ასტროლოგია • 1750361890

„ვსაუბრობ ამ თემაზე, როგორი მძიმე მოსასმენიც არ უნდა იყოს...“ - გოგა მანია მიმართვას ავრცელებს

გოგა მანია სოციალურ ქსელში უახლეს წინასწარმეტყველებას ავრცელებს, რომელიც დღევანდელი რიცხვით, 19 ივნისით თარიღდება. ეზოტერიკოსი ამბობს, რომ ეს 2025 წლის ყველაზე მძიმე წინასწარმეტყველებაა.გოგა მანია ისრაელი-ირანის კონფლიქტსა და მსოფლიოში მიმდინარე მოვლენებზე საუბრობს.„ყველაზე მეტად რაც არ მინდა ასრულდეს, ეს არის, უმძიმესი აფეთქებით გამოწვეული რადიაცია. იმედია, არ გამართლდება ეს, რასაც ახლა ვამბობ, სხვა შემთხვევაში ძალიან დიდ ტრაგედიას მოიტანს.ისრაელ-ირანის ომში სხვა ქვეყნებიც ჩაერთვებიან. მომავალი 3-4 წელი მოვუნდებით ამ საკითხების გავლას, ნგრევას და ისევ შენებას.წლის მიწურულს, თურქეთში მოსალოდნელია კიდევ ერთი დამანგრეველი მიწისძვრა.მე ვსაუბრობ ამ თემაზე, როგორი მძიმე მოსასმენიც არ უნდა იყოს...“, - ამბობს გოგა მანია.ვრცლად, ნახეთ ვიდეო:

მსოფლიო • 1750355600

ირანის საგარეო საქმეთა მინისტრი 21 ივნისს თურქეთში ისლამური თანამშრომლობის ორგანიზაციის სამიტს დაესწრება

ირანის საგარეო საქმეთა მინისტრი აბას არაღჩი თურქეთში ისლამური თანამშრომლობის ორგანიზაციის სამიტს დაესწრება.შეხვედრა სტამბოლში, 21 ივნისს არის ჩანიშნული და ის ძირითადად მუსლიმური ქვეყნების სამთავრობოთაშორისი ჯგუფებისგან შედგება.ირანული მედიის ცნობით, სამიტზე ასევე გაიმართება საგანგებო სესია, სადაც ირანსა და ისრაელს შორის კონფლიქტის დარეგულირებაზე იმსჯელებენ.

საზოგადოება • 1750319940

„იმედს არ ვკარგავთ, ვილოცოთ რომასთვის...“ - 15 წლის ბიჭის, შესახებ რომელიც ავარიის დროს მძიმედ დაშავდა, ახალი ინფორმაცია ვრცელდება

15 წლის რომა დგებუაძის ჯანმრთელობის მდგომარეობის შესახებ, რომელიც ავარიის დროს მძიმედ დაშავდა ახალი ინფორმაცია ვრცელდება.„ზოგადი მდგომარეობა ისევ მძიმეა, მაგრამ იმედს არ ვკარგავთ, დღეს რომამ დრენაჟის გამოცვლის დროს ტკივილი იგრძნო და ფეხიც გაამოძრავა. რეფლექსები ისევ გამოვლინდა. ექიმები იმედს არ კარგავენ და არც ჩვენ არ გვაქვს ამის უფლება. ვილოცოთ რომასთვის “, – ნათქვამია სოციალურ ქსელში გავრცელებულ პოსტში.შეგახსენებენ, რომ  რომა დგებუაძეს 28 მარტს დაეჯახა მანქანა, ქუთაისში გაუკეთდა ოპერაცია, დაეწყო ტვინის შეშუპება და საჭირო გახდა თავის ქალის ტრეპანაცია. ბავშვი შეყვანის დღიდან არის კომატოზურ მდგომარეობაში.1 აპრილს რეანიმობილით ბავშვი თურქეთში გადაიყვანეს.

