სპორტი • 12:35

რა თქვა ემანუელ მაკრონმა ხვიჩა კვარაცხელიაზე - საფრანგეთის პრეზიდენტმა ჩემპიონთა პსჟ-ს უმასპინძლა

საჩემპიონო  ზეიმის  ფარგლებში, ცოტა ხნის წინ პსჟ საფრანგეთის პრეზიდენტის, ემანუელ მაკრონის რეზიდენციაში იმყოფებოდა. სადაც  ადგილზე ადგილზე შეკრებილს საზოგადოებას ჩემპიონთა ლიგის თასი წარუდგინა. "თქვენ ხართ საფრანგეთის სიამაყე" - ამ სიტყვებით მიმართა პრეზიდენტმა ფეხბურთელებს.მან მადლობა გადაუხადა სპორტსმენებს იმ ემოციებისთვის, რომლებიც მათ არა მხოლოდ საფრანგეთს, არამედ ყველა ქვეყანას მიანიჭეს, რომლის ფეხბურთელიც "პარის სენ-ჟერმენში" თამაშობს.ემანუელ მაკრონმა, ხვიჩა კვარაცხელიაზე ისაუბრა. „კვარაცხელია... კაცი, 3 ფილტვით...“ - თქვა მაკრონმა. 

სპორტი • 10:10

„ოქროს ბურთი“ კვარაცხელიას ეკუთვნის, მან ეს ტიტულები დაიმსახურა - იტალიელი ჟურნალისტი

გამოცემა „ულტრა ნაპოლის“ ხელმძღვანელმა და ჟურნალისტმა, ჯენარო მონტუორიმ კომენტარი გააკეთა ჩემპიონთა ლიგის ფინალში „პარი სენ-ჟერმენის“ გამარჯვებაზე და განსაკუთრებული ყურადღება ხვიჩა კვარაცხელიაზე გაამახვილა, რომელიც პარიზულ კლუბს იანვარში შეუერთდა. ჯენარო მონტუორი მიიჩნევს, რომ „ოქროს ბურთს“ ხვიჩა კვარაცხელია იმსახურებს.„კვარაცხელიას შესანიშნავი სეზონი ჰქონდა, რომელიც „ნაპოლიში“ დაიწყო და პსჟ-ში დაასრულა. ხვიჩა ისტორიაში შევიდა და მიმაჩნია, რომ წელს მას „ოქროს ბურთი“ ეკუთვნის. კვარაცხელიამ ამ სეზონში ორი ქვეყნის ჩემპიონატი (იტალიისა და საფრანგეთის), საფრანგეთის თასი და ჩემპიონთა ლიგა მოიგო.მართალია, სერია A-ს ჩემპიონობისთვის კვარას ოქროს მედალი არ მიუღია, რადგან მხოლოდ სეზონის ბოლოს განაცხადში მყოფი ფეხბურთელები დაჯილდოვდნენ, მაგრამ სამართლიანობა მოითხოვს, ვთქვათ, რომ ჩემპიონატის პირველ ნახევარში გოლებითა და საგოლე გადაცემებით „ნაპოლის“ გაჩემპიონებაში მნიშვნელოვანი წვლილი შეიტანა.ხვიჩა აღიარებას იმსახურებს, მაგრამ უნდა ახსოვდეს, რომ იტალიაში ჩამოსვლის შემთხვევაში „ნაპოლის“ მადლობა უნდა გადაუხადოს“, – ამბობს ჯენარო მონტუორი.

