ექიმებმა

ცოლის ხუმრობამ ქმარი სასქესო ორგანოს გარეშე დატოვა - უცნაური შემთხვევა

რუსეთში ეჭვიანი ცოლის გამო ექიმებმა მამაკაცს პენისი მოკვეთეს.როგორც ადგილობრივი გამოცემა წერს, ეჭვიანმა ცოლმა მამაკაცს „ერთგულების ქამარი“ შეუკრა და გასაღები გადააგდო. შემთხვევა გასულ წელს მოხდა.ყველაფერი იმით დაიწყო, რომ წყვილი საღამოს სახლში ალკოჰოლს სვამდა. ცოლმა ქმარი საყვედურებით აავსო ღალატის გამო, რის შემდეგაც ქმრის მამაკაცურ ღირსებას „ერთგულები ქამარი“ შეუკრა, საკეტი დაადო და გასაღები გადააგდო.სიმთვრალეში ჩადენილი ნახევრად სერიოზულად თუ ნახევრად ხუმრობით ჩადენილი ქმედების შედეგი საკმაოდ სავალალო აღმოჩნდა.ქმრის პენისმა ზეწოლის შედეგად სწრაფად დაიწყო შეშუპება, გაიბერა და ბადრიჯნის ფერი გახდა. საკეტის გახსნა ვერაფრით ვერ მოხერხდა, ისევე როგორც გადაგდებული გასაღების პოვნა. შედეგად, წყვილმა საავადმყოფოს მიაკითხა, სადაც ექიმებმა განაცხადეს, რომ საჭირო იყო სასქესო ორგანოსა და სათესლე ჯირკვლების სასწრაფო ამპუტაცია. ეს ყველაფერი რამდენიმე საათში მოხდა. ვითარებას კიდევ უფრო ამძიმებდა ის ფაქტი, რომ მამაკაცი სვამდა და ტუალეტში ვერ გადიოდა.ოპერაციამ წარმატებით ჩაიარა ახლა ცოლქმრული ეჭვის მსხვერპლის სიცოცხლეს საფრთხე არ ემუქრება, თუმცა ცოლის ბორტი ხუმრობის შედეგად დარჩა მამაკაცური ღირსების გარეშე.

მსოფლიო • 1713903290

მომაკვდავი დედის მუცლიდან საკეისრო კვეთით დაბადებული გოგონას გადარჩენას სასწაულს მიაწერენ

