თავდაცვის სამინისტრო

Agile Spirit 2025-ის კულმინაციური საველე სწავლება საბრძოლო სროლებით გაიმართა

Agile Spirit 2025 ფარგლებში, ვაზიანის მე-11 პოლიგონზე მრავალეროვნული ასეულის დონის ქვედანაყოფის კულმინაციური საველე სწავლება საბრძოლო სროლებით ჩატარდა, - ინფორმაციას საქართველოს თავდაცვის სამინისტრო ავრცელებს.„კომბინირებულ სწავლებას თავდაცვის მინისტრი ირაკლი ჩიქოვანი, თავდაცვის ძალების მეთაურთან, გენერალ-ლეიტენანტ გიორგი მათიაშვილთან და აშშ-ის ჯორჯიის შტატის ეროვნული გვარდიის გაერთიანებული შტაბის მეთაურთან, ბრიგადის გენერალ კრის მარშალთან ერთად დაესწრო. ვაზიანში იმყოფებოდნენ თავდაცვის მინისტრისა და თავდაცვის ძალების მეთაურის მოადგილეები, საქართველოში აკრედიტებული თავდაცვის ატაშეები, ნატოს სამეკავშირეო ოფისის, ნატო-საქართველოს არსებითი პაკეტის (SNGP) ძირითადი ჯგუფის, აშშ-ის საელჩოს თავდაცვის სფეროში თანამშრომლობის სამსახურისა (ODC) და ევროკავშირის მონიტორინგის მისიის (EUMM) წარმომადგენლები.Agile Spirit საქართველოში მეთორმეტედ ტარდება. სწავლება მიზნად ისახავს მონაწილე ქვეყნების თავდაცვის ძალების მზადყოფნის დონის ამაღლებას, ურთიერთთავსებადობისა და ოპერატიული შესაძლებლობების გაძლიერებას. საერთაშორისო წვრთნებს ერთობლივად ხელმძღვანელობენ საქართველოს თავდაცვის ძალების დასავლეთის სარდალი, ბრიგადის გენერალი კობა გრიგოლია და აშშ-ის ჯორჯიის შტატის ეროვნული გვარდიის წარმომადგენელი, პოლკოვნიკი უილიამ კოქსი“, - აღნიშნულია გავრცელებულ ინფორმაციაში.

საზოგადოება • 1754378609

თურქეთის თანამშრომლობისა და კოორდინაციის სააგენტოს - TIKA-ს მხარდაჭერით გომბორის მოხალისეთა მომზადების ცენტრში თურქი სპეციალისტები ქართველ ინსტრუქტორებს გადაამზადებენ

