მსოფლიო • 1783412889

მონაკოში, უკრაინელი ბიზნესმენის მკვლელობის მცდელობაში ეჭვმიტანილი ქალი მოკლული იპოვეს - რა წერს მედია

მონაკოში უკრაინელი ბიზნესმენის, ვადიმ ერმოლაევის მკვლელობის მცდელობის საქმეზე ეჭვმიტანილი ქალის ცხედარი კიევის მახლობლად აღმოაჩინეს. ინფორმაციას უკრაინული მედია, საკუთარ წყაროებზე დაყრდნობით, ავრცელებს.გამოცემა „უკრაინსკაია პრავდა“ წერს, რომ ქალის ცხედარი 6 ივლისს, დაახლოებით 23:00 საათზე იპოვეს. გამოცემის წყაროების ინფორმაციით, ქალი ცეცხლსასროლი იარაღითაა მოკლული.ამავე გამოცემის კიდევ ერთი წყაროს ცნობით, მონაკოში მომხდარი თავდასხმის საქმეზე ამ დროისთვის ორი ეჭვმიტანილია დაკავებული. გავრცელებული ინფორმაციით, ერთ-ერთი მათგანი უკრაინის თავდაცვის სამინისტროს დაზვერვის მთავარი სამმართველოს (HUR) მოქმედი ოფიცერია, ხოლო მეორე – სამართალდამცავი ორგანოების ყოფილი თანამშრომელი.შეგახსენებთ, რომ 29 ივნისს მონაკოში, ერთ-ერთ საცხოვრებელ შენობაში, ასაფეთქებელი მოწყობილობის აფეთქების შედეგად სამი ადამიანი მძიმედ დაშავდა. დაშავებულებს შორის იყვნენ უკრაინელი ბიზნესმენი ვადიმ ერმოლაევი და მისი ოჯახის წევრები.თავდასხმის შემდეგ სამართალდამცავებმა ეჭვმიტანილის დასაკავებლად ფართომასშტაბიანი ოპერაცია დაიწყეს. გამოძიების ინფორმაციით, მან მონაკოდან გაქცევა შეძლო და საფრანგეთის ტერიტორიაზე გადავიდა.საქმეზე გამოძიება გრძელდება, ხოლო სამართალდამცავები თავდასხმის ორგანიზატორებისა და შესაძლო თანამზრახველების დადგენას ცდილობენ.

რეგიონი • 1783412758

ოკუპირებულ აფხაზეთში დრონების საფრთხე გამოცხადდა

ოკუპირებულ აფხაზეთში უპილოტო საფრენი აპარატებით თავდასხმის საფრთხე გამოცხადდა, - ინფორმაციას რუსული მედია აფხაზეთის ე.წ. თავდაცვის სამინისტროზე დაყრდნობით ავრცელებს.„საჰაერო თავდაცვის ძალები და შეიარაღებული ძალების მორიგე ქვედანაყოფები საჰაერო სივრცეს აკონტროლებენ“, - აცხადებენ ე.წ. „სამინისტროში“.

მსოფლიო • 1783248146

ჩინეთი და რუსეთი საზღვაო წვრთნებს ჩაატარებენ

ჩინეთი და რუსეთი, ივლისში, ქალაქ ცინდაოს მახლობლად საზღვაო წვრთნებს ჩაატარებენ, რასაც წყნარ ოკეანეში ერთობლივი საზღვაო პატრულირება მოჰყვება. ინფორმაციას Bloomberg-ი ჩინეთის თავდაცვის სამინისტროს განცხადებაზე დაყრდნობით ავრცელებს.უწყების ცნობით, სწავლება ორი ქვეყნის სამხედროებს შორის ყოველწლიური თანამშრომლობის გეგმის ნაწილია და მისი მიზანი უსაფრთხოების გამოწვევების გადაჭრა და რეგიონული მშვიდობის შენარჩუნებაა.

