მსოფლიო • 1782845292

Reuters: გერმანია ითხოვს ევროკომისიის მიერ 2028-2034 წლებისთვის შეთავაზებული 2 ტრილიონი ევროს ბიუჯეტის 400 მილიარდი ევროთი შემცირებას

გერმანია ითხოვს ევროკომისიის მიერ 2028-2034 წლებისთვის შეთავაზებული 2 ტრილიონი ევროს ბიუჯეტის 400 მილიარდი ევროთი შემცირებას. ინფორმაციას ამის შესახებ სააგენტო Reuters ავრცელებს.ვინაიდან ევროკავშირის ბიუჯეტი 27-ვე წევრი სახელმწიფოს ერთსულოვნებას მოითხოვს, გერმანიის მკვეთრი წინააღმდეგობა რთულ ბრძოლას მოასწავებს - ბერლინი აფრთხილებს, რომ „ამ სახით შეთანხმება შეუძლებელია“.ევროკავშირის უმსხვილესი კონტრიბუტორის რანგში, გერმანია შეშფოთებულია მომდევნო შვიდწლიანი ბიუჯეტის შემოთავაზებული მასშტაბით, რაც მნიშვნელოვანი ზრდაა 2021-2027 წლების 1.3 ტრილიონი ევროს ბიუჯეტთან შედარებით.ბერლინი ამტკიცებს, რომ 400 მილიარდი ევროს შემცირების შემთხვევაშიც კი, ბიუჯეტი მაინც 27%-ით მეტი იქნება მიმდინარეზე, რაც გერმანიის წლიურ შენატანს 50 მილიარდ ევროზე მეტს გახდის.ფრიდრიხ მერცმა მოუწოდა წევრ სახელმწიფოებს, მიმდინარე წელს მიაღწიონ შეთანხმებას, რათა უზრუნველყოფილი იყოს დაგეგმვის სტაბილურობა 2028 წლის იანვარში ბიუჯეტის ამოქმედებამდე, მით უმეტეს, რომ 2027 წელს საფრანგეთში, პოლონეთსა და იტალიაში მნიშვნელოვანი არჩევნებია დაგეგმილი.

მსოფლიო • 1782838920

გერმანია ევროკავშირის ბიუჯეტის 400 მილიარდი ევროთი შემცირებას ითხოვს - „როიტერი“

გერმანია ევროკავშირის ბიუჯეტის 400 მილიარდი ევროთი შემცირებას მოითხოვს. ამის შესახებ „როიტერი“ წერს.ევროკომისიამ 2028-2034 წლებისთვის 2-ტრილიონიანი ბიუჯეტი განსაზღვრა. გერმანია ამ გეგმას არარეალისტურად მიიჩნევს.„ყოველწლიური ფინანსური ჩარჩო“, რომელსაც ევროკავშირის ბიუჯეტის სახელით ვიცნობთ, 27-ვე წევრი ქვეყნის ერთსულოვან თანხმობას საჭიროებს. გერმანია, როგორც ევროკავშირის უმსხვილესი კონტრიბუტორი, შეშფოთებულია მომდევნო შვიდი წლის ბიუჯეტის მასშტაბით, რომელიც 2021-2027 წლების 1.3- ტრილიონიან ბიუჯეტს მნიშვნელოვნად აღემატება“, – წერს „როიტერი“.მედიის ცნობით, ბერლინში მიაჩნიათ, რომ მათ მიერ მოთხოვნილი 400-მილიარდიანი შემცირების პირობებშიც კი მომავალი წლების ბიუჯეტი 27%-ით მეტი იქნება, ვიდრე ამჟამადაა, და გერმანიის ყოველწლიური შენატანი 50 მილიარდ ევროს გადააჭარბებს.კანცლერი ფრიდრიხ მერცი წევრ სახელმწიფოებს მოუწოდებს, წელსვე შეათანხმონ პირობები, რომ 2028 წლის იანვრისთვის, როდესაც ახალი ბიუჯეტი ძალაში უნდა შევიდეს, საკმარისი დრო დარჩეს დეტალების დასაგეგმად. ასევე, იმის გათვალისწინებით, რომ 2027 წელს საფრანგეთში, პოლონეთსა და იტალიაში არჩევნები ტარდება.

მსოფლიო • 1782236364

POLITICO: ბუდაპეშტმა უკრაინისა და მოლდოვისთვის მოლაპარაკებების ყველა ოფიციალური თავის გახსნის პროცესი შეაფერხა

