დერმატოლოგი

საზოგადოება • 1794606165

VIDEO: ასაკთან ერთად ტერფის ზომა იზრდება - ზაზა თელია გვირჩევს, როგორ ავარჩიოთ ფეხსაცმელი

რატომ იცვლება ფეხის ფორმა ასაკთან ერთად, რა უნდა გავითვალისწინოთ ფეხსაცმლის შერჩევისას - ამის შესახებ ზაზა თელია საუბრობს გადაცემაში „დილა მშვიდობისა საქართველო“ და საზოგადოებას რჩევებს უზიარებს.„რადგან ასაკის მატებასთან ერთად ეს ბოჭკოები მცირდება. კანქვეშა ქსოვილები შედგება, ზუსტად კოლაგენის და ელასტინის ბოჭკოებისგან, ტერფი კი არის ერთ-ერთი ყველაზე რთული ანატომიური ადგილი, რადგან ის შედგება უამრავი კუნთებისგან და მყესებისგან. როცა ადამიანი ბევრს დადის, იზრდება ზომაში, იფაშრება და ასაკის მატებასთან ერთად ტერფის ზომაც იზრდება“, - ამბობს ზაზა თელია. 

დერმატოლოგი

რჩევები • 1794604392

ალერგია, რომელიც შეიძლება სიცოცხლისთვის საშიში გახდეს – ზაზა თელია მოსახლეობას აფრთხილებს

ალერგიული რეაქცია ყოველთვის მხოლოდ გამონაყარითა და ქავილით არ ვლინდება. ზოგჯერ ის გაცილებით მძიმე ფორმას იღებს და ადამიანის სიცოცხლესაც კი უქმნის საფრთხეს. ჭინჭრის ციება, კვინკეს შეშუპება და ანაფილაქსიური შოკი – ეს ის სამი მდგომარეობაა, რომელთა ამოცნობაც განსაკუთრებით მნიშვნელოვანია.დერმატო-ვენეროლოგი ზაზა თელია გადაცემაში „დილა მშვიდობისა საქართველო“ განმარტავს, რა იწვევს ალერგიულ რეაქციებს, როდის უნდა მივიტანოთ ეჭვი მდგომარეობის გართულებაზე და რომელი მედიკამენტია გადაუდებელ სიტუაციაში ყველაზე მნიშვნელოვანი.სპეციალისტის განმარტებით, ჭინჭრის ციება, რომელსაც სამედიცინო ენაზე ურტიკარია ეწოდება, საკმაოდ გავრცელებული მდგომარეობაა და ცხოვრების განმავლობაში ნებისმიერ ადამიანს შეიძლება განუვითარდეს. მისთვის დამახასიათებელია კანზე ამოწეული, გაწითლებული გამონაყარი, რომელიც ჭინჭრის ნასუსხს ჰგავს.ურტიკარია შეიძლება იყოს მწვავე ან ქრონიკული. თუ სიმპტომები ექვს კვირაზე ნაკლებხანს გრძელდება, მწვავე ფორმასთან გვაქვს საქმე, ხოლო ექვს კვირაზე მეტი ხანგრძლივობის შემთხვევაში – ქრონიკულთან.ზაზა თელიას თქმით, მწვავე ურტიკარიის შემთხვევების დაახლოებით 40% ინფექციებს უკავშირდება, მათ შორის ვირუსულ და ბაქტერიულ დაავადებებს. შემთხვევების დაახლოებით 10%-ში გამომწვევი მედიკამენტებია, განსაკუთრებით ანტიბიოტიკები. საკვები და სასმელი კი გაცილებით იშვიათი მიზეზებია, მიუხედავად იმისა, რომ პაციენტები გამონაყარს ხშირად სწორედ კვებას უკავშირებენ.ქრონიკული ურტიკარია შესაძლოა თვეებისა და წლების განმავლობაში გაგრძელდეს. ზოგჯერ მისი ზუსტი მიზეზის დადგენა ვერ ხერხდება, თუმცა გარკვეულ შემთხვევებში ის აუტოიმუნურ დაავადებებსა და ორგანიზმში არსებულ ქრონიკულ ინფექციებს უკავშირდება.განსაკუთრებული ყურადღება კვინკეს შეშუპებას, ანუ ანგიოედემას სჭირდება. ამ დროს, ჭინჭრის ციებისგან განსხვავებით, კანის ზედაპირული შრის ნაცვლად ღრმა ქსოვილები შუპდება. ყველაზე ხშირად შეშუპება ტუჩებისა და თვალების გარშემო ვითარდება, თუმცა მძიმე შემთხვევებში შესაძლოა სასუნთქი გზებიც მოიცვას.ექიმი ყურადღებას ამახვილებს იმაზეც, რომ კვინკეს შეშუპების მიზეზი ზოგჯერ არა საკვები ან სხვა ალერგენი, არამედ წნევის დამწევი მედიკამენტებია. განსაკუთრებით საყურადღებოა ე.წ. პრილების ჯგუფი, რომელშიც შედის კაპტოპრილი და ლიზინოპრილი. თუ პაციენტი ამ პრეპარატებს იღებს და შეშუპება უვითარდება, აუცილებელია ექიმთან კონსულტაცია და მკურნალობის სქემის გადახედვა. პრეპარატის შეწყვეტის შემდეგაც სიმპტომები შესაძლოა გარკვეული პერიოდის განმავლობაში შენარჩუნდეს.ზაზა თელიას განმარტებით, კვინკეს შეშუპება ყოველთვის ანაფილაქსიაში არ გადადის, თუმცა სასუნთქი გზების ჩართვის შემთხვევაში მდგომარეობა განსაკუთრებით საშიში ხდება.ანაფილაქსიური შოკი იშვიათი, მაგრამ სიცოცხლისთვის საშიში რეაქციაა. ექიმი ხაზგასმით აღნიშნავს, რომ ამ დროს პირველი რიგის გადაუდებელი საშუალება ადრენალინი, ანუ ეპინეფრინია.მისივე თქმით, ანაფილაქსიის დროს დექსამეტაზონი ადრენალინს ვერ ჩაანაცვლებს და მისი გამოყენება გადაუდებელი მკურნალობის ნაცვლად დაუშვებელია. ადრენალინი სწრაფად მოქმედებს სისხლძარღვებზე და ანაფილაქსიური რეაქციის მართვის მთავარი საშუალებაა.სპეციალისტის განმარტებით, საქართველოში ადრენალინის მზა ავტოინექტორების ხელმისაწვდომობა პრობლემურია, რის გამოც გადაუდებელ სიტუაციებში ამპულის გამოყენება ხდება საჭირო. პრეპარატი კუნთში შეჰყავთ.ექიმის მთავარი გზავნილია, რომ ალერგიული რეაქციის დროს მხოლოდ გამონაყარზე ყურადღების გამახვილება საკმარისი არ არის. ტუჩების, ენის ან ყელის შეშუპება, სუნთქვის გაძნელება, სისუსტე ან გონების დაკარგვა გადაუდებელი დახმარების საჭიროებაზე მიუთითებს. ასეთ შემთხვევაში დაუყოვნებლივ უნდა გამოიძახონ სასწრაფო სამედიცინო დახმარება. ანაფილაქსიის ეჭვისას ადრენალინის გამოყენება არ უნდა გადაიდოს ანტიჰისტამინური პრეპარატის ან დექსამეტაზონის მოლოდინში.

