საზოგადოება • 1774019400

გურამ ახალაია: ამ დღეებმა ქართული გლოვის კულტურა დაანახა მთელ მსოფლიოს - 4 საათი ვიდექი გუშინ, სანამ კარიბჭემდე მივაღწევდი და ასეთი ერთსულოვნება, ასეთი სიჩუმე მე არსად შემხვედრია

ამ დღეებმა აჩვენა პატრიარქის მთელი მოღვაწეობის დიდი სურვილი ერთსულოვნების და ქართული გლოვის კულტურა დაანახა მთელ მსოფლიოს, - განაცხადა „დღის ქრონიკაში“ „საზოგადოება ივერიისას“ თავმჯდომარის მოადგილემ, „ვეფხისტყაოსნის“ კოლექციონერმა გურამ ახალაიამ.„4 საათი ვიდექი გუშინ, სანამ კარიბჭემდე მივაღწევდი და ასეთი ერთსულოვნება, ასეთი სიჩუმე მე არსად შემხვედრია. ეს დატოვა პატრიარქმა. დღეს მთელი საქართველო არის ჭირისუფალი“, - აღნიშნა ახალაიამ.მან სრულიად საქართველოს კათოლიკოს-პატრიარქის უდიდეს ღვაწლზე ისაუბრა.„მე მეგონა ეს ტაძრები ისე შენდებოდა, თურმე პატრიარქს ყველგან აქვს მიღებული მონაწილეობა, თავისი განსაკუთრებული რჩევა თითოეულ პროექტზე. მას სახარებისეული სიმდაბლე ჰქონდა, ყველასთან შეეძლო ურთიერთობა. მან ბევრი უნიკალური ტრადიცია აღადგინა.ბევრჯერ აღვნიშნე და კიდევ ვიტყვი, რამდენი ოჯახი გადაარჩინა, ვისაც შვილი გარდაეცვალა. გურამ დოჩანაშვილი რომ დაუბრუნა საქართველოს, ეს პატრიარქის დამსახურებაა. ყველაფერში გამორჩეული იყო, მინახია ის ძალიან სევდიანიც, მრისხანეც, მაგრამ ყოველთვის იმედიანი“, - აღნიშნა ახალაიამ.ილია მეორეს სიონის ტაძარში 22 მარტს დაკრძალავენ.

საზოგადოება • 1774008578

„ჩვენს სამშობლოში არასდროს დაბნელდება, დღეს სამუდამოდ დავრწმუნდი ამაში...“ - მარიამ გაბედავა

საქართველოს კათოლიკოს-პატრიარქის ილია II-ის გარდაცვალებას სოციალურ ქსელში უამრავი ადამიანი ეხმაურება და მასთან დაკავშირებით ემოციურ ისტორიებს იხსენებენ. სოციალურ ქსელში სტატუსს აქვეყნებს ჟურნალისტი მარიამ გაბედავა და პატრიარქს ემოციური პოსტით ემშვიდობება.„როგორც არ უნდა ბნელოდეს ირგვლივ - ჩვენს სამშობლოში არასდროს დაბნელდება, დღეს სამუდამოდ დავრწმუნდი ამაში. ამდენი ადამიანის, ამხელა რიგი და უწყვეტი ნაკადი ჩემს ცხოვრებაში არ მინახავს - უამრავი ახალგაზრდის ნათელი სახით და უამრავი ბავშვის უმანკო, უანგარო სიყვარულით სავსე რიგები… გამოსამშვიდობებელი რიგები… და ეს გამომშვიდობება სინამდვილეში სამუდამო ერთობა იყო თქვენთან და იმ ღმერთთან, რომლის რწმენაც თქვენ დააბრუნეთ ჩვენს სამშობლოში. მადლობა უწმინდესო, რომ თქვენი გარდაცვალებითაც მკაფიოდ დაგვანახეთ ვინ ვართ და საით უნდა ვიაროთ მადლობა, რომ კიდევ ერთხელ გვაგრძნობინეთ, სად არის სიყვარული და სიკეთე და, რომ ქრისტეშია ყველაზე დიდი ერთსულოვნებაც და გადარჩენაც.ჩვენ პატარა ქვეყანა ვართ, ძალიან პატარა, მაგრამ ყველაზე დიდი იმედით და სიყვარულით სავსე ვართ, რადგან ქრისტეს სიყვარულია ჩვენთვის მთავარი იმიტომ, რომ თქვენ ასე გვასწავლეთ და ეს შეგვაგრძნობინეთ გვიყვარხართ უწმინდესო - ნათელი სახეებით, უმანკო გულითა და თეთრი ვარდებით ხელში“, - წერს მარიამ გაბედავა.ცნობისთვის, საქართველოს კათოლიკოს-პატრიარქი ილია მეორე 2026 წლის 17 მარტს, 93 წლის ასაკში გარდაიცვალა. საქართველოს კათოლიკოს-პატრიარქს ილია მეორეს სიონის ტაძარში 22 მარტს დაკრძალავენ. 18 მარტი საქართველოში გლოვის დღედ გამოცხადდა სრულიად საქართველოს კათოლიკოს-პატრიარქის, ილია მეორის გარდაცვალების გამო და გაგრძელდება 22 მარტამდე, მის დაკრძალვამდე