გოგონა საკეისრო კვეთით მას შემდეგ დაიბადა, რაც დედამისი საბრინ ალ-საკანი სასიკვდილოდ დაიჭრა საჰაერო თავდასხმის დროს.გაეროს ადამიანის უფლებათა დაცვის უმაღლესი კომისრის ფოლკერ ტურკი ამბობს, რომ მომაკვდავი დედის მუცლიდან ამოყვანილი ნაადრევად დაბადებული ბავშვის სურათები „ომის მიღმაა“.ღაზას სექტორში უწყვეტი დარტყმების ფონზე, გოგონა გადაურჩა გადაულახავ შანსებს, როგორც მისი ოჯახის ერთადერთი ცოცხალი წევრი მას შემდეგ, რაც მის დედას საკეისრო კვეთა გაუკეთეს, რადგან ქალი კვდებოდა.შვიდი თვის ორსული, საბრინ ალ-საკანი, გადაუდებელი დახმარების განყოფილებაში კრიტიკულ მდგომარეობაში შეიყვანეს მას შემდეგ, რაც შაბათ-კვირას თავში და მუცელში სასიკვდილო ჭრილობები მიიღო.ექიმებმა გადაწყვიტეს, სასწრაფოდ გაეკეთებინათ საკეისრო კვეთა, მიუხედავად ანესთეზიის არარსებობისა.„დედა 10 წუთში გარდაიცვალა“, - თქვა შამსმა და დასძინა, რომ ბავშვის მამა და და საავადმყოფოში მიყვანისთანავე გარდაცვლილად გამოცხადდნენ.საავადმყოფოს ოფიციალურმა პირებმა განაცხადეს, რომ ბავშვის მდგომარეობა დღეს დილით დასტაბილურდა.ღაზას ჯანდაცვის სამინისტროს ცნობით, საკანების ოჯახის სახლზე საჰაერო თავდასხმას სულ მცირე 19 ადამიანი ემსხვერპლა.ახალშობილი გადაიყვანეს Emirates Hospital-ის პედიატრიულ განყოფილებაში, საველე ჰოსპიტალი, რომელიც შეიქმნა რაფაში დეკემბერში, ალყაში მოქცეულ პალესტინის ტერიტორიაზე.”ჩვენ სწრაფად ჩავსვით ინკუბატორში, მივაწოდეთ ჟანგბადი და ვუმკურნალეთ ანტიბიოტიკებით“, - განუცხადა AFP-ს საავადმყოფოს წარმომადგენელმა, ჰაიდარ აბუ სნეემამ.რამი ალ-შეიხი, ბავშვის ბიძა, ობოლის მეურვე გახდება საავადმყოფოდან გაწერის შემდეგ.”ყოველდღე მივდივარ საავადმყოფოში ჩემი ძმის ქალიშვილის მოსანახულებლად, რომელიც დედის მუცლიდან ამოიყვანეს”, - თქვა შეიხმა."მე მას "საბრინ ალ-რუჰ" დავარქვი, რადგან მამას სურდა ასე“, - დასძინა მან.რამდენიმე ადგილობრივი მედია იტყობინება, რომ ბავშვი ორ კილოგრამზე ნაკლებს იწონიდა.ის ფაქტი, რომ ეს პატარა გოგონა ცოცხალი დაიბადა, მიუხედავად გარემოებებისა, დიდი წარმატებაა,” - თქვა აბუ სნემამ.პალესტინელმა ჟურნალისტებმა მშობიარობა გადაიღეს, რომლის კადრებიც ორშაბათს ფართოდ გავრცელდა. - წერს უცხოური მედია. ასევე ნახეთ:კიბოს დიაგნოსტირება სისხლის წვეთით?!— ახალი მეთოდი პასუხს რამდენიმე წუთში იძლევა“ყველაფერს ნულიდან დაიწყებთ…”- ვის მიმართავს გოგა მანია

მსოფლიო • 1713867889

ქალმა გარდაცვლილი ბიძა ბანკში მიიყვანა, რომ მის სახელზე სესხი აეღო

ბრაზილიელმა ქალმა გარდაცვლილი ბიძა შეზღუდული შესაძლებლობების მქონე პირის ეტლით მიიყვანა ბანკის ფილიალში, რათა ცოცხალ ნათესავად გაესაღებინა და მის სახელზე და სესხი აეღო. ამის შესახებ ადგილობრივი გამოცემა O GLOBO წერს.ქალი, სახელად ერიკა დე სოუზა ვიეირა ნუნესი, რიო-დე-ჟანეიროს ერთ-ერთ ბანკში მივიდა და ითხოვა სესხი ბიძის, 68 წლის პაულო რობერტო ბრაგას სახელზე.მან 17 ათასი ბრაზილიური რეალი მოითხოვა. საუბრისას ბანკის თანამშრომლებმა პოტენციური კლიენტების ქცევაში უცნაური მომენტები შეამჩნიეს - ბიძა სრულიად ფერმკრთალი იყო და კარგად არ გამოიყურებოდა, ხელები და თავი გამუდმებით უვარდებოდა, მიუხედავად იმისა, რომ დისშვილი გულმოდგინედ წარმოაჩენდა, რომ მამაკაცთან ურთიერთობდა.კადრებით თუ ვიმსჯელებთ, ქალს ახლობელს თავი უჭირავს და ეკითხება, უსმენს თუ არა, ასევე „უხსნის“ სად უნდა მოაწეროს ხელი, რათა ყველა დამსწრე ზედმეტი პრობლემებისგან იხსნას. ბოლოს, ბიძამისის მოუხელთებლობით გაღიზიანებული, თვითონ აიღებს კალამს და მის ნაცვლად ცდილობს ხელშეკრულების გაფორმებას, მაგრამ ყველაფერი არც ისე მარტივი აღმოჩნდა.შედეგად, ფინანსური ინსტიტუტის თანამშრომლებმა გამოიძახეს სასწრაფო დახმარება და ექიმებმა დაადასტურეს მამაკაცის გარდაცვალება, რომელიც ბანკში მისვლამდე მოხდა. ნუნეზი მაშინვე დააკავეს. ადგილობრივი სამართალდამცველები ბრაჰეს გარდაცვალების ზუსტ დროს ადგენენ. Mulher leva o corpo do tio para fazer empréstimo em Bangu 😱 pic.twitter.com/L7AX4YaTnf — realengotv (@realengotv) April 16, 2024

