თურქეთში

თურქეთის ოპოზიცია ქვეყნის საგარეო საქმეთა მინისტრის დიპლომს ეჭვქვეშ აყენებს

თურქეთის ოპოზიცია ქვეყნის საგარეო საქმეთა მინისტრის დიპლომს ეჭვქვეშ აყენებს, – ინფორმაციას თურქული მედია ავრცელებს. როგორც გამოცემა „თურქიშ მინითი“ წერს, თურქეთის მთავარი ოპოზიციურ პარტიის ლიდერმა, ნამიკ ტანმა ქვეყნის საგარეო საქმეთა მინისტრის, ჰაკან ფიდანის უმაღლესი განათლების დამადასტურებელი დიპლომი ეჭვქვეშ დააყენა.ოფიციალური ინფორმაციის მიხედვით, თურქეთის საგარეო საქმეთა მინისტრმა 1997 წელს აშშ-ის მერილენდის უნივერსიტეტში მიიღო ბაკალავრის დიპლომი პოლიტოლოგიასა და ადმინისტრაციული საქმეების სპეციალობით, სადაც იგი არმიაში სამსახურის პარალელურად სწავლობდა. მიუხედავად იმისა, რომ ფიდანმა სამი წელი ისწავლა და არა ოთხი, როგორც ამას თურქეთის კანონმდებლობა მოითხოვს, 1998 წელს მას ბაკალავრის დიპლომი მაინც მისცეს.როგორც თურქეთის ოპოზიცია ამტკიცებს, ქვეყნის საგარეო საქმეთა მინისტრმა მაგისტრატურაზე სწავლა 1997 წელს დაიწყო, მაშინ, როდესაც თურქეთის განათლების სამინისტროს ჯერ კიდევ არ ჰქონდა დადასტურებული მის მიერ მიღებული ბაკალავრის დიპლომის ლეგიტიმურობა, რაც ეჭვქვეშ აყენებს ფიდანის მიერ მიღებულ დოკუმენტებს.ოპოზიციონერი დეპუტატები თურქეთის საგარეო საქმეთა მინისტრს მოუწოდებენ, გაასაჯაროოს მის მიერ მიღებული განათლების დამადასტურებელი დოკუმენტაცია, რადგან ეს „საზოგადოებრივი ნდობისა და კანონის უზენაესობის საკითხებს ეხება“.ცნობისთვის, ეს არაა პირველი შემთხვევა როდესაც თურქეთში პოლიტიკოსებს დიპლომების გაყალბებაში ადანაშაულებენ. მანამდე ანალოგიური ბრალდება წაუყენეს სტამბოლის ოპოზიციონერ მერს, ეკრემ იმამოღლუსაც.

მსოფლიო • 1762090001

თურქეთში სასტუმროს ხანძრის საქმეზე, რომელსაც ქართველი ემიგრანტი ქალიც ემსხვერპლა, ახალი ინფორმაცია ვრცელდება

