ყავის რეგულარული მოხმარება შესაძლოა ძილის ხანგრძლივობას ამცირებდეს - კვლევა

ციურიხის უნივერსიტეტის ახალი კვლევის მიხედვით, ყავის რეგულარული მოხმარება შესაძლოა ძილის ხანგრძლივობას ოდნავ ამცირებდეს, თუმცა ამავე დროს ძილს უფრო ღრმასა და ეფექტურს ხდის.

კვლევა, ჟურნალში Journal of Psychopharmacology გამოქვეყნდა. იგი აჩვენებს, რომ ტვინს შეუძლია ძილის მცირე დანაკარგის კომპენსირება ღრმა ძილის ფაზების გაძლიერებით.

მეცნიერებმა გამოიყენეს ორი დიდი მონაცემთა ბაზა - UK Biobank (485,000 ადამიანი) და Swiss HypnoLaus (1,702 მონაწილის ღამის ძილის დეტალური ჩანაწერები). მონაწილეები დაყვეს ზომიერი (დღეში 3 ფინჯანამდე) და მაღალი (4 ან მეტი ფინჯანი) კოფეინის მოხმარების ჯგუფებად.

შედეგების მიხედვით, მათ, ვინც ოთხ ან მეტ ფინჯან ყავას იღებდა, 11–13 წუთით ნაკლები ეძინათ. თუმცა ელექტროენცეფალოგრამის მონაცემებმა აჩვენა ღრმა ძილისთვის დამახასიათებელი ნელი ტალღების ზრდა, რაც ძილის უკეთ აღდგენით ფუნქციაზე მიუთითებს.

მკვლევართა დასკვნით, ზომიერი კოფეინის მოხმარება შესაძლოა ძილის ხარისხზე ნაკლებად საზიანო იყოს, ვიდრე აქამდე მიიჩნეოდა, თუმცა ინდივიდუალური განსხვავებები მაინც მნიშვნელოვანია.