საზოგადოება • 1750315200

„ახლა თათულის სჭირდება კიდევ ერთი ოპერაცია...“ - რას ჰყვება დედა, ავარიის დროს დაშავებულ გოგონებზე, რომლებიც თვეებია, თურქეთში მკურნალობენ

2024 წლის 12 ოქტომბერს, უმძიმესი ავტოავარია ოსიაური-ხაშურის მონაკვეთზე მოხდა. 15 წლის ნიაკოს და 8 წლის თათულის მსუბუქი ავტომობილი იმ დროს დაეჯახა, როცა ბავშვები ექსკურსიის მიკროავტობუსიდან ჩამოვიდნენ და გზაზე გადასვლას ცდილობდნენ.ძალიან მძიმე იყო ბავშვების მდგომარეობა, უგონო მდგომარეობაში მყოფები სასწრაფოდ კლინიკაში გადაიყვანეს, არა ერთი ოპერაცია დასჭირდათ და მთელი საქართველო ლოცულობდა მათთვის. „კვირის პალიტრა“ გოგონების დედას ესაუბრა და მასთან ინტერვიუ ჩაწერა.დედა, სოფიო ხარშილაძე ამბობს, რომ შედეგი თვალში საცემია და ახლა მოუთმენლად ელოდება თათულის და ნიაკოს სრულად გამოჯანმრთელებას.უფლის სასწაულის მერე, ჯერ ქართველმა ექიმებმა მოახდინეს სასწაული, რომ იმ ღამეს გადარჩნენ ჩემი შვილები და მერე, თურქეთში, სადაც თითქმის უმოქმედო ბავშვები ჩამოვიყვანე - თავი, ხელი, ფეხი, თითი ვერაფერს ამოძრავებდნენ, ვერც სხდებოდნენ და ვერც დგებოდნენ. თათული უკვე დადის. ნიაკოც დაიწყებს ნაბიჯების გადადგმას.ჯერ ვერ მეტყველებენ. ექიმები მეუბნებიან, ჯერ ფეხზე უნდა გაიარონ დამოუკიდებლად და მერე მეტყველებაც წამოვაო, ამასაც ძალიან მალე ველოდებით.მართლა ძალიან მძიმე დღეები გამოვიარეთ... ცხოვრობ ადამიანი ბედნიერად და ერთ ღამეში ყველაფერი იცვლება... გარემო, სიტუაცია, ყოველდღიურობა, მაგრამ რომ ვუყურებ ამ თვეებს, როგორ თენდებოდა და ღამდებოდა, ცუდი არასოდეს მიფიქრია. სულ კარგს ვფიქრობდი, სულ ვფიქრობდი, რომ ყველაფერი სასიკეთოდ დამთავრდებოდა და როცა ხედავ, სულ წინ მიდიხარ, გიხარია.აქ გარემო ისეთია, ოჯახში უფრო გგონია თავი, ვიდრე - კლინიკაში. დედისთვის მძიმეა ასეთი რამის ყურება, ისეთი ბავშვები იყვნენ, რომ შეიძლება ითქვას ჰაერში დაფრინავდნენ, ლაღები, ბედნიერები, მოტივირებულები, მიზანდასახულები. მათი წარმატებებით ვხარობდით და რადიკალურად რომ იცვლება ყველაფერი, გული გწყდება, მაგრამ როცა ასეთი თბილი გარემო გხვდება, ეს ყველაფერი თითქოს დროებით გავიწყდება. უფრო სხვა თვალით, იმედით უყურებ ყველაფერს. სიმართლე გითხრათ, რაც აქ ვარ, არ მიტირია. სულ გამხიარულებენ, გეფერებიან, გესიყვარულებიან. ისე შეიყვარეს ჩემი შვილები, სულ ამბობენ, როცა წახვალთ, მოგვენატრებითო. ერთმანეთს ვეპატიჟებით - მეც რომ წავალ საქართველოში, აუცილებლად ჩამოდით და გიმასპინძლებთ-მეთქი.- ოპერაციები ისევ სჭირდებათ?- ახლა თათულის სჭირდება კიდევ ერთი ოპერაცია, თავი აქვს დასახური. მერე გაგრძელდება ერთთვიანი რეაბილიტაცია და თათულის სხვა არაფერი აღარ დასჭირდება, აღარც რეაბილიტაციის გაგრძელება და აღარც მკურნალობა. თათული ჭამს საჭმელს, კი ვეხმარები, მაგრამ მალე შეძლებს დამოუკიდებლად ჭამას და გავლას ჩვეულებრივად.ნიაკოს რაც შეეხება, ერთ ფეხზე შეიძლება დასჭირდეს ოპერაცია და აქ ჩამოყვანა... სრულად