დღეს, ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე მოხალისეთა ორგანიზაცია ა(ა)იპ’’ ახალგაზრდობა და ვეტერანები ეროვნული თავდაცვისა და უსაფრთხოებისათვის’’ მოხალისეთა მომზადების გომბორის ცენტრს სტუმრობდა თურქეთის თანამშრომლობისა და კოორდინაციის სააგენტოს -TIKA-ს თბილისის ოფისის ხელმძღვანელთან, ზეინაფ ბაირაქთან და მის მოადგილესთან, ემრე ეზბერთან ერთად; სტუმრებს მასპინძლობა გაუწია ა(ა)იპ”ახალგაზრდობა და ვეტერანები ეროვნული თავდაცვისა და უსაფრთხოებისათვის” დირექტორმა,ედუარდ ჯიშკარიანმა, რომელმაც მათ ადგილზე გააცნო TIKA-ს მხარდაჭერით განხორციელებული პროექტის მიმდინარეობა, რომლის ფარგლებში, თურქულმა მხარემ გომბორის მოხალისეთა მომზადების ცენტრს, მაშველებისთვის ეკიპირება, სპეცფორმები და ინდივიდუალური უსაფრთხოების საშუალებები გადასცა;ამავე პროექტის ფარგლებში, 5 თურქი სპეციალისტი, თურქეთის კონიის მუნიციპალიტეტის სახანძრო უსაფრთხოების დეპარტამენტიდან, გომბორის მოხალისეთა მომზადების ცენტრის 30 ინსტრუქტორს უტარებს ტრენინგს: “საგანგებო სიტუაციების და კატასტროფების მართვის პროგრამა; ღია პერიმეტრზე საძიებო-სამაშველო სამუშაოები;’’სწავლების პროცესი დღეს დაიწყო, მოიცავს როგორც თეორიულ, ისე პრაქტიკულ მეცადინეობებს და 8 აგვისტომდე გასტანს.შეგახსენებთ, თურქეთის თანამშრომლობისა და კოორდინაციის სააგენტო-TIKA თურქეთის მთავრობის დაქვემდებარებაში მყოფი ორგანიზაციაა და უკვე 30 წელია, ჩვენი ქვეყნის თითქმის ყველა რეგიონში, სხვადასხვა მიმართულებით ახორციელებს ერთობლივ პროექტებს ჯანდაცვის, ინფრასტრუქტურის, ტურიზმისა და სოფლის მეურნეობის მიმართულებით. ვეტერანების საქმეთა სახელმწიფო სამსახურთან თურქეთის თანამშრომლობისა და კოორდინაციის სააგენტო-TIKA 2017 წლიდან თანამშრომლობს და არა ერთი პროექტი განახორციელა საქართველოს ვეტერანების მხარდასაჭერად.ინფორმაციისთვის, მოხალისეთა ორგანიზაცია - ა(ა)იპ ,,ახალგაზრდები და ვეტერანები ეროვნული თავდაცვისა და უსაფრთხოებისთვის“, საქართველოს თავდაცვის სამინისტრომ, ვეტერანების საქმეთა სახელმწიფო სამსახურმა და ,,საქართველოს გენერალთა კლუბმა“ 2023 წლის აპრილში დააფუძნეს საქართველოს კონსტიტუციით განსაზღვრული ტოტალური თავდაცვის პრინციპის მხარდაჭერის, ქვეყნის თავდაცვისუნარიანობის ამაღლებისა და ეროვნული უსაფრთხოების ხელშეწყობის მიზნით; დაარსებიდან დღემდე, გომბორის მოსამზადებელ ცენტრში, კვალიფიციური ინსტრუქტორების მიერ, 2000-მდე სხვადასხვა ასაკის მოხალისე გადამზადდა.

საზოგადოება • 1754307496

თურქეთის თანამშრომლობისა და კოორდინაციის სააგენტოს-TIKA-ს მხარდაჭერით გომბორის მოხალისეთა მომზადების ცენტრში თურქი სპეციალისტები ქართველ ინსტრუქტორებს გადაამზადებენ