თურქეთის სასამართლომ 11 პირს სამუდამო პატიმრობა მიუსაჯა იანვარში ქვეყნის ჩრდილო-დასავლეთში, ბოლუს პროვინციაში, კარტალკაიას სათხილამურო კურორტზე მდებარე Grand Kartal Hotel-ში მომხდარი ხანძრის საქმეზე, რომელსაც 78 ადამიანის სიცოცხლე ემსხვერპლა.ხანძრისას დაიღუპა 58 წლის ქართველი ემიგრანტი ქალი, ლაურა სალუაშვილიც. იგი კურორტზე იმ ოჯახთან ერთად იმყოფებოდა, სადაც მუშაობდა. სამწუხაროდ, ამ ოჯახის წევრებიც დაიღუპნენ: ორი მცირეწლოვანი გოგონა (6 და 9 წლისები) და მათი დედა. ლაურა სალუაშვილი, 6 წლის გოგონა და ბავშვების დედა ბოლით გაიგუდნენ, ხოლო უფროსი გოგონა დაიწვა და მისი ცხედრის ამოცნობა მხოლოდ მამის დნმ-ით გახდა შესაძლებელი.გამოძიების ფარგლებში სამართალდამცველებმა დააკავეს 20-მდე პირი, მათ შორის, სასტუმროს მფლობელი – ჰალიტ ერგული. გამოძიების ცნობით, ხანძრის მიზეზი გახდა საუზმის მომზადებისას სამზარეულოში გრილზე დაღვრილი ცხიმი, რომელსაც ცეცხლი გაუჩნდა. ხანძრის ჩასაქრობად სამზარეულოს თანამშრომლებმა ცეცხლმაქრის ნაცვლად წყალი გამოიყენეს, რის გამოც ცეცხლი უფრო სწრაფად გავრცელდა და ზედა სართულებსაც მოედო. სასტუმროში არ ამუშავდა სახანძრო სიგნალიზაცია, ამიტომ დამსვენებლებმა, რომლებსაც ეძინათ, საფრთხის შესახებ დროულად ვერ შეიტყვეს.თურქეთის პრეზიდენტმა რეჯეფ თაიფ ერდოღანმა დაღუპულთა ოჯახებს მიუსამძიმრა და განაცხადა, რომ მკაცრად დაისჯებოდა ყველა, ვისაც ამ ტრაგედიაში ბრალი მიუძღოდა.ექსპერტების თქმით, სათხილამურო კურორტზე მდებარე სასტუმროს არ ჰქონდა ხანძარსაწინააღმდეგო უსაფრთხოების ელემენტარული ზომები.სასამართლომ სამუდამო პატიმრობა მიუსაჯა 11 პირს, მათ შორის, სასტუმროს მფლობელს – ჰალიტ ერგულს, ადმინისტრაციის წევრებს, მენეჯერებს, პერსონალს, მერის ერთ-ერთ მოადგილეს და სახანძრო სამსახურის თანამშრომლებს.წყარო:

საზოგადოება • 1762001653

შემოსავლების სამსახურის უფროსის ყოფილ მოადგილეს ვლადიმერ ხუნდაძეს პატიმრობა დაუსწრებლად შეეფარდა

