1714495345
იტალიაში ქართველი ემიგრანტი გარდაიცვალა. სამწუხარო ინფორმაციას შოთო სიხარულიძე ავრცელებს.
„გარდაიცვალა ქართველი ემიგრანტი, ახალგაზრდა, სიცოცხლით სავსე ნებული მელქაძე უკეთილშობილესი ქალბატონი, იტალიაში (ფლორენციაში) მისი სიცოცხლისთვის ბრძოლა დასრულდა, დასრულდა უცხო მიწაზე... შენ ჩვენს გულებში სამუდამო ტკივილად დარჩები, მოგონებად გადაქცეული. ვინც გიცნობდა, ყველას ემახსოვრები ისეთი, როგორიც იყავი უწინ ლაღი, სიცოცხლის მოყვარული, თბილი გულკეთილი, შეუდარებელი და საამაყო, ემახსოვრებათ შენი სათნო, ლამაზი ღიმილი და გულის სითბო. მსუბუქი იყოს შენს გულზე დაყრილი მონატრებული საქართველოს მიწა.
„შოთო სიხარულიძე ქართველი ემიგრანტები“ ღრმა მწუხარებას გამოთქვამს, თანაუგრძნობს და სამძიმარს უცხადებს გარდაცვლილის ოჯახსა და ახლობლებს, ღმერთმა ნათელში ამყოფოს მისი ლამაზი სული.
უფალო აკმარე საქართველოს ამდენი ემიგრანტის უბედურება… მარადიული ხსოვნა ყველა გარდაცვლილს ქართველ ემიგრანტს… საქართველოს ენით აღუწერელი ტკივილი ემიგრანტები არიან…
„ახლაც ის დროა, როცა ქართველი, გულით ნატრობდა სად მომკვდარიყო ქართული მიწის ეგრძნო სურნელი… ბალახი მაინც რომ გამხდარიყო“, - წერს შოთო სიხარულიძე.
ასევე ნახეთ:
„მიცვალებულებს საფლავებიდან რომ იღებდნენ, მათ სულებს ცოცხლად ვხედავდი...“ - მარკუს მეტრეველი
თბილისში, დასუფთავების სამსახურის თანამშრომელს ავტომობილი დაეჯახა