საზოგადოება • 1773849968

მეუფე შიო ილია მეორეზე: მისი სახით შევიძინეთ კიდევ ერთი დიდი მფარველი ზეციური საქართველოდან, რომელიც შეგვეწევა, რათა გავაგრძელოთ ჩვენი ცხოვრება ისე როგორც გვიანდერძა, რომ შევძლოთ ერთსულოვნება, ურთიერთსიყვარული, ურთიერთშერიგება

მე მინდა ყველას მოგისამძიმროთ ყველას მისი უწმიდესობის გარდაცვალების გამო. საოცარი ჰქონდა მას თვისება, მისი ეს მამობრივი სიყვარულის მასშტაბი, მისი ფიქრი და ლოცვა ეფინებოდა თითოეულ ადამიანს, რომელსაც ოდესმე ჰქონია მასთან შეხება, ამ ადამიანებში ახდენდა დიდი ფერიცვალებას და ჩვენი ცხოვრება უკეთესობისკენ იცვლებოდა, - განაცხადა სენაკისა და ჩხოროწყუს მიტროპოლიტმა, სრულიად საქართველოს კათოლიკოს-პატრიარქის ტახტის მოსაყდრემ შიო მუჯირმა, წმინდა სამების საკათედრო ტაძარში, სადაც ილია მეორეს სამოქალაქო პანაშვიდი გაიმართა.როგორც მეუფემ აღნიშნა, პატრიარქმა დაგვიტოვა ეკლესია, რომელიც დღეს უმნიშვნელოვანეს როლს ასრულებს ქვეყნისა და საზოგადოებრივ ცხოვრებაში.არ არის შემთხვევით, რომ მან ღვთივ განისვენა სწორედ დიდი მარხვის, ჯვრის თაყვანისცემის კვირაში, როდესაც ეკლესია თაყვანს სცემს თავგანწირული სიყვარულის ამ მთავარ სიმბოლოს, პატიოსან ცხოველსმყოფელს ჯვარს და ჩვენი წმინდა სინოდის მიმართვაში იყო აღნიშნული, რომ ეს არის მინიშნება, რომ მისი უწმინდესობის ღვაწლი ჭეშმარიტად მოწამებრივი იყო. მისი დასაფლავება კვირას მოხდება, როდესაც ეკლესია აღნიშნავს იოანე კიბისაღმწერლის ხსენებას და გვმოძღვრავს სულიერი კიბის შესახებ, რომელიც სათნოებათა გზით მიმყვანებელია სულის ცხონებისკენ. შეიძლება ითქვას, რომ ეს არ არის შემთხვევითი რომ მის უწმიდესობაში იყო შერწყმული მოწამეობრივი გზა, ღვაწლი და სულიერ კიბეზე, უმაღლესი საფეხურის მიღწევა, რომელსაც ჩვენ ვხედავთ. ეს არის სათნოებები, რომელიც მან მოიხვეჭა, დიდი სიყვარული, საოცარი სიმდაბლე, მოთმინება, სიბრძნე და სხვა. ჩვენი გულის სავსეა ემოციებით, სიყვარულით, ფიქრებით, მაგრამ ალბათ მისი უზარმაზარი ღვაწლიდან ერთ-ერთი უმთავრესი არის ის, რომ მან ჩაიბარა საქართველოს ეკლესია დევნილ, დაკნინებულ მდგომარეობაში, საზოგადოებრივ ცხოვრებიდან გარიყულ მდგომარეობაში, მაგრამ მის შვილებს გაძლიერებული, აღშენებული, გამართული ეკლესია დაგვიტოვა, რომელიც დღეს უმნიშვნელოვანეს როლს ასრულებს ქვეყნის და საზოგადოებრივ ცხოვრებაში.დიდი სიყვარულით ქედს ვიხრით მისი მამობრივი ღვაწლის წინაშე და მადლობას ვუხდით მას ამისთვის. ჩვენი გული მწუხარებასთან ერთად ივსება იმედით, რომ უფალი მას ცათა სასუფეველში მართალთა თანა განუსვენებს და მისი სახით შევიძინეთ კიდევ ერთი დიდი მეოხი, მფარველი ზეციური საქართველოდან, რომელიც შეგვეწევა, რომ გავაგრძელოთ ჩვენი საეკლესიო, სახელმწიფოებრივი ცხოვრება, ისე როგორც მან დაგვიბარა და გვიანდერძა, რომ შევძლოთ ერთსულოვნება, ურთიერთსიყვარული, ურთიერთშერიგება და იმ ღირებულებებზე მყარად დაბრუნება, რომლის გავრცელებაში უდიდესი როლი შეასრულა მისმა ღვაწლმა.კიდევ ერთხელ გისამძიმრებთ, ჩემო საყვარელო ადამიანებო, ღმერთმა შეუნდოს და ცათა სასუფეველი მიანიჭოს, დაუმკვიდროს ცათა სასუფეველი და ჩვენ შეგვაძლებინოს ღირსეულად აღვასრულოთ ეს დღეები დაკავშირებული მის დასაფლავებასთან და ღირსეულად შევძლოთ გავაგრძელოთ ცხოვრება, ვისწავლოთ ცხოვრება მის გარეშე. ძნელია დღეს მის გარეშე ეკლესიის წარმოდგენა, მაგრამ ის ჩვენთან არის და ყოველთვის ჩვენთან იქნება, ამის გვწამს და გვჯერა. ჩვენთან არს ღმერთი! “, - განაცხადა მეუფე შიომ.