faceამბები • 1713865500

„პაციენტის საცხოვრებელ კორპუსთან იყო პანიკა“ - სასწრაფოს ექიმებმა კიდევ ორი სიცოცხლე გადაარჩინეს

ფეისბუქ-გვერდი „შენი სიცოცხლის გადასარჩენად“ სასიხარულო ინფორმაციას ავრცელებს:თბილისის ერთ-ერთ უბანში გამოძახების ადგილზე მისულ ბრიგადას ქალი უგონო მდგომარეობაში დახვდა. პაციენტის საცხოვრებელ კორპუსთან იყო პანიკა. უგონო მდგომარეობაში მყოფი შუახნის ქალბატონი გულის გაჩერებით დახვდათ. ბრიგადის ექიმებმა დაიწყეს პროტოკოლით გათვალისწინებული რეანიმაციული ღონისძიებები, რის შემდეგაც აღდგა გულისცემა და სუნთქვა.ჰოსპიტალიზაციისას ისევ დაფიქსირდა გულის გაჩერება. ბრიგადის მიერ ჩატარებული წარმატებული რეანიმაციული ღონისძიებების შედეგად გულისცემა კვლავ აღდგა და პაციენტი ნორმალური სასიცოცხლო პარამეტრებით თბილისის ერთ-ერთ კლინიკაში შეიყვანეს.დღის გმირები: ექიმი ღვინჯილია მაგდა, უმცროსი ექიმი ინდიკო ცაავა, მძღოლი გურამ ფოლადაშვილიქუჩის გამოძახება და უგონო მდგომარეობაში მყოფი შუახნის ქალბატონი. მონიტორზე - გულის გაჩერება.ექიმების მიერ მყისიერად მოხდა პაციენტის მდგომარეობის შეფასება, ჩატარებული წარმატებული რეანიმაციული ღონისძიებების შედეგად მისი გულისცემა აღდგა და ბრიგადის ექიმებისა და მძღოლის პროფესიონალიზმის დამსახურებით პაციენტი ნორმალური სასიცოცხლო პარამეტრებით თბილისის ერთ-ერთ კლინიკაში იქნა შეყვანილი.როგორც ექიმი მაია ჩხეიძე იხსენებს, ცალკე აღნიშვნის ღირსია მისი ბრიგადის გუნდურობა და ასევე ამ ამბის შემსწრე მოქალაქეების სრული მობილიზება, თითოეული მათგანი ექიმებს შეძლებისდაგვარად დახმარებას სთავაზობდა.დღის გმირები: ექიმი მაია ჩხეიძე, უმცროსი ექიმი ნინო კობახიძე, მძღოლი როსტომ გოცირიძე

რჩევები • 1713467907

მაგნიტური დღეები, ამინდის ცვლილება და დაავადებები: „არტერიული წნევის მერყეობაა, ქსოვილებში ანთება, იმატებს ტკივილი და რესპირატორული დაავადებებიც"

