სამართალი • 1783257819

თურქეთში რეიდების დროს ათობით ადამიანი დააკავეს, მათ შორის მეცნიერები და ჟურნალისტები - რა ინფორმაცია ვრცელდება ადგილიდან

სამართალდამცველებმა თურქეთის მასშტაბით ჩატარებული რეიდების დროს ათობით ადამიანი დააკავეს. ამის შესახებ გერმანული სააგენტო DPA წერს. დაკავებულთა შორის არიან ჟურნალისტები, მეცნიერები და მემარცხენე პოლიტიკური ჯგუფების წევრები.რეიდები ჩატარდა ანკარაში, სტამბოლსა და სხვა ქალაქებში. მათი სამიზნე მემარცხენე და სოციალისტური პარტიები, პროფკავშირები და საზოგადოებრივი ორგანიზაციები იყვნენ. დაკავებულებს შორის არიან ხელისუფლებისადმი კრიტიკულად განწყობილი საინფორმაციო გამოცემების T24-ისა და Oda TV-ის ორი რედაქტორი.თურქეთის ჟურნალისტთა ასოციაციამ და პროგრესულ იურისტთა ასოციაციამ დაკავებულების დაუყოვნებლივ გათავისუფლება მოითხოვეს. მათი განცხადებით, ეს ქმედებები მედიის თავისუფლებას არღვევს და ნატო-ს სამიტის წინ ოპოზიციურად განწყობილი პირების დაშინებას ემსახურება.აღნიშნული რეიდები გასულ კვირას დაწყებული დაკავებების სერიის გაგრძელებაა. ხელისუფლების კრიტიკოსები მიიჩნევენ, რომ აღნიშნული ოპერაციები ნატო-ს სამიტის წინ საპროტესტო აქციების აღკვეთასა და განსხვავებული აზრის ჩახშობას ისახავს მიზნად, მაშინ როდესაც თურქეთის ხელისუფლება აცხადებს, რომ ეს ანტიტერორისტული გამოძიებების ნაწილია.

რეგიონი • 1783152564

თურქეთის რესპუბლიკაში ვიზიტის ფარგლებში, აჭარის მთავრობის თავმჯდომარე ზურაბ პატარაძე ქართული დიასპორის წარმომადგენლებს შეხვდა

აჭარის მთავრობის თავმჯდომარე ზურაბ პატარაძე თურქეთის რესპუბლიკაში ვიზიტის ფარგლებში ქართული დიასპორის წარმომადგენლებს შეხვდა.შეხვედრას მარმარას კავკასიის ქართული ასოციაციების ფედერაციის პრეზიდენტი, ასევე იზნიქის, ინეგოლის, ორჰანგაზის, გემლიქის, ბურსას, ბალიქესირისა და გოლჯუქის ქართული საზოგადოებების თავმჯდომარეები ესწრებოდნენ.შეხვედრაზე ზურაბ პატარაძემ ხაზი გაუსვა თურქეთში მცხოვრები ქართული დიასპორის განსაკუთრებულ როლს ქართულ-თურქული ურთიერთობების გაღრმავებაში, ასევე, ქართული ენის, კულტურის, ტრადიციებისა და ისტორიული ფესვების შენარჩუნების საქმეში.„მნიშვნელოვანი შეხვედრა გავმართეთ ქართული დიასპორის წარმომადგენლებთან და რეგიონში მოღვაწე სხვადასხვა ქართული საზოგადოების თავმჯდომარეებთან. კიდევ ერთხელ აღვნიშნეთ საქართველოსა და თურქეთს შორის არსებული მჭიდრო სტრატეგიული პარტნიორობა, მაღალი დონის პოლიტიკური დიალოგი და დიასპორის განსაკუთრებული წვლილი ქვეყნებს შორის კავშირების გაძლიერებაში.მინდა ხაზგასმით აღვნიშნო, რომ დიასპორასთან ერთად დაგეგმილი გვაქვს არაერთი მნიშვნელოვანი და სასიკეთო პროექტის განხორციელება. ამ პროცესში ჩართულია დიპლომატიური მისიები, ბიზნესსექტორის წარმომადგენლები და ოფიციალური პირები, რაც თანამშრომლობის კიდევ უფრო ფართო შესაძლებლობებს ქმნის“ - განაცხადა ზურაბ პატარაძემ.შეხვედრაზე საუბარი შეეხო საქართველოსა და თურქეთს შორის ორმხრივი თანამშრომლობის მზარდ დინამიკას, სავაჭრო-ეკონომიკური, ტურისტული, კულტურული და საგანმანათლებლო მიმართულებებით ურთიერთობების გაღრმავების შესაძლებლობებს.მთავრობის თავმჯდომარემ აღნიშნა, რომ აჭარის მთავრობა მზად არის, დიასპორასთან ერთად განახორციელოს ახალი ინიციატივები, ხელი შეუწყოს ქართული ენის, ტრადიციების პოპულარიზაციას და ქვეყნებს შორის არსებული მეგობრული კავშირების გაძლიერებას.დიასპორებთან შეხვედრებთან ერთად, დელეგაციის წევრებმა ადგილობრივი ღირსშესანიშნაობები მოინახულეს, მათ შორის, პანორამული მუზეუმი და შვიდასწლოვანი სოფელი ბურსის პროვინციაში, რომელიც 2014 წელს იუნესკოს მსოფლიო მემკვიდრეობის ძეგლების სიაში შეიტანეს.შეხვედრებს საქართველოს საგანგებო და სრულუფლებიანი ელჩი თურქეთის რესპუბლიკაში არჩილ კალანდია, საქართველოს გენერალური კონსული სტამბოლში ალექსანდრე ჯიშკარიანი, საქართველოს პარლამენტის წევრი გია ჭყონია, აფხაზეთისა და აჭარის ავტონომიური რესპუბლიკების მთავრობის წევრები და აჭარის უმაღლესი საბჭოს წარმომადგენლები ესწრებოდნენ.ინფორმაციას აჭარის მთავრობა ავრცელებს.

