საზოგადოება • 1779172034

თბილისის მეტროში მოულოდნელად გარდაცვლილ 21 წლის გოგონას დღეს დაკრძალავენ

თბილისის მეტროში მოულოდნელად გარდაცვლილ 21 წლის მარიამ ტყემალაძეს დღეს დაკრძალავენ. საბედისწერო დღეს, 14 მაისს მეტროსადგურ "სამგორში" უცებ ცუდად გახდა და სამწუხაროდ, მისი გადარჩენა ვეღარ შეძლეს. რა გახდა გოგონას გარდაცვალების მიზეზი, ეს ექსპერტიზით უნდა გაირკვეს. გოგონას გული გაუჩერდა. როგორც ცნობილი ხდება, ახალგაზრდა მეგობრებთან ერთად იყო იმ დღეს მეტროში და მეგობრები შეესწრნენ ამ უმძიმეს ტრაგედიას, ისინი მომხდარით შეძრულები არიან. მათ თვალწინ მარიამს ხელიდან ტელეფონი გაუვარდა, მოულოდნელად გახდა ცუდად, გონება დაკარგა. ადგილზე მისული სასწრაფო დახმარების ბრიგადა თურმე საათზე მეტხანს ცდილობდა მისთვის გულის ამუშავებს, თუმცა უშედეგოდ...21 წლის მარიამ ტყემალაძე თსუ-ს ჟურნალისტიკის ფაკულტეტის წარჩინებული სტუდენტი იყო. დაკრძალვა: 19 მაისი, სულიწმიდის სახელობის ტაძრიდან. 

პოლიტიკა • 1779108942

თინათინ ნიბლოშვილი: ,, ფესტივალის,,ვაზი, ხორბალი და მემკვიდრეობა’’ მიზანი ჯავახიშვილის იდეების უკეთ წარმოჩენაა

დედაქალაქის საკრებულოს სხდომაზე წარმომადგენლობითი ორგანოს თავმჯდომარის მოადგილემ, თინათინ ნიბლოშვილმა, კოლეგებს ივანე ჯავახიშვილის 150-ე საიუბილეო წელთან დაკავშირებით გამართული ფესტივალის თაობაზე მიაწოდა ინფორმაცია. როგორც თინათინ ნიბლოშვილმა განაცხადა, ქვეყნის მასშტაბით ივანე ჯავახიშვილის იუბილესთან დაკავშირებით უამრავი ღონისძიებაა დაგეგმილი, მათ შორის, ბუნებრივია, განსაკუთრებული აქტიურობით თბილისის სახელმწიფო უნივერსიტეტი გამოირჩევა. „დღეს სწორედ თბილისის სახელმწიფო უნივერსიტეტთან თანამშრომლობის  შედეგად გავხსენით ფესტივალი „ვაზი, ხორბალი და მემკვიდრეობა“, რომლის მიზანი ივანე ჯავახიშვილის იდეების უკეთ წარმოჩენაა. აღნიშნულ ფესტივალში თსუ-სთან ერთად დედაქალაქის საკრებულოს მონაწილეობა ძალიან მნიშვნელოვანი და ეს ამავე დროს ჩვენი ურთიერთთანამშრომლობის კარგი გამოცდილებაა“, - აღნიშნა თინათინ ნიბლოშვილმა. მისივე თქმით, ფესტივალი რამდენიმე უწყებას აერთიანებს, მათ შორისაა15 სხვადასხვა უნივერსიტეტი, სამეცნიერო საზოგადოება, ასევე ქართული ხორბლის მწარმოებელი 7 კომპანია, გარემოს დაცვის სამინისტრო,  ეროვნული ბოტანიკური ბაღი და სხვა უამრავი კერძო თუ საჯარო უწყება. დასასრულს, თინათინ ნიბლოშვილმა ყველა იმ ადამიანს, რომლებიც თსუ-სა და საკრებულოს აღნიშნული ინიციატივით დაინტერესდნენ, ფესტივალის მუშაობაში ჩაერთნენ და ივანე ჯავახიშვილის იდეები მაქსიმალურად წარმოაჩინეს, მადლობა გადაუხადა. 

პოლიტიკა • 1779094740

ზურაბ ჯაფარიძე: 26 მაისზე ჯერ არ გვაქვს ბოლომდე შეთანხმებული სცენარი, მნიშვნელოვანია, ერთმანეთი დავინახოთ, სულ რომ შედეგი არ დადგეს, ადამიანებს რწმენა უბრუნდებათ, რომ ისევ ცოცხლები ვართ

