შოუბიზნესი • 1750318365

Liquid Death-მა ოზი ოსბორნის დნმ-ის შემცველი ცივი ჩაი შექმენს, რომელიც გაყიდვაშია

როკის ლეგენდა ოზი ოსბორნი და ამერიკული ბრენდი Liquid Death გაერთიანდნენ და უნიკალური ლიმიტირებული ცივი ჩაი შექმნეს, რომელიც მომღერლის დნმ-ს შეიცავს.კოლაბორაციის „უსასრულო ოზი“ ფარგლებში მხოლოდ 10 ქილა გამოუშვეს, რომლებიც Liquid Death-ის ვებგვერდზე წამებში გაიყიდა. თითო ქილის ფასი 450 დოლარი იყო. ყველა ეგზემპლარს ოსბორნის ავტოგრაფი და სერტიფიკატი მოჰყვებოდა, რომელიც დნმ-ის ავთენტურობას ადასტურებს.როგორც ბრენდის განცხადებაშია აღნიშნული, „ოზიმ ჩაი დალია თითოეული ქილიდან, ქილაში თავისი რეალური დნმ-ი დატოვა და შემდეგ ჩვენ ეს ყველაფერი ჰერმეტულად დავლუქეთ“. ამ ექსცენტრიკული კამპანიის სლოგანია: Clone me, you bastards! („შექმნით ჩემი კლონი, ნაბიჭვრებო“).

მსოფლიო • 1749628095

საფრანგეთში როდენის დაკარგული ქანდაკება იპოვეს - მფლობელებს ის ასლი ეგონათ და პიანინოზე ედოთ

საფრანგეთში შემთხვევით აღმოაჩინეს ოგიუსტ როდენის ქანდაკება, რომელიც 1906 წლიდან დაკარგულად ითვლებოდა - წლების განმავლობაში, ის ინახებოდა ოჯახში, რომელიც ქანდაკებას ასლად მიიჩნევდა.ქანდაკება სახელწოდებით Le Désespoir („სასოწარკვეთილება“) მარმარილოსგან 1892 წელს გამოიძერწა. ბოლო მონაცემები მის შესახებ 1906 წლით თარიღდება, როდესაც ის აუქციონზე გაიყიდა.ქანდაკების მფლობელებმა მისი ღირებულების შესახებ არაფერი იცოდნენ და ფიგურა პიანინოზე, ოჯახური ფოტოების გვერდით ედოთ.ქანდაკების ავთენტურობა „როდენის კომიტეტში“ დაადასტურეს და აღნიშნეს, რომ ნამუშევარი როდენის კარიერის „ერთ-ერთ საუკეთესო პერიოდს მიეკუთვნება“. „სასოწარკვეთილება მონუმენტური ნამუშევრის „ჯოჯოხეთის კარიბჭის“ ნაწილი უნდა გამხდარიყო.ხელახლა აღმოჩენილი Le Désespoir-ი აუქციონზე 984 ათას დოლარად გაიყიდა. ის ახალგაზრდა ამერიკელმა ბანკირმა შეიძინა.

მსოფლიო • 1748585065

მეცნიერებმა 5000 წლის წინ გამომცხვარი პურის რეცეპტი აღადგინეს

მეცნიერები 5 000 წლის რეცეპტს აცოცხლებენ, რათა ძველი სტილის პური შექმნან. ამის შესახებ  Daily Express წერს. აღნიშნულია, რომ პური მზადდებოდა უხეშად დაფქული სპელტის ფქვილისგან, ხორბლის უძველესი ჯიშისგან, ოსპის მარცვლებისა და უცნობი მცენარის ფოთლებისგან. ადრეული ბრინჯაოს ხანაში, დღევანდელი ცენტრალური თურქეთის ტერიტორიაზე, ახლად აშენებული სახლის ზღურბლის ქვეშ პურის ნაჭერი იმალებოდა.ახლა, არქეოლოგებმა ის მრავალი წლის შემდეგ ამოთხარეს და ადგილობრივ ქერის ფერმას რეცეპტის ხელახლა შექმნაში ეხმარებიან. ადგილობრივები რიგში იდგნენ პურის საყიდლად - მრგვალი და ბრტყელი, ბლინის მსგავსი, 12 სანტიმეტრი დიამეტრის.არქეოლოგმა და გათხრების ხელმძღვანელმა მურატ თურქტეკიმ განაცხადა:„ეს არის უძველესი გამომცხვარი პური, რომელიც გათხრების დროს აღმოვაჩინეთ და მან ფორმა დიდწილად შეინარჩუნა. პური გათხრების დროს იშვიათი აღმოჩენაა. როგორც წესი, მხოლოდ ნამცეცებს ვპოულობთ ხოლმე.“ფაქტია, რომ პური შენარჩუნდა, რადგან ის დაიწვა და დამარხეს ძვ.წ. დაახლოებით 3300 წელს აშენებული საცხოვრებლის შესასვლელის ქვეშ.  ის 2024 წლის სექტემბერში აღმოაჩინეს და ესქიშეჰირის არქეოლოგიურ მუზეუმშია გამოფენილი.ამის შემდეგ, გამომცხვარი პირველი პურები, რომლებიც 50 თურქული ლირა ღირდა, რამდენიმე საათში გაიყიდა.აღსანიშნავია, რომ პურის ხელახლა აღმოჩენამ ინტერესი გამოიწვია ხორბლის უძველესი ჯიშების მოყვანის მიმართ, რომლებიც უკეთ ეგუებიან გვალვას.