მსოფლიო • 1783096740

რეჯეფ თაიფ ერდოღანისა და რელიგიური ღირებულებების შეურაცხყოფის ბრალდებით დაკავებულ თურქ კომიკოსს პატიმრობა შეეფარდა

თურქეთის პრეზიდენტის, რეჯეფ თაიფ ერდოღანისა და რელიგიური ღირებულებების შეურაცხყოფის ბრალდებით დაკავებულ თურქ კომიკოსს, დენიზ გოქთაშს აღკვეთის ღონისძიების სახით პატიმრობა შეეფარდა. ინფორმაციას ამის შესახებ „ვაშინგტონ პოსტი“ ავრცელებს.მედიის ცნობით, რამდენიმე დღით ადრე პროკურატურამ მისი სასცენო გამონათქვამების გამო გამოძიება დაიწყო.სტამბოლის მთავარი პროკურატურის ინფორმაციით, გამოძიება მიმდინარე კვირის დასაწყისში მას შემდეგ დაიწყო, რაც სოციალურ ქსელებში გოქთაშის მიერ გავრცელებულ კონტენტში „დანაშაულებრივი გამონათქვამები“ გამოვლინდა. პოლიციამ ის თურქეთში დაბრუნებისას სტამბოლის აეროპორტში დააკავა,პროკურატურის ცნობით, გოქთაშმა რელიგიური ღირებულებები სტამბოლში გამართული სტენდაფ წარმოდგენის დროს შეურაცხყო, სადაც ის ერდოღანს, ყურანსა და დაპატიმრებულ სტამბოლის მერს, ეკრემ იმამოღლუს შეეხო. გოქთაშის ადვოკატის, მეტინ ასლანის განცხადებით, ბრალდებებს შორის პრეზიდენტის შეურაცხყოფაც ფიგურირებს.პოლიციისთვის მიცემულ ჩვენებაში გოქთაშმა ბრალდებები უარყო. მისი თქმით, ხუმრობები არც რელიგიური ღირებულებებისა და არც ყურანის მიმართ შეურაცხყოფას არ წარმოადგენდა. გოქთაშის განცხადებით, ერდოღანის „დიქტატორად” მოხსენიება პოლიტიკური განსაზღვრება იყო და არა შეურაცხყოფა.

პოლიტიკა • 1783086856

აჭარის მთავრობის თავმჯდომარე ზურაბ პატარაძე ბურსის პროვინციის გუბერნატორს ეროლ აილდიზს შეხვდა

აჭარის მთავრობის თავმჯდომარე ზურაბ პატარაძე თურქეთის რესპუბლიკაში ვიზიტის ფარგლებში, თურქეთში საქართველოს ელჩთან, არჩილ კალანდიასთან ერთად, ბურსის პროვინციის გუბერნატორს, ეროლ აილდიზს შეხვდა.შეხვედრაზე აღინიშნა, რომ საქართველოსა და თურქეთის რესპუბლიკას მჭიდრო სტრატეგიული პარტნიორობა აკავშირებთ. მიმოიხილეს ორმხრივი თანამშრომლობის დინამიკა და იმსჯელეს რეგიონებს შორის ურთიერთობების გაღრმავების პერსპექტივებზე.„თურქეთი ჩვენი პარტნიორი და მეგობარი ქვეყანაა. ორმხრივი ურთიერთობები მაღალ ნიშნულზეა, მათ შორის სავაჭრო-ეკონომიკური და კულტურული მიმართულებით. განსაკუთრებით მნიშვნელოვანია, რომ ბურსაში ცხოვრობენ ჩვენებურები, ქართული დიასპორის წარმომადგენლები. იყო ძალიან საინტერესო და ნაყოფიერი შეხვედრა, ვისაუბრეთ ტურისტულ პოტენციალზე, ქალაქების დამეგობრებასა და სხვა მნიშვნელოვან საკითხებზე, რაც ჩვენს რეგიონებს შორის თანამშრომლობის დღის წესრიგშია“ - განაცხადა ზურაბ პატარაძემ.შეხვედრაზე აღინიშნა, რომ განსაკუთრებული მნიშვნელობა ენიჭება სამმხრივი - საქართველო, თურქეთი და აზერბაიჯანის თანამშრომლობის ფორმატის გაძლიერებაც, რაც რეგიონული პარტნიორობის განვითარებისთვის მნიშვნელოვანი პლატფორმაა.ზურაბ პატარაძემ თურქეთის მხარეს მადლობა გადაუხადა საქართველოს მხარდაჭერისთვის ყველა საერთაშორისო პლატფორმაზე და აღნიშნა, რომ აჭარა მზად არის გააგრძელოს ინტენსიური თანამშრომლობა, მეგობრობა და პარტნიორობა ბურსის რეგიონთან.შეხვედრას საქართველოს ელჩი თურქეთში არჩილ კალანდია, გენერალური კონსული ალექსანდრე ჯიშკარიანი, აჭარის კულტურის მინისტრი ელისო ბოლქვაძე და საქართველოს პარლამენტის წევრი გია ჭყონია ესწრებოდნენ.ინფორმაციას აჭარის ავტონომიური რესპუბლიკის მთავრობა ავრცელებს.