26 მაისთან დაკავშირებით ჯერ არ გვაქვს ბოლომდე შეთანხმებული სცენარი, მაგრამ ძირითადად რა მიმართულებითაც ახლა ვფიქრობთ, არის ის, რომ რაღაც პროცესებში ჩავრთოთ ადამიანები, რომლებიც აქციაზე მოვლენ, – „გირჩი  მეტი თავისუფლების“ ლიდერმა, ზურაბ ჯაფარიძემ „პალიტრანიუსის“ ეთერში განაცხადა.ზურაბ ჯაფარიძემ ისაუბრა, რატომ არის მნიშვნელოვანი, 26 მაისს აქციაზე ხალხი გამოვიდეს.„ოპოზიციის კამპანიის მიზანია, ადამიანებს გავაგებინოთ, რომ 26 მაისს არის აქცია, რომელიც 19:00 საათზე, თსუ-დან იწყება. მსვლელობა გაიმართება პარლამენტამდე, სადაც იქნება სცენა. ქორეოგრაფია იქნება თუ სხვა რამ, ჯერ კიდევ ვმსჯელობთ, მაგრამ გვინდა, რაღაც ახალი ამბავი იყოს და ხალხი, ვინც იქ მოვა, რაღაც საქმეში ჩავრთოთ. 26 მაისთან დაკავშირებით ჯერ არ გვაქვს ბოლომდე შეთანხმებული სცენარი, მაგრამ ძირითადად რა მიმართულებითაც ახლა ვფიქრობთ და იდეებს ვამუშავებთ, არის ის, რომ რაღაც პროცესებში ჩავრთოთ ადამიანები, რომლებიც აქციაზე მოვლენ.  საბოლოო ჯამში, გვინდა, პროცესი წავიყვანოთ მეტი დემოკრატიისკენ, მოქალაქეების მეტი ჩართულობისკენ. არ ვიცი, სხვანაირად როგორ შეიძლება, მეტი ადამიანი გამოიყვანო, გარდა იმისა, რომ მათ მისცე საშუალება, პროცესებში მონაწილეობა მიიღონ, მათ შორის, რაღაც ტიპის გადაწყვეტილებებიც მიიღონ. ჩემი აზრით, მნიშვნელოვანია, 26 მაისის აქციაზე ერთმანეთი დავინახოთ. მთავარი ტყუილი, რასაც რეჟიმის პროპაგანდა ავრცელებს, არის, რომ ისინი უმრავლესობაში არიან. ხალხმრავალი აქციის მთავარი მიზანია, ვაჩვენოთ, რომ სინამდვილეში, ასე არ არის. ჩვენც გვჭირდება ერთმანეთის დანახვა. მე ხომ მინახავს, ყოველი მრავალრიცხოვანი აქციის შემდეგ როგორი დამუხტულები მოდიან ადამიანები. სულ რომ კონკრეტული შედეგი არ დადგეს, უცებ რწმენა უბრუნდებათ ხოლმე, რომ ისევ აქ ვართ, ისევ ცოცხლები ვართ და ისევ ვიბრძვით. ასევე ძალიან მნიშვნელოვანია ციხეში მყოფი ადამიანებისთვის. მათ უნდა დაინახონ, რომ ეს ხალხი ჩვენ არ დაგვვიწყებია და ბრძოლა გრძელდება. ჩვენი დასავლელი პარტნიორებისთვისაც მნიშვნელოვანია. დიდი ხანია, არ გვქონია ხალხმრავალი აქცია და მათაც უნდა დაინახონ, მიუხედავად იმისა, ზუსტი ინფორმაცია აქვთ, რომ კასკადი იყო რეპრესიული კანონმდებლობებისა. ადამიანებს ტროტუარზე დგომის გამო იჭერენ, აჯარიმებენ. დასავლეთში იციან, რომ ამ საგიჟეთში ვცხოვრობთ, მაგრამ მიუხედავად ამისა, ძალიან ბევრი ადამიანი რომ გამოდის ქუჩაში, ბრძოლას აგრძელებს, მათთვის ამის დანახვა ძალიან მნიშვნელოვანია. ჩვენ მათი მხარდაჭერა ძალიან გვჭირდება“, – განაცხადა ზურაბ ჯაფარიძემ.

