მსოფლიო • 1786788738

დონალდ ტრამპმა და ილონ მასკმა ურთიერთობა აღადგინეს - The Wall Street Journal

დონალდ ტრამპმა და ილონ მასკმა ურთიერთობა აღადგინეს.The Wall Street Journal-ის ცნობით, 2026 წლის შუალედურ არჩევნებზე ამერიკელი მილიარდერი რესპუბლიკელების მხარდასაჭერად 100 მილიონი დოლარის დახარჯვას გეგმავს. ეს ფინანსები კი საკვანძო შტატებში ამომრჩეველთა მობილიზებას მოხმარდება.გამოცემა წერს, რომ 2024 წლის საპრეზიდენტო კამპანიისას მასკი ტრამპის მთავარი მოკავშირე იყო. მაშინ მან საარჩევნოდ 300 მილიონ დოლარამდე გაიღო. ტრამპის გაპრეზიდენტების შემდეგ, ბიზნესმენმა მთავრობის მუშაობის ოპტიმიზაციის დროებითი დეპარტამენტი ჩაიბარა. თუმცა, მათი თანამშრომლობა მალევე დაიძაბა.კავშირის გაწყვეტა არცერთი მხარისთვის აღმოჩნდა მომგებიანი. WSJ-ის ინფორმაციით, შერიგების პროცესი დაპირისპირების პარალელურად დაიწყო. ამ საქმეში გადამწყვეტი როლი ვიცე-პრეზიდენტმა, ჯეი დი ვენსმა ითამაშა. ის მასკთან კონტაქტს კონფლიქტის დროსაც ინარჩუნებდა.ურთიერთობის აღდგენის მიუხედავად, მილიარდერი პოლიტიკაში ძველებურად აღარ დაბრუნდება. მედიის ცნობით, მასკი უშუალო პოლიტიკურ აქტიურობაზე უარს იტყვის და რესპუბლიკელებს ამჯერად მხოლოდ ფინანსურად დაეხმარება.

მსოფლიო • 1786122960

ამერიკული გამოცემა The Atlantic: სულ რაღაც რამდენიმე დღეში გაქრა ის ოპტიმიზმი, რომელიც უკრაინის პერსპექტივების გარშემო თვეების განმავლობაში იქმნებოდა