დღეს, ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე თურქეთის თანამშრომლობისა და კოორდინაციის სააგენტოს -TIKA-ს თბილისის ოფისის ხელმძღვანელთან, ზეინაფ ბაირაქთან და მის მოადგილესთან, ემრე ეზბერთან ერთად მოხალისეთა ორგანიზაცია ა(ა)იპ „ახალგაზრდობა და ვეტერანები ეროვნული თავდაცვისა და უსაფრთხოებისათვის“ მოხალისეთა მომზადების გომბორის ცენტრს სტუმრობდა.სტუმრებს მასპინძლობა გაუწია ა(ა)იპ „ახალგაზრდობა და ვეტერანები ეროვნული თავდაცვისა და უსაფრთხოებისათვის” დირექტორმა, ედუარდ ჯიშკარიანმა, რომელმაც მათ ადგილზე გააცნო TIKA-ს მხარდაჭერით განხორციელებული პროექტის მიმდინარეობა, რომლის ფარგლებში, თურქულმა მხარემ გომბორის მოხალისეთა მომზადების ცენტრს, მაშველებისთვის ეკიპირება, სპეცფორმები და ინდივიდუალური უსაფრთხოების საშუალებები გადასცა.ამავე პროექტის ფარგლებში, 5 თურქი სპეციალისტი, თურქეთის კონიის მუნიციპალიტეტის სახანძრო უსაფრთხოების დეპარტამენტიდან, გომბორის მოხალისეთა მომზადების ცენტრის 30 ინსტრუქტორს უტარებს ტრენინგს: “საგანგებო სიტუაციების და კატასტროფების მართვის პროგრამა; ღია პერიმეტრზე საძიებო-სამაშველო სამუშაოები“.სწავლების პროცესი დღეს დაიწყო, მოიცავს როგორც თეორიულ, ისე პრაქტიკულ მეცადინეობებს და 8 აგვისტომდე გასტანს.შეგახსენებთ, თურქეთის თანამშრომლობისა და კოორდინაციის სააგენტო-TIKA თურქეთის მთავრობის დაქვემდებარებაში მყოფი ორგანიზაციაა და უკვე 30 წელია, ჩვენი ქვეყნის თითქმის ყველა რეგიონში, სხვადასხვა მიმართულებით ახორციელებს ერთობლივ პროექტებს ჯანდაცვის, ინფრასტრუქტურის, ტურიზმისა და სოფლის მეურნეობის მიმართულებით. ვეტერანების საქმეთა სახელმწიფო სამსახურთან თურქეთის თანამშრომლობისა და კოორდინაციის სააგენტო-TIKA 2017 წლიდან თანამშრომლობს და არა ერთი პროექტი განახორციელა საქართველოს ვეტერანების მხარდასაჭერად.ინფორმაციისთვის, მოხალისეთა ორგანიზაცია - ა(ა)იპ „ახალგაზრდები და ვეტერანები ეროვნული თავდაცვისა და უსაფრთხოებისთვის“, საქართველოს თავდაცვის სამინისტრომ, ვეტერანების საქმეთა სახელმწიფო სამსახურმა და ,,საქართველოს გენერალთა კლუბმა“ 2023 წლის აპრილში დააფუძნეს საქართველოს კონსტიტუციით განსაზღვრული ტოტალური თავდაცვის პრინციპის მხარდაჭერის, ქვეყნის თავდაცვისუნარიანობის ამაღლებისა და ეროვნული უსაფრთხოების ხელშეწყობის მიზნით; დაარსებიდან დღემდე, გომბორის მოსამზადებელ ცენტრში, კვალიფიციური ინსტრუქტორების მიერ, 2000-მდე სხვადასხვა ასაკის მოხალისე გადამზადდა.ინფორმაციას ვეტერანების საქმეთა სახელმწიფო სამსახური ავრცელებს.

საზოგადოება • 1754204278

პროექტი „ჯარის ბანაკი“ მეშვიდე როტაციას მასპინძლობს

საქართველოს თავდაცვის სამინისტროს პროექტი - „ჯარის ბანაკი“ მეშვიდე როტაციას მასპინძლობს. პოლკოვნიკ ბესიკ ქუთათელაძის სახელობის საჩხერის სამთო მომზადების სკოლასა და კოჯრის გიორგი ანწუხელიძის სახელობის სერჟანტთა აკადემიაში საქართველოს სხვადასხვა რეგიონის მოსწავლეები იმყოფებიან. მოსწავლეების დღის წესრიგი მათზე მორგებული საინტერესო აქტივობებით არის დატვირთული.პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში სამედიცინო და საინჟინრო სწავლებებთან ერთად, მოსწავლეები ინსტრუქტორებისგან დეტალურ ინფორმაციას იღებენ დრონების ფუნქციონირებისა და დანიშნულების შესახებ. თეორიული სწავლების შემდეგ კი, მათ შესაძლებლობა ეძლევათ პრაქტიკული გამოცდილებაც მიიღონ.პროექტში აქტიურად არის ჩართული საქართველოს საპატრიარქო. სამხედრო დისციპლინების გარდა, ბანაკს საპატრიარქოსთან არსებული თეატრალური დასი სტუმრობს და ბავშვებს შემეცნებით-საგანმანათლებლო წარმოდგენებს სთავაზობს. მოზარდებში, საგანმანათლებლო შინაარსის სპექტაკლები სულიერი ღირებულებების განმტკიცებას ისახავს მიზნად.საქართველოს თავდაცვის სამინისტრო განათლების, მეცნიერებისა და ახალგაზრდობის სამინისტროსთან ერთად პროექტს - „ჯარის ბანაკი“ მესამე წელია ახორციელებს. პროექტი ახალგაზრდებში პატრიოტული სულისკვეთების ამაღლებას, ჯანსაღი ცხოვრების წესის პოპულარიზაციასა და ქართული ჯარის შესახებ ინფორმირებულობას ისახავს მიზნად.

