ჩხორია-ლიის გზაზე ავარიისას დაშავებული ქალი კლინიკაში გარდაიცვალა - ცხედარს ოკუპირებულ აფხაზეთში გადაასვენებენ

ჩხორია-ლიის საავტომობილო გზაზე მომხდარი ავარიის შედეგად დაშავებული ერთი პირი ზუგდიდის ერთ-ერთ კლინიკაში წუხელ გარდაიცვალა.

არსებული ინფორმაციით, მსუბუქ ავტომობილში, სავარაუდოდ, ოჯახის წევრები ისხდნენ. დაშავდა 4 პირი.

რა გახდა უმძიმესი ავტოსაგზაო შემთხვევის მიზეზი, გამოძიება დაადგენს.

ავარიის შედეგად გარდაცვლილი 35 წლის ქალია, რომლის ცხედარს რამდენიმე საათში ოკუპირებულ აფხაზეთში გადაასვენებენ.

არსებული ინფორმაციით, დაკავებულია ერთი პირი.

შსს-მ გამოძიება დაიწყო სსკ-ის 276-ე მუხლით.

უბედური შემთხვევა 2 დღის წინ მოხდა.