პოლიტიკა • 1783069864

თამარ იოსელიანი იტალიის ინფრასტრუქტურისა და ტრანსპორტის მინისტრის მოადგილეს შეხვდა

ეკონომიკისა და მდგრადი განვითარების მინისტრის მოადგილე თამარ იოსელიანი იტალიის ინფრასტრუქტურისა და ტრანსპორტის მინისტრის მოადგილეს ედოარდო რიქსს შეხვდა. შეხვედრა თურქეთში, საზღვაო სამიტის ფარგლებში გაიმართა. ინფორმაციას ეკონომიკისა და მდგრადი განვითარების სამინისტრო ავრცელებს.შეხვედრაზე მხარეებმა განიხილეს საქართველოსა და იტალიას შორის ეკონომიკური ურთიერთობის სტრატეგიული მიმართულებები, განსაკუთრებული აქცენტი გაკეთდა ტრანსპორტისა და ლოგისტიკის სექტორებზე. ხაზი გაესვა სატრანსპორტო ინფრასტრუქტურის განვითარების მნიშვნელობას რეგიონებს შორის დაკავშირებადობის გაუმჯობესების კუთხით. მათ შორის, საუბარი წარიმართა საქართველოს, როგორც შავი ზღვის რეგიონის მნიშვნელოვანი საზღვაო და სატრანზიტო ჰაბის მზარდ როლზე, მიმდინარე და დაგეგმილ რეფორმებსა და სექტორში განხორციელებული სტრატეგიულ პროექტებზე.ქართულმა მხარემ ისაუბრა ინვესტიციაზე ძირითად სატრანსპორტო ინფრასტრუქტურაში, მათ შორის, აქცენტი გაკეთდა ქვეყანაში პირველ ღრმაწყლოვან ნავსადგურზე ანაკლიაში, რომელიც შეძლებს PANAMAX - ის სტანდარტის საზღვაო ხომალდების მომსახურებას. გარდა ამისა, ისაუბრეს რკინიგზის მოდერნიზების, ბაქო - თბილისი - ყარსის რკინიგზის, თბილისის ახალი საერთაშორისო აეროპორტის, აღმოსავლეთ - დასავლეთის რკინიგზის და სხვა სტრატეგიული პროექტებთან დაკავშირებით. აღინიშნა, რომ საქართველო ამ და სხვა მნიშვნელოვანი პროექტების განხორციელებისთვის 2032 წლისთვის 7 მლრდ აშშ დოლარის ინვესტირებას გეგმავს.მხარეებმა ასევე განიხილეს საზღვაო ტრანსპორტის სფეროში არსებული თანამშრომლობის ძირითადი მიმართულებები, მისი შემდგომი გაღრმავების პერსპექტივები და ორმხრივი პარტნიორობის განვითარების შესაძლებლობები.შეხვედრაზე დადებითად შეფასდა ქვეყნებს შორის თანამშრომლობა სამოქალაქო ავიაციაში. აღინიშნა, რომ დღეისათვის, საქართველოსა და იტალიას შორის 4 ავიაკომპანია ოპერირებს და ჯამურად, ავიარეისები კვირაში 18 სიხშირით სრულდება. ამასთან, ხაზი გაესვა, რომ მგზავრთნაკადი მზარდია და 2025 წელს, წინა წელთან შედარებით, იტალიასა და საქართველოს შორის პირდაპირი საჰაერო გზით 59%-ით მეტი მგზავრი იქნა გადაყვანილი.მხარეებმა ასევე გამოთქვეს მზადყოფნა, გააგრძელონ აქტიური თანამშრომლობა როგორც ორმხრივ, ისე საერთაშორისო ფორმატებში.

პოლიტიკა • 1782992132

ევროპარლამენტი საქართველოსა და თურქეთს დემოკრატიული უკუსვლის გამო აკრიტიკებს - საქართველოს შესახებ უარყოფითი ანგარიში რასა იუკნევიჩიენეს, თურქეთის შესახებ კი ნაჩო სანჩეს ამორის განცხადებებს ეფუძნება