მსოფლიო • 5:09

ემანუელ მაკრონმა „პსჟ“-ს უმასპინძლა

საფრანგეთის პრეზიდენტმა ჩემპიონთა ლიგის ტრიუმფატორ „პსჟ“-ს უმასპინძლა. ემანუელ მაკრონმა პარიზის საფეხბურთო გუნდი მთელი შემადგენლობით, ელისეს სასახლეში მიიწვია.სხვა ფეხბურთელებთან და მწვრთნელებთან ერთად, საფრანგეთის პრეზიდენტს ხვიჩა კვარაცხელიაც ესტუმრა. ის პირველი ქართველია, რომელმაც ჩემპიონთა ლიგის ფინალში გოლი გაიტანა და მეორე ქართველი, ვისაც ლიგა მოგებული აქვს - კახა კალაძე „მილანთან“ ერთად ჩემპიონთა თასის მფლობელი ორჯერ გახდა.„ის რაც თქვენ მოედანზე გააკეთეთ, შესანიშნავი იყო და ჩვენ ყველანი ამას ვგრძნობდით, 5 გატანილი გოლი და არცერთი გაშვებული. გუნდმა უმაღლესი სტანდარტის ნაყოფი აჩვენა. თქვენ ეს გააკეთეთ. თითოეული მოთამაშისა და მწვრთნელების და მედპერსონალის წყალობით, „პსჟ“ რჩება დიდ თავგადასავლად, თუ ის აგებს - აგებს ბევრს და როცა იგებს ბევრ იგებს, ის სანახევროდ არაფერს აკეთებს“, - განაცხადა მაკრონმა.„პსჟ“-მ კი მთავარი საკლუბო ტიტული ისტორიაში პირველად მოიგო. პარიზელებმა ფინალში მილანის „ინტერი“ 5:0 დაამარცხეს.

საზოგადოება • 1 ივნ 17:17

„მინდა, უდიდესი მადლობა გადავუხადო ხვიჩას მეუღლეს!“ - რას ჰყვება სპორტული ჟურნალისტი ნიცა თავაძეზე

სპორტული ჟურნალისტი საბა საპანაძე GEO TEAM0-ის ვლოგში ხვიჩა კვარაცხელიას მეუღლის, ნიცა თავაძის შესახებ საუბრობს და მას მადლობას უხდის. ვრცლად ↓

სპორტი • 1 ივნ 16:32

VIDEO: „ნაკრებთან ერთად ჯგუფიდან აუცილებლად გავალ...“ - რას ამბობდა ხვიჩა კვარაცხელია 2022 წელს

Geo Team-ი სოციალურ ქსელში ხვიჩა კვარაცხელიას 2022 წლის ვიდეოს აქვეყნებს, სადაც ეროვნულ ნაკრებსა და ჩემპიონთა ლიგაზე საუბრობს:- ნაკრებთან ერთად ჯგუფიდან გასვლა თუ ჩემპიონთა ლიგის ზედიზედ ორჯერ მოგება? ხვიჩა კვარაცხელია: ნაკრებთან ერთად ჯგუფიდან აუცილებლად გავალ, ამიტომ ჩემპიონთა ლიგის ზედიზედ ორჯერ მოგება. უფრო რთული არის ვიდრე ჩემპიონთა ლიგის მოგება. ჩვენ აუცილებლად გავალთ ევროპაზე.„2022 წელი… ამ დროს ხვიჩა „რუბინში“ თამაშობდა… გადის 2 წელი და ხვიჩა კვარაცხელია საქართველოს ნაკრებთან ერთად ევროპის ჩემპიონატის ჯგუფიდან გადის. გადის 3 წელი და ხვიჩა კვარაცხელია პსჟ-სთან ერთად სადებიუტო სეზონში ჩემპიონთა ლიგას იგებს და იწყებს მზადებას ზედიზედ მეორე ჩემპიონთა ლიგისთვის. სიტყვის კაცი!“, - წერს Geo Team-ი

სპორტი • 1 ივნ 16:03

უსმან დემბელე ჩემპიონთა ლიგის სეზონის საუკეთესო ფეხბურთელად დაასახელეს

„პარი სენ-ჟერმენის“ ერთ-ერთი ლიდერი, ფრანგი უსმან დემბელე უეფა-ს ჩემპიონთა ლიგის 2024/2025 წლის სეზონის საუკეთესო ფეხბურთელად დაასახელეს.დემბელემ პარიზელთა გამარჯვებაში დიდი წვლილი შეიტანა. საჩემპიონო სეზონში მან 15 შეხვედრა ჩაატარა, 8 გოლი გაიტანა და 6 საგოლე გადაცემა შეასრულა. სწორედ მისი პასით ფინალში თავი ხვიჩა კვარაცხელიამ გამოიჩინა და პირველი ქართველი ფეხბურთელი გახდა, რომელმაც ჩემპიონთა ლიგის გადამწყვეტ მატჩში გაიტანა.უეფა-ს გადაწყვეტილებით, სეზონის საუკეთესო ახალგაზრდა მოთამაშე ასევე „პარი სენ-ჟერმენის“ წევრი დეზირე დუე გახდა. სეზონის მანძილზე მის ანგარიშზე 16 მატჩში 5 გოლი და 3 ასისტია. ფინალში 19 წლის ფრანგმა დუბლი შეასრულა და ერთი შედეგიანი გადაცემაც ჩაიწერა აქტივში.შეგახსენებთ, რომ ჩემპიონთა ლიგის ფინალში „პარი სენ-ჟერმენმა“ „ინტერი“ 5:0 დაამარცხა.