ომი უკრაინაში • 1754202988

უკრაინამ სოჭში ნავთობბაზას დრონებით დაარტყა

უკრაინამ სოჭში მდებარე ნავთობის ბაზაზე დრონებით იერიში განახორციელა. ადგილობრივი ადმინისტრაციის ინფორმაციით, ადლერის რაიონში მდებარე ბაზაზე ცეცხლი მოეკიდა ცისტერნას, რომელშიც ნავთობპროდუქტები ინახებოდა.ამასთან, სოჭის აეროპორტის მუშაობა დროებით შეჩერდა, თუმცა შეზღუდვები მოიხსნა. რუსეთის თავდაცვის სამინისტროს ინფორმაციით, ღამის განმავლობაში მათ 93 უკრაინული დრონი ჩამოაგდეს.

საზოგადოება • 1753944244

კობა კობალაძე და აფხაზეთის ა/რ მთავრობის თავმჯდომარე გიორგი ჯინჭარაძე გომბორის მოხალისეთა მომზადების ცენტრს ესტუმრნენ და პროექტის მიმდინარეობას ადგილზე გაეცნენ

ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, აფხაზეთის ავტონომიური რესპუბლიკის მთავრობის თავმჯდომარესთან, გიორგი ჯინჭარაძესთან, აფხაზეთის ა/რ განათლებისა და კულტურის მინისტრთან, ბექა ღვაჩლიანთან და მთავრობის წევრებთან ერთად, გომბორის მოხალისეთა მომზადების ცენტრს ესტუმრა, რომელიც, უკვე, მოხალისეთა მეშვიდე ნაკადს მასპინძლობს.სტუმრებს, ა(ა) იპ "ახალგაზრდობა და ვეტერანები ეროვნული თავდაცვისა და უსაფრთხოებისათვის" დირექტორმა, ედუარდ ჯიშკარიანმა ადგილზე გააცნო მოხალისეთა მომზადების პროგრამის მიმდინარეობა, ცენტრის ინფრასტრუქტურა და პროექტის მონაწილე მოზარდები, რომელთა შორის არიან ქუთაისის აფხაზეთის ჟიული შარტავას სახელობის მე-6 საჯარო სკოლისა და თბილისის ვლადიმერ ვეკუას სახელობის აფხაზეთის მე-3 საჯარო სკოლის მოსწავლეები.მოზარდებმა სტუმრებთან ერთად ისადილეს, ხოლო შემდეგ, მცირე კონცერტი გამართეს და წარმოადგინეს მათ მიერ დადგმული კომპოზიცია "აფხაზეთი საქართველოა". კობა კობალაძემ და გიორგი ჯინჭარაძემ აღნიშნეს, რომ ასეთი პროექტები ქვეყნის თავდაცვისუნარიანობის ამაღლების საქმეში ახალგაზრდების ჩართულობის, მათში პატრიოტული სულისკვეთების გაღრმავებისა და მოტივირებული, შესაბამისი უნარ-ჩვევებით აღჭურვილი მომავალი თაობის აღზრდისთვის უმნიშვნელოვანესია.მათ მოხალისეებსა და ინსტრუქტორებს მადლობა გადაუხადეს და წარმატებები უსურვეს. ინფორმაციისთვის, მოხალისეთა ორგანიზაცია - ა(ა)იპ "ახალგაზრდები და ვეტერანები ეროვნული თავდაცვისა და უსაფრთხოებისთვის", საქართველოს თავდაცვის სამინისტრომ, ვეტერანების საქმეთა სახელმწიფო სამსახურმა და "საქართველოს გენერალთა კლუბმა" 2023 წლის აპრილში დააფუძნეს საქართველოს კონსტიტუციით განსაზღვრული ტოტალური თავდაცვის პრინციპის მხარდაჭერის, ქვეყნის თავდაცვისუნარიანობის ამაღლებისა და ეროვნული უსაფრთხოების ხელშეწყობის მიზნით; დაარსებიდან დღემდე, გომბორის მოსამზადებელ ცენტრში, 2000-მდე სხვადასხვა ასაკის მოხალისე გადამზადდა.