უნგრეთმა შეაფერხა პროცედურული ნაბიჯი, რომელიც აუცილებელია უკრაინისა და მოლდოვის ევროკავშირში გაწევრიანების შესახებ განაცხადების განსახილველად. ინფორმაციას ამის შესახებ გამოცემა POLITICO ევროპელ დიპლომატებზე დაყრდნობით ავრცელებს.კიევმა და კიშინაუმ ბლოკში გაწევრიანების გზაზე მნიშვნელოვან ეტაპს მიაღწიეს, როდესაც 15 ივნისს ევროკავშირის ქვეყნებმა ერთხმად დაუჭირეს მხარი ორივე ქვეყნისთვის მოლაპარაკებების პირველი ოფიციალური თავის გახსნას.ეს პროცესი წლების განმავლობაში შეფერხებული იყო უნგრეთის ყოფილი პრემიერ-მინისტრის, ვიქტორ ორბანის მიერ, რომელიც უკრაინის ევროკავშირში გაწევრიანების წინააღმდეგი იყო.ამჟამად ორივე ქვეყანა ევროკავშირში გაწევრიანების პროცესის სწრაფად წინ წაწევას იმედოვნებს. უკრაინის ვიცე-პრემიერმა, ტარას კაჩკამ ამ თვის დასაწყისში POLITICO-ს განუცხადა, რომ კიევი მიზნად ისახავს მოლაპარაკებების ექვსივე კლასტერის გახსნას ივლისის შუა რიცხვებისთვის.თუმცა, ეს ვადები ახლა კითხვის ნიშნის ქვეშ დადგა მას შემდეგ, რაც სამშაბათს უნგრეთმა უარი განაცხადა ევროპული საბჭოსა და კომისიისთვის იმ წერილის გაგზავნაზე, რომელიც ევროკავშირის 27 წევრი ქვეყნის სახელით მათ ერთობლივ პოზიციას ასახავს.დიპლომატების თქმით, უნგრეთი ერთადერთი ქვეყანა იყო, რომელმაც აღნიშნულ ნაბიჯს მხარი არ დაუჭირა. ვინაიდან გადაწყვეტილება 27-ვე წევრის ერთსულოვან თანხმობას საჭიროებს, საკითხს მომავალ კვირას კვლავ განიხილავენ.ბრიუსელში უნგრეთის მუდმივი წარმომადგენლობის სპიკერმა კომენტარის მოთხოვნაზე პასუხი არ გასცა.ერთ-ერთი დიპლომატის განცხადებით, მიუხედავად იმისა, რომ მადიარს უკრაინისთვის მოლაპარაკებების პირველი კლასტერის გახსნისთვის ხელი არ შეუშლია, მისმა მთავრობამ ბრიუსელში გასულ კვირას გამართული ევროკავშირის ლიდერების შეხვედრის დასკვნით დოკუმენტში უკრაინის ევროკავშირში გაწევრიანებასთან დაკავშირებული ფრაზის - „რაც შეიძლება მალე“ - ამოღება მოითხოვა.

საზოგადოება • 1782218882

საქართველოს საპატრიარქო ინგუშეთში დატრიალებულ ტრაგედიასთან დაკავშირებით სამძიმრის წერილს აქვეყნებს

საქართველოს საპატრიარქოს საზოგადოებასთან ურთიერთობის სამსახური ინგუშეთში დატრიალებულ ტრაგედიასთან დაკავშირებით სამძიმრის წერილს აქვეყნებს.როგორც წერილშია ნათქვამი, ეს ტრაგიკული ამბავი ქართველმა ერმა დიდი ტკივილით მიიღო, მრავალი ადამიანი გულწრფელი თანაგრძნობითა და ცრემლით გამოეხმაურა მომხდარს, რაც კიდევ ერთხელ ადასტურებს ხალხებს შორის არსებულ ძმურ ერთობასა და სიყვარულს.„ქართველ და ინგუშ ხალხებს გამორჩეული და მტკიცე მეგობრობა, მრავალჭირგადატანილი და წარუშლელი ისტორია გვაკავშირებს.ბოლო დღეებში შეშფოთებით ვადევნებდით თვალს მოვლენებს. ყველა განსაკუთრებით შეგვძრა ინგუშეთში დატრიალებულმა ტრაგედიამ.პატარა ინგუშმა ბიჭმა, ხიზირ დერბიჩევმა მეგობრის გადასარჩენად საკუთარი სიცოცხლე გაიღო.მართლაც, საოცარია ამ პატარა ბავშვის სიმამაცე და მეგობრისადმი თავდადება. ის ბევრი ზრდასრულისთვის თავგანწირვისა და ადამიანობის ნიმუშად იქცა. ამ საერთო ტკივილმა თითქოს ჩვენი გულები გააერთიანა და, დიდ მწუხარებასთან ერთად, სიმტკიცისა და ერთობის ძალა განგვაცდევინა. მოყვასისათვის ზვარაკად გაღებულმა სიცოცხლემ კიდევ ერთხელ გვასწავლა, თუ რა არის ნამდვილი გმირობა და ვაჟკაცობა.ეს ტრაგიკული ამბავი ქართველმა ერმა დიდი ტკივილით მიიღო, მრავალი ადამიანი გულწრფელი თანაგრძნობითა და ცრემლით გამოეხმაურა მომხდარს, რაც კიდევ ერთხელ ადასტურებს ჩვენს ხალხებს შორის არსებულ ძმურ ერთობასა და სიყვარულს.გულითად სამძიმარს ვუცხადებთ გარდაცვლილი ხიზირის მშობლებს, ოჯახსა და ახლობლებს. ნუგეში და მხნეობა მიმადლოს მათ უფალმა.თანავუგრძნობთ მთელ ინგუშ ხალხს, ძლიერ და მედგარ ერს, რომელმაც, თავის მხრივ, ამ მძიმე დღეებში კიდევ ერთხელ გამოავლინა საოცარი ერთსულოვნება და სიმტკიცე“, - აღნიშნულია სამძიმრის წერილში.