ზეთი

საზოგადოება • 1794495375

ზაზა თელია ასახელებს საუკეთესო ზეთს, საკვების მოსამზადებლად

კვლევებზე დაყრდნობით, დერმატოლოგი ზაზა თელია ასახელებს საუკეთესო ზეთს საკვების მოსამზადებლად.„რომელია საუკეთესო ზეთი საკვების მოსამზადებლად/შესაწვავად?ზეითუნის ზეთი ყველაზე კარგი თვისებების პროდუქტია ზეთებს შორის. ის უპირატესად შედგება მონოგაუჯერებელი ცხიმისგან - 73%, პოლიგაუჯერებელი - 11%, გაჯერებული ცხიმები - 14%. არსებობს მითი, რომ ზეითუნის ზეთის გამოყენება არ შეიძლება უშუალოდ საჭმლის მომზადების დროს, მაგალითად შეწვის დროს. ეს სიმართლეს არ შეესაბამება, რადგან მონოგაუჯერებელი ცხიმები, რომელსაც შეადგენს ზეითუნის ზეთის უდიდესი ნაწილი სიცხის მიმართ რეზისტენტულები, გამძლეები არიან.ასევე მითია, რომ მაღალ ტემპერატურაზე ზეითუნის ზეთი წარმოქმნის ტრანსცხიმებს. ის სტაბილურია ექსტრემალური კონდიციის დროსაც კი, როგორიცაა „ძლიერი შეწვა“.მრავალი კვლევა სწავლობდა ზეითუნის ზეთის გამოყენებას მაღალ ტემპერატურაზე, ხანგრძლივი პერიოდის განმავლობაში. კვლევებით დადასტურდა, რომ ზეითუნის ზეთი უფრო რეზისტენტულია (გამძლეა) მაღალ ტემპერატურაზე, ვიდრე სხვა მცენარეული ზეთები, როგორებიცაა მზესუმზირის, სიმინდის და სოიოს ზეთები.ასე რომ ზეითუნის ზეთი საუკეთესოა,“ - წერს თელია.

დერმატოლოგი

საზოგადოება • 1794149040

VIDEO: ჭინჭრის ციება, კვინკეს შეშუპება და ანაფილაქსია - ზაზა თელია გამომწვევ მიზეზებსა და საფრთხის ნიშნებზე საუბრობს

ალერგიული რეაქციები ყოველთვის მხოლოდ მსუბუქი გამონაყრითა და ქავილით არ შემოიფარგლება. ზოგჯერ ისინი გაცილებით მძიმე ფორმით ვლინდება და ზოგჯერ ადამიანის სიცოცხლესაც კი უქმნის საფრთხეს.გადაცემაში „დილა მშვიდობისა საქართველო“ დერმატო-ვენეროლოგმა ზაზა თელიამ ალერგიული რეაქციის სამ მნიშვნელოვან ფორმაზე, ჭინჭრის ციებაზე, კვინკეს შეშუპებასა და ანაფილაქსიურ შოკზე.„ჭინჭრის ციება იმიტომ ჰქვია, რომ კანის ზედაპირიდან ამოწეული გაწითლებული, როგორც ჭინჭარი დაგსუსხავს, ეგეთი ტიპის ელემენტები ჩნდება კანზე. ძალიან ხშირი ხშირი დაავადებაა, ხშირად არის გამოვლინება და შეიძლება ნებისმიერ ადამიანს დაემართოს ცხოვრების რაღაც ეტაპზე, მათ შორის მწერის ნაკბენზე.ეს არის ანთებითი პასუხი ორგანიზმის რაღაცა ტრიგერზე, რაღაცა გამაღიზიანებელ ფაქტორზე და უნდა ვიცოდეთ, რომ არის ორი ტიპის, ეს არის მწვავე და ქრონიკული, ნუ კრიტიკულად გადამწყვეტი მნიშვნელობა აქვს რომელია. მწვავე არის, რომ ექვს კვირაზე ნაკლები პერიოდით გრძელდება, თუ ექვს კვირას ასცდა ეს არის უკვე ქრონიკული ურტიკარია და აქ, გარკვეულწილად რაღაცები იცვლება. ანგიოკვინკეს შეშუპების დროს შეიძლება შეშუპდეს თვალები, ტუჩი შორს წასულ შემთხვევებში შეიძლება სასუნთქი გზების შეშუპებაც მოხდეს“, - ამბობს ზაზა თელია.

