თსუ

Euronews: გერმანია ევროკომისიას ადანაშაულებს იმაში, რომ ის ელექტროენერგიის ბაზრის რეგულაციას ევროკავშირის საგადასახადო წესებისა და ეროვნული სუვერენიტეტის გვერდის ავლისთვის იყენებს

გერმანია ევროკომისიას ადანაშაულებს იმაში, რომ ის ელექტროენერგიის ბაზრის რეგულაციას ევროკავშირის საგადასახადო წესებისა და ეროვნული სუვერენიტეტის გვერდის ავლისთვის იყენებს, - წერს Euronews-ი.აღნიშნულმა დავამ შესაძლოა შეაფერხოს ბლოკის ელექტრიფიკაციის ტემპი და იმპორტირებულ წიაღისეულ საწვავზე დამოკიდებულების შემცირებისკენ მიმართული ძალისხმევა.Euronews-ის მიერ მოპოვებული წერილის თანახმად, გერმანია ეწინააღმდეგება ევროკომისიის გეგმას, რომლის მიხედვითაც ელექტროენერგია ბუნებრივ აირზე დაბალი განაკვეთით უნდა დაიბეგროს. ბერლინის განცხადებით, ბრიუსელი ცდილობს ელექტროენერგიის ბაზრის კანონმდებლობა იმ საკითხების მოსაგვარებლად გამოიყენოს, რომლებიც, წესით, ევროკავშირის საგადასახადო სამართლით უნდა დარეგულირდეს.ბერლინი აცხადებს, რომ ბრიუსელი, მაღალი ფასების ფონზე ინდუსტრიის, ტრანსპორტისა და ენერგეტიკის სექტორების ელექტრიფიკაციის დაჩქარების პარალელურად, ცდილობს მნიშვნელოვანი საგადასახადო ნორმები დააწესოს ისეთი სამართლებრივი ინსტრუმენტით, რომელიც კვალიფიციური უმრავლესობით მიიღება და არა ერთსულოვნების პრინციპით, რაც ევროკავშირში საგადასახადო ღონისძიებებისთვის ტრადიციულად არის საჭირო.„დიდი ეჭვი მაქვს, რომ [წინადადება] შესაძლოა კვალიფიციური უმრავლესობით იქნეს მიღებული. [ეს] ეწინააღმდეგება საგადასახადო სამართალში ერთსულოვნების მოთხოვნას. ის შეიცავს მნიშვნელოვან საგადასახადო ნორმებს და პირდაპირ ერევა ეროვნულ საგადასახადო და საბიუჯეტო სუვერენიტეტში“, - აღნიშნულია გერმანიის ფინანსთა სამინისტროს გენერალური დირექტორის, ბასტიან ფლაიგის მიერ ხელმოწერილ წერილში.საკითხი განსაკუთრებით სენსიტიურია იმ ფონზე, როდესაც ევროკავშირი ელექტრიფიკაციის დაჩქარებას ცდილობს და იმპორტირებულ წიაღისეულ საწვავზე უარის თქმის მიზნით, ახლახან 2040 წლისთვის 46%-იანი ნიშნული დააწესა. ენერგეტიკის კომისარ დან იორგენსენის განცხადებით, ახლო აღმოსავლეთში ომის დაწყებიდან 48 დღის განმავლობაში ევროკავშირმა 22 მილიარდ ევროზე მეტი გადაიხადა ისე, რომ ახალი ენერგორესურსები არ შეუსყიდია.ჰორმუზის სრუტის, როგორც კრიტიკული მნიშვნელობის საზღვაო მარშრუტის, გაურკვეველი მომავალი ბრიუსელს დამატებით ბიძგს აძლევს, ხელი შეუწყოს ელექტრიფიკაციას და შეამციროს ბლოკის დამოკიდებულება იმპორტირებულ წიაღისეულ საწვავზე. თუმცა ევროკავშირის მასშტაბით ელექტროენერგია მაინც საგრძნობლად ძვირია წიაღისეულ აირზე - ხშირად მასზე სამჯერ ან ხუთჯერ მეტიც ღირს, რაც შინამეურნეობებსა და ბიზნესებს სუფთა ტექნოლოგიებზე გადასვლას ურთულებს.

სპორტი • 1786342276

მერაბ დვალიშვილი სუპერმსუბუქი წონის ქამრისთვის პიოტრ იანს დაუპირისპირდება

UFC-ს სუპერმსუბუქი წონის (61კგ) ქამრისთვის მერაბ დვალიშვილი რუს პიოტრ იანს შეხვდება. დაპირისპირება 24 ოქტომბერს აბუ დაბიში ჩატარდება.დვალიშვილსა და იანს შორის ეს მესამე ჩხუბი იქნება. 2023 წელს ქართველმა მებრძოლმა მეტოქე მსაჯთა ერთსულოვანი გადაწყვეტილებით დაამარცხა, ხოლო 2025 წლის დეკემბერში იანმა მოიგო და დივიზიონის საჩემპიონო ქამარსაც დაეუფლა. დვალიშვილს შერეულ ორთაბრძოლებში 26 შეხვედრა აქვს ჩატარებული, საიდანაც 21 მოიგო. რაც შეეხება პიოტრ იანს, MMA-ში ჩატარებული 25 ბრძოლიდან მის ანგარიშზე 20 მოგებაა.

