შსს-ს ცნობით, გასულ ღამეს, აქციაზე ჯანმრთელობის დაზიანება 21-მა სამართალდამცველმა მიიღო, ბოლო დღეების განმავლობაში, ჯამში 113 პოლიციელი დაშავდა, მათგან ოთხი სამედიცინო დაწესებულებაში რჩება

საქართველოს შინაგან საქმეთა სამინისტროს ინფორმაციით, აქციის მონაწილეების მხრიდან განხორციელებული კანონსაწინააღმდეგო და ძალადობრივი ქმედებების შედეგად, გასულ ღამეს ჯანმრთელობის დაზიანება მიიღო შინაგან საქმეთა სამინისტროს 21-მა თანამშრომელმა. ამის შესახებ შსს განცხადებას ავრცელებს.

როგორც შსს-ს განცხადებაშია აღნიშნული, ​დაშავებულთა ნაწილს აღენიშნება მძიმე ხარისხის დაზიანებები თავის, სახისა და სხეულის სხვადასხვა მიდამოში.

ამასთან, უწყების ცნობით, ბოლო პერიოდში მიმდინარე აქციების განმავლობაში ჯანმრთელობის დაზიანება ჯამში შინაგან საქმეთა სამინისტროს 113-მა თანამშრომელმა მიიღო, მათგან ოთხი ამ დრომდე სამედიცინო დაწესებულებაში რჩება.