ზაზა თელია

საზოგადოება • 1793902775

„ამ აპარატის გამოსხივება აზიანებს დნმ-ს და სიმსივნის განვითარების რისკი იმატებს“ - ზაზა თელიას გაფრთხილება

ბოლო პერიოდში ბევრს საუბრობენ გელ-ლაქის, იმავე - „შილაქის“ საფრთხეების შესახებ, ფრჩხილების მოვლის ეს პროცედურა მთელ მსოფლიოში და მათ შორის, საქართველოშიც, ყველაზე პოპულარულია. პოპულარობა განპირობებულია იმით, რომ მისი საფარი ფრჩხილზე ხანგრძლივად ნარჩუნდება, წასმისას სწრაფად შრება და განსაკუთრებული სილამაზითაც გამოირჩევა.ცნობილია, რომ მზის ულტრაიისფერი სხივები დაბერების პროცესს აჩქარებს და სიმსივნის გამომწვევ ერთ-ერთ პოტენციურ ფაქტორადაც გვევლინება. შილაქის გაშრობისა და პოლიმერიზების მიზნით, ესთეტიკურ ცენტრებში სწორედ ულტრაიისფერი ნათურა გამოიყენება.დერმატო-ვენეროლოგი ზაზა თელია "რუსთავი 2-თან" ამბობს, რომ ულტრაიისფერი ნათება იწვევს სხვადასხვა მძიმე დაავადებას, საფრთხეს უქმნის ადამიანის შიდა ორგანოებსაც, როგორიც არის ელენთა, ღვიძლი...დერმატოლოგი ხაზგასმით განმარტავს, რომ შილაქის გაკეთების რეკომენდაციას არ გასცემს, და მეტიც ამბობს, რომ საშრობი აპარატი, რომელსაც პროცედურისთვის იყენებენ, ასხივებს A ტიპის UV ნათებას, რომლის სხივების უკურეაქცია 9-ჯერ აღემატება ბუნებრივი მზის ულტრაიისფერ ნათებას.„ამ საკითხთან დაკავშირებით, ბოლო პერიოდია, რაც განგაშია, თუმცა ეს დიდი ხანია ცნობილია. გელ-ლაქი, იგივე შილაქი როდესაც კეთდება, მისი გაშრობა ხდება ულტრაიისფერი სხივებით. ეს ულტრაიისფერი სხივები ჩვენ შეგვიძლია გავაიგივოთ სოლარიუმის UV ნათებასთან - ერთი და იგივეა. ზუსტად ეს ულტრაიისფერი სხივები არის ძალიან საგანგაშო ჩვენი ორგანიზმისთვის. როგორც სოლარიუმში გარუჯვა არ შეიძლება და არ არის რეკომენდებული, იგივე შეიძლება ითქვას შილაკთან დაკავშირებით.თუ შეკითხვა ისმება, რა სიხშირით შეიძლება შილაქის გაკეთება - პასუხი ამ შეკითხვაზე არის ის, რომ საერთოდ, შილაქის გაკეთება არ არის რეკომენდებული. წელიწადში ერთი გაკეთებაც კი პრობლემას წარმოადგენს, იმიტომ, რომ ხდება კანის UV ნათებით დასხივება და ეს ულტრაიისფერი სხივები არის ძალიან საშიში.ჩვენ კიდევ არ ვსაუბრობთ სხვა პრობლემებთან დაკავშირებით, რაც შეიძლება შილაქის გაკეთებამ განაპირობოს. კერძოდ, ყველაზე ხშირი არის ფრჩხილის სხვადასხვა ტიპის დაზიანება. ჩვენ უნდა წარმოვიდგინოთ, რომ გელ-ლაქი ფრჩხილს ყველა შემთხვევაში აზიანებს. უბრალოდ, შესაძლოა, ერთ ადამიანს დაუზიანდეს პირველივე გაკეთებისას, მეორეს კი, პირობითად, 20 გაკეთებაში. რა თქმა უნდა, გააჩნია მოხმარების სიხშირეს, ასევე, ფრჩხილის რეზისტენტობას, ე.წ. გამძლეობას დიდი მნიშვნელობა ენიჭება, მაგრამ აზიანებს ყველა ვარიანტში - ეს არის მეორე საკითხი.ფრჩხილის დაზიანება, მკურნალობის თვალსაზრისით, არის ძალიან რთული. ძნელია დაზიანებული ფრჩხილის პრობლემის მოგვარება, ასეთი პაციენტები კი არის ძალიან ბევრი. შესაბამისად, არსებობს ორი რეალური ფაქტორი. პირველი, რომელიც სიცოცხლისთვის სახიფათო შეიძლება იყოს, ეს არის ზუსტად UV ნათებით ჩვენი კანის დასხივება, რაც პირდაპირ პროპორციულად უნდა იქნეს გაიგივებული  სოლარიუმთან. სოლარიუმი რა ულტრაიისფერ სხივებსაც უშვებს, შეგვიძლია ჩავთვალოთ, რომ  ზუსტად ეს აპარატი, რომელშიც შილაქის გაშრობა ხდება, უშვებს იმავე სხივებს. მეორე არის ფრჩხილის მექანიკური დაზიანება,“ - აცხადებს ზაზა თელია.რამდენად რეალურია მოსაზრება, რომ ულტრაიისფერმა ნათებამ შესაძლოა ადამიანის დნმ  დააზიანოს - დერმატოლოგი განმარტავს, რომ ულტრაიისფერი ნათება, რომლითაც ხდება ე.წ. გელ-ლაქის გაშრობა, უშვებს ულტრაიისფერ A სხივს, რომელიც აღწევს შიდა ორგანოებამდე და აზიანებს მათ.„რა თქმა უნდა, აქ არაფერი ახალი არ არის. როგორც გარუჯვა, ჩვეულებრივი ბუნებრივი მზის სხივების ქვეშ, როდესაც ვირუჯებით - ერთი რუჯის მიღებაც კი ასოცირებულია დნმ-ის დაზიანებასთან. იმიტომ, რომ ზუსტად  ეს UV ნათება, არ აქვს მნიშვნელობა ბუნებრივი იქნება თუ არაბუნებრივი, მაგალითად, სოლარიუმის, ან ამ აპარატის გამოსხივება აზიანებს დნმ-ს, ასეთ დროს კი მატულობს რისკი სხვადასხვა სიმსივნის განვითარების. თუ ვსვამთ კითხვას, რატომ სხვა ორგანოები - იმიტომ, რომ ეს ულტრაიისფერი სხივები არსებობს რამდენიმე ტიპის, მათ შორის ყველაზე საშიში არის ულტრაიისფერი A სხივი. ზუსტად ამ ულტრაიისფერ A სხივს უშვებს ეს არაბუნებრივი ნათებაც, ბუნებრივიც, რა თქმა უნდა, მზის გამოსხივებაც, მაგრამ ეს აპარატი არაბუნებრივ ულტრაიისფერ A სხივს უშვებს, რომელიც აღწევს ჩვენს შიდა ორგანოებამდე - გული, ფილტვები, ღვიძლი, პანკრეასი ელენთა და მათი კიბოს განვითარების რისკიც მატულობს“, - დასძინა თელიამ.ექიმის თქმით, დაავადების აღმოცენების რისკი გაცილებით მაღალია იმ ადამიანებში, ვისი გენეტიკური ანამნეზიც დატვირთულია სიმსივნით.„თუ ვსაუბრობთ რისკების მატებაზე. ეს ფაქტორი, რა თქმა უნდა, სერიოზულ როლს თამაშობს. თუ პაციენტის ანამნეზი, გენეტიკური ისტორია დატვირთულია სიმსივნეებით და მათ შორის, კანის კიბოთი, რა თქმა უნდა, კანის კიბოს განვითარების რისკი კიდევ უფრო მეტია, ვიდრე იმ ადამიანში, ვისაც მსგავსი ტიპის მემკვიდრული ისტორია არ გააჩნია.აქვე, მინდა აღვნიშნო, რომ ზუსტად, თუ რატომ არის არაბუნებრივი ულტრაიისფერი სხივი საგანგაშო - ბევრ განვითარებულ ქვეყნებში სოლარიუმის გამოყენება გარუჯვის მიზნით აიკრძალა კიდეც, მაგალითად დიდი ბრიტანეთში და აშშ-ის გარკვეულ  შტატებში, სერიოზული მუშაობა მიმდინარეობს იმაზე, რომ საერთოდ აიკრძალოს მთელი აშშ-ის მასშტაბით. წარმოიდგინეთ, როდესაც მზე იმყოფება პიკურ პერიოდში - დღის 13:00-14:00 საათი, რომ შევადაროთ, სოლარიუმის სხივი 9-ჯერ აღემატება ბუნებრივ მზის ულტრაიისფერი სხივების გამოსხივებას პიკურ პერიოდში“, - განაცხადა დერმატო-ვენეროლოგმა.იმ შემთხვევაში თუ არ გვსურს პროცედურაზე უარის თქმა, რა დამცავი მექანიზმები არსებობს და გვიცავს თუ არა მზისგან დამცავი, ან ხელთათმანი -​ ზაზა თელია ამბობს, რომ გადაუდებელი შემთხვევის დროს, უმჯობესია, გამოყენებულ იქნეს დამცავი საცხი, ან მუქი ფერის ხელთათმანი :„რეკომენდაციის თვალსაზრისით, თუ დერმატოლოგთან ისმება შეკითხვა - უსაფრთხოა თუ არა შილაქის გაკეთება, პასუხი, რა თქმა უნდა, არის, რომ უსაფრთხო არ არის და არ არის რეკომენდებული, მაგრამ თუ ადამიანი მაინც არ ამბობს უარს გელ-ლაქის გაკეთებაზე, მაშინ ვურჩევთ, რომ აუცილებლად მოხდეს მზის დამცავის გამოყენება მტევანზე 15 წუთით ადრე პროცედურის დაწყებამდე და ასევე, მზის დამცავთან ერთად, თუ იქნება გამოყენებული ხელთათმანი, შავი ქსოვილი - მუქი ფერის ქსოვილი ულტრაიისფერ სხივებს, პრაქტიკულად, არ ატარებს“, - აცხადებს ზაზა თელია. 

