პოლიტიკა • 1773755953

ვლადიმერ ბოჟაძე ბრიუსელის რიტორიკაზე: ასეთი რიტორიკის ამოცანა არის ერთადერთი, რომ რადიკალურ ოპოზიციას ჰქონდეს რაიმე სალაპარაკო - არ ვაპირებთ, შევცვალოთ ის კანონმდებლობა, რომელიც ქართველი ხალხის დავალებით მიიღო პარლამენტმა

მკაცრი განცხადებების მიუხედავად, ბრიუსელში ევროკავშირის საგარეო საქმეთა მინისტრების სხდომის დასრულების შემდეგ გაირკვა, რომ ევროკავშირი ქმედითი ნაბიჯების ნაცვლად, კვლავ მსჯელობის რეჟიმში რჩება.საპარლამენტო პოლიტიკური ჯგუფის „ევროპელი სოციალისტების“ თავმჯდომარის, ვლადიმერ ბოჟაძის შეფასებით, ამგვარი რიტორიკა და განცხადებები ქართული რადიკალური ოპოზიციისთვის მაშველი რგოლია.„ასეთი რიტორიკის ამოცანა არის ერთადერთი, რომ რადიკალურ ოპოზიციას ჰქონდეს რაიმე სალაპარაკო და როგორც წესი, ასეთი განცხადებები ერთგვარი მაშველი რგოლია რადიკალური ოპოზიციისთვის. რაც შეეხება ქმედებებს, იცით, რომ მაგალითად, დიპლომატიურ პასპორტებთან მიმართებაში არაერთხელ ითქვა ეს ყველაფერი, თუმცა, ამასაც აქვს ის მიზეზი - რომ როგორმე მოხდეს ხელისუფლებაზე ზეწოლა. თუმცა, იცით, რომ საქართველოს ხელისუფლება და საქართველოს პარლამენტის წევრები არ ვაპირებთ, შევცვალოთ ის კანონმდებლობა, რომელიც ქართველი ხალხის დავალებით მიიღო პარლამენტმა. სამწუხაროდ, ეს დამოკიდებულება გაგრძელდება მანამ, ვიდრე არ დასრულდება რუსეთ-უკრაინის ომი, ისევე როგორც ჩვენ გავაგრძელებთ ჩვენი ქვეყნის და ხალხის ინტერესების დაცვას“, - განაცხადა ვლადიმერ ბოჟაძემ.

დედაქალაქი • 1773314064

გლდანის რაიონის გამგეობა მუხიანის აგარაკებზე ინფრასტრუქტურულ სამუშაოებს რამდენიმე მიმართულებით ახორციელებს

მუხიანის აგარაკებზე ინფრასტრუქტურული სამუშაოები აქტიურად გრძელდება.ამ ეტაპზე, გლდანის რაიონის გამგეობამ გზის საფარის მოწესრიგება  რაჭის ქუჩაზე დაიწყო, სადაც გასულ წელს მიწისქვეშა კომუნიკაციები მოეწყო. საგზაო სამუშაოები, ასევე, მიმდინარეობს გორგულისა და ოშკის ქუჩებზე. საერთო ჯამში, ასფალტის საფარი, დაახლოებით,  8 500  კვ.მ ფართობზე დაიგება, რისთვისაც ადგილობრივი ბიუჯეტიდან 945 000 ლარამდე დაიხარჯება.გარდა ამისა, მიმდინარე წლის განმავლობაში, მუხიანის აგარაკების საგზაო ინფრასტრუქტურა დამატებით  ხუთ მისამართზე მოწესრიგდება. ამასთან, უკვე დაგეგმილია წყალარინების ქსელის მოწყობა კალოუბნის, მუხის, გომბორისა და ერთობის ქუჩებზე, რისთვისაც, ჯამურად, 2 500 000 ლარი დაიხარჯება.მიმდინარე სამუშაოებს  გლდანის რაიონის გამგებელი ბესიკ კალაძე, პარლამენტის წევრ ვლადიმერ ბოჟაძესა და საკრებულოს მაჟორიტარ დეპუტატ ცოტნე ჩიქვინიძესთან ერთად, გაეცნო.