საზოგადოება • 1778997900

სამების საკათედრო ტაძარში წირვა დაიწყო

1700 წელი ქრისტიანობის სახელმწიფო რელიგიად გამოცხადებიდან და 12 წლიანი ტრადიცია - დღეს საქართველო ოჯახის სიწმინდისა და მშობლების პატივისცემის დღეს აღნიშნავს.ეს პირველი 17 მაისია დღევანდელი დღის დამფუძნებლის კათოლიკოს-პატრიარქ ილია II-ის გარეშე და პირველი 17 მაისი ახლად არჩეული კათოლიკოს-პატრიარქის შიო III-ის წინამძღოლობით.141-ე პატრიარქის საქმეს, 142-ე განაგრძობს. 10 საათი და 10 დიდი ქალაქი - საყოველთაო შეკრება, რომელსაც სახალხო რეფერენდუმი არაერთხელ ეწოდა მთელს საქართველოში ერთდროულად დაიწყება.ქართველი ხალხი ქაშუეთიდან ლოცვითი მსვლელობით სამების საკათედრო ტაძრისკენ გაემართება. ადგილზე მისულ მრევლს კი, პატრიარქი შიო მესამე დალოცავს. უწმინდესი და უნეტარესი დღეს სამების საკათედრო ტაძარში პირველ წირვას ჩაატარებს. სადღესასწაულო მსახურებას მსოფლიო მართლმადიდებელი ეკლესიის დელეგაციები და მაღალი რანგის სასულიერო პირები დაესწრებიან.სამების საკათედრო ტაძარში სამზადისი დილიდან დაიწყო, რომელიც იქნება ერთ-ერთი მთავარი და მნიშვნელოვანი ეპიცენტრი. ადგილზე კი საქართველოს კათოლიკოს პატრიარქის უწმინდესისა და უნეტარესის შიო მესამე უკვე მივიდა.როგორც სასულიერო პირები ამბობენ, წელსაც ისევე, როგორც გასული წლების შემთხვევაში, მრევლმა ერთიანობა და ერთსულოვნება მსოფლიოს კიდევ ერთხელ აჩვენა. ეს იქნება ერთობლივი წირვა, რომელსაც მსოფლიო მართლმადიდებლური ეკლესიებიდან ჩამოსული მაღალი რანგის მღვდელმსახურები ქართველ სასულიერო პირებთან ერთად აღავლენენ ერთობლივ წირვას.

განათლება • 1778941111

ქუთაისის საერთაშორისო უნივერსიტეტის (KIU) რექტორად ვახტანგ ცაგარელი დაინიშნა

ქუთაისის საერთაშორისო უნივერსიტეტის (KIU) რექტორის პოზიციაზე ვახტანგ ცაგარელი დაინიშნა. ვახტანგ ცაგარელი, ბოლო რამდენიმე თვის განმავლობაში, KIU-ს რექტორის მოვალეობის შემსრულებლის რანგში წარმატებით უძღვებოდა უნივერსიტეტის აკადემიურ პროცესებს და, ამავდროულად, ხელმძღვანელობდაქუთაისის საუნივერსიტეტო ქალაქს.მან, როგორც საერთაშორისო საქველმოქმედო ფონდი „ქართუს“ პროექტების დირექტორმა, უმნიშვნელოვანესი როლი შეასრულა KIU-ს კონცეფციის შემუშავებასა და მისი ულტრათანამედროვე ინფრასტრუქტურის მშენებლობისპროცესში.ვახტანგ ცაგარელს წარჩინებით აქვს დამთავრებული ივანე ჯავახიშვილის სახელობის თბილისის სახელმწიფო უნივერსიტეტი და ფლობს ფიზიკის მაგისტრის ხარისხს ნახევარგამტარებისა და მყარი სხეულის ფიზიკისსპეციალობით. თსუ-ს დასრულების შემდეგ გაცვლითი პროგრამის ფარგლებში გაემგზავრა გერმანიაში, ბერლინის ტექნიკურ უნივერსიტეტში, სადაც გაიარა სასწავლო კურსი გამოყენებითი ელექტროდინამიკის მიმართულებით.2006-2007 წლებში იმყოფებოდა ჩრდილოეთ კაროლინისა და მასაჩუსეტსის შტატებში (აშშ). Research Triangle Park-სა და ჩრდილოეთ კაროლინის სახელმწიფო უნივერსიტეტში წარმატებით დაასრულა ინფორმაციული ტექნოლოგიების განვითარების პროგრამა, ხოლო მასაჩუსეტსის შტატის ქალაქ ბოსტონშიგავლილი აქვს სატელეკომუნიკაციო და ინფორმაციული ტექნოლოგიების ექსპრეს პროგრამა. სასწავლო კურსით ასევე იმყოფებოდა ჩეხეთში, პრაღის რადიაციული უსაფრთხოების სააგენტოში, რის შემდეგ კარიერული განვითარება კვლავ განაგრძო შეერთებულ შტატებში.მან ბოსტონის მასაჩუსეტსის გენერალურ ჰოსპიტალში (MGH) დაასრულა უმაღლესი დონის სამედიცინო-რადიაციული უსაფრთხოების სასწავლო კურსი, მსოფლიოს წამყვანი ჰარვარდის სამედიცინო სკოლის (Harvard Medical School) მხარდაჭერით. არის ატომური ენერგიის საერთაშორისო სააგენტოს (IAEA) SEEISTპროგრამის წარმომადგენელი საქართველოში. გავლილი აქვს ევროპის მენეჯმენტის სკოლის ბიზნესის ადმინისტრირების კურსი.ვახტანგ ცაგარელი, როგორც ახალგაზრდა მკვლევარი, მეცნიერი და პროექტ მენეჯერი, სხვადასხვა დროს მუშაობდა საერთაშორისო და ადგილობრივ ორგანიზაციებში, კომერციულ კომპანიებში. იყო ინტერნეტ პროვაიდერ „Geonet“-ის ტექნიკური დირექტორი, ტექნოლოგიური კომპანია INT Communications-ის თანადამფუძნებელი და დირექტორი. 2008-2016 წლებში იგი მუშაობდა ჩინურ ტექნოლოგიურ გიგანტში – Huawei, სადაც იკავებდა საქართველოსწარმომადგენლობის გაყიდვებისა და მარკეტინგის ხელმძღვანელისა და დირექტორთა საბჭოს წევრის პოზიციას.2017 წლიდან პროექტების ხელმძღვანელის პოზიციას იკავებდა საერთაშორისო საქველმოქმედო ფონდში – „ქართუ“, რის პარალელურად ხელმძღვანელობდა ქუთაისის საუნივერსიტეტო ქალაქსა და ქუთაისის ადრონულ ცენტრს. ქალაქ ქუთაისის განვითარებაში შეტანილი განსაკუთრებული წვლილისთვის მას მინიჭებული აქვს ქუთაისის საპატიო მოქალაქის წოდება. ვახტანგ ცაგარელს ჰყავს მეუღლე და სამი შვილი.