თერაპევტი, რეანიმატოლოგი, პროფესორი მარიკა თოიძე გადაცემაში"პირადი ექიმი" ახალი კვლევის შედეგებზე საუბრობს და აღნიშნავს, რეალურადაა თუ არა კავშირში ამინდისა და სეზონების ცვალებადობა წნევის მერყეობასთან, სახსრების ტკივილთან და ჯანმრთელობის ზოგად მდგომარეობასთან:- ექიმებმა სულ ახლახან გააცნობიერეს, რომ ეს უბრალოდ პაციენტის შეგრძნებები კი არა, რეალური დიაგნოზია. მახსოვს, ადრე ე.წ. მაგნიტურ დღეებზე საუბრობდნენ და ზოგიერთი ადამიანი ამბობდა, რომ სწორედ ამ დღეებზე რეაგირებდა და ცოტა ღიმილისმომგვრელიც იყო ხოლმე. ეს დამოკიდებულება იმიტომ იყო, რომ მეცნიერული საფუძველი, მტკიცებულებები არ არსებობდა. ექიმები კი ყოველთვის მტკიცებულებებს ვეყრდნობით და მხოლოდ ამის შემდეგ განვიხილავთ ამა თუ იმ საკითხს. არადა პაციენტი ამბობს, რომ წნევა აქვს არასტაბილური, სახსრები უფრო მეტად სტკივა იმიტომ, რომ მაგნიტური დღეა... ექიმებმა ამ ფაქტებს ყურადღება მიაქციეს იმიტომ, რომ როგორ შეიძლება, ამდენი ადამიანი "იგონებდეს" და უბრალოდ წუწუნებდეს... გარკვეული კვლევები უკვე გაჩნდა. უახლესი კვლევებია, 20-24-კაციან ჯგუფში ჩატარებულიცაა და 16 ათას ადამიანშიც, რომელიც იაპონიაში ჩატარდა. ალბათ, იაპონელებმა იმიტომ მიაქციეს ყურადღება, რომ იქ ამინდი, ჰაერის ტენიანობა ლაბილურია და ეს საკითხი უფრო აქტუალური იყო. შესაბამისად, კვლევას უფრო მეტი დრო და ენერგია დაუთმეს. ჩნდება გარკვეული მონაცემები, მტკიცებულებები, რომ ამინდის ცვალებადობასთან ერთად, ადამიანის ფიზიოლოგია რეალურად იცვლება. ორგანიზმში გარკვეული ძვრები მიმდინარეობს და შესაბამისად, როდესაც პაციენტები გარკვეულ სიმპტომებს ამინდს უკავშირებენ, ამას ფიზიოლოგიური საფუძველი აქვს. აღმოჩნდა, რომ ეს ფიზიოლოგიური საფუძველი თავის ტვინის მიერ გარკვეული ნეიროტრანსმიტერების გამომუშავების მომატება, ადრენოკორტიკოტროპული ჰორმონის მატება და სხვადასხვა სუბსტანციაა, რომლებიც ამ დროს მერყეობს. ასევე, გამოვლინდა გარკვეული სამიზნე პოპულაცია, სადაც აღნიშნული სიმპტომები უფრო ხშირად გვხვდება. ესენია მენოპაუზაში მყოფი ქალბატონები. თუმცა, პრობლემა მეტ-ნაკლებად ყველა ჯგუფში გვხვდება.