ამ ზაფხულის დასაწყისში უკრაინამ, როგორც იქნა, ხელში ჩაიგდო ინიციატივა ამ სასტიკ, ოთხწლიან ომში - პრეზიდენტ ვოლოდიმირ ზელენსკის საკმარისად ჰქონდა გამარჯვებები და ტექნოლოგიური მიღწევები დასავლელი მხარდამჭერებისთვის წარსადგენად, როდესაც ამტკიცებდა, რომ რუსეთის დამარცხება შესაძლებელია, - წერს ამერიკული გამოცემა The Atlantic სტატიაში სათაურით „უკრაინის ხანმოკლე აღმავლობა“.„მისი დაპირისპირება დონალდ ტრამპთან ოვალურ კაბინეტში გასულ წელს ჩრდილში მოექცა უფრო ახალი შეხვედრების ფონზე, სადაც აშშ-ის პრეზიდენტი თითქოს მზადყოფნას გამოთქვამდა, უკრაინას გამარჯვებაში დახმარებოდა. გასულ თვეს თურქეთში ზელენსკისთან დახურულ კარს მიღმა გამართული მოლაპარაკებების შემდეგ, ტრამპმა გამოთქვა მზადყოფნა, დაეკმაყოფილებინა კიევის კრიტიკული საჭიროება საჰაერო თავდაცვის სისტემებთან დაკავშირებით და ლიდერებს შორის არსებული პერსპექტიული განწყობის შესახებ ჟურნალისტებთან ბრიფინგზე განაცხადა: „იმ ოთახში დიდი სიყვარული და დიდი ერთიანობა სუფევდა“, - ნათქვამია სტატიაში.ვაშინგტონში ზელენსკის ასევე ჰყავდა ელჩი, რომელსაც გავლენიანი კავშირები ჰქონდა. ოლგა სტეფანიშინა, ყოფილი ვიცე-პრემიერი, ოფიციალურ პირებსა და კანონმდებლებს უწყვეტად აწვდიდა ინფორმაციას უკრაინის საბრძოლო წარმატებების შესახებ.წლის დასაწყისიდან მოპოვებული ეს დინამიკა სულ რაღაც რამდენიმე დღეში ჩაქრა. გასულ კვირას ზელენსკისთან შეხვედრაზე, ტრამპმა უარი თქვა დამატებითი Patriot-ის საჰაერო თავდაცვის სისტემების გაგზავნაზე, რომლებიც კიევს რუსული ბალისტიკური რაკეტების მოსაგერიებლად ჰაერივით სჭირდება. მან უკან წაიღო დაპირებაც, რომლის მიხედვითაც უკრაინულ კომპანიებს ამ სისტემების ადგილზე წარმოების უფლება უნდა მიეღოთ.მომიტინგეები უკვე კვირებია კიევში იკრიბებიან და ზელენსკისგან თავდაცვის მინისტრის თანამდებობაზე აღდგენას ითხოვენ. პროცესებში მისი ხელახლა ჩართვა შესაძლოა სასიცოცხლოდ მნიშვნელოვანი იყოს ზელენსკის იმ გეგმისთვის, რომლითაც უკრაინამ ზამთარი უნდა გადააგოროს.როგორც გასულ კვირას გამოცემა The Atlantic პირველად იუწყებოდა, ზელენსკიმ შეხვედრისას ტრამპს სთხოვა, ილონ მასკთან თავისი გავლენა გამოეყენებინა - მასკის კომპანია SpaceX ფლობს Starlink-ის თანამგზავრულ სისტემას. ზელენსკის ამ სისტემის გამოყენება იმ სარაკეტო ბატარეების დასამიზნებლად სურს, რომლებითაც რუსეთი კიევსა და სხვა ქალაქებს უმოწყალოდ ბომბავს. ტრამპმა არც ამ წინადადებასთან დაკავშირებით აიღო რაიმე ვალდებულება.თანამდებობიდან წასვლის შემდეგ ფედოროვი არაოფიციალური არხებით ცდილობს მასკის დაყოლიებას, თუმცა ეს უკანასკნელი ჯერჯერობით პოზიციას არ თმობს.მასკი ფედოროვთან დავას კვლავ განაგრძობს იმ საფრთხეებზე, რომელიც ომის შემდგომ ესკალაციას მოჰყვება. „მასკი გამუდმებით იმას იმეორებს, რომ გარიგებაზე წასვლის დროა“, - აღნიშნა ფედოროვის გარემოცვის წევრმა.„სულ რაღაც რამდენიმე დღეში გაქრა ის ოპტიმიზმი, რომელიც უკრაინის პერსპექტივების გარშემო თვეების განმავლობაში იქმნებოდა. არადა, ამ ზაფხულის დასაწყისში, ზელენსკის წინ დიდი გეგმები ჰქონდა: ამერიკული რაკეტების ახალი პარტია კიევის დასაცავად, ამავე რაკეტების ადგილზე წარმოების უფლება და, ფედოროვისა და მასკის მოლაპარაკებების წყალობით, რუსეთის სიღრმეში დარტყმების მიყენების პოტენციური შესაძლებლობა. უკრაინული ინოვაციებისა და ფრონტზე მოპოვებული უპირატესობის გამო, მას ტრამპის მხრიდან დიდი პატივისცემა ერგო, ხოლო ავტორიტეტული ახალგაზრდა ელჩის დამსახურებით, ვაშინგტონთან ურთიერთობებიც საგრძნობლად გაუმჯობესდა. ამის ნაცვლად, როგორც ჩანს, ტრამპმა ინტერესი დაკარგა და Patriot-ის რაკეტებთან დაკავშირებულ ადრინდელ დაპირებებს აჭიანურებს. მასკთან მოლაპარაკებები ჯერჯერობით უშედეგოდ სრულდება. ზელენსკის მიერ პოპულარული თავდაცვის მინისტრის გათავისუფლებას ქვეყნის შიგნით პროტესტი მოჰყვა. უკრაინას კი აღარ ჰყავს ელჩი, რომელიც აშშ-ის მხარდაჭერის გაგრძელებას ლობირებას გაუწევდა, რადგან კორუფციის ბრალდებებზე პასუხის გასაცემად სამშობლოში დაბრუნდა. ვითარების ასეთ მკვეთრ ცვლილებას თითქოს ხაზს უსვამს ისიც, რომ რუსეთმა კიევზე სარაკეტო იერიშები გააძლიერა და უკრაინის საჰაერო თავდაცვის დასუსტებული რესურსით ისარგებლა“, - აღნიშნულია სტატიაში.

მსოფლიო • 1785310162

თაღლითებმა პენსიონერს ილონ მასკის სახელით სიყვარული აუხსნეს და ფული გამოსძალეს (იაპონია)

იაპონიაში, ქალაქ კამიკუსას 65 წლის მცხოვრები ილონ მასკის სახელით ორჯერ მოატყუეს. პოლიციამ საქმეზე ერთ-ერთი ეჭვმიტანილი დააკავა.ადგილობრივი მედიის ცნობით, დაკავებულმა კაცმა, სახელად ონო რიოიმ, თანამზრახველებთან ერთად სოციალურ ქსელებში ილონ მასკის ანგარიში გააყალბა და მილიარდერის ნამდვილი გვერდის გამომწერებს მისი სახელით შეტყობინებებს უგზავნიდა.ერთ-ერთი მსხვერპლი 65 წლის პენსიონერი აღმოჩნდა, რომელსაც თაღლითი სიყვარულს უხსნიდა, ეუბნებოდა, რომ ის სჭირდებოდა, მოგვიანებით კი ფულის თხოვნა დაიწყო. მეტი დამაჯერებლობისთვის მან ქალთან ვიდეოზარითაც ისაუბრა, რა დროსაც ხელოვნური ინტელექტის მეშვეობით მასკად გაასაღა თავი.ქალმა დაიჯერა და თაღლითისთვის ფულის გადარიცხვა დაიწყო. მოგვიანებით მას ეჭვი შეეპარა და პოლიციას მიმართა, თუმცა დამნაშავეებთან ურთიერთობას მაინც აგრძელებდა. რამდენიმე თვის შემდეგ მან მათთვის ფულის გაგზავნა კვლავ დაიწყო.სულ პენსიონერმა დამნაშავეებს 1,85 მილიონი იენა (დაახლოებით 12 000 აშშ დოლარი) გადასცა. პოლიციას ეჭვობს, რომ ონო რიოი ასევე ფულის გათეთრების სქემაში მონაწილეობდა. გამოძიება მის შესაძლო თანამზრახველებს ადგენს.