საზოგადოება • 1778925147

მუდამ ღიმილიანი, ენერგიული და უაღრესად პოზიტიური მარიამი ყველას ძალიან, ძალიან დაგვაკლდება... - თბილისის სახელმწიფო უნივერსიტეტი სამძიმრის წერილს აქვეყნებს

თბილისის სახელმწიფო უნივერსიტეტი სტუდენტის, მარიამ ტყემალაძის გარდაცვალების შესახებ სამძიმრის წერილს აქვეყნებს.„დიდი გულისტკივილით გაცნობებთ რომ გარდაიცვალა თსუ-ს სოციალურ და პოლიტიკურ მეცნიერებათა ფაკულტეტის ჟურნალისტიკის მიმართულების სტუდენტი, მარიამ ტყემალაძე.  ვუსამძიმრებთ მარიამის ოჯახს, ახლობლებსა და მეგობრებს. მუდამ ღიმილიანი, ენერგიული და უაღრესად პოზიტიური მარიამი ყველას ძალიან, ძალიან დაგვაკლდება. პანაშვიდი: 16, 17, 18 მაისი.დაკრძალვა: 19 მაისი.მისამართი: აბაიას ქუჩა #22“ - წერია გავრცელებულ სამძიმრის წერილში.

საზოგადოება • 1778915325

სა­ხელ­მწი­ფო სტი­პენ­დი­ა­ტი იყო, 20 მა­ისს 22 წლის გახ­დებოდა - ცნობილია „სამგორის“ მეტროში გარდაცვლილი გოგოს ვინაობა

2 დღის წინ მეტრო „სამგორში“ ტრაგედია დატრიალდა. ახალგაზრდა გოგო მოულოდნელად ცუდად გახდა და გარდაიცვალა.გარ­დაც­ვლი­ლი გო­გო­ნა მა­რი­ამ ტყე­მა­ლა­ძეა. ის თსუ-ს სტუ­დენ­ტი იყო და საკ­მა­ოდ წარ­მა­ტე­ბუ­ლი. გო­გო­ნა ჟურ­ნა­ლის­ტი­კის ფა­კულ­ტეტ­ზე სწავ­ლობ­და. იყო სა­ხელ­მწი­ფო სტი­პენ­დი­ა­ტი. 20 მა­ისს მა­რი­ა­მი 22 წლის გახ­დე­ბო­და.„ყველას დაგვიტოვა სიყვარულის და მეგობრობის მაგალითი და გაქრა  ყველას თავისი მარიამი ჰყავდა... “„ჩვენი ნიჭიერი, ხალისიანი, ქოთქოთა მარიამი ,ძალიან დააკლდები შენს მშობლიურ მეექვსეს, მარიამ“ „ისეთი ადამიანი იყო, რომლის დავიწყებაც შეუძლებელია. უნივერსიტეტიდან უამრავი კარგი მოგონება მაკავშირებს მასთან და ყოველთვის თბილად გამახსენდება.“„მა­რი­ა­მი თსუ-ს წარ­ჩი­ნე­ბუ­ლი სტუ­დენ­ტი იყო, ნამ­დვი­ლი ვარ­სკვლა­ვი, ძა­ლი­ან ჭკვი­ა­ნი. სულ გვერ­დში გვედ­გა, ყვე­ლაფ­რის თავი და თავი იყო ხოლ­მე, ძა­ლი­ან აქ­ტი­უ­რი და ჩარ­თუ­ლი ყვე­ლა­ფერ­ში" - წერენ  გო­გო­ნას ახ­ლობ­ლე­ბი.