ზაზა თელია

საზოგადოება • 1793655999

VIDEO: რომელი ხალები და ლაქები შეიძლება იყოს კანის კიბოს ნიშანი - ზაზა თელიას გაფრთხილება

ხშირად ყურადღებას საერთოდ არ ვაქცევთ კანზე გაჩენილ ახალ ხალს, ლაქას ან მცირე ზომის წარმონაქმნს. გვგონია, ეს უმნიშვნელო ცვლილებაა, მაგრამ ზოგჯერ სწორედ ასეთი ნიშნები მოითხოვს განსაკუთრებულ ყურადღებას. როგორ ამოვიცნოთ საეჭვო წარმონაქმნი ან რა უნდა ვიცოდეთ კანის ავთვისებიანი სიმსივნის შესახებ, როგორ დავიცვათ თავი შესაძლო გართულებებისგან - აღნიშნულ თემაზე გადაცემაში „დილა მშვიდობისა საქართველო“ დერმატო-ვენეროლოგმა ზაზა თელიამ ისაუბრა:„პაციენტმა ხშირად უნდა დაითვალიეროს კანი, დაიხმაროს ოჯახის წევრი, ოღონდ უნდა იყოს ერთი, მხოლოდ ერთი ადამიანი, სხვადასხვა არ უნდა იყოს, ისეთ ადგილებში, სადაც ჩვენ თვითონ ვერ ვხედავთ. არის გარკვეული ტიპის ნიშნები, რისი ცვლილების შემთხვევაში უნდა მივმართოთ დერმატოლოგს, რომ კონკრეტული ელემენტი შეაფასოს უკვე დერმატოსკოპიით. არსებობს ნეუსები, იგივე ხალი. არსებობენ ადამიანები, რომლებსაც თანდაყოლილი ხალები აქვთ და 6 თვეში ერთხელ გადაამოწმონ. არსებობს ელემენტები, რის მიხედვითაც დერმატოლოგი წყვეტს პაციენტს სჭირდება თუ არა ბიოფსია ან ციტოლოგია. არსებობს დისპლაზიური ნეუსები. ეს წითელი დროშის ნიშნებს შეიცავს, გარკვეულ წილად ეს რისკია, რომ დროის რაღაც მონაკვეთში გადაგვარდეს“, - ამბობს ზაზა თელია.