მეცნიერება • 1713382118

ექიმებმა "ჩუმი" კიბოს მოულოდნელი სიმპტომი დაასახელეს

მუცლის მუდმივი შებერილობა, შესაძლოა, საკვერცხის კიბოს გამაფრთხილებელი სიმპტომი იყოს. ამის შესახებ ბრიტანული გაზეთი Daily Express კვლევით ცენტრზე Moffitt Cancer დაყრდობით წერს."მუცლის შებერილობის დროს, პაციენტის მუცელი შებერილი, მრგვალი და, შესაძლოა, მაგარიც კი იყოს. ხშირად ამას არასწორი დიეტას, საჭმლის მონელების პრობლემებს, ან სტრესს უკავშირებენ. თუმცა შესაძლოა, ეს სერიოზულ დაავადების მანიშნებელი იყოს", - განმარტეს ექსპერტებმა.ამასთან, მედიკოსების თქმით, დროდადრო მუცლის შებერილობა ბევრს აწუხებს და ექიმთან მისვლა მხოლოდ იმ შემთხვევაშია აუცილებელი, როდესაც სიმპტომი 3 კვირის განმავლობაში არ გადის.ექიმებმა აღნიშნეს, რომ საკვერცხის კიბოს ხშირად "ჩუმ დაავადებას" უწოდებენ, რადგან პაციენტებმა ხშირად არც კი იციან გამაფრთხილებელი ნიშნების საშიშროების შესახებ, რომელსაც ისინი გვიან ეტაპამდე ვერც კი ამჩნევენ. ამ ტიპის კიბოს სხვა სიმპტომებს შორის არის წონის აუხსნელი დაკლება, უკიდურესი დაღლილობა და შარდვის პრობლემები.

მსოფლიო • 1713288748

VIDEO: „მაქციის სინდრომით“ დაბადებული - ბავშვის დედა ამბობს, რომ ორსულობისას კატის ხორცი ჭამა

ფილიპინელ ბიჭისთვის, რომელიც "მაქციას სინდრომით" დაიბადა, ფულს აგროვებენ. ბავშვს ლაზერული ეპილაცია უნდა გაუკეთონ, რათა მოიცილონ ზედმეტი თმა სახიდან და ტანიდან. სტატიას The Daily Mail-ი აქვეყნებს.დედა შვილის ასეთი უჩვეულო პათოლოგიის მიზეზს მისტიციზმით ხსნის. ფილიპინელ ქალს ეგონა, რომ ის დაწყევლეს ორსულობის დროს გარეული კატის ხორცის ჭამისთვის.მრავალშვილიანი დედა იხსენებს, რომ უმცროს ვაჟზე, ჯარენზე ორსულობის დროს, ძალიან იზიდავდა ეგზოტიკური კერძები. ფილიპინების შორეულ მთის სოფლებში ხშირად ჭამენ გარეულ კატებს, ამიტომ ალმამ გადაწყვიტა მეგობრების მოსანახულებლად ჩასულიყო და ეგზოტიკური კერძი დაეგემოვნებინა.„იქ სპეციალურად მომიმზადეს შემწვარი შავი კატა - და მეც ვჭამე. მართალია, მოგვიანებით, მშობიარობის შემდეგ, ვინანე. მივხვდი, რომ საშინელი საქციელი ჩავიდინე, რისთვისაც წყევლით დავისაჯე...“ - ამბობს მედიასთან ალმა.საბედნიეროდ, ექიმებმა შეძლეს დაერწმუნებინათ, რომ ცრურწმენა არაფერ შუაშია.

შემთხვევა • 1713210925

პარლამენტთან მიმდინარე აქციაზე პოლიციელს ფიზიკური დაზიანება მიაყენეს

პარლამენტთან, სადაც "გამჭვირვალობის შესახებ" კანონპროექტს აპროტესტებენ, პოლიციელს ფიზიკური დაზიანება მიაყენეს.დაშავებულ სამართალდამცველს დახმარება სასწრაფო დახმარების ექიმებმა აღმოუჩინეს.მანამდე საპატრულო პოლიციის დეპარტამენტის უფროსმა, ვაჟა სირაძემ განაცხადა, რომ პარლამენტთან დააკავეს რამდენიმე ადამიანი, რომლებიც პოლიციას შეურაცხყოფას აყენებდნენ და საზოგადოებრივ წესრიგს არღვევდნენ.