საზოგადოება • 1778585714

კათოლიკოს-პატრიარქობის კანდიდატი ჯგუფები ერთად ვმუშაობდით, რომ ყველაფერი სანიმუშო ყოფილიყო - ანდრია ჯაღმაიძე

საპატრიარქოს საზოგადოებასთან ურთიერთობის სამსახურის ხელმძღვანელი, კათოლიკოს-პატრიარქს აღსაყდრებას ულოცავს.დეკანოზი ანდრია ჯაღმაიძე აცხადებს, რომ დღევანდელი დღის ორგანიზებაზე არაერთი ადამიანი, მათ შორის კათოლიკოს-პატრიარქობის კანდიდატთა ჯგუფები მუშაობდნენ.„დღეს, ყველა ეპისკოპოსი ულოცავს კათოლიკოს-პატრიარქს ინტრონიზაციის დღეს, დღეს, ყველა საპატრიარქო კანდიდატი და მათი მომხრეებიც არიან ერთსულოვნები და სიხარულით აღსავსენი.ერთი დეტალი მინდა გითხრათ, როცა ჩვენ დაორგანიზებაზე ვმუშაობდით, ერთად ვმუშაობდით ეს ჯგუფები, კათოლიკოს-პატრიარქობის სხვადასხვა კანდიდატის ჯგუფები ერთად ვმუშაობდით, რომ ყველაფერი ისეთი ყოფილიყო, რომელიც სანიმუშო იქნებოდა როგორც ეკლესიებისთვის, ასევე, ერის ხალხისთვის“, - განაცხადა ანდრია ჯაღმაიძემ.ცნობისთვის, ქვეყანას ახალი პატრიარქი ჰყავს - თითქმის ნახევარსაუკუნოვანი ეპოქის დასრულების შემდეგ, 2026 წლის 12 მაისს, სვეტიცხოვლის საკათედრო ტაძარში საქართველოს მართლმადიდებელი ეკლესიის ახალი ეტაპი დაიწყო.კათოლიკოს-პატრიარქ შიო III-ს უძველესი საპატრიარქო მიტრა მეუფე დანიელმა დაადგა.

საზოგადოება • 1778582913

შიო მესამე: გვმართებს, თანაბრად გავიზიაროთ ხალხის სიხარულიც და ტკივილიც, ვემსახუროთ და საყრდენად ვიქცეთ, ფართოდ გავუღოთ ეკლესიის კარი, მხოლოდ ტაძრის ამბიონთან ნუ დავუცდით მოყვასის მოსვლას