ზაზა თელია

რჩევები • 1793393505

ტუჩების შეშუპება, ქავილი და მძიმე ალერგიული რეაქცია თხილეულზე - ზაზა თელიას გაფრთხილება

რა რეაქციები შეიძლება გამოიწვიოს თხილეულმა და რომელი სიმპტომების უგულებელყოფა არ შეიძლება — ამ საკითხზე გადაცემაში „დილა მშვიდობისა საქართველო“ დერმატო-ვენეროლოგი ზაზა თელია საუბრობს.ექიმის განმარტებით, ნიგოზი, თხილი, არაქისი, წაბლი და იშვიათ შემთხვევებში ნუში გარკვეულ ადამიანებში ალერგიულ რეაქციას იწვევს. სიმპტომები შესაძლოა გამოვლინდეს როგორც კანის გაღიზიანებით, ისე ქავილითა და შეშუპებით.„თხილეული, ნიგოზი, არაქისი და წაბლი, იშვიათ შემთხვევაში ნუში — ასეთი საკვები პროდუქტები ცნობილია, რომ კონკრეტულ ადამიანებში ალერგენებს წარმოადგენენ. ასეთ ადამიანებს რეაქცია შეიძლება განუვითარდეთ მსგავსი ტიპის პროდუქტების მიღებისას.თხილეული და ნიგოზი ნამცხვრებში, საცივში, ფხალეულში და შეიძლება პურშიც შეგვხვდეს, რაც საახალწლო სუფრაზე ხშირია. ასეთ ადამიანებს შეიძლება განუვითარდეთ ურტიკარია, ანუ ჭინჭრის ციება, რომელიც ყოველთვის გამონაყარით არ მიმდინარეობს. შესაძლოა, მხოლოდ ქავილი ან შეშუპება აღინიშნოს, მაგალითად, ტუჩის შეშუპება“,- განმარტავს ზაზა თელია.ექიმი განსაკუთრებით ამახვილებს ყურადღებას არაქისსა და წაბლზე, რომელთა მიღების შემდეგ ზოგიერთ ადამიანს შესაძლოა მძიმე ალერგიული რეაქცია, ანაფილაქსია განუვითარდეს.ექიმის რეკომენდაციაა, ადამიანებმა, რომლებსაც თხილეულზე ალერგია აქვთ, განსაკუთრებული სიფრთხილე გამოიჩინონ საკვების შერჩევისას და ყურადღებით გაეცნონ კერძების შემადგენლობას.

დერმატოლოგი

საზოგადოება • 1792946799

„ამ აპარატის გამოსხივება აზიანებს დნმ-ს და სიმსივნის განვითარების რისკი იმატებს“ - ზაზა თელიას გაფრთხილება