პოლიტიკა • 1750261378

„იმედი გვაქვს, რომ ის დინამიკა, რაც უმაღლეს დონეზე ორ ქვეყანას შორის არსებობს, შენარჩუნდება და კიდევ უფრო გაღრმავდება“ - საქართველოს ელჩი თურქეთში

„ვიზიტი იყო ძალიან წარმატებული და დიდი იმედი გვაქვს, რომ ის დინამიკა, რაც უმაღლეს დონეზე ორ ქვეყანას შორის არსებობს, შენარჩუნდება და კიდევ უფრო გაღრმავდება,“ - ამის შესახებ საქართველოს საგანგებო და სრულუფლებიანმა ელჩმა თურქეთში, არჩილ კალანდიამ განაცხადა, რითაც ანკარაში, საქართველოს საპარლამენტო დელეგაციის ვიზიტი შეაფასა.„თურქეთთან გვაკავშირებს სტრატეგიულ-პარტნიორული ურთიერთობები. უმაღლეს დონეზე კონტრაქტები, დინამიკურად ვითარდება. უახლოეს პერიოდში, ჩვენ ველით, რომ, როგორც სავაჭრო-ეკონომიკური კუთხით, ბიზნეს და პოლიტიკური კონტაქტები კიდევ უფრო გაღრმავდება და ხარისხობრივად კიდევ უფრო მაღალ დონეზე გადავა.საერთო ჯამში, ვიზიტი იყო ძალიან წარმატებული და დიდი იმედი გვაქვს, რომ ის დინამიკა, რაც უმაღლეს დონეზე ორ ქვეყანას შორის არსებობს, შენარჩუნდება და კიდევ უფრო გაღრმავდება," - განაცხადა საქართველოს საგანგებო და სრულუფლებიანმა ელჩმა თურქეთში, არჩილ კალანდიამ.საპარლამენტო დელეგაციამ თურქეთში ვიზიტი დაასრულა. შედეგებზე შემაჯამებელი კომენტარი მედიასთან შალვა პაპუაშვილმა გააკეთა. მან თურქეთში გამართული შეხვედრების კონტექსტში, შუა დერეფნის მნიშვნელობაზე ისაუბრა. თქვა, რომ ორ ქვეყანას შორის საუბრის თემა, სწორედ არსებული გეოპოლიტიკური ვითარების ფონზე ის მნიშვნელოვანი პროექტები იყო, რომელსაც საფუძველი წლების წინ ჩაეყარა. ვიზიტის ფარგლებში სპიკერი ეროვნული ასამბლეის თავმჯდომარეს და მეგობარი ჯგუფის წევრებს შეხვდა.

პოლიტიკა • 1750259904

თურქეთთან, გარდა საზღვრისა, ძალიან ბევრი გადაკვეთის წერტილი გვაქვს და სამომავლოდ კიდევ უფრო ხშირი იქნება ჩვენი შეხვედრები - ილია ინჯია