სპორტი • 1748334993

მიხაელ შუმახერის ბოლიდი თითქმის 16 მილიონ ევროდ გაიყიდა

ბოლიდი, რომლითაც მიხაელ შუმახერმა 2011 წელს უნგრეთისა და მონაკოს გრან-პრი მოიგო და „ფორმულა 1“-ის ჩემპიონის გახდა, აუქციონზე 15,98 მილიონ ევროდ გაიყიდა.The New York Times-ის ინფორმაციით, ავტომობილი Ferrari F2001 RM Sothebyʼs-ის მიერ გამართული ვაჭრობისას გაიყიდა. ლოტისთვის აქტიური ბრძოლა მიმდინარეობდა, ვაჭრობა 8 მილიონი ევროდან დაიწყო. მყიდველის სახელი ტრადიციულად, არ საჯაროვდება, თუმცა, ცნობილია, რომ ის ფსონებს დარბაზიდან დებდა და არა ტელეფონით.Ferrari F2001 შუმახერის ყველაზე ძვირადღირებული ავტომობილი გახდა, რომელიც აუქციონზე გაიყიდა.შუმახერი „ფორმულა 1“-ის შვიდგზის გამარჯვებულია. 2013 წლის ბოლოს მან ალპებში თხილამურებით სრიალის დროს თავის ტვინი ტრავმა მიიღო და მას შემდეგ საჯაროდ აღარ გამოჩენილა.

მსოფლიო • 1748182817

მიხაელ შუმახერის მანქანა თითქმის €16 მილიონად გაიყიდა

ბოლიდი, რომლითაც მიხაელ შუმახერმა 2011 წელს უნგრეთისა და მონაკოს გრან-პრი მოიგო და „ფორმულა 1“-ის ჩემპიონის გახდა აუქციონზე 15,98 მილიონ ევროდ გაიყიდა.The New York Times-ის ინფორმაციით, ავტომობილი Ferrari F2001 RM Sothebyʼs-ის მიერ გამართული ვაჭრობისას გაიყიდა. ლოტისთვის აქტიური ბრძოლა მიმდინარეობდა, ვაჭრობა 8 მილიონი ევროდან დაიწყო. მყიდველის სახელი ტრადიციულად არ საჯაროვდება, თუმცა ცნობილია, რომ ის ფსონებს დარბაზიდან დებდა და არა ტელეფონით.Ferrari F2001 შუმახერის ყველაზე ძვირადღირებული ავტომობილი გახდა, რომელიც აუქციონზე გაიყიდა.შუმახერი „ფორმულა 1“-ის შვიდგზის გამარჯვებულია. 2013 წლის ბოლოს მან ალპებში თხილამურებით სრიალის დროს თავის ტვინი ტრავმა მიიღო და მას შემდეგ საჯაროდ აღარ გამოჩენილა.

ტექნოლოგიები • 1748020383

სისხლიანი ხელთათმანები აუქციონზე - აბრაამ ლინკოლნის ნივთები მილიონობით დოლარად გაიყიდა

ჩიკაგოში გამართულ აუქციონზე აშშ-ის ყოფილი პრეზიდენტის აბრაამ ლინკოლნის პირადი ნივთები გაიყიდა, მათ შორის 1865 წლის მკვლელობის ღამეს გამოყენებული სისხლიანი ხელთათმანები, რომელიც 1.52 მილიონ დოლარად გაიყიდა და აუქციონის ყველაზე ძვირად ღირებული ნივთი გახდა.მთლიანობაში აუქციონზე 144 ნივთი იყო გამოტანილი, მათ შორის ხელსახოცი და ბროშურა, რომელიც მკვლელობის შეთქმულების დეტალებს ეხებოდა.