პოლიტიკა • 1771327002

ვლადიმერ ბოჟაძე: ბაჩო ახალაია არის ოპოზიციის სახე და მისმა განცხადებამ კიდევ ერთხელ დაადასტურა, რომ მათ შორის 4 ოქტომბრის სცენარი იყო რეალისტური, ისევე, როგორც წინა ოთხი გადატრიალების მცდელობა

ბაჩო ახალაია არის ოპოზიციის სახე და მისმა განცხადებამ კიდევ ერთხელ დაადასტურა, რომ მათ შორის 4 ოქტომბრის სცენარი იყო რეალისტური, ისევე, როგორც წინა ოთხი გადატრიალების მცდელობა , - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ, ვლადიმერ ბოჟაძემ „ქრონიკასთან“.დეპუტატი ბაჩო ახალაიას განცხადებას გამოეხმაურა, რომელმაც ხელისუფლების დამხობაზე ისაუბრა.„ბაჩო ახალაია არის ოპოზიციის სახე და მისმა განცხადებამ კიდევ ერთხელ დაადასტურა, რომ მათ შორის 4 ოქტომბრის სცენარი იყო რეალისტური, ისევე, როგორც წინა ოთხი გადატრიალების მცდელობა და როგორც ჩანს, რადიკალური ოპოზიცია კვლავ გადატრიალებაზე, არეულობაზე, დესტაბილიზაციაზე ფიქრობს. ეს განცხადებები არის საქართველოს შეურაცხმყოფელი, ქართული პოლიციის და კიდევ ერთხელ ადასტურებს იმ გეგმას, რომელიც სამწუხაროდ აქვთ ქვეყნის შიდა, თუ გარე მტრებს - ქვეყანაში არეულობა და დესტაბილიზაციის მოწყობა“, - აღნიშნა ბოჟაძემ.ბაჩო ახალაიამ სასამართლო პროცესზე ხელისუფლების დამხობაზე ილაპარაკა და თქვა, რომ ეს უნდა მოხდეს სწრაფად და ნებისმიერი გზით.

პოლიტიკა • 1771249439

ვლადიმერ ბოჟაძე სისხლის სამართლის კოდექსში შეტანილ ახალ მუხლზე: ქვეყანამ არაერთი არეულობის მცდელობა გადაიტანა, მათ შორის ბოლო გახლდათ 4 ოქტომბრის მაგალითი

ქვეყანამ არაერთი არეულობის მცდელობა გადაიტანა, მათ შორის ბოლო გახლდათ 4 ოქტომბრის მაგალითი, - განაცხადა „ქრონიკასთან“ საუბრისას საპარლამენტო პოლიტიკური ჯგუფის „ევროპელი სოციალისტების“ თავმჯდომარემ, ვლადიმერ ბოჟაძემ სისხლის სამართლის კოდექსში შეტანილ ახალ მუხლზე საუბრისას.მისივე თქმით, იყო მაგალითები, როდესაც ოპოზიცია ცდილობდა ხალხისთვის გაეჩინა არასწორი მოლოდინი, თითქოს ვინმეს შეუძლია ხელისუფლების დამხობა.„ის, რომ თითქოს სალომე ზურაბიშვილია პრეზიდენტი, რომ ეს არის არა საქართველოს, არამედ „ქართული ოცნების“ პარლამენტი, არის არა საქართველოს, არამედ „ქართული ოცნების“ მთავრობა, რაც თავისთავად ქმნის გარკვეულ მოლოდინებს, რომ შესაძლებელია ვინმე ჰქონდეს „ლეგიტიმაცია“ იმისა, რომ არაკონსტიტუციური გზით შეცვალოს ხელისუფლება, მოხდეს ხელისუფლების დამხობა“, - აღნიშნა ვლადიმერ ბოჟაძემ.ექსტრემიზმი კონსტიტუციური წყობილების წინააღმდეგ - სისხლის სამართლის კოდექსში ახალი მუხლი შედის. დასჯადი ხდება კონსტიტუციური ორგანოების არაღიარების მოტივით და კონსტიტუციური წყობილების წინააღმდეგ ჩადენილი დანაშაული. საკანონმდებლო ცვლილება ითვალისწინებს ჯარიმას, საზოგადოებისთვის სასარგებლო შრომას ან პატიმრობას სამ წლამდე ვადით. ცვლილებათა პაკეტს იურიდიულმა კომიტეტმა მეორე მოსმენით მხარი დაუჭირა.