ყოფილ მაღალჩინოსანს ვლადიმერ ხუნდაძეს, რომელიც სამსახურებრივი უფლებამოსილების ბოროტად გამოყენების ფაქტზე არის ბრალდებული, სასამართლომ აღკვეთის ღონისძიების სახით პატიმრობა შეუფარდა.თბილისის საქალაქო სასამართლოს მოსამართლე ირაკლი შვანგირაძემ ვლადიმერ ხუნდაძეს პატიმრობა დაუსწრებლად შეუფარდა. ადვოკატის ინფორმაციით, ბრალდებული საქართველოში არ იმყოფება.ადვოკატი ზურაბ ტაბიძე „ინტერპრესნიუსთან“ აცხადებს, რომ თბილისის საქალაქო სასამართლომ უკანონო გადაწყვეტილება მიიღო, რომელსაც გაასაჩივრებს. მისი თქმით, ვლადიმერ ხუნდაძე მკურნალობის მიზნით თურქეთში დაახლოებით 15-20 დღის წინ წავიდა და საზღვარი ისე გადაკვეთა, რომ არანაირი პრობლემა არ შეჰქმნია. ადვოკატის თქმით, ხუნდაძემ არც ის იცოდა, რომ მას ბრალი უნდა წარდგენოდა.„არასწორად დააკმაყოფილა ბრალდების მხარის შუამდგომლობა პატიმრობის თაობაზე. ვლადიმერ ხუნდაძე თურქეთის რესპუბლიკაში სამკურნალოდ არის წასული. მისი მხრიდან არანაირი წინასწარი განზრახვა მიმალვის, სასამართლო პროცესზე არგამოცხადების და ხელის შეშლის თაობაზე არ ყოფილა. თავად ხუნდაძე გამოკითხული არ არის, მან არც ის იცოდა, რომ ბრალი უნდა წარდგენოდა. მან ჩვეულებრივად, ყოველგვარი დაბრკოლების გარეშე გადალახა საზღვარი მკურნალობის მიზნით. სასამართლოს წარვუდგინე ცნობა თურქეთის სამედიცინო დაწესებულებიდან, რაც მოსამართლემ მხედველობაში არ მიიღო და რატომღაც ჩათვალა, რომ თითქოს ის ყალბი და არამყარი იყო. ვლადიმერ ხუნდაძე თურქეთში სამკურნალოდ დაახლოებით, 15-20 დღის წინ წავიდა“- განაცხადა ზურაბ ტაბიძემ.ადვოკატის თქმით, ვლადიმერ ხუნდაძეს ჯანმრთელობის მდგომარეობა ისეთ ფაზაშია, რომ 3 ნოემბერს ოპერაცია უნდა გაიკეთოს, შესაბამისად, ადვოკატი ფიქრობს, რომ ბრალდებული მასთან კომუნიკაციას, სავარაუდოდ, ჯერ ვერ შეძლებს.შეგახსენებთ, საქართველოს პროკურატურის ინფორმაციით, ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ შემოსავლების სამსახურის უფროსის ყოფილ მოადგილეს ვლადიმერ ხუნდაძეს, პირადი ნაცნობობა აკავშირებდა ბორის გოგიჩაიშვილთან, რომელიც თანამზრახველებთან ერთად ქალაქ გორში უცხოური ბრენდების სასაქონლო ნიშნის გამოყენებით უკანონოდ ახორციელებდა ალკოჰოლური სასმელების – ვისკისა და არყის დამზადებასა და შენახვას.პროკურატურის ცნობით, ალკოჰოლური სასმელების დასამზადებლად საჭირო სხვადასხვა პროდუქციის საქართველოში უსაფრთხოდ შემოსატანად ბ.გოგიჩაიშვილმა დასახმარებლად მიმართა ვლადიმერ ხუნდაძეს, რომლის სამსახურებრივ უფლებამოსილებასაც საბაჟო პროცედურების კონტროლი და ზედამხედველობა წარმოადგენდა.ვლადიმერ ხუნდაძე ბორის გოგიჩაიშვილს მუდმივად აძლევდა მითითებებს პროდუქციის შემოტანისა და განბაჟების სათანადო დროის შესახებ, ასევე უთითებდა თუ რა შინაარსით უნდა მომხდარიყო პროდუქციის განბაჟება, რათა საბაჟო პროცედურების გავლის დროს საფრთხე არ შეჰქმნოდათ.

მსოფლიო • 1761930559

თურქეთში, სასტუმროში ხანძრის საქმეზე 11 ადამიანს სამუდამო პატიმრობა მიუსაჯეს

თურქეთში სათხილამურო კურორტზე მდებარე სასტუმროში ხანძრის საქმეზე 11 ადამიანს სამუდამო პატიმრობა მიუსაჯეს.სასტუმროს მფლობელი ჰალიტ ერგული იმ 11 ბრალდებულს შორის იყო, რომლებსაც ბოლუს პროვინციის სასამართლომ სამუდამო პატიმრობა მიუსაჯა. ერგულის გარდა, ბრალდებულებს შორის იყვნენ სასტუმროს საბჭოს წევრები, მენეჯერები და პერსონალი, ასევე მერის მოადგილე და სახანძრო სამსახურის თანამშრომლები.ექსპერტების თქმით, სათხილამურო კურორტზე მდებარე სასტუმროს არ ჰქონდა ხანძარსაწინააღმდეგო უსაფრთხოების ელემენტარული ზომები.იანვარში, თურქეთის ჩრდილო-დასავლეთით, ბოლუს მთებში მდებარე სათხილამურო კურორტზე მდებარე სასტუმრო Grand Kartal Hotel-ში ხანძარმა 78 ადამიანის სიცოცხლე შეიწირა. დაღუპულთა შორის 34 ბავშვი იყო. ხანძრის შედეგად 137 ადამიანი დაშავდა. ცეცხლი გაუჩნდა 12-სართულიან შენობაში მდებარე რესტორნის იატაკს, სადაც 238 სტუმარი იმყოფებოდა. პანიკაში მყოფი სასტუმროს სტუმრები შუა ღამით ფანჯრებიდან ხტებოდნენ.

