მუმლაძე

თბილისის საპატიო მოქალაქის წოდება 30 ადამიანს მიენიჭა - სია

საპატიო თბილისელის წოდება 30 მოქალაქეს მიენიჭა - კახა კალაძემ მათ საპატიო თბილისელის წოდების სიგელთან ერთად, დედაქალაქის სიმბოლური გასაღებიც გადასცა

სახელმწიფო ცერემონიების სასახლეში თბილისის საპატიო მოქალაქეების დაჯილდოების ცერემონია გაიმართა. დედაქალაქის მერმა კახა კალაძემ საპატიო თბილისელის წოდება 30 მოქალაქეს მიანიჭა.კახა კალაძემ შეკრებილ სტუმრებს "თბილისობა" მიულოცა და მადლობა გადაუხადა ყველა იმ ადამიანს, ვისაც ყოველდღიურად შეაქვს საკუთარი წვლილი ქალაქის განვითარებაში. თბილისის საპატიო მოქალაქეებს წელს შეემატნენ: ზურაბ თურმანიძე - ექიმი, ქირურგი, სამხედრო-სამედიცინო აკადემიის წევრ-კორესპონდენტი; თინათინ მღვდლიაშვილი - პოეტი, მხატვარი; ჯენარო ქრისტესაშვილი - ექიმი-რეპროდუქტოლოგი, მედიცინის მეცნიერებათა დოქტორი, პროფესორი; ნოდარ ჩხარტიშვილი - ბიოლოგი, მეცნიერი, საქართველოს სოფლის მეურნეობის მეცნიერებათა აკადემიის აკადემიკოსი; ბაკურ კიღურაძე - არქიტექტორი, მეცნიერი; ოთარ გაბელაშვილი - ინჟინერი, სამთო გეოლოგი; გივი ჭიჭინაძე - ინჟინერი, მომღერალი, პოლიტიკოსი; თენგიზ გუგეშაშვილი - ქირურგი, მედიცინის მეცნიერებათა დოქტორი; გოგა პიპინაშვილი - თეატრისა და კინოს მსახიობი, მიხეილ თუმანიშვილის სახელობის კინომსახიობთა თეატრის დასის წევრი; თომზირ ცომაია - სპორტსმენი, ტანმოვარჯიშე; თინა მგალობლიშვილი - დიქტორი, მსახიობი; დავით ევგენიძე - კომპოზიტორი, პიანისტი; ზურაბ აბაშიძე - დიპლომატი, მეცნიერი, პოლიტიკის მეცნიერებათა დოქტორი, პროფესორი, ქართული ენციკლოპედიის მთავარი რედაქტორი; არჩილ გოგელია - მოფარიკავე, ჟურნალისტი, სპორტსმენი, პოლიტიკოსი; თეიმურაზ ჩიგოგიძე - ექიმი-უროლოგი, მედიცინის მეცნიერებათა დოქტორი; ვლადიმერ (ვახტანგ) ვეფხვაძე - გამომცემელი, მეცენატი; გიორგი ბურჯანაძე - ქართული თეატრისა და კინოს მსახიობი, საქართველოს დამსახურებული არტისტი; ლაუზ (რეზო) ჭანიშვილი - ქორეოგრაფი-ქორეოლოგი, მოცეკვავე, დოქტორი, პროფესორი; ნუგზარ კვაშალი - მომღერალი, საქართველოს დამსახურებული არტისტი, ანსამბლ "ივერიის" სოლისტი, ანსამბლ "ხომლის" წევრი; რომან (რომა) რცხილაძე - მუსიკოსი, კომპოზიტორი, მომღერალი; თინათინ ბუკია - ექიმი, პედაგოგი, მედიცინის მეცნიერებათა დოქტორი, საქართველოს ლაბორატორიული მედიცინის ასოციაციის დამფუძნებელი და პირველი პრეზიდენტი; ნოდარ მითაგვარია - ბიოლოგი, ბიოლოგიურ მეცნიერებათა დოქტორი, აკადემიკოსი; ნანული აბესაძე - მომღერალი, საქართველოს დამსახურებული არტისტი; მანანა თოდაძე - მომღერალი, მსახიობი; ნანული სარაჯიშვილი - კინოსა და თეატრის მსახიობი, საქართველოს დამსახურებული არტისტი; ლეილა მუმლაძე - მუსიკოსი, პედაგოგი, საქართველოს დამსახურებული მასწავლებელი; თამაზ მოლაშვილი - მუსიკოსი; ნიკოლოზ შენგელაია - მხატვარი, ფილმ "სოფიკოს" დამდგმელი რეჟისორი, სცენარის ავტორი და პროდიუსერი; მალხაზ დოლიძე - პურის მრეწველთა კავშირის თავმჯდომარე, ტექნიკურ მეცნიერებათა დოქტორი, პროფესორი; ჯიმი ყიფიანი - იურისტი.კახა კალაძემ დაჯილდოებულ პირებს, საპატიო თბილისელის წოდების აღმნიშვნელ სიგელთან ერთად, დედაქალაქის სიმბოლური გასაღებიც გადასცა."