"[თურქეთთან] გარდა საზღვრისა, ძალიან ბევრი გადაკვეთის წერტილი გვაქვს და სამომავლოდ კიდევ უფრო ხშირი იქნება ჩვენი შეხვედრები", - ამის შესახებ პარლამენტის თავმჯდომარის მოადგილემ, საპარლამენტო პოლიტიკური ჯგუფის "ევროპელი სოციალისტების" წევრმა ილია ინჯიამ განაცხადა."ძალიან ბევრ თემას შევეხეთ, მაგრამ ერთ-ერთი მნიშვნელოვანი თემა, რომელიც ჩვენმა და თურქეთის საპარლამენტო დელეგაციამ აღნიშნა, არის იმ მშვიდობიანი პოლიტიკის შენარჩუნება ჩვენს რეგიონში, რომელიც ასე მნიშვნელოვანია დღეს. რა თქმა უნდა, შევეხეთ ეკონომიურ მიმართულებას, პოლიტიკურ ხედვებს.გარდა საზღვრისა, ჩვენ ძალიან ბევრი გადაკვეთის წერტილი გვაქვს და სამომავლოდ კიდევ უფრო ხშირი იქნება ჩვენი შეხვედრები", - განაცხადა ილია ინჯიამ.საპარლამენტო დელეგაციამ თურქეთში ვიზიტი დაასრულა. შედეგებზე შემაჯამებელი კომენტარი მედიასთან შალვა პაპუაშვილმა გააკეთა. მან თურქეთში გამართული შეხვედრების კონტექსტში, შუა დერეფნის მნიშვნელობაზე ისაუბრა. თქვა, რომ ორ ქვეყანას შორის საუბრის თემა, სწორედ არსებული გეოპოლიტიკური ვითარების ფონზე ის მნიშვნელოვანი პროექტები იყო, რომელსაც საფუძველი წლების წინ ჩაეყარა. ვიზიტის ფარგლებში სპიკერი ეროვნული ასამბლეის თავმჯდომარეს და მეგობარი ჯგუფის წევრებს შეხვდა.

პოლიტიკა • 1750234784

ნიკოლოზ სამხარაძემ თურქ კოლეგასთან უსაფრთხოების საკითხებზე ისაუბრა

საგარეო ურთიერთობათა კომიტეტის თავმჯდომარე ნიკოლოზ სამხარაძე თურქეთის პარლამენტის საგარეო ურთიერთობათა კომიტეტის თავმჯდომარეს, ფუატ ოქტაის შეხვდა.განხილვის მთავარი თემა იყო უსაფრთხოების საკითხები და რეგიონის სიახლოვეს მიმდინარე კონფლიქტები, მათ შორის, რუსეთ-უკრაინის ომი, ირანსა და ისრაელს შორის მიმდინარე კონფლიქტი და ზოგადად, ახლო აღმოსავლეთში მიმდინარე პროცესები. მხარეებმა ხაზი გაუსვეს სომხეთსა და აზერბაიჯანს შორის კონფლიქტის მშვიდობიანად გადაწყვეტის პროცესში საქართველოსა და თურქეთის მნიშვნელოვან როლს.კომიტეტების თავმჯდომარეებმა საქართველოსა და თურქეთში არსებულ შიდაპოლიტიკურ ვითარებაზე და ორ ქვეყანას შორის არსებულ ურთიერთობებზე, მათ შორის, სავაჭრო-ეკონომიკური თანამშრომლობის გაძლიერებაზე ისაუბრეს.„საინტერესო და დროული შეხვედრა მქონდა თურქ კოლეგასთან. უსაფრთხოების საკითხებთან ერთად, ორ ქვეყანას შორის არსებულ ურთიერთობებზე, სავაჭრო ბრუნვის კიდევ უფრო მეტად გაზრდაზე და შუა დერეფნის სატრანსპორტო და ლოჯისტიკური პოტენციალის მაქსიმალურად ათვისებაზე ვისაუბრეთ. საუბარი ასევე გვქონდა ორმხრივ ურთიერთობებში დადებით დინამიკაზე, რომლის კარგი მაგალითიც არის ის მრავალი ვიზიტი, რომელიც ორ ქვეყანას შორის წელს უკვე შედგა და ასევე სამომავლო ვიზიტები, მათ შორის, მომავალ თვეში დაგეგმილი საქართველოს პრეზიდენტის ვიზიტი თურქეთში“ - განაცხადა ნიკოლოზ სამხარაძემ.საგარეო ურთიერთობათა კომიტეტის თავმჯდომარემ თურქ კოლეგას საქართველოს ოკუპირებულ რეგიონებში არსებულ ვითარებასთან დაკავშირებით ინფორმაცია მიაწოდა.ნიკოლოზ სამხარაძემ ფუატ ოქტაის დახმარება სთხოვა სირიის ახალ ხელისუფლებასთან, რომ სირიამ აფხაზეთის და ცხინვალის ე.წ. დამოუკიდებლობის აღიარება უკან წაიღოს.მხარეებმა, კომიტეტების სამომავლო თანამშრომლობაზე ისაუბრეს. მიმდინარე წელს უკვე დაგეგმილია საქართველო-აზერბაიჯანი-თურქეთის საგარეო ურთიერთობათა კომიტეტების სამმხრივი შეხვედრა.ნიკოლოზ სამხარაძემ თურქეთის საგარეო ურთიერთობათა კომიტეტის თავმჯდომარე 2026 წელს, ოფიციალური ვიზიტით თბილისში მოიწვია.ინფორმაციას საქართველოს პარლამენტი ავრცელებს.