ბოლო პერიოდში ბევრს საუბრობენ გელ-ლაქის, იმავე - "შილაკის" საფრთხეების შესახებ, ფრჩხილების მოვლის ეს პროცედურა მთელ მსოფლიოში და მათ შორის, საქართველოშიც, ყველაზე პოპულარულია. პოპულარობა განპირობებულია იმით, რომ მისი საფარი ფრჩხილზე ხანგრძლივად ნარჩუნდება, წასმისას სწრაფად შრება და განსაკუთრებული სილამაზითაც გამოირჩევა.ცნობილია, რომ მზის ულტრაიისფერი სხივები დაბერების პროცესს აჩქარებს და სიმსივნის გამომწვევ ერთ-ერთ პოტენციურ ფაქტორადაც გვევლინება. შილაკის გაშრობისა და პოლიმერიზების მიზნით, ესთეტიკურ ცენტრებში სწორედ ულტრაიისფერი ნათურა გამოიყენება.დერმატო-ვენეროლოგი ზაზა თელია "რუსთავი 2-თან" ამბობს, რომ ულტრაიისფერი ნათება იწვევს სხვადასხვა მძიმე დაავადებას, საფრთხეს უქმნის ადამიანის შიდა ორგანოებსაც, როგორიც არის ელენთა, ღვიძლი...დერმატოლოგი ხაზგასმით განმარტავს, რომ შილაკის გაკეთების რეკომენდაციას არ გასცემს, და მეტიც ამბობს, რომ საშრობი აპარატი, რომელსაც პროცედურისთვის იყენებენ, ასხივებს A ტიპის UV ნათებას, რომლის სხივების უკურეაქცია 9-ჯერ აღემატება ბუნებრივი მზის ულტრაიისფერ ნათებას."ამ საკითხთან დაკავშირებით, ბოლო პერიოდია, რაც განგაშია, თუმცა ეს დიდი ხანია ცნობილია. გელ-ლაქი, იგივე შილაკი როდესაც კეთდება, მისი გაშრობა ხდება ულტრაიისფერი სხივებით. ეს ულტრაიისფერი სხივები ჩვენ შეგვიძლია გავაიგივოთ სოლარიუმის UV ნათებასთან - ერთი და იგივეა. ზუსტად ეს ულტრაიისფერი სხივები არის ძალიან საგანგაშო ჩვენი ორგანიზმისთვის. როგორც სოლარიუმში გარუჯვა არ შეიძლება და არ არის რეკომენდებული, იგივე შეიძლება ითქვას შილაკთან დაკავშირებით.თუ შეკითხვა ისმება, რა სიხშირით შეიძლება შილაკის გაკეთება - პასუხი ამ შეკითხვაზე არის ის, რომ საერთოდ, შილაკის გაკეთება არ არის რეკომენდებული. წელიწადში ერთი გაკეთებაც კი პრობლემას წარმოადგენს, იმიტომ, რომ ხდება კანის UV ნათებით დასხივება და ეს ულტრაიისფერი სხივები არის ძალიან საშიში.ჩვენ კიდევ არ ვსაუბრობთ სხვა პრობლემებთან დაკავშირებით, რაც შეიძლება შილაკის გაკეთებამ განაპირობოს. კერძოდ, ყველაზე ხშირი არის ფრჩხილის სხვადასხვა ტიპის დაზიანება. ჩვენ უნდა წარმოვიდგინოთ, რომ გელ-ლაქი ფრჩხილს ყველა შემთხვევაში აზიანებს. უბრალოდ, შესაძლოა, ერთ ადამიანს დაუზიანდეს პირველივე გაკეთებისას, მეორეს კი, პირობითად, 20 გაკეთებაში. რა თქმა უნდა, გააჩნია მოხმარების სიხშირეს, ასევე, ფრჩხილის რეზისტენტობას,  ე.წ. გამძლეობას დიდი მნიშვნელობა ენიჭება, მაგრამ აზიანებს ყველა ვარიანტში - ეს არის მეორე საკითხი.ფრჩხილის დაზიანება, მკურნალობის თვალსაზრისით, არის ძალიან რთული. ძნელია დაზიანებული ფრჩხილის პრობლემის მოგვარება, ასეთი პაციენტები კი არის ძალიან ბევრი. შესაბამისად, არსებობს ორი რეალური ფაქტორი. პირველი, რომელიც სიცოცხლისთვის სახიფათო შეიძლება იყოს, ეს არის ზუსტად UV ნათებით ჩვენი კანის დასხივება, რაც პირდაპირ პროპორციულად უნდა იქნას გაიგივებული  სოლარიუმთან.  სოლარიუმი რა ულტრაიისფერ სხივებსაც უშვებს, შეგვიძლია ჩავთვალოთ, რომ  ზუსტად ეს აპარატი, რომელშიც შილაკის გაშრობა ხდება, უშვებს  იმავე სხივებს. მეორე არის ფრჩხილის მექანიკური დაზიანება,"- აცხადებს ზაზა თელია.რამდენად რეალურია მოსაზრება, რომ ულტრაიისფერმა ნათებამ შესაძლოა ადამიანის დნმ  დააზიანოს - დერმატოლოგი განმარტავს, რომ ულტრაიისფერი ნათება, რომლითაც ხდება ე.წ. გელ-ლაქის გაშრობა, უშვებს ულტრაიისფერ A სხივს, რომელიც აღწევს შიდა ორგანოებამდე და აზიანებს მათ."რა თქმა უნდა, აქ არაფერი ახალი არ არის. როგორც გარუჯვა, ჩვეულებრივი ბუნებრივი მზის სხივების ქვეშ, როდესაც ვირუჯებით - ერთი რუჯის მიღებაც კი ასოცირებულია დნმ-ის დაზიანებასთან. იმიტომ, რომ ზუსტად  ეს UV ნათება, არ აქვს მნიშვნელობა ბუნებრივი იქნება თუ არაბუნებრივი, მაგალითად, სოლარიუმის, ან ამ აპარატის გამოსხივება აზიანებს დნმ-ს, ასეთ დროს კი მატულობს რისკი სხვადასხვა სიმსივნის განვითარების. თუ ვსვამთ კითხვას, რატომ სხვა ორგანოები - იმიტომ, რომ ეს ულტრაიისფერი სხივები არსებობს რამდენიმე ტიპის, მათ შორის ყველაზე საშიში არის ულტრაიისფერი A სხივი. ზუსტად ამ ულტრაიისფერ A სხივს უშვებს ეს არაბუნებრივი ნათებაც, ბუნებრივიც, რა თქმა უნდა, მზის გამოსხივებაც, მაგრამ ეს აპარატი არაბუნებრივ ულტრაიისფერ A სხივს უშვებს, რომელიც აღწევს ჩვენს შიდა ორგანოებამდე - გული, ფილტვები, ღვიძლი, პანკრეასი ელენთა და მათი კიბოს განვითარების რისკიც მატულობს,"- დასძინა თელიამ.ექიმის თქმით, დაავადების აღმოცენების რისკი გაცილებით მაღალია იმ ადამიანებში, ვისი გენეტიკური ანამნეზიც დატვირთულია სიმსივნით."თუ ვსაუბრობთ რისკების მატებაზე. ეს ფაქტორი, რა თქმა უნდა, სერიოზულ როლს თამაშობს. თუ პაციენტის ანამნეზი, გენეტიკური ისტორია დატვირთულია სიმსივნეებით და მათ შორის, კანის კიბოთი, რა თქმა უნდა, კანის კიბოს  განვითარების რისკი კიდევ უფრო მეტია, ვიდრე იმ  ადამიანში, ვისაც მსგავსი ტიპის მემკვიდრული ისტორია არ გააჩნია.აქვე, მინდა აღვნიშნო, რომ ზუსტად, თუ რატომ არის არაბუნებრივი ულტრაიისფერი სხივი საგანგაშო- ბევრ განვითარებულ ქვეყნებში სოლარიუმის გამოყენება გარუჯვის მიზნით აიკრძალა კიდეც, მაგალითად დიდი ბრიტანეთში და აშშ-ის გარკვეულ  შტატებში, სერიოზული მუშაობა მიმდინარეობს იმაზე, რომ საერთოდ აიკრძალოს მთელი აშშ-ის მასშტაბით. წარმოიდგინეთ, როდესაც მზე იმყოფება პიკურ პერიოდში - დღის 13:00-14:00 საათი, რომ შევადაროთ, სოლარიუმის სხივი 9-ჯერ აღემატება ბუნებრივ მზის ულტრაიისფერი სხივების გამოსხივებას პიკურ პერიოდში,"-განაცხადა დერმატო-ვენეროლოგმა.იმ შემთხვევაში თუ არ გვსურს პროცედურაზე უარის თქმა, რა დამცავი მექანიზმები არსებობს და გვიცავს თუ არა მზისგან დამცავი, ან ხელთათმანი -​ ზაზა თელია ამბობს, რომ გადაუდებელი შემთხვევის დროს, უმჯობესია, გამოყენებულ იქნეს დამცავი საცხი, ან მუქი ფერის ხელთათმანი :"რეკომენდაციის თვალსაზრისით, თუ დერმატოლოგთან ისმება შეკითხვა - უსაფრთხოა თუ არა შილაკის გაკეთება, პასუხი, რა თქმა უნდა, არის, რომ უსაფრთხო არ არის და არ არის რეკომენდებული, მაგრამ თუ ადამიანი მაინც არ ამბობს უარს გელ-ლაქის გაკეთებაზე, მაშინ ვურჩევთ, რომ აუცილებლად მოხდეს  მზის დამცავის გამოყენება მტევანზე 15 წუთით ადრე პროცედურის დაწყებამდე და ასევე, მზის დამცავთან  ერთად, თუ იქნება გამოყენებული ხელთათმანი, შავი ქსოვილი - მუქი ფერის ქსოვილი ულტრაიისფერ სხივებს, პრაქტიკულად, არ ატარებს,"-აცხადებს ზაზა თელია. 