საზოგადოება • 1783170907

თავდაცვის სამინისტროს დაჭრილ მებრძოლთა კვირეული სპორტის გუნდურ და ინდივიდუალურ სახეობებში აქტიურად მიმდინარეობს

საქართველოს თავდაცვის სამინისტროში დაჭრილი მებრძოლების დღისადმი მიძღვნილი კვირეული მიმდინარეობს, რომელიც მრავალფეროვანი სპორტული შეჯიბრებებით არის დატვირთული. სპორტულ ღონისძიებებს გორში დავით აღმაშენებლის სახელობის ეროვნული თავდაცვის აკადემია მასპინძლობს.დაჭრილ-დაშავებულმა მებრძოლებმა უკვე იასპარეზეს მაგიდის ჩოგბურთში, მკლავჭიდში, პნევმატური იარაღიდან და შაშხანიდან სროლაში.სპორტულ შეჯიბრებებს ეროვნული თავდაცვის აკადემიის მეთაური, ბრიგადის გენერალი მამია ბალახაძე და აღმოსავლეთის სარდლობის შტაბის უფროსი პოლკოვნიკი ბესიკ ნებაძე დაესწრნენ. მათ გამარჯვებული მებრძოლები ოქროს, ვერცხლის და ბრინჯაოს მედლებით დააჯილდოვეს.კვირეულის ფარგლებში 10 ინდივიდუალური და 3 გუნდური შეჯიბრი გაიმართება. დაჭრილი სამხედროები იასპარეზებენ ინდივიდუალურ სახეობებში: მაგიდის ჩოგბურთი, ძალოსნობა, მკლავჭიდი, შტანგა, სროლა პისტოლეტიდან, სროლა შაშხანიდან, ცურვა, ნიჩბოსნობა სავარჯიშო მოწყობილობაზე, მშვილდოსნობა, ბირთვის და ბადროს ტყორცნა და გუნდურ სახეობებში: პარარაგბი, პარაკალათბურთი და პარაფრენბურთი.ინფორმაციას თავდაცვის სამინისტრო ავრცელებს.

საზოგადოება • 1782907106

თავდაცვის ინსტიტუციური აღმშენებლობის სკოლამ 10 წლის იუბილე აღნიშნა

თავდაცვის ინსტიტუციური აღმშენებლობის სკოლამ (DIBS) 10 წლის იუბილე აღნიშნა. საიუბილეო ღონისძიება თავდაცვის სამინისტროს „არმიჰოლში“ გაიმართა.მოწვეულ სტუმრებს თავდაცვის მინისტრის მოადგილემ გრიგოლ გიორგაძემ სიტყვით მიმართა. მან სკოლის წარმომადგენლებს გაწეული სამსახურისთვის მადლობა გადაუხადა, მათი 10-წლიანი საქმიანობის შედეგებსა და მიღწევებზე ისაუბრა და სამომავლოდ წარმატებები უსურვა. დამსწრე საზოგადოებას ასევე სიტყვით მიმართეს თავდაცვის ინსტიტუციური აღმშენებლობის სკოლის დირექტორმა თეა ნიკოლაშვილმა და ნატო-საქართველოს არსებითი პაკეტის (SNGP) ხელმძღვანელმა ამალ ბაჰადურმა.ღონისძიების ფარგლებში თავდაცვის მინისტრის მოადგილემ უწყებრივი მედლებით - "საქართველოს თავდაცვის სამინისტროს სისტემაში უმწიკვლო სამსახურისთვის" - სკოლის თანამშრომლები დააჯილდოვა.ღონისძიებას თავდაცვის მინისტრის მოადგილეები, თავდაცვის ძალების ხელმძღვანელი პირები და საქართველოში აკრედიტებული დიპლომატიური კორპუსის წარმომადგენლები ესწრებოდნენ.