მსოფლიო • 1747864252

რა წერია ტიტანიკის ჩაძირვამდე დაწერილ წერილში, რომელიც 400,000 დოლარად გაიყიდა

წერილი, რომელიც ტიტანიკზე მყოფმა ერთ-ერთმა ყველაზე ცნობილმა გადარჩენილმა გემის ჩაძირვამდე რამდენიმე დღით ადრე დაწერა, გაუსწრო ყველა მოლოდინს და გაერთიანებულ სამეფოში ჩატარებულ აუქციონზე 300,000 ფუნტად (დაახლოებით 399,000 დოლარად) გაიყიდა.წერილი დათარიღებულია 1912 წლის 10 აპრილით — სულ რამდენიმე დღით ადრე, სანამ ტიტანიკი 13 აპრილის დილას აისბერგს დაეჯახებოდა და ჩაიძირებოდა.წერილში გემის მგზავრი არჩიბალდ გრეისი წერს:ეს მშვენიერი გემია, მაგრამ საბოლოო მოგზაურობამდე თავს შევიკავებ შეფასებისგან.ტიტანიკი თავის პირველივე მოგზაურობაზე აისბერგთან შეჯახების გამო, ნიუფაუნდლენდის მახლობლად ჩაიძირა. კატასტროფის შედეგად დაახლოებით 1,500 ადამიანი დაიღუპა. წერილის ავტორი, გრეისი გემიდან გადახტომის შედეგად გადარჩა: მან მოახერხა ამობრუნებულ გასაშლელ ნავზე ასულიყო, საიდანაც უკვე სხვა მგზავრებმა გადაარჩინეს. მოგვიანებით იგი მაშველი გემით გადაიყვანეს. ნიუ-იორკში ჩასვლის შემდეგ, გრეისიმ გამოაქვეყნა "სიმართლე ტიტანიკზე" — სადაც დეტალურად აღწერა გემის ჩაძირვის ღამე.გრეისი ტიტანიკზე 1912 წლის 10 აპრილს საუთჰემპტონში ავიდა და პირველი კლასის კაბინაში იყო განთავსებული. თუმცა მიღებული ჰიპოთერმიისგან იგი სრულად ვეღარ გამოჯანმრთელდა და იმავე წლის ბოლოს დიაბეტის გართულებებით გარდაიცვალა.წერილს ასევე ეტყობა, რომ ის გაგზავნილია ქუინსტაუნიდან (ირლანდია) — რომელიც ტიტანიკის ჩაძირვამდე ერთ-ერთი ბოლო გაჩერება იყო.აუქციონის სახლის ინფორმაციით, წერილი ამერიკელმა კერძო კოლექციონერმა შეიძინა. მისი საწყისი ფასი მხოლოდ 60,000 ფუნტი იყო, საბოლოოდ კი წერილი 5-ჯერ უფრო ძვირად გაიყიდა.

პოლიტიკა • 1747643146

დავით ლორთქიფანიძე: "ზარაფხანა" გაიტანეს აუქციონზე და 8,5 მილიონის საწესდებო კაპიტალის საწარმო, სადაც 5 მილიონზე მეტი ოქროს ნაკეთობები ინახებოდა, გაყიდეს მილიონ-ნახევარ ლარად - ფაქტობრივად, აჩუქეს რუსეთის მოქალაქე კობა ნაყოფიას