სპორტი • 1781950765

ქართველების სადებიუტო ბრძოლები UFC-ში - ორი ახალი ძალა

21 ივნისს ლევან ჩოხელი და ოთარ თანზილოვი UFC-ში თავიანთ სადებიუტო ბრძოლას გამართავენ. მოვლენა ნამდვილად გამორჩეულია, რადგან ალექსანდრე თოფურიას შემდეგ, მსოფლიოს მთავარ პრომოუშენში ახალი ქართველი სახეები აღარ გამოჩენილან. მათი პირველი ჩხუბის წინ, გავიხსენოთ თუ როგორი დებიუტი ჰქონდათ ჩვენს მებრძოლებს UFC-ში.ალექსანდრე თოფურია V კოლბი თიქნესი | UFC 312: Du Plessis vs. Strickland 2 | 08/02/2025 | მოგება, ერთსულოვანი გადაწყვეტილებითთოფურიასა და თიქნესის ბრძოლა საკმაოდ საინტერესო და მნიშვნელოვანი მოვლენა იყო, რადგან ორივე სპორტსმენისთვის ეს UFC-ში სადებიუტო ჩხუბს წარმოადგენდა. ამ დუელს დამატებითი ინტრიგა იმიტომ ჰქონდა, რომ კოლბი ალექს ვოლკანოვსკის გუნდელია და ლეგენდარული ქვემსუბუქწონოსანი მის კუთხეში იყო.ალექსანდრეს მხარეს კი რა თქმა უნდა, ილია თოფურია იდგა. გამომდინარე იქიდან, რომ დაუმარცხებელმა ჩემპიონმა ავსტრალიელი მეტოქე დაამარცხა, ძმებისა და მეგობარი გუნდელების დუელს მედიამ დიდი ყურადღება დაუთმო. რაც შეეხება შედეგს, ქართველმა სუპერმსუბუქწონოსანმა ერთსულოვანი გადაწყვეტილებით მოიგო.გიგა ჭიკაძე V ბრენდონ დევისი | UFC on ESPN+ 18: Hermansson vs. Cannonier | 28/09/2019 | მოგება, გაყოფილი გადაწყვეტილებითჭიკაძემ UFC-თან კონტრაქტი ბრძოლამდე სულ რაღაც ორი კვირით ადრე გააფორმა, მას შემდეგ, რაც დევისის თავდაპირველი მეტოქე ტრავმის გამო ჩხუბს ჩაეხსნა. გიგას არ ჰქონდა სრულფასოვანი მოსამზადებელი კემპი, მაგრამ შანსი მან ხელიდან არ გაუშვა. ბრენდონი კი იმ დროისთვის უკვე გამოცდილი მებრძოლი იყო, რაც ქართველი ქვემსუბუქწონოსნისთვის დიდ გამოცდას ნიშნავდა.რაც შეეხება შედეგს, აქ ერთი სახალისო და უცნაური ფაქტი მოხდა - ბრიუს ბაფერმა შეცდომით გამოაცხადა, რომ ბრძოლა ფრედ დასრულდა, თუმცა რამდენიმე წამში შეცდომა გამოასწორა, ბოდიში მოიხადა და მოგებულად "ნინძა" გამოაცხადა.  განაგრძეთ კითხვა...

ტაბლოიდი • 1781644205

ვინ არის ალექსანდრე თოფურიას უმშვენიერესი შეყვარებული

UFC-ის ქართველი ჩემპიონის, ილია თოფურიას ძმა, ალექსანდრე თოფურია, რომელმაც ცოტა ხნის წინ სადებიუტო ბრძოლაში ავსტრალიელი კოლბი თიქნესი მსაჯთა ერთსულოვანი გადაწყვეტილებით დაამარცხა, საზოგადოების განსაკუთრებული ყურადღების ცენტრში მოექცა.გავრცელებული ინფორმაციით, ალექსანდრე შეყვარებულია.მისი რჩეული 26 წლის ბელენ სარიონ ვილედაა. ცნობილია, რომ ის გაყიდვების სფეროში მუშაობს და წარსულში ესპანეთში, პარფიუმერიის მაღაზიაში საქმიანობდა.წყვილი ურთიერთობას საჯაროდ არ აფიშირებს. 