პოლიტიკა • 1770629830

კახა კალაძე გლდანის III მიკრორაიონში რეკრეაციული სივრცის მოწყობის სამუშაოებს გაეცნო

გლდანის III მიკრორაიონის N3 ბ კორპუსის მიმდებარედ, უკანონო შემოღობვებისა და ავტოფარეხების ადგილზე, რეკრეციული სივრცე ეწყობა.მიმდინარე სამუშაოები დღეს თბილისის მერმა კახა კალაძემ მოადგილე კახა აბულაძესთან ერთად დაათვალიერა.„გლდანის მესამე მიკრორაიონში რეკრეაციული სივრცის პროექტი მიმდინარეობს. ჩვენ გასულ წელს დავამთავრეთ შიდა ეზოს სარეაბილიტაციო სამუშაოები. მოსახლეობის თხოვნა იყო, რომ გაგვეკეთებინა ლამაზი პარკი იმ ტერიტორიაზე, სადაც მანამდე უკანონო შემოღობვები იყო. მინდა, ვისარგებლო შემთხვევით და განსაკუთრებული მადლობა გადავუხადო ადგილობრივებს, თითოეულ ოჯახს, რადგან მათი თანამონაწილეობით განხორციელდება შვიდი ავტოფარეხის დემონტაჟი. ეს ტერიტორია სრულად იყო დაკავებული უკანონო შემოღობვებით. ამჟამად ის გასუფთავებული და მოწესრიგებულია. დაიწყო პროექტის განხორციელება, რომელშიც გათვალისწინებულია საბავშვო ატრაქციონები, მოსასვენებელი პავილიონები,სასეირნო ბილიკი; გარდა ამისა, დაირგვება ხე-მცენარეები, მოეწყობა განათებები, გაკეთდება საპარკინგე არეალები. პროექტის განხორციელებას, დაახლოებით, სამთვენახევარი დასჭირდება და ადგილობრივ მოსახლეობას ექნება სივრცე, სადაც დასვენების, ვარჯიშის და გართობის საშუალება ექნება“, - განაცხადა კახა კალაძემ.სამუშაოები, დაახლოებით, 3 000 კვ.მ ფართობზე ჩატარდება. ტერიტორიაზე მოეწყობა ფიტნეს სივრცე, დამონტაჟდება სარწყავი სისტემა, ასევე, განთავსდება სკვერისთვის საჭირო სხვა ინფრასტრუქტურა.აღნიშნულ ტერიტორიაზე უკანონო შემოღობვების დემონტაჟი, მოსახლეობისა და თბილისის მუნიციპალური ინსპექციის ჩართულობით, გასულ წლის ბოლოს განხორციელდა.პროექტის განხორციელებისთვის ადგილობრივი ბიუჯეტიდან, დაახლოებით, 400 000 ლარი გამოიყოფა.ადგილზე, მერთან ერთად, გლდანის რაიონის გამგებელი ბესიკ კალაძე, პარლამენტის დელეგატი ვლადიმერ ბოჟაძე, აგრეთვე, რაიონის მაჟორიტარები თბილისის საკრებულოში -  ჯაბა კოღუა და მიხეილ რეხვიაშვილი იმყოფებოდნენ.

პოლიტიკა • 1770117360

ვლადიმერ ბოჟაძე: ქართული მედიის და ქართული სამოქალაქო სექტორის ნაწილი ესტონური გახდა, სწორედ იმიტომ, რომ კანონმდებლობას თავი აარიდოს