სამ თვეში ეს საწარმო მოამზადეს საპრივატიზაციოდ, გაიტანეს აუქციონზე და 8,5 მილიონის საწესდებო კაპიტალის საწარმო, სადაც 5 მილიონზე მეტი ოქროს ნაკეთობები ინახებოდა, გაყიდეს მილიონ ნახევარ ლარად, - ამის შესახებ 2000-2004წლებში შპს "ეროვნული ზარაფხანას" გენერალურმა დირექტორმა, დავით ლორთქიფანიძემ, საქართველოს პარლამენტის დროებითი საგამოძიებო კომისიის სხდომაზე განაცხადა.ლორთქიფანიძის თქმით, "ზარაფხანა" ფაქტობრივად რუსეთის მოქალაქე კობა ნაყოფიას აჩუქეს, რომელიც დღესაც "ნაცმოძრაობის" ერთ-ერთი ლიდერია. მან ხაზი გაუსვა იმ ფაქტს, რომ "ეროვნული ზარაფხანა" 2000-ლარიანი საწესდებო კაპიტალის შპს-ს გადასცეს."მაშინ ვთქვი, ოქრო კარაქი ხომ არ არის, მალფუჭებადი რომ იყოს, რას აკეთებთ, რატომ ყიდით? - მოკლედ, გაიყიდა ეს საწარმო და რაოდენ საინტერესოა, რომ ეს საწარმო ფაქტობრივად აჩუქეს რუსეთის მოქალაქე კობა ნაყოფიას, რომელიც მაშინ ჩამოიყვანეს რუსეთიდან. ნაყოფია დღესაც არის "ნაციონალური მოძრაობის" ლიდერი და ერთ-ერთი დონორი. მაშინ სამართლებრივად შპს-ს დაფუძნებას სჭირდებოდა 2000-ლარიანი საწესდებო კაპიტალი. სასწრაფოდ დააფუძნეს შპს საცხოვრებელი ბინის მისამართზე და ამ 2000-ლარიანი საწესდებო კაპიტალის შპს-ს მისცეს საქართველოს ეროვნული ზარაფხანა.[ოქროს ნაკეთობების გარდა] იყო მიწა და 4 სართულიანი შენობა-ნაგებობა, სულ დაახლოებით 30 000 კვადრატული მეტრი. დიღომში მაშინდელი კვადრატული მეტრის ფასი რომ გადაიანგარიშოთ, დაახლოებით 9-10 მილიონი დოლარის იყო მარტო ეს ყველაფერი და ასე ჩაიგდეს ხელში მილიონ ნახევარ ლარად," - განაცხადა დავით ლორთქიფანიძემ.

პოლიტიკა • 1745923795

პარლამენტის დროებითმა საგამოძიებო კომისიამ მწერალთა კავშირთან დაკავშირებულ მოვლენებზე მაყვალა გონაშვილი გამოჰკითხა

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელმა პარლამენტის დროებითმა საგამოძიებო კომისიამ დღევანდელ სხდომაზე ერთი საკითხი განიხილა.პოეტმა, მაყვალა გონაშვილმა, რომელიც 2004 წელს საქართველოს მწერალთა კავშირის თავმჯდომარედ აირჩიეს, „ვარდების რევოლუციის“ შემდეგ მწერალთა კავშირთან დაკავშირებით განვითარებულ მოვლენებზე ისაუბრა.მისი განცხადებით, „ვარდების რევოლუციის“ შემდეგ საქართველოს ხელისუფლებამ მწერალთა კავშირზე ზეწოლა დაიწყო, კერძოდ: კანონმდებლობაში შეტანილი ცვლილებების შედეგად მწერალთა კავშირს სტატუსი შეეცვალა, რის გამოც მისი უფლებები შეიზღუდა, მათ შორის, კავშირის წევრებს შეუწყდათ ხელფასები; მწერალთა კავშირს ჩამოერთვა მაჩაბლის 11-ში მდებარე შენობა, ასევე გაიყიდა მწერალთა კავშირის საკუთრებაში არსებული პოლიკლინიკა.როგორც მაყვალა გონაშვილმა აღნიშნა, ხელისუფლების მთავარი სამიზნე მწერალთა კავშირის ისტორიული შენობა იყო.მისი თქმით, მწერალთა კავშირმა, მას შემდეგ რაც შენობის დაცლის მოთხოვნის შესახებ წერილი მიიღო, სასამართლოში სარჩელი შეიტანა, რომ აღნიშნული პროცესი შეჩერებულიყო.მაყვალა გონაშვილის განცხადებით, მიუხედავად იმისა, რომ სასამართლომ საქმე წარმოებაში მიიღო, 2007 წლის 21 აგვისტოს, ღამის 4 საათზე, კანონის დარღვევით, ძალოვანი სტრუქტურების წარმომადგენლებმა შენობა გატეხეს და მისი დაცლა დაიწყეს, რა დროსაც ნივთებს ფანჯრებიდან ყრიდნენ.მისივე თქმით, მას შემდეგ რაც აღნიშნულ შენობაში მწერალთა სახლი შეიქმნა, მწერალთა კავშირს ისტორიულ შენობაში მხოლოდ საღამოების ჩატარების უფლება მიეცა.მაყვალა გონაშვილის შეფასებით, „ვარდების რევოლუციის“ შემდეგ ხელისუფლებაში მოსული პოლიტიკური ძალის მიერ გატარებული ქმედებები სამ მიზანს ემსახურებოდა: ცნობიერების შეცვლას და ახალი ადამიანის გამოყვანას, ქონების შოვნას და საზოგადოებაში შიშის დათესვას.კომისიამ საჯარო ფორმატში მოსმენის დასრულების შემდეგ რამდენიმე საკითხი სამუშაო რეჟიმში განიხილა.