ომი უკრაინაში • 1753856998

რუსეთმა სარაკეტო დარტყმა მიიტანა უკრაინის სახმელეთო ჯარების სასწავლო ქვედანაყოფზე, დაიღუპა სამი სამხედრო, 18 კი დაიჭრა

რუსეთმა სარაკეტო დარტყმა მიიტანა უკრაინის სახმელეთო ჯარების სასწავლო ქვედანაყოფზე. უკრაინული მედიის ცნობით, შედეგად დაიღუპა სამი სამხედრო მოსამსახურე, 18 კი დაიჭრა.როგორც უკრაინის სახმელეთო სამხედრო ძალების განცხადებაშია აღნიშნული, „მიღებული უსაფრთხოების ზომების მიუხედავად, პირად შემადგენლობაში დანაკარგის თავიდან აცილება ვერ მოხერხდა.“ამავე განცხადებაში აღნიშნულია, რომ მომხდარის ყველა დეტალის დასადგენად შექმნილია კომისია და დაწყებულია გამოძიება.„თუ დადგინდება, რომ სამხედროების დაღუპვა ან მათი დაშავება გამოწვეული იყო თანამდებობის პირთა ქმედებებით ან მათი უმოქმედობით, პასუხისმგებელი პირები პასუხისგებაში მიეცემიან“, – ნათქვამია უკრაინის სახმელეთო სამხედრო ძალების მიერ გავრცელებულ განცხადებაში.მომხდარის შესახებ განსხვავებულ ინფორმაციას ავრცელებს რუსეთის თავდაცვის სამინისტრო. მოსკოვში ამტკიცებენ, რომ ჩერნიჰივის რეგიონში მდებარე სამხედრო სასწავლო ცენტრზე დარტყმის შედეგად უკრაინამ 200 ჯარისკაცი დაკარგა. მათ ნაწილი დაიღუპა და ნაწილი დაიჭრა. მათივე ცნობით, დარტყმა განხორციელდა „ისკანდერის“ ტიპის რაკეტით.

სამართალი • 1753810920

თავდაცვის სამინისტროს ყოფილ მაღალჩინოსნებს პატიმრობა შეეფარდათ - რა დოკუმენტები დევს გამოძიების ფაილებში