საზოგადოება • 1781539800

საქართველოსა და სერბეთის პრეზიდენტები, მეუღლეებთან ერთად, პატრიარქ შიო მესამეს შეხვდნენ

საქართველოსა და სერბეთის პრეზიდენტები, მეუღლეებთან ერთად, სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტ უწმინდეს და უნეტარეს, შიო მესამეს შეხვდნენ. ამის შესახებ ინფორმაციას საქართველოს პრეზიდენტი მიხეილ ყაველაშვილი სოციალურ ქსელში ავრცელებს.შეხვედრა სერბეთის რესპუბლიკის პრეზიდენტის, ალექსანდრ ვუჩიჩის საქართველოში ოფიციალური ვიზიტის ფარგლებში, საქართველოს საპატრიარქოში გაიმართა.„უდიდესი პატივი იყო, ჩვენს ძვირფას სტუმრებთან ერთად, შევხვედროდით უწმინდესსა და უნეტარეს, სრულიად საქართველოს კათოლიკოს-პატრიარქ, მცხეთა-თბილისის მთავარეპისკოპოს და ბიჭვინთისა და ცხუმ-აფხაზეთის მიტროპოლიტ შიო მესამეს.შეხვედრაზე ვისაუბრეთ ჩვენს მართლმადიდებელ ერებს შორის არსებულ მრავალსაუკუნოვან ისტორიულ, კულტურულ და სულიერ კავშირებზე. კიდევ ერთხელ ერთსულოვნად გავუსვით ხაზი ორმხრივი მეგობრული ურთიერთობების შემდგომი გაღრმავებისა და ჩვენი ქვეყნების პარტნიორობის მნიშვნელობას“,- წერს ყაველაშვილი სოციალურ ქსელში.

პოლიტიკა • 1781440905

კალასი ფონ დერ ლაიენის ამბიციების წინააღმდეგ - Euronews ბრიუსელის შიდა დაპირისპირების დეტალებს აქვეყნებს