საზოგადოება • 1782833710

დაჭრილ მებრძოლთა კვირეული ოფიციალურად გაიხსნა

თავდაცვის უწყება 30 ივნისს დაჭრილ მებრძოლთა დღეს აღნიშნავს. საიუბილეო ღონისძიება თავდაცვის სამინისტროს „არმიჰოლში“ ჩატარდა. დაჭრილ მებრძოლებს კვირეულის გახსნა საქართველოს თავდაცვის მინისტრმა ირაკლი ჩიქოვანმა მიულოცა. მინისტრმა აღნიშნა, რომ სამინისტრო აქტიურად ზრუნავს დაჭრილი სამხედროების რეაბილიტაციაზე, სოციალურ დაცვასა და სამედიცინო მხარდაჭერაზე. თავდაცვის მინისტრმა განსაკუთრებით აღნიშნა, ქართველი სამხედროების წვლილი საერთაშორისო სამშვიდობო მისიებში, რის გამოც მათ საერთაშორისო პარტნიორების აღიარება დაიმსახურეს.ირაკლი ჩიქოვანმა დაჭრილ მებრძოლთა მხარდაჭერის საქმეში საზოგადოების მონაწილეობაზე და, ამ კუთხით, „დაჭრილ მებრძოლთა თანადგომის ფონდთან“ თანამშრომლობაზე ისაუბრა. მან მოწვეულ სტუმრებს სამინისტროს სოციალური პოლიტიკის ფარგლებში მიღებული გადაწყვეტილებაც გააცნო, რომელიც, მთავრობის მხარდაჭერით, დაჭრილი მებრძოლებისთვის ყოველთვიური დანამატის  50%-ით გაზრდას ითვალისწინებს.დაჭრილ სამხედრო მოსამსახურეებს,  თავდაცვის ძალების მეთაურმა, გენერალ-ლეიტენანტმა გიორგი მათიაშვილმა მიმართა და აღნიშნა, რომ მიმდინარე კვირეული, მებრძოლებისთვის მადლობის გადახდის კიდევ ერთი შესაძლებლობაა.თავდაცვის სამინისტროს „არმიჰოლში“ დაჭრილ მებრძოლთა აქტიური ცხოვრების ამსახველი ფოტოგამოფენა და სხვადასხვა სპორტულ შეჯიბრებაში მიღებული ჯილდოების  ექსპოზიცია მოეწყო. სტუმრებს დაშავებული სამხედროებისთვის უწყების მიერ შეძენილი ეტლებისა და სპორტული ინვენტარის დათვალიერების საშუალებაც ჰქონდათ.ღონისძიებას საქართველოს პარლამენტის, თავდაცვის უწყებისა და პარტნიორი ორგანიზაციების წარმომადგენლები დაესწრნენ.საქართველოს მთავრობის გადაწყვეტილებით, 30 ივნისი ოფიციალურად დაჭრილ-დაშავებულ მებრძოლთა დღედ არის გამოცხადებული. ამ თარიღთან დაკავშირებით ტრადიციულად იმართება სპორტული და კულტურული კვირეული, რომლის მიზანია დაჭრილი და დაშავებული სამხედრო მოსამსახურეების მხარდაჭერა, მათი მიღწევების წარმოჩენა და საზოგადოების ცნობიერების ამაღლება.ინფორმაციას თავდაცვის სამინისტრო ავრცელებს

მსოფლიო • 1782737820

მედია: 300 000 მოწვევა და მხოლოდ 530 თანხმობა - გერმანელ ახალგაზრდებს ჯარში მსახურების ინტერესი არ აქვთ