თავდაცვის სამინისტროს ყოფილ მაღალჩინოსნებს პატიმრობა შეეფარდათ. დიდი ოდენობით საბიუჯეტო თანხების გაფლანგვისა და გაფლანგვაში დახმარების ბრალდებით დაკავებულები, სასამართლო პროცესზე სახელმწიფო უსაფრთხოების სამსახურის თანამშრომლებმა მიიყვანეს.დაახლოებით ერთსაათიანი განხილვის შემდეგ, მოსამართლე ირაკლი ხუსკივაძემ, გიორგი ხაინდრავას, ვლადიმერ ღუდუშაურსა და ვასილ მხეიძეს წინასწარი პატიმრობა ადგილზე თათბირით შეუფარდა და თქვა, რომ სრულად აკმაყოფილებს პროკურატურის შუამდგომლობას. გადაწყვეტილების გამოცხადებამდე სიტყვის უფლებით მხოლოდ ერთმა ბრალდებულმა, თავდაცვის ყოფილი მინისტრის ყოფილმა მოადგილემ ისარგებლა. გიორგი ხაინდრავამ თქვა, რომ წარდგენილ ბრალს არ ეთანხმება.სახელმწიფო ბრალდება, თავდაცვის სამინისტროს ყოფილი მაღალჩინოსნების პატიმრობაში დატოვებას, ბრალდებულის მიმალვის, ხელახალი დანაშაულის ჩადენისა და მოწმეებზე ზემოქმედების საფრთხის გამო ითხოვდა. ბრალდებულების ადვოკატებმა კი მოსამართლეს სამივე დაკავებულისთვის ნაკლებად მკაცრი აღკვეთის ღონისძიების, 100 000-ლარიანი გირაოს შეფარდების შუამდგომლობით მიმართეს, სასამართლომ დაცვის მხარის შუამდგომლობა არ გაიზიარა და გადაწყვეტილება კონკრეტული არგუმენტებით გაამყარა.გიორგი ხაინდრავასა და ვლადიმერ ღუდუშაურს დიდი ოდენობით თანხების გაფლანგვას, ვასილ მხეიძეს კი გაფლანგვაში დახმარებას ედავებიან. გამოძიების ინფორმაციით, ბრალდებულებმა თავდაცვის სამინისტროსთვის შეძენილი სამედიცინო აპარატურა რამდენჯერმე გადაყიდეს, ყალბი დოკუმენტები დაამზადეს და საფასური ხელოვნურად გაზარდეს. კორუფციული გარიგების შედეგად, სახელმწიფო ბიუჯეტიდან 1 300 000 ლარზე მეტი გაიფლანგა. საქმეზე გამოძიება გრძელდება.დაკავებულებს ბრალის დამტკიცების შემთხვევაში 7-დან 11 წლამდე პატიმრობა ემუქრებათ.

სამართალი • 1753782278

მოპოვებულია არაერთი მტკიცებულება, მათ შორის გაყალბებული დოკუმენტები, მათ შორის ექსპერტიზის დასკვნა, რაც ადასტურებს ბრალდებულების მიერ დანაშაულის ჩადენას - პროკურორი თავდაცვის სამინისტროს ყოფილი მაღალჩინოსნების საქმეზე