მსოფლიო • 1761752702

თურქეთში კორპუსის ჩამონგრევას მსხვერპლი მოჰყვა

თურქეთის ქალაქ გებზეში შვიდსართულიანი საცხოვრებელი კორპუსის ჩამონგრევას ორი არასრულწლოვანის სიცოცხლე ემსხვერპლა.ამის შესახებ ინფორმაციას „ესოშიეთიდ პრესი“ ავრცელებს.მედიის ინფორმაციით, ნანგრევებში ერთი ოჯახის ხუთი წევრი მოჰყვა. ამ დრომდე ეძებენ 43 წლის მამაკაცს და 37 წლის ქალს.ნაპოვნია მათი არასრულწლოვანი შვილების და-ძმის ცხედრები. რაც შეეხება წყვილის მესამე შვილს, მაშველებმა 18 წლის დილარას გადარჩენა შეძლეს.გამოძიება ვიდრე ნგრევის ზუსტ მიზეზს დაადგენს, გებზეს მერი არ გამორიცხავს, რომ მომხდარი ახლომდებარე მეტროსადგურის მშენებლობას უკავშირდებოდეს.

მსოფლიო • 1761674072

6,1 მაგნიტუდის მიწისძვრა თურქეთში, რომელსაც ნგრევა მოჰყვა - ბოლო ცნობები სტიქიის ზონიდან

ბალიქესირი, იზმირი, ბურსა და სტამბოლი - თურქეთის დასავლეთით მდებარე რეგიონები სტიქიური უბედურების ზონაა. ყველაზე რთული ვითარება ბალიქესირის პროვინციაში მდებარე სინდირიგის მუნიციპალიტეტშია, სადაც 6,1 მაგნიტუდის მიწისძვრას მასშტაბური ნგრევა მოჰყვა.პირველი მიწისძვრა ადგილობრივი დროით 22 საათსა და 48 წუთზე მოხდა. ეპიცენტრის მიმდებარე რაიონებში ღამის განმავლობაში, კიდევ 100-ზე მეტი ბიძგი დაფიქსირდა.დაზარალებულ რეგიონში, ხელისუფლებამ ღამით საგანგებო სიტუაციების მართვის ჯგუფები გადაისროლა. ადგილზე ამ დრომდე მობილიზებულია 1100 მეხანძრე მაშველი. სამუშაოებში ჩართულია 214 ერთეული სპეციალური ტექნიკა და მეძებარი ძაღლები.ვრცელდება ინფორმაცია დაშავებულების შესახებ, მედიკოსებს დახმარების მიზნით, 26-მა ადამიანმა მიმართა. ადგილობრივი მედია წერს, რომ მოსახლეობის ნაწილმა საცხოვრებელი სახლები დატოვა და ღამე ქუჩაში გაატარა.რეგიონში მომხდარ სტიქიურ უბედურებას გამოეხმაურა თურქეთის პრეზიდენტი. რეჯეფ თაიფ ერდოღანმა მოსახლეობას მხარდაჭერა აღუთქვა.ბალიქესირის პროვინციაში ბოლო ერთი წლის განმავლობაში ეს 6,1 მაგნიტუდის მეორე მიწისძვრაა. ადგილობრივი ხელისუფლების ინფორმაციით 10 აგვისტოს 1 დაიღუპა, 29 კი დაშავდა. დაინგრა ათობით შენობა ნაგებობა.