საზოგადოება • 1773846312

სომხეთის პრეზიდენტი: ილია მეორე რწმენის სიძლიერის, თავისი ხალხის ერთსულოვნებისა და ერთიანობის სიმბოლო იყო

სომხეთის პრეზიდენტმა, ვაჰაგნ ხაჩატურიანმა საქართველოს პრეზიდენტს, მიხეილ ყაველაშვილს საქართველოს კათოლიკოს-პატრიარქის ილია მეორის გარდაცვალების გამო სამძიმრის წერილი გაუგზავნა.„ტკივილით შევიტყვე სრულიად საქართველოს კათოლიკოს-პატრიარქის ილია მეორის გარდაცვალების შესახებ, რაც მძიმე დანაკარგია ძმური ქართველი ხალხისთვის.ამ რთულ დროს ვუცხადებ ჩემს გულწრფელ თანაგრძნობასა და თანადგომას საქართველოს ხელისუფლებას, სასულიერო დასს და მორწმუნეებს.ილია მეორე რწმენის სიძლიერის, თავისი ხალხის ერთსულოვნებისა და ერთიანობის სიმბოლო იყო. მისი მოღვაწეობა მუდამ მიმართული იყო საქართველოს სახელმწიფოებრიობის გაძლიერებაზე, რეგიონში მშვიდობის, რელიგიებსა და ერებს შორის ტოლერანტობის განმტკიცებისკენ.ილია მეორის ნათელი ხსოვნა და მის მიერ დატოვებული სულიერი მემკვიდრეობა მომავალშიც შთააგონებს მომავალ თაობებს, რათა ემსახურონ კაცობრიობისა და ქრისტიანობის კეთილშობილურ იდეალებს“, - აღნიშნულია წერილში.