გერმანიის თავდაცვის უწყება კრიზისის წინაშეა, 2026 წელს დანერგილი რეკრუტირების ახალი სისტემა, რომელიც მიზნად ისახავდა არმიის რიგების ნებაყოფლობით შევსებას, მოლოდინს ვერ ამართლებს, - წერს მედია.კანცლერ ფრიდრიხ მერცის გეგმით, ევროპაში ყველაზე ძლიერი კონვენციური არმიის შესაქმნელად, გერმანიის სამხედრო პერსონალის რაოდენობა 185 000-დან 2035 წლისთვის, სულ მცირე, 260 000-მდე უნდა გაიზარდოს, თუმცა რეალური შედეგი ამ მიზნებს საგრძნობლად ჩამორჩება.მიუხედავად იმისა, რომ თავდაცვის სამინისტრომ თითქმის 300 000 ახალგაზრდას დაუგზავნა კითხვარი, იანვრიდან მაისის ჩათვლით გერმანიის ფედერაციული რესპუბლიკის შეიარაღებულმა ძალებმა მხოლოდ 530 მოხალისე მიიღო.თავდაცვის სამინისტროს მონაცემებით, კითხვარზე პასუხის გაცემის მაჩვენებელი მამაკაცებში საკმაოდ მაღალი - 96%-ია, თუმცა რეალური "კონვერტაცია", ანუ სამხედრო სამსახურში ჩარიცხვაზე თანხმობა, პრაქტიკულად არ ხდება.კერძოდ, გაგზავნილი 298 200 კითხვარიდან სამედიცინო და შერჩევის პროცედურები მხოლოდ 1 500-მა პირმა გაიარა. სტატისტიკა აჩვენებს, რომ კითხვარების შევსებისას ყოველი მეხუთე რესპონდენტი სამხედრო სამსახურის მიმართ გარკვეულ ინტერესს გამოხატავდა, თუმცა ეს სურვილი ფორმალურ ეტაპზე იშვიათად გადადის.ექსპერტები და ოპოზიციონერი პოლიტიკოსები მიიჩნევენ, რომ გერმანიის შეიარაღებული ძალები ღრმა კრიზისშია.მთავარ შემაფერხებელ ფაქტორებად არაკონკურენტული ანაზღაურება, არმიის ნეგატიური იმიჯი და რთული სამუშაო პირობები სახელდება.თავდაცვის მინისტრი ბორის პისტორიუსი ბუნდესვერის გაფართოებას ნატოს ვალდებულებების შესრულებისთვის კრიტიკულად მნიშვნელოვნად მიიჩნევს და მიზნად 2030-იანი წლების შუა პერიოდისთვის 260 000 სამხედროსა და 200 000 რეზერვისტის მობილიზებას ისახავს, თუმცა სპეციალისტთა შეფასებით, რეკრუტირება გერმანიის თავდაცვითი ამბიციების მთავარ ბარიერად რჩება, რომლის გადალახვასაც ხელისუფლება მხოლოდ კითხვარების დაგზავნის მეთოდით ვერ ახერხებს.შექმნილი ვითარებიდან გამომდინარე, როგორც მედია წერს, 2027 წლის ივლისისთვის გერმანიამ უნდა გადაწყვიტოს, აღადგენს თუ არა სავალდებულო სამხედრო სამსახურს, რადგან ნებაყოფლობითი რეკრუტირების პროგრამამ იმედგაცრუება აჩვენა.

პოლიტიკა • 1782392961

პაატა კვიჟინაძე: დღეს არ არის არცერთი ორგანიზაცია, რაც არ მოწმდება. აუდიტის სამსახურის მთელი დანიშნულება ეს არის, რომ რაღაც ხდება და რაღაც მიგნება იპოვეს. თუ არაფერი იპოვა, 43 მილიონს რატომ ვიხდით საერთოდ?