შემთხვევა • 1761625245

ბოლო ცნობები თურქეთიდან - ძლიერი მიწისძვრის შედეგად 22 ადამიანი დაშავდა, დაინგრა რამდენიმე შენობა

ძლიერი მიწისძვრა მოხდა თურქეთში ორშაბათს, რის შედეგადაც ჩამოინგრა სულ მცირე სამი შენობა, რომლებიც უკვე დაზიანებული იყო წინა ბიძგის შედეგად.დაშავდა 22 ადამიანი.მიწისძვრის სიმძლავრე 6.1 მაგნიტუდას შეადგენდა.

მსოფლიო • 1761598149

თურქეთში ძლიერ მიწისძვრას ნგრევა მოჰყვა - ბოლო ცნობები

თურქეთში, ქალაქ ბალიქესირში 6,1 მაგნიტუდის სიმძლავრის მიწისძვრა მოხდა.ეპიცენტრი 10 კილომეტრის სიღრმეზე იყო. მიწისქვეშა ბიძგები ასევე იგრძნობოდა სტამბოლში, ბურსაში, იზმირსა და სხვა მიმდებარე პროვინციებში.მიწისძვრას ნგრევა მოჰყვა ბალიქესირის პროვინციაში. შემთხვევის ამსახველი კადრები ადგილობრივ მედიაში ვრცელდება.

მსოფლიო • 1761596668

თურქეთში 6,1 მაგნიტუდის სიმძლავრის მიწისძვრა მოხდა

თურქეთში ბალიქესირის პროვინციაში 6.1 მაგნიტუდის სიმძლავრის მიწისძვრა მოხდა.თურქული მედიის ინფორმაციით, მიწისქვეშა ბიძგები იგრძნობოდა სტამბოლში, ბურსაში, იზმირსა და სხვა მიმდებარე პროვინციებში. დაშავებულების ან ნგრევის შესახებ ინფორმაცია ამ დროისთვის არ ვრცელდება.

მსოფლიო • 1761593248

ერდოღანი: Eurofighter Typhoon-ის გამანადგურებლების მიწოდება ბრიტანეთთან სტრატეგიული ურთიერთობების განსაკუთრებული ნიშანია

თურქეთის პრეზიდენტმა, რეჯეფ თაიფ ერდოღანმა დიდი ბრიტანეთის პრემიერ-მინისტრთან, კირ სტარმერთან ანკარაში პირისპირი შეხვედრისა და სამუშაო სადილის შემდეგ ერთობლივი პრესკონფერენცია გამართა.„მთავრობათაშორისი მოლაპარაკებების ფარგლებში ხელი მოეწერა შეთანხმებას Eurofighter Typhoon-ის გამანადგურებლების მიწოდების შესახებ“, - განაცხადა ერდოღანმა.მან კმაყოფილება გამოთქვა დიდი ბრიტანეთის პრემიერ-მინისტრის თურქეთში ვიზიტის გამო.„როგორც სტრატეგიული პარტნიორები და მოკავშირეები, ჩვენ ვინარჩუნებთ მჭიდრო დიალოგს არა მხოლოდ ორმხრივ საკითხებზე, არამედ საერთაშორისო დღის წესრიგში არსებულ მრავალ პრობლემაზე. დღევანდელი მოლაპარაკებები ძირითადად სავაჭრო და თავდაცვით ურთიერთობებს დაეთმო. როგორც მოგეხსენებათ, დიდი ბრიტანეთი ჩვენი ქვეყნის ერთ-ერთი უმსხვილესი სავაჭრო და საინვესტიციო პარტნიორია. ჩვენ ვაპირებთ გავზარდოთ ვაჭრობის მოცულობა ჯერ 30 მილიარდ დოლარამდე, შემდეგ კი 40 მილიარდ დოლარამდე“, - აღნიშნა თურქეთის ლიდერმა.პრეზიდენტის თქმით, მხარეები მზადყოფნას გამოთქვამენ კიდევ უფრო გააძლიერონ ეკონომიკური ურთიერთობები.