გვმართებს, თანაბრად გავიზიაროთ ხალხის სიხარულიც და ტკივილიც, ვემსახუროთ და საყრდენად ვექცეთ მათ, რადგან ეკლესიის ძალა მხოლოდ სიტყვაში არ არის. მისი მოწოდება ქრისტესმიერ სიყვარულსა და ერთმანეთის სიმძიმის ტვირთვაშია. საჭიროა, ფართოდ გავუღოთ ეკლესიის კარი ყველას. მხოლოდ ტაძრის ამბიონთან ნუ დავუცდით მოყვასის მოსვლას, – ამის შესახებ საქართველოს წმინდა სამოციქულო ავტოკეფალური მართლმადიდებელი ეკლესიის მეთაურმა, უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა თბილისის მთავარეპისკოპოსმა, ბიჭვინთისა და ცხუმ აფხაზეთის მიტროპოლიტმა, შიო მესამემ სვეტიცხოველში ქადაგებისას განაცხადა.მისივე თქმით, „სწორედ ამ მსახურებაში გამოიწრთობა ჩვენი სული“.„თანამედროვე ცხოვრება ახალი სირთულეების წინაშე გვაყენებს. ადამიანთა გულები გაუცხოებული და გაციებულია. ათასგვარი საცდური ანაცვლებს რწმენას, ზნეობრივ ფასეულობებს, ოჯახს და საყვარელ ადამიანებს. ამიტომ, ერთი ორად მძიმეა ეკლესიის მწყემსმთავრობის ტვირთი. რთულია, სარწმუნო და გონიერი მონის მსგავსად, ღირსეულად გაუმკლავდე ამასოფლის გამოწვევებს, მაგრამ აუცილებელია მეტი ძალისხმევა, ღვაწლი ქრისტეს რწმენის საქადაგებლად, მისი ცოცხალი სიტყვის ადამიანთა გულებამდე მისატანად. ამიტომ, გვმართებს, თანაბრად გავიზიაროთ ხალხის სიხარულიც და ტკივილიც, ვემსახუროთ და საყრდენად ვექცეთ მათ, რადგან ეკლესიის ძალა მხოლოდ სიტყვაში არ არის. მისი მოწოდება ქრისტესმიერ სიყვარულსა და ერთმანეთის სიმძიმის ტვირთვაშია.საჭიროა, ფართოდ გავუღოთ ეკლესიის კარი ყველას. მხოლოდ ტაძრის ამბიონთან ნუ დავუცდით მოყვასის მოსვლას. ტაძრის კედლებს მიღმაც შევეტკბოთ ჩვენს სულიერ შვილებს, რომლებიც ვინ იცის, უძღებ შვილთა მსგავსად, ვერ ბედავენ ჩვენამდე მოსვლას. სწორედ ამ მსახურებაში გამოიწრთობა ჩვენი სული, მოწოდება, რადგან უფალი გვასწავლის, რომელსა უნდეს თქვენ შორის დიდყოფა, იყოს თქვენდა მსახურ. ქვეყნის ხვალინდელი დღე და მომავალი არიან ჩვენი შვილები. ისინი ყოველდღიურად გვაკვირდებიან, გვისმენენ, სწავლობენ ჩვენგან. ხშირად ცხოვრების განსხვავებულ გზებს ირჩევენ, მაგრამ მაინც შვილებად რჩებიან. სწორედ მათ სჭირდებათ ყველაზე მეტად ჩვენი სიყვარული, ზრუნვა და თანადგომა. მათში უნდა განმტკიცდეს ქრისტეს რწმენა, ეროვნული ფასეულობები, ტრადიციებისადმი პატივისცემა, პასუხისმგებლობის განცდა ერისა და ეკლესიის წინაშე. ეს კი ისევ და ისევ ჩვენ უნდა გავაკეთოთ. ისე უნდა ვიცხოვროთ და ვიშრომოთ, რომ მათთვის ღირსეულ მაგალითად ვიქცეთ, რათა მომავალში ერთსულოვანი, მორწმუნე, ღვთისა და მოყვასის სიყვარულით გამსჭვალული მოქალაქეები ჰყავდეს ჩვენს ქვეყანას.აუცილებელია განათლება, საზოგადოებრივი ცხოვრება და ყოველდღიური საქმიანობა დაფუძნებული იყოს არა მხოლოდ ლიტონ ცოდნაზე, არამედ ქრისტესმიერ სიყვარულსა და სულიერ ფასეულობებზე, რათა, როგორც წმინდა წერილი გვასწავლის, ყოველნი ერთ იყვნენ. სწორედ ეს არის მოციქულებრივი გზის ერთგულება და სიყვარულზე დაფუძნებული მსახურება, რომლის აღსრულებაც ევალება ეკლესიის მწყემსმთავარს. ამიტომ, დღეს დიდი მოციქულებრივი და სულიერი მემკვიდრეობის წინ მდგარი, შვილებრივი სიყვარულით ვიყრი მუხლს ჩემს წინამორბედ დიდ კათოლიკოს-პატრიარქთა ღვაწლის წინაშე, შევთხოვ მათ ნეტარ სულებს, მომცენ ძალა და შეწევნა, რათა მათ მსგავსად, როგორც კეთილმა მწყემსმა, შევძლო, სული დავდო ცხოვართა ჩემთათვის, მორჩილად ვზიდო პატრიარქობის მძიმე ჯვარი, როგორც უღელი ტკბილი და ტვირთი მსუბუქი“, – განაცხადა შიო მესამემ.