საქართველო და თურქეთი: ევროკავშირში გაწევრიანების პროგრესი რეფორმების გარეშე არ იქნება, - ამის შესახებ ევროპარლამენტის ოფიციალურ ვებგვერდზე ვკითხულობთ.ევროპარლამენტის წევრები ორივე ქვეყანაში დემოკრატიულ უკუსვლაზე საუბრობენ და რეფორმების გატარებისა და ევროკავშირის მხრიდან უფრო ძლიერი რეაგირების საჭიროებაზე მიუთითებენ.ევროპარლამენტის მიერ გავრცელებული ინფორმაციის თანახმად, საქართველოსთან ევროკავშირის შემდგომი თანამშრომლობა უნდა იყოს დამოკიდებული იმაზე, შეცვლის თუ არა ხელისუფლება თავის ანტიევროპულ კურსს."საქართველოში დემოკრატიული უკუქცევის სერიოზული გაგრძელების გათვალისწინებით, ევროპარლამენტარები სინანულს გამოთქვამენ, რომ მმართველმა პარტიამ „ქართულმა ოცნებამ“ არანაირი ნაბიჯი არ გადადგა ნეგატიური ტენდენციების შესაჩერებლად. ანგარიშში ხაზგასმულია, რომ ევროკავშირისა და წევრი სახელმწიფოების ჩართულობა საქართველოს ხელისუფლებასთან მკაცრად უნდა იყოს დამოკიდებული იმაზე, გადადგამს თუ არა ხელისუფლება დემოკრატიული უკუქცევის, შეზღუდვებისა და რუსული სტილის სასტიკი ევროკავშირის საწინააღმდეგო დეზინფორმაციის კურსის შესაჩერებლად ხელშესახებ და კონკრეტულ ნაბიჯებს. ოთხშაბათს 436 ხმით მომხრე, 145 წინააღმდეგი და 47-ისგან თავის შეკავებით მიღებული რეზოლუცია სრულ სოლიდარობას გამოხატავს ქართველი ხალხის მიმართ, რომლებიც დემოკრატიული უკუქცევის ფონზე აგრძელებენ ბრძოლას ევროპული და დემოკრატიული საქართველოსთვის. თუმცა, ანგარიშში შენარჩუნებულია პარლამენტის წინა პოზიცია საქართველოს პარლამენტისა და მის მიერ დანიშნული პრეზიდენტის ლეგიტიმურობის არაღიარებასთან დაკავშირებით," - ნათქვამია ევროპარლამენტის მიერ გავრცელებულ ინფორმაციაში, რომელსაც საქართველოს საკითხზე მომხსენებლის, ევროდეპუტატ რასა იუკნევიჩიენეს ციტატა ერთვის თან.იუკნევიჩიენეს თქმით, საქართველოს ხელისუფლების წარმომადგენლებზე, ევროკავშირის მასშტაბით კოორდინირებული სანქციები მთელი ევროკავშირის მასშტაბით უნდა დაწესდეს.„ქართული ოცნების რეჟიმი აგრძელებს დემოკრატიული ინსტიტუტების დაშლას, დამოუკიდებელი მედიის გაჩუმებას და რეგიონში ერთ-ერთი ყველაზე დიდი რაოდენობით პოლიტიკური პატიმრების რიცხვს ინარჩუნებს, მათ შორისაა სახაროვის პრემიის ლაურეატი მზია ამაღლობელი. ეს მიუღებელია ევროკავშირის კანდიდატი ქვეყნისთვის. ახლა ჩვენ უნდა გადავიდეთ ევროკავშირის მასშტაბით კოორდინირებული სანქციების დაწესებაზე იმ პირების წინააღმდეგ, რომლებიც პასუხისმგებელნი არიან რეპრესიებსა და სახელმწიფოს ხელში ჩაგდებაზე“, - განაცხადა მომხსენებელმა რასა იუკნევიჩიენემ.გავრცელებულ ინფორმაციაში საუბარია თურქეთის შესახებაც და აღნიშნულია, რომ ქვეყნის გაწევრიანების პროცესი ჩიხშია, თუმცა თურქეთი ევროკავშირისთვის სტრატეგიულად მნიშვნელოვან საკითხად რჩება.ევროპარლამენტის ინფორმაციით, მიუხედავად იმისა, რომ ევროკავშირის გაფართოების პოლიტიკა ამჟამად ახალ იმპულსს იძენს, ევროპარლამენტის წევრების შეფასებით, თურქეთი ამ შესაძლებლობის ფანჯარას ხელიდან უშვებს დემოკრატიული რეფორმების არარსებობის გამო. მიღებულ რეზოლუციაში ნათქვამია, რომ მიუხედავად თურქეთის მთავრობის არაერთგზის განცხადებებისა, რომლებიც ევროკავშირში გაწევრიანების ერთგულებას ადასტურებს, გაწევრიანების პროცესისთვის დამაბრკოლებელი ძირითადი პრობლემები კვლავ მოუგვარებელია.ევროპარლამენტის წევრები თურქეთის მთავრობას მოუწოდებენ, აღმოფხვრას ხანგრძლივი ხარვეზები სამართლის უზენაესობის, ადამიანის უფლებების, დემოკრატიული სტანდარტების, პრესის თავისუფლებისა და სხვა ფუნდამენტური თავისუფლებების სფეროებში, ასევე პატივი სცეს კეთილმეზობლურ ურთიერთობებსა და საერთაშორისო სამართალს.მომხსენებელმა სანჩო სანჩეს ამორმა განაცხადა: „თურქეთი სწრაფად მიიწევს სრულად ავტორიტარული მმართველობის მოდელისკენ. მთავარი ოპოზიციური პარტიის და მისი ლეგიტიმური ხელმძღვანელობის წინააღმდეგ მიმართული ბოლო საქმე დემოკრატიული პლურალიზმისა და სამართლის უზენაესობის უფრო ფართო ეროზიის კიდევ ერთი მაგალითია. ეს ასევე წარმოაჩენს სასამართლო სისტემის როლს, რომელიც პოლიტიკური მიზნებისთვის გამოიყენება.ასეთი მძიმე ვითარების ფონზე, ღრმა შეშფოთებას იწვევს ევროკომისიის, ევროკავშირის საგარეო ქმედებათა სამსახურის და წევრი სახელმწიფოების სუსტი რეაქცია. ისინი კვლავ თვალს ხუჭავენ თურქეთში დემოკრატიის დემონტაჟზე.ეს დუმილი აზიანებს ევროკავშირის იმიჯსა და სანდოობას, ასევე კიდევ უფრო აშორებს ევროკავშირს თურქული საზოგადოების იმ ნაწილს, რომელიც ყველაზე მეტად პროევროპული და პროდემოკრატიულია. ამ შედეგების გამოსწორებას შესაძლოა წლები დასჭირდეს.“

მსოფლიო • 1782972821

ვენესუელას ოთხფეხა გმირს ცუნამი შეარქვეს: მან ნანგრევების ქვეშ 100 ადამიანი იპოვა, ბოლოს კი გადაღლილობის გამო თვითონაც ექიმის დახმარება დასჭირდა