საზოგადოება • 1786045348

ცნობილია, მეტროში გარდაცვლილი 21 წლის მარიამ ტყემალაძის ექსპერტიზის დასკვნა

ცნობილი გახდა მეტროში გარდაცვლილი 21 წლის მარიამ ტყემალაძის საქმეზე ჩატარებული სასამართლო-სამედიცინო ექსპერტიზის დასკვნა. „მოქალაქე მარიამ ტყემალაძის სიკვდილის მიზეზია კარდიოცინების მწვავე იშემიური დაზიანების შედეგად განვითარებული გულ-სისხლძარღვთა მწვავე უკმარისობა“, - ვკითხულობთ დოკუმენტში. 21 წლის მარიამ ტყემალაძე, რომელიც თსუ-ს ჟურნალისტიკის ფაკულტეტის წარჩინებული სტუდენტი იყო, 14 მაისს მეტროსადგურ "სამგორში" მოულოდნელად ცუდად გახდა და სამწუხაროდ, მისი გადარჩენა ვეღარ შეძლეს.

საზოგადოება • 1786026137

ქართულ-ამერიკული უნივერსიტეტის თანადამფუძნებელი თეიმურაზ ტორონჯაძე გარდაიცვალა

ქართულ-ამერიკული უნივერსიტეტის თანადამფუძნებელი და ბიზნეს სკოლის დეკანი თეიმურაზ ტორონჯაძე 77 წლის ასაკში გარდაიცვალა - ინფორმაციას უნივერსიტეტი აქვეყნებს."ქართულ-ამერიკული უნივერსიტეტი ემშვიდობება უნივერსიტეტის თანადამფუძნებელსა და ბიზნესის სკოლის დეკანს, პროფესორ თეიმურაზ ტორონჯაძეს!მისი ცხოვრება და მოღვაწეობა იყო ქართული აკადემიური სივრცისა და თანამედროვე განათლების განვითარების მასშტაბური ისტორია. მან შექმნა და დატოვა მემკვიდრეობა, რომელმაც ფუნდამენტური გავლენა იქონია ქვეყანაში ზუსტი მეცნიერებების, ფინანსური მათემატიკისა და ბიზნესის განათლების ფორმირებაზეპროფესორის მრავალწლიანი სამეცნიერო და პედაგოგიური მოღვაწეობის განმავლობაში:ჩამოაყალიბა და განავითარა ალბათობის თეორიისა და მათემატიკური სტატისტიკის, სტოქასტური ანალიზისა და ფინანსური მათემატიკის მიმართულებებიხელმძღვანელობდა ა. რაზმაძის სახელობის მათემატიკის ინსტიტუტის ალბათობის თეორიისა და მათემატიკური სტატისტიკის განყოფილებას და საქართველოს ტექნიკური უნივერსიტეტის გამოყენებითი მათემატიკის კათედრას, სადაც შექმნა ახალი საგანმანათლებლო პროგრამები და სპეცკურსები ფინანსური მოდელირების, რისკის თეორიისა და წარმოებული ფასიანი ქაღალდების მიმართულებითავტორია მრავალი მნიშვნელოვანი სტატიისა, მონოგრაფიისა და სამეცნიერო პროექტისა, რომელთა წარმატებასაც ადასტურებს წლების განმავლობაში მიღებული სოროსის, ევრაზიისა და საქართველოს ეროვნული სამეცნიერო ფონდების გრანტებიპარტნიორებთან ერთად დააფუძნა ქართულ-ამერიკული უნივერსიტეტი და როგორც ბიზნესის სკოლის დეკანმა, შექმნა სივრცე, სადაც ათეულობით თაობას გადასცა ცოდნა სტატისტიკაში, ინვესტიციების თეორიასა და რისკების მართვაშიბატონი თეიმურაზის შექმნილი სკოლა, აკადემიური ფასეულობები და საქმე, რომელსაც მან მთელი ცხოვრება მიუძღვნა, სამუდამო კვალს დატოვებს უნივერსიტეტის და თითოეული სტუდენტისა თუ კოლეგის ცხოვრებაში ქართულ-ამერიკული უნივერსიტეტი სამძიმარს უცხადებს მის ოჯახს, მეგობრებს, კოლეგებსა და აკადემიურ სამყაროს!", - წერია უნივერსიტეტის მიერ გამოქვეყნებულ ინფორმაციაში.თეიმურაზ ტორონჯაძე ქართულ-ამერიკული უნივერსიტეტის თანადამფუძნებელი და ბიზნესის სკოლის დეკანი იყო. მას დამთავრებული აქვს თბილისის სახელმწიფო უნივერსიტეტის მათემატიკის ფაკულტეტი და ვ. სტეკლოვის მათემატიკის ინსტიტუტის ასპირანტურა ქ. მოსკოვში. იგი არის თსუ-ს ფიზ-მათ მეცნიერებათა კანდიდატი, ნ. მუსხელიშვილის სახელობის გამოთვლითი მათემატიკის ინსტიტუტის ფიზ- მათ მეცნიერებათა დოქტორი. მას ჰქონდა პედაგოგიური მოღვაწეობისა და კვლევით ინსტიტუტებში მუშაობის მრავალწლიანი გამოცდილება:ეკონომიკის ინსტიტუტი, მეცნიერ თანამშრომელი;ა. რაზმაძის სახელობის მათემატიკის ინსტიტუტი, ალბათობის თეორიისა და მათემატიკური სტატისტიკის განყოფილება, წამყვანი მეცნიერ მუშაკი;ა. რაზმაძის სახელობის მათემატიკის ინსტიტუტი, ალბათობის თეორიისა და მათემატიკური სტატისტიკის განყოფილება, განყოფილების გამგე;ა. რაზმაძის სახელობის მათემატიკის ინსტიტუტი, ალბათობის თეორიისა და მათემატიკური სტატისტიკის განყოფილება, უფროსი მეცნიერ თანამშრომელი;თემურ ტორონჯაძე არის მრავალი სპეცკურსისა და პროექტის ავტორი მათემატიკის სფეროში, სხვადასხვა წლებში არაერთგზის აქვს მიღებული სოროსის ფონდის, ევრაზიის ფონდისა და საქართველოს ეროვნული სამეცნიერო ფონდის გრანტები. მიღებული აქვს მონაწილეობა სიმპოზიუმებში როგორც საქართველოში, ასევე საზღვარგარეთ. არის მრავალი სტატიისა და მონოგრაფიის ავტორი.