ზაზა თელია

რჩევები • 1792484280

VIDEO: როგორ შევინარჩუნოთ ჯანმრთელი საყრდენ-მამოძრავებელი სისტემა - ზაზა თელიას რჩევები

საყრდენ-მამოძრავებელი სისტემა უზრუნველყოფს ადამიანის სხეულის ფორმას, საყრდენს, მოძრაობასა და შინაგანი ორგანოების დაცვას.  როგორ შევინარჩუნოთ ჯანმრთელი საყრდენ-მამოძრავებელი სისტემა - აღნიშნულ თემაზე გადაცემაში „დილა მშვიდობისა საქართველო“ დერმატო-ვენეროლოგმა ზაზა თელიამ ისაუბრა:„საუბარია 3 სისტემაზე: ძვლოვანი, სახსრებისა და ხრტილოვანი და კუნთოვანი. ეს სამი სისტემა ყველაფერზე აისახება. ძვლოვან სისტემაში რომ წარმოვიდგინოთ სასწორის ორი მხარე, ოსტეოკლასტებია, რომელიც არის უჯრედები, რაც ძვლის დაშლას უწყობს ხელს და ოსტეობლასტები, რაც ასაკის მატებასთან ერთად აჭარბებს ოსტეოკლასტების რაოდენობას, აქტივობას, რის გამოც ძვლის დაშლა უფრო დაჩქარებულია, ვიდრე ძვლის შექმნა, აღდგენა. ასაკში ხშირად ამბობენ, სახსრების დისკომფორტი, დაჭიმულობა მაქვსო, ამ დროს განლევა ხდება ხრტილოვანი აპარატის“, - ამბობს ზაზა თელია.

დერმატოლოგი

საზოგადოება • 1791732864

ზაზა თელია ასახელებს 13 მავნე ჩვევას, რომელსაც ყველა უნდა მოერიდოს

 დერმატო-ვენეროლოგი ზაზა თელია ასახელებს 13 მავნე ჩვევას, რომელსაც უნდა მოვერიდოთ:„პრიშიკების“ ხელით წვალება;მაკიაჟით დაძინება;ცხელი წყლით ბანაობა;ნუნების მოჭრა, გასწორება;ფრჩხილების მოკვნეტა;ყოველდღიურად თმის ვარცხნილობის კეთება თმის უთოს გამოყენებით;სველი თმის დავარცხნა;შხაპის მიღება 5-10 წუთზე მეტხანს;გარუჯვა;გაპარსვა ამოსული თმის საპირისპირო მიმართულებით;სავარჯიშო ტანსაცმლის მეორედ გამოყენება გარეცხვის გარეშე;ტუჩების კბენა;შილაქის კეთება”, – წერს ზაზა თელია სოციალურ ქსელში.

დერმატოლოგი

რჩევები • 1791651607

ზაზა თელია ასახელებს 13 მავნე ჩვევას, რომელსაც ყველა უნდა მოერიდოს

ნუნების მოჭრა, ან 10 წუთზე მეტ ხანს ბანაობა შეცდომაა - ზაზა თელია ასახელებს 13 მავნე ჩვევას, რომელსაც ყველა უნდა მოერიდოს.ცნობილი დერმატოლოგი, მავნე ჩვევათა ჩამონათვალში, მაკიაჟით დაძინებასა და შილაკის პროცედურაზეც ამახვილებს ყურადღებას."1. "პრიშიკების" ხელით წვალება2. მაკიაჟით დაძინება3. ცხელი წყლით ბანაობა4. ნუნების მოჭრა, გასწორება (Trimming Cuticles)5. ფრჩხილების მოკვნეტა6. ყოველდღიურად თმის ვარცხნილობის კეთება თმის უთოს გამოყენებით7. სველი თმის დავარცხნა8. შხაპის მიღება 5-10 წუთზე მეტხანს9. გარუჯვა10. გაპარსვა ამოსული თმის საპირისპირო მიმართულებით11. სავარჯიშო ტანსაცმლის მეორედ გამოყენება გარეცხვის გარეშე12. ტუჩების კბენა13. შილაქის კეთება," - წერს ზაზა თელია "ფეისბუქზე".