24 ივნისიდან მოყოლებული, პატარა ბორდერ კოლი, სახელად ცუნამი, იმედისა და მდგრადობის სიმბოლოდ იქცა. მან მარტომ იპოვა ნანგრევების ქვეშ დამარხული თითქმის 100 ადამიანი, თუმცა ის ქვეყანაში ერთ-ერთია იმ მცირერიცხოვან სპეციალურად გაწვრთნილ მაშველ ძაღლებს შორის.დიდი შიში, დიდი იმედი24 ივნისიდან, მიწისძვრის შემდეგ ცოცხალი ადამიანების პოვნის იმედი აღარ დარჩათ მათ, ვინც ნანგრევებს ჯერ კიდევ ასუფთავებს. მაგრამ სწორედ იქ გახდა ცუნამი იმედის სინონიმი, რომ ჯერ კიდევ არიან ადამიანები, რომელთა გადარჩენაც არავის სჯერა. შავ-თეთრი ძაღლი, ერთი ცისფერი და ერთი ყავისფერი თვალით, ცუნამი მაშველის ძაღლია და ვენესუელაში, სადაც მიწისძვრამ, როგორც ჩანს, სახელმწიფო აპარატიც კი ჩამოშალა, ის იმედის სიმბოლოდ იქცა.„ის მდგრადობის განსახიერებაა“, - ამბობს მისი მწვრთნელი, ხორხე ბინსი, სიამაყით იხსენებს შაბათს, - „მან დღეს 13 ადამიანი გადაარჩინა“. წინა დღეს, სულ მცირე, 30 ადამიანი. ცხრა წლის წინ ის უბრალოდ დაღლილი და გამხდარი ბორდერ კოლის ლეკვი იყო, რომელიც მოხალისეებმა გადაარჩინეს. - წერს უცხოური მედია. როდესაც ვენესუელაში მიწისძვრა მოხდა, ის დამსახურებული პენსიის ზღვარზე იყო. მისი ასაკი უცნობია, მაგრამ ის ნამდვილად ცხრა წელია მუშაობს და არა მხოლოდ ვენესუელაში. ეს ბორდერ კოლი, ერთ-ერთი იმ მცირერიცხოვან ვენესუელურ სამაშველო ძაღლთაგანი, რომელსაც საერთაშორისო სერტიფიკატები და კვალიფიკაციები აქვს, მონაწილეობდა რამდენიმე მისიაში საზღვარგარეთ, მათ შორის თურქეთში 2023 წლის დამანგრეველი მიწისძვრის შემდეგ. ვენესუელასთვის ყველაზე ბნელ საათებში კი ის გადამწყვეტი აღმოჩნდა. მისი მწვრთნელის თქმით, მან მარტომ იპოვა თითქმის 100 ადამიანი, რომელთაგან ყველა ცოცხალი გადაარჩინეს. ეს კი ხანგრძლივი ვეტერინარული ვიზიტის ფასად დაგვიჯდა, რაც გამოწვეული იყო დეჰიდრატაციით და ფეხის დაზიანებებით, რომლებიც საათობით მუშაობის შემდეგ მივიღეთ.

პოლიტიკა • 1782926040

ისრაელის საგარეო საქმეთა მინისტრი კაია კალასს აკრიტიკებს - „ფარისევლობის მასტერკლასი“

ისრაელის საგარეო საქმეთა მინისტრი, გიდეონ საარი თურქეთში ვიზიტთან დაკავშირებით ევროკავშირის უმაღლესი წარმომადგენლის, კაია კალასის მიერ გაკეთებულ განცხადებას გამოეხმაურა და მას „ფარისევლობის მასტერკლასი“ უწოდა.„აქ ვერ იპოვით ვერცერთ სიტყვას შემდეგ საკითხებზე:ადამიანის უფლებების სასტიკ დარღვევებზე თურქეთში, რაც მხოლოდ რამდენიმე კვირის წინ კიდევ ერთხელ გამოჩნდა, როდესაც თურქულმა სასამართლომ თანამდებობიდან გადააყენა მთავარი ოპოზიციური პარტიის ახლად არჩეული ლიდერი; მშვიდობიანი დემონსტრანტების წინააღმდეგ ძალის გამოყენებასა და მასობრივ დაკავებებზე; ერდოღანის მთავარი კონკურენტის ციხეში ყოფნაზე; ოპოზიციონერი მერების დაპატიმრებებზე; ჟურნალისტებისთვის მზარდ შეზღუდვებზე და სასამართლო სისტემის მეშვეობით პოლიტიკური ოპონენტების მუდმივ დევნაზე.ფარისებვლობის მასტერკლასი“, - აღნიშნა ისრაელის საგარეო უწყების ხელმძღვანელმა.

პოლიტიკა • 1782838080

დავით ქართველიშვილი: კოლექტიური „ურსულა/კალასები” ქართულ მომაკვდავ რადიკალებს მორიგ გზავნილს უგზავნიან - სანამ თქვენ არ იქნებით ქვეყნის სათავეში, ჩვენს რუკებზე საქართველო არ გაჩნდება