პოლიტიკა • 1745910795

პარლამენტის დროებითმა საგამოძიებო კომისიამ ქონებრივი უფლებების დარღვევის, მოქალაქეების დევნის, რეპრესიებისა და არაადამიანური მოპყრობის საქმეები განიხილა

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელმა პარლამენტის დროებითმა საგამოძიებო კომისიამ სამი საკითხი განიხილა.შპს „ჟინერის“ ქონებრივი უფლებების დარღვევის საქმეზე კომისიას ახსნა-განმარტება  თეიმურაზ ჭიჭინაძემ მისცა.  მისი განცხადებით, კომპანია „ჟინერზე“ ზეწოლა, რომელიც  გრძელვადიანი იჯარის წესით  „ჟინვალჰესს“ ფლობდა, 1999 წლიდან დაიწყო, მას შემდეგ რაც „ახალგაზრდა რეფორმატორთა“ ჯგუფი  პარლამენტში შევიდა და  პარლამენტის ეკონომიკური პოლიტიკის კომიტეტის თავმჯდომარე ვანო მერაბიშვილი გახდა.თეიმურაზ ჭიჭინაძის განცხადებით, ვანო მერაბიშვილს და მასთან დაკავშირებულ ჯგუფს, პარლამენტში საკომიტეტო მოსმენების დროს, მხარს USAID-ის წარმომადგენელი უჭერდა.მისი თქმით, ამ პერიოდში გამართული ყველა სასამართლო პროცესი, მათ შორის, საერთაშორისო არბიტრაჟი, კომპანიის სასარგებლოდ დასრულდა.როგორც „ჟინერის“ სამეთვალყურეო საბჭოს თავმჯდომარემ თეიმურაზ ჭიჭინაძემ აღნიშნა, კომპანიაზე ზეწოლა, მისი ხელში ჩაგდების მიზნით, 2005 წლიდან განახლდა. მისივე ინფორმაციით, მან  და კომპანიის დირექტორმა ემზარ ჩაჩხიანმა ფინანსურ პოლიციაში განხორციელებული ზეწოლის შემდეგ კომპანიის წილები დათმეს. თეიმურაზ ჭიჭინაძემ ასევე აღნიშნა, რომ ამ პერიოდში ის თბილისის საკრებულოს წევრი იყო და ფინანსურ პოლიციაში გადაყვანა იძულების წესით მოხდა.მისი განცხადებით, დედაქალაქის მერის, გიგი უგულავას კაბინეტში, კომპანიის დირექტორზე ემზარ  ჩაჩხიანზე განხორციელებული ზეწოლის შედეგად მოხდა სასამართლოდან სარჩელის გამოტანა, რის შემდეგაც კომპანია გააკოტრეს და ის სახელმწიფოს გადაეცა. მისივე თქმით, მომდევნო ეტაპზე, ჰესი  წყალკანალს მისცეს და გასაყიდად ამზადებდნენ.როგორც თეიმურაზ ჭიჭინაძემ აღნიშნა, ამ პროცესებს მოჰყვა სასმელ წყალზე ტარიფის გაზრდა, რაც მიზანმიმართულად განხორციელდა.მან ასევე ისაუბრა თუ როგორ მოხდა „ორთაჭალჰესის“ მიყიდვა „ენერგო-პრო“-სთვის.  თეიმურაზ ჭიჭინაძის განცხადებით, აღნიშნულ საქმესთან დაკავშირებით სტრასბურგის სასამართლოში სარჩელის განხილვაში მას ხელი შეუშალა „ნაციონალური მოძრაობის“ წარმომადგენელმა  მამუკა ჟღენტმა.კომპანია „ჟინერის“ საქმეზე, ასევე, ისაუბრა შოთა მაჭარაშვილმა წიგნის - „გაკოტრების „ნაციონალური“ ფორმულა“ ავტორმა.მეორე საკითხი, რაზეც კომისიამ იმსჯელა შალვა ოგბაიძისა და მისი ოჯახის წევრების დევნისა და რეპრესიების საქმე იყო.შალვა ოგბაიძის განცხადებით, 2004 წელს, მაშინ როდესაც ის საგზაო პოლიციის მთავარი სამმართველოს უფროსი იყო, მიაწოდეს ინფორმაცია, რომ ერთ-ერთი ჩამორთმეული ავტომანქანით, რომელიც საჯარიმო სადგომზე უნდა მდგარიყო,  გიგი უგულავას მეუღლე სარგებლობდა. მისი თქმით, მას შემდეგ, რაც სამართლებრივი რეაგირებისთვის პროკურატურას მიმართა, იგი  შინაგან საქმეთა მინისტრმა გიორგი ბარამიძემ დაიბარა და თანამდებობიდან გადადგომა მოსთხოვა, წინააღმდეგ შემთხვევაში დაჭერით დაემუქრა.