დერმატოლოგი

საზოგადოება • 1791491247

გატყუებენ!- ზაზა თელია მიმართვას ავრცელებს

დერმატო-ვენეროლოგი, ზაზა თელია სოციალურ ქსელში ინფორმაციას ავრცელებს. „გატყუებენ!  თუ ვინმე ვიტამინების მიღებას გირჩევთ მათგან სარგებლის მიღების მოლოდინით იცოდეთ რომ ის ადამიანი ან იტყუება ან ტენდენციურია  მრავალი წლების განმავლობაში სხვადასხვა ფსევდო-სარგებლის მოლოდინით, მათ შორის გულ-სისხლძარღვთა სისტემის ჯანმრთელობისა და კიბოს პრევენციის მიზნით ვიტამინების გაყიდვების ბაზარმა წლიურად 30 მილიარდ აშშ დოლარს გადააჭარბა  რეალურად მათი მიღება ჯანმრთელობისთვის უსარგებლოა, მეტიც შესაძლოა დაკავშირებული იყოს ზიანის მიღებასთან (harm).  წარმოგიდგენთ ჩატარებულ მეტა-ანალიზსჩაატარა - United States Preventive Services Task Force) - ​აშშ-ის პრევენციულ მომსახურებათა სპეციალური ჯგუფი  ​ეს არის აშშ-ის დამოუკიდებელი, ექსპერტთა საბჭო, რომელიც შეიმუშავებს მტკიცებულებებზე დაფუძნებულ რეკომენდაციებს დაავადებათა პროფილაქტიკის, სკრინინგისა და პრევენციული მედიცინის საკითხებზე.(USPSTF-ის 2022 წლის სისტემური მიმოხილვა, გამოქვეყნებული JAMA-ში):სტრუქტურირებული ქრონოლოგიურ-ანალიტიკური მიმოხილვა:​  კვლევის კონტექსტი და ავტორები:Vitamin and Mineral Supplements for the Primary Prevention of Cardiovascular Disease and Cancer: Updated Evidence Report and Systematic Review for the US Preventive Services Task Forceწყარო/ჟურნალი: JAMA (Journal of the American Medical Association)ავტორები: Elizabeth A. O'Connor, Corinne V. Evans, Ilya Ivlev, Megan C. Rushkin, Rachel G. Thomas, Allea Martin, Jennifer S. Lin.მიზანი: აშშ-ის პრევენციული მომსახურების სამუშაო ჯგუფისთვის (USPSTF) განახლებული მტკიცებულებების მომზადება, რათა შეფასდეს ვიტამინებისა და მინერალური დანამატების ეფექტურობა გულ-სისხლძარღვთა დაავადებებისა (CVD) და ონკოლოგიური დაავადებების (კიბოს) პირველადი პრევენციისთვის ჯანმრთელ ზრდასრულებში.​  შედეგების დეტალური ანალიზი დანამატების მიხედვით:​ა. მულტივიტამინები (Multivitamin)Outcome 1 (პირველადი გამოსავალი):​საერთო სიკვდილიანობა (All-cause mortality): 9 კვლევა (51,550 მონაწილე).ინტერვენციის ჯგუფი: 7.3% vs საკონტროლო: 7.7%.შანსების ფარდობა (Odds Ratio - OR): 0.94 (95% CI: 0.87–1.01) — სარწმუნო განსხვავება არ არისOutcome 2:გულ-სისხლძარღვთა შემთხვევები (CVD events): 1 კვლევა (21,442 მონაწილე).OR: 0.98 (95% CI: 0.86–1.12) — სარგებელი არ გამოვლინდა.Outcome 3:ნებისმიერი ტიპის კიბო (Any cancer): 4 კვლევა (48,859 მონაწილე).ინტერვენცია: 8.5% vs საკონტროლო: 9.0%.OR: 0.93 (95% CI: 0.87–0.99) — დაფიქსირდა სტატისტიკურად სარწმუნო მცირე შემცირება.მაგრამ.... ARR - 0.5% (დეტალურად ოდნავ ქვევით)​ბ. ბეტა-კაროტინი (Beta carotene) და A ვიტამინიOutcome 1:​საერთო სიკვდილიანობა: OR: 1.06 (95% CI: 1.00–1.12) — ფიქსირდება სიკვდილიანობის მცირედი მომატების ტენდენცია.Outcome 2:გულ-სისხლძარღვთა სიკვდილიანობა (CVD mortality): OR: 1.10 (95% CI: 1.02–1.19) — სტატისტიკურად სარწმუნო ზიანი/რისკის მომატება.​Outcome 3:ფილტვის კიბო (Lung cancer): 4 კვლევა (94,830 მონაწილე).​OR: 1.20 (95% CI: 1.01–1.42) — ბეტა-კაროტინის მიღება ზრდის ფილტვის კიბოს განვითარების რისკს 20%-ით (განსაკუთრებით მწეველებში).გ. ვიტამინი D, ვიტამინი E და კალციუმი​ვიტამინი E:Outcome 1:​საერთო სიკვდილიანობა (OR: 1.02), CVD შემთხვევები (OR: 0.96), კიბო (OR: 1.02) — არანაირი პრევენციული სარგებელი არ აჩვენა.​ვიტამინი D:​27 კვლევა (117,082 მონაწილე)Outcome 1:სიკვდილიანობაზე (OR: 0.96; 95% CI: 0.91–1.02).​Outcome 2:CVD შემთხვევები (OR: 1.00) და კიბო (OR: 0.98) — სტატისტიკურად სარწმუნო პრევენციული ეფექტი არ გამოვლენილა.​კალციუმი:Outcome 1:​CVD შემთხვევები: OR 1.11 (95% CI: 0.90–1.36).​Outcome 2:კიბო: OR 0.94 (95% CI: 0.41–2.14) — სარწმუნო ეფექტი არ არის.  ეფექტურობის კლინიკური შეფასება: ARR და NNT​აბსოლუტური რისკის შემცირება (ARR):​მულტივიტამინების ჯგუფში კიბოს განვითარების მაჩვენებელი იყო 8.5%, ხოლო საკონტროლო (პლაცებო) ჯგუფში — 9.0%.ARR = 9.0% - 8.5% = 0.5%.მკურნალობისთვის საჭირო რაოდენობა (NNT - Number Needed to Treat):​NNT = 1 / ARR = 1 / 0.005 = 200.​ეს მიუთითებს იმაზე, რომ მიღებული კლინიკური სარგებელი პოპულაციურ დონეზე არის ძალზედ მცირე და უმნიშვნელო. გამოვლენილი ზიანი და გვერდითი ეფექტები​კვლევამ ხაზი გაუსვა იმ გარემოებას, რომ დანამატების მიღება არა მხოლოდ უსარგებლოა უმეტეს შემთხვევაში, არამედ შესაძლოა იყოს მავნებელიც:  A ვიტამინი: ასოცირებულია მენჯ-ბარძაყის ძვლის მოტეხილობის (Hip fracture) მომატებულ რისკთან.  ​E ვიტამინი: დაკავშირებულია ჰემორაგიული ინსულტის (Hemorrhagic stroke) განვითარების რისკთან.​  ვიტამინი D / კალციუმი: კომბინაციაში მიღებისას ზრდის თირკმელში კენჭების წარმონაქმნის (Kidney stones) რისკს.​  ბეტა-კაროტინი: ზრდის ფილტვის კიბოსა და გულ-სისხლძარღვთა სიკვდილიანობას.​შეჯამება  ​ამ მეტა-ანალიზის საფუძველზე USPSTF-ის ოფიციალური დასკვნაა:ჯანმრთელ, დეფიციტის არმქონე მოზრდილებში ვიტამინებისა და მინერალების მიღება გულ-სისხლძარღვთა დაავადებებისა თუ კიბოს პრევენციისთვის არ არის რეკომენდებული, რადგან კლინიკური სარგებელი არ არსებობს, ხოლო პოტენციური ზიანის რისკი — რეალური",- წერს ზაზა  თელია.  

✕