მსოფლიო • 1784924618

ილონ მასკი The Economist-თან ინტერვიუში: „ხელოვნური ინტელექტი ხუთ წელიწადში ადამიანის ინტელექტს გადააჭარბებს - სამუშაომ და ფულმა შეიძლება ღირებულება დაკარგოს“

ილონ მასკმა The Economist-ის მთავარ რედაქტორს, ზანი მინტონ ბედოუსს, ვრცელი ინტერვიუ მისცა, რომელიც ტეხასში, Tesla Gigafactory-ში ჩაწერა. თითქმის საათ-ნახევრის განმავლობაში, მეწარმე ჩვენი დროის ყველაზე განხილვად თემებს შეეხო: ხელოვნურ ინტელექტს, შრომის ბაზრის მომავალს, ეკონომიკას, უკრაინაში ომს და ევროპაში არსებულ პოლიტიკურ ვითარებას. საუბარი ზოგჯერ დაძაბული იყო, ორ რესპონდენტს შორის მწვავე დაპირისპირების მომენტებით.ხელოვნური ინტელექტი ადამიანის ინტელექტს გადააჭარბებსმასკის თქმით, მომდევნო ხუთი წლის განმავლობაში ხელოვნური ინტელექტი ადამიანის ინტელექტს გაუტოლდება და გადააჭარბებს, ხოლო ათი წლის განმავლობაში მსოფლიოს ექნება ხელოვნური ინტელექტის დონე, რომელიც მნიშვნელოვნად აღემატება ადამიანის ინტელექტის ჯამს.მეწარმე ამტკიცებს, რომ ამ ეტაპის მიღწევის შემდეგ, პრაქტიკულად არ იქნება ისეთი ამოცანები, რომელთა შესრულებაც ხელოვნურ ინტელექტს ადამიანებზე უკეთ არ შეეძლება, გარდა თავად ადამიანის ექსპერტიზისა. შედეგად წარმოქმნილი ხარვეზის ასახსნელად, ის ადამიანებსა და ხელოვნურ ინტელექტს შორის ურთიერთობას ადარებს ადამიანებსა და შიმპანზეებს შორის არსებულ ურთიერთობას.მიუხედავად იმისა, რომ ეს სცენარი შეიძლება საშიშად მოგეჩვენოთ, მასკი თვლის, რომ ეს არაჩვეულებრივი სიუხვის ეპოქის დასაწყისს აღნიშნავს, რომელშიც საქონელი და მომსახურება საკმარისი რაოდენობით იქნება ხელმისაწვდომი ნებისმიერი მოთხოვნილების დასაკმაყოფილებლად.ხელოვნურ ინტელექტთან დაკავშირებული რისკები ოპტიმისტური პერსპექტივის შენარჩუნებით, მასკი აღიარებს, რომ ხელოვნური ინტელექტი რეალურ რისკებს შეიცავს, მათ შორის კაცობრიობის არსებობისთვის უკიდურეს საფრთხეს.თუმცა, Tesla-სა და SpaceX-ის დამფუძნებლის თქმით, ხელოვნური ინტელექტის განვითარების შეჩერება არ არის სიცოცხლისუნარიანი გამოსავალი. ამიტომ, ის გვთავაზობს სექტორის უდიდეს კომპანიებს შორის თანამშრომლობის სისტემას.იდეა იმაში მდგომარეობს, რომ ყველაზე მოწინავე ხელოვნური ინტელექტის კომპანიებმა დროებით გაუზიარონ ახალი მოდელები კონკურენტებს, რაც მათ საშუალებას მისცემს, გამოცადონ ისინი ერთი-ორი კვირის განმავლობაში საჯარო გაშვებამდე. მიზანია უსაფრთხოების ნებისმიერი პრობლემის იდენტიფიცირება და გამოშვებამდე გადაწყვეტილებების შეთავაზება.მასკი თვლის, რომ კომპანიებს შორის კონკურენციამ შეიძლება უფრო ძლიერი გარანტიები შესთავაზოს, ვიდრე მხოლოდ მთავრობის ზედამხედველობა, რაც შესაძლოა აშშ-სა და ჩინეთის უდიდეს ტექნოლოგიურ კომპანიებს მოიცავდეს.სამუშაომ და ფულმა შეიძლება ღირებულება დაკარგოსინტერვიუს დროს წამოჭრილი ერთ-ერთი ყველაზე რადიკალური სცენარი ეკონომიკის მომავალს ეხება.მასკის თქმით, რობოტები მალე შეძლებენ საქონლისა და მომსახურების პრაქტიკულად შეუზღუდავი მარაგის წარმოებას, რაც ფულის კონცეფციას სულ უფრო არასაჭიროს გახდის.მისი კითხვა პროვოკაციულია: თუ ყველაფერი, რაც ადამიანს სჭირდება, უხვად იქნებოდა ხელმისაწვდომი, რა ფუნქციას შეასრულებდა ფული?ამ კონტექსტში, სამუშაოც განიცდის ღრმა ცვლილებებს. მასკი პროგნოზირებს, რომ ხელოვნური ინტელექტი ნებისმიერ დავალებას ადამიანებზე უკეთ შეასრულებს, სამუშაოს აუცილებლობიდან პირად არჩევანად გადააქცევს. თუმცა, გარდამავალ პერიოდთან დაკავშირებით, ის აღიარებს, რომ ეს გზა რთული და სირთულეებით სავსე იქნება. მიუხედავად იმისა, რომ ის ვარაუდობს, რომ მთავრობებს შეუძლიათ მოქალაქეებისთვის ფინანსური მხარდაჭერა გაუწიონ ცვლილებების ამ პერიოდში, ის დეტალურად არ საუბრობს იმაზე, თუ როგორ შეიძლება ასეთმა სისტემამ პრაქტიკაში იმუშაოს.ევროპის კრიტიკა და იმიგრაციის დებატებიინტერვიუს ბოლო ნაწილი ფოკუსირებულია მასკის მიერ ევროპისა და გაერთიანებული სამეფოს მიმართ ხშირად გამოთქმულ პოზიციებზე.მეწარმე უარყოფს ექსტრემისტული მოძრაობების მხარდაჭერის ბრალდებებს და ამის ნაცვლად ამტკიცებს, რომ მხარს უჭერს სამ პრიორიტეტზე დაფუძნებულ პოლიტიკას: სასაზღვრო უსაფრთხოება, ქალაქის უსაფრთხოება და მდგრადი სახელმწიფო ხარჯები.მასკმა ასევე გაიმეორა თავისი რწმენა, რომ იმიგრაცია სერიოზულ პრობლემას წარმოადგენს რამდენიმე ევროპული ქვეყნისთვის და ისიც კი ივარაუდა, რომ დიდ ბრიტანეთს შეიძლება სერიოზული სოციალური პრობლემები შეექმნას მომდევნო ათწლეულებში.