გამარტივებული შესყიდვები- 51% იყო 12 წელში, ახლა არის 10%-ზე ცოტა მეტი. ეს არის მაღალ კონტროლზე აყვანილი. გენერალურმა აუდიტორმა ახსნა, თქვენ ყველაფერს უძახით შეჭმულ თანხას. რაღაც რომ არ გაკეთდა, მაგალითად, გზა, ეს შეჭმული თანხა კი არ არის, უბრალოდ თანხა არ გადაიხადა და ეს არის შეუსრულებლობა. ვერ შეასრულა სამუშაო, მოვა სხვა და გააკეთებს, ცუდია, დროში გაიწელა, მაგრამ ფული არ დაკარგულა, ეს სულ სხვა რაღაცას ამბობთ- ამის შესახებ განაცხადა პარლამენტის საფინანსო-საბიუჯეტო კომიტეტის თავმჯდომარე პაატა კვიჟინაძემ პლენარულ სხდომაზე, სადაც გენერალური აუდიტორის მოსმენა მიმდინარეობდა.პაატა კვიჟინაძე აღნიშნავს, რომ წარსულისგან განსხვავებით მაშინ, როდესაც ძალოვან უწყებებში აუდიტი ფიზიკურად ვერ შედიოდა, დღეს საქართველოში არ არსებობს არცერთი ორგანიზაცია, რომელსაც აუდიტის სამსახური არ ამოწმებს.  აქვე აღნიშნავს, რომ აუდიტის სამსახური ამოწმებს მხოლოდ ფინანსურ მხარეს და მისი მანდატი არ არის შინაარსობრივ თუ პოლიტიკურ გადაწყვეტილებებში ჩარევა.კვიჟინაძე ამბობს, რომ სახელმწიფო ებრძვის კორუფციას და ამის დასტურად მოჰყავს ევროკავშირის მიერ გამოქვეყნებული კორუფციის დონე.  ამასთან, ის არ ეთანხმება ოპოზიციის კრიტიკას, თითქოს დამნაშავეები არ ისჯებიან.„რაც შეეხება შემოწმებას- რომ ვნახეთ ანგარიშები, ფიზიკურად ვერ შედიოდნენ შეგიძლიათ შეამოწმოთ, მაგალითად, თავდაცვის სამინისტროში, მაშინ რა ერქვა უშიშროებას, ვერ შედიოდნენ ორგანიზაციებში. დღეს არ არის არცერთი ორგანიზაცია, რაც არ მოწმდება. ჩვენც ვუწყობდით ხელს, რომ ყველა შემოწმებულიყო. იყო სუს-ის ანგარიში, შსს ახლახან იყო სულ ორი კვირის წინ. თავდაცვის სამინისტროზე სისხლის სამართლის საქმეც იყო აღძრული. პროკურატურა მოწმდება, ახლა მალე გამოვა დასკვნა და არ არსებობს ორგანიზაცია, რომელსაც ვერ ამოწმებდეს, ეს დახურულია. კიდევ ერთხელ ვიმეორებ, კარგია, რომ ამოწმებს და წყაროს გაძლევთ ოპოზიციას, რომ თქვათ, რაც არის და ჩვენც უნდა ვიცოდეთ, რომ რაღაც ისე არ კეთდება, რომ გამოვასწოროთ. აუდიტის სამსახურის მთელი დანიშნულება ეგ არის, რომ რაღაც ხდება და რაღაც მიგნება იპოვეს. აბა, თუ არაფერი იპოვა, 43 მილიონს რაზე ვიხდით საერთოდ? შვედეთში 400 წლის ისტორია აქვს აუდიტს და თუ ყველაფერი გამოსწორებულია, რატომ აქვთ ეს აუდიტის სამსახური? მთელი იდეა ეგ არის, რომ ნახოს რა არის და იყოს იმის აღსრულება.აქ ითქვა, სასამართლოში თუ ნახეთო- აუდიტი ამოწმებს ყველას, როგორც საბიუჯეტო თანხებს, ისე საჯარო თანხებს, მაგალითად ეროვნულ ბანკს, მაგრამ ის არ ეხება გადაწყვეტილებებს. პარლამენტიც შეამოწმა შარშან, მაგრამ იმას ის კი არ უთქვამს, რომ კანონები სწორი მიიღეთ თუ არ მიიღეთ. ამოწმებს ბუღალტერიას- ანუ არაფინანსური აქტივები, ადმინისტრაციული ხარჯები, მივლინებები და ასე შემდეგ. სადმე გინახავთ, რომ რაიმე გადაწყვეტილება ან ეროვნული ბანკის ან ვინმესი გაესაჯაროებინოს? არ აქვს ეს მანდატი, ის [აუდიტი] ნახულობს რა ხდება ბუღალტერიაში, ცოტა უხეშად რომ ვთქვათ. რაც შეეხება კორუფციას, ნახეთ ევროკავშირის მიერ გამოქვეყნებული კორუფციის დონე, რა დონეზეა საქართველო და შევთანხმდეთ, ვნახოთ სად და როგორ ვართ. დასჯილი არ გვინახავსო- ეს თემა ჩემთვის მტკივნეულია, მეტი რა უნდა დასაჯო, ახლა ვინც ხალხი არის პასუხისმგებლობაში მიცემული.“-განაცხადა პაატა კვიჟინაძემ.