მსოფლიო • 1773748852

Politico: ევროკავშირის და აშშ-ის ურთიერთობები თხელ ყინულზე დგას

ევროკავშირის და ამერიკის შეერთებული შტატების ურთიერთობები თხელ ყინულზე დგას. ინფორმაციას Politico ავრცელებს.გამოცემის ცნობით, ევროპელმა ლიდერებმა ფაქტობრივად ერთსულოვნად მიიღეს გადაწყვეტილება, რომ ირანთან მიმართებით და ჰორმუზის სრუტის გახსნის უზრუნველყოფასთან დაკავშირებით, აშშ-ის პრეზიდენტს, დონალდ ტრამპს არ დაეხმარონ.როგორც Politico წერს, ამით, ტრანსატლანტიკური განხეთქილება კიდევ უფრო გაიზარდა. მოკავშირეების პოზიციით ამერიკის შეერთებული შტატების პრეზიდენტი გაღიზიანებულია.

მსოფლიო • 1773142875

უნგრეთის პარლამენტმა უკრაინის ევროკავშირში გაწევრიანების საწინააღმდეგო რეზოლუცია მიიღო

უნგრეთის ეროვნულმა ასამბლეამ მიიღო რეზოლუცია, რომელიც უარყოფს უკრაინის ევროკავშირში გაწევრიანებას, ომის შემდგომ დაფინანსებას და ევროკავშირის სამხედრო ალიანსად გარდაქმნის მცდელობებს. ინიციატივას მხარი 142-მა დეპუტატმა დაუჭირა, 28 წინააღმდეგი იყო, ხოლო 4-მა თავი შეიკავა.დოკუმენტის შესახებ სოციალურ ქსელში უნგრეთის მთავრობის პრესსპიკერი, ზოლტან კოვაჩი წერს. მისი თქმით, რეზოლუციაში აღნიშნულია, რომ უნგრეთი უკრაინის გაწევრიანებას ეწინააღმდეგებიან იმ მიზეზით, რომ ქვეყანა ომშია და მისი მიღება ევროკავშირს კონფლიქტის უშუალო მონაწილედ აქცევს. რეზოლუცია უნგრეთის მთავრობას მოუწოდებენ, არ დაუჭიროს მხარი უკრაინასთან გაწევრიანების შესახებ არსებითი მოლაპარაკებების დაწყებას.კანონმდებლები ასევე უკრაინისთვის გაწეული მუდმივი დახმარების შედეგებზე აკეთებენ აქცენტს და აღნიშნავენ, რომ ომის დაწყების შემდეგ ევროკავშირმა 193,3 მილიარდი ევროს დახმარება უკვე გასცა.რეზოლუციის თანახმად, ევროკავშირის მომდევნო შვიდწლიან ბიუჯეტში უკრაინის პოტენციურმა წილმა შესაძლოა 360 მილიარდ ევროს გადააჭარბოს, რაც, სავარაუდოდ, სხვა წევრი ქვეყნებისთვის ფონდების შემცირების ხარჯზე მოხდება.რეზოლუცია მთავრობას მოუწოდებს, მხარი დაუჭიროს საერთაშორისო სამშვიდობო ძალისხმევას, თავი აარიდოს უკრაინაში ფულის ან იარაღის გაგზავნას და ხელი შეუშალოს როგორც უნგრეთის, ისე ევროკავშირის ომში ჩათრევას. რეზოლუციაში ასევე შეტანილია მოწოდება, რომელიც გულისხმობს წინააღმდეგობის გაწევას ნებისმიერი ინიციატივისთვის, რომელიც ევროკავშირს სამხედრო ალიანსად გარდაქმნის ან რომლითაც ევროკავშირის ინსტიტუტები ცდილობენ გვერდი აუარონ გადაწყვეტილების მიღებისას „ერთსულოვნების წესს“.

პოლიტიკა • 1772546520

დავით ქართველიშვილი: არ მგონია, რომ თვითმკვლელობის გზას დაადგეს დონალდ ტრამპი და გაჰყვეს იმ გზას, რასაც მოვლენების განვითარების ავღანური სცენარი ჰქვია