სპორტი • 1 ივნ 15:52

„რუბინმა“ კვარაცხელიას ჩემპიონობა ორიგინალურად მიულოცა - რა ვიდეო გამოაქვეყნა რუსულმა კლუბმა

ყაზანის „რუბინმა“ ოფიციალურ გვერდზე ხვიჩა კვარაცხელიას ჩემპიონობასთან დაკავშირებით ვიდეო გამოაქვეყნა.ხვიჩა კვარაცხელია ყაზანის „რუბინში“ 2019-2022 წლებში თამაშობდა.წყარო: footballnews.ge

სპორტი • 1 ივნ 15:52

„ხვიჩას ეს წარმატება მისი თავდაუზოგავი შრომის შედეგია" - „დინამო თბილისის“ პრეზიდენტი

პარი სენ-ჟერმენის ჩემპიონთა ლიგის მოგებას, დინამო თბილისის პრეზიდენტი, რომან ფიფია გამოეხმაურა. „ვულოცავ ჩვენი დიდი საფეხბურთო ოჯახის საამაყო წევრს, ხვიჩა კვარაცხელიას ჩემპიონთა ლიგის ფინალში პირველი ქართული გოლის გატანას და ისტორიული ტიტულის მოპოვებას.დღეს როგორც არასდროს ამაყი ვარ, რომ ჩვენი აკადემიის აღზრდილმა უეფას ჩემპიონთა ლიგა მოიგო. ხვიჩას ეს წარმატება პირველ რიგში მისი თავდაუზოგავი შრომის შედეგია. მჯერა, რომ წინ კიდევ უამრავი წარმატება.„პარი სენ-ჟერმენის“ ქართველმა თავდამსხმელმა ჩემპიონთა ლიგის ფინალში მილანის „ინტერთან“ გამარჯვებაში (5:0) მონაწილეობა გოლით მიიღო.

სპორტი • 1 ივნ 13:35

ბერა ივანიშვილი ხვიჩა კვარაცხელიას ჩემპიონთა ლიგის მოგებაზე: ყველას გილოცავთ ამ დიდ გამარჯვებას

ბერა ივანიშვილი სოციალურ ქსელში ხვიჩა კვარაცხელიას მიერ ჩემპიონთა ლიგის მოგების ფაქტს ეხმიანება.„ყველას გილოცავთ ამ დიდ გამარჯვებას“, - წერს ბერა ივანიშვილი.იგი ხვიჩა კვარაცხელიასთან ერთად გადაღებულ ფოტოს აქვეყნებს.5:0 - ხვიჩა კვარაცხელიას „პსჟ“ ჩემპიონთა ლიგის გამარჯვებულია.

ტაბლოიდი • 1 ივნ 12:58

ნიცა თავაძე ემოციურ კადრებს აქვეყნებს

5:0 - ჩემპიონთა ლიგის ფინალი ხვიჩა კვარაცხელიას „პსჟ“-მ მოიგო.მან „ინტერის“ დამარცხება კვარაცხელიას, ჰაკიმის, დეზირე დუესა და სენი მეილუეს გოლებით შეძლო. დეზურე დუეს ანგარიშზე ორი გოლია.ხვიჩა კვარაცხელია პირველი ქართველი ფეხბურთელია, რომელმაც ჩემპიონთა ლიგის ფინალში გოლი გაიტანა.მო­ე­დან­ზე იყო ხვი­ჩას მე­უღ­ლე, ნიცა თა­ვა­ძე, რო­მე­ლიც მატ­ჩის შემ­დეგ გა­და­ღე­ბულ ფო­ტო­ებს გვი­ზი­ა­რებს.