თავად დონორებიც კი იყვნენ წინააღმდეგები ასეთი კანონმდებლობის მიღების და როცა ჩვენ კონკრეტული სახელმწიფოები, კონკრეტული დონორები მოგვიწოდებდნენ კანონის გაუქმებისკენ, სწორედ ამას გულისხმობდნენ, რომ არის სურვილი, ჩვენს ქვეყანაში თანხები დაიხარჯოს ყოველგვარი კონტროლის გარეშე. სამწუხაროდ, ხშირ შემთხვევაში, ეს სწორედ დონორებისგან მოდის, - განაცხადა ვლადიმერ ბოჟაძემ გრანტების შესახებ კანონში ცვლილებაზე საუბრისას.საპარლამენტო პოლიტიკური ჯგუფის „ევროპელი სოციალისტების“ თავმჯდომარემ აღნიშნა, რომ მედიისა და არასამთავრობო სექტორის ნაწილი ესტონეთში რეგისტრირდება იმ მიზნით, რომ კანონმდებლობას გვერდი აუაროს.„ქართული მედიის და ქართული სამოქალაქო სექტორის ნაწილი ესტონური გახდა, სწორედ იმიტომ, რომ კანონმდებლობას თავი აარიდოს და არცერთი დონორი დღემდე არ გვპასუხობს, აფინანსებენ თუ არა ქართულ ორგანიზაციებს, რომლებმაც რეგისტრაცია გაიარეს ესტონეთში ერთადერთი მიზეზის გამო, რომ ამ კანონისთვის აევლოთ გვერდი. პრობლემა სწორედ ის არის, რომ არა მხოლოდ სამოქალაქო სექტორს ან გრანტის მიმღებს აქვს პრობლემა გამჭვირვალობასთან - ეს პრობლემა პირველ რიგში გრანტის გამცემებს აქვთ“, - განაცხადა ბოჟაძემ.

პოლიტიკა • 1770042540

მარიამ ლაშხი, ვიქტორ სანიკიძე და ვლადიმერ ბოჟაძე ფიზიკური აღზრდისა და სპორტის საერთაშორისო ფედერაციის (FIEPS) წარმომადგენლებს შეხვდნენ

განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი, სპორტის კომიტეტის თავმჯდომარე ვიქტორ სანიკიძე და საპარლამენტო პოლიტიკური ჯგუფის „ევროპელი სოციალისტები“ თავმჯდომარე ვლადიმერ ბოჟაძე ფიზიკური აღზრდისა და სპორტის საერთაშორისო ფედერაციის (FIEPS) ვიცე - პრეზიდენტს ბრანისლავ ანტალას და ამავე ფედერაციის ევროპის რეგიონალური ცენტრის ვიცე-პრეზიდენტს დარიო ნოვაკს შეხვდნენ.მხარეებმა განიხილეს ინიციატივა, რომელიც სპორტის უფრო აქტიურად დანერგვას ემსახურება როგორც სკოლებში, ისე სკოლამდელი აღზრდის დაწესებულებებში.„საქართველოს სპორტის სახელმწიფო უნივერსიტეტი ფიზიკური აღზრდისა და სპორტის საერთაშორისო ფედერაციის წევრია. ვისაუბრეთ საგანმანათლებლო პროგრამის - სპორტის მენეჯმენტის დახვეწაზე. შევთანხმდით ქვეყნებს შორის გაცვლითი პროგრამების დანერგვასა და სპორტის სფეროში ექსპერტული ცოდნის გაზიარებაზე“, - განაცხადა მარიამ ლაშხმა.შეხვედრაზე ასევე დაანონსდა ფიზიკური აღზრდისა და სპორტის საერთაშორისო ფედერაციის მიერ კავკასიაში პირველი რეგიონალური ცენტრის გახსნა, რომელიც საქართველოს სპორტის სახელმწიფო უნივერსიტეტის ბაზაზე იფუნქციონირებს და რეგიონში ჰაბის ფუნქციას შეასრულებს.საუბარი შეეხო საერთაშორისო სამეცნიერო კონგრესის ჩატარების საკითხსაც.„2028 წელს, საქართველოს სპორტის უნივერსიტეტის დაარსებიდან 90 წლის იუბილესთან დაკავშირებით, 22-ე საერთაშორისო სამეცნიერო კონგრესი გაიმართება. მასში მონაწილეობას მიიღებს 250-ზე მეტი მეცნიერი და სპორტის 100-ზე მეტი უნივერსიტეტი მსოფლიო მასშტაბით“, - განაცხადა ვლადიმერ ბოჟაძემ.