პოლიტიკა • 1750232563

შევთანხმდით, რომ საქართველო - თურქეთი - აზერბაიჯანის სამმხრივი ფორმატი, პარლამენტის თავმჯდომარეების დონეზე, უნდა გამოვაცოცხლოთ და პირველი შეხვედრა წელსვე გაიმართოს - შალვა პაპუაშვილი

"სამი წლის წინ, როდესაც თურქეთის პარლამენტის თავმჯდომარე სტუმრობდა საქართველოს, საქართველოსა და თურქეთის პარლამენტს შორის დაიდო თანამშრომლობის მემორანდუმი, სადაც გაწერილია ის ჩარჩო, რომელშიც პარლამენტი, მეგობრობის ჯგუფები, კომიტეტები და აპარატი თანამშრომლობს. ზუსტად ამ თანამშრომლობის განხილვა და სამომავლო გეგმების დასახვა მოხვდა," - ეს განცხადება საქართველოს პარლამენტის თავმჯდომარემ, შალვა პაპუაშვილმა გააკეთა, რომელიც ოფიციალური ვიზიტით თურქეთში იმყოფება.მისივე თქმით, შედგა შეთანხმება, რომ წელსვე გაიმართოს სამმხრივი შეხვედრა საქართველოს, თურქეთისა და აზერბაიჯანის პარლამენტის თავმჯდომარეებს შორის, რათა მოხდეს შეთანხმება რამდენიმე საკვანძო საკითხზე."უახლოეს პერიოდში, ჩვენ გვექნება კომიტეტების ვიზიტები, როგორც თურქეთიდან საქართველოში, ისე საქართველოდან თურქეთში. მნიშვნელოვანია, რომ ჩვენ შევთანხმდით, რომ საქართველო - თურქეთი - აზერბაიჯანის სამმხრივი ფორმატი, პარლამენტის თავმჯდომარეების დონეზე, უნდა გამოვაცოცხლოთ და პირველი შეხვედრა წელსვე გაიმართოს, რათა ორმხრივი თანამშრომლობა პარლამენტებს შორის გადავიყვანოთ რეგიონულ თანამშრომლობაში იმისთვის, რომ გვქონდეს შესაძლებლობა, თანხვედრაში მოვიყვანოთ ერთმანეთთან პარლამენტების დღის წესრიგი და ხედვები უსაფრთხოების, ეკონომიკური განვითარების და რეგიონული თანამშრომლობის საკითხებზე," - აცხადებს შალვა პაპუაშვილი.