მივესალმები საქართველოს პრემიერ-მინისტრს, ბატონ ირაკლი კობახიძეს, თბილისის საკრებულოს თავმჯდომარეს ზურაბ აბაშიძეს, დამსწრე საზოგადოებას, დიპლომატიური კორპუსის წარმომადგენლებს, ჩვენს უცხოელ სტუმრებს, მივესალმები უცხოეთში მცხოვრებ ჩვენს თანამემამულეებს, მივესალმები ჩვენს საყვარელ თბილისსა და თბილისელებს"თბილისობის" დღესასწაულს გილოცავთ ყველას. თბილისი თავად არის სასწაული - ქალაქი, რომელმაც საუკუნეების მანძილზე გაუძლო უამრავ განსაცდელს, ფერფლიდანაც ბევრჯერ აღდგა და მუდამ სიცოცხლით სავსე, მუდამ ახალგაზრდული სულით აგრძელებს სვლას. ჩვენ ახლა ვიმყოფებით თბილისის გულში, ზემოდან გადმოგვყურებს ნარიყალა, ბუმბერაზი ქართველების სამყოფელი - მთაწმინდა, ქვემოთ სოლოლაკი და ხმაურიანი აბანოთუბანია, აქვეა მეტეხი, ავლაბარი, ჩუღურეთი. აქ ყველა ადგილი, ყველა ქუჩა უდიდეს ისტორიას ინახავს, თუმცა, თბილისი მხოლოდ ღირსშესანიშნავი ადგილები და უძველესი არქიტექტურა არ არის. ჩვენი ქალაქი კიდევ უფრო ლამაზია, როდესაც ქმნის, ფეხს უწყობს თანამედროვეობას, ყოველდღიურად ვითარდება, ინარჩუნებს თავის ისტორიას და საფუძველს უყრის მომავალს.ყველაფერი, რაც ღირებულია თბილისისთვის, რასაკვირველია, შექმნილია ამ ქალაქის მცხოვრებთა შრომით, მათი პროფესიონალიზმით, ზრუნვით, სიყვარულით და ერთგულებით დედაქალაქის მიმართ. თბილისს ქმნით თქვენ, თბილისელები და იგი ზუსტად ისეთია, როგორიც არის ჩვენი ყოველდღიურობა, ჩვენი დამოკიდებულება მის მიმართ. სწორედ აქ და ახლა ჩვენ ვქმნით თბილისის დღევანდელობას და მე, როგორც ამ ქალაქის მერი, ვარ ბედნიერი ადამიანი, რადგან თბილისს ჰყავს გამორჩეული ადამიანები, რომლებმაც თავიანთი კვალი დაატყვეს ქალაქს. საპატიოა ყველა მოქალაქე, ვინც ზრუნავს ქალაქზე, დახმარების ხელს უწვდის გაჭირვებაში მყოფებს, ვინც კეთილსინდისიერი შრომით ემსახურება ქალაქს და ქვეყანას. მინდა, თითოეულ მათგანს, მთელი გულით, მადლობა გადავუხადო გაწეული შრომისთვის და საქმიანობისთvის. ტრადიციას არც წელს დავარღვევთ და თბილისის განვითარებაში შეტანილი განსაკუთრებული წვლილისთვის წარმოგიდგენთ ადამიანებს, რომლებმაც ზუსტად იციან, რომ თბილისის საპატიო მოქალაქეობა მხოლოდ წოდება არ არის, ეს, პირველ რიგში, არის უდიდესი პასუხისმგებლობა ქვეყნისა და ხალხის წინაშე, უდიდესი პასუხისმგებლობა თბილისისა და თბილისელების წინაშე", - განაცხადა კახა კალაძემ.დედაქალაქის მერმა აღნიშნა, რომ თბილისი მუდამ იქნება ახალგაზრდული, ძლიერი, განვითარებული ქალაქი."ვიდრე გვიყვარს ჩვენი ქალაქი, ვიდრე არ ვიღლებით მასზე ზრუნვით, ვიდრე პროფესიონალიზმით და თავდადებით ვემსახურებით მას, თბილისი მუდამ იქნება ახალგაზრდული, ძლიერი, განვითარებული ქალაქი. მინდა, მადლობა გადავუხადო ყველა იმ თბილისელს, ვინც მანდო ამ ქალაქის ბედი. არ დავიღლები იმაზე საუბრით, თუ რამხელა პატივია ჩემთვის, ვემსახურო თბილისს და თბილისელებს. თქვენი მხარდაჭერა და თანადგომა ჩემთვის უდიდესი მოტივაციაა. მადლობას გიხდით ყველას მობრძანებისთვის. გპირდებით, შემდეგი ოთხი წელი ჩვენი ქალაქისთვის კიდევ უფრო საინტერესო და მრავალფეროვანი იქნება. კიდევ ერთხელ გილოცავთ ყველას, ვინც დღეს ეს ჯილდო მიიღო და გისურვებთ, პირველ რიგში, ჯანმრთელობას, დიდხანს სიცოცხლეს, რადგან თქვენ კიდევ სჭირდებით ჩვენს ქვეყანასა და ჩვენს ქალაქს", - განაცხადა დედაქალაქის მერმა.