პოლიტიკა • 1770027206

ვლადიმერ ბოჟაძე: „ევროპელი სოციალისტები“ მზად ვართ ნებისმიერ ფორმატში, მათ შორის საგნობრივ დისკუსიებში აქტიურად ჩავერთოთ - განსაკუთრებით მნიშვნელოვანია ის, რომ „იმედი“ საზოგადოებას განსხვავებულ დებატებს შესთავაზებს

ჩვენი პოლიტიკური გუნდი, „ევროპელი სოციალისტები“ მზად ვართ ნებისმიერ ფორმატში, მათ შორის საგნობრივ დისკუსიებში აქტიურად ჩავერთოთ, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ „ქრონიკასთან“.მისი თქმით, განსაკუთრებით მნიშვნელოვანია ის, რომ „იმედი“ საზოგადოებას განსხვავებულ დებატებს შესთავაზებს.„რადგან საუბარი იქნება არა მხოლოდ პოლიტიკური დებატებზე არამედ, უკვე საგნობრივ, თემატურ ძალიან მნიშვნელოვან საკითხებზე, რაც აწუხებს ჩვენს მოქალაქეებს. ყველაზე მთავარია, ის რომ დებატებმა უნდა შეასუსტოს ქვეყანაში არსებული პოლარიზაცია. საზოგადოებას უნდა ჰქონდეს საშუალება, რომ მოისმინოს პოლიტიკოსების კამათიც, დისკუსიაც, დებატებიც, იმისთვის, რომ გაიგოს სიმართლე“, - აღნიშნა ბოჟაძემ.„ტელეიმედი“ ახალი პოლიტიკური ფორმატისთვის ემზადება - თებერვლიდან „იმედის“ ეთერში დებატები დაიწყება.

პოლიტიკა • 1767608940

ვლადიმერ ბოჟაძე: სამწუხაროდ 2026 წელსაც მოსალოდნელია, რომ ევრო ბიუროკრატია ისევე გააგრძელებს უსამართლო დამოკიდებულებას ჩვენი ქვეყნის მიმართ

სამწუხაროდ 2026 წელსაც მოსალოდნელია, რომ ევრო ბიუროკრატია ისევე გააგრძელებს უსამართლო დამოკიდებულებას ჩვენი ქვეყნის მიმართ, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ.მისივე თქმით, ვიდრე რუსეთ-უკრაინის ომი არ დასრულდება, ეს დამოკიდებულება გაგრძელდება.„ყველაფერი კეთდება იმისთვის, რომ საქართველომ გააგრძელოს და შეასრულოს საკუთარი ვალდებულებები, ასოცირების და თავისუფალი ვაჭრობის ხელშეკრულებიდან გამომდინარე და ჩვენ გავაგრძელებთ ევროკავშირისკენ გზას.ჩვენი ქვეყანა ითხოვს სამართლიან და თანასწორ დამოკიდებულებას, იმ პარტნიორულ ურთიერთობებს, რომელიც ჩვენ გვქონდა რუსეთ-უკრაინის ომის დაწყებამდე. სწორედ ამ ომის გამო ისჯება უსამართლოდ ჩვენი ქვეყანა, რადგან დავიცავით ჩვენი ქვეყნის და ხალხის ინტერესები.გარდა ამ პროცესებისა, თავად ევროკავშირშიც მიდის პროცესები გაჯანსაღებისკენ, სულ უფრო მეტია იმ ქვეყანათა რიცხვი, რომელიც ჯანსაღად უყურებს მიმდინარე პროცესებს, ჩვენი ქვეყნისადმი დამოკიდებულებას. ყველა შემთხვევაში 2026 წელი დარწმუნებული ვარ იქნება უკეთესი წელი ევროკავშირთან ურთიერთობაში, ვიდრე იყო 2025“, - აღნიშნა ვლადიმერ ბოჟაძემ.