სპორტი • 1785434234

უეფა-ს წევრი 55 ქვეყანა მსოფლიო ჩემპიონატს და ფიფა-ს სხვა ტურნირებს ბოიკოტს გამოუცხადებს, თუ მუნდიალის წილებს კერძო ინვესტორებზე გაასხვისებს

ევროპული ქვეყნები შეთანხმდნენ, რომ ფიფა-ს ყველა ტურნირს ბოიკოტს გამოუცხადებენ, თუ ჯანი ინფანტინო კვლავ განაგრძობს იმ ინიციატივის ლობირებას, რომელიც მსოფლიო ჩემპიონატის წილების ამერიკული კერძო საინვესტიციო ფონდებისთვის მიყიდვას ითვალისწინებს.„უეფა და მისი 55 წევრი ასოციაცია ერთსულოვანია. ჩვენ ერთხმად და კატეგორიულად უარვყოფთ ფიფა-ს წინადადებას მსოფლიო ჩემპიონატისა და სხვა ტურნირების წილების კერძო ინვესტორებისთვის გადაცემის თაობაზე.დაუშვებელია მსოფლიო ჩემპიონატისადმი ისეთი დამოკიდებულება, როგორიც საინვესტიციო პროდუქტისადმი. ის ფეხბურთის ერთ-ერთი უდიდესი სპორტული მემკვიდრეობაა. მას თაობების განმავლობაში ქმნიდნენ ფეხბურთელები, ეროვნული ნაკრებები და გულშემატკივრები ყველა კონტინენტზე. მისი არცერთი ნაწილი არასდროს უნდა ჩაუვარდეს ხელში კერძო ინვესტორებს. მსოფლიო ჩემპიონატი არ იყიდება.უპასუხისმგებლო და გაუმართლებელია ის ფაქტი, რომ ფეხბურთისთვის ასეთი სასიცოცხლო მნიშვნელობის წინადადება საიდუმლოდ მომზადდა და დამტკიცების ზღვრამდე ისე მივიდა, რომ არანაირი შინაარსობრივი კონსულტაცია არ გამართულა მათთან, ვისაც ამ თამაშის მართვა აქვს მინდობილი. ეს არა მხოლოდ ლიდერობის სერიოზული კრახია, არამედ ფიფა-ს, როგორც მსოფლიო ფეხბურთის მეურვის მიერ საკუთარ მოვალეობებზე უარის თქმაცაა.მსოფლიოს ეროვნული ასოციაციები ახლა ულტიმატუმის წინაშე დგანან – ან შეეგუონ ფეხბურთის უდიდესი ტურნირების შეუქცევად მითვისებას, ან მზად იყვნენ შედეგებისთვის. ეს არ არის „დემოკრატიული გადაწყვეტილება“, ეს დაშინებით მართვაა – იძულების აქტი, რომელიც არ ეკადრება გლობალური ფეხბურთის მესაჭე ინსტიტუტს.თუმცა ჩვენი წინააღმდეგობა ბევრად სცდება მხოლოდ პროცედურულ საკითხებს.იმ წუთიდან, როცა გარე ინვესტორები ფიფა-ს ტურნირებში მფლობელის წილებს შეიძენენ, ფეხბურთი სამუდამოდ შეიცვლება. კომერციული მოგება მუდმივ ვალდებულებად იქცევა, ხოლო ინვესტორთა მოლოდინები – ყოველდღიურ წნეხად. ამ მომენტიდან მოყოლებული, საერთაშორისო კალენდართან თუ ტურნირების ფორმატთან დაკავშირებული ყოველი გადაწყვეტილება – ყველაფერი, რაც ფეხბურთის მომავალს აყალიბებს, ნაკარნახევი იქნება არა იმით, თუ რა არის უკეთესი თამაშისთვის, არამედ იმით, თუ რა არის უკეთესი აქციონერებისთვის.