მეჯვრისხევიდან ოკუპანტების მიერ გატაცებული სამი პირიდან ერთი არასრულწლოვანია

რუსი ოკუპანტების მიერ მეჯვრისხევიდან გატაცებული საქართველოს სამი მოქალაქიდან ერთ-ერთი არასრულწლოვანია.

როგორც ადგილობრივები ,,კურიერთან" ამბობენ, უკანონო დაკავებამდე მათ რუსების მხრიდან გასროლის ხმაც გაიგეს, სხვა დეტალების შესახებ კი ვერ საუბრობენ.

საქართველოს სამი მოქალაქის უკანონო დაკავების შესახებ განცხადება დღეს სუს-მაც გაავრცელა.

უწყება აღნიშნავს, რომ საქართველოს ცენტრალური ხელისუფლების მიერ ამოქმედებულია მის ხელთ არსებული ყველა მექანიზმი მათ უმოკლეს ვადებში გასათავისუფლებლად.