საზოგადოება • 1778417730

რა მოლოდინები აქვთ სასულიერო პირებს ხვალ დაგეგმილ არჩევნებთან დაკავშირებით

"ეპოქალური მოვლენა გველოდება" - ამის შესახებ გორისა და ატენის მიტროპოლიტმა, მეუფე ანდრიამ, ხვალ დაგეგმილ მართლმადიდებელი ეკლესიის გაფართოებულ კრებასთან დაკავშირებით განაცხადა."ნამდვილად ეპოქალური მოვლენა გველოდება ჩვენ ყველას ხვალ - სრულიად საქართველოს კათალიკოს-პატრიარქის არჩევნები და თქვენ, ყველამ ილოცეთ, რომ ყველაფერი წარიმართოს ღვთის ნებითა და სიკეთით", - აღნიშნა მეუფე ანდრიამ."ხვალინდელი დღე ისტორიული დღე არის, რადგან ხვალ მოხდება არჩევა 142-ე პატრიარქის ივერიის ეკლესიის ტახტზე და ვლოცულობთ, რომ ღვთის შეწევნით, ხვალინდელი დღე მშვიდობით და სულიწმიდის მადლით ჩაივლის, ისე, როგორც ზოგადად მართლმადიდებელ ეკლესიას და ჩვენი დიდი პატრიარქის ღვაწლს ეკადრება, რაც იქნება გაგრძელება იმ დიდი გზის, რომელსაც ჰქვია ქრისტიანული გზა და რომელიც ჩვენი წინაპრების გზა არის," - აღნიშნა მეუფე საბამ.სამების საკათედრო ტაძარში, საპატრიარქო ტახტის მოსაყდრემ მიტროპოლიტმა შიო მუჯირმა ღვთისმსახურების დასრულების შემდეგ, მრევლს ქადაგებით მიმართა და ახალი პატრიარქის არჩევის საკითხს გამოეხმაურა."მხოლოდ ამ მადლის მეშვეობით შეიძლება ჩვენ ღირსეულად და წარმატებით ჩავატაროთ ის დიდი მოვლენა, რაც ხვალ გველის ყველას. ეს არის დიდი, გაფართოებული საეკლესიო კრება, სადაც უნდა მოხდეს ახალი კათოლიკოს-პატრიარქის გამორჩევა და ვევედროთ უფალს, რომ მოგვცეს ჩვენ ეს მადლი, ეს ცოცხალი წყალი, რომ შეგვაძლებინოს მივიღოთ გადაწყვეტილება ბრძნული, გონიერი, ღვთის ნებით, ჩვენი ეკლესიისთვის და ჩვენი ერისთვის სასარგებლო.ისევე, როგორც 49 წლის წინ, სრულიად საქართველოს კათოლიკოს-პატრიარქ ილია მეორის გამორჩევით მრავალი სიკეთე მოხდა და აღსრულდა ჩვენს ეკლესიასა და ჩვენს ერში, ხვალინდელი დღეც ყოფილიყოს საწინდარი კათოლიკოს-პატრიარქ ილია მეორის გზის გაგრძელებისა. ეს არის გზა მართლმადიდებლური ეკლესიის ერთგულების, ღვთის მსახურების, ხალხის სიყვარულის, ერთსულოვნებაზე ზრუნვის, საქართველოში მშვიდობისა და თავგანწირული მსახურების. ღმერთმა დაგლოცოთ და გაგაძლიეროთ. ღმერთმა დალოცოს, გაამთლიანოს და გააძლიეროს სრულიად საქართველო", - აღნიშნა მეუფე შიომ.საქართველოს მართლმადიდებელი ეკლესია 142-ე კათოლიკოს-პატრიარქს ხვალ აირჩევს. გაფართოებული კრება, სამების საკათედრო ტაძარში 13:00 საათზე დაიწყება. უკვე ცნობილია, რომ კრებაზე სიტყვით გამოსვლის შესაძლებლობა ექნებათ სამი საპატრიარქო კანდიდატის ეპარქიების წარმომადგენლებს, ასევე, თითოეული ეპარქიის დელეგატებს. ამის შემდეგ გაიმართება კენჭისყრა, რომელშიც მონაწილეობას იღებენ მხოლოდ მღვდელმთავრები. თუ პატრიარქობის 3 კანდიდატიდან ერთი 20 ხმას მიიღებს, მეორე ტური არ გაიმართება. თუ ვერც ერთი კანდიდატი ვერ მიიღებს 20 ხმას, მაშინ უპირატესი რჩება და მომავალ პატრიარქს 39 ეპისკოპოსი დარჩენილ ორ მღვდელმთავარს შორის ამოირჩევს. საპატრიარქოს საზოგადოებასთან ურთიერთობის სამსახურის ხელმძღვანელის ინფორმაციით, გაფართოებული კრება, რომელსაც 2 000-მდე დელეგატი დაესწრება პირდაპირ ეთერში არ გადაიცემა.

საზოგადოება • 1778411994

მეუფე შიოს კომენტარი პატრიარქის არჩევის წინა დღეს

ხვალ საქართველოს ეკლესიის გაფართოებულ კრებაზე, 3 კანდიდატს შორის, 142-ე პატრიარქს აირჩევენ. კრებაში ასობით დელეგატი იღებს მონაწილეობას, ხმის მიცემის უფლებით კი მხოლოდ მღვდელმთავრები ისარგებლებენ.ისტორიული დღისთვის სამების საკათედრო ტაძარში სამზადისი უკვე მიმდინარეობს, დღეს კი საპატრიარქო ტახტის მოსაყდრემ, რომელიც ერთ-ერთი კანდიდატია, მღვდელმთავრებთან ერთად წირვა აღავლინა და იქადაგა.„მხოლოდ ამ მადლის მეშვეობით შეგვეძლება ჩვენ, ღირსეულად და წარმატებით ჩავატაროთ ის დიდი მოვლენა, რაც ხვალ ყველას გველის - ეს არის დიდი, გაფართოებული საეკლესიო კრება, რომელზეც ახალი კათოლიკოს-პატრიარქის გამორჩევა უნდა მოხდეს. ვევედროთ უფალს, რომ მოგვცეს ეს მადლი, ეს ცოცხალი წყალი, რომ შეგვაძლებინოს მივიღოთ გადაწყვეტილება ბრძნული, გონიერი, ღვთის ნებით, ჩვენი ეკლესიისთვის და ჩვენი ერისთვის სასარგებლო და ისევე, როგორც 49 წლის წინ სრულიად საქართველოს კათოლიკოს-პატრიარქ ილია მეორის გამორჩევით მრავალი სიკეთე აღსრულდა ჩვენს ეკლესიასა და ერში, ხვალინდელი დღეც ყოფილიყოს საწინდარი კათოლიკოს-პატრიარქ ილია მეორის გზის გაგრძელებისა. ეს არის გზა მართლმადიდებელი ეკლესიის ერთგულების, ღვთის მსახურების, ხალხის სიყვარულის, ერთსულოვნებაზე ზრუნვის, საქართველოში მშვიდობისა და გაერთიანების თავგანწირული მსახურების“, - განაცხადა მეუფე შიომ.