პოლიტიკა • 1750222849

თურქეთში შალვა პაპუაშვილის ვიზიტი გრძელდება

თურქეთში საქართველოს პარლამენტის თავმჯდომარის, შალვა პაპუაშვილის ვიზიტი გრძელდება. პარლამენტის თავმჯდომარე დღესაც გამართავს უმაღლესი დონის, ორმხრივ შეხვედრებს.საკანონმდებლო ორგანოს ხელმძღვანელი მეზობელ ქვეყანაში თავისი თურქი კოლეგის მიწვევით იმყოფება. უკვე შედგა მათი პირისპირ შეხვედრა. სხვა თემებთან ერთად, აღინიშნა, რომ იგეგმება საქართველოს, თურქეთისა და აზერბაიჯანის პარლამენტების თავმჯდომარეების სამმხრივი შეხვედრის განახლება.მსოფლიოსა და რეგიონში მიმდინარე რთული პროცესების ფონზე, ოფიციალურ თბილისსა და ანკარას შორის კონტაქტების გამყარების აუცილებლობაზე საუბრობენ ქართული დელეგაციის წევრებიც."განვიხილეთ სამხრეთ კავკასიის პრობლემები - მათ შორის, მივაწოდე, მას განახლებული ინფორმაცია, თუ რა ხდება ოკუპირებულ ტერიტორიებზე. ასევე, გვქონდა საუბარი ახლო აღმოსავლეთის პრობლემატიკაზე, იმ მოვლენებზე, რომელიც დღეს ვითარდება ისრაელსა და ირანს შორის და ჩვენ ორივე მხარემ გამოვთქვით შეშფოთება იმასთან დაკავშირებით, რომ ეს კონფლიქტი შეიძლება გადაიზარდოს ფართომასშტაბიან ომში. ასევე, გვქონდა საუბარი ორმხრივ ურთიერთობაზე, მათ შორის, შუა დერეფნის კიდევ უფრო მეტად განვითარებაზე, ასევე ბაქო - თბილისი - ყარსის რკინიგზის სრულფასოვანი პოტენციალის ათვისებაზე," - აცხადებს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე.

პოლიტიკა • 1750161196

შეხვედრაზე არაერთი მნიშვნელოვანი საკითხი განვიხილეთ კავკასიის რეგიონში მშვიდობისა და სტაბილურობის ხელშეწყობასთან დაკავშირებით - განსაკუთრებული ყურადღება გავამახვილეთ შუა დერეფნის მზარდ გეოპოლიტიკურ მნიშვნელობაზე - პაპუაშვილი