სპორტი • 1757941320

მარნეულელმა მკლავჭიდელებმა მსოფლიო ჩემპიონატზე ოქროს და ვერცხლის მედლები მოიპოვეს

ბულგარეთის ქალაქ ალბენაში მიმდინარე მსოფლიო ჩემპიონატზე მარნეულის მუნიციპალიტეტის სპორტული სკოლის ახალგაზრდა მკლავჭიდელებმა საქართველო ღირსეულად წარადგინეს და ორი მედალი მოიპოვეს. დემეტრე მუმლაძემ 15 წლამდე ასაკში, აბსოლუტურ წონით კატეგორიაში, მარჯვენა ხელით მსოფლიო ჩემპიონობა მოიპოვა!ლუკა მაისურაძემ 15 წლამდე ასაკში, 45 კგ წონით კატეგორიაში, მარცხენა ხელით, მსოფლიო ვიცე-ჩემპიონის ტიტული მოიპოვა!ახალგაზრდა სპორტსმენების პირადი მწვრთნელია, მამუკა ბოჭოიძე.

სპორტი • 1756473258

გიორგი მუმლაძე კადეტთა მსოფლიო ჩემპიონატის ფინალშია

ბულგარეთის დედაქალაქ სოფიაში მიმდინარე კადეტთა მსოფლიოს ჩემპიონატის მესამე დღეს ტატამზე ექვსი ქართველი სპორტსმენი გავიდა, რომელთაგანაც გიორგი მუმლაძე (81 კგ) ოქროს მედლისთვის იჭიდავებს.ფინალური ბლოკი 17:30 საათიდან დაიწყება.შეგახსენებთ, რომ მსოფლიო პირველობის ორი საშეჯიბრო დღის შემდეგ საქართველოს კადეტთა ნაკრები ჯერჯერობით უმედლოდაა.