საქალაქო სასამართლომ თავდაცვის სამინისტროს ყოფილ მაღალჩინოსნებს წინასწარი პატიმრობა შეუფარდა. სამივე ბრალდებულის ადვოკატმა 100 000-ლარიანი გირაო მოითხოვა, თუმცა დაცვის მხარის შუამდგომლობა არ დაკმაყოფილდა. ჯუანშერ ბურჭულაძის ყოფილ მოადგილეს, გიორგი ხაინდრავას, უწყების შესყიდვების დეპარტამენტის ყოფილ უფროსს, ვლადიმერ ღუდუშაურს და ყოფილი მინისტრის ნათესავს, ვასილ მხეიძეს ჯგუფის მიერ სამსახურებრივი მდგომარეობის გამოყენებით, სამინისტროს დიდი ოდენობით თანხის გაფლანგვას და გაფლანგვაში დახმარებას ედავებიან. პროცესზე სიტყვის უფლებით ისარგებლა თავდაცვის ყოფილი მინისტრის მოადგილემ, დანარჩენი ორი ბრალდებული დუმილის უფლებას იყენებს."მიმალვის საფრთხის დასაბუთება ხდება ბევრი კრიტერიუმით და აქ ბრალდების მხარემ რაც გააჟღერა, არცერთი კრიტერიუმი არ იყო დასაბუთებული იმიტომ, რომ გამოკითხული იყო 10 ივლისს, მან იცოდა, რომ მის ირგვლივ, ზოგადად, რაღაც ხდებოდა, მაგრამ არ უცდია მიმალვა, მათ შორის მტკიცებულებების განადგურებასთან დაკავშირებითაც. ვერ გეტყვით [გასაჩივრებაზე], ესეც უნდა შევათანხმო“, - აცხადებს ვლადიმერ ღუდუშაურის ადვოკატი დიმიტრი მჭედლიშვილი.საქმის პროკურორის განცხადებით, არსებობს მტკიცებულებები, რომლის მიხედვითაც დასტურდება, რომ გაფლანგულია დაახლოებით 1 300 000-ზე მეტი - სახელმწიფო ბიუჯეტის კუთვნილი თანხა."მოცემულ საქმეზე იყო შესაბამისი ოპერატიული ინფორმაცია. ოპერატიული ინფორმაციის საფუძველზე დაიწყო გამოძიება. მოპოვებულ იქნა არაერთი მტკიცებულება, მრავალი მტკიცებულებაა, მათ შორის გაყალბებული დოკუმენტები, მათ შორის ექსპერტიზის დასკვნა, რაც ადასტურებს ბრალდებულების მიერ დანაშაულის ჩადენას. არსებობს დასაბუთებული ვარაუდი, რომ აღნიშნულში მონაწილეობდნენ, კერძოდ ეს მოხდა 2023 წელს, იმდროინდელი თავდაცვის მინისტრის მოადგილე ხაინდრავა, შესყიდვების სამსახურის ყოფილი უფროსი ღუდუშაური და იმდროინდელი თავდაცვის მინისტრის ნათესავი ვასილ მხეიძე, მათ შექმნეს არაკონკურენტული გარემო და შესყიდულ იქნა ძვირადღირებული სამედიცინო აპარატურა, ეს არის მაგნიტორეზონანსული ტომოგრაფია და გაფლანგულ იქნა დაახლოებით 1 300 000-ზე მეტი - სახელმწიფო ბიუჯეტის კუთვნილი თანხა. დღეს სასამართლო პროცესზე, ვინაიდან არსებობდა სხვადასხვა ინტენსივობით მოწმეებზე ზემოქმედების, ასევე მტკიცებულებათა განადგურების, ახალი დანაშაულის ჩადენის და მიმალვის საფრთხეები, ბრალდების მხარემ იშუამდგომლა თითოეული ბრალდებულის მიმართ, რაც სასამართლო სრულიად სამართლიანად დააკმაყოფილა“, - აცხადებს პროკურორი ირაკლი მარშანია.

მსოფლიო • 1753776255

მინსკის საჰაერო სივრცეში უცნობი უპილოტო აპარატი ჩამოაგდეს

ბელარუსის დედაქალაქ მინსკის საჰაერო სივრცეში უცნობი უპილოტო აპარატი ჩამოაგდეს. ინფორმაციას ამის შესახებ ადგილობრივი მედია ავრცელებს.ბელარუსის მედია ქვეყნის თავდაცვის სამინისტროზე დაყრდნობით წერს, რომ საჰაერო თავდაცვის ძალებმა უცნობი აპარატის ფრენა შეაჩერეს.გავრცელებული ცნობით მინსკში აპარატის ჩამოვარდნის შედეგად არავინ დაშავებულა.ბელარუსის საჰაერო ძალებმა უპილოტო აპარატი დაახლოებით ღამის 02:00 საათზე აღმოაჩინეს. ელექტრონული ბრძოლის საშუალებების ზემოქმედების შედეგად, ღამის 02:33 საათზე, უპილოტო საფრენი აპარატი მინსკში, მატუსევიჩის ქუჩაზე, 72-ე სახლთან ახლოს ჩამოვარდა.ბელარუსის თავდაცვის სამინისტრომ ასევე აღნიშნა, რომ ამ ინციდენტის გათვალისწინებით, დაუყოვნებლივ მიიღება დამატებითი ზომები საჰაერო სივრცის გამოყენების კონტროლის გასაძლიერებლად.მედიის ცნობით, ინციდენტთან დაკავშირებით გამოძიება მიმდინარეობს. გავრცელებული ცნობებით, ბელარუსის პრეზიდენტი ალექსანდრ ლუკაშენკო სიტუაციას პირადად აკონტროლებს.