ამ მოდელისთვის მსოფლიო ფეხბურთში ადგილი არ არის. ფეხბურთის მომავალს ვერ განაპირობებს იმათი მოლოდინები, ვისი უპირველესი მიზანიც ფინანსური სარგებლის მაქსიმიზაციაა. არც ეროვნული ასოციაციების, ლიგების, კლუბების, მოთამაშეებისა და გულშემატკივრების ინტერესები უნდა დაექვემდებაროს ინვესტორთა მოგებას. ფეხბურთი ფინანსური სარგებლის სანაცვლოდ საკუთარ მომავალს ვერ დააგირავებს.ევროპის პოზიცია ნათელია. ჩვენ ამ მოდელს არასდროს მივანიჭებთ ლეგიტიმაციას. არავის აქვს მორალური უფლება, გაყიდოს ის, რაც მას მხოლოდ მომავალი თაობებისთვის შესანახად აქვს მინდობილი.დღევანდელი დისკუსიის შედეგად გადაწყდა, რომ უეფა-ში შემავალი არცერთი ეროვნული ნაკრები აღარ მიიღებს მონაწილეობას ფიფა-ს ტურნირებში იქამდე, სანამ ეს წინადადებები ძალაში რჩება, თუკი აღნიშნული ინიციატივა სრულად არ გაუქმდება და არ გაიცემა მყარი გარანტიები, რომ ფიფა საკუთარ მმართველობას ან ტურნირებს კერძო მფლობელობაში აღარასდროს გადასცემს.ეჭვი არავის უნდა ეპარებოდეს, უეფა და მისი ეროვნული ასოციაციები ამ გეგმებს აბსოლუტური სიმტკიცით დაუპირისპირდებიან.არის მომენტები, როდესაც ინსტიტუტებს აფასებენ არა იმით, თუ რის მისაღებად არიან მზად, არამედ იმით, თუ რაზე არ მიდიან კომპრომისზე. ეს სწორედ ასეთი მომენტია.ზოგიერთი რამ უბრალოდ მეტისმეტად მნიშვნელოვანია საიმისოდ, რომ გაიყიდოს. ფიფა-ს მსოფლიო ჩემპიონატი ფეხბურთს ეკუთვნის და ასე იქნება მუდამ. სანამ ევროპას სიტყვა ეთქმის, ის არასოდეს გაიყიდება“, – წერია უეფა-ს ოფიციალურ განცხადებაში.ფიფა-ს პრეზიდენტის, ჯანი ინფანტინოს ინიციატივის საპასუხოდ, მსოფლიო ჩემპიონატის აქციები კერძო ინვესტორებზე გაიყიდოს, საგანგებო შეხვედრა ჩანიშნეს ჩრდილოეთ ამერიკის კონტინენტის (კონკაკაფი) წარმომადგენლებმაც.ფიფა-ს ინიციატივა გააკრიტიკა დიდი ბრიტანეთის ახალმა პრემიერ-მინისტრმა, ენდი ბერნემაც. მისი თქმით, მსოფლიო ჩემპიონატი „გასაყიდად არავის ეკუთვნის“.1TVSPORT

პოლიტიკა • 1785239780

ირაკლი ქადაგიშვილი: სანამ საქართველო იქნება, სანამ ქართველი კაცი სამებაში შევა, უამრავ ქართულ აღდგენილ უძველეს ეკლესიაში, რუსთაველის თეატრში, ოპერის თეატრში, მარჯანიშვილის თეატრში, თსუ-ის შენობაში, ქუთაისის უნივერსიტეტის შენობაში შევა, პირჯვარს გადაიწერს თუ ხელოვნების ნიმუშით დატკბება, რა თქმა უნდა იქ, ივანიშვილის კეთილი საქმეც თანამონაწილე იქნება

