გორში, მამამ შვილი ნაჯახით მოკლა

გორის მუნიციპალიტეტში, 39 წლის კაცი საკუთარ სახლში გარდაცვლილი ნახეს. მას მამამ, ნაჯახით, სასიკვდილო ჭრილობები მიაყენა.

როგორც „პრაიმტაიმს“ შინაგან საქმეთა სამინისტროში განუცხადეს, მომხდარზე გამოძიება 108-ე მუხლით მიმდინარეობს, რაც განზრახ მკვლელობას გულისხმობს.

„პრაიმტაიმის“ ინფორმაციით, ეჭვმიტანილი დაკავებულია და ის დანაშაულს აღიარებს. დაკავებულს 10-დან 15 წლამდე პატიმრობა ემუქრება.