"კალასის წინააღმდეგ აგორებული ტალღა ევროკავშირის საგარეო პოლიტიკის მწარე სიმართლეს აშიშვლებს", - გამოცემა Euronews-ი ევროკავშირის კულუარებიდან ვრცელ სტატიას აქვეყნებს, სადაც ნათქვამია, რომ საგარეო უწყების ხელმძღვანელი კაია კალასი მწვავე კრიტიკისა და ძალაუფლების დაკარგვის საფრთხის წინაშეა.სტატიის მიხედვით, კალასის დასუსტების მიღმა არა მხოლოდ წევრი ქვეყნების უკმაყოფილება, არამედ ურსულა ფონ დერ ლაიენის მზარდი ამბიციები და საგარეო პოლიტიკის ბერკეტებისთვის ბრძოლა დგას.კაია კალასის, როგორც საგარეო საქმეთა და უსაფრთხოების პოლიტიკის უმაღლესი წარმომადგენლის მიმართ მზარდმა კრიტიკამ ევროკავშირის საგარეო პოლიტიკაში არსებული სტრუქტურული ნაკლოვანებები და დაძაბულობა გამოააშკარავა - წერს მედია.კაია კალასი პოლიტიკურ ქარბორბალაში მას შემდეგ აღმოჩნდა, რაც გავრცელდა საფრანგეთის მთავრობასთან დაკავშირებული არაფორმალური დოკუმენტი, რომელიც მისი, როგორც ევროკავშირის საგარეო პოლიტიკის ხელმძღვანელის, პოზიციის რადიკალურ რეფორმირებას ისახავს მიზნად. დოკუმენტი სამ ვარიანტს განიხილავს, რომელთაგან ერთი მას გააძლიერებდა და მის კომპეტენციებს ვაჭრობისა და ეკონომიკური განვითარების სფეროებში გააფართოებდა. თუმცა, დანარჩენი ორი ვარიანტი მის როლს საგრძნობლად დაასუსტებდა - უფლებამოსილებების ნაწილს გადასცემდა ან ურსულა ფონ დერ ლაიენის ხელმძღვანელობით მოქმედ ევროკომისიას ან უშუალოდ წევრ ქვეყნებს. ამ დამაზიანებელი სათაურების ფონზე, კალასმა გზა გაუხსნა ახალ დისკუსიას, თუმცა მკაფიოდ აღნიშნა, რომ საბოლოო სიტყვა მაინც ევროკავშირის ხელშეკრულებებს ეკუთვნის, რომლებიც განსაზღვრავენ უმაღლესი წარმომადგენლის მანდატს - აღნიშნულია სტატიაში."მნიშვნელოვანია გვახსოვდეს, რომ ევროკავშირის ინსტიტუტების როლები და პასუხისმგებლობები მკაფიოდ არის გაწერილი ხელშეკრულებებში. ეს ჩარჩო უცვლელი რჩება", - წერდა კალასი წერილში, რომელიც თანამშრომლებს გაუგზავნა და რომელიც Euronews-მა მოიპოვა.საფრანგეთის დოკუმენტი ზუსტად იმ დროს გამოჩნდა, როდესაც კალასის კრიტიკოსები სულ უფრო ხმამაღლა გამოხატავდნენ უკმაყოფილებას მისი საქმიანობით. უმაღლესმა წარმომადგენელმა რიგი უკმაყოფილებები გამოიწვია კომენტარებით ჩინეთზე, უკრაინის დასახმარებლად რუსეთის გაყინული აქტივების გამოყენების დაჟინებული მოთხოვნით, აშშ-ის ადმინისტრაციასთან დაძაბული ურთიერთობითა და ამბიციური გეგმების წარდგენით დედაქალაქებთან წინასწარი კონსულტაციების გარეშე.კალასის კრიტიკოსები ამტკიცებენ, რომ ის აჟღერებს პოზიციებს, რომლებიც სცილდება ევროკავშირის 27 წევრი ქვეყნის მიერ მოწონებულ კონსენსუსს და ხანდახან სუბიექტურ მოსაზრებაში გადადის.სლოვაკეთის პრემიერ-მინისტრმა რობერტ ფიცომ, რომელიც ბრიუსელის ხშირი კრიტიკოსია და თავისი განსხვავებული პოზიციებით არის ცნობილი, მისი გადაყენება რამდენჯერმე მოითხოვა.ანონიმურობის პირობით, სხვადასხვა ქვეყნის რამდენიმე დიპლომატმა აღიარა, რომ კალასის წინააღმდეგ მიმართული ტალღა ბოლო კვირებში გაძლიერდა."სამწუხაროდ, ის თავად აკეთებს ბევრ რამეს მხარდაჭერის დასაკარგავად. მას არ ეხერხება საბჭოში ალიანსების შექმნა", - თქვა ერთ-ერთმა დიპლომატმა.დიპლომატები ამბობენ, რომ რეალური პრობლემები სათავეს იღებს რთული და მოძველებული ინსტიტუციური წყობიდან, რომელიც უმაღლეს წარმომადგენელს ორ ცეცხლს შუა აყენებს - ევროკომისიასა და ევროპული საგარეო ქმედებათა სამსახურს შორის, რომელსაც ის ერთპიროვნულად ხელმძღვანელობს. გარდა ამისა, ევროკავშირის დონეზე საგარეო პოლიტიკა ერთსულოვნების პრინციპს ეფუძნება, რაც ნიშნავს, რომ გადაწყვეტილების მიღება მთლიანად დედაქალაქების პრეროგატივაა. ერთი "არა"-ც კი საკმარისია მთელი სამოქმედო კურსის, თუნდაც უბრალო განცხადების ჩასაშლელად.პრაქტიკაში ეს კალასს ტოვებს ისეთი საგარეო პოლიტიკის სათავეში, რომლის მიმართულებაც საბოლოო ჯამში მის კონტროლს არ ექვემდებარება."EEAS და უმაღლესი წარმომადგენლის პოზიცია შეიქმნა სხვა დროსა და ეპოქაში, როდესაც მსოფლიო სრულიად სხვანაირად გამოიყურებოდა. სისტემა ნულიდან რომ შეგვექმნა, დღეს მას ასე ნამდვილად არ ავაწყობდით", - აღნიშნა კიდევ ერთმა დიპლომატმა."შეიძლება თუ არა, რომ EEAS უკეთ მუშაობდეს? ალბათ კი. შეეძლო თუ არა უმაღლეს წარმომადგენელს თავის კაბინეტში საქმეები სხვანაირად გაეკეთებინა? ალბათ კი. მაგრამ მოდით ვთქვათ პირდაპირ: აქ ყველაზე დიდი პრობლემა დაყოფილი საბჭოა", - სადაც წევრი ქვეყნები სხედან.დიპლომატის თქმით, კალასის მცდელობები, გაექარწყლებინა იდეა უკრაინაში ომის დასასრულებლად მოსკოვთან სამშვიდობო მოლაპარაკებებში პირდაპირი ჩართვის შესახებ, წარუმატებელი აღმოჩნდა. საფრანგეთისა და გერმანიის ლიდერები, გაერთიანებულ სამეფოსთან ერთად, კვლავ განიხილავენ ამ ვარიანტს. კალასს რიგი ქვეყნების მხარდაჭერა აქვს."კალასი არ არის სრულყოფილი და უშვებს საკუთარ შეცდომებს, მაგრამ ისინი არ არის იმაზე დიდი, ვიდრე მისი წინამორბედების შეცდომები იყო", - თქვა ერთ-ერთმა დიპლომატმა.როგორც მედია წერს, დამატებითი ფაქტორია მზარდი დაძაბულობა, ერთი მხრივ, კალასსა და EEAS-ს, ხოლო, მეორე მხრივ, ფონ დერ ლაიენსა და ევროკომისიას შორის. ფონ დერ ლაიენის მეთაურობით კომისია იქცა თვითგამოცხადებულ "გეოპოლიტიკურ" აქტორად. რამდენიმე მნიშვნელოვან შემთხვევაში ამ გადაცდომამ კომისიის პრეზიდენტს საწინააღმდეგო შედეგი მოუტანა, თუმცა უმეტესწილად ლიდერებმა მას უფლებამოსილებების გაფართოების საშუალება მისცეს, რამაც კიდევ უფრო შეასუსტა ის მანდატი, რომელიც კალასს უნდა შეესრულებინა.ზოგიერთი დიპლომატი ეჭვობს, რომ ფრანგული დოკუმენტის მიერ გამოწვეული დიდი ხმაური სხვა არაფერია, თუ არა ინსტიტუციური შიდა ბრძოლის შედეგი. კითხვაზე, სურდა თუ არა ფონ დერ ლაიენს EEAS-ის გაუქმება, მისმა პრესსპიკერმა განაცხადა: "ევროპული საგარეო ქმედებათა სამსახური არის იმ ინსტიტუტების ნაწილი, რომლებიც ახორციელებენ ევროკავშირის პოლიტიკას და, რა თქმა უნდა, ჩვენი პრეზიდენტის მხრიდან მას მხარდაჭერა აქვს".

