadzemari1 🥹❤️ #viscabarca ♬ Viva La Vida - ᴄᴀᴀʟ

სპორტი • 1747413900

1:3 - საქართველოს ნაკრებისა და „ბარსელონას“ ლეგენდების მატჩი დასრულდა

თბილისში, „დინამო არენაზე“ საქართველოს ნაკრებისა და „ბარსელონას“ ლეგენდების მატჩი გაიმართა. შეხვედრა სტუმართა გამარჯვებით 3:1 დასრულდა.საქართველოს ნაკრებს საკმაოდ სერიოზული დანაკლისი ჰქონდა – გიორგი ქინქლაძე, არჩილ არველაძე, ლევან ცქიტიშვილი, ნუკრი რევიშვილი და ლევან კობიაშვილი ტრავმების გამო მოედანზე ვერ გავიდნენ. გულშემატკივარი ტრიბუნებს ეტაპობრივად ემატებოდა და შესვენებამდე სტადიონი გაივსო.მატჩი ორმხრივი შეტევებით დაიწყო, დამაჯერებლად გამოიყურებოდნენ გუნდების მეკარეები და მცველები. პირველი გოლი რონალდინიოს გადაცემით ლიტმანენმა გაიტანა, თუმცა თამაშგარე მდგომარეობა დაფიქსირდა.ანგარიში 25-ე წუთზე საქართველოს ნაკრებმა გახსნა, ალექსანდრე იაშვილის პასის შემდეგ გიორგი ნავალოვსკიმ გაიტანა. ესპანური ფეხბურთის გრანდის ლეგენდებმა წონასწორობა 34-ე წუთზე აღადგინეს, გოლი ხავიერ სავიოლას ანგარიშზეა.1tvsport

სპორტი • 1747406280

საქართველოს ნაკრებისა და „ბარსელონას“ ლეგენდების მატჩში სასტარტო შემადგენლობები ცნობილია

ძალიან მალე, 19:00 საათზე დაიწყება ლეგენდების მატჩი GEO11-სა და BARCA-ს შორის. მწვრთნელებმა, თემურ ქეცბაიამ და ალბერტ ფერერმა დაასახელეს სასტარტო შემადგენლობები.GEO11გიორგი ლომაია, კახა ცხადაძე, კახა კალაძე, ალექსანდრე ამისულაშვილი, ზურაბ ხიზანიშვილი, გიორგი ნავალოვსკი, სანდრო კობახიძე, გოჩა ჯამარაული, ლევან ყენია, ალექსანდრე იაშვილი, შოთა არველაძე.მწვრთნელი: თემურ ქეცბაია.„ბარსელონა“ხესუს ანგოი, სერხი ბარხუანი, კრისტანვალი, ფრედერიკ დეო, მაქსველი, იარი ლიტმანენი, ედგარ დავიდსი, ხოსე ედმილსონი, ლუდოვიკ ჟიული, ხავიერ სავიოლა, რონალდინიო.მწვრთნელი: ალბერტ ფერერი.