საპარლამენტო უმრავლესობის წევრი, ირაკლი ქადაგიშვილი, გამოეხმაურა "ქართული ოცნების" წევრებისა და მხარდამჭერების მიერ, პარტიის დამფუძნებლისა და საპატიო თავმჯდომარის, ბიძინა ივანიშვილის შესახებ დაწერილ საქებარ პოსტებზე ოპოზიციური ტელეკომპანიის მიერ დასმულ შეკითხვას.როგორც ქადაგიშვილმა აღნიშნა, სანამ ქართველი კაცი სამებაში, სხვა აღდგენილ ეკლესიებში, თეატრებში, უნივერსიტეტებში თუ სხვადასხვა რესტავრირებულ შენობაში შევა, ბიძინა ივანიშვილის კეთილი საქმეც სულ იარსებებს. "სანამ საქართველო იქნება, სანამ ქართველი კაცი სამებაში შევა, სანამ ქართველი კაცი უამრავ ქართულ აღდგენილ უძველეს ეკლესიაში შევა, სანამ ქართველი კაცი რუსთაველის თეატრში შევა, ოპერის თეატრში შევა, მარჯანიშვილის თეატრში შევა, თბილისის სახელმწიფო უნივერსიტეტის შენობაში შევა, ქუთაისის უნივერსიტეტის შენობაში შევა და მრავალ ადგილზე შევა, პირჯვარს გადაიწერს თუ ხელოვნების ნიმუშით დატკბება, რა თქმა უნდა იქ, ივანიშვილის კეთილი საქმეც თანამონაწილე იქნება," - განაცხადა ირაკლი ქადაგიშვილმა.

პოლიტიკა • 1785216556

ნინო წილოსანი: როგორც ჩანს, ევროკავშირის ბიუროკრატიას დიდი ხანია გადაწყვეტილი აქვს, რომ ორპალატიანი კავშირი გააკეთოს, სადაც სახელმწიფოების ნაწილს აქვს გადაწყვეტილებების მიღების უფლება, ხოლო მეორე ნაწილი თავისი სუვერენიტეტის ფეხქვეშ გათელვით უნდა დათანხმდეს ამ გადაწყვეტილებებს

პარლამენტის ვიცე-სპიკერი ნინო წილოსანი გამოეხმაურა გერმანიის ინიციატივას, რომელიც ევროკავშირში გადაწყვეტილებების კონსენსუსით მიღების წესის გაუქმებას გულისხმობს.„ზუსტად ამ ორმაგი სტანდარტის პრობლემა გვქონდა მთელი ამ წლების განმავლობაში და როგორც ჩანს, ევროკავშირის ბიუროკრატიას დიდი ხანია გადაწყვეტილი აქვს, რომ ორპალატიანი კავშირი გააკეთოს, სადაც სახელმწიფოების ნაწილს აქვს გადაწყვეტილებების მიღების უფლება, ხოლო მეორე ნაწილი თავისი სუვერენიტეტის ფეხქვეშ გათელვით უნდა დათანხმდეს ამ გადაწყვეტილებებს. თუ ეს არის კავშირი, სადაც ქვეყნებს თავისი სუვერენიტეტის დათმობა უწევთ, ვერ იქნება ვერანაირ ევროპულ სტანდარტზე საუბარი“, - აღნიშნა წილოსანმა.Euronews-ის ინფორმაციით, ბერლინში, კონრად ადენაუერის ფონდის ღონისძიებაზე გამართული პროგრამული გამოსვლისას, გერმანიის საგარეო საქმეთა მინისტრმა იოჰან ვადეფულმა განაცხადა, რომ ევროკავშირში მოქმედი ერთსულოვნების პრინციპი უნდა გაუქმდეს. მისი თქმით, მნიშვნელოვანი გადაწყვეტილებების მისაღებად საკმარისი უნდა იყოს კვალიფიციური უმრავლესობა.

პოლიტიკა • 1785161280

გიორგი ვოლსკი: ევროკავშირში ყველაზე დიდი პოზიტიური ნაწილი არის ის, რომ დიდ და პატარა ქვეყანას აფასებენ მისი შესაძლებლობებით, სწორი წინადადება თქვას ევროკავშირის მომავლისთვის რაც იქნება კარგი. არა იმით, ვის უფრო დიდი კუნთი გააჩნია, ვის უფრო მეტი ეკონომიკური ბერკეტი უკავია ხელში