მსოფლიო • 1779891600

The Guardian: ევროკავშირმა შესაძლოა მომავალ წევრ სახელმწიფოებს რამდენიმე წლით შეუჩეროს ვეტოს უფლება

ევროკავშირმა შესაძლოა მომავალ წევრ სახელმწიფოებს რამდენიმე წლით შეუჩეროს ვეტოს უფლება - ამ ნაბიჯის მიზანია გაფართოების პროცესი პოლიტიკურად უფრო მისაღები გახადოს, - წერს ბრიტანული გამოცემა The Guardian-ი.ევროკომისიის გეგმების თანახმად, მომავალ წევრ ქვეყნებს, მაგალითად, მოლდოვასა და დასავლეთ ბალკანეთის სახელმწიფოებს, ევროკავშირში გაწევრიანებისთანავე არ ექნებათ ავტომატური უფლება ვეტო დაადონ საგარეო პოლიტიკის გადაწყვეტილებებს ან სხვა საკითხებს, რომლებიც ერთსულოვნებას მოითხოვს.ეს იდეა განსაკუთრებით აქტუალურია მონტენეგროსთვის, რომელიც ევროკავშირის წევრობის ცხრა ოფიციალურ კანდიდატ ქვეყანას შორის ლიდერია.ყოფილი იუგოსლავიის რესპუბლიკა იბრძვის იმისთვის, რომ 2028 წლისთვის ევროკავშირის 28-ე წევრი სახელმწიფო გახდეს. ამ თვეში პირველად შეიკრიბა ტექნიკური ჯგუფი, რომელსაც მონტენეგროს გაწევრიანების ხელშეკრულების შემუშავება დაევალა, რაც იმის ნიშანია, რომ 14-წლიანი მოლაპარაკებები ფინალურ ეტაპზე გადადის.ამ ფონზე, ევროკავშირის ოფიციალური პირები განიხილავენ დამცავი მექანიზმების შემოღებას ახალი წევრებისთვის, რათა თავიდან აიცილონ გადაწყვეტილებების ბლოკირება რომელიმე ერთი სახელმწიფოს მიერ - იტყობინება ევროკავშირის ოთხი წყარო.ეს იდეა გაჩნდა უნგრეთთან დაკავშირებული გამოცდილების შემდეგ, რომლის ყოფილმა მთავრობამ, ვიქტორ ორბანის ხელმძღვანელობით, ვეტო დაადო ევროკავშირის რამდენიმე მნიშვნელოვან გადაწყვეტილებას, მათ შორის, უკრაინისთვის 90 მილიარდი ევროს ოდენობის სესხის გამოყოფას.ვეტოს უფლების დროებითი აკრძალვა შესაძლოა ჩაიწეროს მონტენეგროს გაწევრიანების ხელშეკრულებაში, რაც თავის მხრივ ნიმუშად გამოდგება იმ ქვეყნებისთვის, რომლებიც რიგში დგანან და თავის დროს ელოდებიან.

მსოფლიო • 1779807134

რუბიო ირანთან შეთანხმებაზე: ეს იქნება ან კარგი შეთანხმება, ან საერთოდ არანაირი არ შედგება

აშშ-ის სახელმწიფო მდივანმა, მარკო რუბიომ განაცხადა, რომ ირანთან პოტენციური შეთანხმების დეტალების საბოლოოდ შესათანხმებლად რამდენიმე დღე იქნება საჭირო.რუბიოს თქმით, პრეზიდენტ ტრამპს ბოლო დღეებში ჰქონდა სატელეფონო საუბარი რეგიონის ლიდერებთან, რათა განეხილათ ომის დასრულების საკითხი.„ვფიქრობ, არსებობს ძლიერი თანხმობა და ერთსულოვნება იმის თაობაზე, თუ როგორ უნდა გამოიყურებოდეს წინასწარი პროექტი“, - განაცხადა რუბიომ. „ეს იქნება ან კარგი შეთანხმება, ან საერთოდ არანაირი არ შედგება“.