განათლება • 1766213985

გივი მიქანაძე თბილისის 119-ე და 132-ე საჯარო სკოლებს ესტუმრა

საქართველოს განათლების, მეცნიერებისა და ახალგაზრდობის მინისტრი გივი მიქანაძე თბილისის 119-ე და 132-ე საჯარო სკოლებს ესტუმრა.სამინისტროს ინფორმაციით, მინისტრმა სკოლების საგანმანათლებლო ინფრასტრუქტურა დაათვალიერა და სასკოლო საზოგადოების წარმომადგენლებთან შეხვედრები გამართა.შეხვედრების ფარგლებში გივი მიქანაძემ პედაგოგებსა და მშობლებს ზოგადი განათლების სისტემის მიმართულებით დაგეგმილ სიახლეებზე მიაწოდა ინფორმაცია და მათთვის საინტერესო შეკითხვებს უპასუხა.შეხვედრაში მონაწილეობა ასევე მიიღეს გლდანის რაიონის დელეგატმა ვლადიმერ ბოჟაძემ, გამგებელმა ბესიკ კალაძემ და ადგილობრივი ხელისუფლების სხვა წარმომადგენლებმა.

პოლიტიკა • 1765354920

ვლადიმერ ბოჟაძე: თუ ადამიანების რაოდენობა ხელს უშლის სხვა ადამიანების გადაადგილებას და ხელოვნურად ხდება ქუჩის ან ტროტუარის ბლოკირება, პოლიციას აქვს გაფრთხილების, სხვა ადგილის და სხვა მარშრუტის შეთავაზების უფლება

თუ ადამიანების შესაბამისი რაოდენობა იქნება, ამას აქციის ორგანიზატორები და პოლიცია ერთად გადაწყვეტენ, გადაიკეტება ქუჩაც, გამზირიც, ტროტუარიც, მოედანიც, ამის პრობლემა არ არის, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ.მისივე თქმით, თუ ადამიანების რაოდენობა ხელს უშლის სხვა ადამიანების გადაადგილებას და ხელოვნურად ხდება ბლოკირება ქუჩის ან ტროტუარის, პოლიციას აქვს უფლება გაფრთხილების, სხვა ადგილის და სხვა მარშრუტის შეთავაზების.„თუნდაც მსვლელობა, რომელიც დაიგეგმება რომელიმე უწყების მიმართულებით იყოს ისე, რომ არ ჰქონდეს შეზღუდვა სხვა ადამიანებს გადაადგილებისას“, - აღნიშნა ვლადიმერ ბოჟაძემ.„შეკრებებისა და მანიფესტაციების შესახებ“ კანონში შესატანი ცვლილებები პარლამენტმა დღეს დაჩქარებული წესით, მეორე მოსმენით განიხილა.

პოლიტიკა • 1765276628

ვლადიმერ ბოჟაძე „ევროპის ლიბერალთა და დემოკრატთა ალიანსზე“: არ დაგმეს, ძალადობა, არ დაგმეს ექსტრემიზმი და ახლა მათი მხარდამჭერები უკვე ტერორისტული აქტების ჩადენაზე გადავიდნენ

არ დაგმეს, ძალადობა, არ დაგმეს ექსტრემიზმი და ახლა უკვე ტერორისტული აქტების ჩადენაზე გადავიდნენ მათი მხარდამჭერები, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ „ქრონიკასთან“ „ევროპის ლიბერალთა და დემოკრატთა ალიანსზე“ საუბრისას, რომლის წევრიც „ლელოა“.„დუმან, რადგან, როგორც ჩანს, მათი წახალისებულია ასეთი ქმედებები. მათ არ დაგმეს, ძალადობა, არ დაგმეს ექსტრემიზმი და ახლა უკვე ტერორისტული აქტების ჩადენაზე გადავიდნენ მათი მხარდამჭერები. თქვენ იცით, რომ „ალდეს“ ჯგუფში არის მათ შორის „ლელო“ და ალეკო ელისაშვილი იყო „ლელოს“ საარჩევნო ბლოკის ერთ-ერთი ლიდერი“, - აღნიშნა ბოჟაძემ.ალდე, იგივე „ევროპის ლიბერალთა და დემოკრატთა ალიანსი“ ჯერ ისევ დუმს და არაფერს ამბობს ალეკო ელისაშვილის მიერ ჩადენილ დანაშაულზე. ალდეს დუმილი პარლამენტის თავმჯდომარისთვის იმის აღიარებაა, რომ პოლიტიკური ალიანსი ტერორისტთან თანამშრომლობს.