„ევროკავშირში ყველაზე დიდი პოზიტიური ნაწილი არის ის, რომ დიდ და პატარა ქვეყანას აფასებენ მისი შესაძლებლობებით, სწორი წინადადება თქვას ევროკავშირის მომავლისთვის რაც იქნება კარგი. არა იმით, ვის უფრო დიდი კუნთი გააჩნია, ვის უფრო მეტი ეკონომიკური ბერკეტი უკავია ხელში“, - განაცხადა გადაცემაში „დღის ქრონიკა“ საქართველოს პარლამენტის თავმჯდომარის პირველმა მოადგილე გიორგი ვოლსკიმ.ვოლსკის თქმით, კონსენსუსი არის ის იდეა, რაც ევროკავშირს აერთიანებს.„მიუხედავად იმ სირთულეებისა, რომლებიც ხელოვნურად შეგვიქმნეს, ჩვენ მაინც ვფიქრობთ, ევროკავშირის მომავალი უნდა იყოს ისეთი, რომ მისწრაფება არაფერმა უნდა შეაჩეროს ან შეცვალოს. ჩვენი დამოკიდებულება ევროკავშირის მიმართ იგივე რჩება, მაგრამ სამომავლოდ უნდა გავითვალისწინოთ, რომ ჩვენ უკვე როგორც კანდიდატ ქვეყანას, ჩვენი მოსაზრება გვაქვს იმასთან დაკავშირებით, თუ როგორ ვხედავთ ევროკავშირს.აქ მარტო იმაზე არ არის ლაპარაკი, რომ დიდმა ქვეყანამ გადაწყვეტილების მიღებისას გავლენა მოახდინოს პატარა ქვეყნებზე და ის გადაწყვეტილება მიიღონ, რაც მათ სჭირდებათ. ეს არ არის უბრალო თემა. როგორც აღვნიშნე, გარეთ მიმდინარეობს ისეთი პროცესები, რომელიც შესაძლოა ზოგიერთი ქვეყნისთვის აბსოლუტურად სხვა შინაარსის და პერსპექტივის იყოს, მაგრამ ვერ გააკეთებს იმას, რაც თვითონ უნდა“, - აღნიშნა მან.Euronews-ის ინფორმაციით, ბერლინში, კონრად ადენაუერის ფონდის ღონისძიებაზე გამართული პროგრამული გამოსვლისას, გერმანიის საგარეო საქმეთა მინისტრმა იოჰან ვადეფულმა განაცხადა, რომ ევროკავშირში მოქმედი ერთსულოვნების პრინციპი უნდა გაუქმდეს. მისი თქმით, მნიშვნელოვანი გადაწყვეტილებების მისაღებად საკმარისი უნდა იყოს კვალიფიციური უმრავლესობა.

პოლიტიკა • 1785160980

გიორგი ვოლსკი ევროკავშირში ვეტოს გაუქმების შესახებ გერმანიის ინიციატივაზე: თითქოს და ჩაკეტეს ის კარები, რომელშიც მივისწრაფვით, რომ შევიდეთ

ისეთი შთაბეჭდილება რჩება, თითქოს გაფართოების სურვილი აღარ აქვთ. ისეთ საკითხებს წარმოშობენ, ისეთი რაკურსით უტევენ იმ ქვეყნებს, რომლებსაც ეს მისწრაფება აქვთ თითქოს და ჩაკეტვა უნდათ იმ სისტემის, რომელშიც ისინი არსებობენ, - განაცხადა „დღის ქრონიკასთან“ პარლამენტის პიველმა ვიცე-სპიკერმა გიორგი ვოლსკიმ ევროკავშირში გერმანიის ინიციატივაზე.მისი თქმით, შთაბეჭდილება რჩება, რომ ევროკავშირი თავად კეტავს იმ კარს, რომელზეც ამბობდა, რომ ღიაა სხვა ქვეყნებისთვის.„თავად გადაწყვეტენ, როგორი კონსენსუსით იქნება გადაწყვეტილება მიღებული, ვეტოს უფლება იქნება თუ არა. ჩვენ გარედან ვინც ვართ - კანდიდატია თუ მოლაპარაკების პროცესში მყოფი ქვეყანა, იმათ საერთოდ არ ექნება არავითარი სიტყვის უფლება. აი, თითქოს და ჩაკეტეს ის კარები, რომელშიც მივისწრაფვით, რომ შევიდეთ“, - განაცხადა გიორგი ვოლსკიმ.მისი თქმით, ოპოზიციის ნარატივი, რომ თითქოს ხელისუფლებას აღარ სურს ევროკავშირში გაწევრიანება აბსურდია.გიორგი ვოლსკის განცხადებით, მიუღებელია ის მოთხოვნები, რომელსაც ევრობიუროკრატია საქართველოს უყენებს.„რატომ არ უნდა გვინდოდეს?! მაგრამ ერთი თემა წამოწიეს ისეთი, რომელიც ჩვენთვის მიუღებელია. ჩვენზე ვიმსჯელოთ მაშინ და ვიკამათოთ და საზოგადოების დიდი ნაწილისთვის გასაგებია აშკარად, რომ საქართველოს დაანგრევს და მის თვითმყოფადობას მოშლის. შენ თურმე ვალდებულება გაქვს, რომ არავის უნდა დაუშალო ბავშვებთან ლაპარაკი იმასთან დაკავშირებით, რომ გენდერი შეიძლება იყოს მრავალნაირი. არ არის აუცილებელი, რომ ქალი და კაცი იყო, შეგიძლია ერთნაირსქესიანთა ქორწინება გააფორმო და ეს კონსტიტუციაში უნდა გქონდეს. მოკლედ, ისეთი თემებია წარმოშობილი, რომელიც გვაშორებს იმ პრინციპებიდან, რაზეც ევროკავშირშია საუბარი. მაგრამ ეს იმას არ ნიშნავს, რომ ვთქვათ, რომ ჩვენ ამ მიზეზებით აღარ გვინდა ევროკავშირში ყოფნა. ძალიან ბევრი, უშველებელი ნაწილია ისეთი, რომელიც ჩვენთვის არა თუ მისაღები არამედ ხვალინდელი დღისთვის არის მნიშვნელოვანი ჩვენი გაძლიერებისთვის“, - განაცხადა გიორგი ვოლსკიმ.გერმანიის ინიციატივა ევროკავშირში გულისხმობს გადაწყვეტილებების მიღებისას ერთსულოვნების პრინციპისა და ვეტოს უფლების გაუქმებას, რათა მნიშვნელოვანი საკითხები კვალიფიციური უმრავლესობით გადაწყდეს. ამ წინადადებას უკვე შეუერთდა ევროკავშირის 12 წევრი ქვეყანა.