პოლიტიკა • 1779783348

მიხეილ ყაველაშვილი: დამოუკიდებლობის დღე შეგვახსენებს, რომ ვიყოთ უფრო მტკიცენი, ერთსულოვანნი და მხოლოდ ჩვენი ქვეყნის ინტერესებიდან გამომდინარე განვსაზღვროთ, როგორი იქნება საქართველოს მომავალი

თანამედროვე მსოფლიოს უდიდესი გამოწვევების ფონზე, კარგად უნდა გავაცნობიეროთ, დამოუკიდებლობა არ არის ერთხელ და სამუდამოდ ბოძებული მოცემულობა – დამოუკიდებლობა ყოველდღიურად მოსაპოვებელი და დასაცავი ღირებულებაა, რაც ჩვენგან უდიდეს ძალისხმევას მოითხოვს და განუზომელ პასუხისმგებლობას გვაკისრებს. დამოუკიდებლობის დღე შეგვახსენებს, რომ ვიყოთ უფრო მტკიცენი, ერთსულოვანნი და მხოლოდ ჩვენი ქვეყნის ინტერესებიდან გამომდინარე განვსაზღვროთ როგორი იქნება საქართველოს მომავალი, – ამის შესახებ საქართველოს პრეზიდენტმა მიხეილ ყაველაშვილმა საქართველოს დამოუკიდებლობის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა.საქართველოს პრეზიდენტის განცხადებით, მუდამ უნდა გვახსოვდეს დამოუკიდებლობისთვის მებრძოლი თითოეული გმირი, პატივი მივაგოთ, შევინარჩუნოთ, დავიცვათ და განვამტკიცოთ მათი მონაპოვარი.„ჩვენ, მუდამ უნდა გვახსოვდეს დამოუკიდებლობისთვის მებრძოლი თითოეული გმირი, პატივი მივაგოთ და შევინარჩუნოთ, დავიცვათ და განვამტკიცოთ მათი მონაპოვარი; ყველაფერი გავაკეთოთ იმისთვის, რომ ჩვენს აფხაზ და ოს დებთან და ძმებთან ერთად შევძლოთ ერთიანი, განვითარებული საქართველოს შენება და ჩვენს შვილებს ბევრად უფრო ძლიერი, მტკიცე და თავისუფალი სახელმწიფო დავუტოვოთ!მინდა მივმართო ჩვენს მომავალ თაობას: თქვენ ხართ ამ ქვეყნის ხვალინდელი დღე. თქვენი ენერგია უდიდესი მამოძრავებელი ძალაა ჩვენი ქვეყნის განვითარებისთვის. ღმერთი, სამშობლო, ადამიანი, ენა, მამული, სარწმუნოება, ოჯახის სიწმინდე – ეს ის მარადიული ღირებულებებია, რომელმაც ჩვენი არსებობა განსაზღვრა.სწორედ ამ იდეალებზე დაყრდნობით უნდა გახდეთ საუკეთესოები თქვენს მოწოდებაში, რათა ჩვენი სამშობლო უკვდავ იყოს მარადჟამს“, – განაცხადა საქართველოს პრეზიდენტმა.

სპორტი • 1779729144

პსჟ-ის მოთამაშეებს ყველაფერი შეუძლიათ, ამიტომ ჩემპიონთა ლიგის მეორედ მოსაგებად მაქსიმუმს გავიღებთ - ხვიჩა კვარაცხელია