როგორც შალვა ოგბაიძემ აღნიშნა, გადადგომის შემდეგ იგი საავტომობილო ფედერაციას ჩაუდგა სათავეში. მან დეტალურად ისაუბრა, გარკვეული დროის შემდეგ, როგორ მოითხოვდნენ „ნაციონალური  მოძრაობის“ ხელისუფლების წარმომადგენლები მისგან ფედერაციის ხელმძღვანელობიდან გადადგომას და რუსთავის ავტოდრომის სახელმწიფოსთვის გადაცემას. მისი თქმით, პარალელურ რეჟიმში, მის კომპანიაში - ავტოსადილერო ცენტრში ფინანსური პოლიცია შევიდა და შედეგად, კომპანია აუქციონზე გაიყიდა.შალვა ოგბაიძემ, ასევე, ისაუბრა 2011 წლის 26 მაისის აქციის დარბევაზე. როგორც მან აღნიშნა, დარბევის შემდეგ ის უგონო მდგომარეობაში საავადმყოფოში მოხვდა, ხოლო მისი ორი ვაჟი დააკავეს და აწამეს. მისი თქმით, ხელისუფლების ცვლილების შემდეგ, სტრასბურგის სასამართლომ  მის შვილებს წამების მსხვერპლთა სტატუსი მისცა.საქართველოს ფეხბურთის ფედერაციის პრეზიდენტის არჩევნებში მონაწილე კანდიდატებისადმი არაადამიანური მოპყრობის საქმეზე კომისიამ მამუკა კვარაცხელია და გიორგი ნემსაძე გამოჰკითხა.მამუკა კვარაცხელიას განცხადებით, 2007 წელს მან ფეხბურთის ფედერაციის პრეზიდენტის არჩევნებში მონაწილეობა მიიღო და მიხეილ სააკაშვილის ზეწოლის გამო ვერც ერთი ხმა ვერ მიიღო.მისი თქმით, იმის შესახებ თუ როგორ ჩაერია მიხეილ სააკაშვილი ფეხბურთის ფედერაციის პრეზიდენტის არჩევნებში, ყველგან საუბრობდა, მათ შორის, მედიაშიც და ასევე, მონაწილეობდა ქვეყანაში გამართულ  საპროტესტო აქციებში.როგორც მამუკა კვარაცხელიამ აღნიშნა, 2008 წლის 1 ივნისს, იგი ნიღბიანმა პირებმა ავტომანქანიდან  გაიტაცეს, ფიზიკურად გაუსწორდნენ, რის შედეგადაც მრავლობითი მოტეხილობა მიიღო.გიორგი ნემსაძის განცხადებით, პირველად იგი 2005 წელს აპირებდა ფეხბურთის ფედერაციის პრეზიდენტის არჩევნებში მონაწილეობის მიღებას, თუმცა, მას შემდეგ, რაც კანდიდატურის მოხსნის შესახებ გიგი უგულავას მოთხოვნა გადასცეს, არჩევნებში მონაწილეობა აღარ მიიღო.მან დეტალურად ისაუბრა 2007 წელს გამართულ ფეხბურთის ფედერაციის პრეზიდენტის არჩევნებზე.  როგორც გიორგი ნემსაძემ აღნიშნა, არჩევნებში გამარჯვების შემდეგ, ხელისუფლების წარმომადგენლებმა იგი ტელეფონით  საქართველოს პრეზიდენტ მიხეილ სააკაშვილთან დააკავშირეს. მისი თქმით, მიხეილ სააკაშვილმა მის პოლიტიკურ გუნდში არსებული დაპირისპირების გამო, მას ფედერაციის ახალი ყრილობის დანიშვნა სთხოვა.გიორგი ნემსაძის განცხადებით, 2009 წელს, ფეხბურთის ფედერაციის პრეზიდენტობის  კანდიდატმა, ზვიად სიჭინავამ, მისი პრეზიდენტად არჩევის შემთხვევაში მოადგილის თანამდებობა შესთავაზა, თუმცა ხელისუფლების წარმომადგენლები ამის წინააღმდეგ წავიდნენ.სხდომის დასასრულს,  პარლამენტის დროებითმა საგამოძიებო კომისიამ გადაწყვეტილება მიიღო ხვალ, 29 აპრილს მიმართოს პარლამენტის ბიუროს თხოვნით - პარლამენტის პლენარული სხდომის დღის წესრიგში შეიტანოს საკითხი კომისიისთვის უფლებამოსილების ვადის ერთი თვით - 5 ივნისამდე გაგრძელების თაობაზე.როგორც კომისიის თავმჯდომარე თეა წულუკიანმა განაცხადა, პლენარულ სხდომაზე კომისიის შუალედი ანგარიში იქნება წარდგენილი.მისი განცხადებით,  კომისიამ 13 თებერვლიდან 17 სხდომა ჩაატარა, 55 პირი გამოჰკითხა, საიდანაც 30-მდე პირი დაზარალებული იყო.„შემოსულია 400-მდე განცხადება, საიდანაც 300-ზე  მეტი განცხადება უკვე დამუშავებულია. ირკვევა, რომ ყველაზე მეტი განცხადება თუ განცხადება- საჩივარი, დიდწილად, მაინც საკუთრების უფლების დარღვევასა და წამება - არაადამიანურ მოპყრობაზეა. დასკვნის პროექტის წერა ამჟამად უკვე მიმდინარეობს და 100-ზე მეტი გვერდი უკვე  შედგენილია“, - აღნიშნა თეა წულუკიანმა.