პოლიტიკა • 1751967055

ნებისმიერ პოლიტიკურ სუბიექტს, რომელიც შევა ამ თამაშში, სათანადო პასუხს გავცემ ყველგან, სიტყვითაც და, თუ საჭიროა, მუშტითაც - გიორგი მუმლაძე

მოღალატეობრივი პოზიცია და პასუხი მუშტით, - ოპოზიციაში არსებული დაპირისპირების ფონზე, "ნაციონალურ მოძრაობაში" ამბობენ, რომ იმ პარტიებმა, რომლებმაც არჩევნებში მონაწილეობა გადაწყვიტეს, მათგან მეტი აგრესია უნდა იგრძნონ და სათანადო პასუხი აგონ."ლელოში" და გახარიას გუნდში აცხადებენ, რომ მათ გადაწყვეტილებაზე კოლეგების მუქარა გავლენას ვერ მოახდენს.ირაკლი ფავლენიშვილის განცხადებით, ადამიანებმა, რომლებმაც თვითმმართველობის არჩევნებში მონაწილეობენ, ამით ქუჩის პროტესტს ღალატობს და მას უარს ეუბნებიან."ის ხალხი, ვინც სპეცოპერაციაში იღებს მონაწილეობას და ე.წ. ოპოზიციურ ფლანგად იყო მოაზრებული ქუჩის პროტესტს უარს ეუბნება და ღალატობენ ამ ქუჩის პროცესს", - განაცხადა ფავლენიშვილმა.ძალის გამოყენებაზე საუბრობს "ნაციონალური მოძრაობის" წევრი, გიორგი მუმლაძე."ნებისმიერი ის პოლიტიკური სუბიექტი, ვინც შევა ამ თამაშში, სათანადო პასუხს გავცემ ყველგან, სიტყვითაც და თუ საჭიროა, მუშტითაც. მოღალატემ უფრო მეტი აგრესია უნდა იგრძნოს ჩვენგან.როდესაც ამ ბრძოლაში, შენი თანამებრძოლი ცელს გამოგისვამს და გიღალატებს, მას თუ სათანადო პასუხს არ გასცემ, ის მოწინააღმდეგე არ დაგაფასებს და შენ ძალას პატივს არ სცემს."ლელო" იქნება გახარია თუ სხვა, ყველა აგებთ სათანადოდ პასუხს. ვერ გამოხვალთ და ვერ დადგებით პროტესტში, თუ დადგებით მიიღებთ სათანადო პასუხს. მოღალატის იარლიყი აიკარით უკვე", - განაცხადა გიორგი მუმლაძემ.

სპორტი • 1749043161

მარნეულელი მკლავჭიდელების წარმატება ევროპის ჩემპიონატზე

რუმინეთის ქალაქ კლუჟ-ნაპოკაში, მკლავჭიდის ევროპის ჩემპიონატზე, მარნეულელმა სპორტსმენებმა ორი ოქროს და ერთი ბრინჯაოს მედალი მოიპოვეს.დემეტრე მუმლაძე ევროპის ჩემპიონი გახდა, 70+ კგ წონით კატეგორიაში, მარჯვენა ხელში, ხოლო მარცხენა ხელში ბრინჯაოს მედალი მოიპოვა.გიორგი ლომიძე ევროპის ჩემპიონი გახდა მარცხენა ხელში, 70 კგ წონით კატეგორიაში.სპორტსმენების პირადი მწვრთნელია:მამუკა ბოჭოიძე.

სამართალი • 1748942094

მოსამართლე ლილი მსხილაძე: სამწუხაროდ, მასობრივი ხასიათი მიიღო სახელმწიფო ინტერესების წინააღმდეგ მიმართულმა ძალადობრივმა ქმედებებმა

მოსამართლემ ლილი მსხილაძემ სასამართლოს გადაწყვეტილება გამოაცხადა. მან რუსთაველის გამზირზე სათვალთვალო კამერების დაზიანების ბრალდებით დაკავებულებს, გურამ ხუტაშვილსა და დანიელ მუმლაძეს 3-3 წლით თავისუფლების აღკვეთა მიუსაჯა.მოსამართლემ გაითვალისწინა რა ბრალდებულის მდგომარეობა, მიზანშეწონილად მიიჩნია, რომ "მინიმუმი 3 წელი საკმარისი იქნება იმისთვის, რომ სასჯელის მიზანი იქნას მიღწეული"."რაც შეეხება სასჯელს, სასჯელთან დაკავშირებით სასამართლოს მიაჩნია, რომ მოცემულ და ამგვარ სიტუაციებში ზოგადად არ უნდა იქნას გამოყენებული სისხლის სამართლის კოდექსის 50-ე მუხლით გათვალისწინებული შეღავათები, ვინაიდან, მოგეხსენებათ, სამწუხაროდ, მასობრივი ხასიათი მიიღო სახელმწიფოში სახელმწიფო ინტერესების წინააღმდეგ მიმართულმა ძალადობრივმა ქმედებებმა.ასეთ შემთხვევაში, სასამართლო, მოგეხსენებათ, რომ უფლებამოსილია 50-ე მუხლთან დაკავშირებით და ამ უფლებამოსილების გამოყენება მე პირადად არ მიმაჩნია მიზანშეწონილად.რაც შეეხება თქვენს აღიარებას, იქიდან გამომდინარე, რომ არ ხართ ნასამართლევი, გყავთ მცირეწლოვანი შვილი, მე მიზანშეწონილად მივიჩნევ, რომ მინიმუმი 3 წელი საკმარისი იქნება იმისთვის, რომ სასჯელის მიზანი იქნას მიღწეული“, -განაცხადა ლილი მსხილაძემ.