სამართალი • 1753775981

სასამართლომ თავდაცვის სამინისტროს ყოფილ მაღალჩინოსნებს წინასწარი პატიმრობა შეუფარდა

თბილისის საქალაქო სასამართლომ თავდაცვის სამინისტროს ყოფილ მაღალჩინოსნებს წინასწარი პატიმრობა შეუფარდა. სამივე ბრალდებულის ადვოკატმა 100 000-ლარიანი გირაო მოითხოვა, თუმცა დაცვის მხარის შუამდგომლობა არ დაკმაყოფილდა.ჯუანშერ ბურჭულაძის ყოფილ მოადგილეს, გიორგი ხაინდრავას, უწყების შესყიდვების დეპარტამენტის ყოფილ უფროსს, ვლადიმერ ღუდუშაურს და ყოფილი მინისტრის ნათესავს, ვასილ მხეიძეს ჯგუფის მიერ სამსახურებრივი მდგომარეობის გამოყენებით, სამინისტროს დიდი ოდენობით თანხის გაფლანგვას და გაფლანგვაში დახმარებას ედავებიან.პროცესზე სიტყვის უფლებით ისარგებლა თავდაცვის ყოფილი მინისტრის მოადგილემ, დანარჩენი ორი ბრალდებული დუმილის უფლებას იყენებს.

სამართალი • 1753773192

საქალაქო სასამართლოში გიორგი ხაინდრავას, ვლადიმერ ღუდუშაურისა და ვასილ მხეიძის აღკვეთის ღონისძიებაზე მსჯელობენ

თბილისის საქალაქო სასამართლოში თავდაცვის მინისტრის ყოფილი მოადგილის, გიორგი ხაინდრავას, ამავე სამინისტროს შესყიდვების დეპარტამენტის ყოფილი უფროსის, ვლადიმერ ღუდუშაურისა და ჯუანშერ ბურჭულაძეს ცოლის ძმის, ვასილ მხეიძის აღკვეთის ღონისძიებაზე მსჯელობენ.პროკურატურა სამივე მათგანისთვის პატიმრობის გამოყენებას ითხოვს. პროკურორმა აღნიშნა, რომ არსებობს მტკიცებულებათა განადგურების, მოწმეებზე ზეწოლისა და გამოძიებისთვის ხელის შეშლის საფრთხე. ასევე, ახალი დანაშაულის ჩადენის საფრთხეზე.აღნიშნულს არ ეთანხმება დაცვის მხარე. მათივე თქმით, არ არსებობს აღნიშნული საფრთხეები. ბრალდებულები წარდგენილ ბრალს არ ეთანხმებიან.ღუდუშაურის ადვოკატმა სასამართლოს შუამდგომლობის სახით 100 000-ლარიანი გირაო შესთავაზა. გიორგი ხაინდრავას ადვოკატმა კი შუამდგომლობად დააყენა100 000 ლარი ან ქონების დაყადაღება, რომელიც 200 000 ლარზე მეტია. ვასილ მხეიძის ადვოკატმა სასამართლოს შუამდგომლობის სახით 100 000-ლარიანი გირაო შესთავაზა.ცნობისთვის, თავდაცვის მინისტრის ყოფილ მოადგილეს, გიორგი ხაინდრავას, იმავე სამინისტროს შესყიდვების დეპარტამენტის ყოფილ უფროსს, ვლადიმერ ღუდუშაურს და თავდაცვის იმდროინდელი მინისტრის ცოლის ძმას სამსახურებრივი მდგომარეობის გამოყენებით, თავდაცვის სამინისტროს კუთვნილი დიდი ოდენობით თანხის გაფლანგვის და გაფლანგვაში დახმარების ფაქტზე ბრალი წარედგინათ.ღუდუშაურსა და გიორგი ხაინდრავას დიდი ოდენობით თანხის გაფლანგვას ედავებიან, ვასილ მხეიძეს კი გაფლანგვაში დახმარებას.