საზოგადოება • 1785149876

დაღუპულია ერთი ოჯახის 5 წევრი, ცოლ-ქმარი და მათი სამი შვილი - სოჭის ტრაგედიის დეტალები

ქალაქ სოჭში მომხდარ უმძიმეს ავტოსაგზაო შემთხვევას ხუთსულიანი ოჯახის სიცოცხლე ემსხვერპლა. შემთხვევის შესახებ ინფორმაციას კრასნოდარის მხარის პროკურატურა ავრცელებს.ავარია 26 ივლისს, დაახლოებით 22:30 საათზე, კურორტნის პროსპექტის დუბლიორის მონაკვეთზე მოხდა. Toyota Land Cruiser 200-ის 42 წლის მძღოლმა, რომელიც სველი გზის პირობებში გადაადგილდებოდა, სავარაუდოდ გადააჭარბა სიჩქარეს, ვერ დაიმორჩილა ავტომობილი და ბეტონის კედელს შეეჯახა.შემთხვევის შედეგად ადგილზე დაიღუპნენ 42 წლის მძღოლი, მისი 40 წლის მეუღლე და მათი სამი შვილი – 5, 10 და 13 წლის ბავშვები. კიდევ სამი არასრულწლოვანი სხვადასხვა დაზიანებით საავადმყოფოში გადაიყვანეს, სადაც მათ შესაბამისი სამედიცინო დახმარება უტარდებათ.

საზოგადოება • 1785007656

გერმანია ევროკავშირში ერთსულოვნების პრინციპის გაუქმებას ითხოვს, რათა გადაწყვეტილებების მიღების „ჩიხი“ დასრულდეს

Euronews-ის ინფორმაციით, ბერლინში, კონრად ადენაუერის ფონდის ღონისძიებაზე გამართული პროგრამული გამოსვლისას, გერმანიის საგარეო საქმეთა მინისტრმა იოჰან ვადეფულმა განაცხადა, რომ ევროკავშირში მოქმედი ერთსულოვნების პრინციპი უნდა გაუქმდეს. მისი თქმით, მნიშვნელოვანი გადაწყვეტილებების მისაღებად საკმარისი უნდა იყოს კვალიფიციური უმრავლესობა.ეს ცვლილება ფაქტობრივად გააუქმებს ვეტოს უფლებას, რომელიც ამჟამად ევროკავშირის 27 წევრი სახელმწიფოდან თითოეულს აძლევს შესაძლებლობას, მნიშვნელოვანი გადაწყვეტილება დაბლოკოს. თუმცა, ვადეფულის თქმით, ერთსულოვნება კვლავ სასურველ მიზნად დარჩება.მისი განცხადებით, კვალიფიციური უმრავლესობის პრინციპი „ევროკავშირს შესაძლებლობას მისცემს, იმ სფეროებშიც იმოქმედოს, სადაც დღეს გადაწყვეტილებების მიღება ჩიხშია შესული.“„ჩვენი ხელმძღვანელობით უკვე 12 წევრი სახელმწიფო გაერთიანდა, რათა ეს ცვლილება განხორციელდეს,“ - განაცხადა ვადეფულმა.ბოლო თვეებში ფართო განხილვის საგანი გახდა უნგრეთის მიერ უკრაინისთვის განკუთვნილი 90 მილიარდი ევროს ოდენობის სესხის დაბლოკვა. ვიქტორ ორბანმა, რომელმაც თავდაპირველად სესხს მხარი დაუჭირა, მოგვიანებით მისი დამტკიცება შეაჩერა მას შემდეგ, რაც „დრუჟბას“ მილსადენზე დაზიანებამ უნგრეთსა და სლოვაკეთში რუსული ნავთობის მიწოდება დროებით შეაფერხა.მოგვიანებით, 12 აპრილის არჩევნებში პეტერ მაგიართან დამარცხების შემდეგ, ორბანმა პოზიცია შეცვალა და სესხის დამტკიცებას მხარი დაუჭირა.„ეს გასულ კვირასაც დავინახეთ, როდესაც თანხები საბოლოოდ გამოიყო,“ — განაცხადა ვადეფულმა ბერლინში. „საკმარისია, ერთმა ან რამდენიმე წევრმა ქვეყანამ საერთო პოზიციას გადაუხვიოს, რომ მთელი ევროკავშირის მოქმედება შეფერხდეს.“Euronews-ის მიერ მოპოვებული პოლიტიკის დოკუმენტის თანახმად, ალიანსი ევროკომისიის პრეზიდენტ ურსულა ფონ დერ ლაიენს მოუწოდებს, ევროკავშირი უფრო მოქნილი და ეფექტიანი გახადოს.ევროკავშირის გაფართოებაზე საუბრისას ვადეფულმა განაცხადა, რომ მომავალში ახალი წევრების მიღება ეტაპობრივად უნდა განხორციელდეს და არა ერთბაშად.მისი თქმით, ასეთი ეტაპობრივი მიდგომა შესაძლოა დაეხმაროს იმ წინააღმდეგობის დაძლევას, რომელიც ზოგიერთი კანდიდატი ქვეყნის, განსაკუთრებით კი დასავლეთ ბალკანეთის სახელმწიფოების მიმართ არსებობს.ვადეფულს უკრაინა პირდაპირ არ უხსენებია, თუმცა ბოლო წლებში არაერთხელ განიხილებოდა წინადადება, რომლის მიხედვითაც კიევს ევროკავშირში სრულფასოვან გაწევრიანებამდე შეზღუდული ან ნაწილობრივი წევრობის ფორმა შეიძლება შესთავაზონ.