პარტია „ხალხის ძალის“ წევრი დავით ქართველიშვილი სოციალურ ქსელში ევროკავშირის საგარეო პოლიტიკის ხელმძღვანელის, კაია კალასის, თურქეთში ვიზიტსა და ევროკომისიის პრეზიდენტის, ურსულა ფონ დერ ლაიენის, სამხრეთ კავკასიაში ვიზიტს ეხმიანება.მისი თქმით, თუ საქართველო დღეს შუა დერეფნის ერთ-ერთი საკვანძო მონაწილეა, მის ტერიტორიაზე გადის ცენტრალური აზიისა და ევროპის დამაკავშირებელი უმნიშვნელოვანესი მარშრუტები, ხორციელდება ანაკლიის პორტის, ბაქო-თბილისი-ყარსის რკინიგზისა და შავი ზღვის ენერგეტიკული დერეფნის პროექტები, ჩნდება კითხვა - რატომ არ სტუმრობენ ევროკავშირის მაღალჩინოსნები თბილისს?ქართველიშვილი აღნიშნულ კითხვას საკუთარ პოსტშივე პასუხობს.„მხოლოდ მშრალი, უემოციო ფაქტების თვალსაზრისით, უკანასკნელი რეგიონული სურათი საკმაოდ საინტერესოა. მაშინ, როდესაც საქართველოს პრემიერ-მინისტრი ცენტრალურ აზიაში ვიზიტიდან ბრუნდებოდა პრაქტიკული შეთანხმებების პაკეტებით, სატრანზიტო თანამშრომლობის, საბაჟო პროცედურების გაციფრების, სატრანსპორტო დერეფნებისა და ეკონომიკური თანამშრომლობის ახალი მექანიზმების შესახებ მიღწეული კონკრეტული შედეგებით, ევროკავშირის საგარეო პოლიტიკის ხელმძღვანელი, კაია კალასი, თურქეთში ვიზიტს ძირითადად უკვე არაერთხელ მოსმენილი „ბლა-ბლა-ბლა“ თემების განხილვითა და განცხადებების გაცვლით ასრულებდა. ბევრი ითქვა სტრატეგიულ პარტნიორობაზე, უსაფრთხოებაზე და გეოპოლიტიკაზე, თუმცა არაფერი აღმოჩნდა ისეთი, რაც კონკრეტულ შედეგად შეიძლება შეფასდეს.არანაკლებ საყურადღებო იყო ურსულა ფონ დერ ლაიენის სამხრეთ კავკასიაში ვიზიტიც. ერევანში გაჟღერდა ფინანსური დახმარების ახალი პაკეტები და ევროკავშირთან შემდგომი დაახლოების დაპირებები - „ღია კარებში“ დგომის მორიგი ნომინანტის საპატიო წოდების თვალსაზრისით. ბაქოში კვლავ განიხილეს გაზის მიწოდება, სატრანსპორტო დერეფნები და თანამშრომლობის პერსპექტივები, ოღონდ მორიგ ჯერზე - ამ სამარშრუტო რუკაზე საქართველოს ჯიუტი იგნორირებით. თუმცა, თუ ხმაურიან სათაურებს მოვაშორებთ და საბოლოო შედეგებს დავაკვირდებით, აღმოჩნდება, რომ აქაც რევოლუციური გადაწყვეტილებები არ იქნა მიღებული. საქმე უფრო უკვე არსებული პროცესების დადასტურებას ეხებოდა, ვიდრე სრულიად ახალი პროექტების დაწყებას.ამ ფონზე ჩნდება საკმაოდ არასასიამოვნო კითხვა: თუ საქართველო დღეს შუა დერეფნის ერთ-ერთი საკვანძო მონაწილეა, თუ მის ტერიტორიაზე გადის ცენტრალური აზიისა და ევროპის დამაკავშირებელი უმნიშვნელოვანესი მარშრუტები, თუ ხორციელდება ანაკლიის პორტის, ბაქო-თბილისი-ყარსის რკინიგზისა და შავი ზღვის ენერგეტიკული დერეფნის პროექტები, მაშინ რატომ სტუმრობენ ევროკავშირის მაღალჩინოსნები მეზობელ დედაქალაქებს, ხოლო თბილისს გვერდს უვლიან?ქართულ მომაკვდავ რადიკალებს მორიგ გზავნილს უგზავნიან: სანამ თქვენ არ იქნებით ქვეყნის სათავეში, ჩვენს რუკებზე საქართველო არ გაჩნდება. ეს მიდგომა სულ უფრო გვაგონებს რუსეთის დამოკიდებულებას მავზოლეუმის მიმართ: სანამ ლენინს არ მარხავენ, მანამდე ის ცოცხალია. ანალოგიური მიდგომა აქვს კოლექტიურ „ურსულა/კალასებს“ ჩვენი რადიკალების მიმართ: არ ვასაფლავებთ, ესე იგი „жили, живы и будут жить“, - წერს დავით ქართველიშვილი.

მსოფლიო • 1782558302

თურქეთში ტერორიზმის ბრალდებით 178 ადამიანი დააკავეს

თურქმა სამართალდამცველებმა მასშტაბური ანტიტერორისტული სპეცოპერაციის შედეგად ქვეყნის მასშტაბით 178 ადამიანი დააკავეს. ინფორმაციას თურქული მედია ავრცელებს.მედიის ცნობით, სასამართლომ დაკავებულებს წინასწარი პატიმრობა უკვე შეუფარდა.თურქეთის პროკურატურის განცხადებით, ბოლო დროს ქვეყნის მასშტაბით ტერორისტული ორგანიზაციების საქმიანობის გამოვლენის მიზნით ჩატარებული გამოძიების ფარგლებში სულ 241 ეჭვმიტანილის ვინაობა დადგინდა, მათგან კი 225 დააკავეს.დაკავებულთაგან 212 პირი სასამართლოს „ტერორისტული ორგანიზაციის წევრობის“ ბრალდებით პატიმრობის შუამდგომლობით წარედგინა, ხოლო 6 ეჭვმიტანილი პროკურატურამ გაათავისუფლა.სასამართლოს გადაწყვეტილებით, 178 ეჭვმიტანილს წინასწარი პატიმრობა შეეფარდა, ხოლო 34-ის მიმართ აღკვეთის ღონისძიებად სასამართლო კონტროლი განისაზღვრა.