არ მგონია, რომ თვითმკვლელობის გზას დაადგეს დონალდ ტრამპი და გაჰყვეს იმ გზას, რასაც მოვლენების განვითარების ავღანური სცენარი ჰქვია, - განაცხადა დავით ქართველიშვილმა „დღის ქრონიკაში“ ირანში აშშ-ის სამხედრო ოპერაციაზე საუბრისას.„ხალხის ძალის“ წევრმა, აღნიშნა, რომ რეგიონი ამ ვითარებისთვის დიდი ხნის განმავლობაში ემზადებოდა, თუმცა დიდი კითხვის ნიშნები ჩნდება საერთაშორისო სამართლის მიმართულებით.„ეს კითხვები გაჩნდა ჯერ კიდევ ვენესუელასთან მიმართებით, ახლა იბადება ირანთან მიმართებით და თვით კოალიციის წიაღშიც კი არ არის ერთსულოვნება იმასთან დაკავშირებით, თუ რამდენად მართებულად მოქმედებს იგივე ამერიკის შეერთებული შტატები თუ ისრაელი. საუბარი იმაზეა თუ ვის რა ინტერესები აქვს და სადამდე შეიძლება მივიდეს ეს - აწყობს თუ არა ტრამპის ადმინისტრაციას და პირადად დონალდ ტრამპს ფართომასშტაბური და გრძელვადიანი სამხედრო მოქმედებები ირანში. ამაში ძალიან დიდი ეჭვი მეპარება“, - აღნიშნა ქართველიშვილმა.

სპორტი • 1772304893

მოკრივე ლაშა გურულმა მესამე პროფესიონალური ბრძოლა მოიგო

ინგლისის ქალაქ დერბიში ქართველმა მოკრივე ლაშა გურულმა მესამე პროფესიონალური ბრძოლა გამართა. მან მექსიკელი ბენიტო სანჩესი მსაჯთა ერთსულოვანი გადაწყვეტილებით დაამარცხა.ლაშა გურულმა პროფესიულ კრივში თავისი პირველი ბრძოლა 2025 წლის მარტში ჩაატარა, სადაც ბერნარდ აბი, ხოლო ივლისში მეორე მეტოქე ჯეიმს ფრენსისი დაამარცხა.ქართველი მოკრივეს ანგარიშზე სამიდან სამი გამარჯვებაა.ინფორმაციას სპორტის სამინისტრო ავრცელებს.

პოლიტიკა • 1772028900

თორნიკე ჭეიშვილი: სამიზნეში კიდევ ერთხელ იყო ამოღებული ჩვენი სახელმწიფო. ამ შემთხვევაში ყურადღება შეაჩერეს თავისუფალ მედიაზე. ყველასთვის გასაგებია, მათ შორის ამ მზაკვრული გეგმის ავტორებისთვისაც, რომ მორიგი იერიში დასრულდა ფიასკოთი