საზოგადოება • 1778165100

ანდრია ჯაღმაიძე: სინოდი იყო ერთსულოვანი და ორიენტირებული, რომ პატრიარქის არჩევნები იქნება ისეთივე ღირსეული და სანიმუშო, როგორც პატრიარქის გარდაცვალების შემდგომი პერიოდი

საპატრიარქოს საზოგადოებასთან ურთიერთობის სამსახურის ხელმძღვანელის, ანდრია ჯაღმაიძის განცხადებით, დღეს შეიკრიბნენ მღვდელმთავრები, რათა საბოლოოდ შეეთანხმებინათ გაფართოებული კრების თარიღი. ამის შესახებ ჯაღმაიძემ ჟურნალისტებს განუცხადა.მისივე თქმით, მღვდელმთავრებმა ასევე ამოწურეს პროცედურული საკითხები, რათა გაფართოებული სხდომის დროს სხვა საკითხები განსასჯელად აღარ დარჩენილიყო და კრება მხოლოდ პატრიარქის არჩევნებს მიძღვნოდა.„ამიტომ, მრავალ საკითხზე – პროცედურულად რის მერე რა უნდა შესრულდეს ისე, რომ ყველაფერი ერთმნიშვნელოვნად იყოს განსაზღვრული – საჭირო იყო თათბირი. დღეს სწორედ ამას მიეძღვნა ეპისკოპოსების შეხვედრა. დელეგატებზეც იმსჯელეს და შეთანხმდნენ, რომ სამი საპატრიარქო კანდიდატის ეპარქიის წარმომადგენლებს, ანუ თითოეული ეპარქიის წარმომადგენელს ექნება საშუალება, სიტყვით გამოვიდეს. ზოგადად, მათი უფლება არ იზღუდება, თუმცა მღვდელმთავრები ასე თანხმდებიან, რომ ასე სჯობს, რადგან ძალიან ბევრი წარმომადგენელია და თავისუფალი არჩევნის შემთხვევაში, შესაძლოა, სხდომა ძალიან გაგრძელდეს“, – აღნიშნა ჯაღმაიძემ.ანდრია ჯაღმაიძის თქმით, სამი კანდიდატიდან თუ რომელიმე მიიღებს 50 პროცენტზე მეტ ხმას, ანუ 20 ხმას, მეორე ტური აღარ გაიმართება.„თუ ვერცერთი კანდიდატი ვერ მიიღებს 20 ხმას, მაშინ კენჭისყრა ორი უპირატესიდან იქნება და 39 ეპისკოპოსი ამ ორიდან ამოირჩევს“, – განაცხადა ჯაღმაიძემ.ჟურნალისტის კითხვაზე, გაფართოებულ კრებაზე იქნება თუ არა საჯარო კანდიდატების გამოსვლები და დელეგატების მიმართვები, საპატრიარქოს საზოგადოებასთან ურთიერთობის სამსახურის ხელმძღვანელმა აღნიშნა, რომ პირდაპირი ეთერი არ იქნება, თუმცა გავრცელდება ჩანაწერი.ამასთან, როგორც ჯაღმაიძემ განაცხადა, პატრიარქის ინტრონიზაციის თარიღი განისაზღვრება არჩევნების შემდეგ, რადგან თარიღი უკვე არჩეულმა პატრიარქმა უნდა დაადგინოს.კითხვას იმის შესახებ, რომ ბოლო პერიოდში კანდიდატებთან დაკავშირებით ბრალდებები ისმის, ჯაღმაიძემ უპასუხა:„ზოგადად, ვფიქრობ, საზოგადოება მიჩვეულია საერო არჩევნებს და იქ მოყოლილ რაღაც დაპირისპირებებს. სინოდში ასეთი რამ არ ხდება. მიუხედავად იმისა, რომ იყო არაკორექტული გამოსვლები და ემოციური კომენტარებიც, დღევანდელი სინოდი, შეიძლება ითქვას, იყო ერთსულოვანი და ორიენტირებული იმაზე, რომ, როგორც აქამდე, პატრიარქის გარდაცვალების შემდეგ, მთელი ეს პერიოდი ღირსეულად მიმდინარეობდა სინოდი, სხვა პროცესიები, ასევე სამაგალითო და სანიმუშო იქნება ეს არჩევნებიც. ეს იყო მთავარი, მათი სულისკვეთება. ასე რომ, მცდელობები, წარმოაჩინონ ეპისკოპოსებს შორის დაპირისპირება, არარეალურია.ცნობისთვის, საქართველოს მართლმადიდებელი ეკლესიის გაფართოებული კრება, რომელზეც ახალ პატრიარქს აირჩევენ, 11 მაისს სამების ტაძარში გაიმართება.