მსოფლიო • 1761585786

რეჯეფ თაიფ ერდოღანმა და კირ სტარმერმა თურქეთში შეხვედრა გამართეს

თურქეთის პრეზიდენტი და დიდი ბრიტანეთის პრემიერ-მინისტრი ერთმანეთს შეხვდნენ. შეხვედრა თურქეთში გაიმართა. საუბარი შეეხო თურქეთისთვის 40 Typhoon-ის მიყიდვას.ერთ-ერთი წყაროს ცნობით, თურქეთი თავდაპირველად 12 Typhoon-ს მიიღებს, რომელიც კატარისა და ომანის მიერ იქნა გამოყენებული, ხოლო მომდევნო წლებში ახალ 28 Typhoon-ს. ეს კირ სტარმერის პირველი ოფიციალური ვიზიტია თურქეთში.როგორც „როიტერი“ წერს, ვიზიტის მიზანია ნატო-ს მოკავშირეების მიერ თავდაცვის სფეროში თანამშრომლობის გაღრმავება, ხოლო თურქეთი ცდილობს, გამოიყენოს ეს თანამედროვე გამანადგურებლები თავისი საჰაერო ძალების გასაძლიერებლად.

პოლიტიკა • 1761333598

ლევან იოსელიანი საკონსტიტუციო სასამართლოში შესატან სარჩელზე, რომელიც პარტიების აკრძალვას ეხება: საქართველო არ იქნება პირველი შემთხვევა, სადაც ეს მოხდება - ასეთი რამ გერმანიაში, ესპანეთსა და თურქეთშიც მომხდარა

სახალხო დამცველმა, ლევან იოსელიანმა პარტიების აკრძალვასთან დაკავშირებით საკონსტიტუციო სარჩელზე „ტვ პირველის“ ეთერში ისაუბრა. როგორც მან აღნიშნა, მსგავსი რამ სხვადასხვა ქვეყანაშიც მომხდარა.„ადამიანები, რომლებიც ადამიანის უფლებების სისტემურ ფეხქვეშ გათელვაში იღებდნენ მონაწილეობას, ვინც ამას ამართლებდა, იმ ადამიანების პოლიტიკაში ხილვა მე არ მინდა. არ მინდა ჩემს მომავალს განსაზღვრავდეს ის ადამიანი, ვინც გუშინ ციხეში ადამიანებს აწამებდა. საქართველო არ იქნება პირველი შემთხვევა, სადაც ეს [პარტიების აკრძალვა] მოხდება, ასეთი რამ გერმანიაში, ესპანეთსა და თურქეთშიც მომხდარა.ადამიანები, პარტიები, ვინც ადამიანის უფლებებს ფეხქვეშ თელავდა ან თელავს, ჩემი აზრით, მათ ჩვენ ჭკუა არ უნდა გვსწავლონ, ჩვენი მომავალი არ უნდა განსაზღვრონ და პოლიტიკური გადაწყვეტილებები არ უნდა მიიღონ“, - აღნიშნა ლევან იოსელიანმა.16 ოქტომბერს პარლამენტმა „საქართველოს საკონსტიტუციო სასამართლოს შესახებ“ კანონში ცვლილება მესამე მოსმენით მიიღო. ცვლილებების თანახმად, თუ საკონსტიტუციო სასამართლოს გადაწყვეტილებით კონკრეტული პარტია აიკრძალება, ამ პოლიტიკურ პარტიასთან დაკავშირებულ პირს ეკრძალება პოლიტიკური პარტიის დაფუძნება, პოლიტიკური პარტიის ხელმძღვანელობა, წევრობა, პარტიული თანამდებობის, სახელმწიფო-პოლიტიკური, პოლიტიკური თანამდებობისა და საქართველოს კონსტიტუციით გათვალისწინებული ორგანოს ხელმძღვანელი თანამდებობის დაკავება.