სამიზნეში კიდევ ერთხელ იყო ამოღებული ჩვენი სახელმწიფო. ამ შემთხვევაში შეაჩერეს ყურადღება თავისუფალ მედიაზე. მგონი ყველასთვის გასაგებია, მათ შორის ამ მზაკვრული გეგმის ავტორებისთვისაც, რომ მორიგი იერიში დასრულდა ფიასკოთი, - განაცხადა „დღის ქრონიკასთან“ იურიდიულ საკითხთა საპარლამენტო კომიტეტის თავმჯდომარის პირველმა მოადგილემ თორნიკე ჭეიშვილმა, დიდი ბრიტანეთის ხელისუფლების მიერ თავისუფალ მედიაზე თავდასხმასთან დაკავშირებით.მისი თქმით, ყველასთვის გასაგებია, რომ ეს მორიგი თავდასხმაც დასრულდა ფიასკოთი.„ამას აქვს რამდენიმე განმაპირობებელი ფაქტორი. პირველი ის, რომ გარკვეული ძალები არიან დაინტერესებულები იმით, რომ რუსეთ-უკრაინის ომი როგორღაც გაგრძელდეს და კიდევ უფრო მეტად გამწვავდეს კიდეც. ამ სცენარის ნაწილი მათ მიერ ისევ და ისევ არის დაკავშირებული საქართველოსთან. საქართველოს განიხილავენ, როგორც პლაცდარმს, როგორც საზარბაზნე ხორცს ფაქტობრივად, რომელიც უნდა იყოს გაწირული სამხედრო ავანტიურისთვის.მეორე მხრივ, არც იმას გამოვრიცხავ, რომ საქართველოსადმი მტრულად განწყობილ კონკრეტულ ძალებს ძალიანაც გულზე ხვდებათ ის გარკვეული პოზიტიური იმპულსები, ის ერთგვარი პოზიტიური დინამიკა, რომელიც შეინიშნება ქართულ-ამერიკული ურთიერთობების გადატვირთვის თვალსაზრისით. ახლა სამიზნეში კიდევ ერთხელ არის ამოღებული ჩვენი სახელმწიფო. კომპლექსურად სხვადასხვა თემები შეიძლება გამხდარიყო მათი თავდასხმის ობიექტი. ამ შემთხვევაში, როგორც ვხედავთ შეაჩერეს ყურადღება თავისუფალ მედიაზე. ეს მზაკვრული ჩანაფიქრი, რა თქმა უნდა მათი მხრიდან პრაგმატულ გათვლას ეფუძნებოდა. ეფუძნებოდა იმას, რომ თუკი აქ დაინახავდნენ ტენდენციებს იმასთან მიმართებით, რომ მოწყვლადი შეიძლება ყოფილიყვნენ შესაბამისი მედიები, „იმედი“ ან „პოსტვ“, რა საკვირველია ეს გაუმარტივებდათ საბოლოო ჯამში საკუთარი გეგმების სისრულეში მოყვანას. თუმცა, ამ ორმა დღემ ძალიან კარგად გამოაჩინა პირველყოვლისა ის, რომ საზოგადოების უდიდესი ნაწილი არის ერთსულოვანი იმასთან მიმართებით, რასაც ჰქვია სიტყვის თავისუფლების დაცვის ინტერესი და ამ ღირებულების ერთგულება. და მეორე მხრივ, რა თქმა უნდა თქვენც, ამ ტელევიზიებში მომუშავე პირებმა, ჟურნალისტებმა აჩვენეთ სიმტკიცე. და პირიქით, არა თუ უკან დახევა, არამედ ვხედავთ, რომ ხართ აბსოლუტურად მზად და შემართულები, რათა თქვენ თქვენი ჟურნალისტური საქმიანობა განახორციელოთ განუხრელად, კეთილსინდისიერების უმაღლესი სტანდარტების დაცვით.მგონი უკვე ყველასთვის გასაგებია, მათ შორის ამ მზაკვრული გეგმის ავტორებისთვისაც გასაგებია ის, რომ ეს მორიგი თავდასხმა, მორიგი იერიში დასრულდა ფიასკოთი. საბოლოო ჯამში ჩვენ უნდა ვიგულისხმოთ, რომ საბოლოო ობიექტი ამ თავდასხმისა იყო ქართული სახელმწიფო, ჩვენი დამოუკიდებლობა, ჩვენი ეროვნული ინტერესები. ეს ყველაფერი ვიცით, რომ არ მოსწონთ კონკრეტულ ძალებს“, - განაცხადა თორნიკე ჭეიშვილმა.

პოლიტიკა • 1771838700

ირაკლი კობახიძე: ყველა აღიარებს, რომ ძალიან დაბალია უმაღლესი განათლების ხარისხი, თუ ვინმეს უნდა, დატოვოს ეს მდგომარეობა, ჩვენ ამას ვერ გავიზიარებთ, დაცული ვერ იქნება გაუნათლებლობის ავტონომია

ყველა აღიარებს, რომ ძალიან დაბალია უმაღლესი განათლების ხარისხი ყველა სახელმწიფო უნივერსიტეტში, ილიას უნივერსიტეტის ჩათვლით. ვინმეს თუ უნდა, დატოვოს ეს მდგომარეობა, ჩვენ ამას ვერ გავიზიარებთ, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.მთავრობის მეთაურის თქმით, ხელისუფლების ამოცანაა, თვისებრივად გაუმჯობესდეს უმაღლესი განათლების ხარისხი ქვეყანაში.„საქართველოში ვერ იქნება დაცული გაუნათლებლობის ავტონომია. ჩვენი ამოცანაა, თვისებრივად გავაუმჯობესოთ უმაღლესი განათლების ხარისხი ამ ქვეყანაში. ამას ვინც ეწინააღმდეგება, მხოლოდ და მხოლოდ სუბიექტური ინტერესები ამოძრავებს. ყველა ხომ აღიარებს, რომ ძალიან დაბალია უმაღლესი განათლების ხარისხი ყველა სახელმწიფო უნივერსიტეტში, ილიას უნივერსიტეტის ჩათვლით. ასევე ეხება ეს თსუ-ს, ტექნიკურ უნივერსიტეტს და ასე შემდეგ. ამაზე ღიად გვქონდა საუბარი შესაბამისი უნივერსიტეტების აკადემიურ პერსონალთან და ხელმძღვანელობასთან. ეს არის საყოველთაოდ აღიარებული ფაქტი. ვინმეს თუ უნდა, დატოვოს ეს მდგომარეობა, ჩვენ ამას ვერ გავიზიარებთ. ჩვენი მიზანია, თვისებრივად გაუმჯობესდეს განათლების დონე ჩვენს ქვეყანაში“, – განაცხადა პრემიერმა.

