მაშველებმა ბავშვის ცხედარი იპოვეს - ფონიჭალაში მომხდარ ტრაგედიას 6 ადამიანი ემსხვერპლა 

მაშველები ფონიჭალაში

მაშველებმა ქვემო ფონიჭალაში, კორპუსის ნანგრევებიდან მეექვსე ადამიანის, 7 წლის ბავშვის ცხედარი ამოასვენეს. სამძებრო-სამაშველო ოპერაცია დასრულდა.

ამის შესახებ ცოტა ხნის წინ, შინაგან საქმეთა მინისტრმა, სულხან თამაზაშვილმა განაცხადა.

დაღუპულებს შორის სამი ქალი, ერთი მამაკაცი და ორი ბავშვია.

ფონიჭალის ტრაგედიას სასწაულებრივად გადაურჩა 3 წლის თაია. მცირეწლოვანი მაშველებმა ნანგრევებიდან უვნებლად ამოიყვანეს.

თაიას კლინიკაში შესაბამისი კვლევები უტარდება.

დღეს დილით, ქვემო ფონიჭალაში, სავარაუდოდ, ბუნებრივი აირის დაგროვების შედეგად აფეთქება მოხდა. კლინიკაში სხვადასხვა დაზიანებებით 5 ადამიანი გადაიყვანეს. 

✕