მსოფლიო • 1782375153

რუსეთმა კონსტანცაში რუმინეთის საკონსულოს დახურვასთან დაკავშირებით რუმინეთის ელჩი დაიბარა

რუსეთმა კონსტანცაში რუმინეთის საკონსულოს დახურვასთან დაკავშირებით რუმინეთის ელჩი დაიბარა. ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.ზახაროვას თქმით, რუმინეთის ელჩი საგარეოსი დაიბარეს, რათა იმ საპასუხო ზომების შესახებ აცნობონ, რისი მიღებაც რუმინეთის საკონსულოს დახურვის შემდეგ გადაწყვიტეს.შეგახსენებთ, რომ გასულ თვეს რუმინეთმა კონსტანცაში რუსეთის საკონსულო დახურა და რუსეთის კონსული პერსონა ნონ გრანტად გამოაცხადა.აღნიშნული გადაწყვეტილება ბუქარესტში მას შემდეგ მიიღეს, რაც რუმინეთის სასაზღვრო ქალაქ გალატში დრონი 10-სართულიან კორპუსს შეეჯახა და ორი ადამიანი დაშავდა. რუმინეთის თავდაცვის სამინისტროში განაცხადეს, რომ კორპუსს რუსული დრონი შეეჯახა.ცნობისთვის, რუმინეთმა კონსტანტაში რუსეთის საკონსულო დახურა და რუსეთის კონსული პერსონა ნონ გრანტად გამოაცხადა.

მსოფლიო • 1782328751

იტალიის თავდაცვის სამინისტროში უარყოფენ მარკ რუტეს განცხადებას, რომ ირანის წინააღმდეგ აშშ-ის სამხედრო ოპერაციის მხარდასაჭერად იტალიის ბაზებიდან 500 ამერიკული თვითმფრინავი აფრინდა

იტალიის თავდაცვის სამინისტროში უარყოფენ NATO-ს გენერალური მდივნის, მარკ რუტეს განცხადებას, რომლის მიხედვითაც, ირანის წინააღმდეგ აშშ-ის სამხედრო ოპერაციის მხარდასაჭერად „იტალიაში მდებარე ბაზებიდან 500 ამერიკული თვითმფრინავი აფრინდა“.იტალიის თავდაცვის მინისტრის, გვიდო კროზეტოს განცხადებით, გაკვირვებულია, რომ მარკ რუტემ რომელსაც, მისივე თქმით, აშშ-ის ოპერაციასთან „არანაირი კავშირი არ ჰქონია“, გაავრცელა ვერსია, რომელიც „აბსოლუტურად შეცდომაში შემყვან გზავნილს“ შეიცავდა.კროზეტოს განცხადებით, მარკ რუტემ ნებადართული დამხმარე ფრენები და საბრძოლო მოქმედებებთან დაკავშირებული ოპერაციები ერთმანეთში აურია.„იტალია ნებას რთავს მხოლოდ იმ ფრენებს, რომლებიც საერთაშორისო შეთანხმებებით არის გათვალისწინებული და სრულად გამორიცხავს საბრძოლო მოქმედებებში მონაწილეობას. ქვეყანა ყოველთვის მოქმედებდა და გააგრძელებს მოქმედებას არსებული შეთანხმებების ფარგლებში. არსებული შეთანხმებებით განსაზღვრული პროცედურების ფარგლებში, ნებადართული იყო მხოლოდ ტექნიკური და ლოგისტიკური ხასიათის ღონისძიებები და არა საბრძოლო ოპერაციები. როგორც ცნობილია, იმ შემთხვევებში, როდესაც მოთხოვნა ამ ფარგლებს სცდებოდა, იტალია ნებართვას არ გასცემდა“, – განაცხადა იტალიის თავდაცვის მინისტრმა.