ტაბლოიდი • 1782547052

„ექიმებმა დიდი ძალისხმევით გამომიყვანეს მდგომარეობიდან...“ - ლიკა გაგნიძე თურქეთის კლინიკიდან

ვიზაჟისტი და „ტიკტოკერი“ ლიკა გაგნიძე, რომელსაც სიმსივნის დიაგნოზი ხელმეორედ დაუსვეს, სოციალურ ქსელში აქტიურად გვიზიარებს სიახლეებს, თუ როგორ მიმდინარეობს მკურნალობის პროცესი.იგი თურქეთში ქიმიის პროცედურაზე იყო წასული. როგორც ლიკა წერს, ქიმიას მეორედ იკეთებდა, თუმცა ორგანიზმმა წამალი არ მიიღო და ცუდად გახდა.„მე კი მინდა ძლიერი ვიყო, მაგრამ ჩემმა ორგანიზმმა მიმტყუნა, ძლიერი ალერგია დამეწყო და ექიმებმა დიდი ძალისხმევით გამომიყვანეს მდგომარეობიდან, მადლობა უფალს და მათ რომ ცუდად არ დასრულდა. როგორც წინაზე ახლაც ნახევარი ქიმია ვერ გადამისხეს შოკური მდგომარეობის გამო, არადა ალერგიის ასაცილებლად ყველანაირად მომამზადეს წინასწარ,ვფიქრობ ემოციური მდგომარეობის გამო ხდება ეს ყველაფერი. დარჩენილ ორ ქიმიაზე სხვა პრეპარატს გადამისხამენ და იმედია ის ორი კარგად ჩაივლის“,- წერს ლიკა გაგნიძე.   @likiita მე კი მინდა ძლიერი ვიყო,მაგრამ ჩემმა ორგანიზმმა მიმტყუნა,ძლიერი ალერგია დამეწყო და ექიმებმა დიდი ძალისხმევით გამომიყვანეს მდგომარეობიდან,მადლობა უფალს და მათ რომ ცუდად არ დასრულდა❤️🥺 როგორც წინაზე ახლაც ნახევარი ქიმია ვერ გადამისხეს შოკური მდგომატეობის გამო,არადა ალერგიის ასაცილებლად ყველანაირად მომამზადეს წინასწარ,ვფიქრობ ემოციური მგომარეობის გამო ხდება ეს ყველაფერი.დარჩენილ ორ ქიმიაზე სხვა პრეპარატს გადამისხამენ და იმედია ის ორი კარგად ჩაივლის ♬ original sound - Tata.Natroshvili

პოლიტიკა • 1782482969

მიხეილ სააკაშვილი სალომე ზურაბიშვილზე: ჩემი სახელმწიფო ვიზიტების დროს, მოულოდნელად ტოვებდა ხოლმე დელეგაციას, თიშავდა ტელეფონს და იკარგებოდა მრავალი დღით