პოლიტიკა • 1771837172

პრემიერი: ესტონეთის საელჩო ცდილობს განათლების რეფორმის პოლიტიზებას და აყოლილია რადიკალური ოპოზიციის დღის წესრიგს, რაც იაფფასიანი მცდელობაა, პოლიტიკური სარჩული მიეცეს იმას, რასაც საერთოდ ვერ ექნება პოლიტიკური სარჩული

წარმოუდგენელია, როდესაც კონკრეტული საელჩო, ამ შემთხვევაში ესტონეთის საელჩო, ცდილობს განათლების რეფორმის პოლიტიზებას და ამ ყველაფერში არის აყოლილი რადიკალური ოპოზიციის დღის წესრიგს, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.მთავრობის მეთაურის შეფასებით, განათლების რეფორმის პოლიტიზება არის არასწორი.„ყველა ვთანხმდებით იმაზე, რომ უმაღლესი განათლების ხარისხი საქართველოში არ არის სათანადო და ამ კუთხით, მსგავსი ვითარება გვაქვს ილიას უნივერსიტეტშიც, ისევე, როგორც სხვა უნივერსიტეტებში. ეს ეხება, მათ შორის, თსუ-ს, ტექნიკურ უნივერსიტეტს და სხვა უნივერსიტეტებს, საჯაროს, კერძოს. ჩვენ გვინდა ამ ვითარების გაუმჯობესება და როდესაც ამ მცდელობის პოლიტიზებას ცდილობს ესტონეთის საელჩო, ეს გაუგებარიც არის და არასწორიც. ეს არის კიდევ ერთი იაფფასიანი მცდელობა, რომ პოლიტიკური სარჩული მიეცეს იმას, რასაც საერთოდ ვერ ექნება პოლიტიკური სარჩული“, - განაცხადა პრემიერმა.

მსოფლიო • 1771606436

Financial Times: უნგრეთმა უკრაინისთვის განკუთვნილი 90 მილიარდი ევროს ოდენობის ევროკავშირის სესხი დაბლოკა

უნგრეთმა დაბლოკა უკრაინისთვის განკუთვნილი 90 მილიარდი ევროს ოდენობის ევროკავშირის სესხი. ინფორმაციას ამის შესახებ ბრიტანული გამოცემა Financial Times-ი ავრცელებს.პარასკევს, ევროკავშირში უნგრეთის ელჩმა წინააღმდეგობა გამოხატა ბლოკის მიერ უკრაინისთვის აღნიშნული თანხის სესხებაზე, რაც ევროკავშირის ბიუჯეტით გარანტირებული ვალის აღებას გულისხმობდა.აღნიშნული გადაწყვეტილების მიღება ევროკავშირის 27-ვე წევრი სახელმწიფოს ერთსულოვნებას მოითხოვს.აღნიშნული სესხი ევროკავშირის ლიდერებმა დეკემბერში შეათანხმეს, როგორც სასიცოცხლო მნიშვნელობის დახმარება კიევისთვის, რომელსაც აპრილში ბიუჯეტის დეფიციტი ელოდება.იმ დროს უნგრეთი, სლოვაკეთი და ჩეხეთი უკრაინის დახმარებას მხოლოდ იმ პირობით დათანხმდნენ, რომ ისინი არ იქნებოდნენ პასუხისმგებელნი სესხის პროცენტის ხარჯებსა თუ მის დაფარვაზე, რასაც ევროკავშირის დანარჩენი 24 ქვეყანა უზრუნველყოფდა.თუმცა, კვლავ საჭიროა ერთსულოვანი გადაწყვეტილება, რათა ევროკომისიას მიეცეს უფლება, გამოიყენოს ევროკავშირის ბიუჯეტის ე.წ. „თავისუფალი რესურსი“ უკრაინისთვის თანხის სესხებისა და კრედიტის გასაცემად.