მოხარული ვარ, რომ ოფიციალური ვიზიტით საქართველოს მეგობარ ქვეყანაში, თურქეთში ვიმყოფები. გულწრფელ მადლობას ვუხდი ჩემს კოლეგა ბატონ ნუმან ქურთულმუშს გულთბილი მასპინძლობისთვის და ნაყოფიერი შეხვედრისთვის, - განაცხადა საქართველოს პარლამენტის თავმჯდომარე შალვა პაპუაშვილმა თურქეთის დიდი ეროვნული ასამბლეის თავმჯდომარე ნუმან ქურთულმუშთან შეხვედრის შემდეგ მედიასთან.როგორც პარლამენტის თავმჯდომარემ აღნიშნა, საქართველოსა და თურქეთს შორის მეგობრობა ძლიერ კეთილმეზობლურ კავშირებს ეფუძნება, რომლებიც მტკიცე და მრავალმხრივ სტრატეგიულ პარტნიორობაში გადაიზარდა.მისი თქმით, დღევანდელ ტურბულენტურ რეალობაში, ჩვენს ქვეყნებს შორის ურთიერთპატივისცემასა და ნდობაზე დაფუძნებული ურთიერთობა, რომელიც წლიდან წლამდე ძლიერდება, განსაკუთრებით ღირებულია.,,დღევანდელ შეხვედრაზე არაერთი მნიშვნელოვანი საკითხი განვიხილეთ, მათ შორის, საპარლამენტო კავშირების გაღრმავება, ასევე, ეკონომიკის, განათლების სექტორებში თანამშრომლობა. ხაზი გავუსვით ჩვენს საერთო ხედვას კავკასიის რეგიონში მშვიდობისა და სტაბილურობის ხელშეწყობასთან დაკავშირებით. განსაკუთრებული ყურადღება გავამახვილეთ შუა დერეფნის მზარდ გეოპოლიტიკურ მნიშვნელობაზე. შუა დერეფანი ჩვენი საერთო მომავლის სიმბოლოა, რომელიც აძლიერებს ევროპასა და აზიას შორის ეკონომიკურ კავშირებს, უზრუნველყოფს რეგიონულ თანამშრომლობას, ენერგოუსაფრთხოებას, ციფრულ დაკავშირებადობას, მდგრად განვითარებას. თურქეთს ძალიან მნიშვნელოვან პარტნიორად მივიჩნევთ ამ მარშრუტის პოტენციალის სრულად ათვისების საქმეში.ამასთანავე, აღვნიშნეთ, რომ მნიშვნელოვანია ხალხთაშორისი კავშირების შემდგომი განვითარება, მათ შორის, კულტურული და საგანმანათლებლო გაცვლები.კიდევ ერთხელ ვადასტურებ ჩემს სრულ მზაობას, გავაძლიეროთ საპარლამენტთაშორისო დიალოგი, რაც დადებითად აისახება ჩვენს ქვეყნებს შორის ორმხრივ ურთიერთობებზე. ორივე საკანონმდებლო ორგანოში მოქმედებს მეგობრობის ჯგუფები, რომლებიც, აგრეთვე, აქტიურად ითანამშრომლებენ,” - განაცხადა შალვა პაპუაშვილმა.პარლამენტის თავმჯდომარემ ასევე ისაუბრა რეგიონული სტაბილურობის ხელშეწყობაზე.„მინდა მადლობა გადავუხადო ბატონ თავმჯდომარეს მისი ინიციატივისთვის, რომ სამმხრივი ფორმატი: თურქეთის, აზერბაიჯანის და საქართველოს პარლამენტის თავმჯდომარეების დონეზე განახლდეს. შეხვედრა, რომელიც დაგეგმილი იყო 2023 წელს, თურქეთში მომხდარი მიწისძვრის გამო გადაიდო. სამივე პარლამენტი მზად არის, რომ ეს ფორმატი განახლდეს და პარლამენტის თავმჯდომარეების დონეზე პირველი შეხვედრა თურქეთში შედგეს, რისთვისაც მინდა მადლობა გადავუხადო თურქეთის პარლამენტის თავმჯდომარეს“, - განაცხადა შალვა პაპუაშვილმა.მისი თქმით, თურქეთში ვიზიტი, პარლამენტებს შორის კავშირების შემდგომ განმტკიცებაში დიდ წვლილს შეიტანს.საქართველოს პარლამენტის თავმჯდომარე შალვა პაპუაშვილი ოფიციალური ვიზიტით თურქეთის დედაქალაქ ანკარაში იმყოფება.