ჯანდაცვა • 1713126089

2 წლის ბავშვი პარაცეტამოლის ჭარბი დოზის გამო გარდაიცვალა (რუსეთი)

2 წლის გოგონა, რომელიც რესპირატორულ ვირუსულ დაავადებას ებრძოდა, შინ მკურნალობის დროს გარდაიცვალა. როგორც აღმოჩნდა, მშობლები მას ორი დღის განმავლობაში პარაცეტამოლის ჭარბ დოზას აძლევდნენ, რამაც ღვიძლი დაუზიანა. ამის შესახებ ინფორმაცია ბურიატიის რეგიონალური ჯანდაცვის სამინისტროს პრესსამსახურმა დაადასტურა.„ექიმებმა ყველაფერი გააკეთეს, რაც შეეძლოთ. მაგრამ ბავშვი ღვიძლის დაზიანებით გარდაიცვალა, სხეულმა გართულებებს ვერ გაუძლო“, - ნათქვამია უწყების ანგარიშში.ექიმები ბავშვისთვის ღვიძლის გადანერგვას გეგმავდნენ, მაგრამ ოპერაცია სხეულმა ვერ გადაიტანა. ზაკამენსკის ცენტრალური რაიონული საავადმყოფოს პრესსამსახურმა 20 მარტს გაავრცელა ინფორმაცია, რომ ორი წლის ბავშვი პარაცეტამოლით მოიწამლა. ის "უკიდურესად მძიმე მდგომარეობაში" 17-18 მარტის ღამეს სასწრაფო დახმარების სპეციალური რეისით საავადმყოფოში გადაიყვანეს.„გამოკვლევამღვიძლის ფუნქციის ტესტებში კრიტიკული ცვლილებები გამოავლინა. ღვიძლი მთლიანად განადგურდა ჩვენს თვალწინ“, - განმარტეს სამედიცინო დაწესებულებაში.მიზეზი პარაცეტამოლის ჭარბი დოზა იყო. ვირუსით დაავადებული ბავშვი მიიღო თითო კილოგრამ წონაზე 200 მგ პრეპარატს ორი დღის განმავლობაში იღებდა, რაც რამდენჯერმე აღემატება ბავშვებისთვის დასაშვებ მაქსიმალურ დოზას.

შემთხვევა • 1713121886

„რომას“ მცველს მატჩის დროს გულის შეტევა დაემართა - მოულოდნელი ინციდენტი სტადიონზე

სერია A-ს 32-ე ტურში "უდინეზესა" და "რომას" მატჩის 72-ე წუთზე "ჯალოროსის" მცველმა ევან ნდიკამ ხელი მკერდზე მოიკიდა და გაზონზე დაწვა."რომას" ექიმებმა მაშინვე სამედიცინო ჯგუფს უხმეს და კოტ-დივუარელი ფეხბურთელი საკაცით გაიყვანეს.ნახეთ ვიდეო აქ