მსოფლიო • 1784707782

POLITICO: ორბანის წასვლის შემდეგ ევროკავშირი რუსეთის წინააღმდეგ სანქციების მე-21 პაკეტს ამსუბუქებს

ბრიუსელში ევროკავშირის ელჩები რუსეთის წინააღმდეგ სანქციების მე-21 პაკეტის საბოლოო შეთანხმებას ცდილობენ.ეს არის პირველი სანქციების პაკეტი მას შემდეგ, რაც უნგრეთის პრემიერ-მინისტრის პოსტი ვიქტორ ორბანმა დატოვა.როგორც გამოცემა POLITICO წერს, ორბანის წასვლის შემდეგ ნათლად გამოჩნდა, რომ სხვა ევროპული დედაქალაქები საკუთარი ეკონომიკური ინტერესების დასაცავად შეზღუდვების შემსუბუქებას ღიად ითხოვენ.წლების განმავლობაში ორბანის პოზიცია მათ საშუალებას აძლევდა, საკუთარი პრეტენზიები უნგრეთის ვეტოს მიღმა დაემალათ, თუმცა ახლა წევრ ქვეყნებს პოზიციების საჯაროდ დაცვა უწევთ.ევროკომისიის მიერ წარდგენილი ახალი პაკეტი რიგით 21-ეა უკრაინაში რუსეთის სრულმასშტაბიანი ომის დაწყების შემდეგ.დიპლომატების განცხადებით, 20 პაკეტის მიღების შემდეგ ევროკავშირს "ადვილად მისაღწევი მიზნები" აღარ დარჩა. ახალი შეზღუდვები პირდაპირ უპირისპირდება, ცალკეული წევრი ქვეყნების მსხვილ ეკონომიკურ და პოლიტიკურ ინტერესებს, სანქციების დამტკიცებას კი 27-ვე სახელმწიფოს ერთსულოვანი მხარდაჭერა სჭირდება.POLITICO-ს ცნობით, რამდენიმე მნიშვნელოვანი შეზღუდვა ტექსტიდან უკვე ამოიღეს ან საგრძნობლად შეარბილეს.საბერძნეთი ეწინააღმდეგება რუსული თხევადი გაზის მესამე ქვეყნებში ტრანსპორტირების აკრძალვას, რადგან მსოფლიოში უმსხვილეს სავაჭრო ფლოტს ფლობს და საკუთარ საზღვაო სექტორს იცავს.ავსტრიამ მოლაპარაკებები Raiffeisen Bank-ისთვის კომპენსაციის მოთხოვნის გამო შეაფერხა.გარდა ამისა, სამომხმარებლო ფასების ზრდის შიშით, პროექტიდან სრულად ამოიღეს რუსული თევზის იმპორტის აკრძალვა, საიდანაც მოსკოვი ყოველწლიურად ნახევარ მილიარდ დოლარზე მეტს იღებს.პოლიტიკური და დიპლომატიური მიზეზებით გაუქმდა სხვა შეზღუდვებიც. ბულგარეთისა და იტალიის წინააღმდეგობის გამო, სანქციების სიიდან ამოიღეს რუსეთის მართლმადიდებლური ეკლესიის მეთაური პატრიარქი კირილე, რაშიც, დიპლომატების თქმით, ვატიკანის პოზიციამაც ითამაშა როლი.ამასთან, საფრანგეთისა და იტალიის მოთხოვნით შეარბილეს სავიზო შეზღუდვები ყოფილი რუსი სამხედროებისთვის, რადგან ქვეყნებმა გადამოწმების მექანიზმები არასაკმარისად მიიჩნიეს.POLITICO-ს ცნობით სერიოზული დათმობების მიუხედავად, სანქციების მე-21 პაკეტი მაინც ინარჩუნებს რამდენიმე მკაცრ ზომას. ახალი შეზღუდვებით, ათობით რუსული ბანკი დამატებით გაითიშება SWIFT-ის საერთაშორისო სისტემიდან, ხოლო 250-ზე მეტ ფიზიკურ პირს ევროკავშირში შესვლა აეკრძალება.