საქართველოს მესამე პრეზიდენტი, მსჯავრდებული მიხეილ სააკაშვილი სოციალურ ქსელში ეხმაურება საქართველოს მეხუთე პრეზიდენტის, სალომე ზურაბიშვილის გუშინდელ სატელევიზიო ეთერს, სადაც მან მიხეილ სააკაშვილზე ისაუბრა.სააკაშვილი ზურაბიშვილის საგარეო საქმეთა მინისტრობის პერიოდს იხსენებს და ამბობს, რომ ის„ აღმოჩნდა ყველაზე უარესი საგარეო მინისტრი, რომელიც საქართველოს როდისმე ჰყოლია“.სააკაშვილი წერს, რომ მისი სახელმწიფო ვიზიტების დროს, ზურაბიშვილი მოულოდნელად ტოვებდა დელეგაციას, თიშავდა ტელეფონს და იკარგებოდა მრავალი დღით.„სალომე ზურაბიშვილმა გუშინ კვლავ გაიმეორა ჩემზე „არა და არასდროს!“ვინ არის ეს ქალი? მას ჰქონდა საფრანგეთში კარგი დიპლომატიური კარიერა, მეც რევოლუციის შემდეგ გატაცებული ვიყავი იდეით, რომ ჩვენ, როგორც ბალტიის ქვეყნებს, დაგვებრუნებინა და ხელისუფლებაში გამოგვეყენებინა ჩვენი ემიგრანტები.ზურაბიშვილს ჰქონდა ძალიან კარგი ოჯახური წარმომავლობა. ჰყავდა ძალიან კარგი დედა. დღესაც პატივისცემით ვეპყრობი მის ძმას, ოთარ ზურაბიშვილს. სალომეს მეუღლე, ჯანრი კაშია დედაჩემის და ბიძაჩემის მეგობარი იყო. ამიტომ ძალიან მომეწონა აზრი, 2004 წელს, საბჭოთა გადმონაშთი თედო ჯაფარიძის ნაცვლად, მისი საგარეო მინისტრად დანიშვნის.მაშინ მე გამოვეკიდე ოცნებას. ამ საკადრო ცვლილების შემდეგ, ოცნება მწარე რეალობაში გადაიზარდა. სალომე აღმოჩნდა ყველაზე უარესი საგარეო მინისტრი, რომელიც საქართველოს როდისმე ჰყოლია.პირველივე დღიდან საერთოდ მიუშვა სამინისტროს ორგანიზაციული ნაწილი. ჩემი სახელმწიფო ვიზიტების დროს, მოულოდნელად ტოვებდა ხოლმე დელეგაციას, თიშავდა ტელეფონს და იკარგებოდა მრავალი დღით. სამკვდრო სასიცოცხლოდ გადაიკიდა ჩვენი ძალიან მნიშვნელოვანი მეზობლები, თურქეთი და აზერბაიჯანი, ისე რომ მაშინდელმა თურქეთის პრეზიდენტმა გიულმა, პირადად მომთხოვა მისი თურქული მიმართულებიდან ჩამოშორება და მას იმ პერიოდში ოფიციალურად აუკრძალეს თურქეთში შესვლა.სამინისტროს ხელმძღვანელობაში გაჩნდნენ სალომეს სრულიად საეჭვო ფავორიტები, რომელთაც პროფესიონალიზმთან საერთოდ არანაირი შეხება არ ჰქონდათ. ამ ყველაფრის შემყურე, პარლამენტში პრაქტიკულად დაიწყო ბუნტი სალომეს წინააღმდეგ და მე ის გადავაყენე. როდესაც ჩემი გადაწყვეტილება გავაცანი, სალომემ მითხრა ახლავე დაითხოვე პარლამენტი, დანიშნე არჩევნები და მე დამნიშნე პრემიერ მინისტრადო, მე ამაზე გამეცინა, მოკლედ მაშინ ასე დავშორდით.ეგრევე გადაეშვა ოპოზიციურ საქმიანობაში. ოღონდ ეს არ იყო ჩვეულებრივი ოპოზიცია, არამედ ნამდვილი ანტი-სახელმწიფოებრივი მავნებლური საქმიანობა.2007 წელს რუსულმა su -24 ტიპის ბომბდამშენებმა დაგვიბომბეს უკრაინაში ნაყიდი ბუკ-1m ტიპის საჰაერო დაცვის სისტემა სოფელ წითელუბანში, გორთან. ზურაბიშვილმა ეგრევე მოიწვია პრესკონფერენცია სადაც გამოაცხადა რომ სინამდვილეში ჩემი ბრძანებით გადავღებეთ ქართული თვითმფრინავი და დავბომბეთ საკუთარი თავი, რათა ეს რუსეთის დასადანაშაულებლად გამოგვეყენებინა. მოიქცა ზუსტად როგორც რუსეთის თავდაცვის მინისტრი გრაჩოვი 1993 წელს, როცა ქართველები დაადანაშაულა სოხუმის დაბომბვაში.2008 წლის შემდეგ მისმა კოლაბორაციონისტობამ საბოლოოდ გაშალა ფრთები. აშანშალებდა პოსტებს იმაზე თუ როგორ დავბომბე "მძინარე ცხინვალი" და ამაზე უნდა გავსამართლდე და ასევე დაწერა წიგნი "La tragédie géorgienne", რომელიც რუსეთმა წარადგინა ჰააგის სასამართლოში მტკიცებულებად ჩემი და ქართველი სამხედროების მიერ სამხედრო დანაშაულების ჩადენაზე.ამიტომ უბრალოდ დარწმუნებული ვარ, რომ რუსეთი ვერ იპოვიდა უფრო კარგ კანდიდატურას პრეზიდენტობის, რა არის უკეთესი საქართველოს ომში დამადანაშაულებელ საფრანგეთის ყოფილ ელჩზე და შესაბამისად დაავალეს ეს ივანიშვილს.2018 წლის არჩევნები უხეშად გაყალბდა, ძალადობით, მოსყიდვით მათ შორის დიახ სალომეს გაპრეზიდენტებას პირდაპირ შეეწირა ზუგდიდელი სკოლის დირექტორი, უკეთილშობილესი ია კერზაია, რომელიც სალომეს სახელით დააშანტაჟეს, ატერორეს და მისმა გულმა ამას ვერ გაუძლო.პრეზიდენტობის დროს ზურაბიშვილი კიევში შეხვდა ვლადიმერ ზელენსკის ერთადერთ საკითხით - ჩემი დაპატიმრების და საქართველოსთვის გადაცემის. ეს მომიყვა თვითონ ზელენსკიმ, რომლის რეფორმათა საბჭოს თავმჯდომარე ვიყავი. რა თქმა უნდა, უკრაინის პრეზიდენტმა ის ძალიან შორს გააგზავნა და როცა ომის დაწყების შემდეგ სალომემ რამდენჯერმე სცადა კიევში ჩასვლა და ზელენსკისთან სურათის გადაღება, ზელენსკის ადმინისტრაციის პასუხი იყო ყოველთვის ერთი და იგივე. "ჩვენ მას პიარის კეთების საშუალებას არ მივცემთ და მაინც თუ უნდა ჩამოსვლა, ჯერ გაუშვას სააკაშვილი".მთელი ეს ბოლო წლები ზურაბიშვილი სხვადასხვა დასავლეთის ტელეეთერებში ვრცლად ჰყვებოდა ჩემს მიერ ჩადენილ "დანაშაულებზე" ასაბუთებდა თუ რატომ უნდა ვიყო ციხეში.უკიდურესად უარყოფითი იყო ზურაბიშვილის როლი მასობრივი გამოსვლების დროს. მან არაერთხელ დაშალა რეჟიმის შესაცვლელად გამზადებული ხალხი. ამავე დროს ოპოზიციის ნაწილის დიდი შეცდომა იყო, სალომეს ერთადერთ ლეგიტიმურ ხელისუფლების ორგანოდ გამოცხადება, იმიტომ რომ გაყალბებით, ძალით მოყვანილი "პრეზიდენტი" თავიდანვე არ იყო ლეგიტიმური.სალომე ზურაბიშვილი, იმის მაგივრად რომ ბოდიშს იხდიდეს რომ ქვეყნის დანგრევის ნაწილი იყო, კიდევ უტიფრად და ურცხვად ამტკიცებს, რომ ყველაფერში მართალი იყო, ივანიშვილზე უფრო ამაზრზენია ასეთი ხალხი. ამას ყველაფერს იმიტომ ვწერ რომ უნდა ვისწავლოთ კარგის და ცუდის გარჩევა. უნდა მტერს დავუძახოთ მტერი და მოყვარეს მოყვარე. სხვანაირად სულ ერთ წრეზე ვივლით“, - წერს მიხეილ სააკაშვილი სოციალურ ქსელში.