პოლიტიკა • 1750160445

შალვა პაპუაშვილი თურქეთის დიდი ეროვნული ასამბლეის თავმჯდომარეს შეხვდა

საქართველოს პარლამენტის თავმჯდომარე შალვა პაპუაშვილი თურქეთის დიდი ეროვნული ასამბლეის თავმჯდომარეს, ნუმან ქურთულმუშს შეხვდა.შეხვედრაზე აღინიშნა, რომ საქართველომ და თურქეთმა მნიშვნელოვან წარმატებას მიაღწიეს ორმხრივ და მრავალმხრივ თანამშრომლობაში, რაც ასახვას პოვებს როგორც ეკონომიკურ, ისე პოლიტიკურ განზომილებებში. ყურადღება გამახვილდა მაღალი დონის ვიზიტების დინამიკაზე.შალვა პაპუაშვილმა თურქულ მხარეს მადლობა გადაუხადა საქართველოს ტერიტორიული მთლიანობისა და არაღიარების პოლიტიკის ურყევი მხარდაჭერისთვის.მხარეებმა განიხილეს დადებითი დინამიკა საპარლამენტო ურთიერთობებში და კავშირების შემდგომი გაღრმავების მზაობა გამოხატეს. ამ კუთხით, ხაზი გაესვა საპარლამენტო მეგობრობის ჯგუფების განსაკუთრებულ როლს.მხარეებმა ხაზი გაუსვეს საპარლამენტო თანამშრომლობის სამმხრივი ფორმატების მნიშვნელობას და აღნიშნეს, რომ იგეგმება საქართველოს, აზერბაიჯანისა და თურქეთის პარლამენტების თავმჯდომარეების დონეზე სამმხრივი შეხვედრის კვლავ გამართვა.საუბარი, ასევე, შეეხო რეგიონსა და მსოფლიოში მიმდინარე პროცესებს. აღინიშნა რეგიონული მშვიდობისა და სტაბილურობის ხელშეწყობაზე ერთობლივი მუშაობის მნიშვნელობა.შეხვედრაზე განიხილეს რეგიონული და სტრატეგიული მნიშვნელობის პროექტები. აღინიშნა ენერგო და სატრანსპორტო დაკავშირებადობის გაუმჯობესებაზე მუშაობის მზაობა, რაც შუა დერეფნის პოტენციალის სრულად ათვისებაზე იქნება მიმართული.შალვა პაპუაშვილმა ნუმან ქურთულმუში საპასუხო ოფიციალური ვიზიტით საქართველოში მოიწვია.შეხვედრის შემდეგ, მხარეებმა ერთობლივი პრესკონფერენცია გამართეს.შეხვედრა შედგა შალვა პაპუაშვილის მიერ თურქეთში მიმდინარე ოფიციალური ვიზიტის ფარგლებში. საპარლამენტო დელეგაციაში შედიან: საქართველოს პარლამენტის თავმჯდომარის მოადგილე ილია ინჯია; საგარეო ურთიერთობათა კომიტეტის თავმჯდომარე ნიკოლოზ სამხარაძე; თავდაცვისა და უშიშროების კომიტეტის თავმჯდომარე ალექსანდრე ტაბატაძე; თურქეთის რესპუბლიკის პარლამენტთან მეგობრობის ჯგუფის ხელმძღვანელი გიორგი ჭყონია.ინფორმაციას საქართველოს პარლამენტის პრესსამსახური ავრცელებს.

პოლიტიკა • 1750159896

მადლობა თურქეთის პარლამენტის თავმჯდომარეს ინიციატივისთვის, რომ განახლდეს სამმხრივი ფორმატი, თურქეთის, აზერბაიჯანისა და საქართველოს პარლამენტის თავმჯდომარეების დონეზე - შალვა პაპუაშვილი

მინდა, მადლობა გადავუხადო თურქეთის დიდი ეროვნული ასამბლეის თავმჯდომარეს მისი ინიციატივისთვის, რომ განახლდეს სამმხრივი ფორმატი, თურქეთის, აზერბაიჯანისა და საქართველოს პარლამენტის თავმჯდომარეების დონეზე და შედგეს შეხვედრა სამმხრივ ფორმატში, – ამის შესახებ საქართველოს პარლამენტის თავმჯდომარემ, შალვა პაპუაშვილმა თურქეთის დიდი ეროვნული ასამბლეის თავმჯდომარესთან, რუმან ქურთულმუშთან ერთობლივ ბრიფინგზე განაცხადა.პაპუაშვილის თქმით, სამივე ქვეყნის პარლამენტი ამისთვის მზად არის.„შეხვედრა, რომელიც დაგეგმილი იყო 2023 წელს, თურქეთში მომხდარი მძიმე მიწისძვრის გამო გადაიდო. სამივე ქვეყნის პარლამენტი მზად არის, ეს ფორმატი განახლდეს და პირველი შეხვედრა შედგეს პარლამენტის თავმჯდომარეების დონეზე თურქეთში. ამისთვის, მინდა, დიდი მადლობა გადავუხადო თურქეთის პარლამენტის თავმჯდომარეს. კიდევ ერთხელ, მადლობა თბილი მიღებისთვის. დარწმუნებული ვარ, ჩემი ვიზიტი დიდ წვლილს შეიტანს ჩვენს პარლამენტებს შორის კავშირების გაღრმავებაში. დიდი მადლობა თქვენ და მადლობა თურქეთის პარლამენტს“, – განაცხადა შალვა პაპუაშვილმა.