„პარი სენ-ჟერმენის“ ქართველ თავდამსხმელს, ხვიჩა კვარაცხელიას უეფა-ს ოფიციალურმა ვებგვერდმა ჩემპიონთა ლიგის ფინალამდე ინტერვიუ ჩამოართვა, რომელშიც მან „არსენალთან“ შაბათს გასამართ ფინალურ დაპირისპირებასა და სხვა საინტერესო თემებზე ისაუბრა.– ხვიჩა, „ბაიერნის“ წინააღმდეგ გამართული ნახევარფინალური მატჩების შემდეგ ბევრმა გულშემატკივარმა შეგაქოთ. თუმცა თქვენს თამაშში ერთი დეტალის გაუმჯობესება რომ მოგიწიოთ, რას შეცვლიდით?– ვფიქრობ, გარკვეული კომპონენტების გაუმჯობესება ყველა მოთამაშეს შეუძლია და, რა თქმა უნდა, მეც. ყოველთვის ვცდილობ წინსვლას, მეტი გოლის გატანასა და საგოლე გადაცემის შესრულებას, მაგრამ ჩემთვის ფეხბურთი მხოლოდ გოლებითა და ასისტებით არ შემოიფარგლება. გაცილებით მნიშვნელოვანია ის, თუ როგორ ეხმარები გუნდს. ზოგჯერ ვერ გაგაქვს ან საგოლე გადაცემას ვერ ასრულებ, მაგრამ შეგიძლია მოედანზე ყველაფერი გააკეთო, რომ გუნდს გამარჯვებაში დაეხმარო. ეს ჩემთვის მთავარია. როდესაც მატჩი სრულდება, მინდა, ვიცოდე, რომ გუნდს წარმატების მიღწევაში 100 პროცენტით დავეხმარე.– ამ თემაზე ხშირად საუბრობთ – რატომ არის მნიშვნელოვანი ინდივიდუალურ წარმატებაზე წინ გუნდის ინტერესების დაყენება?– როდესაც კარიერა დავიწყე, უფრო ინდივიდუალური მოთამაშე ვიყავი, ვიდრე გუნდური, მაგრამ მალევე გავაცნობიერე, რომ გუნდის გარეშე არაფერი გამოვა. მატჩების მარტო მოგება ძალიან ცოტა ფეხბურთელს შეუძლია. მივხვდი, რომ როდესაც კარგი გუნდი გყავს, სადაც ყველა მოთამაშე მაქსიმუმს აკეთებს, ამას შედეგიც მოაქვს.– ამჟამად პსჟ-ში საოცარი ერთიანობაა და ეს მოედანზეც კარგად ჩანს…– დიახ, ვფიქრობ, რომ ეს გუნდის ერთ-ერთი მთავარი ძლიერი მხარეა. ერთად თამაში სიამოვნებას გვანიჭებს, ერთსულოვანნი ვართ და ვიცით, თუ ერთმანეთისთვის ვიბრძოლებთ და საკუთარი სტილით ვითამაშებთ, ნებისმიერი მეტოქის დამარცხებას შევძლებთ.– გამოირჩევით სიმარტივით, ენერგიითა და ამბიციით. ხშირად სწორედ თქვენ ცვლით თამაშის მიმდინარეობას. რა გიბიძგებთ ყოველდღიურად ახალი მწვერვალების დასაპყრობად?– პსჟ-ში თამაშისას ამბიციური უნდა იყო, რადგან შენი ადგილის დაკავება ბევრ მოთამაშეს სურს. ყოველ შეხვედრაში უნდა დაამტკიცო, რომ ამ მაისურის ტარებას იმსახურებ. ყოველთვის ვცდილობ, მაქსიმუმი გავიღო – მინდა, რაც შეიძლება მეტი ტიტული მოვიგო და ამ გუნდთან ერთად ბევრი მატჩი ჩავატარო.– პლეიოფის ბოლო შვიდ მატჩში შვიდი გოლი გაიტანეთ, თუმცა მოედანზე მუდამ ძალიან მშვიდი და გაწონასწორებული ჩანხართ. ამას როგორ ახერხებთ?– ეს ისეთი მარტივი არ არის, როგორც შეიძლება გარედან ჩანდეს, რადგან ჩემპიონთა ლიგაზე ყველა გუნდი ძლიერია და მათ წინააღმდეგ გოლის გატანა ძალიან რთულია. თუმცა, მყავს ფანტასტიკური თანაგუნდელები, რომლებიც მიქმნიან შანსებს და ასეთ დროს მხოლოდ ზუსტი დარტყმა და გოლის გატანა გჭირდება. ვამაყობ, რომ ახლა შედეგიანი ვარ. კარგ ფორმაში ვიმყოფები და ვცდილობ, ჩემი საქმე იდეალურად შევასრულო, მაგრამ კიდევ უფრო მეტის გატანა მსურს. – როგორ აღწერთ ჩემპიონთა ლიგის საღამო?– ვფიქრობ, ყველა ფეხბურთელის მთავარი ოცნება ჩემპიონთა ლიგაზე თამაშია. როდესაც მოედანზე გადიხარ და ლიგის ჰიმნს ისმენ, ეს უბრალოდ გაბედნიერებს. აცნობიერებ, რომ იქ მოსახვედრად და ამ ჰიმნის მოსასმენად რაღაც ძალიან მნიშვნელოვანი გააკეთე. როდესაც იცი, რომ ჩემპიონთა ლიგაზე ითამაშებ, განსაკუთრებული მომზადება გჭირდება, რადგან ეს უდიდესი საფეხბურთო მოვლენაა.– ამბობენ, რომ ტიტულის დაცვა ბევრად უფრო რთულია. იზიარებთ ამ მოსაზრებას თქვენ და თქვენი თანაგუნდელები?– რა თქმა უნდა. ეს მართლაც რთულია და წარსულშიც არაერთხელ გვინახავს. ბევრი ისეთი მატჩი ჩავატარეთ, სადაც ბოლომდე ბრძოლა მოგვიწია და რამდენიმე ძალიან ძლიერი გუნდი დავამარცხეთ. რთულია, მაგრამ ჩვენ ბევრი კარგი თვისება გვაქვს და ისეთი მოთამაშეები გვყავს, რომლებსაც ყველაფერი შეუძლიათ. ამიტომ ვფიქრობ, რომ უბრალოდ საკუთარი თავის უნდა გვჯეროდეს და თასის მეორედ მოსაგებად ყველაფერი უნდა გავაკეთოთ.უეფა-ს ჩემპიონთა ლიგის ფინალური მატჩი „პარი სენ-ჟერმენსა“ ლონდონის „არსენალს“ შორის 30 მაისს, თბილისის დროით 20:00 საათზე დაიწყება.