სამართალი • 1748861697

საქალაქო სასამართლომ, აქციების დროს დაპატიმრებულ გურამ ხუტაშვილს და დანიელ მუმლაძეს 3-3 წლიანი პატიმრობა მიუსაჯა

საქალაქო სასამართლომ, აქციების დროს დაპატიმრებულ გურამ ხუტაშვილს და დანიელ მუმლაძეს 3-3 წლიანი პატიმრობა მიუსაჯა. ახალგაზრდებს ბრალი ედებოდათ 112-ის სამეთვალყურეო კამერების ჯგუფურად დაზიანებაში. პროკურატურის ინფორმაციით, ზიანმა 12 000 ლარს გადააჭარბა. ბრალდებულები, რომლებიც დანაშაულს აღიარებდნენ, მზად იყვნენ თანხა აენაზღაურებინათ, მათ საპროცესო შეთანხმების გაფორმება სურდათ, თუმცა პროკურატურამ უარი განაცხადა.

სპორტი • 1747742303

მარნეულელი ძიუდოისტი საბა მუმლაძე, საქართველოს ჩემპიონია

თბილისში გამართულ საქართველოს სარეიტინგო ჩემპიონატზე ნევაზაში (ქვეჭიდი), წარმატებით იასპარეზა მარნეულის მუნიციპალიტეტის სპორტული სკოლის ძიუდოისტმა, საბა მუმლაძემ და 60 კგ წონით კატეგორიაში ჩემპიონობა მოიპოვა. ძიუდოში ქვეჭიდი იგივე (Ne-waza),არის მდგომარეობა, როდესაც ერთი ძიუდოისტი აკავებს მეორე ძიუდოისტს ტატამიზე, ზურგზე ან გვერდულად ისე, რომ ის ვერ ახერხებს თავისუფლად მოძრაობას ან გაქცევას, მისი მთავარი მიზანია შეძლოს და გააჩეროს მოწინააღმდეგე საკმარის ხანს, რათა დააგროვოს ქულები ან მოიპოვოს სრული გამარჯვება. ძიუდოს საერთაშორისო ფედერაციის (IJF) ახალი წესების მიხედვით, Ne-waza-ში დამატებით ქულა გაიცემა, თუ სპორტსმენი 5 წამში ახერხებს მოწინააღმდეგის ტატამიზე დამაგრებას. ჩემპიონატში მონაწილეობდნენ 2013-2014 წლებში დაბადებული ძიუდოისტები