პოლიტიკა • 1745834064

დამიბარეს შეხვედრაზე, სადაც სხვებთან ერთად დამხვდა ერთი ახალგაზრდა ბიჭი, რომელმაც მითხრა, რომ ის არის ნიკოლოზ ალასანია, თემურ ალასანიას შვილი. შესავალში მითხრეს, რომ კარგი იქნება თუ გადავდგები საავტომობილო ფედერაციის პრეზიდენტობიდან- მე ვუთხარი, პასუხი უნდა მქონდეს რის გამო გადავდექი - შალვა ოგბაიძე

„დამირეკა გია გალდავამ, ეს იყო სპორტის  დეპარტამენტის თავმჯდომარის მოადგილე და მითხრა, რომ მიბარებდა დეპარტამენტის თავმჯდომარე დავით ნამგალაური. მე რა თქმა უნდა, დავთანხმდი, მივედი ამ შეხვედრაზე. იქ დამხვდა თვითონ გია [გალდავა], დეპარტამენტის თავმჯდომარე იყო, თამაზ შაფათავა, დავით მჭედლიშვილი, ჩემი მოადგილე და ერთი ახალგაზრდა ბიჭი“-ამის შესახებ თბილისის საკრებულოს უმრავლესობის წევრმა შალვა ოგბაიძემ პარლამენტის დროებით საგამოძიებო კომისიის სხდომაზე განაცხადა, სადაც ერთ-ერთ საკითხად შალვა ოგბაიძისა და მისი ოჯახის წევრების დევნისა და რეპრესიების საქმე განიხილება.„შესავალში მითხრეს, რომ კარგი იქნება თუ მე გადავდგები საავტომობილო ფედერაციის პრეზიდენტობიდან, ვიქნები ფედერაციის ახლად არჩეული პრეზიდენტის მოადგილე, თუკი გადავცემთ ამ ავტოდრომს უკვე სახელმწიფოს და ინვესტიციას განვახორციელებთ და ა.შ. ამ ახალგაზრდა ბიჭს ხელი გავუწოდე, გავიცნოთ მეთქი ერთმანეთი და მან მითხრა, რომ ის არის ნიკოლოზ ალასანია, თემურ ალასანიას შვილი. [თემურ ალასანია არის მიხეილ სააკაშვილის დედის, გიული ალასანიას ძმა]“- აღნიშნა ოგბაიძემ.ოგბაიძის თქმით, გია თორთლაძე, რომელიც მაშინ „ნაციონალური მოძრაობის“ წევრი იყო  პარლამენტში, ამბობდა, რომ ამ ფედერაციის მოწილეები არიან ნინო ბურჯანაძის შვილები.„მე ვუთხარი, ახლა რომ გავალ ერთი 7 მიკროფონი დამხვდება და მე პასუხი უნდა მქონდეს რის გამო გადავდექი. არ ვფინანსდები სახელმწიფოდან, ჩვენ ჩვენი შემოსავლები გვაქვს. მე მაშინ ჩემი საწარმო მქონდა და ძალიან ხშირად ავტომობილებსაც კი ვაწესებდით ხოლმე პრიზებად. მონაწილეობას ვიღებდით სოციალურ აქტივობებში- რა ვუთხრა [რატომ გადავდექი] და ამიტომ [ვთქვი] მომეცი დრო, ერთი თვე.  ეს ერთი თვე არ მოეწონათ და შავი პიარი დაიწყო. შავი პიარის აგორება იყო მათი ხელწერა, რომ რეპრესიის დაწყების წინ საზოგადოებაში უნდა შეექმნათ აზრი, რომ ეს ადამიანი როგორი ცუდი ადამიანია, როგორი კორუმპირებულია და ა.შ. შავი პიარის წინასწარი აგორება იყო მათი ხელწერა. ერთ-ერთი გადაცემის დროს მე ვუყურებ, რომ გია თორთლაძე [მაშინ „ნაციონალური მოძრაობის“ წევრი იყო, პარლამენტში იყო] ამბობს, რომ ამ ფედერაციის მოწილეები არიან ნინო ბურჯანაძის შვილები. წარმოგიდგენიათ?  ახალგაზრდა რომ მოდის ჩვენთან ავტოსპორტში, სააკაშვილის რეჟიმისგან განსხვავებით ჩვენ არ ვეკითხებით მათი მშობლების პოლიტიკურ მრწამსს და შეხედულებებს. ამის შემდეგ დაიწყო შემოტევა. ჩემს საწარმოში შემოდის ფინანსური პოლიცია და „აღმოაჩინა“ 12 ტონა აღურიცხავი ანტიფრიზი და გვითხრეს, რომ უზარმაზარი თანხა იყო გადასახდელი. [თანხა] იმდენად დიდი იყო, რომ ვერც გადავიხდიდით და არც  გადავიხდიდით. ჩვენ რა თქმა უნდა, გავაგრძელეთ დავა და დამთავრდა საჯარო აუქციონით. ეს ქონება გაიყიდა“-განაცხადა შალვა ოგბაიძემ.