პოლიტიკა • 1782113655

ირაკლი კობახიძე: "ჯარის ბანაკი" ახალგაზრდებს აძლევს საშუალებას, გაიზიარონ ის სიამაყე, რომელსაც განიცდის თითოეული სამხედრო მოსამსახურე სამშობლოს სამსახურში

მიხარია, რომ ეს ძალიან ღირებული, მნიშვნელოვანი ტრადიცია გრძელდება და უკვე მე-4 წელია, რაც იმართება "ჯარის ბანაკი", რომელიც ახალგაზრდებს გაძლევთ საშუალებას, გაიზიაროთ ის სიამაყე, რომელსაც განიცდის თითოეული სამხედრო მოსამსახურე სამშობლოს სამსახურში, - ამის შესახებ საქართველოს პრემიერ-მინისტრმა ირაკლი კობახიძემ „ჯარის ბანაკი 2026“-ის გახსნის ღონისძიებაზე სიტყვით გამოსვლისას განაცხადა.როგორც მთავრობის მეთაურმა აღნიშნა, 1700 მოსწავლეს მასპინძლობს "ჯარის ბანაკი",როგორც კოჯორში, ისე საჩხერის სამთო მომზადების სკოლაში."დარწმუნებული ვარ, რომ ეს დღეები თქვენთვის იქნება ძალიან საინტერესოც, სასიამოვნოც და საბოლოო ჯამში, იქნება დაუვიწყარი. მთლიანობაში 1700 მოსწავლეს მასპინძლობს "ჯარის ბანაკი",როგორც კოჯორში, ისე საჩხერის სამთო მომზადების სკოლაში. თითოეულ თქვენგანს გექნებათ იმის საშუალება, რომ ადგილზე ნახოთ, თუ როგორია ჯარისკაცის ცხოვრება, რა ღირებულებებს ეზიარება სამხედრო მოსამსახურე. ძალიან მნიშვნელოვანია ასევე, რომ წელს პირველად დაემატა "ჯარის ბანაკს" "საპატრიარქო საათის" კომპონენტი, სადაც თქვენ გექნებათ ჩვენს ეროვნულ, სულიერ ღირებულებებზე საუბრის საშუალება.უმნიშვნელოვანესი პროექტია. მინდა, მადლობა გადავუხადო ყველას, ვინც ახორციელებს ამ პროექტს. მადლობა მინდა გადავუხადო თავდაცვის სამინისტროს, განათლების სამინისტროს, ახალგაზრდობის სააგენტოს, თითოეულ ინსტრუქტორს. თითოეული თქვენგანისთვის ძალიან მნიშვნელოვანია ის დღეები, რომლებსაც გაატარებთ "ჯარის ბანაკში". მინდა, ყველას გისურვოთ წარმატებული და ძალიან საინტერესო დღეები", - განაცხადა პრემიერ-მინისტრმა.

მსოფლიო • 1782110468

ბრაზილიაში ჰაკერებმა თავდაცვის სამინისტროს სახელით მოქალაქეებს უცხოპლანეტელების თავდასხმის შესახებ შეტყობინებები გაუგზავნეს

ბრაზილიაში, ქალაქ ბელუ-ორიზონტიში მცხოვრებლებს მიუვიდათ გაფრთხილება ამოუცნობი მფრინავი ობიექტების სავარაუდო თავდასხმის შესახებ. შეტყობინების ტექსტში ნათქვამი იყო: „გაუფრთხილდით თავს: უცხოპლანეტელების თავდასხმაა, ხალხი მოდის“.მოგვიანებით თავდაცვის სამინისტრომ განმარტა, რომ შეტყობინებები ჰაკერული თავდასხმის შედეგია, რომლებიც გარე პირებმა სისტემის უსაფრთხოების დარღვევის შემდეგ გააგზავნეს. უწყების განმარტებით, ინტეგრაციისა და რეგიონული განვითარების სამინისტროს დაქვემდებარებაში არსებული სამოქალაქო დაცვისა და თავდაცვის ეროვნული სამდივნო ფედერალურ პოლიციას მიმართავს.სპეციალისტებმა უკვე დაიწყეს მუშაობა სისტემის აღსადგენად, მას შემდეგ რაც ჰაკერული თავდასხმის შედეგები აღმოფხვრეს. უწყებაში დააზუსტეს, რომ მსგავსი შემთხვევების განმეორების თავიდან ასაცილებლად ყველა ზომას იღებენ.