რეგიონი • 1747466826

ახალციხეში „ტურისტული სეზონი 2025“ გაიხსნა

ახალციხის ციხეზე ტურისტული სეზონის გახსნისადმი მიძღვნილი ღონისძიება გაიმართა. საზეიმო საღამო ახალციხის მუნიციპალიტეტის მერმა ირაკლი ლაზარაშვილმა გახსნა.ახალციხელებს და ქალაქის სტუმრებს სიტყვით მიმართეს სამცხე-ჯავახეთის სახელმწიფო რწმუნებულმა ზაალ გელაშვილმა, „ახალციხის ციხის“ დირექტორმა ზაზა თამარაშვილმა, „სამცხე-ჯავახეთის დანიშნულების ადგილის მართვის ორგანიზაციის“ ხელმძღვანელმა დავით მუმლაძემ, „ბაკურიანის განვითარების სააგენტოს“ ხელმძღვანელმა ეკატერინე ორჯონიკიძემ, ასევე სასტუმრო "ჯინო ველნეს რაბათის" მენეჯერმა შალვა ოთანაძემ და სასტუმრო „ახალციხე ინის”ოპერირების მენეჯერმა ვახტანგ ქიმერიძემ.აქცენტი გაკეთდა ახალციხის მუნიციპალიტეტისა და მთლიანად რეგიონის მდიდარ ტურისტულ პოტენციალზე და რესურსებზე, მთავრობის მხრიდან ქვეყნის მასშტაბით ტურიზმის ხელშეწყობასა და მხარდაჭერ პროგრამებზე, ტურისტული ინფრასტრუქტურის განვითარებაზე.აღინიშნა, რომ ქალაქ ახალციხეში, რაბათის ისტორიულ უბანში ერთ-ერთ უმნიშვნელოვანეს ტურისტულ ცენტრს წარმოადგენს ახალციხის ციხე, სადაც არსებული ღირსშესანიშნაობების, ეთნიკური, რელიგიური თუ კულტურული მრავალფეროვნების გამო ყოველწლიურად მზარდია ტურისტებისა და ვიზიტორების დაინტერესება. გასულ წელს „ახალციხის ციხეს“ 128 000 ვიზიტორი სტუმრობდა, რაც წინა წელთან შედარებით 13 % -ით მეტია.საზეიმო საღამო კონცერტით გაგრძელდა, ახალციხელების წინაშე მომღერალი ზუკა ხუციშვილი და ბენდი წარ დგნენ.ღონისძიება ახალციხის მუნიციპალიტეტის მერიის კულტურის სამსახურისა და ა(ა)იპ „ახალციხის ციხის“ ერთობლივი ორგანიზებით გაიმართა.

სამართალი • 1741781881

შსს უარყოფს ინფორმაციას, რომ თითქოს გიორგი მუმლაძის მიმართ შედგენილ სამართალდარღვევის ოქმში ჯარიმის ოდენობად 5 000 000 ლარია მითითებული

შინაგან საქმეთა სამინისტრო უარყოფს ინფორმაციას, რომ თითქოს გიორგი მუმლაძის მიმართ შედგენილ სამართალდარღვევის ოქმში ჯარიმის ოდენობად 5 000 000 ლარია მითითებული.სამოქალაქო აქტივისტი გიორგი მუმლაძე ფეისბუქის პირად გვერდზე აქვეყნებს პოსტს და წერს, რომ მის მიმართ შედგენილ ერთ-ერთ ადმინისტრაციულ სამართალდარღვევის ოქმში ჯარიმის ოდენობად, 5 000 ლარის ნაცვლად, 5 მილიონი ლარია მითითებული.მუმლაძე აქვეყნებს ფოტოსაც, რომელზეც მისი მტკიცებით აღნიშნული ჯარიმის ქვითარია ასახული.„კურიერს“ შინაგან საქმეთა სამინისტროში უთხრეს, რომ მუმლაძის მიერ გავრცელებული ინფორმაცია სიცრუეა და განმარტეს, რომ მის მიმართ შედგენილ ადმინისტრაციულ სამართალდარღვევის ოქმში, ჯარიმის ოდენობად 5000 ლარია დაფიქსირებული.ამასთან უწყებაში აცხადებენ, რომ იმ შემთხვევაში, თუ გაგრძელდება აღნიშნული ინფორმაციის ტირაჟირება, შინაგან საქმეთა სამინისტრო სამართალდარღვევის ოქმის დედანს გაასაჯაროებს.

რეგიონი • 1741337561

მარნეულელი ძიუდოისტი საბა მუმლაძე საქართველოს ჩემპიონია

თბილისში გაიმართა საქართველოს ჩემპიონატი 2013-2014 წლებში დაბადებულ ძიუდოისტთა შორის, სადაც მარნეულის მუნიციპალიტეტის სპორტული სკოლის აღსაზრდელმა, საბა მუმლაძემ ( პირადი მწვრთნელი:სანდრო იაკობაშვილი)და 55 კგ წონით კატეგორიაში საქართველოს ჩემპიონობა მოიპოვა.