ჯანდაცვა • 1 ივნ 12:06

ალექსანდრე წულაძემ პატარებს ბავშვთა დაცვის საერთაშორისო დღე მიულოცა

საქართველოს განათლების, მეცნიერებისა და ახალგაზრდობის მინისტრმა ალექსანდრე წულაძემ სკოლის მოსწავლეებსა და ყველა პატარას ბავშვთა დაცვის საერთაშორისო დღე მიულოცა. მინისტრმა 169-ე საჯარო სკოლაში გამართულ სახალისო, შემეცნებით აქტივობებში მიიღო მონაწილეობა და მოსწავლეებს სიმბოლური საჩუქრები გადასცა.„გილოცავთ ბავშვთა დაცვის საერთაშორისო დღეს! მინდა ლაღი, ბედნიერი წლები და ოცნებების ახდენა გისურვოთ. განსაკუთრებით გილოცავთ მშობლებს, მასწავლებლებს და ყველას, ვინც საკუთარი ცხოვრება დაუკავშირეთ მომავალი თაობების აღზრდას. ბავშვების მხარდაჭერა, პატივისცემა და მათ ბედნიერ, ჯანსაღ გარემოში აღზრდა ჩვენი უმთავრესი საზრუნავია.ცოდნა არის ყველაზე დიდი და მნიშვნელოვანი ინვესტიცია, შესაბამისად, ჩვენ ყველაფერს გავაკეთებთ, რათა მომავალ თაობას საკუთარი შესაძლებლობების გამოვლენისთვისა და თვითრეალიზებისთვის შესაბამისი საგანმანათლებლო გარემო შევუქმნათ.ბავშვებო, თქვენ ხართ ჩვენი ქვეყნის იმედი - ის თაობა, რომელიც ქმნის საქართველოს ხვალინდელ დღეს. გვჯერა თქვენი შესაძლებლობების, თქვენი ნიჭიერებისა და უკეთესი მომავლის!“, - განაცხადა მინისტრმა.ალექსანდრე წულაძემ საუბრისას განსაკუთრებით გამოყო ის ფაქტი, რომ 169-ე საჯარო სკოლის კურსდამთავრებული გახლავთ ხვიჩა კვარაცხელია და დამსწრე საზოგადოებას მისი გამარჯვება მიულოცა.„სიმბოლურია, რომ ხვიჩა კვარაცხელიას გუშინდელი გამარჯვების შემდეგ, დღეს სწორედ მის სკოლაში ვიმყოფებით. ვულოცავ მთელ საქართველოს ამ ისტორიულ მოვლენას - ხვიჩა კვარაცხელიას გამარჯვება, მთელი საქართველოს გამარჯვებაა!“, - განაცხადა ალექსანდრე წულაძემ.169-ე საჯარო სკოლაში ბავშვთა დაცვის დღესთან დაკავშირებით გამართულ ღონისძიებას ასევე ესწრებოდნენ საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილი, პარლამენტის წევრი ირმა ზავრადაშვილო და დიდუბის რაიონის გამგებელი ზურა უგულავა.

სპორტი • 1 ივნ 10:42

კალაძე და კვარაცხელია - 2 ქართველის მიერ მოგებული ჩემპიონთა ლიგა

გუშინ ფეხბურთის მოყვარულებისთვის და არა მხოლოდ მათთვის, დიდი დღე იყო. ხვიჩა კვარაცხელიას პსჟ-მ ჩემპიონთა ლიგა მოიგო. მანამდე 2003 და 2007 წლებში კახა კალაძის „მილანი“ 2-ჯერ გახდა ჩემპიონი. თუმცა ამ დრომდე ხვიჩა კვარაცხელია ერთადერთი ქართველია, რომელმაც ჩემპიონატში გოლი გაიტანა.კახა კალაძე ხვიჩა კვარაცხელიას ჩემპიონობას გამოეხმაურა:„გილოცავ კვარა! გილოცავ საქართველო! ეს მხოლოდ დასაწყისია!“, – წერს კახა კალაძე სოციალურ ქსელში.