მეცნიერება • 1712929860

როგორი ანატომია აქვთ სიამის ტყუპ დებს, რომელთაგანაც ერთი დაქორწინდა

34 წლის ებიგეილ და ბრიტანი ჰენსელები სიამის ტყუპები არიან, რომელთაც ერთი ტანი, მაგრამ ორი თავი აქვთ. მათ ხშირად "სამედიცინო სასწაულადაც" მოიხსენიებენ, რადგან ასეთი ჩვილები, როგორც წესი, დიდხანს ვერ ცოცხლობენ ან დაბადებამდე იხოცებიან.სიამის ტყუპების დაბადების შემთხვევა ყოველ 200 000-ში ერთია. მათი 40-60% მუცლადყოფნის პერიოდშივე კვდება, ხოლო 1 დღე მხოლოდ 35% ცოცხლობს. საინტერესოა, რომ გადარჩენილი ტყუპების დაახლოებით 70% სწორედ მდედრობით სქესს მიეკუთვნებიან.როგორია დების ანატომიაროგორც უკვე ვახსენეთ, დებს ერთი ტანი აქვთ, თავი და კისერი კი ორი. დაბადებისას მათ მხრის მიმდებარედ დამატებითი ხელი ჰქონდათ, რომელიც მოკვეთეს. ებიგეილის თავი მარჯვნივ დაახლოებით 5 გრადუსითაა გადახრილი, ხოლო ბრიტანის - 15 გრადუსით მარცხნივ. მისი სიმაღლე 1 მეტრი და 47 სანტიმეტრია, როცა ებიგეილის სიმაღლე 1 მეტრი და 57 სანტიმეტრია. მის მხარეს არსებული ფეხი მეორეზე დაახლოებით 5 სანტიმეტრით უფრო გრძელია.მათი გულ-მკერდი ჩვეულებრივზე განიერია, ნაწილობრივ იმიტომ, რომ 2012 წელს სუნთქვის პრობლემების რისკის შესამცირებლად ოპერაცია ჩაუტარდათ. ექიმებმა მათ სკოლიოზზე უმკურნალეს და გულ-მკერდის ღრუ გაუფართოვეს.ტყუპებს სხეულის ზედა ნაწილში თავთავიანთი ორგანოები აქვთ. მათი ანატომია ასეთია: 2 თავი; 2 ხერხემალი, რომლებიც ერთმანეთს კუდუსუნთან ერწყმის; 2 ზურგის ტვინი; 2 ხელი; 1 ფართო გულ-მკერდის ღრუ შერწყმული მკერდის ძვლით; 2 ძუძუ; 2 გული და სისხლის მიმოქცევის საერთო სისტემა; 4 ფილტვი, რომლებიდანაც შუა ორი ნაწილობრივ შერწყმულია; 1 დიაფრაგმა; 2 კუჭი; 2 ნაღვლის ბუშტი; 1 ღვიძლი; 1 წვრილი ნაწლავი (Y-ის ფორმის); 1 მსხვილი ნაწლავი; 1 სწორი ნაწლავი; 1 ანუსი; 3 თირკმელი (2 მარცხნივ, 1 მარჯვნივ); 1 შარდის ბუშტი; 1 შარდსაწვეთი; 1 რეპროდუქციული სისტემა (საკვერცხეების 1 წყვილი); გავის ძვლის 2 ცალკეული ნახევარი; 1 ფართო მენჯი; 1 ვაგინა; 2 ფეხი. ეს ჩამონათვალი ცხადყოფს, რომ სხეულის ზოგიერთ ნაწილში ებიგეილისა და ბრიტანის ორგანოები ინდივიდუალურად ფუნქციონირებს. რაც ყველაზე მთავარია, მათ 2 ტვინი აქვთ, დამოუკიდებლად აზროვნებენ და, როგორც თავად ამბობენ, ხასიათითა თუ თვისებებით ერთმანეთისგან საკმაოდ განსხვავდებიან.

მსოფლიო • 1712866032

ფილერი ორგანიზმში გაქვავდა, რის გამოც ექიმებს ქალის საჯდომის კუნთის მოკვეთა მოუწიათ - საბედისწერო პლასტიკური ოპერაცია

მექსიკელი ქალის, იერედ ლიკონას სრულყოფილი სხეულის მიღების ოცნება საბედისწერო აღმოჩნდა. ახლა ის პაციენტია, რომელსაც ექიმებმა საჯდომის კუნთი მოკვეთეს. მიზეზი კი, შემავსებელი ფილერი ორგანიზმში გაქვავება გახდა.როგორც გაირკვა, ქალს არალეგალური შემავსებელი გაუკეთეს. მოგვიანებით მედიკოსებმა აღმოაჩინეს, რომ ფილერმა გაჟონა და მისი ქსოვილი დაინფიცირდა.„მე ექიმს ვენდობიდი, მათ კი გაუფრთხილებლად პოლიმერები გამიკეთეს. საშინელი რეაქცია გამოიწვია. ოპერაციას აღარასდროს გავიკეთებ... საშინელი ტკივილი დამეწყო. სარკეში ვუყურებდი ჩემს თავს და ვერ გამეგო რა ხდებოდა, ნამდვილი კოშმარი იყო. როგორც ამიხსნეს, ამ მდგომარეობას ASIA სინდრომი ჰქვია, ეს ანთებითი პროცესია, რომელსაც ორგანიზმში შემავსებლის შეყვანა იწვევს“,- განაცხადა იერიდმა.