პოლიტიკა • 1782802601

გურამ მაჭარაშვილი: ილონ მასკი, დონალდ ტრამპი და სხვა ევროპელი თუ უკრაინელი მაღალჩინოსნებიც ღიად ამბობენ, რომ რუსეთ-უკრაინაში პროქსი-ომი მიმდინარეობს - ეს ის მოცემულობაა, რაზეც ჩვენ ყოველთვის ვსაუბრობდით

პარტია „ხალხის ძალის“ აღმასრულებელი მდივანი, გურამ მაჭარაშვილი, აცხადებს, რომ უკრაინაში მიმდინარე ომს პროქსი ომად აფასებენ არა მხოლოდ ილონ მასკი, არამედ აშშ-ის პრეზიდენტი დონალდ ტრამპიც. მისი თქმით, ამ საკითხზე საუბრობენ ასევე ამერიკელი ოფიციალური პირები, უკრაინის ყოფილი მაღალჩინოსნები და ევროპელი პოლიტიკოსებიც.მაჭარაშვილის განცხადებით, სტამბოლში რუსეთსა და უკრაინას შორის შეთანხმების გაფორმების პროცესი „დიფ სთეითის“ წარმომადგენელმა, ბორის ჯონსონმა ჩაშალა.მისი თქმით, საქართველო სწორედ იმ პოლიტიკას ატარებდა, რომელიც ქვეყანას მსგავსი სცენარისგან იცავდა.„არამარტო ილონ მასკი, თავად შტატების პრეზიდენტი ტრამპიც ამბობს, რომ უკრაინის ომი პროქსი ომია. ტრამპის წარმომადგენლები, სახელმწიფო მდივანი და თავად ზელენსკის გარემოცვის წევრები, რომელთაგან ზოგი გაიქცა, ზოგი კი დააკავეს, ასევე საუბრობენ იმაზე, რომ როდესაც რუსეთსა და უკრაინას შორის სტამბოლის შეთანხმება უნდა გაფორმებულიყო, ეს პროცესი „დიფ სთეითის“ წარმომადგენელმა, ბორის ჯონსონმა ჩაშალა.ვიმეორებ, ეს არ არის მხოლოდ სახელმწიფო მდივნის, სენატორების ან ევროპელი ლიდერების განცხადებები. ეს არის იმ უკრაინელი მაღალჩინოსნების განცხადებებიც, რომლებიც სტამბოლში მიმდინარე მოლაპარაკებებს ესწრებოდნენ და აცხადებენ, რომ შეთანხმება სწორედ ბორის ჯონსონმა ჩაშალა. ეს არის მოცემულობა.ამერიკელი სენატორები ამბობენ, რომ ჩვენი ჯარისკაცები სახლში არიან, ხოლო უკრაინელების სისხლზე ჩვენი ეკონომიკა ვითარდებაო. გერმანიის კანცლერმაც განაცხადა - რომ არა უკრაინის ომი, გერმანიის სამხედრო ინდუსტრია ასე არ გაიზრდებოდაო.მეტი როგორ უნდა დაუმტკიცდეს მსოფლიო საზოგადოებას, რომ ეს პროქსი ომია, გამოსაყენებლად გამოცხადებული ომი, რომელსაც ჯერ დასასრული არ უჩანს.ეს არის ის მოცემულობა, რაზეც ჩვენ ყოველთვის ვსაუბრობდით - რომ ამ დღეში აღმოვჩნდებოდით, თუ უარესში არა. უკრაინა საქართველოზე ათჯერ დიდია - მოსახლეობითაც, ტერიტორიითაც და სხვა შესაძლებლობებითაც. წარმოიდგინეთ, რა დღეში იქნებოდა საქართველო, რომ დაგვეჯერებინა ამერიკის მაშინდელი ადმინისტრაციისთვის, ელჩისთვის, ევროპარლამენტისა და მათი აქაური აგენტურისთვის.ეს არის რეალობა, რომელსაც ყოველდღიურად გვაჩვენებენ უცხოელი წარმომადგენლები და რომელსაც უკვე ვეღარ მალავენ“, - განაცხადა გურამ მაჭარაშვილმა.