მსოფლიო • 1745759759

რა ეწერა წერილში, რომელიც „ტიტანიკის“ გადარჩენილმა მგზავრმა, გემის ჩაძირვამდე რამდენიმე დღით ადრე დაწერა - წერილი აუქციონზე 400 000 აშშ დოლარად გაიყიდა

წერილი, რომელიც „ტიტანიკის“ მგზავრმა გემის ჩაძირვამდე რამდენიმე დღით ადრე დაწერა, დიდ ბრიტანეთში აუქციონზე რეკორდულ, 300 000 ფუნტ სტერლინგად (400 000 აშშ დოლარად) გაიყიდა.პოლკოვნიკ არჩიბალდ გრეისის წერილი ანონიმურმა მყიდველმა შეიძინა მოსალოდნელ ფასზე ხუთჯერ ძვირად.წერილი 1912 წლის 10 აპრილით თარიღდება, როდესაც გემი საუთჰემპტონის პორტიდან ნიუ იორკის მიმართულებით გავიდა. მისი დაწერიდან ხუთ დღეში ხომალდი აისბერგთან შეჯახების შედეგად ჩაიძირა. წერილს „წინასწარმეტყველურს“ უწოდებენ, რადგან მასში პოლკოვნიკი გრეისი წერს, რომ ელოდება თავისი მოგზაურობის დასრულებას გემის შეფასებამდე.პოლკოვნიკი გრეისი ერთ-ერთი გადარჩენილი იყო „ტიტანიკის“ ბორტზე მყოფი 2 200 მგზავრსა და ეკიპაჟის წევრებს შორის. ხომალდის ჩაძირვის შედეგად 1500-ზე მეტი ადამიანი დაიღუპა.არჩიბალდ გრეისი პირველი კლასის მგზავრი იყო. მან წერილი C51 კაიუტიდან დაწერა. წერილი გაიგზავნა, როდესაც ხომალდი 11 აპრილს ირლანდიის ქალაქ ქუინსთაუნში შევიდა. მასზე 12 აპრილით დათარიღებული ლონდონის შტამპია დატანილი.მოგვიანებით, პოლკოვნიკმა გრეისიმ წიგნი დაწერა, რომელშიც „ტიტანიკის“ ბორტზე მგზავრობისა და გადარჩენის ისტორია აღწერა. მან ოკეანეში გადატრიალებულ სამაშველო ნავზე ასვლა შეძლო.მიუხედავად იმისა, რომ პოლკოვნიკი კატასტროფას გადაურჩა, მის ჯანმრთელობაზე სერიოზულად აისახა ჰიპოთერმია და ფიზიკური დაზიანებები. 1912 წლის 2 დეკემბერს ის კომაში ჩავარდა და ორი დღის შემდეგ გარდაიცვალა.