გიორგი ღოღობერიძე თრომბის პირველ შესაძლო ნიშნებს ასახელებს - „ხშირად, თრომბს არანაირი ნიშანი არ აქვს...“

ონკოლოგი გიორგი ღოღობერიძე „დილა მშვიდობისა საქართველოს“ ეთერში თრომბის პირველ შესაძლო ნიშნებს ასახელებს.

„ხშირად, თრომბს არანაირი ნიშანი არ აქვს. პაციენტების უმრავლესობას, როცა თრომბი აქვს, ჩვეულებრივი პაციენტები არიან, მანამ სანამ რაღაც გართულება არ მოჰყვება. მაგრამ ნაწილს შეიძლება ფეხის შეშუპება ჰქონდეს. ერთი ფეხი შუპდება ხოლმე, გამოკვეთილად, თან ახლავს ძალიან დიდი ტკივილი და ფერი იცვლება - უფრო მუქდება, უფრო წითლდება, უფრო მოლურჯდება... ეს არის ნიშანი, რომ იქ შეიძლება იყოს ღრმა ვენების თრომბოზი“, - ამბობს ექიმი.