მსოფლიო • 1782285079

Bloomberg: SpaceX-ის აქციები გაიაფდა. ილონ მასკი ტრილიონერი აღარ არის

Bloomberg Billionaires Index-ის შეფასებით, ილონ მასკის ქონება ერთ ტრილიონ დოლარზე დაბლა — 957 მილიარდ დოლარამდე შემცირდა. ეს მისი კომპანიის, SpaceX-ის აქციების საბირჟო ფასის კლებამ გამოიწვია.23 ივნისის სავაჭრო სესიის დახურვისას SpaceX-ის აქციები 156 დოლარად ფასდებოდა, თუმცა დღის განმავლობაში მასკის კომპანიის აქციების ფასი 225 დოლარამდეც კი გაიზარდა.24 ივნისის ძირითადი საბირჟო სესიის გახსნამდე SpaceX-ის აქციების ფასმა კლება განაგრძო.SpaceX-ის აქციებით ვაჭრობა ბირჟაზე 12 ივნისს, თითო აქციაზე 150 დოლარის ნიშნულით დაიწყო. ამგვარად, კომპანიის საბაზრო კაპიტალიზაციამ 2 ტრილიონ დოლარს გადააჭარბა, თავად მასკი კი ისტორიაში პირველი ტრილიონერი გახდა.Bloomberg Billionaires Index-ისგან განსხვავებით, ჟურნალი Forbes მასკს კვლავ ტრილიონერად მიიჩნევს და მის ქონებას 1,1 ტრილიონ დოლარად აფასებს.

ფინანსები • 1781979514

სად ცხოვრობს ყველაზე მეტი მილიარდერი - საინტერესო სტატისტიკა

მსოფლიოში მილიარდერების რაოდენობა ყოველწლიურად იცვლება, თუმცა წამყვანი ქვეყნები და ქალაქები, სადაც პლანეტის ყველაზე მდიდარი ადამიანები იყრიან თავს, თითქმის უცვლელია. უახლესი მონაცემების მიხედვით, მილიარდერების კონცენტრაცია ძირითადად ორ გლობალურ ზესახელმწიფოსა და რამდენიმე საკვანძო ფინანსურ ჰაბში ხდება.წარმოგიდგენთ დეტალურ მიმოხილვას: სად ცხოვრობს მსოფლიოში ყველაზე მეტი მილიარდერი?1. ქვეყნები, სადაც ყველაზე მეტი მილიარდერი ცხოვრობსგლობალურ რეიტინგში პირველობისთვის ძირითადად ორი ქვეყანა იბრძვის: აშშ და ჩინეთი.აშშ (ამერიკის შეერთებული შტატები): ამერიკა კვლავ სტაბილურად ინარჩუნებს პირველ ადგილს. აქ 800-ზე მეტი მილიარდერი ცხოვრობს. ამის მიზეზი ქვეყანაში განვითარებული ტექნოლოგიური სექტორი (სილიკონის ველი) და უძლიერესი საფონდო ბირჟებია. ამერიკაში ცხოვრობენ მსოფლიოს უმდიდრესი ადამიანებიც, როგორებიც არიან ილონ მასკი, ჯეფ ბეზოსი და მარკ ცუკერბერგი.ჩინეთი: მეორე ადგილზეა, სადაც მილიარდერთა რაოდენობა დაახლოებით 400-500-ს შეადგენს (ჰონგ-კონგისა და მაკაოს გარეშე). მიუხედავად ბოლო წლებში ჩინეთის ეკონომიკური ზრდის შენელებისა და ტექნოლოგიურ სექტორზე სახელმწიფო კონტროლის გამკაცრებისა, ჩინეთი მაინც რჩება მილიარდერების ნამდვილ "ფაბრიკად".ინდოეთი: მესამე ადგილს მყარად იკავებს ინდოეთი (200-ზე მეტი მილიარდერი). ქვეყნის სწრაფად მზარდი ეკონომიკა ყოველწლიურად ახალ-ახალ სუპერ-მდიდრებს აჩენს, რომელთა შორის ყველაზე ცნობილები მუკეშ ამბანი და გაუტამ ადანი არიან.გერმანია და იტალია: ევროპულ ქვეყნებს შორის ლიდერობენ, სადაც ძირითადად საოჯახო ბიზნესებისა და ტრადიციული წარმოების წყალობითაა დაგროვილი უდიდესი კაპიტალი.თუ რეიტინგს ქალაქების მიხედვით შევხედავთ, აქ ბრძოლა კიდევ უფრო საინტერესოა. ტოპ-სამეული, როგორც წესი, ასე გამოიყურება:ნიუ-იორკი (აშშ) – "მსოფლიოს ფინანსური დედაქალაქი" - ნიუ-იორკი თითქმის ყოველთვის ლიდერობს ამ სიას. ქალაქში 100-ზე მეტი მილიარდერი ცხოვრობს. უოლ სტრიტი, მოდის ინდუსტრია და უძრავი ქონების ბაზარი იზიდავს პლანეტის უმდიდრეს ადამიანებს. აქ ცხოვრობს, მაგალითად, ნიუ-იორკის ყოფილი მერი მაიკლ ბლუმბერგი.ჰონგ-კონგი – "აზიის კარიბჭე" - მიუხედავად პოლიტიკური ცვლილებებისა, ჰონგ-კონგი რჩება უმსხვილეს ფინანსურ ცენტრად, სადაც გადასახადების ლიბერალური სისტემა და ხელსაყრელი გეოგრაფიული მდებარეობა მილიარდერებისთვის იდეალურ გარემოს ქმნის.მოსკოვი და მუმბაი - ამ ქალაქებში მილიარდერთა კონცენტრაცია ძალიან მაღალია. ბოლო მონაცემებით, მუმბაიმ (ინდოეთი) მილიარდერთა რაოდენობით აზიაში ერთ-ერთ პირველ ადგილზე გადაინაცვლა, რაც ინდოეთის ეკონომიკურ ბუმზე მიუთითებს.საინტერესო ფაქტი: თუ ადრე ლონდონი და მოსკოვი მუდმივად იყვნენ ხუთეულში, გეოპოლიტიკურმა დაძაბულობამ და სანქციებმა კაპიტალის გარკვეული მიგრაცია გამოიწვია ისეთ ქალაქებში, როგორიცაა დუბაი (არაბთა გაერთიანებული საამიროები) და სინგაპური.რა იზიდავს მილიარდერებს კონკრეტულ ადგილებში?მილიარდერები საცხოვრებელ ადგილს შემთხვევით არ ირჩევენ. მათთვის სამი მთავარი ფაქტორია მნიშვნელოვანი:დაბალი გადასახადები და ფინანსური საიდუმლოება: (მაგ. მონაკო, სინგაპური, დუბაი, შვეიცარიის ქალაქები).უსაფრთხოება და ცხოვრების მაღალი ხარისხი: ელიტარული სკოლები შვილებისთვის, საუკეთესო მედიცინა და დაცულობა.ბიზნეს შესაძლებლობები: ნიუ-იორკი, ლონდონი და სან-ფრანცისკო საუკეთესო პლატფორმებია ახალი პარტნიორობებისა და ინვესტიციებისთვის.მსოფლიო სიმდიდრის მთავარ ცენტრად კვლავ ამერიკის შეერთებული შტატები და ქალაქი ნიუ-იორკი რჩება, თუმცა აზიური გიგანტები – ჩინეთი და ინდოეთი – ფეხდაფეხ მიჰყვებიან და არ არის გამორიცხული, უახლოეს ათწლეულში გლობალური სიმდიდრის რუკა რადიკალურად შეიცვალოს.

მსოფლიო • 1781277943

ილონ მასკი ქაღალდზე მსოფლიოს პირველი ტრილიონერი გახდა SpaceX-ის პირველადი საჯარო შეთავაზების შემდეგ

ილონ მასკი ქაღალდზე მსოფლიოს პირველი ტრილიონერი გახდა მას შემდეგ, რაც SpaceX-მა თავისი რეკორდული პირველადი საჯარო შეთავაზება (IPO) თითო აქციაზე 135 დოლარად შეაფასა. ამას მოწმობს თავად კომპანიისა და Tesla-ს დოკუმენტებზე დაყრდნობით ჩატარებული გამოთვლები.Space Exploration Technologies Corp.-მა, რომელიც უფრო მეტად ცნობილია როგორც SpaceX, 555.6 მილიონი A კლასის აქცია თითო 135 დოლარად შეაფასა და ისტორიაში უმსხვილესი IPO-ს ფარგლებში დაახლოებით 75 მილიარდი დოლარი მოიზიდა.ეს შეთავაზება კომპანიის ღირებულებას დაახლოებით 1.77 ტრილიონ დოლარად აფასებს. მოსალოდნელია, რომ მას შემდეგ, რაც აქციებით ვაჭრობა Nasdaq-ის ბირჟაზე დაიწყება, SpaceX მსოფლიოს ერთ-ერთი ყველაზე ძვირადღირებული საჯარო კომპანია გახდება.მასკი დაახლოებით 849.5 მილიონ A კლასის აქციასა და 5.57 მილიარდ B კლასის აქციას ფლობს, რაც მას კომპანიის ხმის მიცემის საერთო უფლების 84.4%-ს ანიჭებს.IPO-ს ფასის მიხედვით, მასკის მფლობელობაში არსებული SpaceX-ის დეკლარირებული აქციების ღირებულება ქაღალდზე დაახლოებით 866.5 მილიარდ დოლარს შეადგენს.Tesla-ს ფასიანი ქაღალდების დოკუმენტაციის მიხედვით, მასკი ასევე ფლობს Tesla-ს დაახლოებით 717.1 მილიონ აქციას. Tesla-ს ბოლოდროინდელი აქციის ფასის ($399.15) გათვალისწინებით, ეს წილი უხეშად 286.2 მილიარდ დოლარადაა შეფასებული.ჯამურად, მასკის კუთვნილი SpaceX-ისა და Tesla-ს აქციების ღირებულება ქაღალდზე დაახლოებით 1.1 ტრილიონ დოლარს უტოლდება.თუმცა, ეს მაჩვენებელი მეტწილად თეორიულია და მნიშვნელოვნად არის დამოკიდებული ვაჭრობის დაწყების შემდეგ SpaceX-ის საბაზრო მოდელზე და Tesla-ს აქციების ფასზე.

მსოფლიო • 1781253808

ილონ მასკი მსოფლიოს პირველი ტრილიონერი გახდა

ამერიკელი მილიარდერი, კომპანიების „ტესლას“, „სფეის იქსის“ და სოციალურ ქსელ „იქსის“ მფლობელი ილონ მასკი მსოფლიოს პირველი ტრილიონერი გახდა.მასკის ქონების უმეტესი ნაწილი ამჟამად „სფეის იქსში“ არის მობილიზებული, სადაც დაახლოებით 866 მილიარდი დოლარის ღირებულების წილი ეკუთვნის.კომპანიის დოკუმენტებზე დაყრდნობით, „როიტერის“ გამოთვლებით, „ტესლასთან“ და მის სხვა ქონებასთან ერთად, მისი წმინდა ქონება 12 ივნისს აქციებით ვაჭრობის დაწყებისას 1.1 ტრილიონ დოლარს გადააჭარბებს. ეს მაჩვენებელი მოიცავს აქციებს, რომლებიც დროთა განმავლობაში მფლობელობაში გადავა.

პოლიტიკა • 1781166363

გია აბაშიძე: როგორ იქცევა სტარმერის ფსევდოდემოკრატიული მთავრობა, როცა ხალხის სამართლიან მოთხოვნებს არ ითვალისწინებს და არეულობები უნდა ჩაახშოს? სოცმედია უნდა შეზღუდოს! მასკიც "პრორუსულია". გორბაჩოვის ეპოქაში დაწინაურებული ევროკრატები არც "შეშფოთდებიან"

"ბრიტანეთის ლეიბორისტული მთავრობა ბელფასტში მომხდარი თავდასხმისა და შემდგომი არეულობების ფონზე სოციალური მედიის უფრო მკაცრი რეგულირებისკენ მიდის, რასაც კრიტიკოსები ცენზურის გაფართოებად აფასებენ", - წერს ანალიტიკოსი გია აბაშიძე სოციალურ ქსელში.როგორც აბაშიძე აღნიშნავს, ცვლილებები ეხება, მათ შორის, X-ს. გეგმის მიხედვით, კომუნიკაციების მარეგულირებელ ორგანოს, Ofcom-ს, მეტი ძალაუფლება ექნება.კომპანიებს შეიძლება დაეკისროთ ჯარიმები გლობალური შემოსავლის 10%-მდე, ხოლო უკიდურეს შემთხვევაში ხელმძღვანელების წინააღმდეგ სისხლისსამართლებრივი ზომებიც კი იქნას გამოყენებული.მისივე თქმით, ასევე განიხილება "კრიზისული რეაგირების ჯგუფების" შექმნა სოციალურ ქსელებში და პირდაპირი საკომუნიკაციო არხების არსებობა პოლიციასთან."როგორ იქცევა სტარმერის ფსევდოდემოკრატიული მთავრობა, როცა ხალხის სამართლიან მოთხოვნებს არ ითვალისწინებს და არეულობები უნდა ჩაახშოს? სოცმედია უნდა შეზღუდოს! აბა რაა, მასკიც ხომ "პრორუსულია". ამაზე გორბაჩოვის ეპოქაში დაწინაურებული ევროკრატები წამითაც კი არ "შეშფოთდებიან". საქართველო კი თურმე "უკუსვლაშია" ევროფარისევლების გამრუდებულ სამყაროში. ბრიტანეთის ლეიბორისტული მთავრობა ბელფასტში მომხდარი თავდასხმისა და შემდგომი არეულობების ფონზე სოციალური მედიის უფრო მკაცრი რეგულირებისკენ მიდის, რასაც კრიტიკოსები ცენზურის გაფართოებად აფასებენ. ტექნოლოგიების მინისტრმა განაცხადა, რომ მომავალ კვირას პარლამენტს წარედგინება ცვლილებები, რომლებიც სოციალური მედიის პლატფორმებს ავალდებულებს უფრო სწრაფად წაშალონ პოსტები, რომლებიც ძალადობას ან არეულობას ახალისებს "კრიზისის პერიოდში". ცვლილებები ეხება, მათ შორის, X-ს. გეგმის მიხედვით, კომუნიკაციების მარეგულირებელ ორგანოს, Ofcom-ს, მეტი ძალაუფლება ექნება. კომპანიებს შეიძლება დაეკისროთ ჯარიმები გლობალური შემოსავლის 10%-მდე, ხოლო უკიდურეს შემთხვევაში ხელმძღვანელების წინააღმდეგ სისხლისსამართლებრივი ზომებიც კი იქნას გამოყენებული. ასევე განიხილება "კრიზისული რეაგირების ჯგუფების" შექმნა სოციალურ ქსელებში და პირდაპირი საკომუნიკაციო არხების არსებობა პოლიციასთან", - წერს აბაშიძე.

მსოფლიო • 1781112503

ბრიტანეთში ილონ მასკს ბელფასტში არეულობის წინ ონლაინ დაძაბულობის გაზრდაში ადანაშაულებენ

ბრიტანეთის მთავრობა სოციალურ ქსელ „იქსის“ მფლობელ ილონ მასკს ბელფასტში არეულობის წინ ონლაინ დაძაბულობის გაზრდაში ადანაშაულებს.ლეიბორისტული პარტიის თავმჯდომარე ანა ტერლი მასკის პოსტებს გამოეხმაურა და აღნიშნა, რომ მასკს არ მოუწევს შედეგებთან ცხოვრება ჩრდილოეთ ირლანდიიდან შორს.„ეს საშინელებაა. ყველა, ვინც ცდილობს მსგავსი სიტუაციის გამოყენებას საკუთარი პოლიტიკური დღის წესრიგის განსახორციელებლად, ძალიან ცდება და ზიანს იწვევს. გუშინ ღამით ბელფასტის ქუჩებში ვნახეთ ბავშვები, ოჯახები, რომლებსაც სახლების დატოვება მოუწიათ“, – აღნიშნა ანა ტერლიმ.ლეიბორისტული მთავრობის დიდი ხნის კრიტიკოსმა ილონ მასკმა არეულობის დაწყებამდე თავის ონლაინ პლატფორმაზე განაცხადა: „მხოლოდ განმეორებითი და ხმამაღალი პროტესტით იქნება რაიმე ცვლილება!“. მან გააზიარა ულტრამემარჯვენე აქტივისტის, ტომი რობინსონის პოსტი, რომელშიც ჩამოთვლილი იყო ათობით ადგილი, სადაც ხალხს შეეძლო პროტესტის გამოხატვა.

პოლიტიკა • 1778743625

სი ძინპინის განცხადებით, ამერიკული ბიზნესისთვის ჩინეთის კარი ფართოდ იღება

 ჩინეთის პრეზიდენტმა, სი ძინპინმა აშშ-ის პრეზიდენტთან, დონალდ ტრამპთან გამართული შეხვედრის დროს ამერიკული კომპანიების წარმომადგენლებს განუცხადა, რომ ჩინეთის კარი ამერიკული ბიზნესისთვის სულ უფრო ფართოდ გაიღება. ინფორმაციას Associated Press-ი ავრცელებს.სი ძინპინის განცხადებით, ამერიკული კომპანიები აქტიურად მონაწილეობენ ჩინეთის რეფორმებში და ამით ორივე მხარე სარგებლობს. მან განაცხადა, რომ ჩინეთი მიესალმება აშშ-თან ურთიერთსასარგებლო თანამშრომლობის გაძლიერებას და ფიქრობს, რომ ამერიკულ ბიზნესს ჩინეთში უფრო ფართო პერსპექტივები ექნება.ტრამპმა, თავის მხრივ, აღნიშნა, რომ მასთან ერთად ჩამოსული ბიზნესმენები პატივს სცემენ და აფასებენ ჩინეთს. მან კომპანიებს ჩინეთთან თანამშრომლობის განვითარებისკენ მოუწოდა.თეთრი სახლის ლიდერმა მასთან ერთად ჩამოსული ბიზნესმენები სი ძინპინს სათითაოდ გააცნო. როგორც სააგენტო იუწყება, ამერიკელმა ბიზნესმენებმა განაცხადეს, რომ დიდად აფასებენ ჩინეთის ბაზარს, იმედი გამოთქვეს, რომ ჩინეთში საკუთარ საქმიანობას გააფართოებენ და თანამშრომლობას გააძლიერებენ.ცნობისთვის, ტრამპთან ერთად ჩინეთში სხვადასხვა ამერიკული კომპანიის 17 აღმასრულებელი დირექტორი ჩავიდა, მათ შორისაა კომპანია Tesla-ს დამფუძნებელი ილონ მასკი, Apple-ს ხელმძღვანელი ტიმ კუკი და Boeing-ის მმართველი კელი ორტბერგი.